Shri Madhvacharya Krita Dvadasha Stotra - Navamastotram

ॐ

श्री मध्वाचार्य कृत द्वादश स्तोत्र - नवमस्तोत्रम्

Stotram Madhvacharya Devanagari

अथ नवमस्तोत्रम्

अतिमततमोगिरिसमितिविभेदन पितामहभूतिद गुणगणनिलय ।

शुभतम कथाशय परमसदोदित जगदेककारण रामरमारमण ॥ 1॥

विधिभवमुखसुरसततसुवन्दितरमामनोवल्लभ भव मम शरणम् ।

शुभतम कथाशय परमसदोदित जगदेककारण रामरमारमण ॥ 2॥

अगणितगुणगणमयशरीर हे विगतगुणेतर भव मम शरणम् ।

शुभतम कथाशय परमसदोदित जगदेककारण रामरमारमण ॥ 3॥

अपरिमितसुखनिधिविमलसुदेह हे विगत सुखेतर भव मम शरणम् ।

शुभतम कथाशय परमसदोदित जगदेककारण रामरमारमण ॥ 4॥

प्रचलितलयजलविहरण शाश्वतसुखमयमीन हे भव मम शरणम् ।

शुभतम कथाशय परमसदोदित जगदेककारण रामरमारमण ॥ 5॥

सुरदितिजसुबलविलुलितमन्दरधर पर कूर्म हे भव मम शरणम् ।

शुभतम कथाशय परमसदोदित जगदेककारण रामरमारमण ॥ 6॥

सगिरिवरधरातलवह सुसूकरपरमविबोध हे भव मम शरणम् ।

शुभतम कथाशय परमसदोदित जगदेककारण रामरमारमण ॥ 7॥

अतिबलदितिसुत हृदय विभेदन जयनृहरेऽमल भव मम शरणम् ।

शुभतम कथाशय परमसदोदित जगदेककारण रामरमारमण ॥ 8॥

बलिमुखदितिसुतविजयविनाशन जगदवनाजित भव मम शरणम् ।

शुभतम कथाशय परमसदोदित जगदेककारण रामरमारमण ॥ 9॥

अविजितकुनृपतिसमितिविखण्डन रमावर वीरप भव मम शरणम् ।

शुभतम कथाशय परमसदोदित जगदेककारण रामरमारमण ॥ 10॥

खरतरनिशिचरदहन परामृत रघुवर मानद भव मम शरणम् ।

शुभतम कथाशय परमसदोदित जगदेककारण रामरमारमण ॥ 11॥

सुललिततनुवर वरद महाबल यदुवर पार्थप भव मम शरणम् ।

शुभतम कथाशय परमसदोदित जगदेककारण रामरमारमण ॥ 12॥

दितिसुतविमोहन विमलविबोधन परगुणबुद्ध हे भव मम शरणम् ।

शुभतम कथाशय परमसदोदित जगदेककारण रामरमारमण ॥ 13॥

कलिमलहुतवह सुभग महोत्सव शरणद कल्कीश भव मम शरणम् ।

शुभतम कथाशय परमसदोदित जगदेककारण रामरमारमण ॥ 14॥

अखिलजनिविलय परसुखकारण परपुरुषोत्तम भव मम शरणम् ।

शुभतम कथाशय परमसदोदित जगदेककारण रामरमारमण ॥ 15॥

इति तव नुतिवरसततरतेर्भव सुशरणमुरुसुखतीर्थमुनेः भगवन् ।

शुभतम कथाशय परमसदोदित जगदेककारण रामरमारमण ॥ 16॥

इति श्रीमदानन्दतीर्थभगवत्पादाचार्य विरचितं

द्वादशस्तोत्रेषु नवमस्तोत्रं सम्पूर्णम्

Roman (IAST) Transliteration

atha navamastotram

atimatatamogirisamitivibhedana pitāmahabhūtida guṇagaṇanilaya |

śubhatama kathāśaya paramasadodita jagadekakāraṇa rāmaramāramaṇa || 1||

vidhibhavamukhasurasatatasuvanditaramāmanovallabha bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 2||

agaṇitaguṇagaṇamayaśarīra he vigataguṇetara bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 3||

aparimitasukhanidhivimalasudeha he vigata sukhetara bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 4||

pracalitalayajalaviharaṇa śāśvatasukhamayamīna he bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 5||

suraditijasubalavilulitamandaradhara para kūrma he bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 6||

sagirivaradharātalavaha susūkaraparamavibodha he bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 7||

atibaladitisuta hṛdaya vibhedana jayanṛhare'mala bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 8||

balimukhaditisutavijayavināśana jagadavanājita bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 9||

avijitakunṛpatisamitivikhaṇḍana ramāvara vīrapa bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 10||

kharataraniśicaradahana parāmṛta raghuvara mānada bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 11||

sulalitatanuvara varada mahābala yaduvara pārthapa bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 12||

ditisutavimohana vimalavibodhana paraguṇabuddha he bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 13||

kalimalahutavaha subhaga mahotsava śaraṇada kalkīśa bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 14||

akhilajanivilaya parasukhakāraṇa parapuruṣottama bhava mama śaraṇam |

śubhatama kathāśaya paramasadodita jagadekakāraṇa rāmaramāramaṇa || 15||

iti tava nutivarasatataraterbhava suśaraṇamurusukhatīrthamuneḥ bhagavan |

śubhatama kathāśaya paramasadodita jagadekakāraṇa rāmaramāramaṇa || 16||

iti śrīmadānandatīrthabhagavatpādācārya viracitaṃ

dvādaśastotreṣu navamastotraṃ sampūrṇam