📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
1.27 ਬਾਲਕਾਣ੍ਡ - ਸਪ੍ਤਵਿਂਸ਼ ਸਰ੍ਗਃ
1.27 Balakanda - Saptavimsha Sargah
Valmiki Gurmukhi
ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਸਪ੍ਤਵਿਂਸ਼ਸ੍ਸਰ੍ਗਃ ।
ਅਥ ਤਾਂ ਰਜਨੀਮੁष੍ਯ ਵਿਸ਼੍ਵਾਮਿਤ੍ਰੋ ਮਹਾਯਸ਼ਾਃ ।
ਪ੍ਰਹਸ੍ਯ ਰਾਘਵਂ ਵਾਕ੍ਯਮੁਵਾਚ ਮਧੁਰਾਕ੍षਰਮ੍ ॥ 1 ॥
ਪਰਿਤੁष੍ਟੋऽਸ੍ਮਿ ਭਦ੍ਰਂ ਤੇ ਰਾਜਪੁਤ੍ਰ ਮਹਾਯਸ਼ਃ ।
ਪ੍ਰੀਤ੍ਯਾ ਪਰਮਯਾ ਯੁਕ੍ਤੋ ਦਦਾਮ੍ਯਸ੍ਤ੍ਰਾਣਿ ਸਰ੍ਵਸ਼ਃ ॥ 2 ॥
ਦੇਵਾਸੁਰਗਣਾਨ੍ਵਾਪਿ ਸਗਨ੍ਧਰ੍ਵੋਰਗਾਨਪਿ ।
ਯੈਰਮਿਤ੍ਰਾਨ੍ ਪ੍ਰਸਹ੍ਯਾਜੌ ਵਸ਼ੀਕृਤ੍ਯ ਜਯਿष੍ਯਸਿ ॥ 3 ॥
ਤਾਨਿ ਦਿਵ੍ਯਾਨਿ ਭਦ੍ਰਂ ਤੇ ਦਦਾਮ੍ਯਸ੍ਤ੍ਰਾਣਿ ਸਰ੍ਵਸ਼ਃ ।
ਦਣ੍ਡਚਕ੍ਰਂ ਮਹਦ੍ਦਿਵ੍ਯਂ ਤਵ ਦਾਸ੍ਯਾਮਿ ਰਾਘਵ ॥ 4 ॥
ਧਰ੍ਮਚਕ੍ਰਂ ਤਤੋ ਵੀਰ ਕਾਲਚਕ੍ਰਂ ਤਥੈਵ ਚ ।
ਵਿष੍ਣੁਚਕ੍ਰਂ ਤਥਾਤ੍ਯੁਗ੍ਰਮੈਨ੍ਦ੍ਰਮਸ੍ਤ੍ਰਂ ਤਥੈਵ ਚ ॥ 5 ॥
ਵਜ੍ਰਮਸ੍ਤ੍ਰਂ ਨਰਸ਼੍ਰੇष੍ਠ ਸ਼ੈਵਂ ਸ਼ੂਲਵਰਂ ਤਥਾ ।
ਅਸ੍ਤ੍ਰਂ ਬ੍ਰਹ੍ਮਸ਼ਿਰਸ਼੍ਚੈਵ ਐषੀਕਮਪਿ ਰਾਘਵ ॥ 6 ॥
ਦਦਾਮਿ ਤੇ ਮਹਾਬਾਹੋ ਬ੍ਰਾਹ੍ਮਮਸ੍ਤ੍ਰਮਨੁਤ੍ਤਮਮ੍ ।
ਗਦੇ ਦ੍ਵੇ ਚੈਵ ਕਾਕੁਤ੍ਸ੍ਥ ਮੋਦਕੀ ਸ਼ਿਖਰੀ ਉਭੇ ॥ 7 ॥
ਪ੍ਰਦੀਪ੍ਤੇ ਨਰਸ਼ਾਰ੍ਦੂਲ ਪ੍ਰਯਚ੍ਛਾਮਿ ਨृਪਾਤ੍ਮਜ ।
ਧਰ੍ਮਪਾਸ਼ਮਹਂ ਰਾਮ ਕਾਲਪਾਸ਼ਂ ਤਥੈਵ ਚ ॥ 8 ॥
ਪਾਸ਼ਂ ਵਾਰੁਣਮਸ੍ਤ੍ਰਂ ਚ ਦਦਾਮ੍ਯਹਮਨੁਤ੍ਤਮਮ੍ ।
ਅਸ਼ਨੀ ਦ੍ਵੇ ਪ੍ਰਯਚ੍ਛਾਮਿ ਸ਼ੁष੍ਕਾਰ੍ਦ੍ਰੇ ਰਘੁਨਨ੍ਦਨ ॥ 9 ॥
ਦਦਾਮਿ ਚਾਸ੍ਤ੍ਰਂ ਪੈਨਾਕਮਸ੍ਤ੍ਰਂ ਨਾਰਾਯਣਂ ਤਥਾ ।
ਆਗ੍ਨੇਯਮਸ੍ਤ੍ਰਂ ਦਯਿਤਂ ਸ਼ਿਖਰਂ ਨਾਮ ਨਾਮਤਃ ॥ 10 ॥
ਵਾਯਵ੍ਯਂ ਪ੍ਰਥਨਂ ਨਾਮ ਦਦਾਮਿ ਚ ਤਵਾਨਘ ।
ਅਸ੍ਤ੍ਰਂ ਹਯਸ਼ਿਰੋ ਨਾਮ ਕ੍ਰੌਞ੍ਚਮਸ੍ਤ੍ਰਂ ਤਥੈਵ ਚ ।
ਸ਼ਕ੍ਤਿਦ੍ਵਯਂ ਚ ਕਾਕੁਤ੍ਸ੍ਥ ਦਦਾਮਿ ਤਵ ਰਾਘਵ ॥ 11 ॥
ਕਙ੍ਕਾਲਂ ਮੁਸਲਂ ਘੋਰਂ ਕਾਪਾਲਮਥ ਕਙ੍ਕਣਮ੍ ।
