umāṅgodbhavaṃ dantivaktraṃ gaṇeśaṃ
bhujākaṅkaṇaiḥ śobhinaṃ dhūmraketum |
gale hāramuktāvalīśobhitaṃ taṃ
namo jñānarūpaṃ gaṇeśaṃ namaste || 1 ||
gaṇeśaṃ vadettaṃ smaret sarvakārye
smaran sanmukhaṃ jñānadaṃ sarvasiddhim |
manaścintitaṃ kāryameveṣu siddhye-
-nnamo buddhikāntaṃ gaṇeśaṃ namaste || 2 ||
mahāsundaraṃ vaktracihnaṃ virāṭaṃ
caturdhābhujaṃ caikadantaikavarṇam |
idaṃ devarūpaṃ gaṇaṃ siddhināthaṃ
namo bhālacandraṃ gaṇeśaṃ namaste || 3 ||
sasindūrasatkuṅkumaistulyavarṇaḥ
stutairmodakaiḥ prīyate vighnarājaḥ |
mahāsaṅkaṭacchedakaṃ dhūmraketuṃ
namo gauriputraṃ gaṇeśaṃ namaste || 4 ||
yathā pātakacchedakaṃ viṣṇunāma
tathā dhyāyatāṃ śaṅkaraṃ pāpanāśaḥ |
yathā pūjite ṣaṇmukhe śokanāśo
namo vighnanāśaṃ gaṇeśaṃ namaste || 5 ||
sadā sarvadā dhyāyatāmekadantaṃ
susindūrakaṃ pūjitaṃ raktapuṣpaiḥ |
sadā carcitaṃ candanaiḥ kuṅkumāktaṃ
namo jñānarūpaṃ gaṇeśaṃ namaste || 6 ||
namo gaurikāgarbhajāpatya tubhyaṃ
namo jñānarūpinnamaḥ siddhikānta |
namo dhyeyapūjyāya he buddhinātha
surāstvāṃ bhajante gaṇeśaṃ namaste || 7 ||
bhujaṅgaprayātaṃ paṭhedyastu bhaktyā
prabhāte japennityamekāgracittaḥ |
kṣayaṃ yānti vighnā diśaḥ śobhayantaṃ
namo jñānarūpaṃ gaṇeśaṃ namaste || 8 ||
iti śrīḍhuṇḍhirāja bhujaṅga prayāta stotram |