Shri Lakshmi Sahasranama Stotram

ॐ

ශ්රී ලක්ෂ්මී සහස්රනාම ස්තෝත්රං

Lakshmi Stotram Sinhala

නාම්නාං සාෂ්ටසහස්රඤ්ච බ්රූහි ගාර්ග්ය මහාමතේ .

මහාලක්ෂ්ම්යා මහාදේව්යා භුක්තිමුක්ත්යර්ථසිද්ධයේ .. 1 ..

ගාර්ග්ය උවාච

සනත්කුමාරමාසීනං ද්වාදශාදිත්යසන්නිභම් .

අපෘච්ඡන්යෝගිනෝ භක්ත්යා යෝගිනාමර්ථසිද්ධයේ .. 2 ..

සර්වලෞකිකකර්මභ්යෝ විමුක්තානාං හිතාය වෛ .

භුක්තිමුක්තිප්රදං ජප්යමනුබ්රූහි දයානිධේ .. 3 ..

සනත්කුමාර භගවන්සර්වජ්ඤෝ(අ)සි විශේෂතඃ .

ආස්තික්යසිද්ධයේ නෲණාං ක්ෂිප්රධර්මාර්ථසාධනම් .. 4 ..

ඛිද්යන්ති මානවාස්සර්වේ ධනාභාවේන කේවලම් .

සිද්ධ්යන්ති ධනිනෝ(අ)න්යස්ය නෛව ධර්මාර්ථකාමනාඃ .. 5 ..

දාරිද්ර්යධ්වංසිනී නාම කේන විද්යා ප්රකීර්තිතා .

කේන වා බ්රහ්මවිද්යා(අ)පි කේන මෘත්යුවිනාශිනී .. 6 ..

සර්වාසාං සාරභූතෛකා විද්යානාං කේන කීර්තිතා .

ප්රත්යක්ෂසිද්ධිදා බ්රහ්මන් තාමාචක්ෂ්ව දයානිධේ .. 7 ..

සනත්කුමාර උවාච

සාධු පෘෂ්ටං මහාභාගාස්සර්වලෝකහිතෛෂිණඃ .

මහතාමේෂ ධර්මශ්ච නාන්යේෂාමිති මේ මතිඃ .. 8 ..

බ්රහ්මවිෂ්ණුමහාදේවමහේන්ද්රාදිමහාත්මභිඃ .

සම්ප්රෝක්තං කථයාම්යද්ය ලක්ෂ්මීනාමසහස්රකම් .. 9 ..

යස්යෝච්චාරණමාත්රේණ දාරිද්ර්යාන්මුච්යතේ නරඃ .

කිං පුනස්තජ්ජපාජ්ජාපී සර්වේෂ්ටාර්ථානවාප්නුයාත් .. 10 ..

අස්ය ශ්රීලක්ෂ්මීදිව්යසහස්රනාමස්තෝත්රමහාමන්ත්රස්ය ආනන්දකර්දමචික්ලීතේන්දිරාසුතාදයෝ මහාත්මානෝ මහර්ෂයඃ අනුෂ්ටුප්ඡන්දඃ විෂ්ණුමායා ශක්තිඃ මහාලක්ෂ්මීඃ පරාදේවතා ශ්රීමහාලක්ෂ්මීප්රසාදද්වාරා සර්වේෂ්ටාර්ථසිද්ධ්යර්ථේ ජපේ විනියෝගඃ .

ධ්යානම්

පද්මනාභප්රියාං දේවීං පද්මාක්ෂීං පද්මවාසිනීම් .

පද්මවක්ත්රාං පද්මහස්තාං වන්දේ පද්මාමහර්නිශම් .. 1 ..

පූර්ණේන්දුවදනාං දිව්යරත්නාභරණභූෂිතාම් .

වරදාභයහස්තාඪ්යාං ධ්යායේච්චන්ද්රසහෝදරීම් .. 2 ..

ඉච්ඡාරූපාං භගවතස්සච්චිදානන්දරූපිණීම් .

සර්වජ්ඤාං සර්වජනනීං විෂ්ණුවක්ෂස්ස්ථලාලයාම් .

දයාලුමනිශං ධ්යායේත්සුඛසිද්ධිස්වරූපිණීම් .. 3 ..

ස්තෝත්රම්

නිත්යාගතානන්තනිත්යා නන්දිනී ජනරඤ්ජනී .

නිත්යප්රකාශිනී චෛව ස්වප්රකාශස්වරූපිණී .. 1 ..

මහාලක්ෂ්මීර්මහාකාලී මහාකන්යා සරස්වතී .

භෝගවෛභවසන්ධාත්රී භක්තානුග්රහකාරිණී .. 2 ..

ඊශාවාස්යා මහාමායා මහාදේවී මහේශ්වරී .

හෘල්ලේඛා පරමා ශක්තිර්මාතෘකාබීජරූපිණී .. 3 ..

නිත්යානන්දා නිත්යබෝධා නාදිනී ජනමෝදිනී .

සත්යප්රත්යයනී චෛව ස්වප්රකාශාත්මරූපිණී .. 4 ..

ත්රිපුරා භෛරවී විද්යා හංසා වාගීශ්වරී ශිවා .

වාග්දේවී ච මහාරාත්රිඃ කාලරාත්රිස්ත්රිලෝචනා .. 5 ..

භද්රකාලී කරාලී ච මහාකාලී තිලෝත්තමා .

කාලී කරාලවක්ත්රාන්තා කාමාක්ෂී කාමදා ශුභා .. 6 ..

චණ්ඩිකා චණ්ඩරූපේශා චාමුණ්ඩා චක්රධාරිණී .

ත්රෛලෝක්යජයිනී දේවී ත්රෛලෝක්යවිජයෝත්තමා .. 7 ..

සිද්ධලක්ෂ්මීඃ ක්රියාලක්ෂ්මීර්මෝක්ෂලක්ෂ්මීඃ ප්රසාදිනී .

උමා භගවතී දුර්ගා චාන්ද්රී දාක්ෂායණී ශිවා .. 8 ..

ප්රත්යඞ්ගිරා ධරාවේලා ලෝකමාතා හරිප්රියා .

පාර්වතී පරමා දේවී බ්රහ්මවිද්යාප්රදායිනී .. 9 ..

අරූපා බහුරූපා ච විරූපා විශ්වරූපිණී .

පඤ්චභූතාත්මිකා වාණී පඤ්චභූතාත්මිකා පරා .. 10 ..

කාලී මා පඤ්චිකා වාග්මී හවිඃප්රත්යධිදේවතා .

දේවමාතා සුරේශානා දේවගර්භා(අ)ම්බිකා ධෘතිඃ .. 11 ..

සඞ්ඛ්යා ජාතිඃ ක්රියාශක්තිඃ ප්රකෘතිර්මෝහිනී මහී .

යජ්ඤවිද්යා මහාවිද්යා ගුහ්යවිද්යා විභාවරී .. 12 ..

ජ්යෝතිෂ්මතී මහාමාතා සර්වමන්ත්රඵලප්රදා .

දාරිද්ර්යධ්වංසිනී දේවී හෘදයග්රන්ථිභේදිනී .. 13 ..

සහස්රාදිත්යසඞ්කාශා චන්ද්රිකා චන්ද්රරූපිණී .

ගායත්රී සෝමසම්භූතිස්සාවිත්රී ප්රණවාත්මිකා .. 14 ..

ශාඞ්කරී වෛෂ්ණවී බ්රාහ්මී සර්වදේවනමස්කෘතා .

සේව්යදුර්ගා කුබේරාක්ෂී කරවීරනිවාසිනී .. 15 ..

ජයා ච විජයා චෛව ජයන්තී චා(අ)පරාජිතා .

කුබ්ජිකා කාලිකා ශාස්ත්රී වීණාපුස්තකධාරිණී .. 16 ..

සර්වජ්ඤශක්තිශ්ශ්රීශක්තිර්බ්රහ්මවිෂ්ණුශිවාත්මිකා .

ඉඩාපිඞ්ගලිකාමධ්යමෘණාලීතන්තුරූපිණී .. 17 ..

යජ්ඤේශානී ප්රථා දීක්ෂා දක්ෂිණා සර්වමෝහිනී .

අෂ්ටාඞ්ගයෝගිනී දේවී නිර්බීජධ්යානගෝචරා .. 18 ..

සර්වතීර්ථස්ථිතා ශුද්ධා සර්වපර්වතවාසිනී .

වේදශාස්ත්රප්රභා දේවී ෂඩඞ්ගාදිපදක්රමා .. 19 ..

ශිවා ධාත්රී ශුභානන්දා යජ්ඤකර්මස්වරූපිණී .

ව්රතිනී මේනකා දේවී බ්රහ්මාණී බ්රහ්මචාරිණී .. 20 ..

ඒකාක්ෂරපරා තාරා භවබන්ධවිනාශිනී .

විශ්වම්භරා ධරාධාරා නිරාධාරා(අ)ධිකස්වරා .. 21 ..

රාකා කුහූරමාවාස්යා පූර්ණිමා(අ)නුමතිර්ද්යුතිඃ .

සිනීවාලී ශිවා(අ)වශ්යා වෛශ්වදේවී පිශඞ්ගිලා .. 22 ..

පිප්පලා ච විශාලාක්ෂී රක්ෂෝඝ්නී වෘෂ්ටිකාරිණී .

දුෂ්ටවිද්රාවිණී දේවී සර්වෝපද්රවනාශිනී .. 23 ..

