📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਸ਼੍ਰੀ ਗੁਰੁਗੀਤਾ ਤृਤੀਯੋਧ੍ਯਾਯਃ
Shri Gurugita Tritiyodhyayah
Gita Gurmukhi
ਅਥ ਤृਤੀਯੋऽਧ੍ਯਾਯਃ ॥
ਅਥ ਕਾਮ੍ਯਜਪਸ੍ਥਾਨਂ ਕਥਯਾਮਿ ਵਰਾਨਨੇ ।
ਸਾਗਰਾਨ੍ਤੇ ਸਰਿਤ੍ਤੀਰੇ ਤੀਰ੍ਥੇ ਹਰਿਹਰਾਲਯੇ ॥ 236 ॥
ਸ਼ਕ੍ਤਿਦੇਵਾਲਯੇ ਗੋष੍ਠੇ ਸਰ੍ਵਦੇਵਾਲਯੇ ਸ਼ੁਭੇ ।
ਵਟਸ੍ਯ ਧਾਤ੍ਰ੍ਯਾ ਮੂਲੇ ਵਾ ਮਠੇ ਬृਨ੍ਦਾਵਨੇ ਤਥਾ ॥ 237 ॥
ਪਵਿਤ੍ਰੇ ਨਿਰ੍ਮਲੇ ਦੇਸ਼ੇ ਨਿਤ੍ਯਾਨੁष੍ਠਾਨਤੋऽਪਿ ਵਾ ।
ਨਿਰ੍ਵੇਦਨੇਨ ਮੌਨੇਨ ਜਪਮੇਤਤ੍ ਸਮਾਰਭੇਤ੍ ॥ 238 ॥
ਜਾਪ੍ਯੇਨ ਜਯਮਾਪ੍ਨੋਤਿ ਜਪਸਿਦ੍ਧਿਂ ਫਲਂ ਤਥਾ ।
ਹੀਨਂ ਕਰ੍ਮ ਤ੍ਯਜੇਤ੍ਸਰ੍ਵਂ ਗਰ੍ਹਿਤਸ੍ਥਾਨਮੇਵ ਚ ॥ 239 ॥
ਸ਼੍ਮਸ਼ਾਨੇ ਬਿਲ੍ਵਮੂਲੇ ਵਾ ਵਟਮੂਲਾਨ੍ਤਿਕੇ ਤਥਾ ।
ਸਿਦ੍ਧ੍ਯਨ੍ਤਿ ਕਾਨਕੇ ਮੂਲੇ ਚੂਤਵृਕ੍षਸ੍ਯ ਸਨ੍ਨਿਧੌ ॥ 240 ॥
ਪੀਤਾਸਨਂ ਮੋਹਨੇ ਤੁ ਹ੍ਯਸਿਤਂ ਚਾਭਿਚਾਰਿਕੇ ।
ਜ੍ਞੇਯਂ ਸ਼ੁਕ੍ਲਂ ਚ ਸ਼ਾਨ੍ਤ੍ਯਰ੍ਥਂ ਵਸ਼੍ਯੇ ਰਕ੍ਤਂ ਪ੍ਰਕੀਰ੍ਤਿਤਮ੍ ॥ 241 ॥
ਜਪਂ ਹੀਨਾਸਨਂ ਕੁਰ੍ਵਨ੍ ਹੀਨਕਰ੍ਮਫਲਪ੍ਰਦਮ੍ ।
ਗੁਰੁਗੀਤਾਂ ਪ੍ਰਯਾਣੇ ਵਾ ਸਙ੍ਗ੍ਰਾਮੇ ਰਿਪੁਸਙ੍ਕਟੇ ॥ 242 ॥
ਜਪਨ੍ ਜਯਮਵਾਪ੍ਨੋਤਿ ਮਰਣੇ ਮੁਕ੍ਤਿਦਾਯਿਕਾ ।
ਸਰ੍ਵਕਰ੍ਮਾਣਿ ਸਿਦ੍ਧ੍ਯਨ੍ਤਿ ਗੁਰੁਪੁਤ੍ਰੇ ਨ ਸਂਸ਼ਯਃ ॥ 243 ॥
ਗੁਰੁਮਨ੍ਤ੍ਰੋ ਮੁਖੇ ਯਸ੍ਯ ਤਸ੍ਯ ਸਿਦ੍ਧ੍ਯਨ੍ਤਿ ਨਾऽਨ੍ਯਥਾ ।
ਦੀਕ੍षਯਾ ਸਰ੍ਵਕਰ੍ਮਾਣਿ ਸਿਦ੍ਧ੍ਯਨ੍ਤਿ ਗੁਰੁਪੁਤ੍ਰਕੇ ॥ 244 ॥
ਭਵਮੂਲਵਿਨਾਸ਼ਾਯ ਚਾष੍ਟਪਾਸ਼ਨਿਵृਤ੍ਤਯੇ ।
ਗੁਰੁਗੀਤਾਮ੍ਭਸਿ ਸ੍ਨਾਨਂ ਤਤ੍ਤ੍ਵਜ੍ਞਃ ਕੁਰੁਤੇ ਸਦਾ ॥ 245 ॥
ਸ ਏਵਂ ਸਦ੍ਗੁਰੁਃ ਸਾਕ੍षਾਤ੍ ਸਦਸਦ੍ਬ੍ਰਹ੍ਮਵਿਤ੍ਤਮਃ ।
ਤਸ੍ਯ ਸ੍ਥਾਨਾਨਿ ਸਰ੍ਵਾਣਿ ਪਵਿਤ੍ਰਾਣਿ ਨ ਸਂਸ਼ਯਃ ॥ 246 ॥
ਸਰ੍ਵਸ਼ੁਦ੍ਧਃ ਪਵਿਤ੍ਰੋऽਸੌ ਸ੍ਵਭਾਵਾਦ੍ਯਤ੍ਰ ਤਿष੍ਠਤਿ ।
ਤਤ੍ਰ ਦੇਵਗਣਾਃ ਸਰ੍ਵੇ ਕ੍षੇਤ੍ਰਪੀਠੇ ਚਰਨ੍ਤਿ ਚ ॥ 247 ॥
ਆਸਨਸ੍ਥਾਃ ਸ਼ਯਾਨਾ ਵਾ ਗਚ੍ਛਨ੍ਤਸ੍ਤਿष੍ਠਤੋऽਪਿ ਵਾ ।
ਅਸ਼੍ਵਾਰੂਢਾ ਗਜਾਰੂਢਾਃ ਸੁषੁਪ੍ਤਾ ਜਾਗ੍ਰਤੋऽਪਿ ਵਾ ॥ 248 ॥
ਸ਼ੁਚਿਰ੍ਭੂਤਾ ਜ੍ਞਾਨਵਨ੍ਤੋ ਗੁਰੁਗੀਤਾਂ ਜਪਨ੍ਤਿ ਯੇ ।
ਤੇषਾਂ ਦਰ੍ਸ਼ਨਸਂਸ੍ਪਰ੍ਸ਼ਾਤ੍ ਦਿਵ੍ਯਜ੍ਞਾਨਂ ਪ੍ਰਜਾਯਤੇ ॥ 249 ॥
ਸਮੁਦ੍ਰੇ ਵੈ ਯਥਾ ਤੋਯਂ ਕ੍षੀਰੇ ਕ੍षੀਰਂ ਜਲੇ ਜਲਮ੍ ।
ਭਿਨ੍ਨੇ ਕੁਮ੍ਭੇ ਯਥਾऽऽਕਾਸ਼ਂ ਤਥਾऽऽਤ੍ਮਾ ਪਰਮਾਤ੍ਮਨਿ ॥ 250 ॥
ਤਥੈਵ ਜ੍ਞਾਨਵਾਨ੍ ਜੀਵਃ ਪਰਮਾਤ੍ਮਨਿ ਸਰ੍ਵਦਾ ।
ਐਕ੍ਯੇਨ ਰਮਤੇ ਜ੍ਞਾਨੀ ਯਤ੍ਰ ਕੁਤ੍ਰ ਦਿਵਾਨਿਸ਼ਮ੍ ॥ 251 ॥
ਏਵਂਵਿਧੋ ਮਹਾਯੁਕ੍ਤਃ ਸਰ੍ਵਤ੍ਰ ਵਰ੍ਤਤੇ ਸਦਾ ।
ਤਸ੍ਮਾਤ੍ਸਰ੍ਵਪ੍ਰਕਾਰੇਣ ਗੁਰੁਭਕ੍ਤਿਂ ਸਮਾਚਰੇਤ੍ ॥ 252 ॥
ਗੁਰੁਸਨ੍ਤੋषਣਾਦੇਵ ਮੁਕ੍ਤੋ ਭਵਤਿ ਪਾਰ੍ਵਤਿ ।
ਅਣਿਮਾਦਿषੁ ਭੋਕ੍ਤृਤ੍ਵਂ ਕृਪਯਾ ਦੇਵਿ ਜਾਯਤੇ ॥ 253 ॥
ਸਾਮ੍ਯੇਨ ਰਮਤੇ ਜ੍ਞਾਨੀ ਦਿਵਾ ਵਾ ਯਦਿ ਵਾ ਨਿਸ਼ਿ ।
ਏਵਂਵਿਧੋ ਮਹਾਮੌਨੀ ਤ੍ਰੈਲੋਕ੍ਯਸਮਤਾਂ ਵ੍ਰਜੇਤ੍ ॥ 254 ॥
ਅਥ ਸਂਸਾਰਿਣਃ ਸਰ੍ਵੇ ਗੁਰੁਗੀਤਾ ਜਪੇਨ ਤੁ ।
ਸਰ੍ਵਾਨ੍ ਕਾਮਾਂਸ੍ਤੁ ਭੁਞ੍ਜਨ੍ਤਿ ਤ੍ਰਿਸਤ੍ਯਂ ਮਮ ਭਾषਿਤਮ੍ ॥ 255 ॥
ਸਤ੍ਯਂ ਸਤ੍ਯਂ ਪੁਨਃ ਸਤ੍ਯਂ ਧਰ੍ਮਸਾਰਂ ਮਯੋਦਿਤਮ੍ ।
ਗੁਰੁਗੀਤਾਸਮਂ ਸ੍ਤੋਤ੍ਰਂ ਨਾਸ੍ਤਿ ਤਤ੍ਤ੍ਵਂ ਗੁਰੋਃ ਪਰਮ੍ ॥ 256 ॥
ਗੁਰੁਰ੍ਦੇਵੋ ਗੁਰੁਰ੍ਧਰ੍ਮੋ ਗੁਰੌ ਨਿष੍ਠਾ ਪਰਂ ਤਪਃ ।
