📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.35 ਅਰਣ੍ਯਕਾਣ੍ਡ - ਪਞ੍ਚਤ੍ਰਿਂਸ਼ ਸਰ੍ਗਃ
3.35 Aranyakanda - Panchatrimsha Sargah
Valmiki Gurmukhi
ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਣ੍ਡਮ੍ ।
ਅਥ ਪਞ੍ਚਤ੍ਰਿਂਸ਼ਸ੍ਸਰ੍ਗਃ ।
ਤਤਸ਼੍ਸ਼ੂਰ੍ਪਣਖਾਵਾਕ੍ਯਂ ਤਚ੍ਛ੍ਰੁਤ੍ਵਾ ਰੋਮਹਰ੍षਣਮ੍ ।
ਸਚਿਵਾਨਭ੍ਯਨੁਜ੍ਞਾਯ ਕਾਰ੍ਯਂ ਬੁਦ੍ਧ੍ਵਾ ਜਗਾਮ ਹ ॥ 1 ॥
ਤਤ੍ਕਾਰ੍ਯਮਨੁਗਮ੍ਯਾਥ ਯਥਾਵਦੁਪਲਭ੍ਯ ਚ ।
ਦੋषਾਣਾਂ ਚ ਗੁਣਾਨਾਂ ਚ ਸਮ੍ਪ੍ਰਧਾਰ੍ਯ ਬਲਾਬਲਮ੍ ॥ 2 ॥
ਇਤਿ ਕਰ੍ਤਵ੍ਯਮਿਤ੍ਯੇਵ ਕृਤ੍ਵਾ ਨਿਸ਼੍ਚਯਮਾਤ੍ਮਨਃ ।
ਸ੍ਥਿਰਬੁਦ੍ਧਿਸ੍ਤਤੋ ਰਮ੍ਯਾਂ ਯਾਨਸ਼ਾਲਾਂ ਜਗਾਮ ਹ ॥ 3 ॥
ਯਾਨਸ਼ਾਲਾਂ ਤਤੋ ਗਤ੍ਵਾ ਪ੍ਰਚ੍ਛਨ੍ਨੋ ਰਾਕ੍षਸਾਧਿਪਃ ।
ਸੂਤਂ ਸਞ੍ਚੋਦਯਾਮਾਸ ਰਥਸ੍ਸਂਯੋਜ੍ਯਤਾਮਿਤਿ ॥ 4 ॥
ਏਵਮੁਕ੍ਤਃ ਕ੍षੇਣੇਨੈਵ ਸਾਰਥਿਰ੍ਲਘੁਵਿਕ੍ਰਮਃ ।
ਰਥਂ ਸਂਯੋਜਯਾਮਾਸ ਤਸ੍ਯਾਭਿਮਤਮੁਤ੍ਤਮਮ੍ ॥ 5 ॥
ਕਾਞ੍ਚਨਂ ਰਥਮਾਸ੍ਥਾਯ ਕਾਮਗਂ ਰਤ੍ਨਭੂषਿਤਮ੍ ।
ਪਿਸ਼ਾਚਵਦਨੈਰ੍ਯੁਕ੍ਤਂ ਖਰੈਃ ਕਾਞ੍ਚਨਭੂषਣੈਃ ॥ 6 ॥
ਮੇਘਪ੍ਰਤਿਮਨਾਦੇਨ ਸ ਤੇਨ ਧਨਦਾਨੁਜਃ ।
ਰਾਕ੍षਸਾਧਿਪਤਿਸ਼੍ਸ਼੍ਰੀਮਾਨ੍ਯਯੌ ਨਦਨਦੀਪਤਿਮ੍ ॥ 7 ॥
ਸ ਸ਼੍ਵੇਤਵਾਲਵ੍ਯਜਨਃ ਸ਼੍ਵੇਤਚ੍ਛਤ੍ਰੋ ਦਸ਼ਾਨਨਃ ।
ਸ੍ਨਿਗ੍ਧਵੈਦੂਰ੍ਯਸਙ੍ਕਾਸ਼ ਸ੍ਤਪ੍ਤਕਾਞ੍ਚਨਕੁਣ੍ਡਲਃ ॥ 8 ॥
ਵਿਂਸ਼ਦ੍ਭੁਜੋ ਦਸ਼ਗ੍ਰੀਵੋ ਦਰ੍ਸ਼ਨੀਯਪਰਿਚ੍ਛਦਃ ।
ਤ੍ਰਿਦਸ਼ਾਰਿਰ੍ਮੁਨੀਨ੍ਦ੍ਰਘ੍ਨੋ ਦਸ਼ਸ਼ੀਰ੍ष ਇਵਾਦ੍ਰਿਰਾਟ੍ ॥ 9 ॥
ਕਾਮਗਂ ਰਥਮਾਸ੍ਥਾਯ ਸ਼ੁਸ਼ੁਭੇ ਰਾਕ੍षਸੇਸ਼੍ਵਰਃ ।
ਵਿਦ੍ਯੁਨ੍ਮਣ੍ਡਲਵਾਨ੍ਮੇਘਸ੍ਸਬਲਾਕ ਇਵਾਮ੍ਬਰੇ ॥ 10 ॥
ਸ ਸ਼ੈਲਂ ਸਾਗਰਾਨੂਪਂ ਵੀਰ੍ਯਵਾਨਵਲੋਕਯਨ੍ ।
ਨਾਨਾਪੁष੍ਪਫਲੈਰ੍ਵृਕ੍षੈਰਨੁਕੀਰ੍ਣਂ ਸਹਸ੍ਰਸ਼ਃ ॥ 11 ॥