ශාරදා ශරසන්ධානා සර්වශස්ත්රස්වරූපිණී .

යුද්ධමධ්යස්ථිතා දේවී සර්වභූතප්රභඤ්ජනී .. 24 ..

අයුද්ධා යුද්ධරූපා ච ශාන්තා ශාන්තිස්වරූපිණී .

ගඞ්ගා සරස්වතීවේණීයමුනානර්මදාපගා .. 25 ..

සමුද්රවසනාවාසා බ්රහ්මාණ්ඩශ්රෝණිමේඛලා .

පඤ්චවක්ත්රා දශභුජා ශුද්ධස්ඵටිකසන්නිභා .. 26 ..

රක්තා කෘෂ්ණා සිතා පීතා සර්වවර්ණා නිරීශ්වරී .

කාලිකා චක්රිකා දේවී සත්යා තු වටුකාස්ථිතා .. 27 ..

තරුණී වාරුණී නාරී ජ්යේෂ්ඨාදේවී සුරේශ්වරී .

විශ්වම්භරාධරා කර්ත්රී ගලාර්ගලවිභඤ්ජනී .. 28 ..

සන්ධ්යාරාත්රිර්දිවාජ්යෝත්ස්නා කලාකාෂ්ඨා නිමේෂිකා .

උර්වී කාත්යායනී ශුභ්රා සංසාරාර්ණවතාරිණී .. 29 ..

කපිලා කීලිකා(අ)ශෝකා මල්ලිකානවමල්ලිකා . [ මල්ලිකානවමාලිකා ]

දේවිකා නන්දිකා ශාන්තා භඤ්ජිකා භයභඤ්ජිකා .. 30 ..

කෞශිකී වෛදිකී දේවී සෞරී රූපාධිකා(අ)තිභා .

දිග්වස්ත්රා නවවස්ත්රා ච කන්යකා කමලෝද්භවා .. 31 ..

ශ්රීස්සෞම්යලක්ෂණා(අ)තීතදුර්ගා සූත්රප්රබෝධිකා .

ශ්රද්ධා මේධා කෘතිඃ ප්රජ්ඤා ධාරණා කාන්තිරේව ච .. 32 ..

ශ්රුතිඃ ස්මෘතිර්ධෘතිර්ධන්යා භූතිරිෂ්ටිර්මනීෂිණී .

විරක්තිර්ව්යාපිනී මායා සර්වමායාප්රභඤ්ජනී .. 33 ..

මාහේන්ද්රී මන්ත්රිණී සිංහී චේන්ද්රජාලස්වරූපිණී .

අවස්ථාත්රයනිර්මුක්තා ගුණත්රයවිවර්ජිතා .. 34 ..

ඊෂණාත්රයනිර්මුක්තා සර්වරෝගවිවර්ජිතා .

යෝගිධ්යානාන්තගම්යා ච යෝගධ්යානපරායණා .. 35 ..

ත්රයීශිඛා විශේෂජ්ඤා වේදාන්තජ්ඤානරූපිණී .

භාරතී කමලා භාෂා පද්මා පද්මවතී කෘතිඃ .. 36 ..

ගෞතමී ගෝමතී ගෞරී ඊශානා හංසවාහිනී .

නාරායණී ප්රභාධාරා ජාහ්නවී ශඞ්කරාත්මජා .. 37 ..

චිත්රඝණ්ටා සුනන්දා ශ්රීර්මානවී මනුසම්භවා .

ස්තම්භිනී ක්ෂෝභිණී මාරී භ්රාමිණී ශත්රුමාරිණී .. 38 ..

මෝහිනී ද්වේෂිණී වීරා අඝෝරා රුද්රරූපිණී .

රුද්රෛකාදශිනී පුණ්යා කල්යාණී ලාභකාරිණී .. 39 ..

දේවදුර්ගා මහාදුර්ගා ස්වප්නදුර්ගා(අ)ෂ්ටභෛරවී .

සූර්යචන්ද්රාග්නිරූපා ච ග්රහනක්ෂත්රරූපිණී .. 40 ..

බින්දුනාදකලාතීතා බින්දුනාදකලාත්මිකා .

දශවායුජයාකාරා කලාෂෝඩශසංයුතා .. 41 ..

කාශ්යපී කමලාදේවී නාදචක්රනිවාසිනී .

මෘඩාධාරා ස්ථිරා ගුහ්යා දේවිකා චක්රරූපිණී .. 42 ..

අවිද්යා ශාර්වරී භුඤ්ජා ජම්භාසුරනිබර්හිණී .

ශ්රීකායා ශ්රීකලා ශුභ්රා කර්මනිර්මූලකාරිණී .. 43 ..

ආදිලක්ෂ්මීර්ගුණාධාරා පඤ්චබ්රහ්මාත්මිකා පරා .

ශ්රුතිර්බ්රහ්මමුඛාවාසා සර්වසම්පත්තිරූපිණී .. 44 ..

මෘතසඤ්ජීවනී මෛත්රී කාමිනී කාමවර්ජිතා .

නිර්වාණමාර්ගදා දේවී හංසිනී කාශිකා ක්ෂමා .. 45 ..

සපර්යා ගුණිනී භින්නා නිර්ගුණා ඛණ්ඩිතාශුභා .

ස්වාමිනී වේදිනී ශක්යා ශාම්බරී චක්රධාරිණී .. 46 ..

දණ්ඩිනී මුණ්ඩිනී ව්යාඝ්රී ශිඛිනී සෝමසංහතිඃ .

චින්තාමණිශ්චිදානන්දා පඤ්චබාණප්රබෝධිනී .. 47 ..

බාණශ්රේණිස්සහස්රාක්ෂී සහස්රභුජපාදුකා .

සන්ධ්යාවලිස්ත්රිසන්ධ්යාඛ්යා බ්රහ්මාණ්ඩමණිභූෂණා .. 48 ..

වාසවී වාරුණීසේනා කුලිකා මන්ත්රරඤ්ජනී .

ජිතප්රාණස්වරූපා ච කාන්තා කාම්යවරප්රදා .. 49 ..

මන්ත්රබ්රාහ්මණවිද්යාර්ථා නාදරූපා හවිෂ්මතී .

ආථර්වණිඃ ශ්රුතිඃ ශූන්යා කල්පනාවර්ජිතා සතී .. 50 ..

සත්තාජාතිඃ ප්රමා(අ)මේයා(අ)ප්රමිතිඃ ප්රාණදා ගතිඃ .

අවර්ණා පඤ්චවර්ණා ච සර්වදා භුවනේශ්වරී .. 51 ..

ත්රෛලෝක්යමෝහිනී විද්යා සර්වභර්ත්රී ක්ෂරා(අ)ක්ෂරා .

හිරණ්යවර්ණා හරිණී සර්වෝපද්රවනාශිනී .. 52 ..

කෛවල්යපදවීරේඛා සූර්යමණ්ඩලසංස්ථිතා .

සෝමමණ්ඩලමධ්යස්ථා වහ්නිමණ්ඩලසංස්ථිතා .. 53 ..

වායුමණ්ඩලමධ්යස්ථා ව්යෝමමණ්ඩලසංස්ථිතා .

චක්රිකා චක්රමධ්යස්ථා චක්රමාර්ගප්රවර්තිනී .. 54 ..

කෝකිලාකුලචක්රේශා පක්ෂතිඃ පඞ්ක්තිපාවනී .

සර්වසිද්ධාන්තමාර්ගස්ථා ෂඩ්වර්ණාවරවර්ජිතා .. 55 ..

ශරරුද්රහරා හන්ත්රී සර්වසංහාරකාරිණී .

පුරුෂා පෞරුෂී තුෂ්ටිස්සර්වතන්ත්රප්රසූතිකා .. 56 ..

අර්ධනාරීශ්වරී දේවී සර්වවිද්යාප්රදායිනී .

භාර්ගවී යාජුෂීවිද්යා සර්වෝපනිෂදාස්ථිතා .. 57 .. [ භුජුෂීවිද්යා ]

ව්යෝමකේශාඛිලප්රාණා පඤ්චකෝශවිලක්ෂණා .

පඤ්චකෝශාත්මිකා ප්රත්යක්පඤ්චබ්රහ්මාත්මිකා ශිවා .. 58 ..

ජගජ්ජරාජනිත්රී ච පඤ්චකර්මප්රසූතිකා .

වාග්දේව්යාභරණාකාරා සර්වකාම්යස්ථිතාස්ථිතිඃ .. 59 ..

අෂ්ටාදශචතුෂ්ෂෂ්ඨිපීඨිකා විද්යයා යුතා .

කාලිකාකර්ෂණශ්යාමා යක්ෂිණී කින්නරේශ්වරී .. 60 ..

කේතකී මල්ලිකා(අ)ශෝකා වාරාහී ධරණී ධ්රුවා .

නාරසිංහී මහෝග්රාස්යා භක්තානාමාර්තිනාශිනී .. 61 ..

අන්තර්බලා ස්ථිරා ලක්ෂ්මීර්ජරාමරණනාශිනී .

ශ්රීරඤ්ජිතා මහාකායා සෝමසූර්යාග්නිලෝචනා .. 62 ..

අදිතිර්දේවමාතා ච අෂ්ටපුත්රා(අ)ෂ්ටයෝගිනී .

අෂ්ටප්රකෘතිරෂ්ටාෂ්ටවිභ්රාජද්විකෘතාකෘතිඃ .. 63 ..

