📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
सूर्य मण्डल स्तोत्रम्
Surya Mandala Stotram
Surya Stotram Devanagari
नमोऽस्तु सूर्याय सहस्ररश्मये
सहस्रशाखान्वित सम्भवात्मने ।
सहस्रयोगोद्भव भावभागिने
सहस्रसङ्ख्यायुधधारिणे नमः ॥ 1 ॥
यन्मण्डलं दीप्तिकरं विशालं
रत्नप्रभं तीव्रमनादिरूपम् ।
दारिद्र्यदुःखक्षयकारणं च
पुनातु मां तत्सवितुर्वरेण्यम् ॥ 2 ॥
यन्मण्डलं देवगणैः सुपूजितं
विप्रैः स्तुतं भावनमुक्तिकोविदम् ।
तं देवदेवं प्रणमामि सूर्यं
पुनातु मां तत्सवितुर्वरेण्यम् ॥ 3 ॥
यन्मण्डलं ज्ञानघनन्त्वगम्यं
त्रैलोक्यपूज्यं त्रिगुणात्मरूपम् ।
समस्ततेजोमयदिव्यरूपं
पुनातु मां तत्सवितुर्वरेण्यम् ॥ 4 ॥
यन्मण्डलं गूढमतिप्रबोधं
धर्मस्य वृद्धिं कुरुते जनानाम् ।
यत्सर्वपापक्षयकारणं च
पुनातु मां तत्सवितुर्वरेण्यम् ॥ 5 ॥
यन्मण्डलं व्याधिविनाशदक्षं
यदृग्यजुः सामसु सम्प्रगीतम् ।
प्रकाशितं येन च भूर्भुवः स्वः
पुनातु मां तत्सवितुर्वरेण्यम् ॥ 6 ॥
यन्मण्डलं वेदविदो वदन्ति
गायन्ति यच्चारणसिद्धसङ्घाः ।
यद्योगिनो योगजुषां च सङ्घाः
पुनातु मां तत्सवितुर्वरेण्यम् ॥ 7 ॥
यन्मण्डलं सर्वजनैश्च पूजितं
ज्योतिश्च कुर्यादिह मर्त्यलोके ।
यत्कालकालाद्यमनादिरूपं
पुनातु मां तत्सवितुर्वरेण्यम् ॥ 8 ॥
यन्मण्डलं विष्णुचतुर्मुखाख्यं
यदक्षरं पापहरं जनानाम् ।
यत्कालकल्पक्षयकारणं च
पुनातु मां तत्सवितुर्वरेण्यम् ॥ 9 ॥
यन्मण्डलं विश्वसृजं प्रसिद्धं
उत्पत्तिरक्षप्रलय प्रगल्भम् ।
यस्मिन् जगत्संहरतेऽखिलं च
पुनातु मां तत्सवितुर्वरेण्यम् ॥ 10 ॥
यन्मण्डलं सर्वगतस्य विष्णोः
आत्मा परं‍धाम विशुद्धतत्त्वम् ।
सूक्ष्मान्तरैर्योगपथानुगम्यं
पुनातु मां तत्सवितुर्वरेण्यम् ॥ 11 ॥
यन्मण्डलं वेदविदोपगीतं
यद्योगिनां योग पथानुगम्यम् ।
तत्सर्व वेद्यं प्रणमामि सूर्यं
पुनातु मां तत्सवितुर्वरेण्यम् ॥ 12 ॥
सूर्यमण्डलसु स्तोत्रं यः पठेत्सततं नरः ।
सर्वपापविशुद्धात्मा सूर्यलोके महीयते ॥
इति श्री भविष्योत्तरपुराणे श्री कृष्णार्जुन संवादे सूर्यमण्डल स्तोत्रम् ।
Roman (IAST) Transliteration
namo'stu sūryāya sahasraraśmaye
sahasraśākhānvita sambhavātmane |
sahasrayogodbhava bhāvabhāgine
sahasrasaṅkhyāyudhadhāriṇe namaḥ || 1 ||
yanmaṇḍalaṃ dīptikaraṃ viśālaṃ
ratnaprabhaṃ tīvramanādirūpam |
dāridryaduḥkhakṣayakāraṇaṃ ca
punātu māṃ tatsaviturvareṇyam || 2 ||
yanmaṇḍalaṃ devagaṇaiḥ supūjitaṃ
vipraiḥ stutaṃ bhāvanamuktikovidam |
taṃ devadevaṃ praṇamāmi sūryaṃ
punātu māṃ tatsaviturvareṇyam || 3 ||
yanmaṇḍalaṃ jñānaghanantvagamyaṃ
trailokyapūjyaṃ triguṇātmarūpam |
samastatejomayadivyarūpaṃ
punātu māṃ tatsaviturvareṇyam || 4 ||
yanmaṇḍalaṃ gūḍhamatiprabodhaṃ
dharmasya vṛddhiṃ kurute janānām |
yatsarvapāpakṣayakāraṇaṃ ca
punātu māṃ tatsaviturvareṇyam || 5 ||
yanmaṇḍalaṃ vyādhivināśadakṣaṃ
yadṛgyajuḥ sāmasu sampragītam |
prakāśitaṃ yena ca bhūrbhuvaḥ svaḥ
punātu māṃ tatsaviturvareṇyam || 6 ||
yanmaṇḍalaṃ vedavido vadanti
gāyanti yaccāraṇasiddhasaṅghāḥ |
yadyogino yogajuṣāṃ ca saṅghāḥ
punātu māṃ tatsaviturvareṇyam || 7 ||
yanmaṇḍalaṃ sarvajanaiśca pūjitaṃ
jyotiśca kuryādiha martyaloke |
yatkālakālādyamanādirūpaṃ
punātu māṃ tatsaviturvareṇyam || 8 ||
yanmaṇḍalaṃ viṣṇucaturmukhākhyaṃ
yadakṣaraṃ pāpaharaṃ janānām |
yatkālakalpakṣayakāraṇaṃ ca
punātu māṃ tatsaviturvareṇyam || 9 ||
yanmaṇḍalaṃ viśvasṛjaṃ prasiddhaṃ
utpattirakṣapralaya pragalbham |
yasmin jagatsaṃharate'khilaṃ ca
punātu māṃ tatsaviturvareṇyam || 10 ||
yanmaṇḍalaṃ sarvagatasya viṣṇoḥ
ātmā paraṃ‍dhāma viśuddhatattvam |
sūkṣmāntarairyogapathānugamyaṃ
punātu māṃ tatsaviturvareṇyam || 11 ||
yanmaṇḍalaṃ vedavidopagītaṃ
yadyogināṃ yoga pathānugamyam |
tatsarva vedyaṃ praṇamāmi sūryaṃ
punātu māṃ tatsaviturvareṇyam || 12 ||
sūryamaṇḍalasu stotraṃ yaḥ paṭhetsatataṃ naraḥ |
sarvapāpaviśuddhātmā sūryaloke mahīyate ||
iti śrī bhaviṣyottarapurāṇe śrī kṛṣṇārjuna saṃvāde sūryamaṇḍala stotram |
InfoLyter.in — Sacred Vedic Knowledge Portal · Free forever