Ashtavakra Gita Dashamo'dhyayah

ॐ

අෂ්ටාවක්ර ගීතා දශමෝ(අ)ධ්යායඃ

Gita Sinhala

අෂ්ටාවක්ර උවාච ..

විහාය වෛරිණං කාමමර්ථං චානර්ථසඞ්කුලම් .

ධර්මමප්යේතයෝර්හේතුං සර්වත්රානාදරං කුරු .. 10-1..

ස්වප්නේන්ද්රජාලවත් පශ්ය දිනානි ත්රීණි පඤ්ච වා .

මිත්රක්ෂේත්රධනාගාරදාරදායාදිසම්පදඃ .. 10-2..

යත්ර යත්ර භවේත්තෘෂ්ණා සංසාරං විද්ධි තත්ර වෛ .

ප්රෞඪවෛරාග්යමාශ්රිත්ය වීතතෘෂ්ණඃ සුඛී භව .. 10-3..

තෘෂ්ණාමාත්රාත්මකෝ බන්ධස්තන්නාශෝ මෝක්ෂ උච්යතේ .

භවාසංසක්තිමාත්රේණ ප්රාප්තිතුෂ්ටිර්මුහුර්මුහුඃ .. 10-4..

ත්වමේකශ්චේතනඃ ශුද්ධෝ ජඩං විශ්වමසත්තථා .

අවිද්යාපි න කිඤ්චිත්සා කා බුභුත්සා තථාපි තේ .. 10-5..

රාජ්යං සුතාඃ කලත්රාණි ශරීරාණි සුඛානි ච .

සංසක්තස්යාපි නෂ්ටානි තව ජන්මනි ජන්මනි .. 10-6..

අලමර්ථේන කාමේන සුකෘතේනාපි කර්මණා .

ඒභ්යඃ සංසාරකාන්තාරේ න විශ්රාන්තමභූන් මනඃ .. 10-7..

කෘතං න කති ජන්මානි කායේන මනසා ගිරා .

දුඃඛමායාසදං කර්ම තදද්යාප්යුපරම්යතාම් .. 10-8..

Roman (IAST) Transliteration

aṣṭāvakra uvāca ||

vihāya vairiṇaṃ kāmamarthaṃ cānarthasaṅkulam |

dharmamapyetayorhetuṃ sarvatrānādaraṃ kuru || 10-1||

svapnendrajālavat paśya dināni trīṇi pañca vā |

mitrakṣetradhanāgāradāradāyādisampadaḥ || 10-2||

yatra yatra bhavettṛṣṇā saṃsāraṃ viddhi tatra vai |

prauḍhavairāgyamāśritya vītatṛṣṇaḥ sukhī bhava || 10-3||

tṛṣṇāmātrātmako bandhastannāśo mokṣa ucyate |

bhavāsaṃsaktimātreṇa prāptituṣṭirmuhurmuhuḥ || 10-4||

tvamekaścetanaḥ śuddho jaḍaṃ viśvamasattathā |

avidyāpi na kiñcitsā kā bubhutsā tathāpi te || 10-5||

rājyaṃ sutāḥ kalatrāṇi śarīrāṇi sukhāni ca |

saṃsaktasyāpi naṣṭāni tava janmani janmani || 10-6||

alamarthena kāmena sukṛtenāpi karmaṇā |

ebhyaḥ saṃsārakāntāre na viśrāntamabhūn manaḥ || 10-7||

kṛtaṃ na kati janmāni kāyena manasā girā |

duḥkhamāyāsadaṃ karma tadadyāpyuparamyatām || 10-8||