ਗੁਰੋਃ ਪਰਤਰਂ ਨਾਸ੍ਤਿ ਤ੍ਰਿਵਾਰਂ ਕਥਯਾਮਿ ਤੇ ॥ 257 ॥
ਧਨ੍ਯਾ ਮਾਤਾ ਪਿਤਾ ਧਨ੍ਯੋ ਗੋਤ੍ਰਂ ਧਨ੍ਯਂ ਕੁਲੋਦ੍ਭਵਃ ।
ਧਨ੍ਯਾ ਚ ਵਸੁਧਾ ਦੇਵਿ ਯਤ੍ਰ ਸ੍ਯਾਦ੍ਗੁਰੁਭਕ੍ਤਤਾ ॥ 258 ॥
ਆਕਲ੍ਪਜਨ੍ਮ ਕੋਟੀਨਾਂ ਯਜ੍ਞਵ੍ਰਤਤਪਃ ਕ੍ਰਿਯਾਃ ।
ਤਾਃ ਸਰ੍ਵਾਃ ਸਫਲਾ ਦੇਵਿ ਗੁਰੂਸਨ੍ਤੋषਮਾਤ੍ਰਤਃ ॥ 259 ॥
ਸ਼ਰੀਰਮਿਨ੍ਦ੍ਰਿਯਂ ਪ੍ਰਾਣਮਰ੍ਥਂ ਸ੍ਵਜਨਬਨ੍ਧੁਤਾ ।
ਮਾਤृਕੁਲਂ ਪਿਤृਕੁਲਂ ਗੁਰੁਰੇਵ ਨ ਸਂਸ਼ਯਃ ॥ 260 ॥
ਮਨ੍ਦਭਾਗ੍ਯਾ ਹ੍ਯਸ਼ਕ੍ਤਾਸ਼੍ਚ ਯੇ ਜਨਾ ਨਾਨੁਮਨ੍ਵਤੇ ।
ਗੁਰੁਸੇਵਾਸੁ ਵਿਮੁਖਾਃ ਪਚ੍ਯਨ੍ਤੇ ਨਰਕੇऽਸ਼ੁਚੌ ॥ 261 ॥
ਵਿਦ੍ਯਾ ਧਨਂ ਬਲਂ ਚੈਵ ਤੇषਾਂ ਭਾਗ੍ਯਂ ਨਿਰਰ੍ਥਕਮ੍ ।
ਯੇषਾਂ ਗੁਰੂਕृਪਾ ਨਾਸ੍ਤਿ ਅਧੋ ਗਚ੍ਛਨ੍ਤਿ ਪਾਰ੍ਵਤਿ ॥ 262 ॥
ਬ੍ਰਹ੍ਮਾ ਵਿष੍ਣੁਸ਼੍ਚ ਰੁਦ੍ਰਸ਼੍ਚ ਦੇਵਾਸ਼੍ਚ ਪਿਤृਕਿਨ੍ਨਰਾਃ ।
ਸਿਦ੍ਧਚਾਰਣਯਕ੍षਾਸ਼੍ਚ ਅਨ੍ਯੇ ਚ ਮੁਨਯੋ ਜਨਾਃ ॥ 263 ॥
ਗੁਰੁਭਾਵਃ ਪਰਂ ਤੀਰ੍ਥਮਨ੍ਯਤੀਰ੍ਥਂ ਨਿਰਰ੍ਥਕਮ੍ ।
ਸਰ੍ਵਤੀਰ੍ਥਮਯਂ ਦੇਵਿ ਸ਼੍ਰੀਗੁਰੋਸ਼੍ਚਰਣਾਮ੍ਬੁਜਮ੍ ॥ 264 ॥
ਕਨ੍ਯਾਭੋਗਰਤਾ ਮਨ੍ਦਾਃ ਸ੍ਵਕਾਨ੍ਤਾਯਾਃ ਪਰਾਙ੍ਮੁਖਾਃ ।
ਅਤਃ ਪਰਂ ਮਯਾ ਦੇਵਿ ਕਥਿਤਂ ਨ ਮਮ ਪ੍ਰਿਯੇ ॥ 265 ॥
ਇਦਂ ਰਹਸ੍ਯਮਸ੍ਪष੍ਟਂ ਵਕ੍ਤਵ੍ਯਂ ਚ ਵਰਾਨਨੇ ।
ਸੁਗੋਪ੍ਯਂ ਚ ਤਵਾਗ੍ਰੇ ਤੁ ਮਮਾਤ੍ਮਪ੍ਰੀਤਯੇ ਸਤਿ ॥ 266 ॥
ਸ੍ਵਾਮਿਮੁਖ੍ਯਗਣੇਸ਼ਾਦ੍ਯਾਨ੍ ਵੈष੍ਣਵਾਦੀਂਸ਼੍ਚ ਪਾਰ੍ਵਤਿ ।
ਨ ਵਕ੍ਤਵ੍ਯਂ ਮਹਾਮਾਯੇ ਪਾਦਸ੍ਪਰ੍ਸ਼ਂ ਕੁਰੁष੍ਵ ਮੇ ॥ 267 ॥
ਅਭਕ੍ਤੇ ਵਞ੍ਚਕੇ ਧੂਰ੍ਤੇ ਪਾषਣ੍ਡੇ ਨਾਸ੍ਤਿਕਾਦਿषੁ ।
ਮਨਸਾऽਪਿ ਨ ਵਕ੍ਤਵ੍ਯਾ ਗੁਰੁਗੀਤਾ ਕਦਾਚਨ ॥ 268 ॥
ਗੁਰਵੋ ਬਹਵਃ ਸਨ੍ਤਿ ਸ਼ਿष੍ਯਵਿਤ੍ਤਾਪਹਾਰਕਾਃ ।
ਤਮੇਕਂ ਦੁਰ੍ਲਭਂ ਮਨ੍ਯੇ ਸ਼ਿष੍ਯਹृਤ੍ਤਾਪਹਾਰਕਮ੍ ॥ 269 ॥
ਚਾਤੁਰ੍ਯਵਾਨ੍ ਵਿਵੇਕੀ ਚ ਅਧ੍ਯਾਤ੍ਮਜ੍ਞਾਨਵਾਨ੍ ਸ਼ੁਚਿਃ ।
ਮਾਨਸਂ ਨਿਰ੍ਮਲਂ ਯਸ੍ਯ ਗੁਰੁਤ੍ਵਂ ਤਸ੍ਯ ਸ਼ੋਭਤੇ ॥ 270 ॥
ਗੁਰਵੋ ਨਿਰ੍ਮਲਾਃ ਸ਼ਾਨ੍ਤਾਃ ਸਾਧਵੋ ਮਿਤਭਾषਿਣਃ ।
ਕਾਮਕ੍ਰੋਧਵਿਨਿਰ੍ਮੁਕ੍ਤਾਃ ਸਦਾਚਾਰਾਃ ਜਿਤੇਨ੍ਦ੍ਰਿਯਾਃ ॥ 271 ॥
ਸੂਚਕਾਦਿਪ੍ਰਭੇਦੇਨ ਗੁਰਵੋ ਬਹੁਧਾ ਸ੍ਮृਤਾਃ ।
ਸ੍ਵਯਂ ਸਮ੍ਯਕ੍ ਪਰੀਕ੍ष੍ਯਾਥ ਤਤ੍ਤ੍ਵਨਿष੍ਠਂ ਭਜੇਤ੍ਸੁਧੀਃ ॥ 272 ॥
ਵਰ੍ਣਜਾਲਮਿਦਂ ਤਦ੍ਵਦ੍ਬਾਹ੍ਯਸ਼ਾਸ੍ਤ੍ਰਂ ਤੁ ਲੌਕਿਕਮ੍ ।
ਯਸ੍ਮਿਨ੍ ਦੇਵਿ ਸਮਭ੍ਯਸ੍ਤਂ ਸ ਗੁਰੁਃ ਸੁਚਕਃ ਸ੍ਮृਤਃ ॥ 273 ॥
ਵਰ੍ਣਾਸ਼੍ਰਮੋਚਿਤਾਂ ਵਿਦ੍ਯਾਂ ਧਰ੍ਮਾਧਰ੍ਮਵਿਧਾਯਿਨੀਮ੍ ।
ਪ੍ਰਵਕ੍ਤਾਰਂ ਗੁਰੁਂ ਵਿਦ੍ਧਿ ਵਾਚਕਂ ਤ੍ਵਿਤਿ ਪਾਰ੍ਵਤਿ ॥ 274 ॥
ਪਞ੍ਚਾਕ੍षਰ੍ਯਾਦਿਮਨ੍ਤ੍ਰਾਣਾਮੁਪਦੇष੍ਟਾ ਤੁ ਪਾਰ੍ਵਤਿ ।
ਸ ਗੁਰੁਰ੍ਬੋਧਕੋ ਭੂਯਾਦੁਭਯੋਰਯਮੁਤ੍ਤਮਃ ॥ 275 ॥
ਮੋਹਮਾਰਣਵਸ਼੍ਯਾਦਿਤੁਚ੍ਛਮਨ੍ਤ੍ਰੋਪਦੇਸ਼ਿਨਮ੍ ।
ਨਿषਿਦ੍ਧਗੁਰੁਰਿਤ੍ਯਾਹੁਃ ਪਣ੍ਡਿਤਾਸ੍ਤਤ੍ਤ੍ਵਦਰ੍ਸ਼ਿਨਃ ॥ 276 ॥
ਅਨਿਤ੍ਯਮਿਤਿ ਨਿਰ੍ਦਿਸ਼੍ਯ ਸਂਸਾਰਂ ਸਙ੍ਕਟਾਲਯਮ੍ ।
ਵੈਰਾਗ੍ਯਪਥਦਰ੍ਸ਼ੀ ਯਃ ਸ ਗੁਰੁਰ੍ਵਿਹਿਤਃ ਪ੍ਰਿਯੇ ॥ 277 ॥
ਤਤ੍ਤ੍ਵਮਸ੍ਯਾਦਿਵਾਕ੍ਯਾਨਾਮੁਪਦੇष੍ਟਾ ਤੁ ਪਾਰ੍ਵਤਿ ।
ਕਾਰਣਾਖ੍ਯੋ ਗੁਰੁਃ ਪ੍ਰੋਕ੍ਤੋ ਭਵਰੋਗਨਿਵਾਰਕਃ ॥ 278 ॥
ਸਰ੍ਵਸਨ੍ਦੇਹਸਨ੍ਦੋਹਨਿਰ੍ਮੂਲਨਵਿਚਕ੍षਣਃ ।
ਜਨ੍ਮਮृਤ੍ਯੁਭਯਘ੍ਨੋ ਯਃ ਸ ਗੁਰੁਃ ਪਰਮੋ ਮਤਃ ॥ 279 ॥
ਬਹੁਜਨ੍ਮਕृਤਾਤ੍ ਪੁਣ੍ਯਾਲ੍ਲਭ੍ਯਤੇऽਸੌ ਮਹਾਗੁਰੁਃ ।