ਧਾਰਯਨ੍ਤ੍ਯਸੁਰਾ ਯਾਨਿ ਦਦਾਮ੍ਯੇਤਾਨਿ ਸਰ੍ਵਸ਼ਃ ॥ 12 ॥
ਵੈਦ੍ਯਾਧਰਂ ਮਹਾਸ੍ਤ੍ਰਂ ਚ ਨਨ੍ਦਨਂ ਨਾਮ ਨਾਮਤਃ ।
ਅਸਿਰਤ੍ਨਂ ਮਹਾਬਾਹੋ ਦਦਾਮਿ ਚ ਨृਪਾਤ੍ਮਜ ॥ 13 ॥
ਗਾਨ੍ਧਰ੍ਵਮਸ੍ਤ੍ਰਂ ਦਯਿਤਂ ਮਾਨਵਂ ਨਾਮ ਨਾਮਤਃ ।
ਪ੍ਰਸ੍ਵਾਪਨਪ੍ਰਸ਼ਮਨੇ ਦਦ੍ਮਿ ਸੌਰਂ ਚ ਰਾਘਵ ॥ 14 ॥
ਦਰ੍ਪਣਂ ਸ਼ੋषਣਂ ਚੈਵ ਸਨ੍ਤਾਪਨਵਿਲਾਪਨੇ ।
ਮਦਨਂ ਚੈਵ ਦੁਰ੍ਧਰ੍षਂ ਕਨ੍ਦਰ੍ਪਦਯਿਤਂ ਤਥਾ ॥ 15 ॥
ਪੈਸ਼ਾਚਮਸ੍ਤ੍ਰਂ ਦਯਿਤਂ ਮੋਹਨਂ ਨਾਮ ਨਾਮਤਃ ।
ਪ੍ਰਤੀਚ੍ਛ ਨਰਸ਼ਾਰ੍ਦੂਲ ਰਾਜਪੁਤ੍ਰ ਮਹਾਯਸ਼ਃ ॥ 16 ॥
ਤਾਮਸਂ ਨਰਸ਼ਾਰ੍ਦੂਲ ਸੌਮਨਂ ਚ ਮਹਾਬਲ ।
ਸਂਵਰ੍ਧਂ ਚੈਵ ਦੁਰ੍ਧਰ੍षਂ ਮੌਸਲਂ ਚ ਨृਪਾਤ੍ਮਜ ॥ 17 ॥
ਸਤ੍ਯਮਸ੍ਤ੍ਰਂ ਮਹਾਬਾਹੋ ਤਥਾ ਮਾਯਾਧਰਂ ਪਰਮ੍ ।
ਘੋਰਂ ਤੇਜਃ ਪ੍ਰਭਂ ਨਾਮ ਪਰਤੇਜੋऽਪਕਰ੍षਣਮ੍ ॥ 18 ॥
ਸੌਮ੍ਯਾਸ੍ਤ੍ਰਂ ਸ਼ਿਸ਼ਿਰਂ ਨਾਮ ਤ੍ਵष੍ਟੁਰਸ੍ਤ੍ਰਂ ਸੁਦਾਮਨਮ੍ ।
ਦਾਰੁਣਂ ਚ ਭਗਸ੍ਯਾਪਿ ਸ਼ਿਤੇषੁ ਮਥ ਮਾਨਵਮ੍ ॥ 19 ॥
ਏਤਾਨ੍ ਰਾਮ ਮਹਾਬਾਹੋ ਕਾਮਰੂਪਾਨ੍ ਮਹਾਬਲਾਨ੍ ।
ਗृਹਾਣ ਪਰਮੋਦਾਰਾਨ੍ ਕ੍षਿਪ੍ਰਮੇਵ ਨृਪਾਤ੍ਮਜ ॥ 20 ॥
ਸ੍ਥਿਤਸ੍ਤੁ ਪ੍ਰਾਙ੍ਮੁਖੋ ਭੂਤ੍ਵਾ ਸ਼ੁਚਿਰ੍ਮੁਨਿਵਰਸ੍ਤਦਾ ।
ਦਦੌ ਰਾਮਾਯ ਸੁਪ੍ਰੀਤੋ ਮਨ੍ਤ੍ਰਗ੍ਰਾਮਮਨੁਤ੍ਤਮਮ੍ ॥ 21 ॥
ਸਰ੍ਵਸਙ੍ਗ੍ਰਹਣਂ ਯੇषਾਂ ਦੈਵਤੈਰਪਿ ਦੁਰ੍ਲਭਮ੍ ।
ਤਾਨ੍ਯਸ੍ਤ੍ਰਾਣਿ ਤਦਾ ਵਿਪ੍ਰੋ ਰਾਘਵਾਯ ਨ੍ਯਵੇਦਯਤ੍ ॥ 22 ॥
ਜਪਤਸ੍ਤੁ ਮੁਨੇਸ੍ਤਸ੍ਯ ਵਿਸ਼੍ਵਾਮਿਤ੍ਰਸ੍ਯ ਧੀਮਤਃ ।
ਉਪਤਸ੍ਥੁਰ੍ਮਹਾਰ੍ਹਾਣਿ ਸਰ੍ਵਾਣ੍ਯਸ੍ਤ੍ਰਾਣਿ ਰਾਘਵਮ੍ ॥ 23 ॥
ਊਚੁਸ਼੍ਚ ਮੁਦਿਤਾਸ੍ਸਰ੍ਵੇ ਰਾਮਂ ਪ੍ਰਾਞ੍ਜਲਯਸ੍ਤਦਾ ।
ਇਮੇ ਸ੍ਮ ਪਰਮੋਦਾਰਾਃ ਕਿਙ੍ਕਰਾਸ੍ਤਵ ਰਾਘਵ ॥ 24 ॥
ਪ੍ਰਤਿਗृਹ੍ਯ ਚ ਕਾਕੁਤ੍ਸ੍ਥਃ ਸਮਾਲਭ੍ਯ ਚ ਪਾਣਿਨਾ ।
ਮਾਨਸਾ ਮੇ ਭਵਿष੍ਯਧ੍ਵਮਿਤਿ ਤਾਨਭ੍ਯਚੋਦਯਤ੍ ॥ 25 ॥
ਤਤਃ ਪ੍ਰੀਤਮਨਾ ਰਾਮੋ ਵਿਸ਼੍ਵਾਮਿਤ੍ਰਂ ਮਹਾਮੁਨਿਮ੍ ।
