Kaliya Krita Krishna Stotram

ॐ

कालिय कृता कृष्ण स्तॊत्रम्

Krishna Stotram Vyasa Devanagari

व्यास उवाच ।

इत्युक्ते ताभिराश्वास्य क्लान्तदेहोऽपि पन्नगः ।

प्रसीद देवदेवेति प्राह वाक्यं शनैः शनैः ॥ 43 ॥

कालीय उवाच ।

तवाष्टगुणमैश्वर्यं नाथ स्वाभविकं परम् ।

निरस्तातिशयं यस्य तस्य स्तोष्यामि किन्वहम् ॥ 44 ॥

त्वं परस्त्वं परस्याऽद्यः परं त्वं तत्परात्मकम् ।

परस्मात्परमो यस्त्वं तस्य स्तोष्यामि किं न्वहम् ॥ 45 ॥

यथाऽहं भवता सृष्टो जात्या रूपेण चेश्वरः ।

स्वभावेन च संयुक्तस्तथेदं चेष्टितं मया ॥ 46 ॥

यद्यन्यथा प्रवर्तेय देवदेव ततो मयि ।

न्याय्यो दण्डनिपातस्ते तवैव वचनं यथा ॥ 47 ॥

तथाऽपि यं जगत्स्वामी दण्डं पातितवान्मयि ।

स सोढोऽयं वरो दण्डस्त्वत्तो नान्योऽस्तु मे वरः ॥ 48 ॥

हतवीर्यो हतविषो दमितोऽहं त्वयाऽच्युत ।

जीवितं दीयतामेकमाज्ञापय करोमि किम् ॥ 49 ॥

इति ब्रह्मपुराणे पञ्चाशीत्यधिकशततमाध्यायान्तर्गतं

कालियकृतं श्रीकृष्णस्तोत्रं समाप्तम् ।

ब्रह्मपुराण . अध्याय 185/43-49 . ।

Roman (IAST) Transliteration

vyāsa uvāca |

ityukte tābhirāśvāsya klāntadeho'pi pannagaḥ |

prasīda devadeveti prāha vākyaṃ śanaiḥ śanaiḥ || 43 ||

kālīya uvāca |

tavāṣṭaguṇamaiśvaryaṃ nātha svābhavikaṃ param |

nirastātiśayaṃ yasya tasya stoṣyāmi kinvaham || 44 ||

tvaṃ parastvaṃ parasyā'dyaḥ paraṃ tvaṃ tatparātmakam |

parasmātparamo yastvaṃ tasya stoṣyāmi kiṃ nvaham || 45 ||

yathā'haṃ bhavatā sṛṣṭo jātyā rūpeṇa ceśvaraḥ |

svabhāvena ca saṃyuktastathedaṃ ceṣṭitaṃ mayā || 46 ||

yadyanyathā pravarteya devadeva tato mayi |

nyāyyo daṇḍanipātaste tavaiva vacanaṃ yathā || 47 ||

tathā'pi yaṃ jagatsvāmī daṇḍaṃ pātitavānmayi |

sa soḍho'yaṃ varo daṇḍastvatto nānyo'stu me varaḥ || 48 ||

hatavīryo hataviṣo damito'haṃ tvayā'cyuta |

jīvitaṃ dīyatāmekamājñāpaya karomi kim || 49 ||

iti brahmapurāṇe pañcāśītyadhikaśatatamādhyāyāntargataṃ

kāliyakṛtaṃ śrīkṛṣṇastotraṃ samāptam |

brahmapurāṇa . adhyāya 185/43-49 . |