ਸ਼ੀਤਮਙ੍ਗਲਤੋਯਾਭਿਃ ਪਦ੍ਮਿਨੀਭਿਸ੍ਸਮਨ੍ਤਤਃ ।
ਵਿਸ਼ਾਲੈਰਾਸ਼੍ਰਮਪਦੈਰ੍ਵੇਦਿਮਦ੍ਭਿਸ੍ਸਮਾਵृਤਮ੍ ॥ 12 ॥
ਕਦਲ੍ਯਾਢਕਿਸਮ੍ਬਾਧਂ ਨਾਰਿਕੇਲੋਪਸ਼ੋਭਿਤਮ੍ ।
ਸਾਲੈਸ੍ਤਾਲੈਸ੍ਤਮਾਲੈਸ਼੍ਚ ਪੁष੍ਪਿਤੈਸ੍ਤਰੁਭਿਰ੍ਵृਤਮ੍ ॥ 13 ॥
ਨਾਗੈਸ੍ਸੁਪਰ੍ਣੈਰ੍ਗਨ੍ਧੈਰ੍ਵੈਃ ਕਿਨ੍ਨਰੈਸ਼੍ਚ ਸਹਸ੍ਰਸ਼ਃ ।
ਅਜੈਰ੍ਵੈਖਾਨਸੈਰ੍ਮਾषੈਰ੍ਵਾਲਖਿਲ੍ਯੈਰ੍ਮਰੀਚਿਪੈਃ ॥ 14 ॥
ਅਤ੍ਯਨ੍ਤਨਿਯਤਾਹਾਰੈਸ਼੍ਸ਼ੋਭਿਤਂ ਪਰਮਰ੍षਿਭਿਃ ।
ਜਿਤਕਾਮੈਸ਼੍ਚ ਸਿਦ੍ਧੈਸ਼੍ਚ ਚਾਰਣੈਰੁਪਸ਼ੋਭਿਤਮ੍ ॥ 15 ॥
ਦਿਵ੍ਯਾਭਰਣਮਾਲ੍ਯਾਭਿਰ੍ਦਿਵ੍ਯਰੂਪਾਭਿਰਾਵृਤਮ੍ ।
ਕ੍ਰੀਡਾਰਤਿਵਿਧਿਜ੍ਞਾਭਿਰਪ੍ਸਰੋਭਿਸ੍ਸਹਸ੍ਰਸ਼ਃ ॥ 16 ॥
ਸੇਵਿਤਂ ਦੇਵਪਨ੍ਤੀਭਿਸ਼੍ਸ਼੍ਰੀਮਤੀਭਿਸ਼੍ਸ਼੍ਰਿਯਾऽऽਵृਤਮ੍ ।
ਦੇਵਦਾਨਵਸਙ੍ਘੈਸ਼੍ਚ ਚਰਿਤਂ ਤ੍ਵਮृਤਾਸ਼ਿਭਿਃ ॥ 17 ॥
ਹਂਸਕ੍ਰੌਞ੍ਚਪ੍ਲਵਾਕੀਰ੍ਣਂ ਸਾਰਸੈਸ੍ਸਮ੍ਪ੍ਰਣਾਦਿਤਮ੍ ।
ਵੈਢੂਰ੍ਯਪ੍ਰਸ੍ਤਰਂ ਰਮ੍ਯਂ ਸ੍ਨਿਗ੍ਧਂ ਸਾਗਰਤੇਜਸਾ ॥ 18 ॥
ਪਾਣ੍ਡੁਰਾਣਿ ਵਿਸ਼ਾਲਾਨਿ ਦਿਵ੍ਯਮਾਲ੍ਯਯੁਤਾਨਿ ਚ ।
ਤੂਰ੍ਯਗੀਤਾਭਿਜੁष੍ਟਾਨਿ ਵਿਮਾਨਾਨਿ ਸਮਨ੍ਤਤਃ ॥ 19 ॥
ਤਪਸਾ ਜਿਤਲੋਕਾਨਾਂ ਕਾਮਗਾਨ੍ਯਭਿਸਮ੍ਪਤਨ੍ ।
ਗਨ੍ਧਰ੍ਵਾਪ੍ਸਰਸਸ਼੍ਚੈਵ ਦਦਰ੍ਸ਼ ਧਨਦਾਨੁਜਃ ॥ 20 ॥
ਨਿਰ੍ਯਾਸਰਸਮੂਲਾਨਾਂ ਚਨ੍ਦਨਾਨਾਂ ਸਹਸ੍ਰਸ਼ਃ ।
ਵਨਾਨਿ ਪਸ਼੍ਯਨ੍ਸੌਮ੍ਯਾਨਿ ਘ੍ਰਾਣਤृਪ੍ਤਿਕਰਾਣਿ ਚ ॥ 21 ॥
ਅਗਰੂਣਾਂ ਚ ਮੁਖ੍ਯਾਨਾਂ ਵਨਾਨ੍ਯੁਪਵਨਾਨਿ ਚ ।
ਤਕ੍ਕੋਲਾਨਾਂ ਚ ਜਾਤ੍ਯਾਨਾਂ ਫਲਾਨਾਂ ਚ ਸੁਗਨ੍ਧਿਨਾਮ੍ ॥ 22 ॥
ਪੁष੍ਪਾਣਿ ਚ ਤਮਾਲਸ੍ਯ ਗੁਲ੍ਮਾਨਿ ਮਰਿਚਸ੍ਯ ਚ ।
ਮੁਕ੍ਤਾਨਾਂ ਚ ਸਮੂਹਾਨਿ ਸ਼ੁष੍ਯਮਾਣਾਨਿ ਤੀਰਤਃ ॥ 23 ॥
ਸ਼ਙ੍ਖਾਨਾਂ ਪ੍ਰਸਰਂ ਚੈਵ ਪ੍ਰਵਾਲਨਿਚਯਂ ਤਥਾ ।
ਕਾਞ੍ਚਨਾਨਿ ਚ ਸ਼ੈਲਾਨਿ ਰਾਜਤਾਨਿ ਚ ਸਰ੍ਵਸ਼ਃ ॥ 24 ॥
ਪ੍ਰਸ੍ਰਵਾਣਿ ਮਨੋਜ੍ਞਾਨਿ ਪ੍ਰਸਨ੍ਨਾਨਿ ਹ੍ਰਦਾਨਿ ਚ ।
