Ashtavakra Gita Trayodasho'dhyayah

ॐ

අෂ්ටාවක්ර ගීතා ත්රයෝදශෝ(අ)ධ්යායඃ

Gita Sinhala

ජනක උවාච ..

අකිඤ්චනභවං ස්වාස්ථ්යං කෞපීනත්වේ(අ)පි දුර්ලභම් .

ත්යාගාදානේ විහායාස්මාදහමාසේ යථාසුඛම් .. 13-1..

කුත්රාපි ඛේදඃ කායස්ය ජිහ්වා කුත්රාපි ඛිද්යතේ .

මනඃ කුත්රාපි තත්ත්යක්ත්වා පුරුෂාර්ථේ ස්ථිතඃ සුඛම් .. 13-2..

කෘතං කිමපි නෛව ස්යාද් ඉති සඤ්චින්ත්ය තත්ත්වතඃ .

යදා යත්කර්තුමායාති තත් කෘත්වාසේ යථාසුඛම් .. 13-3..

කර්මනෛෂ්කර්ම්යනිර්බන්ධභාවා දේහස්ථයෝගිනඃ .

සංයෝගායෝගවිරහාදහමාසේ යථාසුඛම් .. 13-4..

අර්ථානර්ථෞ න මේ ස්ථිත්යා ගත්යා න ශයනේන වා .

තිෂ්ඨන් ගච්ඡන් ස්වපන් තස්මාදහමාසේ යථාසුඛම් .. 13-5..

ස්වපතෝ නාස්ති මේ හානිඃ සිද්ධිර්යත්නවතෝ න වා .

නාශෝල්ලාසෞ විහායාස්මාදහමාසේ යථාසුඛම් .. 13-6..

සුඛාදිරූපා නියමං භාවේෂ්වාලෝක්ය භූරිශඃ .

ශුභාශුභේ විහායාස්මාදහමාසේ යථාසුඛම් .. 13-7..

Roman (IAST) Transliteration

janaka uvāca ||

akiñcanabhavaṃ svāsthyaṃ kaupīnatve'pi durlabham |

tyāgādāne vihāyāsmādahamāse yathāsukham || 13-1||

kutrāpi khedaḥ kāyasya jihvā kutrāpi khidyate |

manaḥ kutrāpi tattyaktvā puruṣārthe sthitaḥ sukham || 13-2||

kṛtaṃ kimapi naiva syād iti sañcintya tattvataḥ |

yadā yatkartumāyāti tat kṛtvāse yathāsukham || 13-3||

karmanaiṣkarmyanirbandhabhāvā dehasthayoginaḥ |

saṃyogāyogavirahādahamāse yathāsukham || 13-4||

arthānarthau na me sthityā gatyā na śayanena vā |

tiṣṭhan gacchan svapan tasmādahamāse yathāsukham || 13-5||

svapato nāsti me hāniḥ siddhiryatnavato na vā |

nāśollāsau vihāyāsmādahamāse yathāsukham || 13-6||

sukhādirūpā niyamaṃ bhāveṣvālokya bhūriśaḥ |

śubhāśubhe vihāyāsmādahamāse yathāsukham || 13-7||