Shri Gayatri Sahasra Nama Stotram

ॐ

ශ්රී ගායත්රි සහස්ර නාම ස්තෝත්රම්

Stotram Sinhala

නාරද උවාච –

භගවන්සර්වධර්මජ්ඤ සර්වශාස්ත්රවිශාරද .

ශ්රුතිස්මෘතිපුරාණානාං රහස්යං ත්වන්මුඛාච්ඡ්රුතම් .. 1 ..

සර්වපාපහරං දේව යේන විද්යා ප්රවර්තතේ .

කේන වා බ්රහ්මවිජ්ඤානං කිං නු වා මෝක්ෂසාධනම් .. 2 ..

බ්රාහ්මණානාං ගතිඃ කේන කේන වා මෘත්යු නාශනම් .

ඓහිකාමුෂ්මිකඵලං කේන වා පද්මලෝචන .. 3 ..

වක්තුමර්හස්යශේෂේණ සර්වේ නිඛිලමාදිතඃ .

ශ්රීනාරායණ උවාච –

සාධු සාධු මහාප්රාජ්ඤ සම්යක් පෘෂ්ටං ත්වයා(අ)නඝ .. 4 ..

ශෘණු වක්ෂ්යාමි යත්නේන ගායත්ර්යෂ්ටසහස්රකම් .

නාම්නාං ශුභානාං දිව්යානාං සර්වපාපවිනාශනම් .. 5 ..

සෘෂ්ට්යාදෞ යද්භගවතා පූර්වේ ප්රෝක්තං බ්රවීමි තේ .

අෂ්ටෝත්තරසහස්රස්ය ඍෂිර්බ්රහ්මා ප්රකීර්තිතඃ .. 6 ..

ඡන්දෝ(අ)නුෂ්ටුප්තථා දේවී ගායත්රීං දේවතා ස්මෘතා .

හලෝබීජානි තස්යෛව ස්වරාඃ ශක්තය ඊරිතාඃ .. 7 ..

අඞ්ගන්යාසකරන්යාසාවුච්යේතේ මාතෘකාක්ෂරෛඃ .

අථ ධ්යානං ප්රවක්ෂ්යාමි සාධකානාං හිතාය වෛ .. 8 ..

ධ්යානම්

රක්තශ්වේතහිරණ්යනීලධවලෛර්යුක්තාං ත්රිනීත්රෝජ්ජ්වලාං

රක්තාං රක්තනවස්රජං මණිගණෛර්යුක්තාං කුමාරීමිමාම් .

ගායත්රීං කමලාසනාං කරතලව්යානද්ධකුණ්ඩාම්බුජාං

පද්මාක්ෂීං ච වරස්රජං ච දධතීං හංසාධිරූඪාං භජේ .. 9 ..

අචින්ත්යලක්ෂණාව්යක්තාප්යර්ථමාතෘමහේශ්වරී .

අමෘතාර්ණවමධ්යස්ථාප්යජිතා චාපරාජිතා .. 10 ..

අණිමාදිගුණාධාරාප්යර්කමණ්ඩලසංස්ථිතා .

අජරාජාපරාධර්මා අක්ෂසූත්රධරාධරා .. 11 ..

අකාරාදික්ෂකාරාන්තාප්යරිෂඩ්වර්ගභේදිනී .

අඤ්ජනාද්රිප්රතීකාශාප්යඤ්ජනාද්රිනිවාසිනී .. 12 ..

අදිතිශ්චාජපාවිද්යාප්යරවින්දනිභේක්ෂණා .

අන්තර්බහිඃස්ථිතාවිද්යාධ්වංසිනී චාන්තරාත්මිකා .. 13 ..

අජා චාජමුඛාවාසාප්යරවින්දනිභානනා .

අර්ධමාත්රාර්ථදානජ්ඤාප්යරිමණ්ඩලමර්දිනී .. 14 ..

අසුරඝ්නී හ්යමාවාස්යාප්යලක්ෂ්මීඝ්න්යන්ත්යජාර්චිතා .

ආදිලක්ෂ්මීශ්චාදිශක්තිරාකෘතිශ්චායතානනා .. 15 ..

ආදිත්යපදවීචාරාප්යාදිත්යපරිසේවිතා .

ආචාර්යාවර්තනාචාරාප්යාදිමූර්තිනිවාසිනී .. 16 ..

ආග්නේයී චාමරී චාද්යා චාරාධ්යා චාසනස්ථිතා .

ආධාරනිලයාධාරා චාකාශාන්තනිවාසිනී .. 17 ..

ආද්යාක්ෂරසමායුක්තා චාන්තරාකාශරූපිණී .

ආදිත්යමණ්ඩලගතා චාන්තරධ්වාන්තනාශිනී .. 18 ..

ඉන්දිරා චේෂ්ටදා චේෂ්ටා චේන්දීවරනිභේක්ෂණා .

ඉරාවතී චේන්ද්රපදා චේන්ද්රාණී චේන්දුරූපිණී .. 19 ..

ඉක්ෂුකෝදණ්ඩසංයුක්තා චේෂුසන්ධානකාරිණී .

ඉන්ද්රනීලසමාකාරා චේඩාපිඞ්ගලරූපිණී .. 20 ..

ඉන්ද්රාක්ෂීචේශ්වරී දේවී චේහාත්රයවිවර්ජිතා .

උමා චෝෂා හ්යුඩුනිභා උර්වාරුකඵලානනා .. 21 ..

උඩුප්රභා චෝඩුමතී හ්යුඩුපා හ්යුඩුමධ්යගා .

ඌර්ධ්වා චාප්යූර්ධ්වකේශී චාප්යූර්ධ්වාධෝගතිභේදිනී .. 22 ..

ඌර්ධ්වබාහුප්රියා චෝර්මිමාලාවාග්ග්රන්ථදායිනී .

ඍතං චර්ෂිරෘතුමතී ඍෂිදේවනමස්කෘතා .. 23 ..

ඍග්වේදා ඍණහර්ත්රී ච ඍෂිමණ්ඩලචාරිණී .

ඍද්ධිදා ඍජුමාර්ගස්ථා ඍජුධර්මා ඍජුප්රදා .. 24 ..

ඍග්වේදනිලයා ඍජ්වී ලුප්තධර්මප්රවර්තිනී .

ලූතාරිවරසම්භූතා ලූතාදිවිෂහාරිණී .. 25 ..

ඒකාක්ෂරා චෛකමාත්රා චෛකා චෛකෛකනිෂ්ඨිතා .

ඓන්ද්රී හ්යෛරාවතාරූඪා චෛහිකාමුෂ්මිකප්රදා .. 26 ..

ඕඞ්කාරා හ්යෝෂධී චෝතා චෝතප්රෝතනිවාසිනී .

ඖර්වා හ්යෞෂධසම්පන්නා ඖපාසනඵලප්රදා .. 27 ..

අණ්ඩමධ්යස්ථිතා දේවී චාඃකාරමනුරූපිණී .

කාත්යායනී කාලරාත්රිඃ කාමාක්ෂී කාමසුන්දරී .. 28 ..

කමලා කාමිනී කාන්තා කාමදා කාලකණ්ඨිනී .

කරිකුම්භස්තනභරා කරවීරසුවාසිනී .. 29 ..

කල්යාණී කුණ්ඩලවතී කුරුක්ෂේත්රනිවාසිනී .

කුරුවින්දදලාකාරා කුණ්ඩලී කුමුදාලයා .. 30 ..

කාලජිහ්වා කරාලාස්යා කාලිකා කාලරූපිණී .

කමනීයගුණා කාන්තිඃ කලාධාරා කුමුද්වතී .. 31 ..

කෞශිකී කමලාකාරා කාමචාරප්රභඤ්ජිනී .

කෞමාරී කරුණාපාඞ්ගී කකුවන්තා කරිප්රියා .. 32 ..

කේසරී කේශවනුතා කදම්බකුසුමප්රියා .

කාලින්දී කාලිකා කාඤ්චී කලශෝද්භවසංස්තුතා .. 33 ..