ਧਨਧਾਨ੍ਯੋਪਪਨ੍ਨਾਨਿ ਸ੍ਤ੍ਰੀਰਤ੍ਨੈਸ਼੍ਸ਼ੋਭਿਤਾਨਿ ਚ ॥ 25 ॥
ਹਸ੍ਤ੍ਯਸ਼੍ਵਰਥਗਾਢਾਨਿ ਨਗਰਾਣ੍ਯਵਲੋਕਯਨ੍ ।
ਤਂ ਸਮਂ ਸਰ੍ਵਤਸ੍ਨਿਗ੍ਧਂ ਮृਦੁਸਂਸ੍ਪਰ੍ਸ਼ਮਾਰੁਤਮ੍ ।
ਅਨੂਪਂ ਸਿਨ੍ਧੁਰਾਜਸ੍ਯ ਦਦਰ੍ਸ਼ ਤ੍ਰਿਦਿਵੋਪਮਮ੍ ॥ 26 ॥
ਤਤ੍ਰਾਪਸ਼੍ਯਤ੍ਸ ਮੇਘਾਭਂ ਨ੍ਯਗ੍ਰੋਧਮृषਿਭਿਰ੍ਵृਤਮ੍ ॥ 27 ॥
ਸਮਨ੍ਤਾਦ੍ਯਸ੍ਯ ਤਾਸ਼੍ਸ਼ਾਖਾਸ਼੍ਸ਼ਤਯੋਜਨਮਾਯਤਾਃ ।
ਯਸ੍ਯ ਹਸ੍ਤਿਨਮਾਦਾਯ ਮਹਾਕਾਯਂ ਚ ਕਚ੍ਛਪਮ੍ ॥ 28 ॥
ਭਕ੍षਾਰ੍ਥਂ ਗਰੁਡਸ਼੍ਸ਼ਾਖਾਮਾਜਗਾਮ ਮਹਾਬਲਃ ।
ਤਸ੍ਯ ਤਾਂ ਸਹਸਾ ਸ਼ਾਖਾਂ ਭਾਰੇਣ ਪਤਗੋਤ੍ਤਮਃ ॥ 29 ॥
ਸੁਪਰ੍ਣਃ ਪਰ੍ਣਬਹੁਲਾਂ ਬਭਞ੍ਜ ਚ ਮਹਾਬਲਃ ।
ਤਤ੍ਰ ਵੈਖਾਨਸਾ ਮਾषਾ ਵਾਲਖਿਲ੍ਯਾ ਮਰੀਚਿਪਾਃ ॥ 30 ॥
ਅਜਾ ਬਭੂਵੁਰ੍ਧੂਮ੍ਰਾਸ਼੍ਚ ਸਙ੍ਗਤਾਃ ਪਰਮਰ੍षਯਃ ।
ਤੇषਾਂ ਦਯਾਰ੍ਥਂ ਗਰੁਡਸ੍ਤਾਂ ਸ਼ਾਖਾਂ ਸ਼ਤਯੋਜਨਾਮ੍ ॥ 31 ॥
ਜਗਾਮਾਦਾਯ ਵੇਗੇਨ ਤੌ ਚੋਭੌ ਗਜਕਚ੍ਛਪੌ ।
ਏਕਪਾਦੇਨ ਧਰ੍ਮਾਤ੍ਮਾ ਭਕ੍षਯਿਤ੍ਵਾ ਤਦਾਮਿषਮ੍ ॥ 32 ॥
ਨਿषਾਦਵਿषਯਂ ਹਤ੍ਵਾ ਸ਼ਾਖਯਾ ਪਤਗੋਤ੍ਤਮਃ ।
ਪ੍ਰਹਰ੍षਮਤੁਲਂ ਲੇਭੇ ਮੋਕ੍षਯਿਤ੍ਵਾ ਮਹਾਮੁਨੀਨ੍ ॥ 33 ॥
ਸ ਤੇਨੈਵ ਪ੍ਰਹਰ੍षੇਣ ਦ੍ਵਿਗੁਣੀਕृਤਵਿਕ੍ਰਮਃ ।
ਅਮृਤਾਨਯਨਾਰ੍ਥਂ ਵੈ ਚਕਾਰ ਮਤਿਮਾਨ੍ਮਤਿਮ੍ ॥ 34 ॥
ਅਯੋਜਾਲਾਨਿ ਨਿਰ੍ਮਥ੍ਯ ਭਿਤ੍ਵਾ ਰਤ੍ਨਮਯਂ ਗृਹਮ੍ ।
ਮਹੇਨ੍ਦ੍ਰਭਵਨਾਦ੍ਗੁਪ੍ਤਮਾਜਹਾਰਾਮृਤਂ ਤਤਃ ॥ 35 ॥
ਤਂ ਮਹਰ੍षਿਗਣੈਰ੍ਜੁष੍ਟਂ ਸੁਪਰ੍ਣਕृਤਲਕ੍षਣਮ੍ ।
ਨਾਮ੍ਨਾ ਸੁਭਦ੍ਰਂ ਨ੍ਯਗ੍ਰੋਧਂ ਦਦਰ੍ਸ਼ ਧਨਦਾਨੁਜਃ ॥ 36 ॥
ਤਂ ਤੁ ਗਤ੍ਵਾ ਪਰਂ ਪਾਰਂ ਸਮੁਦ੍ਰਸ੍ਯ ਨਦੀਪਤੇਃ ।
ਦਦਰ੍ਸ਼ਾਸ਼੍ਰਮਮੇਕਾਨ੍ਤੇ ਰਮ੍ਯੇ ਪੁਣ੍ਯੇ ਵਨਾਨ੍ਤਰੇ ॥ 37 ॥
ਤਤ੍ਰ ਕृष੍ਣਾਜਿਨਧਰਂ ਜਟਾਵਲ੍ਕਲਧਾਰਿਣਮ੍ ।
ਦਦਰ੍ਸ਼ ਨਿਯਤਾਹਾਰਂ ਮਾਰੀਚਂ ਨਾਮ ਰਾਕ੍षਸਾਮ੍ ॥ 38 ॥
