Devi Mahatmyam Devi Kavacham

ॐ

දේවී මාහාත්ම්යං දේවි කවචම්

Devi Kavacham Sinhala

ඕං නමශ්චණ්ඩිකායෛ

න්යාසඃ

අස්ය ශ්රී චණ්ඩී කවචස්ය . බ්රහ්මා ඍෂිඃ . අනුෂ්ටුප් ඡන්දඃ .

චාමුණ්ඩා දේවතා . අඞ්ගන්යාසෝක්ත මාතරෝ බීජම් . නවාවරණෝ මන්ත්රශක්තිඃ . දිග්බන්ධ දේවතාඃ තත්වම් . ශ්රී ජගදම්බා ප්රීත්යර්ථේ සප්තශතී පාඨාඞ්ගත්වේන ජපේ විනියෝගඃ ..

ඕං නමශ්චණ්ඩිකායෛ

මාර්කණ්ඩේය උවාච .

ඕං යද්ගුහ්යං පරමං ලෝකේ සර්වරක්ෂාකරං නෘණාම් .

යන්න කස්යචිදාඛ්යාතං තන්මේ බ්රූහි පිතාමහ .. 1 ..

බ්රහ්මෝවාච .

අස්ති ගුහ්යතමං විප්ර සර්වභූතෝපකාරකම් .

දේව්යාස්තු කවචං පුණ්යං තච්ඡෘණුෂ්ව මහාමුනේ .. 2 ..

ප්රථමං ශෛලපුත්රී ච ද්විතීයං බ්රහ්මචාරිණී .

තෘතීයං චන්ද්රඝණ්ටේති කූෂ්මාණ්ඩේති චතුර්ථකම් .. 3 ..

පඤ්චමං ස්කන්දමාතේති ෂෂ්ඨං කාත්යායනීති ච .

සප්තමං කාලරාත්රීති මහාගෞරීති චාෂ්ටමම් .. 4 ..

නවමං සිද්ධිදාත්රී ච නවදුර්ගාඃ ප්රකීර්තිතාඃ .

උක්තාන්යේතානි නාමානි බ්රහ්මණෛව මහාත්මනා .. 5 ..

අග්නිනා දහ්යමානස්තු ශත්රුමධ්යේ ගතෝ රණේ .

විෂමේ දුර්ගමේ චෛව භයාර්තාඃ ශරණං ගතාඃ .. 6 ..

න තේෂාං ජායතේ කිඤ්චිදශුභං රණසඞ්කටේ .

නාපදං තස්ය පශ්යාමි ශෝකදුඃඛභයං න හි .. 7 ..

යෛස්තු භක්ත්යා ස්මෘතා නූනං තේෂාං වෘද්ධිඃ ප්රජායතේ .

යේ ත්වාං ස්මරන්ති දේවේශි රක්ෂසේ තාන්නසංශයඃ .. 8 ..

ප්රේතසංස්ථා තු චාමුණ්ඩා වාරාහී මහිෂාසනා .

ඓන්ද්රී ගජසමාරූඪා වෛෂ්ණවී ගරුඩාසනා .. 9 ..

මාහේශ්වරී වෘෂාරූඪා කෞමාරී ශිඛිවාහනා .

ලක්ෂ්මීඃ පද්මාසනා දේවී පද්මහස්තා හරිප්රියා .. 10 ..

ශ්වේතරූපධරා දේවී ඊශ්වරී වෘෂවාහනා .

බ්රාහ්මී හංසසමාරූඪා සර්වාභරණභූෂිතා .. 11 ..

ඉත්යේතා මාතරඃ සර්වාඃ සර්වයෝගසමන්විතාඃ .

නානාභරණාශෝභාඪ්යා නානාරත්නෝපශෝභිතාඃ .. 12 ..

දෘශ්යන්තේ රථමාරූඪා දේව්යඃ ක්රෝධසමාකුලාඃ .

ශඞ්ඛං චක්රං ගදාං ශක්තිං හලං ච මුසලායුධම් .. 13 ..

ඛේටකං තෝමරං චෛව පරශුං පාශමේව ච .

කුන්තායුධං ත්රිශූලං ච ශාර්ඞ්ගමායුධමුත්තමම් .. 14 ..