ਅਭਿਵਾਦ੍ਯ ਮਹਾਤੇਜਾ ਗਮਨਾਯੋਪਚਕ੍ਰਮੇ ॥ 26 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਸਪ੍ਤਵਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha saptaviṃśassargaḥ |
atha tāṃ rajanīmuṣya viśvāmitro mahāyaśāḥ |
prahasya rāghavaṃ vākyamuvāca madhurākṣaram || 1 ||
parituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
devāsuragaṇānvāpi sagandharvoragānapi |
yairamitrān prasahyājau vaśīkṛtya jayiṣyasi || 3 ||
tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindramastraṃ tathaiva ca || 5 ||
vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava || 6 ||
dadāmi te mahābāho brāhmamastramanuttamam |
gade dve caiva kākutstha modakī śikharī ubhe || 7 ||
pradīpte naraśārdūla prayacchāmi nṛpātmaja |
dharmapāśamahaṃ rāma kālapāśaṃ tathaiva ca || 8 ||
pāśaṃ vāruṇamastraṃ ca dadāmyahamanuttamam |
aśanī dve prayacchāmi śuṣkārdre raghunandana || 9 ||
dadāmi cāstraṃ painākamastraṃ nārāyaṇaṃ tathā |
āgneyamastraṃ dayitaṃ śikharaṃ nāma nāmataḥ || 10 ||
vāyavyaṃ prathanaṃ nāma dadāmi ca tavānagha |
astraṃ hayaśiro nāma krauñcamastraṃ tathaiva ca |
śaktidvayaṃ ca kākutstha dadāmi tava rāghava || 11 ||
kaṅkālaṃ musalaṃ ghoraṃ kāpālamatha kaṅkaṇam |
dhārayantyasurā yāni dadāmyetāni sarvaśaḥ || 12 ||
vaidyādharaṃ mahāstraṃ ca nandanaṃ nāma nāmataḥ |
asiratnaṃ mahābāho dadāmi ca nṛpātmaja || 13 ||
gāndharvamastraṃ dayitaṃ mānavaṃ nāma nāmataḥ |