දුර්භික්ෂධ්වංසිනී දේවී සීතා සත්යා ච රුක්මිණී .

ඛ්යාතිජා භාර්ගවී දේවී දේවයෝනිස්තපස්විනී .. 64 ..

ශාකම්භරී මහාශෝණා ගරුඩෝපරිසංස්ථිතා .

සිංහගා ව්යාඝ්රගා දේවී වායුගා ච මහාද්රිගා .. 65 ..

අකාරාදික්ෂකාරාන්තා සර්වවිද්යාධිදේවතා .

මන්ත්රව්යාඛ්යානනිපුණා ජ්යෝතිශ්ශාස්ත්රෛකලෝචනා .. 66 ..

ඉඩාපිඞ්ගලිකාමධ්යාසුෂුම්නා ග්රන්ථිභේදිනී .

කාලචක්රාශ්රයෝපේතා කාලචක්රස්වරූපිණී .. 67 ..

වෛශාරදී මතිශ්ශ්රේෂ්ඨා වරිෂ්ඨා සර්වදීපිකා .

වෛනායකී වරාරෝහා ශ්රෝණිවේලා බහිර්වලිඃ .. 68 ..

ජම්භිනී ජෘම්භිණී ජම්භකාරිණී ගණකාරිකා .

ශරණී චක්රිකා(අ)නන්තා සර්වව්යාධිචිකිත්සකී .. 69 ..

දේවකී දේවසඞ්කාශා වාරිධිඃ කරුණාකරා .

ශර්වරී සර්වසම්පන්නා සර්වපාපප්රභඤ්ජනී .. 70 ..

ඒකමාත්රා ද්විමාත්රා ච ත්රිමාත්රා ච තථා(අ)පරා .

අර්ධමාත්රා පරා සූක්ෂ්මා සූක්ෂ්මාර්ථා(අ)ර්ථපරා(අ)පරා .. 71 ..

ඒකවීරා විශේෂාඛ්යා ෂෂ්ඨීදේවී මනස්විනී .

නෛෂ්කර්ම්යා නිෂ්කලාලෝකා ජ්ඤානකර්මාධිකා ගුණා .. 72 ..

සබන්ධ්වානන්දසන්දෝහා ව්යෝමාකාරා(අ)නිරූපිතා .

ගද්යපද්යාත්මිකා වාණී සර්වාලඞ්කාරසංයුතා .. 73 ..

සාධුබන්ධපදන්යාසා සර්වෞකෝ ඝටිකාවලිඃ .

ෂට්කර්මා කර්කශාකාරා සර්වකර්මවිවර්ජිතා .. 74 ..

ආදිත්යවර්ණා චාපර්ණා කාමිනී වරරූපිණී .

බ්රහ්මාණී බ්රහ්මසන්තානා වේදවාගීශ්වරී ශිවා .. 75 ..

පුරාණන්යායමීමාංසාධර්මශාස්ත්රාගමශ්රුතා .

සද්යෝවේදවතී සර්වා හංසී විද්යාධිදේවතා .. 76 ..

විශ්වේශ්වරී ජගද්ධාත්රී විශ්වනිර්මාණකාරිණී .

වෛදිකී වේදරූපා ච කාලිකා කාලරූපිණී .. 77 ..

නාරායණී මහාදේවී සර්වතත්ත්වප්රවර්තිනී .

හිරණ්යවර්ණරූපා ච හිරණ්යපදසම්භවා .. 78 ..

කෛවල්යපදවී පුණ්යා කෛවල්යජ්ඤානලක්ෂිතා .

බ්රහ්මසම්පත්තිරූපා ච බ්රහ්මසම්පත්තිකාරිණී .. 79 ..

වාරුණී වාරුණාරාධ්යා සර්වකර්මප්රවර්තිනී .

ඒකාක්ෂරපරා(අ)(අ)යුක්තා සර්වදාරිද්ර්යභඤ්ජිනී .. 80 ..

පාශාඞ්කුශාන්විතා දිව්යා වීණාව්යාඛ්යාක්ෂසූත්රභෘත් .

ඒකමූර්තිස්ත්රයීමූර්තිර්මධුකෛටභභඤ්ජිනී .. 81 ..

සාඞ්ඛ්යා සාඞ්ඛ්යවතී ජ්වාලා ජ්වලන්තී කාමරූපිණී .

ජාග්රතී සර්වසම්පත්තිස්සුෂුප්තා ස්වේෂ්ටදායිනී .. 82 ..

කපාලිනී මහාදංෂ්ට්රා භ්රුකුටී කුටිලානනා .

සර්වාවාසා සුවාසා ච බෘහත්යෂ්ටිශ්ච ශක්වරී .. 83 ..

ඡන්දෝගණප්රතිෂ්ඨා ච කල්මාෂී කරුණාත්මිකා .

චක්ෂුෂ්මතී මහාඝෝෂා ඛඩ්ගචර්මධරා(අ)ශනිඃ .. 84 ..

ශිල්පවෛචිත්ර්යවිද්යෝතා සර්වතෝභද්රවාසිනී .

අචින්ත්යලක්ෂණාකාරා සූත්රභාෂ්යනිබන්ධනා .. 85 ..

සර්වවේදාර්ථසම්පත්තිස්සර්වශාස්ත්රාර්ථමාතෘකා .

අකාරාදික්ෂකාරාන්තසර්වවර්ණකෘතස්ථලා .. 86 ..

සර්වලක්ෂ්මීස්සදානන්දා සාරවිද්යා සදාශිවා .

සර්වජ්ඤා සර්වශක්තිශ්ච ඛේචරීරූපගෝච්ඡ්රිතා .. 87 ..

අණිමාදිගුණෝපේතා පරා කාෂ්ඨා පරා ගතිඃ .

හංසයුක්තවිමානස්ථා හංසාරූඪා ශශිප්රභා .. 88 ..

භවානී වාසනාශක්තිරාකෘතිස්ථාඛිලා(අ)ඛිලා .

තන්ත්රහේතුර්විචිත්රාඞ්ගී ව්යෝමගඞ්ගාවිනෝදිනී .. 89 ..

වර්ෂා ච වාර්ෂිකා චෛව ඍග්යජුස්සාමරූපිණී .

මහානදීනදීපුණ්යා(අ)ගණ්යපුණ්යගුණක්රියා .. 90 ..

සමාධිගතලභ්යාර්ථා ශ්රෝතව්යා ස්වප්රියා ඝෘණා .

නාමාක්ෂරපරා දේවී උපසර්ගනඛාඤ්චිතා .. 91 ..

නිපාතෝරුද්වයීජඞ්ඝා මාතෘකා මන්ත්රරූපිණී .

ආසීනා ච ශයානා ච තිෂ්ඨන්තී ධාවනාධිකා .. 92 ..

ලක්ෂ්යලක්ෂණයෝගාඪ්යා තාද්රූප්යගණනාකෘතිඃ .

සෛකරූපා නෛකරූපා සේන්දුරූපා තදාකෘතිඃ .. 93 ..

සමාසතද්ධිතාකාරා විභක්තිවචනාත්මිකා .

ස්වාහාකාරා ස්වධාකාරා ශ්රීපත්යර්ධාඞ්ගනන්දිනී .. 94 ..

ගම්භීරා ගහනා ගුහ්යා යෝනිලිඞ්ගාර්ධධාරිණී .

ශේෂවාසුකිසංසේව්යා චපලා වරවර්ණිනී .. 95 ..

කාරුණ්යාකාරසම්පත්තිඃ කීලකෘන්මන්ත්රකීලිකා .

ශක්තිබීජාත්මිකා සර්වමන්ත්රේෂ්ටාක්ෂයකාමනා .. 96 ..

ආග්නේයී පාර්ථිවා ආප්යා වායව්යා ව්යෝමකේතනා .

සත්යජ්ඤානාත්මිකා(අ)(අ)නන්දා බ්රාහ්මී බ්රහ්ම සනාතනී .. 97 ..

අවිද්යාවාසනා මායාප්රකෘතිස්සර්වමෝහිනී .

ශක්තිර්ධාරණශක්තිශ්ච චිදචිච්ඡක්තියෝගිනී .. 98 ..

වක්ත්රාරුණා මහාමායා මරීචිර්මදමර්දිනී .

විරාට් ස්වාහා ස්වධා ශුද්ධා නීරූපාස්තිස්සුභක්තිගා .. 99 ..

නිරූපිතාද්වයීවිද්යා නිත්යානිත්යස්වරූපිණී .

වෛරාජමාර්ගසඤ්චාරා සර්වසත්පථදර්ශිනී .. 100 ..

ජාලන්ධරී මෘඩානී ච භවානී භවභඤ්ජනී .

ත්රෛකාලිකජ්ඤානතන්තුස්ත්රිකාලජ්ඤානදායිනී .. 101 ..

නාදාතීතා ස්මෘතිඃ ප්රජ්ඤා ධාත්රීරූපා ත්රිපුෂ්කරා .

පරාජිතාවිධානජ්ඤා විශේෂිතගුණාත්මිකා .. 102 ..

හිරණ්යකේශිනී හේමබ්රහ්මසූත්රවිචක්ෂණා .

අසඞ්ඛ්යේයපරාර්ධාන්තස්වරව්යඤ්ජනවෛඛරී .. 103 ..

මධුජිහ්වා මධුමතී මධුමාසෝදයා මධුඃ .

මාධවී ච මහාභාගා මේඝගම්භීරනිස්වනා .. 104 ..