දෛත්යානාං දේහනාශාය භක්තානාමභයාය ච .

ධාරයන්ත්යායුධානීත්ථං දේවානාං ච හිතාය වෛ .. 15 ..

නමස්තේ(අ)ස්තු මහාරෞද්රේ මහාඝෝරපරාක්රමේ .

මහාබලේ මහෝත්සාහේ මහාභයවිනාශිනි .. 16 ..

ත්රාහි මාං දේවි දුෂ්ප්රේක්ෂ්යේ ශත්රූණාං භයවර්ධිනි .

ප්රාච්යාං රක්ෂතු මාමෛන්ද්රී ආග්නේය්යාමග්නිදේවතා .. 17 ..

දක්ෂිණේ(අ)වතු වාරාහී නෛරෘත්යාං ඛඩ්ගධාරිණී .

ප්රතීච්යාං වාරුණී රක්ෂේද්වායව්යාං මෘගවාහිනී .. 18 ..

උදීච්යාං පාතු කෞමාරී ඓශාන්යාං ශූලධාරිණී .

ඌර්ධ්වං බ්රහ්මාණී මේ රක්ෂේදධස්තාද්වෛෂ්ණවී තථා .. 19 ..

ඒවං දශ දිශෝ රක්ෂේච්චාමුණ්ඩා ශවවාහනා .

ජයා මේ චාග්රතඃ පාතු විජයා පාතු පෘෂ්ඨතඃ .. 20 ..

අජිතා වාමපාර්ශ්වේ තු දක්ෂිණේ චාපරාජිතා .

ශිඛාමුද්යෝතිනී රක්ෂේදුමා මූර්ධ්නි ව්යවස්ථිතා .. 21 ..

මාලාධරී ලලාටේ ච භ්රුවෞ රක්ෂේද්යශස්විනී .

ත්රිනේත්රා ච භ්රුවෝර්මධ්යේ යමඝණ්ටා ච නාසිකේ .. 22 ..

ශඞ්ඛිනී චක්ෂුෂෝර්මධ්යේ ශ්රෝත්රයෝර්ද්වාරවාසිනී .

කපෝලෞ කාලිකා රක්ෂේත්කර්ණමූලේ තු ශාඞ්කරී .. 23 ..

නාසිකායාං සුගන්ධා ච උත්තරෝෂ්ඨේ ච චර්චිකා .

අධරේ චාමෘතකලා ජිහ්වායාං ච සරස්වතී .. 24 ..

දන්තාන් රක්ෂතු කෞමාරී කණ්ඨදේශේ තු චණ්ඩිකා .

ඝණ්ටිකාං චිත්රඝණ්ටා ච මහාමායා ච තාලුකේ .. 25 ..

කාමාක්ෂී චිබුකං රක්ෂේද්වාචං මේ සර්වමඞ්ගලා .

ග්රීවායාං භද්රකාලී ච පෘෂ්ඨවංශේ ධනුර්ධරී .. 26 ..

නීලග්රීවා බහිඃ කණ්ඨේ නලිකාං නලකූබරී .

ස්කන්ධයෝඃ ඛඩ්ගිනී රක්ෂේද්බාහූ මේ වජ්රධාරිණී .. 27 ..

හස්තයෝර්දණ්ඩිනී රක්ෂේදම්බිකා චාඞ්ගුලීෂු ච .

නඛාඤ්ඡූලේශ්වරී රක්ෂේත්කුක්ෂෞ රක්ෂේත්කුලේශ්වරී .. 28 ..

ස්තනෞ රක්ෂේන්මහාදේවී මනඃශෝකවිනාශිනී .

හෘදයේ ලලිතා දේවී උදරේ ශූලධාරිණී .. 29 ..

නාභෞ ච කාමිනී රක්ෂේද්ගුහ්යං ගුහ්යේශ්වරී තථා .

පූතනා කාමිකා මේඪ්රං ගුදේ මහිෂවාහිනී .. 30 ..

කට්යාං භගවතී රක්ෂේජ්ජානුනී වින්ධ්යවාසිනී .

ජඞ්ඝේ මහාබලා රක්ෂේත්සර්වකාමප්රදායිනී .. 31 ..

ගුල්ඵයෝර්නාරසිංහී ච පාදපෘෂ්ඨේ තු තෛජසී .

