Ashtavakra Gita Dvadasho'dhyayah

ॐ

අෂ්ටාවක්ර ගීතා ද්වාදශෝ(අ)ධ්යායඃ

Gita Sinhala

ජනක උවාච ..

කායකෘත්යාසහඃ පූර්වං තතෝ වාග්විස්තරාසහඃ .

අථ චින්තාසහස්තස්මාද් ඒවමේවාහමාස්ථිතඃ .. 12-1..

ප්රීත්යභාවේන ශබ්දාදේරදෘශ්යත්වේන චාත්මනඃ .

වික්ෂේපෛකාග්රහෘදය ඒවමේවාහමාස්ථිතඃ .. 12-2..

සමාධ්යාසාදිවික්ෂිප්තෞ ව්යවහාරඃ සමාධයේ .

ඒවං විලෝක්ය නියමමේවමේවාහමාස්ථිතඃ .. 12-3..

හේයෝපාදේයවිරහාද් ඒවං හර්ෂවිෂාදයෝඃ .

අභාවාදද්ය හේ බ්රහ්මන්න් ඒවමේවාහමාස්ථිතඃ .. 12-4..

ආශ්රමානාශ්රමං ධ්යානං චිත්තස්වීකෘතවර්ජනම් .

විකල්පං මම වීක්ෂ්යෛතෛරේවමේවාහමාස්ථිතඃ .. 12-5..

කර්මානුෂ්ඨානමජ්ඤානාද් යථෛවෝපරමස්තථා .

බුධ්වා සම්යගිදං තත්ත්වමේවමේවාහමාස්ථිතඃ .. 12-6..

අචින්ත්යං චින්ත්යමානෝ(අ)පි චින්තාරූපං භජත්යසෞ .

ත්යක්ත්වා තද්භාවනං තස්මාද් ඒවමේවාහමාස්ථිතඃ .. 12-7..

ඒවමේව කෘතං යේන ස කෘතාර්ථෝ භවේදසෞ .

ඒවමේව ස්වභාවෝ යඃ ස කෘතාර්ථෝ භවේදසෞ .. 12-8..

Roman (IAST) Transliteration

janaka uvāca ||

kāyakṛtyāsahaḥ pūrvaṃ tato vāgvistarāsahaḥ |

atha cintāsahastasmād evamevāhamāsthitaḥ || 12-1||

prītyabhāvena śabdāderadṛśyatvena cātmanaḥ |

vikṣepaikāgrahṛdaya evamevāhamāsthitaḥ || 12-2||

samādhyāsādivikṣiptau vyavahāraḥ samādhaye |

evaṃ vilokya niyamamevamevāhamāsthitaḥ || 12-3||

heyopādeyavirahād evaṃ harṣaviṣādayoḥ |

abhāvādadya he brahmann evamevāhamāsthitaḥ || 12-4||

āśramānāśramaṃ dhyānaṃ cittasvīkṛtavarjanam |

vikalpaṃ mama vīkṣyaitairevamevāhamāsthitaḥ || 12-5||

karmānuṣṭhānamajñānād yathaivoparamastathā |

budhvā samyagidaṃ tattvamevamevāhamāsthitaḥ || 12-6||

acintyaṃ cintyamāno'pi cintārūpaṃ bhajatyasau |

tyaktvā tadbhāvanaṃ tasmād evamevāhamāsthitaḥ || 12-7||

evameva kṛtaṃ yena sa kṛtārtho bhavedasau |

evameva svabhāvo yaḥ sa kṛtārtho bhavedasau || 12-8||