බ්රහ්මවිෂ්ණුමහේශාදිජ්ඤාතව්යාර්ථවිශේෂගා .

නාභෞ වහ්නිශිඛාකාරා ලලාටේ චන්ද්රසන්නිභා .. 105 ..

භ්රූමධ්යේ භාස්කරාකාරා සර්වතාරාකෘතිර්හෘදි .

කෘත්තිකාදිභරණ්යන්තනක්ෂත්රේෂ්ට්යාර්චිතෝදයා .. 106 ..

ග්රහවිද්යාත්මිකා ජ්යෝතිර්ජ්යෝතිර්වින්මතිජීවිකා .

බ්රහ්මාණ්ඩගර්භිණී බාලා සප්තාවරණදේවතා .. 107 ..

වෛරාජෝත්තමසාම්රාජ්යා කුමාරකුශලෝදයා .

බගලා භ්රමරාම්බා ච ශිවදූතී ශිවාත්මිකා .. 108 ..

මේරුවින්ධ්යාදිසංස්ථානා කාශ්මීරපුරවාසිනී .

යෝගනිද්රා මහානිද්රා විනිද්රා රාක්ෂසාශ්රිතා .. 109 ..

සුවර්ණදා මහාගඞ්ගා පඤ්චාඛ්යා පඤ්චසංහතිඃ .

සුප්රජාතා සුවීරා ච සුපෝෂා සුපතිශ්ශිවා .. 110 ..

සුගෘහා රක්තබීජාන්තා හතකන්දර්පජීවිකා .

සමුද්රව්යෝමමධ්යස්ථා සමබින්දුසමාශ්රයා .. 111 ..

සෞභාග්යරසජීවාතුස්සාරාසාරවිවේකදෘක් .

ත්රිවල්යාදිසුපුෂ්ටාඞ්ගා භාරතී භරතාශ්රිතා .. 112 ..

නාදබ්රහ්මමයීවිද්යා ජ්ඤානබ්රහ්මමයීපරා .

බ්රහ්මනාඩී නිරුක්තිශ්ච බ්රහ්මකෛවල්යසාධනම් .. 113 ..

කාලිකේයමහෝදාරවීර්යවික්රමරූපිණී .

වඩවාග්නිශිඛාවක්ත්රා මහාකවලතර්පණා .. 114 ..

මහාභූතා මහාදර්පා මහාසාරා මහාක්රතුඃ .

පඤ්ජභූතමහාග්රාසා පඤ්චභූතාධිදේවතා .. 115 ..

සර්වප්රමාණා සම්පත්තිස්සර්වරෝගප්රතික්රියා .

බ්රහ්මාණ්ඩාන්තර්බහිර්ව්යාප්තා විෂ්ණුවක්ෂෝවිභූෂිණී .. 116 ..

ශාඞ්කරී විධිවක්ත්රස්ථා ප්රවරා වරහේතුකී .

හේමමාලා ශිඛාමාලා ත්රිශිඛා පඤ්චලෝචනා .. 117 .. [ පඤ්චමෝචනා ]

සර්වාගමසදාචාරමර්යාදා යාතුභඤ්ජනී .

පුණ්යශ්ලෝකප්රබන්ධාඪ්යා සර්වාන්තර්යාමිරූපිණී .. 118 ..

සාමගානසමාරාධ්යා ශ්රෝත්රකර්ණරසායනම් .

ජීවලෝකෛකජීවාතුර්භද්රෝදාරවිලෝකනා .. 119 ..

තටිත්කෝටිලසත්කාන්තිස්තරුණී හරිසුන්දරී .

මීනනේත්රා ච සේන්ද්රාක්ෂී විශාලාක්ෂී සුමඞ්ගලා .. 120 ..

සර්වමඞ්ගලසම්පන්නා සාක්ෂාන්මඞ්ගලදේවතා .

දේහහෘද්දීපිකා දීප්තිර්ජිහ්වපාපප්රණාශිනී .. 121 ..

අර්ධචන්ද්රෝල්ලසද්දංෂ්ට්රා යජ්ඤවාටීවිලාසිනී .

මහාදුර්ගා මහෝත්සාහා මහාදේවබලෝදයා .. 122 ..

ඩාකිනීඩ්යා ශාකිනීඩ්යා සාකිනීඩ්යා සමස්තජුට් .

නිරඞ්කුශා නාකිවන්ද්යා ෂඩාධාරාධිදේවතා .. 123 ..

භුවනජ්ඤානිනිශ්ශ්රේණී භුවනාකාරවල්ලරී .

ශාශ්වතී ශාශ්වතාකාරා ලෝකානුග්රහකාරිණී .. 124 ..

සාරසී මානසී හංසී හංසලෝකප්රදායිනී .

චින්මුද්රාලඞ්කෘතකරා කෝටිසූර්යසමප්රභා .. 125 ..

සුඛප්රාණිශිරෝරේඛා සදදෘෂ්ටප්රදායිනී .

සර්වසාඞ්කර්යදෝෂඝ්නී ග්රහෝපද්රවනාශිනී .. 126 ..

ක්ෂුද්රජන්තුභයඝ්නී ච විෂරෝගාදිභඤ්ජනී .

සදාශාන්තා සදාශුද්ධා ගෘහච්ඡිද්රනිවාරිණී .. 127 ..

කලිදෝෂප්රශමනී කෝලාහලපුරස්ථිතා .

ගෞරී ලාක්ෂණිකී මුඛ්යා ජඝන්යාකෘතිවර්ජිතා .. 128 ..

මායා විද්යා මූලභූතා වාසවී විෂ්ණුචේතනා .

වාදිනී වසුරූපා ච වසුරත්නපරිච්ඡදා .. 129 ..

ඡාන්දසී චන්ද්රහෘදයා මන්ත්රස්වච්ඡන්දභෛරවී .

වනමාලා වෛජයන්තී පඤ්චදිව්යායුධාත්මිකා .. 130 ..

පීතාම්බරමයී චඤ්චත්කෞස්තුභා හරිකාමිනී .

නිත්යා තථ්යා රමා රාමා රමණී මෘත්යුභඤ්ජනී .. 131 ..

ජ්යේෂ්ඨා කාෂ්ඨා ධනිෂ්ඨාන්තා ශරාඞ්ගී නිර්ගුණප්රියා .

මෛත්රේයා මිත්රවින්දා ච ශේෂ්යශේෂකලාශයා .. 132 ..

වාරාණසීවාසලභ්යා චාර්යාවර්තජනස්තුතා . [ වාරාණසීවාසරතා ]

ජගදුත්පත්තිසංස්ථානසංහාරත්රයකාරණම් .. 133 ..

ත්වමම්බ විෂ්ණුසර්වස්වං නමස්තේ(අ)ස්තු මහේශ්වරි .

නමස්තේ සර්වලෝකානාං ජනන්යෛ පුණ්යමූර්තයේ .. 134 ..

සිද්ධලක්ෂ්මීර්මහාකාලි මහලක්ෂ්මි නමෝ(අ)ස්තු තේ .

සද්යෝජාතාදිපඤ්චාග්නිරූපා පඤ්චකපඤ්චකම් .. 135 ..

යන්ත්රලක්ෂ්මීර්භවත්යාදිරාද්යාද්යේ තේ නමෝ නමඃ .

සෘෂ්ට්යාදිකාරණාකාරවිතතේ දෝෂවර්ජිතේ .. 136 ..

ජගල්ලක්ෂ්මීර්ජගන්මාතර්විෂ්ණුපත්නි නමෝ(අ)ස්තු තේ .

නවකෝටිමහාශක්තිසමුපාස්යපදාම්බුජේ .. 137 ..

කනත්සෞවර්ණරත්නාඪ්ය සර්වාභරණභූෂිතේ .

අනන්තානිත්යමහිෂීප්රපඤ්චේශ්වරනායකි .. 138 ..

අත්යුච්ඡ්රිතපදාන්තස්ථේ පරමව්යෝමනායකි .

නාකපෘෂ්ඨගතාරාධ්යේ විෂ්ණුලෝකවිලාසිනි .. 139 ..

වෛකුණ්ඨරාජමහිෂි ශ්රීරඞ්ගනගරාශ්රිතේ .

රඞ්ගනායකි භූපුත්රි කෘෂ්ණේ වරදවල්ලභේ .. 140 ..

කෝටිබ්රහ්මාදිසංසේව්යේ කෝටිරුද්රාදිකීර්තිතේ .

මාතුලුඞ්ගමයං ඛේටං සෞවර්ණචෂකං තථා .. 141 ..

පද්මද්වයං පූර්ණකුම්භං කීරඤ්ච වරදාභයේ .

පාශමඞ්කුශකං ශඞ්ඛං චක්රං ශූලං කෘපාණිකාම් .. 142 ..

ධනුර්බාණෞ චාක්ෂමාලාං චින්මුද්රාමපි බිභ්රතී .

අෂ්ටාදශභුජේ ලක්ෂ්මීර්මහාෂ්ටාදශපීඨගේ .. 143 ..

භූමිනීලාදිසංසේව්යේ ස්වාමිචිත්තානුවර්තිනි .

පද්මේ පද්මාලයේ පද්මි පූර්ණකුම්භාභිෂේචිතේ .. 144 ..

ඉන්දිරේන්දින්දිරාභාක්ෂි ක්ෂීරසාගරකන්යකේ .

භාර්ගවි ත්වං ස්වතන්ත්රේච්ඡා වශීකෘතජගත්පතිඃ .. 145 ..