prasvāpanapraśamane dadmi sauraṃ ca rāghava || 14 ||
darpaṇaṃ śoṣaṇaṃ caiva santāpanavilāpane |
madanaṃ caiva durdharṣaṃ kandarpadayitaṃ tathā || 15 ||
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
tāmasaṃ naraśārdūla saumanaṃ ca mahābala |
saṃvardhaṃ caiva durdharṣaṃ mausalaṃ ca nṛpātmaja || 17 ||
satyamastraṃ mahābāho tathā māyādharaṃ param |
ghoraṃ tejaḥ prabhaṃ nāma paratejo'pakarṣaṇam || 18 ||
saumyāstraṃ śiśiraṃ nāma tvaṣṭurastraṃ sudāmanam |
dāruṇaṃ ca bhagasyāpi śiteṣu matha mānavam || 19 ||
etān rāma mahābāho kāmarūpān mahābalān |
gṛhāṇa paramodārān kṣiprameva nṛpātmaja || 20 ||
sthitastu prāṅmukho bhūtvā śucirmunivarastadā |
dadau rāmāya suprīto mantragrāmamanuttamam || 21 ||
sarvasaṅgrahaṇaṃ yeṣāṃ daivatairapi durlabham |
tānyastrāṇi tadā vipro rāghavāya nyavedayat || 22 ||
japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 23 ||
ūcuśca muditāssarve rāmaṃ prāñjalayastadā |
ime sma paramodārāḥ kiṅkarāstava rāghava || 24 ||
pratigṛhya ca kākutsthaḥ samālabhya ca pāṇinā |
mānasā me bhaviṣyadhvamiti tānabhyacodayat || 25 ||
tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 26 ||
ityārṣe śrīmadrāmāyaṇe vālmīkīya ādikāvye bālakāṇḍe saptaviṃśassargaḥ ||
InfoLyter.in — Sacred Vedic Knowledge Portal · Free forever