📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
3.24 ਅਰਣ੍ਯਕਾਣ੍ਡ - ਚਤੁਰ੍ਵਿਂਸ਼ ਸਰ੍ਗਃ
3.24 Aranyakanda - Chaturvimsha Sargah
Valmiki Gurmukhi
ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਣ੍ਡਮ੍ ।
ਅਥ ਚਤੁਰ੍ਵਿਂਸ਼ਸ੍ਸਰ੍ਗਃ ।
ਆਸ਼੍ਰਮਂ ਪ੍ਰਤਿ ਯਾਤੇ ਤੁ ਖਰੇ ਖਰਪਰਾਕ੍ਰਮੇ ।
ਤਾਨੇਵੌਤ੍ਪਾਤਿਕਾਨ੍ਰਾਮਸ੍ਸਹ ਭ੍ਰਾਤ੍ਰਾ ਦਦਰ੍ਸ਼ ਹ ॥ 1 ॥
ਤਾਨੁਤ੍ਪਾਤਾਨ੍ਮਹੋਘੋਰਾਨੁਤ੍ਥਿਤਾਨ੍ਰੋਮਹਰ੍षਣਾਨ੍ ।
ਪ੍ਰਜਾਨਾਮਹਿਤਾਨ੍ਦृष੍ਟ੍ਵਾ ਰਾਮੋ ਲਕ੍ष੍ਮਣਮਬ੍ਰਵੀਤ੍ ॥ 2 ॥
ਇਮਾਨ੍ਪਸ਼੍ਯ ਮਹਾਬਾਹੋ ਸਰ੍ਵਭੂਤਾਪਹਾਰਿਣਃ ।
ਸਮੁਤ੍ਥਿਤਾਨ੍ਮਹੋਤ੍ਪਾਤਾਨ੍ਸਂਹਰ੍ਤੁਂ ਸਰ੍ਵਰਾਕ੍षਸਾਨ੍ ॥ 3 ॥
ਅਮੀ ਰੁਧਿਰਧਾਰਾਸ੍ਤੁ ਵਿਸृਜਨ੍ਤਃ ਖਰਸ੍ਵਨਾਃ ।
ਵ੍ਯੋਮ੍ਨਿ ਮੇਘਾ ਵਿਵਰ੍ਤਨ੍ਤੇ ਪਰੁषਾ ਗਰ੍ਦਭਾਰੁਣਾਃ ॥ 4 ॥
ਸਧੂਮਾਸ਼੍ਚ ਸ਼ਰਾਸ੍ਸਰ੍ਵੇ ਮਮ ਯੁਦ੍ਧਾਭਿਨਨ੍ਦਿਨਃ ।
ਰੁਕ੍ਮਪृष੍ਠਾਨਿ ਚਾਪਾਨਿ ਵਿਚੇष੍ਟਨ੍ਤੇ ਚ ਲਕ੍ष੍ਮਣ ॥ 5 ॥
ਯਾਦृਸ਼ਾ ਇਹ ਕੂਜਨ੍ਤਿ ਪਕ੍षਿਣਃ ਵਨਚਾਰਿਣਃ ।
ਅਗ੍ਰਤੋ ਨੋ ਭਯਂ ਪ੍ਰਾਪ੍ਤਂ ਸਂਸ਼ਯੋ ਜੀਵਿਤਸ੍ਯ ਚ ॥ 6 ॥
ਸਮ੍ਪ੍ਰਹਾਰਸ੍ਤੁ ਸੁਮਹਾਨ੍ਭਵਿष੍ਯਤਿ ਨ ਸਂਸ਼ਯਃ ।
ਅਯਮਾਖ੍ਯਾਤਿ ਮੇ ਬਾਹੁਸ੍ਸ੍ਫੁਰਮਾਣੋ ਮੁਹੁਰ੍ਮੁਹੁਃ ॥ 7 ॥
ਸਨ੍ਨਿਕਰ੍षੇ ਤੁ ਨ ਸ਼੍ਸ਼ੂਰ ਜਯਂ ਸ਼ਤ੍ਰੋਃ ਪਰਾਜਯਮ੍ ।
ਸਪ੍ਰਭਂ ਚ ਪ੍ਰਸਨ੍ਨਂ ਚ ਤਵ ਵਕ੍ਤ੍ਰਂ ਹਿ ਲਕ੍ष੍ਯਤੇ ॥ 8 ॥
ਉਦ੍ਯਤਾਨਾਂ ਹਿ ਯੁਦ੍ਧਾਰ੍ਥਂ ਯੇषਾਂ ਭਵਤਿ ਲਕ੍ष੍ਮਣ ।
ਨਿष੍ਪ੍ਰਭਂ ਵਦਨਂ ਤੇषਾਂ ਭਵਤ੍ਯਾਯੁਃ ਪਰਿਕ੍षਯਃ ॥ 9 ॥
ਰਕ੍षਸਾਂ ਨਰ੍ਦਤਾਂ ਘੋਰਸ਼੍ਸ਼੍ਰੂਯਤੇ ਚ ਮਹਾਧ੍ਵਨਿਃ ।
ਆਹਤਾਨਾਂ ਚ ਭੇਰੀਣਾਂ ਰਾਕ੍षਸੈਃ ਕ੍ਰੂਰਕਰ੍ਮਭਿਃ ॥ 10 ॥
ਅਨਾਗਤਵਿਧਾਨਂ ਤੁ ਕਰ੍ਤਵ੍ਯਂ ਸ਼ੁਭਮਿਚ੍ਛਤਾ ।
ਆਪਦਂ ਸ਼ਙ੍ਕਮਾਨੇਨ ਪੁਰੁषੇਣ ਵਿਪਸ਼੍ਚਿਤਾ ॥ 11 ॥
ਤਸ੍ਮਾਦ੍ਗृਹੀਤ੍ਵਾ ਵੈਦੇਹੀਂ ਸ਼ਰਪਾਣਿਰ੍ਧਨੁਰ੍ਧਰਃ ।
