Kathopanishad - Adhyaya 2, Valli 1

ॐ

කඨෝපනිෂද් - අධ්යාය 2, වල්ලී 1

Sinhala

අධ්යාය 2

වල්ලී 1

පරාඤ්චිඛානි ව්යතෘණත්ස්වයම්භූස්තස්මාත්පරාඞ්පශ්යති නාන්තරාත්මන්‌.

කශ්චිද්ධීරඃ ප්රත්යගාත්මානමෛෂදාවෘත්තචක්ෂුරමෘතත්වමිච්ඡන්‌ ..1..

පරාචඃ කාමානනුයන්ති බාලාස්තේ මෘත්යෝර්යන්ති විතතස්ය පාශම්‌.

අථ ධීරා අමෘතත්වං-විँදිත්වා ධ්රුවමධ්රුවේෂ්විහ න ප්රාර්ථයන්තේ ..2..

යේන රූපං රස-ඞ්ගන්ධං ශබ්දාන්ස්පර්ශාංශ්ච මෛථුනාන්‌.

ඒතේනෛව විජානාති කිමත්ර පරිශිෂ්යතේ. ඒතද්වෛ තත්‌ ..3..

ස්වප්නාන්ත-ඤ්ජාගරිතාන්ත-ඤ්චෝභෞ යේනානුපශ්යති.

මහාන්තං-විँභුමාත්මාන-ම්මත්වා ධීරෝ න ශෝචති ..4..

ය ඉම-ම්මධ්වදං-වේँද ආත්මාන-ඤ්ජීවමන්තිකාත්‌.

ඊශාන-ම්භූතභව්යස්ය න තතෝ විජුගුප්සතේ. ඒතද්වෛ තත්‌ ..5..

යඃ පූර්ව-න්තපසෝ ජාතමද්‌භ්යඃ පූර්වමජායත.

ගුහා-ම්ප්රවිශ්ය තිෂ්ඨන්තං-යෝँ භූතේභිර්ව්යපශ්යත. ඒතද්වෛ තත්‌ ..6..

යා ප්රාණේන සම්භවත්යදිතිර්දේවතාමයී.

ගුහා-ම්ප්රවිශ්ය තිෂ්ඨන්තීං-යාँ භූතේභිර්ව්යජායත. ඒතද්වෛ තත්‌ ..7..

අරණ්යෝර්නිහිතෝ ජාතවේදා ගර්භ ඉව සුභෘතෝ ගර්භිණීභිඃ.

දිවේ දිවේ ඊඩ්යෝ ජාගෘවද්භිර්හවිෂ්මද්භිර්මනුෂ්යේභිරග්නිඃ. ඒතද්වෛ තත්‌ ..8..

යතශ්චෝදේති සූර්යෝ-(අ)ස්තං-යँත්ර ච ගච්ඡති.

ත-න්දේවා-ස්සර්වේ-(අ)ර්පිතාස්තදු නාත්යේති කශ්චන. ඒතද්වෛ තත්‌ ..9..

යදේවේහ තදමුත්ර යදමුත්ර තදන්විහ.

මෘත්යෝ-ස්ස මෘත්යුමාප්නෝති ය ඉහ නානේව පශ්යති ..10..

මනසෛවේදමාප්තව්ය-න්නේහ නානා-(අ)ස්ති කිඤ්චන.

මෘත්යෝ-ස්ස මෘත්යු-ඞ්ගච්ඡති ය ඉහ නානේව පශ්යති ..11..

අඞ්ගුෂ්ඨමාත්රඃ පුරුෂෝ මධ්ය ආත්මනි තිෂ්ඨති.

ඊශානෝ භූතභව්යස්ය න තතෝ විජුගුප්සතේ. ඒතද්වෛ තත්‌ ..12..

අඞ්ගුෂ්ඨමාත්රඃ පුරුෂෝ ජ්යෝතිරිවාධූමකඃ.

ඊශානෝ භූතභව්යස්ය ස ඒවාද්ය ස උ ශ්වඃ. ඒතද්වෛ තත්‌ ..13..

යථෝදක-න්දුර්ගං-වෘँෂ්ට-ම්පර්වතේෂු විධාවති.

ඒව-න්ධර්මාන්පෘථක්‌ පශ්යංස්තානේවානුවිධාවති ..14..

යථෝදකං ශුද්ධේ ශුද්ධමාසික්ත-න්තාදෘගේව භවති.

ඒව-ම්මුනේර්විජානත ආත්මා භවති ගෞතම ..15..

Roman (IAST) Transliteration

adhyāya 2

vallī 1

parāñcikhāni vyatṛṇatsvayambhūstasmātparāṅpaśyati nāntarātman‌|

kaściddhīraḥ pratyagātmānamaiṣadāvṛttacakṣuramṛtatvamicchan‌ ||1||

parācaḥ kāmānanuyanti bālāste mṛtyoryanti vitatasya pāśam‌|

atha dhīrā amṛtatvaṃ-vi~ditvā dhruvamadhruveṣviha na prārthayante ||2||

yena rūpaṃ rasa-ṅgandhaṃ śabdānsparśāṃśca maithunān‌|

etenaiva vijānāti kimatra pariśiṣyate| etadvai tat‌ ||3||

svapnānta-ñjāgaritānta-ñcobhau yenānupaśyati|

mahāntaṃ-vi~bhumātmāna-mmatvā dhīro na śocati ||4||

ya ima-mmadhvadaṃ-ve~da ātmāna-ñjīvamantikāt‌|

īśāna-mbhūtabhavyasya na tato vijugupsate| etadvai tat‌ ||5||

yaḥ pūrva-ntapaso jātamad‌bhyaḥ pūrvamajāyata|

guhā-mpraviśya tiṣṭhantaṃ-yo~ bhūtebhirvyapaśyata| etadvai tat‌ ||6||

yā prāṇena sambhavatyaditirdevatāmayī|

guhā-mpraviśya tiṣṭhantīṃ-yā~ bhūtebhirvyajāyata| etadvai tat‌ ||7||

araṇyornihito jātavedā garbha iva subhṛto garbhiṇībhiḥ|

dive dive īḍyo jāgṛvadbhirhaviṣmadbhirmanuṣyebhiragniḥ| etadvai tat‌ ||8||

yataścodeti sūryo-'staṃ-ya~tra ca gacchati|

ta-ndevā-ssarve-'rpitāstadu nātyeti kaścana| etadvai tat‌ ||9||

yadeveha tadamutra yadamutra tadanviha|

mṛtyo-ssa mṛtyumāpnoti ya iha nāneva paśyati ||10||

manasaivedamāptavya-nneha nānā-'sti kiñcana|

mṛtyo-ssa mṛtyu-ṅgacchati ya iha nāneva paśyati ||11||

aṅguṣṭhamātraḥ puruṣo madhya ātmani tiṣṭhati|

īśāno bhūtabhavyasya na tato vijugupsate| etadvai tat‌ ||12||

aṅguṣṭhamātraḥ puruṣo jyotirivādhūmakaḥ|

īśāno bhūtabhavyasya sa evādya sa u śvaḥ| etadvai tat‌ ||13||

yathodaka-ndurgaṃ-vṛ~ṣṭa-mparvateṣu vidhāvati|

eva-ndharmānpṛthak‌ paśyaṃstānevānuvidhāvati ||14||

yathodakaṃ śuddhe śuddhamāsikta-ntādṛgeva bhavati|

eva-mmunervijānata ātmā bhavati gautama ||15||