Shri Annapurna Ashtottarashata Namstotram

ॐ

ශ්රී අන්නපූර්ණා අෂ්ටෝත්තරශත නාම්ස්තෝත්රම්

Tara Ashtottara Sata Namavali Sinhala

අස්ය ශ්රී අන්නපූර්ණාෂ්ටෝත්තර ශතනාමස්තෝත්ර මහාමන්ත්රස්ය බ්රහ්මා ඍෂිඃ අනුෂ්ටුප්ඡන්දඃ ශ්රී අන්නපූර්ණේශ්වරී දේවතා ස්වධා බීජං ස්වාහා ශක්තිඃ ඕං කීලකං මම සර්වාභීෂ්ටප්රසාදසිද්ධ්යර්ථේ ජපේ විනියෝගඃ .

ඕං අන්නපූර්ණා ශිවා දේවී භීමා පුෂ්ටිස්සරස්වතී .

සර්වජ්ඤා පාර්වතී දුර්ගා ශර්වාණී ශිවවල්ලභා .. 1 ..

වේදවේද්යා මහාවිද්යා විද්යාදාත්රී විශාරදා .

කුමාරී ත්රිපුරා බාලා ලක්ෂ්මීශ්ශ්රීර්භයහාරිණී .. 2 ..

භවානී විෂ්ණුජනනී බ්රහ්මාදිජනනී තථා .

ගණේශජනනී ශක්තිඃ කුමාරජනනී ශුභා .. 3 ..

භෝගප්රදා භගවතී භක්තාභීෂ්ටප්රදායිනී .

භවරෝගහරා භව්යා ශුභ්රා පරමමඞ්ගලා .. 4 ..

භවානී චඤ්චලා ගෞරී චාරුචන්ද්රකලාධරා .

විශාලාක්ෂී විශ්වමාතා විශ්වවන්ද්යා විලාසිනී .. 5 ..

ආර්යා කල්යාණනිලයා රුද්රාණී කමලාසනා .

ශුභප්රදා ශුභා(අ)නන්තා වෘත්තපීනපයෝධරා .. 6 ..

අම්බා සංහාරමථනී මෘඩානී සර්වමඞ්ගලා .

විෂ්ණුසංසේවිතා සිද්ධා බ්රහ්මාණී සුරසේවිතා .. 7 ..

පරමානන්දදා ශාන්තිඃ පරමානන්දරූපිණී .

පරමානන්දජනනී පරානන්දප්රදායිනී .. 8 ..

පරෝපකාරනිරතා පරමා භක්තවත්සලා .

පූර්ණචන්ද්රාභවදනා පූර්ණචන්ද්රනිභාංශුකා .. 9 ..

ශුභලක්ෂණසම්පන්නා ශුභානන්දගුණාර්ණවා .

ශුභසෞභාග්යනිලයා ශුභදා ච රතිප්රියා .. 10 ..

චණ්ඩිකා චණ්ඩමථනී චණ්ඩදර්පනිවාරිණී .

මාර්තාණ්ඩනයනා සාධ්වී චන්ද්රාග්නිනයනා සතී .. 11 ..

පුණ්ඩරීකහරා පූර්ණා පුණ්යදා පුණ්යරූපිණී .

මායාතීතා ශ්රේෂ්ඨමායා ශ්රේෂ්ඨධර්මාත්මවන්දිතා .. 12 ..

අසෘෂ්ටිස්සඞ්ගරහිතා සෘෂ්ටිහේතු කපර්දිනී .

වෘෂාරූඪා ශූලහස්තා ස්ථිතිසංහාරකාරිණී .. 13 ..

මන්දස්මිතා ස්කන්දමාතා ශුද්ධචිත්තා මුනිස්තුතා .

මහාභගවතී දක්ෂා දක්ෂාධ්වරවිනාශිනී .. 14 ..

සර්වාර්ථදාත්රී සාවිත්රී සදාශිවකුටුම්බිනී .

නිත්යසුන්දරසර්වාඞ්ගී සච්චිදානන්දලක්ෂණා .. 15 ..

නාම්නාමෂ්ටෝත්තරශතමම්බායාඃ පුණ්යකාරණම් .

සර්වසෞභාග්යසිද්ධ්යර්ථං ජපනීයං ප්රයත්නතඃ .. 16 ..

ඉදං ජපාධිකාරස්තු ප්රාණමේව තතස්ස්තුතඃ .