ਗੁਹਾਮਾਸ਼੍ਰਯ ਸ਼ੈਲਸ੍ਯ ਦੁਰ੍ਗਾਂ ਪਾਦਪਸਙ੍ਕੁਲਾਮ੍ ॥ 12 ॥
ਪ੍ਰਤਿਕੂਲਿਤੁਮਿਚ੍ਛਾਮਿ ਨ ਹਿ ਵਾਕ੍ਯਮਿਦਂ ਤ੍ਵਯਾ ।
ਸ਼ਾਪਿਤੋ ਮਮ ਪਾਦਾਭ੍ਯਾਂ ਗਮ੍ਯਤਾਂ ਵਤ੍ਸ ਮਾ ਚਿਰਮ੍ ॥ 13 ॥
ਤ੍ਵਂ ਹਿ ਸ਼ੂਰਸ਼੍ਚ ਬਲਵਾਨ੍ਹਨ੍ਯਾਹ੍ਯੇਤਾਨ੍ਨ ਸਂਸ਼ਯਃ ।
ਸ੍ਵਯਂ ਤੁ ਹਨ੍ਤੁਮਿਚ੍ਛਾਮਿ ਸਰ੍ਵਾਨੇਵ ਨਿਸ਼ਾਚਰਾਨ੍ ॥ 14 ॥
ਏਵਮੁਕ੍ਤਸ੍ਤੁ ਰਾਮੇਣ ਲਕ੍ष੍ਮਣਸ੍ਸਹ ਸੀਤਾਯਾ ।
ਸ਼ਰਾਨਾਦਾਯ ਚਾਪਂ ਚ ਗੁਹਾਂ ਦੁਰ੍ਗਾਂ ਸਮਾਸ਼੍ਰਯਤ੍ ॥ 15 ॥
ਤਸ੍ਮਿਨ੍ਪ੍ਰਵਿष੍ਟੇ ਤੁ ਗੁਹਾਂ ਲਕ੍ष੍ਮਣੇ ਸਹ ਸੀਤਯਾ ।
ਹਨ੍ਤ ਨਿਰ੍ਯੁਕ੍ਤਮਿਤ੍ਯੁਕ੍ਤ੍ਵਾ ਰਾਮਃ ਕਵਚਮਾਵਿਸ਼ਤ੍ ॥ 16 ॥
ਸ ਤੇਨਾਗ੍ਨਿ ਨਿਕਾਸ਼ੇਨ ਕਵਚੇਨ ਵਿਭੂषਿਤਃ ।
ਬਭੂਵ ਰਾਮ ਸ੍ਤਿਮਿਰੇ ਵਿਧੂਮੋऽਗ੍ਨਿਰਿਵੋਤ੍ਥਿਤਃ ॥ 17 ॥
ਸ ਚਾਪਮੁਦ੍ਯਮ੍ਯ ਮਹਚ੍ਛਰਾਨਾਦਾਯ ਵੀਰ੍ਯਵਾਨ੍ ।
ਬਭੂਵਾਵਸ੍ਥਿਤਸ੍ਤਤ੍ਰ ਜ੍ਯਾਸ੍ਵਨੈਃ ਪੂਰਯਨ੍ਦਿਸ਼ਃ ॥ 18 ॥
ਤਤੋ ਦੇਵਾਸ੍ਸਗਨ੍ਧਰ੍ਵਾਸ੍ਸਿਦ੍ਧਾਸ਼੍ਚ ਸਹ ਚਾਰਣੈਃ ।
ਸਮੇਯੁਸ਼੍ਚ ਮਹਾਤ੍ਮਾਨੋ ਯੁਦ੍ਧਦਰ੍ਸ਼ਨਕਾਙ੍ਕ੍षਿਣਃ ॥ 19 ॥
ऋषਯਸ਼੍ਚ ਮਹਾਤ੍ਮਾਨੋ ਲੋਕੇ ਬ੍ਰਹ੍ਮਰ੍षਿਸਤ੍ਤਮਾਃ ।
ਸਮੇਤ੍ਯ ਚੋਚੁਸ੍ਸਹਿਤਾ ਅਨ੍ਯੋਨ੍ਯਂ ਪੁਣ੍ਯਕਰ੍ਮਣਃ ॥ 20 ॥
ਸ੍ਵਸ੍ਤਿ ਗੋਬ੍ਰਾਹ੍ਮਣੇਭ੍ਯੋऽਸ੍ਤੁ ਲੋਕਾਨਾਂ ਯੇऽਭਿਸਙ੍ਗਤਾਃ ।
ਜਯਤਾਂ ਰਾਘਵੋ ਯੁਦ੍ਧੇ ਪੌਲਸ੍ਤ੍ਯਾਨ੍ ਰਜਨੀਚਰਾਨ੍ ॥ 21 ॥
ਚਕ੍ਰਹਸ੍ਤੋ ਯਥਾ ਯੁਦ੍ਧੇ ਸਰ੍ਵਾਨਸੁਰ ਪੁਙ੍ਗਵਾਨ੍ ।
ਏਵਮੁਕ੍ਤ੍ਵਾ ਪੁਨਃ ਪ੍ਰੋਚੁਰਾਲੋਕ੍ਯ ਚ ਪਰਸ੍ਪਰਮ੍ ॥ 22 ॥
ਚਤੁਰ੍ਦਸ਼ ਸਹਸ੍ਰਾਣਿ ਰਕ੍षਸਾਂ ਭੀਮਕਰ੍ਮਣਾਮ੍ ।
ਏਕਸ਼੍ਚ ਰਾਮੋ ਧਰ੍ਮਾਤ੍ਮਾ ਕਥਂ ਯੁਦ੍ਧਂ ਭਵਿष੍ਯਤਿ ॥ 23 ॥
ਇਤਿ ਰਾਜਰ੍षਯਸ੍ਸਿਦ੍ਧਾਸ੍ਸਗਣਾਸ਼੍ਚ ਦ੍ਵਿਜਰ੍षਭਾਃ ।
ਜਾਤਕੌਤੂਹਲਾਸ੍ਤਸ੍ਥੁਰ੍ਵਿਮਾਨਸ੍ਥਾਸ਼੍ਚ ਦੇਵਤਾਃ ॥ 24 ॥
ਆਵਿष੍ਟਂ ਤੇਜਸਾ ਰਾਮਂ ਸਙ੍ਗ੍ਰਾਮਸ਼ਿਰਸਿ ਸ੍ਥਿਤਮ੍ ।
ਦृष੍ਟ੍ਵਾ ਸਰ੍ਵਾਣਿ ਭੂਤਾਨਿ ਭਯਾਦ੍ਵਿਵ੍ਯਥਿਰੇ ਤਦਾ ॥ 25 ॥
ਰੂਪਮਪ੍ਰਤਿਮਂ ਤਸ੍ਯ ਰਾਮਸ੍ਯਾਕ੍ਲਿष੍ਟਕਰ੍ਮਣਃ ।
