Minakshi Pancha Ratna Stotram

ॐ

මීනාක්ෂී පඤ්ච රත්න ස්තෝත්රම්

Meenakshi Pancharatnam Adi Shankaracharya Sinhala

උද්යද්භානුසහස්රකෝටිසදෘශාං කේයූරහාරෝජ්ජ්වලාං

බිම්බෝෂ්ඨීං ස්මිතදන්තපඞ්ක්තිරුචිරාං පීතාම්බරාලඞ්කෘතාම් .

විෂ්ණුබ්රහ්මසුරේන්ද්රසේවිතපදාං තත්ත්වස්වරූපාං ශිවාං

මීනාක්ෂීං ප්රණතෝ(අ)ස්මි සන්තතමහං කාරුණ්යවාරාන්නිධිම් .. 1 ..

මුක්තාහාරලසත්කිරීටරුචිරාං පූර්ණේන්දුවක්ත්රප්රභාං

ශිඤ්ජන්නූපුරකිඞ්කිණීමණිධරාං පද්මප්රභාභාසුරාම් .

සර්වාභීෂ්ටඵලප්රදාං ගිරිසුතාං වාණීරමාසේවිතාං

මීනාක්ෂීං ප්රණතෝ(අ)ස්මි සන්තතමහං කාරුණ්යවාරාන්නිධිම් .. 2 ..

ශ්රීවිද්යාං ශිවවාමභාගනිලයාං හ්රීඞ්කාරමන්ත්රෝජ්ජ්වලාං

ශ්රීචක්රාඞ්කිතබින්දුමධ්යවසතිං ශ්රීමත්සභානායකීම් .

ශ්රීමත්ෂණ්මුඛවිඝ්නරාජජනනීං ශ්රීමජ්ජගන්මෝහිනීං

මීනාක්ෂීං ප්රණතෝ(අ)ස්මි සන්තතමහං කාරුණ්යවාරාන්නිධිම් .. 3 ..

ශ්රීමත්සුන්දරනායිකාං භයහරාං ජ්ඤානප්රදාං නිර්මලාං

ශ්යාමාභාං කමලාසනාර්චිතපදාං නාරායණස්යානුජාම් .

වීණාවේණුමෘදඞ්ගවාද්යරසිකාං නානාවිධාමම්බිකාං

මීනාක්ෂීං ප්රණතෝ(අ)ස්මි සන්තතමහං කාරුණ්යවාරාන්නිධිම් .. 4 ..

නානායෝගිමුනීන්ද්රහෘත්සුවසතීං නානාර්ථසිද්ධිප්රදාං

නානාපුෂ්පවිරාජිතාඞ්ඝ්රියුගලාං නාරායණේනාර්චිතාම් .

නාදබ්රහ්මමයීං පරාත්පරතරාං නානාර්ථතත්වාත්මිකාං

මීනාක්ෂීං ප්රණතෝ(අ)ස්මි සන්තතමහං කාරුණ්යවාරාන්නිධිම් .. 5 ..

Roman (IAST) Transliteration

udyadbhānusahasrakoṭisadṛśāṃ keyūrahārojjvalāṃ

bimboṣṭhīṃ smitadantapaṅktirucirāṃ pītāmbarālaṅkṛtām |

viṣṇubrahmasurendrasevitapadāṃ tattvasvarūpāṃ śivāṃ

mīnākṣīṃ praṇato'smi santatamahaṃ kāruṇyavārānnidhim || 1 ||

muktāhāralasatkirīṭarucirāṃ pūrṇenduvaktraprabhāṃ

śiñjannūpurakiṅkiṇīmaṇidharāṃ padmaprabhābhāsurām |

sarvābhīṣṭaphalapradāṃ girisutāṃ vāṇīramāsevitāṃ

mīnākṣīṃ praṇato'smi santatamahaṃ kāruṇyavārānnidhim || 2 ||

śrīvidyāṃ śivavāmabhāganilayāṃ hrīṅkāramantrojjvalāṃ

śrīcakrāṅkitabindumadhyavasatiṃ śrīmatsabhānāyakīm |

śrīmatṣaṇmukhavighnarājajananīṃ śrīmajjaganmohinīṃ

mīnākṣīṃ praṇato'smi santatamahaṃ kāruṇyavārānnidhim || 3 ||

śrīmatsundaranāyikāṃ bhayaharāṃ jñānapradāṃ nirmalāṃ

śyāmābhāṃ kamalāsanārcitapadāṃ nārāyaṇasyānujām |

vīṇāveṇumṛdaṅgavādyarasikāṃ nānāvidhāmambikāṃ

mīnākṣīṃ praṇato'smi santatamahaṃ kāruṇyavārānnidhim || 4 ||

nānāyogimunīndrahṛtsuvasatīṃ nānārthasiddhipradāṃ

nānāpuṣpavirājitāṅghriyugalāṃ nārāyaṇenārcitām |

nādabrahmamayīṃ parātparatarāṃ nānārthatatvātmikāṃ

mīnākṣīṃ praṇato'smi santatamahaṃ kāruṇyavārānnidhim || 5 ||