මඞ්ගලං මඞ්ගලානාං ත්වං දේවතානාං ච දේවතා .

ත්වමුත්තමෝත්තමානාං ච ත්වං ශ්රේයඃ පරමාමෘතම් .. 146 ..

ධනධාන්යාභිවෘද්ධිශ්ච සාර්වභෞමසුඛෝච්ඡ්රයා .

ආන්දෝලිකාදිසෞභාග්යං මත්තේභාදිමහෝදයඃ .. 147 ..

පුත්රපෞත්රාභිවෘද්ධිශ්ච විද්යාභෝගබලාදිකම් .

ආයුරාරෝග්යසම්පත්තිරෂ්ටෛශ්වර්යං ත්වමේව හි .. 148 ..

පරමේශවිභූතිශ්ච සූක්ෂ්මාත්සූක්ෂ්මතරාගතිඃ .

සදයාපාඞ්ගසන්දත්තබ්රහ්මේන්ද්රාදිපදස්ථිතිඃ .. 149 ..

අව්යාහතමහාභාග්යං ත්වමේවාක්ෂෝභ්යවික්රමඃ .

සමන්වයශ්ච වේදානාමවිරෝධස්ත්වමේව හි .. 150 ..

නිඃශ්රේයසපදප්රාප්තිසාධනං ඵලමේව ච .

ශ්රීමන්ත්රරාජරාජ්ඤී ච ශ්රීවිද්යා ක්ෂේමකාරිණී .. 151 ..

ශ්රීම්බීජජපසන්තුෂ්ටා ඓං හ්රීං ශ්රීං බීජපාලිකා .

ප්රපත්තිමාර්ගසුලභා විෂ්ණුප්රථමකිඞ්කරී .. 152 ..

ක්ලීඞ්කාරාර්ථසවිත්රී ච සෞමඞ්ගල්යාධිදේවතා .

ශ්රීෂෝඩශාක්ෂරීවිද්යා ශ්රීයන්ත්රපුරවාසිනී .. 153 ..

සර්වමඞ්ගලමාඞ්ගල්යේ ශිවේ සර්වාර්ථසාධිකේ .

ශරණ්යේ ත්ර්යම්බකේ ගෞරී නාරායණි නමෝ(අ)ස්තු තේ .. 154 ..

පුනඃ පුනර්නමස්තේ(අ)ස්තු සාෂ්ටාඞ්ගමයුතං පුනඃ .

සනත්කුමාර උවාච-

ඒවං ස්තුතා මහාලක්ෂ්මීර්බ්රහ්මරුද්රාදිභිස්සුරෛඃ .

නමද්භිරාර්තෛර්දීනෛශ්ච නිස්ස්වත්වෛර්භෝගවර්ජිතෛඃ .. 1 ..

ජ්යේෂ්ඨා ජුෂ්ටෛශ්ච නිශ්ශ්රීකෛස්සංසාරාත්ස්වපරායණෛඃ .

විෂ්ණුපත්නී දදෞ තේෂාං දර්ශනං දෘෂ්ටිතර්පණම් .. 2 ..

ශරත්පූර්ණේන්දුකෝට්යාභධවලාපාඞ්ගවීක්ෂණෛඃ .

සර්වාන්සත්ත්වසමාවිෂ්ටාන් චක්රේ හෘෂ්ටා වරං දදෞ .. 3 ..

මහාලක්ෂ්මීරුවාච-

නාම්නාං සාෂ්ටසහස්රං මේ ප්රමාදාද්වාපි යස්සකෘත් .

කීර්තයේත්තත්කුලේ සත්යං වසාම්යාචන්ද්රතාරකම් .. 4 ..

කිං පුනර්නියමාජ්ජප්තුර්මදේකශරණස්ය ච .

මාතෘවත්සානුකම්පාහං පෝෂකී ස්යාමහර්නිශම් .. 5 ..

මන්නාම ස්තවතාං ලෝකේ දුර්ලභං නාස්ති චින්තිතම් .

මත්ප්රසාදේන සර්වේ(අ)පි ස්වස්වේෂ්ටාර්ථමවාප්ස්යථ .. 6 ..

ලුප්තවෛෂ්ණවධර්මස්ය මද්ව්රතේෂ්වවකීර්ණිනඃ .

භක්තිප්රපත්තිහීනස්ය වන්ද්යෝ නාම්නාං ස්තවෝ(අ)පි මේ .. 7 ..

තස්මාදවශ්යං තෛර්දෝෂෛර්විහීනඃ පාපවර්ජිතඃ .

ජපේත්සාෂ්ටසහස්රං මේ නාම්නාං ප්රත්යහමාදරාත් .. 8 ..

සාක්ෂාදලක්ෂ්මීපුත්රෝ(අ)පි දුර්භාග්යෝ(අ)ප්යලසෝ(අ)පි වා .

අප්රයත්නෝ(අ)පි මූඪෝ(අ)පි විකලඃ පතිතෝ(අ)පි ච .. 9 ..

අවශ්යං ප්රාප්නුයාද්භාග්යං මත්ප්රසාදේන කේවලම් .

ස්පෘහේයමචිරාද්දේවා වරදානාය ජාපිනඃ .

දදාමි සර්වමිෂ්ටාර්ථං ලක්ෂ්මීති ස්මරතාං ධ්රුවම් .. 10 ..

සනත්කුමාර උවාච-

ඉත්යුක්ත්වා(අ)න්තර්දධේ ලක්ෂ්මීර්වෛෂ්ණවී භගවත්කලා .

ඉෂ්ටාපූර්තං ච සුකෘතං භාගධේයං ච චින්තිතම් .. 11 ..

ස්වං ස්වං ස්ථානං ච භෝගං ච විජයං ලේභිරේ සුරාඃ .

තදේතත් ප්රවදාම්යද්ය ලක්ෂ්මීනාමසහස්රකම් .

යෝගිනඃ පඨත ක්ෂිප්රං චින්තිතාර්ථානවාප්ස්යථ .. 12 ..

ගාර්ග්ය උවාච-

සනත්කුමාරෝයෝගීන්ද්ර ඉත්යුක්ත්වා ස දයානිධිඃ .

අනුගෘහ්ය යයෞ ක්ෂිප්රං තාංශ්ච ද්වාදශයෝගිනඃ .. 13 ..

තස්මාදේතද්රහස්යං ච ගෝප්යං ජප්යං ප්රයත්නතඃ .

අෂ්ටම්යාං ච චතුර්දශ්යාං නවම්යාං භෘගුවාසරේ .. 14 ..

පෞර්ණමාස්යාමමායාං ච පර්වකාලේ විශේෂතඃ .

ජපේද්වා නිත්යකාර්යේෂු සර්වාන්කාමානවාප්නුයාත් .. 15 ..

ඉති ශ්රීස්කන්දපුරාණේ සනත්කුමාරසංහිතායාං ලක්ෂ්මීසහස්රනාමස්තෝත්රං සම්පූර්ණම් ..

