Ketu Ashtottara Shata Nama Stotram

ॐ

කේතු අෂ්ටෝත්තර ශත නාම ස්තෝත්රම්

Tara Ashtottara Sata Namavali Sinhala

ශෘණු නාමානි ජප්යානි කේතෝ රථ මහාමතේ .

කේතුඃ ස්ථූලශිරාශ්චෛව ශිරෝමාත්රෝ ධ්වජාකෘතිඃ .. 1 ..

නවග්රහයුතඃ සිංහිකාසුරීගර්භසම්භවඃ .

මහාභීතිකරශ්චිත්රවර්ණෝ වෛ පිඞ්ගලාක්ෂකඃ .. 2 ..

ස ඵලෝධූම්රසඞ්කාශඃ තීක්ෂ්ණදංෂ්ට්රෝ මහෝරගඃ .

රක්තනේත්රශ්චිත්රකාරී තීව්රකෝපෝ මහාසුරඃ .. 3 ..

ක්රූරකණ්ඨඃ ක්රෝධනිධිශ්ඡායාග්රහවිශේෂකඃ .

අන්ත්යග්රහෝ මහාශීර්ෂෝ සූර්යාරිඃ පුෂ්පවද්ග්රහී .. 4 ..

වරහස්තෝ ගදාපාණිශ්චිත්රවස්ත්රධරස්තථා .

චිත්රධ්වජපතාකශ්ච ඝෝරශ්චිත්රරථඃ ශිඛී .. 5 ..

කුලුත්ථභක්ෂකශ්චෛව වෛඩූර්යාභරණස්තථා .

උත්පාතජනකඃ ශුක්රමිත්රං මන්දසඛස්තථා .. 6 ..

ගදාධරඃ නාකපතිඃ අන්තර්වේදීශ්වරස්තථා .

ජෛමිනීගෝත්රජශ්චිත්රගුප්තාත්මා දක්ෂිණාමුඛඃ .. 7 ..

මුකුන්දවරපාත්රං ච මහාසුරකුලෝද්භවඃ .

ඝනවර්ණෝ ලම්බදේහෝ මෘත්යුපුත්රස්තථෛව ච .. 8 ..

උත්පාතරූපධාරී චා(අ)දෘශ්යඃ කාලාග්නිසන්නිභඃ .

නෘපීඩෝ ග්රහකාරී ච සර්වෝපද්රවකාරකඃ .. 9 ..

චිත්රප්රසූතෝ හ්යනලඃ සර්වව්යාධිවිනාශකඃ .

අපසව්යප්රචාරී ච නවමේ පාපදායකඃ .. 10 ..

පඤ්චමේ ශෝකදශ්චෝපරාගඛේචර ඒව ච .

අතිපුරුෂකර්මා ච තුරීයේ (තු) සුඛප්රදඃ .. 11 ..

තෘතීයේ වෛරදඃ පාපග්රහශ්ච ස්ඵෝටකාරකඃ .

ප්රාණනාථඃ පඤ්චමේ තු ශ්රමකාරක ඒව ච .. 12 ..

ද්විතීයේ(අ)ස්ඵුටවාග්දාතා විෂාකුලිතවක්ත්රකඃ .

කාමරූපී සිංහදන්තඃ සත්යේප්යනෘතවානපි .. 13 ..

චතුර්ථේ මාතෘනාශශ්ච නවමේ පිතෘනාශකඃ .

අන්ත්යේ වෛරප්රදශ්චෛව සුතානන්දනබන්ධකඃ .. 14 ..

සර්පාක්ෂිජාතෝ(අ)නඞ්ගශ්ච කර්මරාශ්යුද්භවස්තථා .

උපාන්තේ කීර්තිදශ්චෛව සප්තමේ කලහප්රදඃ .. 15 ..

අෂ්ටමේ ව්යාධිකර්තා ච ධනේ බහුසුඛප්රදඃ .

ජනනේ රෝගදශ්චෝර්ධ්වමූර්ධජෝ ග්රහනායකඃ .. 16 ..

පාපදෘෂ්ටිඃ ඛේචරශ්ච ශාම්භවෝ(අ)ශේෂපූජිතඃ .

ශාශ්වතශ්ච නටශ්චෛව ශුභා(අ)ශුභඵලප්රදඃ .. 17 ..

ධූම්රශ්චෛව සුධාපායී හ්යජිතෝ භක්තවත්සලඃ .

සිංහාසනඃ කේතුමූර්තී රවීන්දුද්යුතිනාශකඃ .. 18 ..

අමරඃ පීඩකෝ(අ)මර්ත්යෝ විෂ්ණුදෘෂ්ටෝ(අ)සුරේශ්වරඃ .