පාදාඞ්ගුලීෂු ශ්රී රක්ෂේත්පාදාධස්තලවාසිනී .. 32 ..

නඛාන් දංෂ්ට්රකරාලී ච කේශාංශ්චෛවෝර්ධ්වකේශිනී .

රෝමකූපේෂු කෞමාරී ත්වචං වාගීශ්වරී තථා .. 33 ..

රක්තමජ්ජාවසාමාංසාන්යස්ථිමේදාංසි පාර්වතී .

අන්ත්රාණි කාලරාත්රිශ්ච පිත්තං ච මුකුටේශ්වරී .. 34 ..

පද්මාවතී පද්මකෝශේ කඵේ චූඩාමණිස්තථා .

ජ්වාලාමුඛී නඛජ්වාලාමභේද්යා සර්වසන්ධිෂු .. 35 ..

ශුක්රං බ්රහ්මාණි! මේ රක්ෂේච්ඡායාං ඡත්රේශ්වරී තථා .

අහඞ්කාරං මනෝ බුද්ධිං රක්ෂේන්මේ ධර්මධාරිණී .. 36 ..

ප්රාණාපානෞ තථා ව්යානමුදානං ච සමානකම් .

වජ්රහස්තා ච මේ රක්ෂේත්ප්රාණං කල්යාණශෝභනා .. 37 ..

රසේ රූපේ ච ගන්ධේ ච ශබ්දේ ස්පර්ශේ ච යෝගිනී .

සත්ත්වං රජස්තමශ්චෛව රක්ෂේන්නාරායණී සදා .. 38 ..

ආයූ රක්ෂතු වාරාහී ධර්මං රක්ෂතු වෛෂ්ණවී .

යශඃ කීර්තිං ච ලක්ෂ්මීං ච ධනං විද්යාං ච චක්රිණී .. 39 ..

ගෝත්රමින්ද්රාණි! මේ රක්ෂේත්පශූන්මේ රක්ෂ චණ්ඩිකේ .

පුත්රාන් රක්ෂේන්මහාලක්ෂ්මීර්භාර්යාං රක්ෂතු භෛරවී .. 40 ..

පන්ථානං සුපථා රක්ෂේන්මාර්ගං ක්ෂේමකරී තථා .

රාජද්වාරේ මහාලක්ෂ්මීර්විජයා සර්වතඃ ස්ථිතා .. 41 ..

රක්ෂාහීනං තු යත්-ස්ථානං වර්ජිතං කවචේන තු .

තත්සර්වං රක්ෂ මේ දේවි! ජයන්තී පාපනාශිනී .. 42 ..

පදමේකං න ගච්ඡේත්තු යදීච්ඡේච්ඡුභමාත්මනඃ .

කවචේනාවෘතෝ නිත්යං යත්ර යත්රෛව ගච්ඡති .. 43 ..

තත්ර තත්රාර්ථලාභශ්ච විජයඃ සාර්වකාමිකඃ .

යං යං චින්තයතේ කාමං තං තං ප්රාප්නෝති නිශ්චිතම් .. 44 ..

පරමෛශ්වර්යමතුලං ප්රාප්ස්යතේ භූතලේ පුමාන් .

නිර්භයෝ ජායතේ මර්ත්යඃ සඞ්ග්රාමේෂ්වපරාජිතඃ .. 45 ..

ත්රෛලෝක්යේ තු භවේත්පූජ්යඃ කවචේනාවෘතඃ පුමාන් .

ඉදං තු දේව්යාඃ කවචං දේවානාමපි දුර්ලභම් .. 46 ..

යඃ පඨේත්ප්රයතෝ නිත්යං ත්රිසන්ධ්යං ශ්රද්ධයාන්විතඃ .

දෛවීකලා භවේත්තස්ය ත්රෛලෝක්යේෂ්වපරාජිතඃ . 47 ..

ජීවේද්වර්ෂශතං සාග්රමපමෘත්යුවිවර්ජිතඃ .

නශ්යන්ති ව්යාධයඃ සර්වේ ලූතාවිස්ඵෝටකාදයඃ .. 48 ..

ස්ථාවරං ජඞ්ගමං චෛව කෘත්රිමං චෛව යද්විෂම් .