Roman (IAST) Transliteration

nāmnāṃ sāṣṭasahasrañca brūhi gārgya mahāmate |

mahālakṣmyā mahādevyā bhuktimuktyarthasiddhaye || 1 ||

gārgya uvāca

sanatkumāramāsīnaṃ dvādaśādityasannibham |

apṛcchanyogino bhaktyā yogināmarthasiddhaye || 2 ||

sarvalaukikakarmabhyo vimuktānāṃ hitāya vai |

bhuktimuktipradaṃ japyamanubrūhi dayānidhe || 3 ||

sanatkumāra bhagavansarvajño'si viśeṣataḥ |

āstikyasiddhaye nṝṇāṃ kṣipradharmārthasādhanam || 4 ||

khidyanti mānavāssarve dhanābhāvena kevalam |

siddhyanti dhanino'nyasya naiva dharmārthakāmanāḥ || 5 ||

dāridryadhvaṃsinī nāma kena vidyā prakīrtitā |

kena vā brahmavidyā'pi kena mṛtyuvināśinī || 6 ||

sarvāsāṃ sārabhūtaikā vidyānāṃ kena kīrtitā |

pratyakṣasiddhidā brahman tāmācakṣva dayānidhe || 7 ||

sanatkumāra uvāca

sādhu pṛṣṭaṃ mahābhāgāssarvalokahitaiṣiṇaḥ |

mahatāmeṣa dharmaśca nānyeṣāmiti me matiḥ || 8 ||

brahmaviṣṇumahādevamahendrādimahātmabhiḥ |

samproktaṃ kathayāmyadya lakṣmīnāmasahasrakam || 9 ||

yasyoccāraṇamātreṇa dāridryānmucyate naraḥ |

kiṃ punastajjapājjāpī sarveṣṭārthānavāpnuyāt || 10 ||

asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |

dhyānam

padmanābhapriyāṃ devīṃ padmākṣīṃ padmavāsinīm |

padmavaktrāṃ padmahastāṃ vande padmāmaharniśam || 1 ||

pūrṇenduvadanāṃ divyaratnābharaṇabhūṣitām |

varadābhayahastāḍhyāṃ dhyāyeccandrasahodarīm || 2 ||

icchārūpāṃ bhagavatassaccidānandarūpiṇīm |

sarvajñāṃ sarvajananīṃ viṣṇuvakṣassthalālayām |

dayālumaniśaṃ dhyāyetsukhasiddhisvarūpiṇīm || 3 ||

stotram

nityāgatānantanityā nandinī janarañjanī |

nityaprakāśinī caiva svaprakāśasvarūpiṇī || 1 ||

mahālakṣmīrmahākālī mahākanyā sarasvatī |

bhogavaibhavasandhātrī bhaktānugrahakāriṇī || 2 ||

īśāvāsyā mahāmāyā mahādevī maheśvarī |

hṛllekhā paramā śaktirmātṛkābījarūpiṇī || 3 ||

nityānandā nityabodhā nādinī janamodinī |

satyapratyayanī caiva svaprakāśātmarūpiṇī || 4 ||

tripurā bhairavī vidyā haṃsā vāgīśvarī śivā |

vāgdevī ca mahārātriḥ kālarātristrilocanā || 5 ||

bhadrakālī karālī ca mahākālī tilottamā |

kālī karālavaktrāntā kāmākṣī kāmadā śubhā || 6 ||

caṇḍikā caṇḍarūpeśā cāmuṇḍā cakradhāriṇī |

trailokyajayinī devī trailokyavijayottamā || 7 ||

siddhalakṣmīḥ kriyālakṣmīrmokṣalakṣmīḥ prasādinī |

umā bhagavatī durgā cāndrī dākṣāyaṇī śivā || 8 ||

pratyaṅgirā dharāvelā lokamātā haripriyā |

pārvatī paramā devī brahmavidyāpradāyinī || 9 ||

arūpā bahurūpā ca virūpā viśvarūpiṇī |

pañcabhūtātmikā vāṇī pañcabhūtātmikā parā || 10 ||

kālī mā pañcikā vāgmī haviḥpratyadhidevatā |

devamātā sureśānā devagarbhā'mbikā dhṛtiḥ || 11 ||

saṅkhyā jātiḥ kriyāśaktiḥ prakṛtirmohinī mahī |

yajñavidyā mahāvidyā guhyavidyā vibhāvarī || 12 ||

jyotiṣmatī mahāmātā sarvamantraphalapradā |

dāridryadhvaṃsinī devī hṛdayagranthibhedinī || 13 ||

sahasrādityasaṅkāśā candrikā candrarūpiṇī |

gāyatrī somasambhūtissāvitrī praṇavātmikā || 14 ||

śāṅkarī vaiṣṇavī brāhmī sarvadevanamaskṛtā |

sevyadurgā kuberākṣī karavīranivāsinī || 15 ||

jayā ca vijayā caiva jayantī cā'parājitā |

kubjikā kālikā śāstrī vīṇāpustakadhāriṇī || 16 ||

sarvajñaśaktiśśrīśaktirbrahmaviṣṇuśivātmikā |

iḍāpiṅgalikāmadhyamṛṇālītanturūpiṇī || 17 ||

yajñeśānī prathā dīkṣā dakṣiṇā sarvamohinī |

aṣṭāṅgayoginī devī nirbījadhyānagocarā || 18 ||

sarvatīrthasthitā śuddhā sarvaparvatavāsinī |

vedaśāstraprabhā devī ṣaḍaṅgādipadakramā || 19 ||

śivā dhātrī śubhānandā yajñakarmasvarūpiṇī |

vratinī menakā devī brahmāṇī brahmacāriṇī || 20 ||

ekākṣaraparā tārā bhavabandhavināśinī |

viśvambharā dharādhārā nirādhārā'dhikasvarā || 21 ||

rākā kuhūramāvāsyā pūrṇimā'numatirdyutiḥ |

sinīvālī śivā'vaśyā vaiśvadevī piśaṅgilā || 22 ||

pippalā ca viśālākṣī rakṣoghnī vṛṣṭikāriṇī |

duṣṭavidrāviṇī devī sarvopadravanāśinī || 23 ||

śāradā śarasandhānā sarvaśastrasvarūpiṇī |

yuddhamadhyasthitā devī sarvabhūtaprabhañjanī || 24 ||

ayuddhā yuddharūpā ca śāntā śāntisvarūpiṇī |

gaṅgā sarasvatīveṇīyamunānarmadāpagā || 25 ||

samudravasanāvāsā brahmāṇḍaśroṇimekhalā |

pañcavaktrā daśabhujā śuddhasphaṭikasannibhā || 26 ||

raktā kṛṣṇā sitā pītā sarvavarṇā nirīśvarī |

kālikā cakrikā devī satyā tu vaṭukāsthitā || 27 ||

taruṇī vāruṇī nārī jyeṣṭhādevī sureśvarī |

viśvambharādharā kartrī galārgalavibhañjanī || 28 ||

sandhyārātrirdivājyotsnā kalākāṣṭhā nimeṣikā |

urvī kātyāyanī śubhrā saṃsārārṇavatāriṇī || 29 ||

kapilā kīlikā'śokā mallikānavamallikā | [ mallikānavamālikā ]

devikā nandikā śāntā bhañjikā bhayabhañjikā || 30 ||

kauśikī vaidikī devī saurī rūpādhikā'tibhā |

digvastrā navavastrā ca kanyakā kamalodbhavā || 31 ||

śrīssaumyalakṣaṇā'tītadurgā sūtraprabodhikā |

śraddhā medhā kṛtiḥ prajñā dhāraṇā kāntireva ca || 32 ||

śrutiḥ smṛtirdhṛtirdhanyā bhūtiriṣṭirmanīṣiṇī |

viraktirvyāpinī māyā sarvamāyāprabhañjanī || 33 ||

māhendrī mantriṇī siṃhī cendrajālasvarūpiṇī |

avasthātrayanirmuktā guṇatrayavivarjitā || 34 ||

īṣaṇātrayanirmuktā sarvarogavivarjitā |

yogidhyānāntagamyā ca yogadhyānaparāyaṇā || 35 ||

trayīśikhā viśeṣajñā vedāntajñānarūpiṇī |

bhāratī kamalā bhāṣā padmā padmavatī kṛtiḥ || 36 ||

gautamī gomatī gaurī īśānā haṃsavāhinī |

nārāyaṇī prabhādhārā jāhnavī śaṅkarātmajā || 37 ||

citraghaṇṭā sunandā śrīrmānavī manusambhavā |

stambhinī kṣobhiṇī mārī bhrāmiṇī śatrumāriṇī || 38 ||

mohinī dveṣiṇī vīrā aghorā rudrarūpiṇī |

rudraikādaśinī puṇyā kalyāṇī lābhakāriṇī || 39 ||

devadurgā mahādurgā svapnadurgā'ṣṭabhairavī |

sūryacandrāgnirūpā ca grahanakṣatrarūpiṇī || 40 ||

bindunādakalātītā bindunādakalātmikā |

daśavāyujayākārā kalāṣoḍaśasaṃyutā || 41 ||

kāśyapī kamalādevī nādacakranivāsinī |

mṛḍādhārā sthirā guhyā devikā cakrarūpiṇī || 42 ||

avidyā śārvarī bhuñjā jambhāsuranibarhiṇī |

śrīkāyā śrīkalā śubhrā karmanirmūlakāriṇī || 43 ||

ādilakṣmīrguṇādhārā pañcabrahmātmikā parā |

śrutirbrahmamukhāvāsā sarvasampattirūpiṇī || 44 ||

mṛtasañjīvanī maitrī kāminī kāmavarjitā |

nirvāṇamārgadā devī haṃsinī kāśikā kṣamā || 45 ||

saparyā guṇinī bhinnā nirguṇā khaṇḍitāśubhā |

svāminī vedinī śakyā śāmbarī cakradhāriṇī || 46 ||

daṇḍinī muṇḍinī vyāghrī śikhinī somasaṃhatiḥ |

cintāmaṇiścidānandā pañcabāṇaprabodhinī || 47 ||

bāṇaśreṇissahasrākṣī sahasrabhujapādukā |

sandhyāvalistrisandhyākhyā brahmāṇḍamaṇibhūṣaṇā || 48 ||

vāsavī vāruṇīsenā kulikā mantrarañjanī |

jitaprāṇasvarūpā ca kāntā kāmyavarapradā || 49 ||

mantrabrāhmaṇavidyārthā nādarūpā haviṣmatī |

ātharvaṇiḥ śrutiḥ śūnyā kalpanāvarjitā satī || 50 ||

sattājātiḥ pramā'meyā'pramitiḥ prāṇadā gatiḥ |

avarṇā pañcavarṇā ca sarvadā bhuvaneśvarī || 51 ||

trailokyamohinī vidyā sarvabhartrī kṣarā'kṣarā |

hiraṇyavarṇā hariṇī sarvopadravanāśinī || 52 ||

kaivalyapadavīrekhā sūryamaṇḍalasaṃsthitā |

somamaṇḍalamadhyasthā vahnimaṇḍalasaṃsthitā || 53 ||

vāyumaṇḍalamadhyasthā vyomamaṇḍalasaṃsthitā |

cakrikā cakramadhyasthā cakramārgapravartinī || 54 ||

kokilākulacakreśā pakṣatiḥ paṅktipāvanī |

sarvasiddhāntamārgasthā ṣaḍvarṇāvaravarjitā || 55 ||

śararudraharā hantrī sarvasaṃhārakāriṇī |

puruṣā pauruṣī tuṣṭissarvatantraprasūtikā || 56 ||

ardhanārīśvarī devī sarvavidyāpradāyinī |

bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]