ਸ ਰਾਵਣਸ੍ਸਮਾਗਮ੍ਯ ਵਿਧਿਵਤ੍ਤੇਨ ਰਕ੍षਸਾ ।
ਮਾਰੀਚੇਨਾਰ੍ਚਿਤੋ ਰਾਜਾ ਸਰ੍ਵਕਾਮੈਰਮਾਨੁषੈਃ ॥ 39 ॥
ਤਂ ਸ੍ਵਯਂ ਪੂਜਯਿਤ੍ਵਾ ਤੁ ਭੋਜਨੇਨੋਦਕੇਨ ਚ ।
ਅਰ੍ਥੋਪਹਿਤਯਾ ਵਾਚਾ ਮਾਰੀਚੋ ਵਾਕ੍ਯਮਬ੍ਰਵੀਤ੍ ॥ 40 ॥
ਕਚ੍ਚਿਤ੍ਸੁਕੁਸ਼ਲਂ ਰਾਜਨ੍ਲਙ੍ਕਾਯਾਂ ਰਾਕ੍षਸੇਸ਼੍ਵਰ ।
ਕੇਨਾਰ੍ਥੇਨ ਪੁਨਸ੍ਤ੍ਵਂ ਵੈ ਤੂਰ੍ਣਮੇਵਮਿਹਾਗਤਃ ॥ 41 ॥
ਏਵਮੁਕ੍ਤੋ ਮਹਾਤੇਜਾ ਮਾਰੀਚੇਨ ਸ ਰਾਵਣਃ ।
ਤਤਃ ਪਸ਼੍ਚਾਦਿਦਂ ਵਾਕ੍ਯਮਬ੍ਰਵੀਦ੍ਵਾਕ੍ਯਕੋਵਿਦਃ ॥ 42 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਣ੍ਡੇ ਪਞ੍ਚਤ੍ਰਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha pañcatriṃśassargaḥ |
tataśśūrpaṇakhāvākyaṃ tacchrutvā romaharṣaṇam |
sacivānabhyanujñāya kāryaṃ buddhvā jagāma ha || 1 ||
tatkāryamanugamyātha yathāvadupalabhya ca |
doṣāṇāṃ ca guṇānāṃ ca sampradhārya balābalam || 2 ||
iti kartavyamityeva kṛtvā niścayamātmanaḥ |
sthirabuddhistato ramyāṃ yānaśālāṃ jagāma ha || 3 ||
yānaśālāṃ tato gatvā pracchanno rākṣasādhipaḥ |
sūtaṃ sañcodayāmāsa rathassaṃyojyatāmiti || 4 ||
evamuktaḥ kṣeṇenaiva sārathirlaghuvikramaḥ |
rathaṃ saṃyojayāmāsa tasyābhimatamuttamam || 5 ||
kāñcanaṃ rathamāsthāya kāmagaṃ ratnabhūṣitam |
piśācavadanairyuktaṃ kharaiḥ kāñcanabhūṣaṇaiḥ || 6 ||
meghapratimanādena sa tena dhanadānujaḥ |
rākṣasādhipatiśśrīmānyayau nadanadīpatim || 7 ||
sa śvetavālavyajanaḥ śvetacchatro daśānanaḥ |