ਬਭੂਵ ਰੂਪਂ ਕ੍ਰੁਦ੍ਧਸ੍ਯ ਰੁਦ੍ਰਸ੍ਯੇਵ ਪਿਨਾਕਿਨਃ ॥ 26 ॥
ਤਤੋ ਗਮ੍ਭੀਰਨਿਰ੍ਹ੍ਰਾਦਂ ਘੋਰਵਰ੍ਮਾਯੁਧਧ੍ਵਜਮ੍ ।
ਅਨੀਕਂ ਯਾਤੁਧਾਨਾਨਾਂ ਸਮਨ੍ਤਾਤ੍ਪ੍ਰਤ੍ਯਦृਸ਼੍ਯਤ ॥ 27 ॥
ਸਿਂਹਨਾਦਂ ਵਿਸृਜਤਾਮਨ੍ਯੋਨ੍ਯਮਭਿਗਰ੍ਜਤਾਮ੍ ।
ਚਾਪਾਨਿ ਵਿਸ੍ਫਾਰਯਤਾਂ ਜृਮ੍ਭਤਾਮਪ੍ਯਭੀਕ੍ष੍ਣਸ਼ਃ ॥ 28 ॥
ਵਿਪ੍ਰਘੁष੍ਟਸ੍ਵਨਾਨਾਂ ਚ ਦੁਨ੍ਧੁਭੀਂਸ਼੍ਚਾਪਿ ਨਿਘ੍ਨਤਾਮ੍ ।
ਤੇषਾਂ ਸੁਤੁਮੁਲਸ਼੍ਸ਼ਬ੍ਦਃ ਪੂਰਯਾਮਾਸ ਤਦ੍ਵਨਮ੍ ॥ 29 ॥
ਤੇਨ ਸ਼ਬ੍ਦੇਨ ਵਿਤ੍ਰਸ੍ਤਾਸ਼੍ਵਾਪਦਾ ਵਨਚਾਰਿਣਃ ।
ਦੁਦ੍ਰੁਵੁਰ੍ਯਤ੍ਰ ਨਿਸ਼੍ਸ਼ਬ੍ਦਂ ਪृष੍ਠਤੋ ਨ ਵ੍ਯਲੋਕਯਨ੍ ॥ 30 ॥
ਤਤ੍ਤ੍ਵਨੀਕਂ ਮਹਾਘੋਰਂ ਰਾਮਂ ਸਮੁਪਸਰ੍ਪਤ ।
ਧृਤਨਾਨਾਪ੍ਰਹਰਣਂ ਗਮ੍ਭੀਰਂ ਸਾਗਰੋਪਮਮ੍ ॥ 31 ॥
ਰਾਮੋऽਪਿ ਚਾਰਯਂਸ਼੍ਚਕ੍षੁਸ੍ਸਰ੍ਵਤੋ ਰਣਪਣ੍ਡਿਤਃ ।
ਦਦਰ੍ਸ਼ ਖਰਸੈਨ੍ਯਂ ਤਦ੍ਯੁਦ੍ਧਾਭਿਮੁਖਮੁਤ੍ਥਿਤਮ੍ ॥ 32 ॥
ਵਿਤਤ੍ਯ ਚ ਧਨੁਰ੍ਭੀਮਂ ਤੂਣ੍ਯਾਸ਼੍ਚੋਦ੍ਧृਤ੍ਯ ਸਾਯਕਾਨ੍ ।
ਕ੍ਰੋਧਮਾਹਾਰਯਤ੍ਤੀਵ੍ਰਂ ਵਧਾਰ੍ਥਂ ਸਰ੍ਵਰਕ੍षਸਾਮ੍ ॥ 33 ॥
ਦੁष੍ਪ੍ਰੇਕ੍ष੍ਯਸ੍ਸੋऽਭਵਤ੍ਕृਦ੍ਧੋ ਯੁਗਾਨ੍ਤਾਗ੍ਨਿਰਿਵ ਜ੍ਵਲਨ੍ ।
ਤਂ ਦृष੍ਟ੍ਵਾ ਤੇਜਸਾਵਿष੍ਟਂ ਪ੍ਰਾਦ੍ਰਵਨ੍ਵਨਦੇਵਤਾਃ ॥ 34 ॥
ਤਸ੍ਯ ਕ੍ਰੁਦ੍ਧਸ੍ਯ ਰੂਪਂ ਤੁ ਰਾਮਸ੍ਯ ਦਦृਸ਼ੇ ਤਦਾ ।
ਦਕ੍षਸ੍ਯੇਵ ਕ੍ਰਤੁਂ ਹਨ੍ਤੁਮੁਦ੍ਯਤਸ੍ਯ ਪਿਨਾਕਿਨਃ ॥ 35 ॥
ਆਵਿष੍ਟਂ ਤੇਜਸਾ ਰਾਮਂ ਸਙ੍ਗ੍ਰਾਮਸ਼ਿਰਸਿ ਸ੍ਥਿਤਮ੍ ।
ਦृष੍ਟ੍ਵਾ ਸਰ੍ਵਾਣਿ ਭੂਤਾਨਿ ਭਯਾਰ੍ਤਾਨਿ ਪ੍ਰਦੁਦ੍ਰੁਵੁਃ ॥ 36 ॥
ਤਤ੍ਕਾਰ੍ਮੁਕੈਰਾਭਰਣੈਰ੍ਧ੍ਵਜੈਸ਼੍ਚ ਤੈਰ੍ਵਰ੍ਮਭਿਸ਼੍ਚਾਗ੍ਨਿਸਮਾਨਵਰ੍ਣੈਃ ।
ਬਭੂਵ ਸੈਨ੍ਯਂ ਪਿਸ਼ਿਤਾਸ਼ਨਾਨਾਂ ਸੂਰ੍ਯੋਦਯੇ ਨੀਲਮਿਵਾਭ੍ਰਬृਨ੍ਦਮ੍ ॥ 37 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਣ੍ਡੇ ਚਤੁਰ੍ਵਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha caturviṃśassargaḥ |
āśramaṃ prati yāte tu khare kharaparākrame |