කාමමාතා ක්රතුමතී කාමරූපා කෘපාවතී .

කුමාරී කුණ්ඩනිලයා කිරාතී කීරවාහනා .. 34 ..

කෛකේයී කෝකිලාලාපා කේතකී කුසුමප්රියා .

කමණ්ඩලුධරා කාලී කර්මනිර්මූලකාරිණී .. 35 ..

කලහංසගතිඃ කක්ෂා කෘතකෞතුකමඞ්ගලා .

කස්තූරීතිලකා කම්ප්රා කරීන්ද්රගමනා කුහූඃ .. 36 ..

කර්පූරලේපනා කෘෂ්ණා කපිලා කුහරාශ්රයා .

කූටස්ථා කුධරා කම්රා කුක්ෂිස්ථාඛිලවිෂ්ටපා .. 37 ..

ඛඩ්ගඛේටධරා ඛර්වා ඛේචරී ඛගවාහනා .

ඛට්වාඞ්ගධාරිණී ඛ්යාතා ඛගරාජෝපරිස්ථිතා .. 38 ..

ඛලඝ්නී ඛණ්ඩිතජරා ඛණ්ඩාඛ්යානප්රදායිනී .

ඛණ්ඩේන්දුතිලකා ගඞ්ගා ගණේශගුහපූජිතා .. 39 ..

ගායත්රී ගෝමතී ගීතා ගාන්ධාරී ගානලෝලුපා .

ගෞතමී ගාමිනී ගාධා ගන්ධර්වාප්සරසේවිතා .. 40 ..

ගෝවින්දචරණාක්රාන්තා ගුණත්රයවිභාවිතා .

ගන්ධර්වී ගහ්වරී ගෝත්රා ගිරීශා ගහනා ගමී .. 41 ..

ගුහාවාසා ගුණවතී ගුරුපාපප්රණාශිනී .

ගුර්වී ගුණවතී ගුහ්යා ගෝප්තව්යා ගුණදායිනී .. 42 ..

ගිරිජා ගුහ්යමාතඞ්ගී ගරුඩධ්වජවල්ලභා .

ගර්වාපහාරිණී ගෝදා ගෝකුලස්ථා ගදාධරා .. 43 ..

ගෝකර්ණනිලයාසක්තා ගුහ්යමණ්ඩලවර්තිනී .

ඝර්මදා ඝනදා ඝණ්ටා ඝෝරදානවමර්දිනී .. 44 ..

ඝෘණිමන්ත්රමයී ඝෝෂා ඝනසම්පාතදායිනී .

ඝණ්ටාරවප්රියා ඝ්රාණා ඝෘණිසන්තුෂ්ටකාරිණී .. 45 ..

ඝනාරිමණ්ඩලා ඝූර්ණා ඝෘතාචී ඝනවේගිනී .

ජ්ඤානධාතුමයී චර්චා චර්චිතා චාරුහාසිනී .. 46 ..

චටුලා චණ්ඩිකා චිත්රා චිත්රමාල්යවිභූෂිතා .

චතුර්භුජා චාරුදන්තා චාතුරී චරිතප්රදා .. 47 ..

චූලිකා චිත්රවස්ත්රාන්තා චන්ද්රමඃකර්ණකුණ්ඩලා .

චන්ද්රහාසා චාරුදාත්රී චකෝරී චන්ද්රහාසිනී .. 48 ..

චන්ද්රිකා චන්ද්රධාත්රී ච චෞරී චෞරා ච චණ්ඩිකා .

චඤ්චද්වාග්වාදිනී චන්ද්රචූඩා චෝරවිනාශිනී .. 49 ..

චාරුචන්දනලිප්තාඞ්ගී චඤ්චච්චාමරවීජිතා .

චාරුමධ්යා චාරුගතිශ්චන්දිලා චන්ද්රරූපිණී .. 50 ..

චාරුහෝමප්රියා චාර්වාචරිතා චක්රබාහුකා .

චන්ද්රමණ්ඩලමධ්යස්ථා චන්ද්රමණ්ඩලදර්පණා .. 51 ..

චක්රවාකස්තනී චේෂ්ටා චිත්රා චාරුවිලාසිනී .

චිත්ස්වරූපා චන්ද්රවතී චන්ද්රමාශ්චන්දනප්රියා .. 52 ..

චෝදයිත්රී චිරප්රජ්ඤා චාතකා චාරුහේතුකී .

ඡත්රයාතා ඡත්රධරා ඡායා ඡන්දඃපරිච්ඡදා .. 53 ..

ඡායාදේවී ඡිද්රනඛා ඡන්නේන්ද්රියවිසර්පිණී .

ඡන්දෝ(අ)නුෂ්ටුප්ප්රතිෂ්ඨාන්තා ඡිද්රෝපද්රවභේදිනී .. 54 ..

ඡේදා ඡත්රේශ්වරී ඡින්නා ඡුරිකා ඡේදනප්රියා .

ජනනී ජන්මරහිතා ජාතවේදා ජගන්මයී .. 55 ..

ජාහ්නවී ජටිලා ජේත්රී ජරාමරණවර්ජිතා .

ජම්බූද්වීපවතී ජ්වාලා ජයන්තී ජලශාලිනී .. 56 ..

ජිතේන්ද්රියා ජිතක්රෝධා ජිතාමිත්රා ජගත්ප්රියා .

ජාතරූපමයී ජිහ්වා ජානකී ජගතී ජරා .. 57 ..

ජනිත්රී ජහ්නුතනයා ජගත්ත්රයහිතෛෂිණී .

ජ්වාලාමුඛී ජපවතී ජ්වරඝ්නී ජිතවිෂ්ටපා .. 58 ..

ජිතාක්රාන්තමයී ජ්වාලා ජාග්රතී ජ්වරදේවතා .

ජ්වලන්තී ජලදා ජ්යේෂ්ඨා ජ්යාඝෝෂාස්ඵෝටදිඞ්මුඛී .. 59 ..

ජම්භිනී ජෘම්භණා ජෘම්භා ජ්වලන්මාණික්යකුණ්ඩලා .

ඣිඤ්ඣිකා ඣණනිර්ඝෝෂා ඣඤ්ඣාමාරුතවේගිනී .. 60 ..

ඣල්ලරීවාද්යකුශලා ඤරූපා ඤභුජා ස්මෘතා .

ටඞ්කබාණසමායුක්තා ටඞ්කිනී ටඞ්කභේදිනී .. 61 ..

ටඞ්කීගණකෘතාඝෝෂා ටඞ්කනීයමහෝරසා .

ටඞ්කාරකාරිණී දේවී ඨඨශබ්දනිනාදිනී .. 62 ..

ඩාමරී ඩාකිනී ඩිම්භා ඩුණ්ඩුමාරෛකනිර්ජිතා .

ඩාමරීතන්ත්රමාර්ගස්ථා ඩමඩ්ඩමරුනාදිනී .. 63 ..

ඩිණ්ඩීරවසහා ඩිම්භලසත්ක්රීඩාපරායණා .

ඪුණ්ඪිවිඝ්නේශජනනී ඪක්කාහස්තා ඪිලිව්රජා .. 64 ..

නිත්යජ්ඤානා නිරුපමා නිර්ගුණා නර්මදා නදී .

ත්රිගුණා ත්රිපදා තන්ත්රී තුලසී තරුණා තරුඃ .. 65 ..

ත්රිවික්රමපදාක්රාන්තා තුරීයපදගාමිනී .

තරුණාදිත්යසඞ්කාශා තාමසී තුහිනා තුරා .. 66 ..

ත්රිකාලජ්ඤානසම්පන්නා ත්රිවේණී ච ත්රිලෝචනා .

ත්රිශක්තිස්ත්රිපුරා තුඞ්ගා තුරඞ්ගවදනා තථා .. 67 ..

තිමිඞ්ගිලගිලා තීව්රා ත්රිස්රෝතා තාමසාදිනී .

තන්ත්රමන්ත්රවිශේෂජ්ඤා තනුමධ්යා ත්රිවිෂ්ටපා .. 68 ..