ਲਬ੍ਧ੍ਵਾऽਮੁਂ ਨ ਪੁਨਰ੍ਯਾਤਿ ਸ਼ਿष੍ਯਃ ਸਂਸਾਰਬਨ੍ਧਨਮ੍ ॥ 280 ॥
ਏਵਂ ਬਹੁਵਿਧਾ ਲੋਕੇ ਗੁਰਵਃ ਸਨ੍ਤਿ ਪਾਰ੍ਵਤਿ ।
ਤੇषੁ ਸਰ੍ਵਪ੍ਰਯਤ੍ਨੇਨ ਸੇਵ੍ਯੋ ਹਿ ਪਰਮੋ ਗੁਰੁਃ ॥ 281 ॥
ਨਿषਿਦ੍ਧਗੁਰੁਸ਼ਿष੍ਯਸ੍ਤੁ ਦੁष੍ਟਸਙ੍ਕਲ੍ਪਦੂषਿਤਃ ।
ਬ੍ਰਹ੍ਮਪ੍ਰਲਯਪਰ੍ਯਨ੍ਤਂ ਨ ਪੁਨਰ੍ਯਾਤਿ ਮਰ੍ਤ੍ਯਤਾਮ੍ ॥ 282 ॥
ਏਵਂ ਸ਼੍ਰੁਤ੍ਵਾ ਮਹਾਦੇਵੀ ਮਹਾਦੇਵਵਚਸ੍ਤਥਾ ।
ਅਤ੍ਯਨ੍ਤਵਿਹ੍ਵਲਮਨਾਃ ਸ਼ਙ੍ਕਰਂ ਪਰਿਪृਚ੍ਛਤਿ ॥ 283 ॥
ਪਾਰ੍ਵਤ੍ਯੁਵਾਚ ।
ਨਮਸ੍ਤੇ ਦੇਵਦੇਵਾਤ੍ਰ ਸ਼੍ਰੋਤਵ੍ਯਂ ਕਿਞ੍ਚਿਦਸ੍ਤਿ ਮੇ ।
ਸ਼੍ਰੁਤ੍ਵਾ ਤ੍ਵਦ੍ਵਾਕ੍ਯਮਧੁਨਾ ਭृਸ਼ਂ ਸ੍ਯਾਦ੍ਵਿਹ੍ਵਲਂ ਮਨਃ ॥ 284 ॥
ਸ੍ਵਯਂ ਮੂਢਾ ਮृਤ੍ਯੁਭੀਤਾਃ ਸੁਕृਤਾਦ੍ਵਿਰਤਿਂ ਗਤਾਃ ।
ਦੈਵਾਨ੍ਨਿषਿਦ੍ਧਗੁਰੁਗਾ ਯਦਿ ਤੇषਾਂ ਤੁ ਕਾ ਗਤਿਃ ॥ 285 ॥
ਸ਼੍ਰੀ ਮਹਾਦੇਵ ਉਵਾਚ ।
ਸ਼ृਣੁ ਤਤ੍ਤ੍ਵਮਿਦਂ ਦੇਵਿ ਯਦਾ ਸ੍ਯਾਦ੍ਵਿਰਤੋ ਨਰਃ ।
ਤਦਾऽਸਾਵਧਿਕਾਰੀਤਿ ਪ੍ਰੋਚ੍ਯਤੇ ਸ਼੍ਰੁਤਿਮਸ੍ਤਕੈਃ ॥ 286 ॥
ਅਖਣ੍ਡੈਕਰਸਂ ਬ੍ਰਹ੍ਮ ਨਿਤ੍ਯਮੁਕ੍ਤਂ ਨਿਰਾਮਯਮ੍ ।
ਸ੍ਵਸ੍ਮਿਨ੍ ਸਨ੍ਦਰ੍ਸ਼ਿਤਂ ਯੇਨ ਸ ਭਵੇਦਸ੍ਯਂ ਦੇਸ਼ਿਕਃ ॥ 287 ॥
ਜਲਾਨਾਂ ਸਾਗਰੋ ਰਾਜਾ ਯਥਾ ਭਵਤਿ ਪਾਰ੍ਵਤਿ ।
ਗੁਰੂਣਾਂ ਤਤ੍ਰ ਸਰ੍ਵੇषਾਂ ਰਾਜਾऽਯਂ ਪਰਮੋ ਗੁਰੁਃ ॥ 288 ॥
ਮੋਹਾਦਿਰਹਿਤਃ ਸ਼ਾਨ੍ਤੋ ਨਿਤ੍ਯਤृਪ੍ਤੋ ਨਿਰਾਸ਼੍ਰਯਃ ।
ਤृਣੀਕृਤਬ੍ਰਹ੍ਮਵਿष੍ਣੁਵੈਭਵਃ ਪਰਮੋ ਗੁਰੁਃ ॥ 289 ॥
ਸਰ੍ਵਕਾਲਵਿਦੇਸ਼ੇषੁ ਸ੍ਵਤਨ੍ਤ੍ਰੋ ਨਿਸ਼੍ਚਲਸ੍ਸੁਖੀ ।
ਅਖਣ੍ਡੈਕਰਸਾਸ੍ਵਾਦਤृਪ੍ਤੋ ਹਿ ਪਰਮੋ ਗੁਰੁਃ ॥ 290 ॥
ਦ੍ਵੈਤਾਦ੍ਵੈਤਵਿਨਿਰ੍ਮੁਕ੍ਤਃ ਸ੍ਵਾਨੁਭੂਤਿਪ੍ਰਕਾਸ਼ਵਾਨ੍ ।
ਅਜ੍ਞਾਨਾਨ੍ਧਤਮਸ਼੍ਛੇਤ੍ਤਾ ਸਰ੍ਵਜ੍ਞਃ ਪਰਮੋ ਗੁਰੁਃ ॥ 291 ॥
ਯਸ੍ਯ ਦਰ੍ਸ਼ਨਮਾਤ੍ਰੇਣ ਮਨਸਃ ਸ੍ਯਾਤ੍ ਪ੍ਰਸਨ੍ਨਤਾ ।
ਸ੍ਵਯਂ ਭੂਯਾਤ੍ ਧृਤਿਸ਼੍ਸ਼ਾਨ੍ਤਿਃ ਸ ਭਵੇਤ੍ ਪਰਮੋ ਗੁਰੁਃ ॥ 292 ॥
ਸਿਦ੍ਧਿਜਾਲਂ ਸਮਾਲੋਕ੍ਯ ਯੋਗਿਨਾਂ ਮਨ੍ਤ੍ਰਵਾਦਿਨਾਮ੍ ।
ਤੁਚ੍ਛਾਕਾਰਮਨੋਵृਤ੍ਤਿਃ ਯਸ੍ਯਾਸੌ ਪਰਮੋ ਗੁਰੁਃ ॥ 293 ॥
ਸ੍ਵਸ਼ਰੀਰਂ ਸ਼ਵਂ ਪਸ਼੍ਯਨ੍ ਤਥਾ ਸ੍ਵਾਤ੍ਮਾਨਮਦ੍ਵਯਮ੍ ।
ਯਃ ਸ੍ਤ੍ਰੀਕਨਕਮੋਹਘ੍ਨਃ ਸ ਭਵੇਤ੍ ਪਰਮੋ ਗੁਰੁਃ ॥ 294 ॥
ਮੌਨੀ ਵਾਗ੍ਮੀਤਿ ਤਤ੍ਤ੍ਵਜ੍ਞੋ ਦ੍ਵਿਧਾऽਭੂਚ੍ਛृਣੁ ਪਾਰ੍ਵਤਿ ।
ਨ ਕਸ਼੍ਚਿਨ੍ਮੌਨਿਨਾਂ ਲੋਭੋ ਲੋਕੇऽਸ੍ਮਿਨ੍ਭਵਤਿ ਪ੍ਰਿਯੇ ॥ 295 ॥
ਵਾਗ੍ਮੀ ਤੂਤ੍ਕਟਸਂਸਾਰਸਾਗਰੋਤ੍ਤਾਰਣਕ੍षਮਃ ।
ਯਤੋऽਸੌ ਸਂਸ਼ਯਚ੍ਛੇਤ੍ਤਾ ਸ਼ਾਸ੍ਤ੍ਰਯੁਕ੍ਤ੍ਯਨੁਭੂਤਿਭਿਃ ॥ 296 ॥
ਗੁਰੁਨਾਮਜਪਾਦ੍ਦੇਵਿ ਬਹੁਜਨ੍ਮਾਰ੍ਜਿਤਾਨ੍ਯਪਿ ।
ਪਾਪਾਨਿ ਵਿਲਯਂ ਯਾਨ੍ਤਿ ਨਾਸ੍ਤਿ ਸਨ੍ਦੇਹਮਣ੍ਵਪਿ ॥ 297 ॥
ਸ਼੍ਰੀਗੁਰੋਸ੍ਸਦृਸ਼ਂ ਦੈਵਂ ਸ਼੍ਰੀਗੁਰੋਸਦृਸ਼ਃ ਪਿਤਾ ।
ਗੁਰੁਧ੍ਯਾਨਸਮਂ ਕਰ੍ਮ ਨਾਸ੍ਤਿ ਨਾਸ੍ਤਿ ਮਹੀਤਲੇ ॥ 298 ॥
ਕੁਲਂ ਧਨਂ ਬਲਂ ਸ਼ਾਸ੍ਤ੍ਰਂ ਬਾਨ੍ਧਵਾਸ੍ਸੋਦਰਾ ਇਮੇ ।
ਮਰਣੇ ਨੋਪਯੁਜ੍ਯਨ੍ਤੇ ਗੁਰੁਰੇਕੋ ਹਿ ਤਾਰਕਃ ॥ 299 ॥
ਕੁਲਮੇਵ ਪਵਿਤ੍ਰਂ ਸ੍ਯਾਤ੍ ਸਤ੍ਯਂ ਸ੍ਵਗੁਰੁਸੇਵਯਾ ।
ਤृਪ੍ਤਾਃ ਸ੍ਯੁਸ੍ਸਕਲਾ ਦੇਵਾ ਬ੍ਰਹ੍ਮਾਦ੍ਯਾ ਗੁਰੁਤਰ੍ਪਣਾਤ੍ ॥ 300 ॥
ਗੁਰੁਰੇਕੋ ਹਿ ਜਾਨਾਤਿ ਸ੍ਵਰੂਪਂ ਦੇਵਮਵ੍ਯਯਮ੍ ।
ਤਦ੍​ਜ੍ਞਾਨਂ ਯਤ੍ਪ੍ਰਸਾਦੇਨ ਨਾਨ੍ਯਥਾ ਸ਼ਾਸ੍ਤ੍ਰਕੋਟਿਭਿਃ ॥ 301 ॥
ਸ੍ਵਰੂਪਜ੍ਞਾਨਸ਼ੂਨ੍ਯੇਨ ਕृਤਮਪ੍ਯਕृਤਂ ਭਵੇਤ੍ ।
ਤਪੋਜਪਾਦਿਕਂ ਦੇਵਿ ਸਕਲਂ ਬਾਲਜਲ੍ਪਵਤ੍ ॥ 302 ॥