tānevautpātikānrāmassaha bhrātrā dadarśa ha || 1 ||
tānutpātānmahoghorānutthitānromaharṣaṇān |
prajānāmahitāndṛṣṭvā rāmo lakṣmaṇamabravīt || 2 ||
imānpaśya mahābāho sarvabhūtāpahāriṇaḥ |
samutthitānmahotpātānsaṃhartuṃ sarvarākṣasān || 3 ||
amī rudhiradhārāstu visṛjantaḥ kharasvanāḥ |
vyomni meghā vivartante paruṣā gardabhāruṇāḥ || 4 ||
sadhūmāśca śarāssarve mama yuddhābhinandinaḥ |
rukmapṛṣṭhāni cāpāni viceṣṭante ca lakṣmaṇa || 5 ||
yādṛśā iha kūjanti pakṣiṇaḥ vanacāriṇaḥ |
agrato no bhayaṃ prāptaṃ saṃśayo jīvitasya ca || 6 ||
samprahārastu sumahānbhaviṣyati na saṃśayaḥ |
ayamākhyāti me bāhussphuramāṇo muhurmuhuḥ || 7 ||
sannikarṣe tu na śśūra jayaṃ śatroḥ parājayam |
saprabhaṃ ca prasannaṃ ca tava vaktraṃ hi lakṣyate || 8 ||
udyatānāṃ hi yuddhārthaṃ yeṣāṃ bhavati lakṣmaṇa |
niṣprabhaṃ vadanaṃ teṣāṃ bhavatyāyuḥ parikṣayaḥ || 9 ||
rakṣasāṃ nardatāṃ ghoraśśrūyate ca mahādhvaniḥ |
āhatānāṃ ca bherīṇāṃ rākṣasaiḥ krūrakarmabhiḥ || 10 ||
anāgatavidhānaṃ tu kartavyaṃ śubhamicchatā |
āpadaṃ śaṅkamānena puruṣeṇa vipaścitā || 11 ||
tasmādgṛhītvā vaidehīṃ śarapāṇirdhanurdharaḥ |
guhāmāśraya śailasya durgāṃ pādapasaṅkulām || 12 ||
pratikūlitumicchāmi na hi vākyamidaṃ tvayā |
śāpito mama pādābhyāṃ gamyatāṃ vatsa mā ciram || 13 ||
tvaṃ hi śūraśca balavānhanyāhyetānna saṃśayaḥ |