අභිචාරාණි සර්වාණි මන්ත්රයන්ත්රාණි භූතලේ .. 49 ..

භූචරාඃ ඛේචරාශ්චෛව ජුලජාශ්චෝපදේශිකාඃ .

සහජා කුලජා මාලා ඩාකිනී ශාකිනී තථා .. 50 ..

අන්තරික්ෂචරා ඝෝරා ඩාකින්යශ්ච මහාබලාඃ .

ග්රහභූතපිශාචාශ්ච යක්ෂගන්ධර්වරාක්ෂසාඃ .. 51 ..

බ්රහ්මරාක්ෂසවේතාලාඃ කූෂ්මාණ්ඩා භෛරවාදයඃ .

නශ්යන්ති දර්ශනාත්තස්ය කවචේ හෘදි සංස්ථිතේ .. 52 ..

මානෝන්නතිර්භවේද්රාජ්ඤස්තේජෝවෘද්ධිකරං පරම් .

යශසා වර්ධතේ සෝ(අ)පි කීර්තිමණ්ඩිතභූතලේ .. 53 ..

ජපේත්සප්තශතීං චණ්ඩීං කෘත්වා තු කවචං පුරා .

යාවද්භූමණ්ඩලං ධත්තේ සශෛලවනකානනම් .. 54 ..

තාවත්තිෂ්ඨති මේදින්යාං සන්තතිඃ පුත්රපෞත්රිකී .

දේහාන්තේ පරමං ස්ථානං යත්සුරෛරපි දුර්ලභම් .. 55 ..

ප්රාප්නෝති පුරුෂෝ නිත්යං මහාමායාප්රසාදතඃ .

ලභතේ පරමං රූපං ශිවේන සහ මෝදතේ .. 56 ..

.. ඉති වාරාහපුරාණේ හරිහරබ්රහ්ම විරචිතං දේව්යාඃ කවචං සම්පූර්ණම් ..

Roman (IAST) Transliteration

oṃ namaścaṇḍikāyai

nyāsaḥ

asya śrī caṇḍī kavacasya | brahmā ṛṣiḥ | anuṣṭup chandaḥ |

cāmuṇḍā devatā | aṅganyāsokta mātaro bījam | navāvaraṇo mantraśaktiḥ | digbandha devatāḥ tatvam | śrī jagadambā prītyarthe saptaśatī pāṭhāṅgatvena jape viniyogaḥ ||