ත්රිසන්ධ්යා ත්රිස්තනී තෝෂාසංස්ථා තාලප්රතාපිනී .

තාටඞ්කිනී තුෂාරාභා තුහිනාචලවාසිනී .. 69 ..

තන්තුජාලසමායුක්තා තාරහාරාවලිප්රියා .

තිලහෝමප්රියා තීර්ථා තමාලකුසුමාකෘතිඃ .. 70 ..

තාරකා ත්රියුතා තන්වී ත්රිශඞ්කුපරිවාරිතා .

තලෝදරී තිලාභූෂා තාටඞ්කප්රියවාදිනී .. 71 ..

ත්රිජටා තිත්තිරී තෘෂ්ණා ත්රිවිධා තරුණාකෘතිඃ .

තප්තකාඤ්චනසඞ්කාශා තප්තකාඤ්චනභූෂණා .. 72 ..

ත්රෛයම්බකා ත්රිවර්ගා ච ත්රිකාලජ්ඤානදායිනී .

තර්පණා තෘප්තිදා තෘප්තා තාමසී තුම්බුරුස්තුතා .. 73 ..

තාර්ක්ෂ්යස්ථා ත්රිගුණාකාරා ත්රිභඞ්ගී තනුවල්ලරිඃ .

ථාත්කාරී ථාරවා ථාන්තා දෝහිනී දීනවත්සලා .. 74 ..

දානවාන්තකරී දුර්ගා දුර්ගාසුරනිබර්හිණී .

දේවරීතිර්දිවාරාත්රිර්ද්රෞපදී දුන්දුභිස්වනා .. 75 ..

දේවයානී දුරාවාසා දාරිද්ර්යෝද්භේදිනී දිවා .

දාමෝදරප්රියා දීප්තා දිග්වාසා දිග්විමෝහිනී .. 76 ..

දණ්ඩකාරණ්යනිලයා දණ්ඩිනී දේවපූජිතා .

දේවවන්ද්යා දිවිෂදා ද්වේෂිණී දානවාකෘතිඃ .. 77 ..

දීනානාථස්තුතා දීක්ෂා දෛවතාදිස්වරූපිණී .

ධාත්රී ධනුර්ධරා ධේනුර්ධාරිණී ධර්මචාරිණී .. 78 ..

ධුරන්ධරා ධරාධාරා ධනදා ධාන්යදෝහිනී .

ධර්මශීලා ධනාධ්යක්ෂා ධනුර්වේදවිශාරදා .. 79 ..

ධෘතිර්ධන්යා ධෘතපදා ධර්මරාජප්රියා ධ්රුවා .

ධූමාවතී ධූමකේශී ධර්මශාස්ත්රප්රකාශිනී .. 80 ..

නන්දා නන්දප්රියා නිද්රා නෘනුතා නන්දනාත්මිකා .

නර්මදා නලිනී නීලා නීලකණ්ඨසමාශ්රයා .. 81 ..

නාරායණප්රියා නිත්යා නිර්මලා නිර්ගුණා නිධිඃ .

නිරාධාරා නිරුපමා නිත්යශුද්ධා නිරඤ්ජනා .. 82 ..

නාදබින්දුකලාතීතා නාදබින්දුකලාත්මිකා .

නෘසිංහිනී නගධරා නෘපනාගවිභූෂිතා .. 83 ..

නරකක්ලේශශමනී නාරායණපදෝද්භවා .

නිරවද්යා නිරාකාරා නාරදප්රියකාරිණී .. 84 ..

නානාජ්යෝතිඃ සමාඛ්යාතා නිධිදා නිර්මලාත්මිකා .

නවසූත්රධරා නීතිර්නිරුපද්රවකාරිණී .. 85 ..

නන්දජා නවරත්නාඪ්යා නෛමිෂාරණ්යවාසිනී .

නවනීතප්රියා නාරී නීලජීමූතනිස්වනා .. 86 ..

නිමේෂිණී නදීරූපා නීලග්රීවා නිශීශ්වරී .

නාමාවලිර්නිශුම්භඝ්නී නාගලෝකනිවාසිනී .. 87 ..

නවජාම්බූනදප්රඛ්යා නාගලෝකාධිදේවතා .

නූපුරාක්රාන්තචරණා නරචිත්තප්රමෝදිනී .. 88 ..

නිමග්නාරක්තනයනා නිර්ඝාතසමනිස්වනා .

නන්දනෝද්යානනිලයා නිර්ව්යූහෝපරිචාරිණී .. 89 ..

පාර්වතී පරමෝදාරා පරබ්රහ්මාත්මිකා පරා .

පඤ්චකෝශවිනිර්මුක්තා පඤ්චපාතකනාශිනී .. 90 ..

පරචිත්තවිධානජ්ඤා පඤ්චිකා පඤ්චරූපිණී .

පූර්ණිමා පරමා ප්රීතිඃ පරතේජඃ ප්රකාශිනී .. 91 ..

පුරාණී පෞරුෂී පුණ්යා පුණ්ඩරීකනිභේක්ෂණා .

පාතාලතලනිර්මග්නා ප්රීතා ප්රීතිවිවර්ධිනී .. 92 ..

පාවනී පාදසහිතා පේශලා පවනාශිනී .

ප්රජාපතිඃ පරිශ්රාන්තා පර්වතස්තනමණ්ඩලා .. 93 ..

පද්මප්රියා පද්මසංස්ථා පද්මාක්ෂී පද්මසම්භවා .

පද්මපත්රා පද්මපදා පද්මිනී ප්රියභාෂිණී .. 94 ..

පශුපාශවිනිර්මුක්තා පුරන්ධ්රී පුරවාසිනී .

පුෂ්කලා පුරුෂා පර්වා පාරිජාතසුමප්රියා .. 95 ..

පතිව්රතා පවිත්රාඞ්ගී පුෂ්පහාසපරායණා .

ප්රජ්ඤාවතීසුතා පෞත්රී පුත්රපූජ්යා පයස්විනී .. 96 ..

පට්ටිපාශධරා පඞ්ක්තිඃ පිතෘලෝකප්රදායිනී .

පුරාණී පුණ්යශීලා ච ප්රණතාර්තිවිනාශිනී .. 97 ..

ප්රද්යුම්නජනනී පුෂ්ටා පිතාමහපරිග්රහා .

පුණ්ඩරීකපුරාවාසා පුණ්ඩරීකසමානනා .. 98 ..

පෘථුජඞ්ඝා පෘථුභුජා පෘථුපාදා පෘථූදරී .

ප්රවාලශෝභා පිඞ්ගාක්ෂී පීතවාසාඃ ප්රචාපලා .. 99 ..

ප්රසවා පුෂ්ටිදා පුණ්යා ප්රතිෂ්ඨා ප්රණවාගතිඃ .

පඤ්චවර්ණා පඤ්චවාණී පඤ්චිකා පඤ්ජරස්ථිතා .. 100 ..

පරමායා පරජ්යෝතිඃ පරප්රීතිඃ පරාගතිඃ .

පරාකාෂ්ඨා පරේශානී පාවනී පාවකද්යුතිඃ .. 101 ..

පුණ්යභද්රා පරිච්ඡේද්යා පුෂ්පහාසා පෘථූදරී .

පීතාඞ්ගී පීතවසනා පීතශය්යා පිශාචිනී .. 102 ..

පීතක්රියා පිශාචඝ්නී පාටලාක්ෂී පටුක්රියා .

පඤ්චභක්ෂප්රියාචාරා පූතනාප්රාණඝාතිනී .. 103 ..

පුන්නාගවනමධ්යස්ථා පුණ්යතීර්ථනිෂේවිතා .

පඤ්චාඞ්ගී ච පරාශක්තිඃ පරමාහ්ලාදකාරිණී .. 104 ..

පුෂ්පකාණ්ඩස්ථිතා පූෂා පෝෂිතාඛිලවිෂ්ටපා .

ප්රාණප්රියා පඤ්චශිඛා පන්නගෝපරිශායිනී .. 105 ..