ආවහන්තීති මන්ත්රේණ ප්රත්යේකං ච යථාක්රමම් .. 17 ..

කර්තව්යං තර්පණං නිත්යං පීඨමන්ත්රේති මූලවත් .

තත්තන්මන්ත්රේතිහෝමේති කර්තව්යශ්චේති මාලවත් .. 18 ..

ඒතානි දිව්යනාමානි ශ්රුත්වා ධ්යාත්වා නිරන්තරම් .

ස්තුත්වා දේවීං ච සතතං සර්වාන්කාමානවාප්නුයාත් .. 19 ..

ඉති ශ්රී බ්රහ්මෝත්තරඛණ්ඩේ ආගමප්රඛ්යාතිශිවරහස්යේ අන්නපූර්ණාෂ්ටෝත්තර ශතනාමස්තෝත්රම් ..

Roman (IAST) Transliteration

asya śrī annapūrṇāṣṭottara śatanāmastotra mahāmantrasya brahmā ṛṣiḥ anuṣṭupchandaḥ śrī annapūrṇeśvarī devatā svadhā bījaṃ svāhā śaktiḥ oṃ kīlakaṃ mama sarvābhīṣṭaprasādasiddhyarthe jape viniyogaḥ |

oṃ annapūrṇā śivā devī bhīmā puṣṭissarasvatī |

sarvajñā pārvatī durgā śarvāṇī śivavallabhā || 1 ||

vedavedyā mahāvidyā vidyādātrī viśāradā |

kumārī tripurā bālā lakṣmīśśrīrbhayahāriṇī || 2 ||

bhavānī viṣṇujananī brahmādijananī tathā |

gaṇeśajananī śaktiḥ kumārajananī śubhā || 3 ||

bhogapradā bhagavatī bhaktābhīṣṭapradāyinī |

bhavarogaharā bhavyā śubhrā paramamaṅgalā || 4 ||

bhavānī cañcalā gaurī cārucandrakalādharā |

viśālākṣī viśvamātā viśvavandyā vilāsinī || 5 ||

āryā kalyāṇanilayā rudrāṇī kamalāsanā |

śubhapradā śubhā'nantā vṛttapīnapayodharā || 6 ||

ambā saṃhāramathanī mṛḍānī sarvamaṅgalā |

viṣṇusaṃsevitā siddhā brahmāṇī surasevitā || 7 ||

paramānandadā śāntiḥ paramānandarūpiṇī |

paramānandajananī parānandapradāyinī || 8 ||

paropakāraniratā paramā bhaktavatsalā |

pūrṇacandrābhavadanā pūrṇacandranibhāṃśukā || 9 ||

śubhalakṣaṇasampannā śubhānandaguṇārṇavā |

śubhasaubhāgyanilayā śubhadā ca ratipriyā || 10 ||

caṇḍikā caṇḍamathanī caṇḍadarpanivāriṇī |

mārtāṇḍanayanā sādhvī candrāgninayanā satī || 11 ||

puṇḍarīkaharā pūrṇā puṇyadā puṇyarūpiṇī |

māyātītā śreṣṭhamāyā śreṣṭhadharmātmavanditā || 12 ||

asṛṣṭissaṅgarahitā sṛṣṭihetu kapardinī |

vṛṣārūḍhā śūlahastā sthitisaṃhārakāriṇī || 13 ||

mandasmitā skandamātā śuddhacittā munistutā |

mahābhagavatī dakṣā dakṣādhvaravināśinī || 14 ||

sarvārthadātrī sāvitrī sadāśivakuṭumbinī |

nityasundarasarvāṅgī saccidānandalakṣaṇā || 15 ||

nāmnāmaṣṭottaraśatamambāyāḥ puṇyakāraṇam |

sarvasaubhāgyasiddhyarthaṃ japanīyaṃ prayatnataḥ || 16 ||

idaṃ japādhikārastu prāṇameva tatasstutaḥ |

āvahantīti mantreṇa pratyekaṃ ca yathākramam || 17 ||

kartavyaṃ tarpaṇaṃ nityaṃ pīṭhamantreti mūlavat |

tattanmantretihometi kartavyaśceti mālavat || 18 ||

etāni divyanāmāni śrutvā dhyātvā nirantaram |

stutvā devīṃ ca satataṃ sarvānkāmānavāpnuyāt || 19 ||

iti śrī brahmottarakhaṇḍe āgamaprakhyātiśivarahasye annapūrṇāṣṭottara śatanāmastotram ||