vyomakeśākhilaprāṇā pañcakośavilakṣaṇā |

pañcakośātmikā pratyakpañcabrahmātmikā śivā || 58 ||

jagajjarājanitrī ca pañcakarmaprasūtikā |

vāgdevyābharaṇākārā sarvakāmyasthitāsthitiḥ || 59 ||

aṣṭādaśacatuṣṣaṣṭhipīṭhikā vidyayā yutā |

kālikākarṣaṇaśyāmā yakṣiṇī kinnareśvarī || 60 ||

ketakī mallikā'śokā vārāhī dharaṇī dhruvā |

nārasiṃhī mahogrāsyā bhaktānāmārtināśinī || 61 ||

antarbalā sthirā lakṣmīrjarāmaraṇanāśinī |

śrīrañjitā mahākāyā somasūryāgnilocanā || 62 ||

aditirdevamātā ca aṣṭaputrā'ṣṭayoginī |

aṣṭaprakṛtiraṣṭāṣṭavibhrājadvikṛtākṛtiḥ || 63 ||

durbhikṣadhvaṃsinī devī sītā satyā ca rukmiṇī |

khyātijā bhārgavī devī devayonistapasvinī || 64 ||

śākambharī mahāśoṇā garuḍoparisaṃsthitā |

siṃhagā vyāghragā devī vāyugā ca mahādrigā || 65 ||

akārādikṣakārāntā sarvavidyādhidevatā |

mantravyākhyānanipuṇā jyotiśśāstraikalocanā || 66 ||

iḍāpiṅgalikāmadhyāsuṣumnā granthibhedinī |

kālacakrāśrayopetā kālacakrasvarūpiṇī || 67 ||

vaiśāradī matiśśreṣṭhā variṣṭhā sarvadīpikā |

vaināyakī varārohā śroṇivelā bahirvaliḥ || 68 ||

jambhinī jṛmbhiṇī jambhakāriṇī gaṇakārikā |

śaraṇī cakrikā'nantā sarvavyādhicikitsakī || 69 ||

devakī devasaṅkāśā vāridhiḥ karuṇākarā |

śarvarī sarvasampannā sarvapāpaprabhañjanī || 70 ||

ekamātrā dvimātrā ca trimātrā ca tathā'parā |

ardhamātrā parā sūkṣmā sūkṣmārthā'rthaparā'parā || 71 ||

ekavīrā viśeṣākhyā ṣaṣṭhīdevī manasvinī |

naiṣkarmyā niṣkalālokā jñānakarmādhikā guṇā || 72 ||

sabandhvānandasandohā vyomākārā'nirūpitā |

gadyapadyātmikā vāṇī sarvālaṅkārasaṃyutā || 73 ||

sādhubandhapadanyāsā sarvauko ghaṭikāvaliḥ |

ṣaṭkarmā karkaśākārā sarvakarmavivarjitā || 74 ||

ādityavarṇā cāparṇā kāminī vararūpiṇī |

brahmāṇī brahmasantānā vedavāgīśvarī śivā || 75 ||

purāṇanyāyamīmāṃsādharmaśāstrāgamaśrutā |

sadyovedavatī sarvā haṃsī vidyādhidevatā || 76 ||

viśveśvarī jagaddhātrī viśvanirmāṇakāriṇī |

vaidikī vedarūpā ca kālikā kālarūpiṇī || 77 ||

nārāyaṇī mahādevī sarvatattvapravartinī |

hiraṇyavarṇarūpā ca hiraṇyapadasambhavā || 78 ||

kaivalyapadavī puṇyā kaivalyajñānalakṣitā |

brahmasampattirūpā ca brahmasampattikāriṇī || 79 ||

vāruṇī vāruṇārādhyā sarvakarmapravartinī |

ekākṣaraparā''yuktā sarvadāridryabhañjinī || 80 ||

pāśāṅkuśānvitā divyā vīṇāvyākhyākṣasūtrabhṛt |

ekamūrtistrayīmūrtirmadhukaiṭabhabhañjinī || 81 ||

sāṅkhyā sāṅkhyavatī jvālā jvalantī kāmarūpiṇī |

jāgratī sarvasampattissuṣuptā sveṣṭadāyinī || 82 ||

kapālinī mahādaṃṣṭrā bhrukuṭī kuṭilānanā |

sarvāvāsā suvāsā ca bṛhatyaṣṭiśca śakvarī || 83 ||

chandogaṇapratiṣṭhā ca kalmāṣī karuṇātmikā |

cakṣuṣmatī mahāghoṣā khaḍgacarmadharā'śaniḥ || 84 ||

śilpavaicitryavidyotā sarvatobhadravāsinī |

acintyalakṣaṇākārā sūtrabhāṣyanibandhanā || 85 ||

sarvavedārthasampattissarvaśāstrārthamātṛkā |

akārādikṣakārāntasarvavarṇakṛtasthalā || 86 ||

sarvalakṣmīssadānandā sāravidyā sadāśivā |

sarvajñā sarvaśaktiśca khecarīrūpagocchritā || 87 ||

aṇimādiguṇopetā parā kāṣṭhā parā gatiḥ |

haṃsayuktavimānasthā haṃsārūḍhā śaśiprabhā || 88 ||

bhavānī vāsanāśaktirākṛtisthākhilā'khilā |

tantraheturvicitrāṅgī vyomagaṅgāvinodinī || 89 ||

varṣā ca vārṣikā caiva ṛgyajussāmarūpiṇī |

mahānadīnadīpuṇyā'gaṇyapuṇyaguṇakriyā || 90 ||

samādhigatalabhyārthā śrotavyā svapriyā ghṛṇā |

nāmākṣaraparā devī upasarganakhāñcitā || 91 ||

nipātorudvayījaṅghā mātṛkā mantrarūpiṇī |

āsīnā ca śayānā ca tiṣṭhantī dhāvanādhikā || 92 ||

lakṣyalakṣaṇayogāḍhyā tādrūpyagaṇanākṛtiḥ |

saikarūpā naikarūpā sendurūpā tadākṛtiḥ || 93 ||

samāsataddhitākārā vibhaktivacanātmikā |

svāhākārā svadhākārā śrīpatyardhāṅganandinī || 94 ||

gambhīrā gahanā guhyā yoniliṅgārdhadhāriṇī |

śeṣavāsukisaṃsevyā capalā varavarṇinī || 95 ||

kāruṇyākārasampattiḥ kīlakṛnmantrakīlikā |

śaktibījātmikā sarvamantreṣṭākṣayakāmanā || 96 ||

āgneyī pārthivā āpyā vāyavyā vyomaketanā |

satyajñānātmikā''nandā brāhmī brahma sanātanī || 97 ||

avidyāvāsanā māyāprakṛtissarvamohinī |

śaktirdhāraṇaśaktiśca cidacicchaktiyoginī || 98 ||

vaktrāruṇā mahāmāyā marīcirmadamardinī |

virāṭ svāhā svadhā śuddhā nīrūpāstissubhaktigā || 99 ||

nirūpitādvayīvidyā nityānityasvarūpiṇī |

vairājamārgasañcārā sarvasatpathadarśinī || 100 ||

jālandharī mṛḍānī ca bhavānī bhavabhañjanī |

traikālikajñānatantustrikālajñānadāyinī || 101 ||

nādātītā smṛtiḥ prajñā dhātrīrūpā tripuṣkarā |

parājitāvidhānajñā viśeṣitaguṇātmikā || 102 ||

hiraṇyakeśinī hemabrahmasūtravicakṣaṇā |

asaṅkhyeyaparārdhāntasvaravyañjanavaikharī || 103 ||

madhujihvā madhumatī madhumāsodayā madhuḥ |

mādhavī ca mahābhāgā meghagambhīranisvanā || 104 ||

brahmaviṣṇumaheśādijñātavyārthaviśeṣagā |

nābhau vahniśikhākārā lalāṭe candrasannibhā || 105 ||

bhrūmadhye bhāskarākārā sarvatārākṛtirhṛdi |

kṛttikādibharaṇyantanakṣatreṣṭyārcitodayā || 106 ||

grahavidyātmikā jyotirjyotirvinmatijīvikā |

brahmāṇḍagarbhiṇī bālā saptāvaraṇadevatā || 107 ||

vairājottamasāmrājyā kumārakuśalodayā |

bagalā bhramarāmbā ca śivadūtī śivātmikā || 108 ||

meruvindhyādisaṃsthānā kāśmīrapuravāsinī |

yoganidrā mahānidrā vinidrā rākṣasāśritā || 109 ||

suvarṇadā mahāgaṅgā pañcākhyā pañcasaṃhatiḥ |

suprajātā suvīrā ca supoṣā supatiśśivā || 110 ||

sugṛhā raktabījāntā hatakandarpajīvikā |

samudravyomamadhyasthā samabindusamāśrayā || 111 ||

saubhāgyarasajīvātussārāsāravivekadṛk |

trivalyādisupuṣṭāṅgā bhāratī bharatāśritā || 112 ||

nādabrahmamayīvidyā jñānabrahmamayīparā |

brahmanāḍī niruktiśca brahmakaivalyasādhanam || 113 ||

kālikeyamahodāravīryavikramarūpiṇī |

vaḍavāgniśikhāvaktrā mahākavalatarpaṇā || 114 ||

mahābhūtā mahādarpā mahāsārā mahākratuḥ |

pañjabhūtamahāgrāsā pañcabhūtādhidevatā || 115 ||

sarvapramāṇā sampattissarvarogapratikriyā |

brahmāṇḍāntarbahirvyāptā viṣṇuvakṣovibhūṣiṇī || 116 ||

śāṅkarī vidhivaktrasthā pravarā varahetukī |

hemamālā śikhāmālā triśikhā pañcalocanā || 117 || [ pañcamocanā ]

