Durga Kavacham — InfoLyter.in

ॐ

दुर्गा कवचम्

Durga Kavacham

Durga Kavacham Devanagari

ईश्वर उवाच ।

शृणु देवि प्रवक्ष्यामि कवचं सर्वसिद्धिदम् ।

पठित्वा पाठयित्वा च नरो मुच्येत सङ्कटात् ॥ 1 ॥

अज्ञात्वा कवचं देवि दुर्गामन्त्रं च यो जपेत् ।

न चाप्नोति फलं तस्य परं च नरकं व्रजेत् ॥ 2 ॥

उमादेवी शिरः पातु ललाटे शूलधारिणी ।

चक्षुषी खेचरी पातु कर्णौ चत्वरवासिनी ॥ 3 ॥

सुगन्धा नासिकं पातु वदनं सर्वधारिणी ।

जिह्वां च चण्डिकादेवी ग्रीवां सौभद्रिका तथा ॥ 4 ॥

अशोकवासिनी चेतो द्वौ बाहू वज्रधारिणी ।

हृदयं ललितादेवी उदरं सिंहवाहिनी ॥ 5 ॥

कटिं भगवती देवी द्वावूरू विन्ध्यवासिनी ।

महाबला च जङ्घे द्वे पादौ भूतलवासिनी ॥ 6 ॥

एवं स्थिताऽसि देवि त्वं त्रैलोक्ये रक्षणात्मिका ।

रक्ष मां सर्वगात्रेषु दुर्गे देवि नमोऽस्तु ते ॥ 7 ॥

इति कुब्जिकातन्त्रोक्तं श्री दुर्गा कवचम् ।

Roman (IAST) Transliteration

īśvara uvāca |

śṛṇu devi pravakṣyāmi kavacaṃ sarvasiddhidam |

paṭhitvā pāṭhayitvā ca naro mucyeta saṅkaṭāt || 1 ||

ajñātvā kavacaṃ devi durgāmantraṃ ca yo japet |

na cāpnoti phalaṃ tasya paraṃ ca narakaṃ vrajet || 2 ||

umādevī śiraḥ pātu lalāṭe śūladhāriṇī |

cakṣuṣī khecarī pātu karṇau catvaravāsinī || 3 ||

sugandhā nāsikaṃ pātu vadanaṃ sarvadhāriṇī |

jihvāṃ ca caṇḍikādevī grīvāṃ saubhadrikā tathā || 4 ||

aśokavāsinī ceto dvau bāhū vajradhāriṇī |

hṛdayaṃ lalitādevī udaraṃ siṃhavāhinī || 5 ||

kaṭiṃ bhagavatī devī dvāvūrū vindhyavāsinī |

mahābalā ca jaṅghe dve pādau bhūtalavāsinī || 6 ||

evaṃ sthitā'si devi tvaṃ trailokye rakṣaṇātmikā |

rakṣa māṃ sarvagātreṣu durge devi namo'stu te || 7 ||

iti kubjikātantroktaṃ śrī durgā kavacam |