śrīrāmo rāmabhadraśca rāmacandraśca śāśvataḥ |
rājīvalocanaḥ śrīmānrājendro raghupuṅgavaḥ || 1 ||
jānakīvallabho jaitro jitāmitro janārdanaḥ |
viśvāmitrapriyo dāntaḥ śaraṇatrāṇatatparaḥ || 2 ||
vālipramathano vāgmī satyavāksatyavikramaḥ |
satyavrato vratadharaḥ sadāhanumadāśritaḥ || 3 ||
kausaleyaḥ kharadhvaṃsī virādhavadhapaṇḍitaḥ |
vibhīṣaṇaparitrātā harakodaṇḍakhaṇḍanaḥ || 4 ||
saptatālaprabhettā ca daśagrīvaśiroharaḥ |
jāmadagnyamahādarpadalanastāṭakāntakaḥ || 5 ||
vedāntasāro vedātmā bhavarogasya bheṣajam |
dūṣaṇatriśirohantā trimūrtistriguṇātmakaḥ || 6 ||
trivikramastrilokātmā puṇyacāritrakīrtanaḥ |
trilokarakṣako dhanvī daṇḍakāraṇyakartanaḥ || 7 ||
ahalyāśāpaśamanaḥ pitṛbhakto varapradaḥ |
jitendriyo jitakrodho jitāmitro jagadguruḥ || 8 ||
ṛkṣavānarasaṅghātī citrakūṭasamāśrayaḥ |
jayantatrāṇavaradaḥ sumitrāputrasevitaḥ || 9 ||
sarvadevādidevaśca mṛtavānarajīvanaḥ |
māyāmārīcahantā ca mahādevo mahābhujaḥ || 10 ||
sarvadevastutaḥ saumyo brahmaṇyo munisaṃstutaḥ |
mahāyogī mahodāraḥ sugrīvepsitarājyadaḥ || 11 ||
sarvapuṇyādhikaphalaḥ smṛtasarvāghanāśanaḥ |
ādipuruṣaḥ paramapuruṣo mahāpūruṣa eva ca || 12 ||
puṇyodayo dayāsāraḥ purāṇapuruṣottamaḥ |
smitavaktro mitābhāṣī pūrvabhāṣī ca rāghavaḥ || 13 ||
anantaguṇagambhīro dhīrodāttaguṇottamaḥ |
māyāmānuṣacāritro mahādevādipūjitaḥ || 14 ||
setukṛjjitavārāśiḥ sarvatīrthamayo hariḥ |
śyāmāṅgaḥ sundaraḥ śūraḥ pītavāsā dhanurdharaḥ || 15 ||
sarvayajñādhipo yajvā jarāmaraṇavarjitaḥ |
śivaliṅgapratiṣṭhātā sarvāvaguṇavarjitaḥ || 16 ||
paramātmā paraṃ brahma saccidānandavigrahaḥ |
parañjyotiḥ parandhāma parākāśaḥ parātparaḥ || 17 ||
pareśaḥ pāragaḥ pāraḥ sarvadevātmakaḥ paraḥ ||
evaṃ śrīrāmacandrasya nāmnāmaṣṭottaraṃ śatam
iti śrī rāmāṣṭottara śatanāmastotraṃ sampūrṇam