ਸ਼ਿਵਂ ਕੇਚਿਦ੍ਧਰਿਂ ਕੇਚਿਦ੍ਵਿਧਿਂ ਕੇਚਿਤ੍ਤੁ ਕੇਚਨ ।
ਸ਼ਕ੍ਤਿਂ ਦੈਵਮਿਤਿ ਜ੍ਞਾਤ੍ਵਾ ਵਿਵਦਨ੍ਤਿ ਵृਥਾ ਨਰਾਃ ॥ 303 ॥
ਨ ਜਾਨਨ੍ਤਿ ਪਰਂ ਤਤ੍ਤ੍ਵਂ ਗੁਰੁਦੀਕ੍षਾਪਰਾਙ੍ਮੁਖਾਃ ।
ਭ੍ਰਾਨ੍ਤਾਃ ਪਸ਼ੁਸਮਾ ਹ੍ਯੇਤੇ ਸ੍ਵਪਰਿਜ੍ਞਾਨਵਰ੍ਜਿਤਾਃ ॥ 304 ॥
ਤਸ੍ਮਾਤ੍ਕੈਵਲ੍ਯਸਿਦ੍ਧ੍ਯਰ੍ਥਂ ਗੁਰੁਮੇਵ ਭਜੇਤ੍ਪ੍ਰਿਯੇ ।
ਗੁਰੁਂ ਵਿਨਾ ਨ ਜਾਨਨ੍ਤਿ ਮੂਢਾਸ੍ਤਤ੍ਪਰਮਂ ਪਦਮ੍ ॥ 305 ॥
ਭਿਦ੍ਯਤੇ ਹृਦਯਗ੍ਰਨ੍ਥਿਸ਼੍ਛਿਦ੍ਯਨ੍ਤੇ ਸਰ੍ਵਸਂਸ਼ਯਾਃ ।
ਕ੍षੀਯਨ੍ਤੇ ਸਰ੍ਵਕਰ੍ਮਾਣਿ ਗੁਰੋਃ ਕਰੁਣਯਾ ਸ਼ਿਵੇ ॥ 306 ॥
ਕृਤਾਯਾ ਗੁਰੁਭਕ੍ਤੇਸ੍ਤੁ ਵੇਦਸ਼ਾਸ੍ਤ੍ਰਾਨੁਸਾਰਤਃ ।
ਮੁਚ੍ਯਤੇ ਪਾਤਕਾਦ੍ਘੋਰਾਤ੍ ਗੁਰੁਭਕ੍ਤੋ ਵਿਸ਼ੇषਤਃ ॥ 307 ॥
ਦੁਸ੍ਸਙ੍ਗਂ ਚ ਪਰਿਤ੍ਯਜ੍ਯ ਪਾਪਕਰ੍ਮ ਪਰਿਤ੍ਯਜੇਤ੍ ।
ਚਿਤ੍ਤਚਿਹ੍ਨਮਿਦਂ ਯਸ੍ਯ ਤਸ੍ਯ ਦੀਕ੍षਾ ਵਿਧੀਯਤੇ ॥ 308 ॥
ਚਿਤ੍ਤਤ੍ਯਾਗਨਿਯੁਕ੍ਤਸ਼੍ਚ ਕ੍ਰੋਧਗਰ੍ਵਵਿਵਰ੍ਜਿਤਃ ।
ਦ੍ਵੈਤਭਾਵਪਰਿਤ੍ਯਾਗੀ ਤਸ੍ਯ ਦੀਕ੍षਾ ਵਿਧੀਯਤੇ ॥ 309 ॥
ਏਤਲ੍ਲਕ੍षਣਯੁਕ੍ਤਤ੍ਵਂ ਸਰ੍ਵਭੂਤਹਿਤੇ ਰਤਮ੍ ।
ਨਿਰ੍ਮਲਂ ਜੀਵਿਤਂ ਯਸ੍ਯ ਤਸ੍ਯ ਦੀਕ੍षਾ ਵਿਧੀਯਤੇ ॥ 310 ॥
ਕ੍ਰਿਯਯਾ ਚਾਨ੍ਵਿਤਂ ਪੂਰ੍ਵਂ ਦੀਕ੍षਾਜਾਲਂ ਨਿਰੂਪਿਤਮ੍ ।
ਮਨ੍ਤ੍ਰਦੀਕ੍षਾਭਿਧਂ ਸਾਙ੍ਗੋਪਾਙ੍ਗਂ ਸਰ੍ਵਂ ਸ਼ਿਵੋਦਿਤਮ੍ ॥ 311 ॥
ਕ੍ਰਿਯਯਾ ਸ੍ਯਾਦ੍ਵਿਰਹਿਤਾਂ ਗੁਰੁਸਾਯੁਜ੍ਯਦਾਯਿਨੀਮ੍ ।
ਗੁਰੁਦੀਕ੍षਾਂ ਵਿਨਾ ਕੋ ਵਾ ਗੁਰੁਤ੍ਵਾਚਾਰਪਾਲਕਃ ॥ 312 ॥
ਸ਼ਕ੍ਤੋ ਨ ਚਾਪਿ ਸ਼ਕ੍ਤੋ ਵਾ ਦੈਸ਼ਿਕਾਙ੍ਘ੍ਰਿ ਸਮਾਸ਼੍ਰਯੇਤ੍ ।
ਤਸ੍ਯ ਜਨ੍ਮਾਸ੍ਤਿ ਸਫਲਂ ਭੋਗਮੋਕ੍षਫਲਪ੍ਰਦਮ੍ ॥ 313 ॥
ਅਤ੍ਯਨ੍ਤਚਿਤ੍ਤਪਕ੍ਵਸ੍ਯ ਸ਼੍ਰਦ੍ਧਾਭਕ੍ਤਿਯੁਤਸ੍ਯ ਚ ।
ਪ੍ਰਵਕ੍ਤਵ੍ਯਮਿਦਂ ਦੇਵਿ ਮਮਾਤ੍ਮਪ੍ਰੀਤਯੇ ਸਦਾ ॥ 314 ॥
ਰਹਸ੍ਯਂ ਸਰ੍ਵਸ਼ਾਸ੍ਤ੍ਰੇषੁ ਗੀਤਾਸ਼ਾਸ੍ਤ੍ਰਮਿਦਂ ਸ਼ਿਵੇ ।
ਸਮ੍ਯਕ੍ਪਰੀਕ੍ष੍ਯ ਵਕ੍ਤਵ੍ਯਂ ਸਾਧਕਸ੍ਯ ਮਹਾਤ੍ਮਨਃ ॥ 315 ॥
ਸਤ੍ਕਰ੍ਮਪਰਿਪਾਕਾਚ੍ਚ ਚਿਤ੍ਤਸ਼ੁਦ੍ਧਿਸ਼੍ਚ ਧੀਮਤਃ ।
ਸਾਧਕਸ੍ਯੈਵ ਵਕ੍ਤਵ੍ਯਾ ਗੁਰੁਗੀਤਾ ਪ੍ਰਯਤ੍ਨਤਃ ॥ 316 ॥
ਨਾਸ੍ਤਿਕਾਯ ਕृਤਘ੍ਨਾਯ ਦਾਮ੍ਭਿਕਾਯ ਸ਼ਠਾਯ ਚ ।
ਅਭਕ੍ਤਾਯ ਵਿਭਕ੍ਤਾਯ ਨ ਵਾਚ੍ਯੇਯਂ ਕਦਾਚਨ ॥ 317 ॥
ਸ੍ਤ੍ਰੀਲੋਲੁਪਾਯ ਮੂਰ੍ਖਾਯ ਕਾਮੋਪਹਤਚੇਤਸੇ ।
ਨਿਨ੍ਦਕਾਯ ਨ ਵਕ੍ਤਵ੍ਯਾ ਗੁਰੁਗੀਤਾ ਸ੍ਵਭਾਵਤਃ ॥ 318 ॥
ਸਰ੍ਵਪਾਪਪ੍ਰਸ਼ਮਨਂ ਸਰ੍ਵੋਪਦ੍ਰਵਵਾਰਕਮ੍ ।
ਜਨ੍ਮਮृਤ੍ਯੁਹਰਂ ਦੇਵਿ ਗੀਤਾਸ਼ਾਸ੍ਤ੍ਰਮਿਦਂ ਸ਼ਿਵੇ ॥ 319 ॥
ਸ਼੍ਰੁਤਿਸਾਰਮਿਦਂ ਦੇਵਿ ਸਰ੍ਵਮੁਕ੍ਤਂ ਸਮਾਸਤਃ ।
ਨਾਨ੍ਯਥਾ ਸਦ੍ਗਤਿਃ ਪੁਂਸਾਂ ਵਿਨਾ ਗੁਰੁਪਦਂ ਸ਼ਿਵੇ ॥ 320 ॥
ਬਹੁਜਨ੍ਮਕृਤਾਤ੍ਪਾਪਾਦਯਮਰ੍ਥੋ ਨ ਰੋਚਤੇ ।
ਜਨ੍ਮਬਨ੍ਧਨਿਵृਤ੍ਤ੍ਯਰ੍ਥਂ ਗੁਰੁਮੇਵ ਭਜੇਤ੍ਸਦਾ ॥ 321 ॥
ਅਹਮੇਵ ਜਗਤ੍ਸਰ੍ਵਮਹਮੇਵ ਪਰਂ ਪਦਮ੍ ।
ਏਤਦ੍​ਜ੍ਞਾਨਂ ਯਤੋ ਭੂਯਾਤ੍ਤਂ ਗੁਰੁਂ ਪ੍ਰਣਮਾਮ੍ਯਹਮ੍ ॥ 322 ॥
ਅਲਂ ਵਿਕਲ੍ਪੈਰਹਮੇਵ ਕੇਵਲਂ
ਮਯਿ ਸ੍ਥਿਤਂ ਵਿਸ਼੍ਵਮਿਦਂ ਚਰਾਚਰਮ੍ ।
ਇਦਂ ਰਹਸ੍ਯਂ ਮਮ ਯੇਨ ਦਰ੍ਸ਼ਿਤਂ
ਸ ਵਨ੍ਦਨੀਯੋ ਗੁਰੁਰੇਵ ਕੇਵਲਮ੍ ॥ 323 ॥
ਯਸ੍ਯਾਨ੍ਤਂ ਨਾਦਿਮਧ੍ਯਂ ਨ ਹਿ ਕਰਚਰਣਂ ਨਾਮਗੋਤ੍ਰਂ ਨ ਸੂਤ੍ਰਮ੍ ।
ਨੋ ਜਾਤਿਰ੍ਨੈਵ ਵਰ੍ਣੋ ਨ ਭਵਤਿ ਪੁਰੁषੋ ਨੋ ਨਪੁਂਸੋ ਨ ਚ ਸ੍ਤ੍ਰੀ ॥ 324 ॥
ਨਾਕਾਰਂ ਨੋ ਵਿਕਾਰਂ ਨ ਹਿ ਜਨਿਮਰਣਂ ਨਾਸ੍ਤਿ ਪੁਣ੍ਯਂ ਨ ਪਾਪਮ੍ ।