පඤ්චමාත්රාත්මිකා පෘථ්වී පථිකා පෘථුදෝහිනී .

පුරාණන්යායමීමාංසා පාටලී පුෂ්පගන්ධිනී .. 106 ..

පුණ්යප්රජා පාරදාත්රී පරමාර්ගෛකගෝචරා .

ප්රවාලශෝභා පූර්ණාශා ප්රණවා පල්ලවෝදරී .. 107 ..

ඵලිනී ඵලදා ඵල්ගුඃ ඵූත්කාරී ඵලකාකෘතිඃ .

ඵණීන්ද්රභෝගශයනා ඵණිමණ්ඩලමණ්ඩිතා .. 108 ..

බාලබාලා බහුමතා බාලාතපනිභාංශුකා .

බලභද්රප්රියා වන්ද්යා බඩවා බුද්ධිසංස්තුතා .. 109 ..

බන්දීදේවී බිලවතී බඩිශඝ්නී බලිප්රියා .

බාන්ධවී බෝධිතා බුද්ධිර්බන්ධූකකුසුමප්රියා .. 110 ..

බාලභානුප්රභාකාරා බ්රාහ්මී බ්රාහ්මණදේවතා .

බෘහස්පතිස්තුතා බෘන්දා බෘන්දාවනවිහාරිණී .. 111 ..

බාලාකිනී බිලාහාරා බිලවාසා බහූදකා .

බහුනේත්රා බහුපදා බහුකර්ණාවතංසිකා .. 112 ..

බහුබාහුයුතා බීජරූපිණී බහුරූපිණී .

බින්දුනාදකලාතීතා බින්දුනාදස්වරූපිණී .. 113 ..

බද්ධගෝධාඞ්ගුලිත්රාණා බදර්යාශ්රමවාසිනී .

බෘන්දාරකා බෘහත්ස්කන්ධා බෘහතී බාණපාතිනී .. 114 ..

බෘන්දාධ්යක්ෂා බහුනුතා වනිතා බහුවික්රමා .

බද්ධපද්මාසනාසීනා බිල්වපත්රතලස්ථිතා .. 115 ..

බෝධිද්රුමනිජාවාසා බඩිස්ථා බින්දුදර්පණා .

බාලා බාණාසනවතී බඩබානලවේගිනී .. 116 ..

බ්රහ්මාණ්ඩබහිරන්තඃස්ථා බ්රහ්මකඞ්කණසූත්රිණී .

භවානී භීෂණවතී භාවිනී භයහාරිණී .. 117 ..

භද්රකාලී භුජඞ්ගාක්ෂී භාරතී භාරතාශයා .

භෛරවී භීෂණාකාරා භූතිදා භූතිමාලිනී .. 118 ..

භාමිනී භෝගනිරතා භද්රදා භූරිවික්රමා .

භූතවාසා භෘගුලතා භාර්ගවී භූසුරාර්චිතා .. 119 ..

භාගීරථී භෝගවතී භවනස්ථා භිෂග්වරා .

භාමිනී භෝගිනී භාෂා භවානී භූරිදක්ෂිණා .. 120 ..

භර්ගාත්මිකා භීමවතී භවබන්ධවිමෝචිනී .

භජනීයා භූතධාත්රීරඤ්ජිතා භුවනේශ්වරී .. 121 ..

භුජඞ්ගවලයා භීමා භේරුණ්ඩා භාගධේයිනී .

මාතා මායා මධුමතී මධුජිහ්වා මධුප්රියා .. 122 ..

මහාදේවී මහාභාගා මාලිනී මීනලෝචනා .

මායාතීතා මධුමතී මධුමාංසා මධුද්රවා .. 123 ..

මානවී මධුසම්භූතා මිථිලාපුරවාසිනී .

මධුකෛටභසංහර්ත්රී මේදිනී මේඝමාලිනී .. 124 ..

මන්දෝදරී මහාමායා මෛථිලී මසෘණප්රියා .

මහාලක්ෂ්මීර්මහාකාලී මහාකන්යා මහේශ්වරී .. 125 ..

මාහේන්ද්රී මේරුතනයා මන්දාරකුසුමාර්චිතා .

මඤ්ජුමඤ්ජීරචරණා මෝක්ෂදා මඤ්ජුභාෂිණී .. 126 ..

මධුරද්රාවිණී මුද්රා මලයා මලයාන්විතා .

මේධා මරකතශ්යාමා මාගධී මේනකාත්මජා .. 127 ..

මහාමාරී මහාවීරා මහාශ්යාමා මනුස්තුතා .

මාතෘකා මිහිරාභාසා මුකුන්දපදවික්රමා .. 128 ..

මූලාධාරස්ථිතා මුග්ධා මණිපූරකවාසිනී .

මෘගාක්ෂී මහිෂාරූඪා මහිෂාසුරමර්දිනී .. 129 ..

යෝගාසනා යෝගගම්යා යෝගා යෞවනකාශ්රයා .

යෞවනී යුද්ධමධ්යස්ථා යමුනා යුගධාරිණී .. 130 ..

යක්ෂිණී යෝගයුක්තා ච යක්ෂරාජප්රසූතිනී .

යාත්රා යානවිධානජ්ඤා යදුවංශසමුද්භවා .. 131 ..

යකාරාදිහකාරාන්තා යාජුෂී යජ්ඤරූපිණී .

යාමිනී යෝගනිරතා යාතුධානභයඞ්කරී .. 132 ..

රුක්මිණී රමණී රාමා රේවතී රේණුකා රතිඃ .

රෞද්රී රෞද්රප්රියාකාරා රාමමාතා රතිප්රියා .. 133 ..

රෝහිණී රාජ්යදා රේවා රමා රාජීවලෝචනා .

රාකේශී රූපසම්පන්නා රත්නසිංහාසනස්ථිතා .. 134 ..

රක්තමාල්යාම්බරධරා රක්තගන්ධානුලේපනා .

රාජහංසසමාරූඪා රම්භා රක්තබලිප්රියා .. 135 ..

රමණීයයුගාධාරා රාජිතාඛිලභූතලා .

රුරුචර්මපරීධානා රථිනී රත්නමාලිකා .. 136 ..

රෝගේශී රෝගශමනී රාවිණී රෝමහර්ෂිණී .

රාමචන්ද්රපදාක්රාන්තා රාවණච්ඡේදකාරිණී .. 137 ..

රත්නවස්ත්රපරිච්ඡන්නා රථස්ථා රුක්මභූෂණා .

ලජ්ජාධිදේවතා ලෝලා ලලිතා ලිඞ්ගධාරිණී .. 138 ..

ලක්ෂ්මීර්ලෝලා ලුප්තවිෂා ලෝකිනී ලෝකවිශ්රුතා .

ලජ්ජා ලම්බෝදරී දේවී ලලනා ලෝකධාරිණී .. 139 ..

වරදා වන්දිතා විද්යා වෛෂ්ණවී විමලාකෘතිඃ .

වාරාහී විරජා වර්ෂා වරලක්ෂ්මීර්විලාසිනී .. 140 ..

විනතා ව්යෝමමධ්යස්ථා වාරිජාසනසංස්ථිතා .

වාරුණී වේණුසම්භූතා වීතිහෝත්රා විරූපිණී .. 141 ..

වායුමණ්ඩලමධ්යස්ථා විෂ්ණුරූපා විධිප්රියා .

විෂ්ණුපත්නී විෂ්ණුමතී විශාලාක්ෂී වසුන්ධරා .. 142 ..

වාමදේවප්රියා වේලා වජ්රිණී වසුදෝහිනී .

වේදාක්ෂරපරීතාඞ්ගී වාජපේයඵලප්රදා .. 143 ..

වාසවී වාමජනනී වෛකුණ්ඨනිලයා වරා .

ව්යාසප්රියා වර්මධරා වාල්මීකිපරිසේවිතා .. 144 ..

ශාකම්භරී ශිවා ශාන්තා ශාරදා ශරණාගතිඃ .

ශාතෝදරී ශුභාචාරා ශුම්භාසුරවිමර්දිනී .. 145 ..