oṃ namaścaṇḍikāyai

mārkaṇḍeya uvāca |

oṃ yadguhyaṃ paramaṃ loke sarvarakṣākaraṃ nṛṇām |

yanna kasyacidākhyātaṃ tanme brūhi pitāmaha || 1 ||

brahmovāca |

asti guhyatamaṃ vipra sarvabhūtopakārakam |

devyāstu kavacaṃ puṇyaṃ tacchṛṇuṣva mahāmune || 2 ||

prathamaṃ śailaputrī ca dvitīyaṃ brahmacāriṇī |

tṛtīyaṃ candraghaṇṭeti kūṣmāṇḍeti caturthakam || 3 ||

pañcamaṃ skandamāteti ṣaṣṭhaṃ kātyāyanīti ca |

saptamaṃ kālarātrīti mahāgaurīti cāṣṭamam || 4 ||

navamaṃ siddhidātrī ca navadurgāḥ prakīrtitāḥ |

uktānyetāni nāmāni brahmaṇaiva mahātmanā || 5 ||

agninā dahyamānastu śatrumadhye gato raṇe |

viṣame durgame caiva bhayārtāḥ śaraṇaṃ gatāḥ || 6 ||

na teṣāṃ jāyate kiñcidaśubhaṃ raṇasaṅkaṭe |

nāpadaṃ tasya paśyāmi śokaduḥkhabhayaṃ na hi || 7 ||

yaistu bhaktyā smṛtā nūnaṃ teṣāṃ vṛddhiḥ prajāyate |

ye tvāṃ smaranti deveśi rakṣase tānnasaṃśayaḥ || 8 ||

pretasaṃsthā tu cāmuṇḍā vārāhī mahiṣāsanā |

aindrī gajasamārūḍhā vaiṣṇavī garuḍāsanā || 9 ||

māheśvarī vṛṣārūḍhā kaumārī śikhivāhanā |

lakṣmīḥ padmāsanā devī padmahastā haripriyā || 10 ||

śvetarūpadharā devī īśvarī vṛṣavāhanā |

brāhmī haṃsasamārūḍhā sarvābharaṇabhūṣitā || 11 ||

ityetā mātaraḥ sarvāḥ sarvayogasamanvitāḥ |

nānābharaṇāśobhāḍhyā nānāratnopaśobhitāḥ || 12 ||

dṛśyante rathamārūḍhā devyaḥ krodhasamākulāḥ |

śaṅkhaṃ cakraṃ gadāṃ śaktiṃ halaṃ ca musalāyudham || 13 ||

kheṭakaṃ tomaraṃ caiva paraśuṃ pāśameva ca |

kuntāyudhaṃ triśūlaṃ ca śārṅgamāyudhamuttamam || 14 ||

daityānāṃ dehanāśāya bhaktānāmabhayāya ca |

dhārayantyāyudhānītthaṃ devānāṃ ca hitāya vai || 15 ||

namaste'stu mahāraudre mahāghoraparākrame |

mahābale mahotsāhe mahābhayavināśini || 16 ||

trāhi māṃ devi duṣprekṣye śatrūṇāṃ bhayavardhini |

prācyāṃ rakṣatu māmaindrī āgneyyāmagnidevatā || 17 ||

dakṣiṇe'vatu vārāhī nairṛtyāṃ khaḍgadhāriṇī |

pratīcyāṃ vāruṇī rakṣedvāyavyāṃ mṛgavāhinī || 18 ||

udīcyāṃ pātu kaumārī aiśānyāṃ śūladhāriṇī |

ūrdhvaṃ brahmāṇī me rakṣedadhastādvaiṣṇavī tathā || 19 ||

evaṃ daśa diśo rakṣeccāmuṇḍā śavavāhanā |

jayā me cāgrataḥ pātu vijayā pātu pṛṣṭhataḥ || 20 ||

ajitā vāmapārśve tu dakṣiṇe cāparājitā |

śikhāmudyotinī rakṣedumā mūrdhni vyavasthitā || 21 ||

mālādharī lalāṭe ca bhruvau rakṣedyaśasvinī |

trinetrā ca bhruvormadhye yamaghaṇṭā ca nāsike || 22 ||

śaṅkhinī cakṣuṣormadhye śrotrayordvāravāsinī |

kapolau kālikā rakṣetkarṇamūle tu śāṅkarī || 23 ||

nāsikāyāṃ sugandhā ca uttaroṣṭhe ca carcikā |

adhare cāmṛtakalā jihvāyāṃ ca sarasvatī || 24 ||

dantān rakṣatu kaumārī kaṇṭhadeśe tu caṇḍikā |

ghaṇṭikāṃ citraghaṇṭā ca mahāmāyā ca tāluke || 25 ||

kāmākṣī cibukaṃ rakṣedvācaṃ me sarvamaṅgalā |

grīvāyāṃ bhadrakālī ca pṛṣṭhavaṃśe dhanurdharī || 26 ||

nīlagrīvā bahiḥ kaṇṭhe nalikāṃ nalakūbarī |

skandhayoḥ khaḍginī rakṣedbāhū me vajradhāriṇī || 27 ||

hastayordaṇḍinī rakṣedambikā cāṅgulīṣu ca |

nakhāñchūleśvarī rakṣetkukṣau rakṣetkuleśvarī || 28 ||

stanau rakṣenmahādevī manaḥśokavināśinī |