භක්තරක්ෂෝ(අ)ථ වෛචිත්ර්යකපටස්යන්දනස්තථා .. 19 ..

විචිත්රඵලදායී ච භක්තාභීෂ්ටඵලප්රදඃ .

ඒතත්කේතුග්රහස්යෝක්තං නාම්නාමෂ්ටෝත්තරං ශතම් .. 20 ..

යෝ භක්ත්යේදං ජපේත්කේතුර්නාම්නාමෂ්ටෝත්තරං ශතම් .

ස තු කේතෝඃ ප්රසාදේන සර්වාභීෂ්ටං සමාප්නුයාත් .. 21 ..

ඉති ශ්රී කේතු අෂ්ටෝත්තරශතනාම ස්තෝත්රම් .

Roman (IAST) Transliteration

śṛṇu nāmāni japyāni keto ratha mahāmate |

ketuḥ sthūlaśirāścaiva śiromātro dhvajākṛtiḥ || 1 ||

navagrahayutaḥ siṃhikāsurīgarbhasambhavaḥ |

mahābhītikaraścitravarṇo vai piṅgalākṣakaḥ || 2 ||

sa phalodhūmrasaṅkāśaḥ tīkṣṇadaṃṣṭro mahoragaḥ |

raktanetraścitrakārī tīvrakopo mahāsuraḥ || 3 ||

krūrakaṇṭhaḥ krodhanidhiśchāyāgrahaviśeṣakaḥ |

antyagraho mahāśīrṣo sūryāriḥ puṣpavadgrahī || 4 ||

varahasto gadāpāṇiścitravastradharastathā |

citradhvajapatākaśca ghoraścitrarathaḥ śikhī || 5 ||

kulutthabhakṣakaścaiva vaiḍūryābharaṇastathā |

utpātajanakaḥ śukramitraṃ mandasakhastathā || 6 ||

gadādharaḥ nākapatiḥ antarvedīśvarastathā |

jaiminīgotrajaścitraguptātmā dakṣiṇāmukhaḥ || 7 ||

mukundavarapātraṃ ca mahāsurakulodbhavaḥ |

ghanavarṇo lambadeho mṛtyuputrastathaiva ca || 8 ||

utpātarūpadhārī cā'dṛśyaḥ kālāgnisannibhaḥ |

nṛpīḍo grahakārī ca sarvopadravakārakaḥ || 9 ||

citraprasūto hyanalaḥ sarvavyādhivināśakaḥ |

apasavyapracārī ca navame pāpadāyakaḥ || 10 ||

pañcame śokadaścoparāgakhecara eva ca |

atipuruṣakarmā ca turīye (tu) sukhapradaḥ || 11 ||

tṛtīye vairadaḥ pāpagrahaśca sphoṭakārakaḥ |

prāṇanāthaḥ pañcame tu śramakāraka eva ca || 12 ||

dvitīye'sphuṭavāgdātā viṣākulitavaktrakaḥ |

kāmarūpī siṃhadantaḥ satyepyanṛtavānapi || 13 ||

caturthe mātṛnāśaśca navame pitṛnāśakaḥ |

antye vairapradaścaiva sutānandanabandhakaḥ || 14 ||

sarpākṣijāto'naṅgaśca karmarāśyudbhavastathā |

upānte kīrtidaścaiva saptame kalahapradaḥ || 15 ||

aṣṭame vyādhikartā ca dhane bahusukhapradaḥ |

janane rogadaścordhvamūrdhajo grahanāyakaḥ || 16 ||

pāpadṛṣṭiḥ khecaraśca śāmbhavo'śeṣapūjitaḥ |

śāśvataśca naṭaścaiva śubhā'śubhaphalapradaḥ || 17 ||

dhūmraścaiva sudhāpāyī hyajito bhaktavatsalaḥ |

siṃhāsanaḥ ketumūrtī ravīndudyutināśakaḥ || 18 ||

amaraḥ pīḍako'martyo viṣṇudṛṣṭo'sureśvaraḥ |

bhaktarakṣo'tha vaicitryakapaṭasyandanastathā || 19 ||

vicitraphaladāyī ca bhaktābhīṣṭaphalapradaḥ |

etatketugrahasyoktaṃ nāmnāmaṣṭottaraṃ śatam || 20 ||

yo bhaktyedaṃ japetketurnāmnāmaṣṭottaraṃ śatam |

sa tu ketoḥ prasādena sarvābhīṣṭaṃ samāpnuyāt || 21 ||

iti śrī ketu aṣṭottaraśatanāma stotram |