ශෝභාවතී ශිවාකාරා ශඞ්කරාර්ධශරීරිණී .

ශෝණා ශුභාශයා ශුභ්රා ශිරඃසන්ධානකාරිණී .. 146 ..

ශරාවතී ශරානන්දා ශරජ්ජ්යෝත්ස්නා ශුභානනා .

ශරභා ශූලිනී ශුද්ධා ශබරී ශුකවාහනා .. 147 ..

ශ්රීමතී ශ්රීධරානන්දා ශ්රවණානන්දදායිනී .

ශර්වාණී ශර්වරීවන්ද්යා ෂඩ්භාෂා ෂඩෘතුප්රියා .. 148 ..

ෂඩාධාරස්ථිතා දේවී ෂණ්මුඛප්රියකාරිණී .

ෂඩඞ්ගරූපසුමතී සුරාසුරනමස්කෘතා .. 149 ..

සරස්වතී සදාධාරා සර්වමඞ්ගලකාරිණී .

සාමගානප්රියා සූක්ෂ්මා සාවිත්රී සාමසම්භවා .. 150 ..

සර්වාවාසා සදානන්දා සුස්තනී සාගරාම්බරා .

සර්වෛශ්වර්යප්රියා සිද්ධිඃ සාධුබන්ධුපරාක්රමා .. 151 ..

සප්තර්ෂිමණ්ඩලගතා සෝමමණ්ඩලවාසිනී .

සර්වජ්ඤා සාන්ද්රකරුණා සමානාධිකවර්ජිතා .. 152 ..

සර්වෝත්තුඞ්ගා සඞ්ගහීනා සද්ගුණා සකලේෂ්ටදා .

සරධා සූර්යතනයා සුකේශී සෝමසංහතිඃ .. 153 ..

හිරණ්යවර්ණා හරිණී හ්රීඞ්කාරී හංසවාහිනී .

ක්ෂෞමවස්ත්රපරීතාඞ්ගී ක්ෂීරාබ්ධිතනයා ක්ෂමා .. 154 ..

ගායත්රී චෛව සාවිත්රී පාර්වතී ච සරස්වතී .

වේදගර්භා වරාරෝහා ශ්රීගායත්රී පරාම්බිකා .. 155 ..

ඉති සාහස්රකං නාම්නාං ගායත්ර්යාශ්චෛව නාරද .

පුණ්යදං සර්වපාපඝ්නං මහාසම්පත්තිදායකම් .. 156 ..

ඒවං නාමානි ගායත්ර්යාස්තෝෂෝත්පත්තිකරාණි හි .

අෂ්ටම්යාං ච විශේෂේණ පඨිතව්යං ද්විජෛඃ සහ .. 157 ..

ජපං කෘත්වා හෝම පූජා ධ්යානං කෘත්වා විශේෂතඃ .

යස්මෛ කස්මෛ න දාතව්යං ගායත්ර්යාස්තු විශේෂතඃ .. 158 ..

සුභක්තාය සුශිෂ්යාය වක්තව්යං භූසුරාය වෛ .

භ්රෂ්ටේභ්යඃ සාධකේභ්යශ්ච බාන්ධවේභ්යෝ න දර්ශයේත් .. 159 ..

යද්ගෘහේ ලිඛිතං ශාස්ත්රං භයං තස්ය න කස්යචිත් .

චඤ්චලාපිස්ථිරා භූත්වා කමලා තත්ර තිෂ්ඨති .. 160 ..

ඉදං රහස්යං පරමං ගුහ්යාද්ගුහ්යතරං මහත් .

පුණ්යප්රදං මනුෂ්යාණාං දරිද්රාණාං නිධිප්රදම් .. 161 ..

මෝක්ෂප්රදං මුමුක්ෂූණාං කාමිනාං සර්වකාමදම් .

රෝගාද්වෛ මුච්යතේ රෝගී බද්ධෝ මුච්යේත බන්ධනාත් .. 162 ..

බ්රහ්මහත්යා සුරාපානං සුවර්ණස්තේයිනෝ නරාඃ .

ගුරුතල්පගතෝ වාපි පාතකාන්මුච්යතේ සකෘත් .. 163 ..

අසත්ප්රතිග්රහාච්චෛවා(අ)භක්ෂ්යභක්ෂාද්විශේෂතඃ .

පාඛණ්ඩානෘතමුඛ්යේභ්යඃ පඨනාදේව මුච්යතේ .. 164 ..

ඉදං රහස්යමමලං මයෝක්තං පද්මජෝද්භව .

බ්රහ්මසායුජ්යදං නෲණාං සත්යං සත්යං න සංශයඃ .. 165 ..

ඉති ශ්රීදේවීභාගවතේ මහාපුරාණේ ද්වාදශස්කන්ධේ ගායත්රීසහස්රනාම ස්තෝත්ර කථනං නාම ෂෂ්ඨෝ(අ)ධ්යායඃ ..

