Maha Sarasvati Stavam — InfoLyter.in

ॐ

මහා සරස්වතී ස්තවම්

Maha Sarasvati Stavam

Saraswati Sinhala

අශ්වතර උවාච .

ජගද්ධාත්රීමහං දේවීමාරිරාධයිෂුඃ ශුභාම් .

ස්තෝෂ්යේ ප්රණම්ය ශිරසා බ්රහ්මයෝනිං සරස්වතීම් .. 1 ..

සදසද්දේවි යත්කිඤ්චින්මෝක්ෂවච්චාර්ථවත්පදම් .

තත්සර්වං ත්වය්යසංයෝගං යෝගවද්දේවි සංස්ථිතම් .. 2 ..

ත්වමක්ෂරං පරං දේවි යත්ර සර්වං ප්රතිෂ්ඨිතම් .

අක්ෂරං පරමං දේවි සංස්ථිතං පරමාණුවත් .. 3 ..

අක්ෂරං පරමං බ්රහ්ම විශ්වඤ්චෛතත්ක්ෂරාත්මකම් .

දාරුණ්යවස්ථිතෝ වහ්නිර්භෞමාශ්ච පරමාණවඃ .. 4 ..

තථා ත්වයි ස්ථිතං බ්රහ්ම ජගච්චේදමශේෂතඃ .

ඕඞ්කාරාක්ෂරසංස්ථානං යත්තු දේවි ස්ථිරාස්ථිරම් .. 5 ..

තත්ර මාත්රාත්රයං සර්වමස්ති යද්දේවි නාස්ති ච .

ත්රයෝ ලෝකාස්ත්රයෝ වේදාස්ත්රෛවිද්යං පාවකත්රයම් .. 6 ..

ත්රීණි ජ්යෝතීංෂි වර්ණාශ්ච ත්රයෝ ධර්මාගමාස්තථා .

ත්රයෝ ගුණාස්ත්රයඃ ශබ්දස්ත්රයෝ වේදාස්තථාශ්රමාඃ .. 7 ..

ත්රයඃ කාලාස්තථාවස්ථාඃ පිතරෝ(අ)හර්නිශාදයඃ .

ඒතන්මාත්රාත්රයං දේවි තව රූපං සරස්වති .. 8 ..

විභින්නදර්ශිනාමාද්යා බ්රහ්මණෝ හි සනාතනාඃ .

සෝමසංස්ථා හවිඃ සංස්ථාඃ පාකසංස්ථාශ්ච සප්ත යාඃ .. 9 ..

තාස්ත්වදුච්චාරණාද්දේවි ක්රියන්තේ බ්රහ්මවාදිභිඃ .

අනිර්දේශ්යං තථා චාන්යදර්ධමාත්රාන්විතං පරම් .. 10 ..

අවිකාර්යක්ෂයං දිව්යං පරිණාමවිවර්ජිතම් .

තවෛතත්පරමං රූපං යන්න ශක්යං මයෝදිතුම් .. 11 ..

න චාස්යේන ච තජ්ජිහ්වා තාම්රෝෂ්ඨාදිභිරුච්යතේ .

ඉන්ද්රෝ(අ)පි වසවෝ බ්රහ්මා චන්ද්රාර්කෞ ජ්යෝතිරේව ච .. 12 ..

විශ්වාවාසං විශ්වරූපං විශ්වේශං පරමේශ්වරම් .

සාඞ්ඛ්යවේදාන්තවාදෝක්තං බහුශාඛාස්ථිරීකෘතම් .. 13 ..

අනාදිමධ්යනිධනං සදසන්න සදේව යත් .

ඒකන්ත්වනේකං නාප්යේකං භවභේදසමාශ්රිතම් .. 14 ..

අනාඛ්යං ෂඩ්ගුණාඛ්යඤ්ච වර්ගාඛ්යං ත්රිගුණාශ්රයම් .

නානාශක්තිමතාමේකං ශක්තිවෛභවිකං පරම් .. 15 ..

සුඛාසුඛං මහාසෞඛ්යරූපං ත්වයි විභාව්යතේ .

ඒවං දේවි ත්වයා ව්යාප්තං සකලං නිෂ්කලඤ්ච යත් .

අද්වෛතාවස්ථිතං බ්රහ්ම යච්ච ද්වෛතේ ව්යවස්ථිතම් .. 16 ..

යේ(අ)ර්ථා නිත්යා යේ විනශ්යන්ති චාන්යේ

යේ වා ස්ථූලා යේ ච සූක්ෂ්මාතිසූක්ෂ්මාඃ .