sarvāgamasadācāramaryādā yātubhañjanī |

puṇyaślokaprabandhāḍhyā sarvāntaryāmirūpiṇī || 118 ||

sāmagānasamārādhyā śrotrakarṇarasāyanam |

jīvalokaikajīvāturbhadrodāravilokanā || 119 ||

taṭitkoṭilasatkāntistaruṇī harisundarī |

mīnanetrā ca sendrākṣī viśālākṣī sumaṅgalā || 120 ||

sarvamaṅgalasampannā sākṣānmaṅgaladevatā |

dehahṛddīpikā dīptirjihvapāpapraṇāśinī || 121 ||

ardhacandrollasaddaṃṣṭrā yajñavāṭīvilāsinī |

mahādurgā mahotsāhā mahādevabalodayā || 122 ||

ḍākinīḍyā śākinīḍyā sākinīḍyā samastajuṭ |

niraṅkuśā nākivandyā ṣaḍādhārādhidevatā || 123 ||

bhuvanajñāniniśśreṇī bhuvanākāravallarī |

śāśvatī śāśvatākārā lokānugrahakāriṇī || 124 ||

sārasī mānasī haṃsī haṃsalokapradāyinī |

cinmudrālaṅkṛtakarā koṭisūryasamaprabhā || 125 ||

sukhaprāṇiśirorekhā sadadṛṣṭapradāyinī |

sarvasāṅkaryadoṣaghnī grahopadravanāśinī || 126 ||

kṣudrajantubhayaghnī ca viṣarogādibhañjanī |

sadāśāntā sadāśuddhā gṛhacchidranivāriṇī || 127 ||

kalidoṣapraśamanī kolāhalapurasthitā |

gaurī lākṣaṇikī mukhyā jaghanyākṛtivarjitā || 128 ||

māyā vidyā mūlabhūtā vāsavī viṣṇucetanā |

vādinī vasurūpā ca vasuratnaparicchadā || 129 ||

chāndasī candrahṛdayā mantrasvacchandabhairavī |

vanamālā vaijayantī pañcadivyāyudhātmikā || 130 ||

pītāmbaramayī cañcatkaustubhā harikāminī |

nityā tathyā ramā rāmā ramaṇī mṛtyubhañjanī || 131 ||

jyeṣṭhā kāṣṭhā dhaniṣṭhāntā śarāṅgī nirguṇapriyā |

maitreyā mitravindā ca śeṣyaśeṣakalāśayā || 132 ||

vārāṇasīvāsalabhyā cāryāvartajanastutā | [ vārāṇasīvāsaratā ]

jagadutpattisaṃsthānasaṃhāratrayakāraṇam || 133 ||

tvamamba viṣṇusarvasvaṃ namaste'stu maheśvari |

namaste sarvalokānāṃ jananyai puṇyamūrtaye || 134 ||

siddhalakṣmīrmahākāli mahalakṣmi namo'stu te |

sadyojātādipañcāgnirūpā pañcakapañcakam || 135 ||

yantralakṣmīrbhavatyādirādyādye te namo namaḥ |

sṛṣṭyādikāraṇākāravitate doṣavarjite || 136 ||

jagallakṣmīrjaganmātarviṣṇupatni namo'stu te |

navakoṭimahāśaktisamupāsyapadāmbuje || 137 ||

kanatsauvarṇaratnāḍhya sarvābharaṇabhūṣite |

anantānityamahiṣīprapañceśvaranāyaki || 138 ||

atyucchritapadāntasthe paramavyomanāyaki |

nākapṛṣṭhagatārādhye viṣṇulokavilāsini || 139 ||

vaikuṇṭharājamahiṣi śrīraṅganagarāśrite |

raṅganāyaki bhūputri kṛṣṇe varadavallabhe || 140 ||

koṭibrahmādisaṃsevye koṭirudrādikīrtite |

mātuluṅgamayaṃ kheṭaṃ sauvarṇacaṣakaṃ tathā || 141 ||

padmadvayaṃ pūrṇakumbhaṃ kīrañca varadābhaye |

pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||

dhanurbāṇau cākṣamālāṃ cinmudrāmapi bibhratī |

aṣṭādaśabhuje lakṣmīrmahāṣṭādaśapīṭhage || 143 ||

bhūminīlādisaṃsevye svāmicittānuvartini |

padme padmālaye padmi pūrṇakumbhābhiṣecite || 144 ||

indirendindirābhākṣi kṣīrasāgarakanyake |

bhārgavi tvaṃ svatantrecchā vaśīkṛtajagatpatiḥ || 145 ||

maṅgalaṃ maṅgalānāṃ tvaṃ devatānāṃ ca devatā |

tvamuttamottamānāṃ ca tvaṃ śreyaḥ paramāmṛtam || 146 ||

dhanadhānyābhivṛddhiśca sārvabhaumasukhocchrayā |

āndolikādisaubhāgyaṃ mattebhādimahodayaḥ || 147 ||

putrapautrābhivṛddhiśca vidyābhogabalādikam |

āyurārogyasampattiraṣṭaiśvaryaṃ tvameva hi || 148 ||

parameśavibhūtiśca sūkṣmātsūkṣmatarāgatiḥ |

sadayāpāṅgasandattabrahmendrādipadasthitiḥ || 149 ||

avyāhatamahābhāgyaṃ tvamevākṣobhyavikramaḥ |

samanvayaśca vedānāmavirodhastvameva hi || 150 ||

niḥśreyasapadaprāptisādhanaṃ phalameva ca |

śrīmantrarājarājñī ca śrīvidyā kṣemakāriṇī || 151 ||

śrīmbījajapasantuṣṭā aiṃ hrīṃ śrīṃ bījapālikā |

prapattimārgasulabhā viṣṇuprathamakiṅkarī || 152 ||

klīṅkārārthasavitrī ca saumaṅgalyādhidevatā |

śrīṣoḍaśākṣarīvidyā śrīyantrapuravāsinī || 153 ||

sarvamaṅgalamāṅgalye śive sarvārthasādhike |

śaraṇye tryambake gaurī nārāyaṇi namo'stu te || 154 ||

punaḥ punarnamaste'stu sāṣṭāṅgamayutaṃ punaḥ |

sanatkumāra uvāca-

evaṃ stutā mahālakṣmīrbrahmarudrādibhissuraiḥ |

namadbhirārtairdīnaiśca nissvatvairbhogavarjitaiḥ || 1 ||

jyeṣṭhā juṣṭaiśca niśśrīkaissaṃsārātsvaparāyaṇaiḥ |

viṣṇupatnī dadau teṣāṃ darśanaṃ dṛṣṭitarpaṇam || 2 ||

śaratpūrṇendukoṭyābhadhavalāpāṅgavīkṣaṇaiḥ |

sarvānsattvasamāviṣṭān cakre hṛṣṭā varaṃ dadau || 3 ||

mahālakṣmīruvāca-

nāmnāṃ sāṣṭasahasraṃ me pramādādvāpi yassakṛt |

kīrtayettatkule satyaṃ vasāmyācandratārakam || 4 ||

kiṃ punarniyamājjapturmadekaśaraṇasya ca |

mātṛvatsānukampāhaṃ poṣakī syāmaharniśam || 5 ||

mannāma stavatāṃ loke durlabhaṃ nāsti cintitam |

matprasādena sarve'pi svasveṣṭārthamavāpsyatha || 6 ||

luptavaiṣṇavadharmasya madvrateṣvavakīrṇinaḥ |

bhaktiprapattihīnasya vandyo nāmnāṃ stavo'pi me || 7 ||

tasmādavaśyaṃ tairdoṣairvihīnaḥ pāpavarjitaḥ |

japetsāṣṭasahasraṃ me nāmnāṃ pratyahamādarāt || 8 ||

sākṣādalakṣmīputro'pi durbhāgyo'pyalaso'pi vā |

aprayatno'pi mūḍho'pi vikalaḥ patito'pi ca || 9 ||

avaśyaṃ prāpnuyādbhāgyaṃ matprasādena kevalam |

spṛheyamacirāddevā varadānāya jāpinaḥ |

dadāmi sarvamiṣṭārthaṃ lakṣmīti smaratāṃ dhruvam || 10 ||

sanatkumāra uvāca-

ityuktvā'ntardadhe lakṣmīrvaiṣṇavī bhagavatkalā |

iṣṭāpūrtaṃ ca sukṛtaṃ bhāgadheyaṃ ca cintitam || 11 ||

svaṃ svaṃ sthānaṃ ca bhogaṃ ca vijayaṃ lebhire surāḥ |

tadetat pravadāmyadya lakṣmīnāmasahasrakam |

yoginaḥ paṭhata kṣipraṃ cintitārthānavāpsyatha || 12 ||

gārgya uvāca-

sanatkumāroyogīndra ityuktvā sa dayānidhiḥ |

anugṛhya yayau kṣipraṃ tāṃśca dvādaśayoginaḥ || 13 ||

tasmādetadrahasyaṃ ca gopyaṃ japyaṃ prayatnataḥ |

aṣṭamyāṃ ca caturdaśyāṃ navamyāṃ bhṛguvāsare || 14 ||

paurṇamāsyāmamāyāṃ ca parvakāle viśeṣataḥ |

japedvā nityakāryeṣu sarvānkāmānavāpnuyāt || 15 ||

iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||