Shiva Mangalashtakam — InfoLyter.in

ॐ

शिव मङ्गलाष्टकम्

Shiva Mangalashtakam

Shiva Ashtakam Devanagari

भवाय चन्द्रचूडाय निर्गुणाय गुणात्मने ।

कालकालाय रुद्राय नीलग्रीवाय मङ्गलम् ॥ 1 ॥

वृषारूढाय भीमाय व्याघ्रचर्माम्बराय च ।

पशूनाम्पतये तुभ्यं गौरीकान्ताय मङ्गलम् ॥ 2 ॥

भस्मोद्धूलितदेहाय नागयज्ञोपवीतिने ।

रुद्राक्षमालाभूषाय व्योमकेशाय मङ्गलम् ॥ 3 ॥

सूर्यचन्द्राग्निनेत्राय नमः कैलासवासिने ।

सच्चिदानन्दरूपाय प्रमथेशाय मङ्गलम् ॥ 4 ॥

मृत्युञ्जयाय साम्बाय सृष्टिस्थित्यन्तकारिणे ।

त्रयम्बकाय शान्ताय त्रिलोकेशाय मङ्गलम् ॥ 5 ॥

गङ्गाधराय सोमाय नमो हरिहरात्मने ।

उग्राय त्रिपुरघ्नाय वामदेवाय मङ्गलम् ॥ 6 ॥

सद्योजाताय शर्वाय भव्य ज्ञानप्रदायिने ।

ईशानाय नमस्तुभ्यं पञ्चवक्राय मङ्गलम् ॥ 7 ॥

सदाशिव स्वरूपाय नमस्तत्पुरुषाय च ।

अघोराय च घोराय महादेवाय मङ्गलम् ॥ 8 ॥

श्रीचामुण्डाप्रेरितेन रचितं मङ्गलास्पदम् ।

तस्याभीष्टप्रदं शम्भोः यः पठेन्मङ्गलाष्टकम् ॥ 9 ॥

महादेवस्य देवस्य यः पठेन्मङ्गलाष्टकम् ।

सर्वार्थ सिद्धि माप्नोति स सायुज्यं ततः परम् ॥ 10 ॥

Roman (IAST) Transliteration

bhavāya candracūḍāya nirguṇāya guṇātmane |

kālakālāya rudrāya nīlagrīvāya maṅgalam || 1 ||

vṛṣārūḍhāya bhīmāya vyāghracarmāmbarāya ca |

paśūnāmpataye tubhyaṃ gaurīkāntāya maṅgalam || 2 ||

bhasmoddhūlitadehāya nāgayajñopavītine |

rudrākṣamālābhūṣāya vyomakeśāya maṅgalam || 3 ||

sūryacandrāgninetrāya namaḥ kailāsavāsine |

saccidānandarūpāya pramatheśāya maṅgalam || 4 ||

mṛtyuñjayāya sāmbāya sṛṣṭisthityantakāriṇe |

trayambakāya śāntāya trilokeśāya maṅgalam || 5 ||

gaṅgādharāya somāya namo hariharātmane |

ugrāya tripuraghnāya vāmadevāya maṅgalam || 6 ||

sadyojātāya śarvāya bhavya jñānapradāyine |

īśānāya namastubhyaṃ pañcavakrāya maṅgalam || 7 ||

sadāśiva svarūpāya namastatpuruṣāya ca |

aghorāya ca ghorāya mahādevāya maṅgalam || 8 ||

śrīcāmuṇḍāpreritena racitaṃ maṅgalāspadam |

tasyābhīṣṭapradaṃ śambhoḥ yaḥ paṭhenmaṅgalāṣṭakam || 9 ||

mahādevasya devasya yaḥ paṭhenmaṅgalāṣṭakam |

sarvārtha siddhi māpnoti sa sāyujyaṃ tataḥ param || 10 ||