යේ වා භූමෞ යේ(අ)න්තරීක්ෂේ(අ)න්යතෝ වා

තේෂාං තේෂාං ත්වත්ත ඒවෝපලබ්ධිඃ .. 17 ..

යච්චාමූර්තං යච්ච මූර්තං සමස්තං

යද්වා භූතේෂ්වේකමේකඤ්ච කිඤ්චිත් .

යද්දිව්යස්ති ක්ෂ්මාතලේ ඛේ(අ)න්යතෝ වා

ත්වත්සම්බන්ධං ත්වත්ස්වරෛර්ව්යඤ්ජනෛශ්ච .. 18 ..

ඉති ශ්රීමාර්කණ්ඩේයපුරාණේ ත්රයෝවිංශෝ(අ)ධ්යායේ අශ්වතර ප්රෝක්ත මහාසරස්වතී ස්තවම් .

Roman (IAST) Transliteration

aśvatara uvāca |

jagaddhātrīmahaṃ devīmārirādhayiṣuḥ śubhām |

stoṣye praṇamya śirasā brahmayoniṃ sarasvatīm || 1 ||

sadasaddevi yatkiñcinmokṣavaccārthavatpadam |

tatsarvaṃ tvayyasaṃyogaṃ yogavaddevi saṃsthitam || 2 ||

tvamakṣaraṃ paraṃ devi yatra sarvaṃ pratiṣṭhitam |

akṣaraṃ paramaṃ devi saṃsthitaṃ paramāṇuvat || 3 ||

akṣaraṃ paramaṃ brahma viśvañcaitatkṣarātmakam |

dāruṇyavasthito vahnirbhaumāśca paramāṇavaḥ || 4 ||

tathā tvayi sthitaṃ brahma jagaccedamaśeṣataḥ |

oṅkārākṣarasaṃsthānaṃ yattu devi sthirāsthiram || 5 ||

tatra mātrātrayaṃ sarvamasti yaddevi nāsti ca |

trayo lokāstrayo vedāstraividyaṃ pāvakatrayam || 6 ||

trīṇi jyotīṃṣi varṇāśca trayo dharmāgamāstathā |

trayo guṇāstrayaḥ śabdastrayo vedāstathāśramāḥ || 7 ||

trayaḥ kālāstathāvasthāḥ pitaro'harniśādayaḥ |

etanmātrātrayaṃ devi tava rūpaṃ sarasvati || 8 ||

vibhinnadarśināmādyā brahmaṇo hi sanātanāḥ |

somasaṃsthā haviḥ saṃsthāḥ pākasaṃsthāśca sapta yāḥ || 9 ||

tāstvaduccāraṇāddevi kriyante brahmavādibhiḥ |

anirdeśyaṃ tathā cānyadardhamātrānvitaṃ param || 10 ||

avikāryakṣayaṃ divyaṃ pariṇāmavivarjitam |

tavaitatparamaṃ rūpaṃ yanna śakyaṃ mayoditum || 11 ||

na cāsyena ca tajjihvā tāmroṣṭhādibhirucyate |

indro'pi vasavo brahmā candrārkau jyotireva ca || 12 ||

viśvāvāsaṃ viśvarūpaṃ viśveśaṃ parameśvaram |

sāṅkhyavedāntavādoktaṃ bahuśākhāsthirīkṛtam || 13 ||

anādimadhyanidhanaṃ sadasanna sadeva yat |

ekantvanekaṃ nāpyekaṃ bhavabhedasamāśritam || 14 ||

anākhyaṃ ṣaḍguṇākhyañca vargākhyaṃ triguṇāśrayam |

nānāśaktimatāmekaṃ śaktivaibhavikaṃ param || 15 ||

sukhāsukhaṃ mahāsaukhyarūpaṃ tvayi vibhāvyate |

evaṃ devi tvayā vyāptaṃ sakalaṃ niṣkalañca yat |

advaitāvasthitaṃ brahma yacca dvaite vyavasthitam || 16 ||

ye'rthā nityā ye vinaśyanti cānye

ye vā sthūlā ye ca sūkṣmātisūkṣmāḥ |

ye vā bhūmau ye'ntarīkṣe'nyato vā

teṣāṃ teṣāṃ tvatta evopalabdhiḥ || 17 ||

yaccāmūrtaṃ yacca mūrtaṃ samastaṃ

yadvā bhūteṣvekamekañca kiñcit |

yaddivyasti kṣmātale khe'nyato vā

tvatsambandhaṃ tvatsvarairvyañjanaiśca || 18 ||

iti śrīmārkaṇḍeyapurāṇe trayoviṃśo'dhyāye aśvatara prokta mahāsarasvatī stavam |