Roman (IAST) Transliteration

nārada uvāca –

bhagavansarvadharmajña sarvaśāstraviśārada |

śrutismṛtipurāṇānāṃ rahasyaṃ tvanmukhācchrutam || 1 ||

sarvapāpaharaṃ deva yena vidyā pravartate |

kena vā brahmavijñānaṃ kiṃ nu vā mokṣasādhanam || 2 ||

brāhmaṇānāṃ gatiḥ kena kena vā mṛtyu nāśanam |

aihikāmuṣmikaphalaṃ kena vā padmalocana || 3 ||

vaktumarhasyaśeṣeṇa sarve nikhilamāditaḥ |

śrīnārāyaṇa uvāca –

sādhu sādhu mahāprājña samyak pṛṣṭaṃ tvayā'nagha || 4 ||

śṛṇu vakṣyāmi yatnena gāyatryaṣṭasahasrakam |

nāmnāṃ śubhānāṃ divyānāṃ sarvapāpavināśanam || 5 ||

sṛṣṭyādau yadbhagavatā pūrve proktaṃ bravīmi te |

aṣṭottarasahasrasya ṛṣirbrahmā prakīrtitaḥ || 6 ||

chando'nuṣṭuptathā devī gāyatrīṃ devatā smṛtā |

halobījāni tasyaiva svarāḥ śaktaya īritāḥ || 7 ||

aṅganyāsakaranyāsāvucyete mātṛkākṣaraiḥ |

atha dhyānaṃ pravakṣyāmi sādhakānāṃ hitāya vai || 8 ||

dhyānam

raktaśvetahiraṇyanīladhavalairyuktāṃ trinītrojjvalāṃ

raktāṃ raktanavasrajaṃ maṇigaṇairyuktāṃ kumārīmimām |

gāyatrīṃ kamalāsanāṃ karatalavyānaddhakuṇḍāmbujāṃ

padmākṣīṃ ca varasrajaṃ ca dadhatīṃ haṃsādhirūḍhāṃ bhaje || 9 ||

acintyalakṣaṇāvyaktāpyarthamātṛmaheśvarī |

amṛtārṇavamadhyasthāpyajitā cāparājitā || 10 ||

aṇimādiguṇādhārāpyarkamaṇḍalasaṃsthitā |

ajarājāparādharmā akṣasūtradharādharā || 11 ||

akārādikṣakārāntāpyariṣaḍvargabhedinī |

añjanādripratīkāśāpyañjanādrinivāsinī || 12 ||

aditiścājapāvidyāpyaravindanibhekṣaṇā |

antarbahiḥsthitāvidyādhvaṃsinī cāntarātmikā || 13 ||

ajā cājamukhāvāsāpyaravindanibhānanā |

ardhamātrārthadānajñāpyarimaṇḍalamardinī || 14 ||

asuraghnī hyamāvāsyāpyalakṣmīghnyantyajārcitā |

ādilakṣmīścādiśaktirākṛtiścāyatānanā || 15 ||

ādityapadavīcārāpyādityaparisevitā |

ācāryāvartanācārāpyādimūrtinivāsinī || 16 ||

āgneyī cāmarī cādyā cārādhyā cāsanasthitā |

ādhāranilayādhārā cākāśāntanivāsinī || 17 ||

ādyākṣarasamāyuktā cāntarākāśarūpiṇī |

ādityamaṇḍalagatā cāntaradhvāntanāśinī || 18 ||

indirā ceṣṭadā ceṣṭā cendīvaranibhekṣaṇā |

irāvatī cendrapadā cendrāṇī cendurūpiṇī || 19 ||

ikṣukodaṇḍasaṃyuktā ceṣusandhānakāriṇī |

indranīlasamākārā ceḍāpiṅgalarūpiṇī || 20 ||

indrākṣīceśvarī devī cehātrayavivarjitā |

umā coṣā hyuḍunibhā urvārukaphalānanā || 21 ||

uḍuprabhā coḍumatī hyuḍupā hyuḍumadhyagā |

ūrdhvā cāpyūrdhvakeśī cāpyūrdhvādhogatibhedinī || 22 ||

ūrdhvabāhupriyā cormimālāvāggranthadāyinī |

ṛtaṃ carṣirṛtumatī ṛṣidevanamaskṛtā || 23 ||

ṛgvedā ṛṇahartrī ca ṛṣimaṇḍalacāriṇī |

ṛddhidā ṛjumārgasthā ṛjudharmā ṛjupradā || 24 ||

ṛgvedanilayā ṛjvī luptadharmapravartinī |

lūtārivarasambhūtā lūtādiviṣahāriṇī || 25 ||

ekākṣarā caikamātrā caikā caikaikaniṣṭhitā |

aindrī hyairāvatārūḍhā caihikāmuṣmikapradā || 26 ||

oṅkārā hyoṣadhī cotā cotaprotanivāsinī |

aurvā hyauṣadhasampannā aupāsanaphalapradā || 27 ||

aṇḍamadhyasthitā devī cāḥkāramanurūpiṇī |

kātyāyanī kālarātriḥ kāmākṣī kāmasundarī || 28 ||

kamalā kāminī kāntā kāmadā kālakaṇṭhinī |

karikumbhastanabharā karavīrasuvāsinī || 29 ||

kalyāṇī kuṇḍalavatī kurukṣetranivāsinī |

kuruvindadalākārā kuṇḍalī kumudālayā || 30 ||

kālajihvā karālāsyā kālikā kālarūpiṇī |

kamanīyaguṇā kāntiḥ kalādhārā kumudvatī || 31 ||

kauśikī kamalākārā kāmacāraprabhañjinī |

kaumārī karuṇāpāṅgī kakuvantā karipriyā || 32 ||

kesarī keśavanutā kadambakusumapriyā |

kālindī kālikā kāñcī kalaśodbhavasaṃstutā || 33 ||

kāmamātā kratumatī kāmarūpā kṛpāvatī |

kumārī kuṇḍanilayā kirātī kīravāhanā || 34 ||

kaikeyī kokilālāpā ketakī kusumapriyā |

kamaṇḍaludharā kālī karmanirmūlakāriṇī || 35 ||

kalahaṃsagatiḥ kakṣā kṛtakautukamaṅgalā |

kastūrītilakā kamprā karīndragamanā kuhūḥ || 36 ||

karpūralepanā kṛṣṇā kapilā kuharāśrayā |

kūṭasthā kudharā kamrā kukṣisthākhilaviṣṭapā || 37 ||

khaḍgakheṭadharā kharvā khecarī khagavāhanā |

khaṭvāṅgadhāriṇī khyātā khagarājoparisthitā || 38 ||

khalaghnī khaṇḍitajarā khaṇḍākhyānapradāyinī |

khaṇḍendutilakā gaṅgā gaṇeśaguhapūjitā || 39 ||

gāyatrī gomatī gītā gāndhārī gānalolupā |

gautamī gāminī gādhā gandharvāpsarasevitā || 40 ||

govindacaraṇākrāntā guṇatrayavibhāvitā |

gandharvī gahvarī gotrā girīśā gahanā gamī || 41 ||

guhāvāsā guṇavatī gurupāpapraṇāśinī |

gurvī guṇavatī guhyā goptavyā guṇadāyinī || 42 ||

girijā guhyamātaṅgī garuḍadhvajavallabhā |

garvāpahāriṇī godā gokulasthā gadādharā || 43 ||

gokarṇanilayāsaktā guhyamaṇḍalavartinī |

gharmadā ghanadā ghaṇṭā ghoradānavamardinī || 44 ||

ghṛṇimantramayī ghoṣā ghanasampātadāyinī |

ghaṇṭāravapriyā ghrāṇā ghṛṇisantuṣṭakāriṇī || 45 ||

ghanārimaṇḍalā ghūrṇā ghṛtācī ghanaveginī |

jñānadhātumayī carcā carcitā cāruhāsinī || 46 ||

caṭulā caṇḍikā citrā citramālyavibhūṣitā |

caturbhujā cārudantā cāturī caritapradā || 47 ||

cūlikā citravastrāntā candramaḥkarṇakuṇḍalā |

candrahāsā cārudātrī cakorī candrahāsinī || 48 ||

candrikā candradhātrī ca caurī caurā ca caṇḍikā |

cañcadvāgvādinī candracūḍā coravināśinī || 49 ||

cārucandanaliptāṅgī cañcaccāmaravījitā |

cārumadhyā cārugatiścandilā candrarūpiṇī || 50 ||

cāruhomapriyā cārvācaritā cakrabāhukā |

candramaṇḍalamadhyasthā candramaṇḍaladarpaṇā || 51 ||

cakravākastanī ceṣṭā citrā cāruvilāsinī |

citsvarūpā candravatī candramāścandanapriyā || 52 ||

codayitrī ciraprajñā cātakā cāruhetukī |

chatrayātā chatradharā chāyā chandaḥparicchadā || 53 ||

chāyādevī chidranakhā channendriyavisarpiṇī |

chando'nuṣṭuppratiṣṭhāntā chidropadravabhedinī || 54 ||

chedā chatreśvarī chinnā churikā chedanapriyā |