ਨੋऽਤਤ੍ਤ੍ਵਂ ਤਤ੍ਤ੍ਵਮੇਕਂ ਸਹਜਸਮਰਸਂ ਸਦ੍ਗੁਰੁਂ ਤਂ ਨਮਾਮਿ ॥ 325 ॥
ਨਿਤ੍ਯਾਯ ਸਤ੍ਯਾਯ ਚਿਦਾਤ੍ਮਕਾਯ
ਨਵ੍ਯਾਯ ਭਵ੍ਯਾਯ ਪਰਾਤ੍ਪਰਾਯ ।
ਸ਼ੁਦ੍ਧਾਯ ਬੁਦ੍ਧਾਯ ਨਿਰਞ੍ਜਨਾਯ
ਨਮੋऽਸ੍ਤੁ ਨਿਤ੍ਯਂ ਗੁਰੁਸ਼ੇਖਰਾਯ ॥ 326 ॥
ਸਚ੍ਚਿਦਾਨਨ੍ਦਰੂਪਾਯ ਵ੍ਯਾਪਿਨੇ ਪਰਮਾਤ੍ਮਨੇ ।
ਨਮਃ ਸ਼੍ਰੀਗੁਰੁਨਾਥਾਯ ਪ੍ਰਕਾਸ਼ਾਨਨ੍ਦਮੂਰ੍ਤਯੇ ॥ 327 ॥
ਸਤ੍ਯਾਨਨ੍ਦਸ੍ਵਰੂਪਾਯ ਬੋਧੈਕਸੁਖਕਾਰਿਣੇ ।
ਨਮੋ ਵੇਦਾਨ੍ਤਵੇਦ੍ਯਾਯ ਗੁਰਵੇ ਬੁਦ੍ਧਿਸਾਕ੍षਿਣੇ ॥ 328 ॥
ਨਮਸ੍ਤੇ ਨਾਥ ਭਗਵਨ੍ ਸ਼ਿਵਾਯ ਗੁਰੁਰੂਪਿਣੇ ।
ਵਿਦ੍ਯਾਵਤਾਰਸਂਸਿਦ੍ਧ੍ਯੈ ਸ੍ਵੀਕृਤਾਨੇਕਵਿਗ੍ਰਹ ॥ 329 ॥
ਨਵਾਯ ਨਵਰੂਪਾਯ ਪਰਮਾਰ੍ਥੈਕਰੂਪਿਣੇ ।
ਸਰ੍ਵਾਜ੍ਞਾਨਤਮੋਭੇਦਭਾਨਵੇ ਚਿਦ੍ਘਨਾਯ ਤੇ ॥ 330 ॥
ਸ੍ਵਤਨ੍ਤ੍ਰਾਯ ਦਯਾਕ੍ਲੁਪ੍ਤਵਿਗ੍ਰਹਾਯ ਸ਼ਿਵਾਤ੍ਮਨੇ ।
ਪਰਤਨ੍ਤ੍ਰਾਯ ਭਕ੍ਤਾਨਾਂ ਭਵ੍ਯਾਨਾਂ ਭਵ੍ਯਰੂਪਿਣੇ ॥ 331 ॥
ਵਿਵੇਕਿਨਾਂ ਵਿਵੇਕਾਯ ਵਿਮਰ੍ਸ਼ਾਯ ਵਿਮਰ੍ਸ਼ਿਨਾਮ੍ ।
ਪ੍ਰਕਾਸ਼ਿਨਾਂ ਪ੍ਰਕਾਸ਼ਾਯ ਜ੍ਞਾਨਿਨਾਂ ਜ੍ਞਾਨਰੂਪਿਣੇ ॥ 332 ॥
ਪੁਰਸ੍ਤਾਤ੍ਪਾਰ੍ਸ਼੍ਵਯੋਃ ਪृष੍ਠੇ ਨਮਸ੍ਕੁਰ੍ਯਾਦੁਪਰ੍ਯਧਃ ।
ਸਦਾ ਮਚ੍ਚਿਤ੍ਤਰੂਪੇਣ ਵਿਧੇਹਿ ਭਵਦਾਸਨਮ੍ ॥ 333 ॥
ਸ਼੍ਰੀਗੁਰੁਂ ਪਰਮਾਨਨ੍ਦਂ ਵਨ੍ਦੇ ਹ੍ਯਾਨਨ੍ਦਵਿਗ੍ਰਹਮ੍ ।
ਯਸ੍ਯ ਸਨ੍ਨਿਧਿਮਾਤ੍ਰੇਣ ਚਿਦਾਨਨ੍ਦਾਯ ਤੇ ਮਨਃ ॥ 334 ॥
ਨਮੋऽਸ੍ਤੁ ਗੁਰਵੇ ਤੁਭ੍ਯਂ ਸਹਜਾਨਨ੍ਦਰੂਪਿਣੇ ।
ਯਸ੍ਯ ਵਾਗਮृਤਂ ਹਨ੍ਤਿ ਵਿषਂ ਸਂਸਾਰਸਞ੍ਜ੍ਞਕਮ੍ ॥ 335 ॥
ਨਾਨਾਯੁਕ੍ਤੋਪਦੇਸ਼ੇਨ ਤਾਰਿਤਾ ਸ਼ਿष੍ਯਸਨ੍ਤਤਿਃ ।
ਤਤ੍ਕृਪਾਸਾਰਵੇਦੇਨ ਗੁਰੁਚਿਤ੍ਪਦਮਚ੍ਯੁਤਮ੍ ॥ 336 ॥
[ਪਾਠਭੇਦਃ -
ਅਚ੍ਯੁਤਾਯ ਨਮਸ੍ਤੁਭ੍ਯਂ ਗੁਰਵੇ ਪਰਮਾਤ੍ਮਨੇ ।
ਸ੍ਵਾਰਾਮੋਕ੍ਤਪਦੇਚ੍ਛੂਨਾਂ ਦਤ੍ਤਂ ਯੇਨਾਚ੍ਯੁਤਂ ਪਦਮ੍ ॥
]
ਅਚ੍ਯੁਤਾਯ ਨਮਸ੍ਤੁਭ੍ਯਂ ਗੁਰਵੇ ਪਰਮਾਤ੍ਮਨੇ ।
ਸਰ੍ਵਤਨ੍ਤ੍ਰਸ੍ਵਤਨ੍ਤ੍ਰਾਯ ਚਿਦ੍ਘਨਾਨਨ੍ਦਮੂਰ੍ਤਯੇ ॥ 337 ॥
ਨਮੋऽਚ੍ਯੁਤਾਯ ਗੁਰਵੇऽਜ੍ਞਾਨਧ੍ਵਾਨ੍ਤੈਕਭਾਨਵੇ ।
ਸ਼ਿष੍ਯਸਨ੍ਮਾਰ੍ਗਪਟਵੇ ਕृਪਾਪੀਯੂषਸਿਨ੍ਧਵੇ ॥ 338 ॥
ਓਮਚ੍ਯੁਤਾਯ ਗੁਰਵੇ ਸ਼ਿष੍ਯਸਂਸਾਰਸੇਤਵੇ ।
ਭਕ੍ਤਕਾਰ੍ਯੈਕਸਿਂਹਾਯ ਨਮਸ੍ਤੇ ਚਿਤ੍ਸੁਖਾਤ੍ਮਨੇ ॥ 339 ॥
ਗੁਰੁਨਾਮਸਮਂ ਦੈਵਂ ਨ ਪਿਤਾ ਨ ਚ ਬਾਨ੍ਧਵਾਃ ।
ਗੁਰੁਨਾਮਸਮਃ ਸ੍ਵਾਮੀ ਨੇਦृਸ਼ਂ ਪਰਮਂ ਪਦਮ੍ ॥ 340 ॥
ਏਕਾਕ੍षਰਪ੍ਰਦਾਤਾਰਂ ਯੋ ਗੁਰੁਂ ਨੈਵ ਮਨ੍ਯਤੇ ।
ਸ਼੍ਵਾਨਯੋਨਿਸ਼ਤਂ ਗਤ੍ਵਾ ਚਾਣ੍ਡਾਲੇष੍ਵਪਿ ਜਾਯਤੇ ॥ 341 ॥
ਗੁਰੁਤ੍ਯਾਗਾਦ੍ਭਵੇਨ੍ਮृਤ੍ਯੁਃ ਮਨ੍ਤ੍ਰਤ੍ਯਾਗਾਦ੍ਦਰਿਦ੍ਰਤਾ ।
ਗੁਰੁਮਨ੍ਤ੍ਰਪਰਿਤ੍ਯਾਗੀ ਰੌਰਵਂ ਨਰਕਂ ਵ੍ਰਜੇਤ੍ ॥ 342 ॥
ਸ਼ਿਵਕ੍ਰੋਧਾਦ੍ਗੁਰੁਸ੍ਤ੍ਰਾਤਾ ਗੁਰੁਕ੍ਰੋਧਾਚ੍ਛਿਵੋ ਨ ਹਿ ।
ਤਸ੍ਮਾਤ੍ਸਰ੍ਵਪ੍ਰਯਤ੍ਨੇਨ ਗੁਰੋਰਾਜ੍ਞਾਂ ਨ ਲਙ੍ਘਯੇਤ੍ ॥ 343 ॥
ਸਂਸਾਰਸਾਗਰਸਮੁਦ੍ਧਰਣੈਕਮਨ੍ਤ੍ਰਂ
ਬ੍ਰਹ੍ਮਾਦਿਦੇਵਮੁਨਿਪੂਜਿਤਸਿਦ੍ਧਮਨ੍ਤ੍ਰਮ੍ ।
ਦਾਰਿਦ੍ਰ੍ਯਦੁਃਖਭਵਰੋਗਵਿਨਾਸ਼ਮਨ੍ਤ੍ਰਂ
ਵਨ੍ਦੇ ਮਹਾਭਯਹਰਂ ਗੁਰੁਰਾਜਮਨ੍ਤ੍ਰਮ੍ ॥ 344 ॥
ਸਪ੍ਤਕੋਟਿਮਹਾਮਨ੍ਤ੍ਰਾਸ਼੍ਚਿਤ੍ਤਵਿਭ੍ਰਮਕਾਰਕਾਃ ।
ਏਕ ਏਵ ਮਹਾਮਨ੍ਤ੍ਰੋ ਗੁਰੁਰਿਤ੍ਯਕ੍षਰਦ੍ਵਯਮ੍ ॥ 345 ॥
ਏਵਮੁਕ੍ਤ੍ਵਾ ਮਹਾਦੇਵਃ ਪਾਰ੍ਵਤੀਂ ਪੁਨਰਬ੍ਰਵੀਤ੍ ।
ਇਦਮੇਵ ਪਰਂ ਤਤ੍ਤ੍ਵਂ ਸ਼ृਣੁ ਦੇਵਿ ਸੁਖਾਵਹਮ੍ ॥ 346 ॥
ਗੁਰੁਤਤ੍ਤ੍ਵਮਿਦਂ ਦੇਵਿ ਸਰ੍ਵਮੁਕ੍ਤਂ ਸਮਾਸਤਃ ।