snigdhavaidūryasaṅkāśa staptakāñcanakuṇḍalaḥ || 8 ||
viṃśadbhujo daśagrīvo darśanīyaparicchadaḥ |
tridaśārirmunīndraghno daśaśīrṣa ivādrirāṭ || 9 ||
kāmagaṃ rathamāsthāya śuśubhe rākṣaseśvaraḥ |
vidyunmaṇḍalavānmeghassabalāka ivāmbare || 10 ||
sa śailaṃ sāgarānūpaṃ vīryavānavalokayan |
nānāpuṣpaphalairvṛkṣairanukīrṇaṃ sahasraśaḥ || 11 ||
śītamaṅgalatoyābhiḥ padminībhissamantataḥ |
viśālairāśramapadairvedimadbhissamāvṛtam || 12 ||
kadalyāḍhakisambādhaṃ nārikelopaśobhitam |
sālaistālaistamālaiśca puṣpitaistarubhirvṛtam || 13 ||
nāgaissuparṇairgandhairvaiḥ kinnaraiśca sahasraśaḥ |
ajairvaikhānasairmāṣairvālakhilyairmarīcipaiḥ || 14 ||
atyantaniyatāhāraiśśobhitaṃ paramarṣibhiḥ |
jitakāmaiśca siddhaiśca cāraṇairupaśobhitam || 15 ||
divyābharaṇamālyābhirdivyarūpābhirāvṛtam |
krīḍāratividhijñābhirapsarobhissahasraśaḥ || 16 ||
sevitaṃ devapantībhiśśrīmatībhiśśriyā''vṛtam |
devadānavasaṅghaiśca caritaṃ tvamṛtāśibhiḥ || 17 ||
haṃsakrauñcaplavākīrṇaṃ sārasaissampraṇāditam |
vaiḍhūryaprastaraṃ ramyaṃ snigdhaṃ sāgaratejasā || 18 ||
pāṇḍurāṇi viśālāni divyamālyayutāni ca |
tūryagītābhijuṣṭāni vimānāni samantataḥ || 19 ||
tapasā jitalokānāṃ kāmagānyabhisampatan |