jananī janmarahitā jātavedā jaganmayī || 55 ||

jāhnavī jaṭilā jetrī jarāmaraṇavarjitā |

jambūdvīpavatī jvālā jayantī jalaśālinī || 56 ||

jitendriyā jitakrodhā jitāmitrā jagatpriyā |

jātarūpamayī jihvā jānakī jagatī jarā || 57 ||

janitrī jahnutanayā jagattrayahitaiṣiṇī |

jvālāmukhī japavatī jvaraghnī jitaviṣṭapā || 58 ||

jitākrāntamayī jvālā jāgratī jvaradevatā |

jvalantī jaladā jyeṣṭhā jyāghoṣāsphoṭadiṅmukhī || 59 ||

jambhinī jṛmbhaṇā jṛmbhā jvalanmāṇikyakuṇḍalā |

jhiñjhikā jhaṇanirghoṣā jhañjhāmārutaveginī || 60 ||

jhallarīvādyakuśalā ñarūpā ñabhujā smṛtā |

ṭaṅkabāṇasamāyuktā ṭaṅkinī ṭaṅkabhedinī || 61 ||

ṭaṅkīgaṇakṛtāghoṣā ṭaṅkanīyamahorasā |

ṭaṅkārakāriṇī devī ṭhaṭhaśabdaninādinī || 62 ||

ḍāmarī ḍākinī ḍimbhā ḍuṇḍumāraikanirjitā |

ḍāmarītantramārgasthā ḍamaḍḍamarunādinī || 63 ||

ḍiṇḍīravasahā ḍimbhalasatkrīḍāparāyaṇā |

ḍhuṇḍhivighneśajananī ḍhakkāhastā ḍhilivrajā || 64 ||

nityajñānā nirupamā nirguṇā narmadā nadī |

triguṇā tripadā tantrī tulasī taruṇā taruḥ || 65 ||

trivikramapadākrāntā turīyapadagāminī |

taruṇādityasaṅkāśā tāmasī tuhinā turā || 66 ||

trikālajñānasampannā triveṇī ca trilocanā |

triśaktistripurā tuṅgā turaṅgavadanā tathā || 67 ||

timiṅgilagilā tīvrā trisrotā tāmasādinī |

tantramantraviśeṣajñā tanumadhyā triviṣṭapā || 68 ||

trisandhyā tristanī toṣāsaṃsthā tālapratāpinī |

tāṭaṅkinī tuṣārābhā tuhinācalavāsinī || 69 ||

tantujālasamāyuktā tārahārāvalipriyā |

tilahomapriyā tīrthā tamālakusumākṛtiḥ || 70 ||

tārakā triyutā tanvī triśaṅkuparivāritā |

talodarī tilābhūṣā tāṭaṅkapriyavādinī || 71 ||

trijaṭā tittirī tṛṣṇā trividhā taruṇākṛtiḥ |

taptakāñcanasaṅkāśā taptakāñcanabhūṣaṇā || 72 ||

traiyambakā trivargā ca trikālajñānadāyinī |

tarpaṇā tṛptidā tṛptā tāmasī tumburustutā || 73 ||

tārkṣyasthā triguṇākārā tribhaṅgī tanuvallariḥ |

thātkārī thāravā thāntā dohinī dīnavatsalā || 74 ||

dānavāntakarī durgā durgāsuranibarhiṇī |

devarītirdivārātrirdraupadī dundubhisvanā || 75 ||

devayānī durāvāsā dāridryodbhedinī divā |

dāmodarapriyā dīptā digvāsā digvimohinī || 76 ||

daṇḍakāraṇyanilayā daṇḍinī devapūjitā |

devavandyā diviṣadā dveṣiṇī dānavākṛtiḥ || 77 ||

dīnānāthastutā dīkṣā daivatādisvarūpiṇī |

dhātrī dhanurdharā dhenurdhāriṇī dharmacāriṇī || 78 ||

dhurandharā dharādhārā dhanadā dhānyadohinī |

dharmaśīlā dhanādhyakṣā dhanurvedaviśāradā || 79 ||

dhṛtirdhanyā dhṛtapadā dharmarājapriyā dhruvā |

dhūmāvatī dhūmakeśī dharmaśāstraprakāśinī || 80 ||

nandā nandapriyā nidrā nṛnutā nandanātmikā |

narmadā nalinī nīlā nīlakaṇṭhasamāśrayā || 81 ||

nārāyaṇapriyā nityā nirmalā nirguṇā nidhiḥ |

nirādhārā nirupamā nityaśuddhā nirañjanā || 82 ||

nādabindukalātītā nādabindukalātmikā |

nṛsiṃhinī nagadharā nṛpanāgavibhūṣitā || 83 ||

narakakleśaśamanī nārāyaṇapadodbhavā |

niravadyā nirākārā nāradapriyakāriṇī || 84 ||

nānājyotiḥ samākhyātā nidhidā nirmalātmikā |

navasūtradharā nītirnirupadravakāriṇī || 85 ||

nandajā navaratnāḍhyā naimiṣāraṇyavāsinī |

navanītapriyā nārī nīlajīmūtanisvanā || 86 ||

nimeṣiṇī nadīrūpā nīlagrīvā niśīśvarī |

nāmāvalirniśumbhaghnī nāgalokanivāsinī || 87 ||

navajāmbūnadaprakhyā nāgalokādhidevatā |

nūpurākrāntacaraṇā naracittapramodinī || 88 ||

nimagnāraktanayanā nirghātasamanisvanā |

nandanodyānanilayā nirvyūhoparicāriṇī || 89 ||

pārvatī paramodārā parabrahmātmikā parā |

pañcakośavinirmuktā pañcapātakanāśinī || 90 ||

paracittavidhānajñā pañcikā pañcarūpiṇī |

pūrṇimā paramā prītiḥ paratejaḥ prakāśinī || 91 ||

purāṇī pauruṣī puṇyā puṇḍarīkanibhekṣaṇā |

pātālatalanirmagnā prītā prītivivardhinī || 92 ||

pāvanī pādasahitā peśalā pavanāśinī |

prajāpatiḥ pariśrāntā parvatastanamaṇḍalā || 93 ||

padmapriyā padmasaṃsthā padmākṣī padmasambhavā |

padmapatrā padmapadā padminī priyabhāṣiṇī || 94 ||

paśupāśavinirmuktā purandhrī puravāsinī |

puṣkalā puruṣā parvā pārijātasumapriyā || 95 ||

pativratā pavitrāṅgī puṣpahāsaparāyaṇā |

prajñāvatīsutā pautrī putrapūjyā payasvinī || 96 ||

paṭṭipāśadharā paṅktiḥ pitṛlokapradāyinī |

purāṇī puṇyaśīlā ca praṇatārtivināśinī || 97 ||

pradyumnajananī puṣṭā pitāmahaparigrahā |

puṇḍarīkapurāvāsā puṇḍarīkasamānanā || 98 ||

pṛthujaṅghā pṛthubhujā pṛthupādā pṛthūdarī |

pravālaśobhā piṅgākṣī pītavāsāḥ pracāpalā || 99 ||

prasavā puṣṭidā puṇyā pratiṣṭhā praṇavāgatiḥ |

pañcavarṇā pañcavāṇī pañcikā pañjarasthitā || 100 ||

paramāyā parajyotiḥ paraprītiḥ parāgatiḥ |

parākāṣṭhā pareśānī pāvanī pāvakadyutiḥ || 101 ||

puṇyabhadrā paricchedyā puṣpahāsā pṛthūdarī |

pītāṅgī pītavasanā pītaśayyā piśācinī || 102 ||

pītakriyā piśācaghnī pāṭalākṣī paṭukriyā |

pañcabhakṣapriyācārā pūtanāprāṇaghātinī || 103 ||

punnāgavanamadhyasthā puṇyatīrthaniṣevitā |

pañcāṅgī ca parāśaktiḥ paramāhlādakāriṇī || 104 ||

puṣpakāṇḍasthitā pūṣā poṣitākhilaviṣṭapā |

prāṇapriyā pañcaśikhā pannagopariśāyinī || 105 ||

pañcamātrātmikā pṛthvī pathikā pṛthudohinī |

purāṇanyāyamīmāṃsā pāṭalī puṣpagandhinī || 106 ||

puṇyaprajā pāradātrī paramārgaikagocarā |

pravālaśobhā pūrṇāśā praṇavā pallavodarī || 107 ||

phalinī phaladā phalguḥ phūtkārī phalakākṛtiḥ |

phaṇīndrabhogaśayanā phaṇimaṇḍalamaṇḍitā || 108 ||

bālabālā bahumatā bālātapanibhāṃśukā |

balabhadrapriyā vandyā baḍavā buddhisaṃstutā || 109 ||

bandīdevī bilavatī baḍiśaghnī balipriyā |

bāndhavī bodhitā buddhirbandhūkakusumapriyā || 110 ||

bālabhānuprabhākārā brāhmī brāhmaṇadevatā |