ਰਹਸ੍ਯਮਿਦਮਵ੍ਯਕ੍ਤਂ ਨ ਵਦੇਦ੍ਯਸ੍ਯ ਕਸ੍ਯਚਿਤ੍ ॥ 347 ॥
ਨ ਮृषਾ ਸ੍ਯਾਦਿਯਂ ਦੇਵਿ ਮਦੁਕ੍ਤਿਃ ਸਤ੍ਯਰੂਪਿਣੀ ।
ਗੁਰੁਗੀਤਾਸਮਂ ਸ੍ਤੋਤ੍ਰਂ ਨਾਸ੍ਤਿ ਨਾਸ੍ਤਿ ਮਹੀਤਲੇ ॥ 348 ॥
ਗੁਰੁਗੀਤਾਮਿਮਾਂ ਦੇਵਿ ਭਵਦੁਃਖਵਿਨਾਸ਼ਿਨੀਮ੍ ।
ਗੁਰੁਦੀਕ੍षਾਵਿਹੀਨਸ੍ਯ ਪੁਰਤੋ ਨ ਪਠੇਤ੍ ਕ੍ਵਚਿਤ੍ ॥ 349 ॥
ਰਹਸ੍ਯਮਤ੍ਯਨ੍ਤਰਹਸ੍ਯਮੇਤਨ੍ਨ ਪਾਪਿਨਾ ਲਭ੍ਯਮਿਦਂ ਮਹੇਸ਼੍ਵਰਿ ।
ਅਨੇਕਜਨ੍ਮਾਰ੍ਜਿਤਪੁਣ੍ਯਪਾਕਾਦ੍ਗੁਰੋਸ੍ਤੁ ਤਤ੍ਤ੍ਵਂ ਲਭਤੇ ਮਨੁष੍ਯਃ ॥ 350 ॥
ਯਸ੍ਯ ਪ੍ਰਸਾਦਾਦਹਮੇਵ ਸਰ੍ਵਂ
ਮਯ੍ਯੇਵ ਸਰ੍ਵਂ ਪਰਿਕਲ੍ਪਿਤਂ ਚ ।
ਇਤ੍ਥਂ ਵਿਜਾਨਾਮਿ ਸਦਾਤ੍ਮਰੂਪਂ
ਤਸ੍ਯਾਙ੍ਘ੍ਰਿਪਦ੍ਮਂ ਪ੍ਰਣਤੋऽਸ੍ਮਿ ਨਿਤ੍ਯਮ੍ ॥ 351 ॥
ਅਜ੍ਞਾਨਤਿਮਿਰਾਨ੍ਧਸ੍ਯ ਵਿषਯਾਕ੍ਰਾਨ੍ਤਚੇਤਸਃ ।
ਜ੍ਞਾਨਪ੍ਰਭਾਪ੍ਰਦਾਨੇਨ ਪ੍ਰਸਾਦਂ ਕੁਰੁ ਮੇ ਪ੍ਰਭੋ ॥ 352 ॥
ਇਤਿ ਸ਼੍ਰੀਸ੍ਕਨ੍ਦਪੁਰਾਣੇ ਉਤ੍ਤਰਖਣ੍ਡੇ ਉਮਾਮਹੇਸ਼੍ਵਰ ਸਂਵਾਦੇ ਸ਼੍ਰੀ ਗੁਰੁਗੀਤਾ ਸਮਾਪ੍ਤ ॥
ਮਙ੍ਗਲਂ
ਮਙ੍ਗਲਂ ਗੁਰੁਦੇਵਾਯ ਮਹਨੀਯਗੁਣਾਤ੍ਮਨੇ ।
ਸਰ੍ਵਲੋਕਸ਼ਰਣ੍ਯਾਯ ਸਾਧੁਰੂਪਾਯ ਮਙ੍ਗਲਮ੍ ॥
Roman (IAST) Transliteration
atha tṛtīyo'dhyāyaḥ ||
atha kāmyajapasthānaṃ kathayāmi varānane |
sāgarānte sarittīre tīrthe hariharālaye || 236 ||
śaktidevālaye goṣṭhe sarvadevālaye śubhe |
vaṭasya dhātryā mūle vā maṭhe bṛndāvane tathā || 237 ||
pavitre nirmale deśe nityānuṣṭhānato'pi vā |
nirvedanena maunena japametat samārabhet || 238 ||
jāpyena jayamāpnoti japasiddhiṃ phalaṃ tathā |
hīnaṃ karma tyajetsarvaṃ garhitasthānameva ca || 239 ||
śmaśāne bilvamūle vā vaṭamūlāntike tathā |
siddhyanti kānake mūle cūtavṛkṣasya sannidhau || 240 ||
pītāsanaṃ mohane tu hyasitaṃ cābhicārike |
jñeyaṃ śuklaṃ ca śāntyarthaṃ vaśye raktaṃ prakīrtitam || 241 ||
japaṃ hīnāsanaṃ kurvan hīnakarmaphalapradam |
gurugītāṃ prayāṇe vā saṅgrāme ripusaṅkaṭe || 242 ||
japan jayamavāpnoti maraṇe muktidāyikā |
sarvakarmāṇi siddhyanti guruputre na saṃśayaḥ || 243 ||
gurumantro mukhe yasya tasya siddhyanti nā'nyathā |
dīkṣayā sarvakarmāṇi siddhyanti guruputrake || 244 ||
bhavamūlavināśāya cāṣṭapāśanivṛttaye |
gurugītāmbhasi snānaṃ tattvajñaḥ kurute sadā || 245 ||
sa evaṃ sadguruḥ sākṣāt sadasadbrahmavittamaḥ |
tasya sthānāni sarvāṇi pavitrāṇi na saṃśayaḥ || 246 ||
sarvaśuddhaḥ pavitro'sau svabhāvādyatra tiṣṭhati |
tatra devagaṇāḥ sarve kṣetrapīṭhe caranti ca || 247 ||
āsanasthāḥ śayānā vā gacchantastiṣṭhato'pi vā |
aśvārūḍhā gajārūḍhāḥ suṣuptā jāgrato'pi vā || 248 ||
śucirbhūtā jñānavanto gurugītāṃ japanti ye |