svayaṃ tu hantumicchāmi sarvāneva niśācarān || 14 ||
evamuktastu rāmeṇa lakṣmaṇassaha sītāyā |
śarānādāya cāpaṃ ca guhāṃ durgāṃ samāśrayat || 15 ||
tasminpraviṣṭe tu guhāṃ lakṣmaṇe saha sītayā |
hanta niryuktamityuktvā rāmaḥ kavacamāviśat || 16 ||
sa tenāgni nikāśena kavacena vibhūṣitaḥ |
babhūva rāma stimire vidhūmo'gnirivotthitaḥ || 17 ||
sa cāpamudyamya mahaccharānādāya vīryavān |
babhūvāvasthitastatra jyāsvanaiḥ pūrayandiśaḥ || 18 ||
tato devāssagandharvāssiddhāśca saha cāraṇaiḥ |
sameyuśca mahātmāno yuddhadarśanakāṅkṣiṇaḥ || 19 ||
ṛṣayaśca mahātmāno loke brahmarṣisattamāḥ |
sametya cocussahitā anyonyaṃ puṇyakarmaṇaḥ || 20 ||
svasti gobrāhmaṇebhyo'stu lokānāṃ ye'bhisaṅgatāḥ |
jayatāṃ rāghavo yuddhe paulastyān rajanīcarān || 21 ||
cakrahasto yathā yuddhe sarvānasura puṅgavān |
evamuktvā punaḥ procurālokya ca parasparam || 22 ||
caturdaśa sahasrāṇi rakṣasāṃ bhīmakarmaṇām |
ekaśca rāmo dharmātmā kathaṃ yuddhaṃ bhaviṣyati || 23 ||
iti rājarṣayassiddhāssagaṇāśca dvijarṣabhāḥ |
jātakautūhalāstasthurvimānasthāśca devatāḥ || 24 ||
āviṣṭaṃ tejasā rāmaṃ saṅgrāmaśirasi sthitam |
dṛṣṭvā sarvāṇi bhūtāni bhayādvivyathire tadā || 25 ||
rūpamapratimaṃ tasya rāmasyākliṣṭakarmaṇaḥ |
babhūva rūpaṃ kruddhasya rudrasyeva pinākinaḥ || 26 ||