hṛdaye lalitā devī udare śūladhāriṇī || 29 ||

nābhau ca kāminī rakṣedguhyaṃ guhyeśvarī tathā |

pūtanā kāmikā meḍhraṃ gude mahiṣavāhinī || 30 ||

kaṭyāṃ bhagavatī rakṣejjānunī vindhyavāsinī |

jaṅghe mahābalā rakṣetsarvakāmapradāyinī || 31 ||

gulphayornārasiṃhī ca pādapṛṣṭhe tu taijasī |

pādāṅgulīṣu śrī rakṣetpādādhastalavāsinī || 32 ||

nakhān daṃṣṭrakarālī ca keśāṃścaivordhvakeśinī |

romakūpeṣu kaumārī tvacaṃ vāgīśvarī tathā || 33 ||

raktamajjāvasāmāṃsānyasthimedāṃsi pārvatī |

antrāṇi kālarātriśca pittaṃ ca mukuṭeśvarī || 34 ||

padmāvatī padmakośe kaphe cūḍāmaṇistathā |

jvālāmukhī nakhajvālāmabhedyā sarvasandhiṣu || 35 ||

śukraṃ brahmāṇi! me rakṣecchāyāṃ chatreśvarī tathā |

ahaṅkāraṃ mano buddhiṃ rakṣenme dharmadhāriṇī || 36 ||

prāṇāpānau tathā vyānamudānaṃ ca samānakam |

vajrahastā ca me rakṣetprāṇaṃ kalyāṇaśobhanā || 37 ||

rase rūpe ca gandhe ca śabde sparśe ca yoginī |

sattvaṃ rajastamaścaiva rakṣennārāyaṇī sadā || 38 ||

āyū rakṣatu vārāhī dharmaṃ rakṣatu vaiṣṇavī |

yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39 ||

gotramindrāṇi! me rakṣetpaśūnme rakṣa caṇḍike |

putrān rakṣenmahālakṣmīrbhāryāṃ rakṣatu bhairavī || 40 ||

panthānaṃ supathā rakṣenmārgaṃ kṣemakarī tathā |

rājadvāre mahālakṣmīrvijayā sarvataḥ sthitā || 41 ||

rakṣāhīnaṃ tu yat-sthānaṃ varjitaṃ kavacena tu |

tatsarvaṃ rakṣa me devi! jayantī pāpanāśinī || 42 ||

padamekaṃ na gacchettu yadīcchecchubhamātmanaḥ |

kavacenāvṛto nityaṃ yatra yatraiva gacchati || 43 ||

tatra tatrārthalābhaśca vijayaḥ sārvakāmikaḥ |

yaṃ yaṃ cintayate kāmaṃ taṃ taṃ prāpnoti niścitam || 44 ||

paramaiśvaryamatulaṃ prāpsyate bhūtale pumān |

nirbhayo jāyate martyaḥ saṅgrāmeṣvaparājitaḥ || 45 ||

trailokye tu bhavetpūjyaḥ kavacenāvṛtaḥ pumān |

idaṃ tu devyāḥ kavacaṃ devānāmapi durlabham || 46 ||

yaḥ paṭhetprayato nityaṃ trisandhyaṃ śraddhayānvitaḥ |

daivīkalā bhavettasya trailokyeṣvaparājitaḥ | 47 ||

jīvedvarṣaśataṃ sāgramapamṛtyuvivarjitaḥ |

naśyanti vyādhayaḥ sarve lūtāvisphoṭakādayaḥ || 48 ||

sthāvaraṃ jaṅgamaṃ caiva kṛtrimaṃ caiva yadviṣam |

abhicārāṇi sarvāṇi mantrayantrāṇi bhūtale || 49 ||

bhūcarāḥ khecarāścaiva julajāścopadeśikāḥ |

sahajā kulajā mālā ḍākinī śākinī tathā || 50 ||

antarikṣacarā ghorā ḍākinyaśca mahābalāḥ |

grahabhūtapiśācāśca yakṣagandharvarākṣasāḥ || 51 ||

brahmarākṣasavetālāḥ kūṣmāṇḍā bhairavādayaḥ |

naśyanti darśanāttasya kavace hṛdi saṃsthite || 52 ||

mānonnatirbhavedrājñastejovṛddhikaraṃ param |

yaśasā vardhate so'pi kīrtimaṇḍitabhūtale || 53 ||

japetsaptaśatīṃ caṇḍīṃ kṛtvā tu kavacaṃ purā |

yāvadbhūmaṇḍalaṃ dhatte saśailavanakānanam || 54 ||

tāvattiṣṭhati medinyāṃ santatiḥ putrapautrikī |

dehānte paramaṃ sthānaṃ yatsurairapi durlabham || 55 ||

prāpnoti puruṣo nityaṃ mahāmāyāprasādataḥ |

labhate paramaṃ rūpaṃ śivena saha modate || 56 ||

|| iti vārāhapurāṇe hariharabrahma viracitaṃ devyāḥ kavacaṃ sampūrṇam ||