bṛhaspatistutā bṛndā bṛndāvanavihāriṇī || 111 ||

bālākinī bilāhārā bilavāsā bahūdakā |

bahunetrā bahupadā bahukarṇāvataṃsikā || 112 ||

bahubāhuyutā bījarūpiṇī bahurūpiṇī |

bindunādakalātītā bindunādasvarūpiṇī || 113 ||

baddhagodhāṅgulitrāṇā badaryāśramavāsinī |

bṛndārakā bṛhatskandhā bṛhatī bāṇapātinī || 114 ||

bṛndādhyakṣā bahunutā vanitā bahuvikramā |

baddhapadmāsanāsīnā bilvapatratalasthitā || 115 ||

bodhidrumanijāvāsā baḍisthā bindudarpaṇā |

bālā bāṇāsanavatī baḍabānalaveginī || 116 ||

brahmāṇḍabahirantaḥsthā brahmakaṅkaṇasūtriṇī |

bhavānī bhīṣaṇavatī bhāvinī bhayahāriṇī || 117 ||

bhadrakālī bhujaṅgākṣī bhāratī bhāratāśayā |

bhairavī bhīṣaṇākārā bhūtidā bhūtimālinī || 118 ||

bhāminī bhoganiratā bhadradā bhūrivikramā |

bhūtavāsā bhṛgulatā bhārgavī bhūsurārcitā || 119 ||

bhāgīrathī bhogavatī bhavanasthā bhiṣagvarā |

bhāminī bhoginī bhāṣā bhavānī bhūridakṣiṇā || 120 ||

bhargātmikā bhīmavatī bhavabandhavimocinī |

bhajanīyā bhūtadhātrīrañjitā bhuvaneśvarī || 121 ||

bhujaṅgavalayā bhīmā bheruṇḍā bhāgadheyinī |

mātā māyā madhumatī madhujihvā madhupriyā || 122 ||

mahādevī mahābhāgā mālinī mīnalocanā |

māyātītā madhumatī madhumāṃsā madhudravā || 123 ||

mānavī madhusambhūtā mithilāpuravāsinī |

madhukaiṭabhasaṃhartrī medinī meghamālinī || 124 ||

mandodarī mahāmāyā maithilī masṛṇapriyā |

mahālakṣmīrmahākālī mahākanyā maheśvarī || 125 ||

māhendrī merutanayā mandārakusumārcitā |

mañjumañjīracaraṇā mokṣadā mañjubhāṣiṇī || 126 ||

madhuradrāviṇī mudrā malayā malayānvitā |

medhā marakataśyāmā māgadhī menakātmajā || 127 ||

mahāmārī mahāvīrā mahāśyāmā manustutā |

mātṛkā mihirābhāsā mukundapadavikramā || 128 ||

mūlādhārasthitā mugdhā maṇipūrakavāsinī |

mṛgākṣī mahiṣārūḍhā mahiṣāsuramardinī || 129 ||

yogāsanā yogagamyā yogā yauvanakāśrayā |

yauvanī yuddhamadhyasthā yamunā yugadhāriṇī || 130 ||

yakṣiṇī yogayuktā ca yakṣarājaprasūtinī |

yātrā yānavidhānajñā yaduvaṃśasamudbhavā || 131 ||

yakārādihakārāntā yājuṣī yajñarūpiṇī |

yāminī yoganiratā yātudhānabhayaṅkarī || 132 ||

rukmiṇī ramaṇī rāmā revatī reṇukā ratiḥ |

raudrī raudrapriyākārā rāmamātā ratipriyā || 133 ||

rohiṇī rājyadā revā ramā rājīvalocanā |

rākeśī rūpasampannā ratnasiṃhāsanasthitā || 134 ||

raktamālyāmbaradharā raktagandhānulepanā |

rājahaṃsasamārūḍhā rambhā raktabalipriyā || 135 ||

ramaṇīyayugādhārā rājitākhilabhūtalā |

rurucarmaparīdhānā rathinī ratnamālikā || 136 ||

rogeśī rogaśamanī rāviṇī romaharṣiṇī |

rāmacandrapadākrāntā rāvaṇacchedakāriṇī || 137 ||

ratnavastraparicchannā rathasthā rukmabhūṣaṇā |

lajjādhidevatā lolā lalitā liṅgadhāriṇī || 138 ||

lakṣmīrlolā luptaviṣā lokinī lokaviśrutā |

lajjā lambodarī devī lalanā lokadhāriṇī || 139 ||

varadā vanditā vidyā vaiṣṇavī vimalākṛtiḥ |

vārāhī virajā varṣā varalakṣmīrvilāsinī || 140 ||

vinatā vyomamadhyasthā vārijāsanasaṃsthitā |

vāruṇī veṇusambhūtā vītihotrā virūpiṇī || 141 ||

vāyumaṇḍalamadhyasthā viṣṇurūpā vidhipriyā |

viṣṇupatnī viṣṇumatī viśālākṣī vasundharā || 142 ||

vāmadevapriyā velā vajriṇī vasudohinī |

vedākṣaraparītāṅgī vājapeyaphalapradā || 143 ||

vāsavī vāmajananī vaikuṇṭhanilayā varā |

vyāsapriyā varmadharā vālmīkiparisevitā || 144 ||

śākambharī śivā śāntā śāradā śaraṇāgatiḥ |

śātodarī śubhācārā śumbhāsuravimardinī || 145 ||

śobhāvatī śivākārā śaṅkarārdhaśarīriṇī |

śoṇā śubhāśayā śubhrā śiraḥsandhānakāriṇī || 146 ||

śarāvatī śarānandā śarajjyotsnā śubhānanā |

śarabhā śūlinī śuddhā śabarī śukavāhanā || 147 ||

śrīmatī śrīdharānandā śravaṇānandadāyinī |

śarvāṇī śarvarīvandyā ṣaḍbhāṣā ṣaḍṛtupriyā || 148 ||

ṣaḍādhārasthitā devī ṣaṇmukhapriyakāriṇī |

ṣaḍaṅgarūpasumatī surāsuranamaskṛtā || 149 ||

sarasvatī sadādhārā sarvamaṅgalakāriṇī |

sāmagānapriyā sūkṣmā sāvitrī sāmasambhavā || 150 ||

sarvāvāsā sadānandā sustanī sāgarāmbarā |

sarvaiśvaryapriyā siddhiḥ sādhubandhuparākramā || 151 ||

saptarṣimaṇḍalagatā somamaṇḍalavāsinī |

sarvajñā sāndrakaruṇā samānādhikavarjitā || 152 ||

sarvottuṅgā saṅgahīnā sadguṇā sakaleṣṭadā |

saradhā sūryatanayā sukeśī somasaṃhatiḥ || 153 ||

hiraṇyavarṇā hariṇī hrīṅkārī haṃsavāhinī |

kṣaumavastraparītāṅgī kṣīrābdhitanayā kṣamā || 154 ||

gāyatrī caiva sāvitrī pārvatī ca sarasvatī |

vedagarbhā varārohā śrīgāyatrī parāmbikā || 155 ||

iti sāhasrakaṃ nāmnāṃ gāyatryāścaiva nārada |

puṇyadaṃ sarvapāpaghnaṃ mahāsampattidāyakam || 156 ||

evaṃ nāmāni gāyatryāstoṣotpattikarāṇi hi |

aṣṭamyāṃ ca viśeṣeṇa paṭhitavyaṃ dvijaiḥ saha || 157 ||

japaṃ kṛtvā homa pūjā dhyānaṃ kṛtvā viśeṣataḥ |

yasmai kasmai na dātavyaṃ gāyatryāstu viśeṣataḥ || 158 ||

subhaktāya suśiṣyāya vaktavyaṃ bhūsurāya vai |

bhraṣṭebhyaḥ sādhakebhyaśca bāndhavebhyo na darśayet || 159 ||

yadgṛhe likhitaṃ śāstraṃ bhayaṃ tasya na kasyacit |

cañcalāpisthirā bhūtvā kamalā tatra tiṣṭhati || 160 ||

idaṃ rahasyaṃ paramaṃ guhyādguhyataraṃ mahat |

puṇyapradaṃ manuṣyāṇāṃ daridrāṇāṃ nidhipradam || 161 ||

mokṣapradaṃ mumukṣūṇāṃ kāmināṃ sarvakāmadam |

rogādvai mucyate rogī baddho mucyeta bandhanāt || 162 ||

brahmahatyā surāpānaṃ suvarṇasteyino narāḥ |

gurutalpagato vāpi pātakānmucyate sakṛt || 163 ||

asatpratigrahāccaivā'bhakṣyabhakṣādviśeṣataḥ |

pākhaṇḍānṛtamukhyebhyaḥ paṭhanādeva mucyate || 164 ||

idaṃ rahasyamamalaṃ mayoktaṃ padmajodbhava |

brahmasāyujyadaṃ nṝṇāṃ satyaṃ satyaṃ na saṃśayaḥ || 165 ||

iti śrīdevībhāgavate mahāpurāṇe dvādaśaskandhe gāyatrīsahasranāma stotra kathanaṃ nāma ṣaṣṭho'dhyāyaḥ ||