atha pañcamastotram
vāsudevāparimeyasudhāman śuddhasadodita sundarīkānta |
dharādharadhāraṇa vedhuradhartaḥ saudhṛtidīdhitivedhṛvidhātaḥ || 1||
adhikabandhaṃ randhaya bodhā cchindhipidhānaṃ bandhuramaddhā |
keśava keśava śāsaka vande pāśadharārcita śūrapareśa (śūravareśa) || 2||
nārāyaṇāmalatāraṇa (kāraṇa) vande kāraṇakāraṇa pūrṇa vareṇya |
mādhava mādhava sādhaka vande bādhaka bodhaka śuddha samādhe || 3||
govinda govinda purandara vande skanda sanandana vandita pāda |
viṣṇu sṛjiṣṇu grasiṣṇu vivande kṛṣṇa saduṣṇa vadhiṣṇa sudhṛṣṇo || 4||
viṣṇo sṛjiṣṇo grasiṣṇo vivande kṛṣṇa saduṣṇavadhiṣṇo sudhṛṣṇo
madhusūdana dānavasādana vande daivatamodana (daivatamodita) vedita pāda |
trivikrama niṣkrama vikrama vande sukrama saṅkramahuṅkṛtavaktra || 5|| (saṅkrama sukrama huṅkṛtavaktra)
vāmana vāmana bhāmana vande sāmana sīmana sāmana sāno |
śrīdhara śrīdhara śandhara vande bhūdhara vārdhara kandharadhārin || 6||
hṛṣīkeśa sukeśa pareśa vivande śaraṇeśa kaleśa baleśa sukheśa |
padmanābha śubhodbhava vande sambhṛtalokabharābhara bhūre |
dāmodara dūratarāntara vande dāritapāraka pāra (dāritapāragapāra) parasmāt || 7||
ānandasutīrtha munīndrakṛtā harigītiriyaṃ paramādarataḥ |
paralokavilokana sūryanibhā haribhakti vivardhana śauṇḍatamā || 8||
iti śrīmadānandatīrthabhagavatpādācārya viracitaṃ
dvādaśastotreṣu pañcamastotraṃ sampūrṇam