teṣāṃ darśanasaṃsparśāt divyajñānaṃ prajāyate || 249 ||
samudre vai yathā toyaṃ kṣīre kṣīraṃ jale jalam |
bhinne kumbhe yathā''kāśaṃ tathā''tmā paramātmani || 250 ||
tathaiva jñānavān jīvaḥ paramātmani sarvadā |
aikyena ramate jñānī yatra kutra divāniśam || 251 ||
evaṃvidho mahāyuktaḥ sarvatra vartate sadā |
tasmātsarvaprakāreṇa gurubhaktiṃ samācaret || 252 ||
gurusantoṣaṇādeva mukto bhavati pārvati |
aṇimādiṣu bhoktṛtvaṃ kṛpayā devi jāyate || 253 ||
sāmyena ramate jñānī divā vā yadi vā niśi |
evaṃvidho mahāmaunī trailokyasamatāṃ vrajet || 254 ||
atha saṃsāriṇaḥ sarve gurugītā japena tu |
sarvān kāmāṃstu bhuñjanti trisatyaṃ mama bhāṣitam || 255 ||
satyaṃ satyaṃ punaḥ satyaṃ dharmasāraṃ mayoditam |
gurugītāsamaṃ stotraṃ nāsti tattvaṃ guroḥ param || 256 ||
gururdevo gururdharmo gurau niṣṭhā paraṃ tapaḥ |
guroḥ parataraṃ nāsti trivāraṃ kathayāmi te || 257 ||
dhanyā mātā pitā dhanyo gotraṃ dhanyaṃ kulodbhavaḥ |
dhanyā ca vasudhā devi yatra syādgurubhaktatā || 258 ||
ākalpajanma koṭīnāṃ yajñavratatapaḥ kriyāḥ |
tāḥ sarvāḥ saphalā devi gurūsantoṣamātrataḥ || 259 ||
śarīramindriyaṃ prāṇamarthaṃ svajanabandhutā |
mātṛkulaṃ pitṛkulaṃ gurureva na saṃśayaḥ || 260 ||
mandabhāgyā hyaśaktāśca ye janā nānumanvate |
gurusevāsu vimukhāḥ pacyante narake'śucau || 261 ||
vidyā dhanaṃ balaṃ caiva teṣāṃ bhāgyaṃ nirarthakam |
yeṣāṃ gurūkṛpā nāsti adho gacchanti pārvati || 262 ||
brahmā viṣṇuśca rudraśca devāśca pitṛkinnarāḥ |
siddhacāraṇayakṣāśca anye ca munayo janāḥ || 263 ||
gurubhāvaḥ paraṃ tīrthamanyatīrthaṃ nirarthakam |
sarvatīrthamayaṃ devi śrīguroścaraṇāmbujam || 264 ||
kanyābhogaratā mandāḥ svakāntāyāḥ parāṅmukhāḥ |
ataḥ paraṃ mayā devi kathitaṃ na mama priye || 265 ||
idaṃ rahasyamaspaṣṭaṃ vaktavyaṃ ca varānane |
sugopyaṃ ca tavāgre tu mamātmaprītaye sati || 266 ||
svāmimukhyagaṇeśādyān vaiṣṇavādīṃśca pārvati |
na vaktavyaṃ mahāmāye pādasparśaṃ kuruṣva me || 267 ||
abhakte vañcake dhūrte pāṣaṇḍe nāstikādiṣu |
manasā'pi na vaktavyā gurugītā kadācana || 268 ||
guravo bahavaḥ santi śiṣyavittāpahārakāḥ |
tamekaṃ durlabhaṃ manye śiṣyahṛttāpahārakam || 269 ||
cāturyavān vivekī ca adhyātmajñānavān śuciḥ |
