Garbharakshambika Stotram

ॐ

ගර්භරක්ෂාම්බිකා ස්තෝත්රම්

Devi Stotram Sinhala

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

වාපීතටේ වාමභාගේ

වාමදේවස්ය දේවස්ය දේවි ස්ථිතා ත්වම් .

මාන්යා වරේණ්යා වදාන්යා

පාහි ගර්භස්ථජන්තූන් තථා භක්තලෝකාන් .. 1 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

ශ්රීගර්භරක්ෂාපුරේ යා

දිව්යසෞන්දර්යයුක්තා සුමාඞ්ගල්යගාත්රී .

ධාත්රී ජනිත්රී ජනානාං

දිව්යරූපාං දයාර්ද්රාං මනෝජ්ඤාං භජේ ත්වාම් .. 2 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

ආෂාඪමාසේ සුපුණ්යේ

ශුක්රවාරේ සුගන්ධේන ගන්ධේන ලිප්තා .

දිව්යාම්බරාකල්පවේෂා

වාජපේයාදියාගස්ථභක්තෛඃ සුදෘෂ්ටා .. 3 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

කල්යාණදාත්රීං නමස්යේ

වේදිකාඪ්යස්ත්රියා ගර්භරක්ෂාකරීං ත්වාම් .

බාලෛස්සදා සේවිතාඞ්ඝ්රිං

ගර්භරක්ෂාර්ථමාරාදුපේතෛරුපේතාම් .. 4 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

බ්රහ්මෝත්සවේ විප්රවීථ්යාං

වාද්යඝෝෂේණ තුෂ්ටාං රථේ සන්නිවිෂ්ටාම් .

සර්වාර්ථදාත්රීං භජේ(අ)හං

දේවවෘන්දෛරපීඩ්යාං ජගන්මාතරං ත්වාම් .. 5 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

ඒතත් කෘතං ස්තෝත්රරත්නං

දීක්ෂිතානන්තරාමේණ දේව්යාශ්ච තුෂ්ට්යෛ .

නිත්යං පඨේද්යස්තු භක්ත්යා

පුත්රපෞත්රාදි භාග්යං භවේත්තස්ය නිත්යම් .. 6 ..

ශ්රීමාධවී කානනස්ථේ ගර්භරක්ෂාම්බිකේ පාහි භක්තාං ස්තුවන්තීම් ..

ඉති ශ්රීඅනන්තරාමදීක්ෂිතවර්ය විරචිතං ගර්භරක්ෂාම්බිකා ස්තෝත්රම් ..

Roman (IAST) Transliteration