tato gambhīranirhrādaṃ ghoravarmāyudhadhvajam |
anīkaṃ yātudhānānāṃ samantātpratyadṛśyata || 27 ||
siṃhanādaṃ visṛjatāmanyonyamabhigarjatām |
cāpāni visphārayatāṃ jṛmbhatāmapyabhīkṣṇaśaḥ || 28 ||
vipraghuṣṭasvanānāṃ ca dundhubhīṃścāpi nighnatām |
teṣāṃ sutumulaśśabdaḥ pūrayāmāsa tadvanam || 29 ||
tena śabdena vitrastāśvāpadā vanacāriṇaḥ |
dudruvuryatra niśśabdaṃ pṛṣṭhato na vyalokayan || 30 ||
tattvanīkaṃ mahāghoraṃ rāmaṃ samupasarpata |
dhṛtanānāpraharaṇaṃ gambhīraṃ sāgaropamam || 31 ||
rāmo'pi cārayaṃścakṣussarvato raṇapaṇḍitaḥ |
dadarśa kharasainyaṃ tadyuddhābhimukhamutthitam || 32 ||
vitatya ca dhanurbhīmaṃ tūṇyāścoddhṛtya sāyakān |
krodhamāhārayattīvraṃ vadhārthaṃ sarvarakṣasām || 33 ||
duṣprekṣyasso'bhavatkṛddho yugāntāgniriva jvalan |
taṃ dṛṣṭvā tejasāviṣṭaṃ prādravanvanadevatāḥ || 34 ||
tasya kruddhasya rūpaṃ tu rāmasya dadṛśe tadā |
dakṣasyeva kratuṃ hantumudyatasya pinākinaḥ || 35 ||
āviṣṭaṃ tejasā rāmaṃ saṅgrāmaśirasi sthitam |
dṛṣṭvā sarvāṇi bhūtāni bhayārtāni pradudruvuḥ || 36 ||
tatkārmukairābharaṇairdhvajaiśca tairvarmabhiścāgnisamānavarṇaiḥ |
babhūva sainyaṃ piśitāśanānāṃ sūryodaye nīlamivābhrabṛndam || 37 ||
ityārṣe śrīmadrāmāyaṇe vālmīkīya ādikāvye araṇyakāṇḍe caturviṃśassargaḥ ||
InfoLyter.in — Sacred Vedic Knowledge Portal · Free forever