📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
श्री हनुमान् मङ्गलाष्टकम्
Shri Hanuman Mangalashtakam
Hanuman Ashtakam Devanagari
वैशाखे मासि कृष्णायां दशम्यां मन्दवासरे ।
पूर्वाभाद्रा प्रभूताय मङ्गलं श्रीहनूमते ॥ 1 ॥
करुणारसपूर्णाय फलापूपप्रियाय च ।
माणिक्यहारकण्ठाय मङ्गलं श्रीहनूमते ॥ 2 ॥
सुवर्चलाकलत्राय चतुर्भुजधराय च ।
उष्ट्रारूढाय वीराय मङ्गलं श्रीहनूमते ॥ 3 ॥
दिव्यमङ्गलदेहाय पीताम्बरधराय च ।
तप्तकाञ्चनवर्णाय मङ्गलं श्रीहनूमते ॥ 4 ॥
भक्तरक्षणशीलाय जानकीशोकहारिणे ।
सृष्टिकारणभूताय मङ्गलं श्रीहनूमते ॥ 5 ॥
रम्भावनविहाराय गन्धमादनवासिने ।
सर्वलोकैकनाथाय मङ्गलं श्रीहनूमते ॥ 6 ॥
पञ्चाननाय भीमाय कालनेमिहराय च ।
कौण्डिन्यगोत्रजाताय मङ्गलं श्रीहनूमते ॥ 7 ॥
केसरीपुत्र दिव्याय सीतान्वेषपराय च ।
वानराणां वरिष्ठाय मङ्गलं श्रीहनूमते ॥ 8 ॥
इति श्री हनुमान् मङ्गलाष्टकम् ।
Roman (IAST) Transliteration
vaiśākhe māsi kṛṣṇāyāṃ daśamyāṃ mandavāsare |
pūrvābhādrā prabhūtāya maṅgalaṃ śrīhanūmate || 1 ||
karuṇārasapūrṇāya phalāpūpapriyāya ca |
māṇikyahārakaṇṭhāya maṅgalaṃ śrīhanūmate || 2 ||
suvarcalākalatrāya caturbhujadharāya ca |
uṣṭrārūḍhāya vīrāya maṅgalaṃ śrīhanūmate || 3 ||
divyamaṅgaladehāya pītāmbaradharāya ca |
taptakāñcanavarṇāya maṅgalaṃ śrīhanūmate || 4 ||
bhaktarakṣaṇaśīlāya jānakīśokahāriṇe |
sṛṣṭikāraṇabhūtāya maṅgalaṃ śrīhanūmate || 5 ||
rambhāvanavihārāya gandhamādanavāsine |
sarvalokaikanāthāya maṅgalaṃ śrīhanūmate || 6 ||
pañcānanāya bhīmāya kālanemiharāya ca |
kauṇḍinyagotrajātāya maṅgalaṃ śrīhanūmate || 7 ||
kesarīputra divyāya sītānveṣaparāya ca |
vānarāṇāṃ variṣṭhāya maṅgalaṃ śrīhanūmate || 8 ||
iti śrī hanumān maṅgalāṣṭakam |
InfoLyter.in — Sacred Vedic Knowledge Portal · Free forever