gandharvāpsarasaścaiva dadarśa dhanadānujaḥ || 20 ||
niryāsarasamūlānāṃ candanānāṃ sahasraśaḥ |
vanāni paśyansaumyāni ghrāṇatṛptikarāṇi ca || 21 ||
agarūṇāṃ ca mukhyānāṃ vanānyupavanāni ca |
takkolānāṃ ca jātyānāṃ phalānāṃ ca sugandhinām || 22 ||
puṣpāṇi ca tamālasya gulmāni maricasya ca |
muktānāṃ ca samūhāni śuṣyamāṇāni tīrataḥ || 23 ||
śaṅkhānāṃ prasaraṃ caiva pravālanicayaṃ tathā |
kāñcanāni ca śailāni rājatāni ca sarvaśaḥ || 24 ||
prasravāṇi manojñāni prasannāni hradāni ca |
dhanadhānyopapannāni strīratnaiśśobhitāni ca || 25 ||
hastyaśvarathagāḍhāni nagarāṇyavalokayan |
taṃ samaṃ sarvatasnigdhaṃ mṛdusaṃsparśamārutam |
anūpaṃ sindhurājasya dadarśa tridivopamam || 26 ||
tatrāpaśyatsa meghābhaṃ nyagrodhamṛṣibhirvṛtam || 27 ||
samantādyasya tāśśākhāśśatayojanamāyatāḥ |
yasya hastinamādāya mahākāyaṃ ca kacchapam || 28 ||
bhakṣārthaṃ garuḍaśśākhāmājagāma mahābalaḥ |
tasya tāṃ sahasā śākhāṃ bhāreṇa patagottamaḥ || 29 ||
suparṇaḥ parṇabahulāṃ babhañja ca mahābalaḥ |
tatra vaikhānasā māṣā vālakhilyā marīcipāḥ || 30 ||
ajā babhūvurdhūmrāśca saṅgatāḥ paramarṣayaḥ |
teṣāṃ dayārthaṃ garuḍastāṃ śākhāṃ śatayojanām || 31 ||
