asya śrīdattātreya dvādaśanāma stotramantrasya paramahaṃsa ṛṣiḥ śrīdattātreya paramātmā devatā anuṣṭupchandaḥ sakalakāmanāsiddhyarthe jape viniyogaḥ |
prathamastu mahāyogī dvitīyaḥ prabhurīśvaraḥ |
tṛtīyaśca trimūrtiśca caturtho jñānasāgaraḥ || 1 ||
pañcamo jñānavijñānaṃ ṣaṣṭhasyāt sarvamaṅgalam |
saptamo puṇḍarīkākṣo aṣṭamo devavallabhaḥ || 2 ||
navamo nandadeveśo daśamo nandadāyakaḥ |
ekādaśo mahārudro dvādaśo karuṇākaraḥ || 3 ||
etāni dvādaśanāmāni dattātreya mahātmanaḥ |
mantrarājeti vikhyātaṃ dattātreya haraḥ paraḥ || 4 ||
kṣayopasmāra kuṣṭhādi tāpajvaranivāraṇam |
rājadvāre pade ghore saṅgrāmeṣu jalāntare || 5 ||
gire guhāntare'raṇye vyāghracorabhayādiṣu |
āvartane sahasreṣu labhate vāñchitaṃ phalam || 6 ||
trikāle yaḥ paṭhennityaṃ mokṣasiddhimavāpnuyāt |
dattātreya sadā rakṣet yadā satyaṃ na saṃśayaḥ || 7 ||
vidyārthī labhate vidyāṃ rogī rogāt pramucyate |
aputro labhate putraṃ daridro labhate dhanam || 8 ||
abhāryo labhate bhāryāṃ sukhārthī labhate sukham |
mucyate sarvapāpebhyo sarvatra vijayī bhavet || 9 ||
iti śrī dattātreya dvādaśanāma stotram |