jagāmādāya vegena tau cobhau gajakacchapau |
ekapādena dharmātmā bhakṣayitvā tadāmiṣam || 32 ||
niṣādaviṣayaṃ hatvā śākhayā patagottamaḥ |
praharṣamatulaṃ lebhe mokṣayitvā mahāmunīn || 33 ||
sa tenaiva praharṣeṇa dviguṇīkṛtavikramaḥ |
amṛtānayanārthaṃ vai cakāra matimānmatim || 34 ||
ayojālāni nirmathya bhitvā ratnamayaṃ gṛham |
mahendrabhavanādguptamājahārāmṛtaṃ tataḥ || 35 ||
taṃ maharṣigaṇairjuṣṭaṃ suparṇakṛtalakṣaṇam |
nāmnā subhadraṃ nyagrodhaṃ dadarśa dhanadānujaḥ || 36 ||
taṃ tu gatvā paraṃ pāraṃ samudrasya nadīpateḥ |
dadarśāśramamekānte ramye puṇye vanāntare || 37 ||
tatra kṛṣṇājinadharaṃ jaṭāvalkaladhāriṇam |
dadarśa niyatāhāraṃ mārīcaṃ nāma rākṣasām || 38 ||
sa rāvaṇassamāgamya vidhivattena rakṣasā |
mārīcenārcito rājā sarvakāmairamānuṣaiḥ || 39 ||
taṃ svayaṃ pūjayitvā tu bhojanenodakena ca |
arthopahitayā vācā mārīco vākyamabravīt || 40 ||
kaccitsukuśalaṃ rājanlaṅkāyāṃ rākṣaseśvara |
kenārthena punastvaṃ vai tūrṇamevamihāgataḥ || 41 ||
evamukto mahātejā mārīcena sa rāvaṇaḥ |
tataḥ paścādidaṃ vākyamabravīdvākyakovidaḥ || 42 ||
ityārṣe śrīmadrāmāyaṇe vālmīkīya ādikāvye araṇyakāṇḍe pañcatriṃśassargaḥ ||
InfoLyter.in — Sacred Vedic Knowledge Portal · Free forever