mānasaṃ nirmalaṃ yasya gurutvaṃ tasya śobhate || 270 ||
guravo nirmalāḥ śāntāḥ sādhavo mitabhāṣiṇaḥ |
kāmakrodhavinirmuktāḥ sadācārāḥ jitendriyāḥ || 271 ||
sūcakādiprabhedena guravo bahudhā smṛtāḥ |
svayaṃ samyak parīkṣyātha tattvaniṣṭhaṃ bhajetsudhīḥ || 272 ||
varṇajālamidaṃ tadvadbāhyaśāstraṃ tu laukikam |
yasmin devi samabhyastaṃ sa guruḥ sucakaḥ smṛtaḥ || 273 ||
varṇāśramocitāṃ vidyāṃ dharmādharmavidhāyinīm |
pravaktāraṃ guruṃ viddhi vācakaṃ tviti pārvati || 274 ||
pañcākṣaryādimantrāṇāmupadeṣṭā tu pārvati |
sa gururbodhako bhūyādubhayorayamuttamaḥ || 275 ||
mohamāraṇavaśyāditucchamantropadeśinam |
niṣiddhagururityāhuḥ paṇḍitāstattvadarśinaḥ || 276 ||
anityamiti nirdiśya saṃsāraṃ saṅkaṭālayam |
vairāgyapathadarśī yaḥ sa gururvihitaḥ priye || 277 ||
tattvamasyādivākyānāmupadeṣṭā tu pārvati |
kāraṇākhyo guruḥ prokto bhavaroganivārakaḥ || 278 ||
sarvasandehasandohanirmūlanavicakṣaṇaḥ |
janmamṛtyubhayaghno yaḥ sa guruḥ paramo mataḥ || 279 ||
bahujanmakṛtāt puṇyāllabhyate'sau mahāguruḥ |
labdhvā'muṃ na punaryāti śiṣyaḥ saṃsārabandhanam || 280 ||
evaṃ bahuvidhā loke guravaḥ santi pārvati |
teṣu sarvaprayatnena sevyo hi paramo guruḥ || 281 ||
niṣiddhaguruśiṣyastu duṣṭasaṅkalpadūṣitaḥ |
brahmapralayaparyantaṃ na punaryāti martyatām || 282 ||
evaṃ śrutvā mahādevī mahādevavacastathā |
atyantavihvalamanāḥ śaṅkaraṃ paripṛcchati || 283 ||
pārvatyuvāca |
namaste devadevātra śrotavyaṃ kiñcidasti me |
śrutvā tvadvākyamadhunā bhṛśaṃ syādvihvalaṃ manaḥ || 284 ||
svayaṃ mūḍhā mṛtyubhītāḥ sukṛtādviratiṃ gatāḥ |
daivānniṣiddhagurugā yadi teṣāṃ tu kā gatiḥ || 285 ||
śrī mahādeva uvāca |
śṛṇu tattvamidaṃ devi yadā syādvirato naraḥ |
tadā'sāvadhikārīti procyate śrutimastakaiḥ || 286 ||
akhaṇḍaikarasaṃ brahma nityamuktaṃ nirāmayam |
svasmin sandarśitaṃ yena sa bhavedasyaṃ deśikaḥ || 287 ||
jalānāṃ sāgaro rājā yathā bhavati pārvati |
gurūṇāṃ tatra sarveṣāṃ rājā'yaṃ paramo guruḥ || 288 ||
mohādirahitaḥ śānto nityatṛpto nirāśrayaḥ |
tṛṇīkṛtabrahmaviṣṇuvaibhavaḥ paramo guruḥ || 289 ||
sarvakālavideśeṣu svatantro niścalassukhī |
akhaṇḍaikarasāsvādatṛpto hi paramo guruḥ || 290 ||
dvaitādvaitavinirmuktaḥ svānubhūtiprakāśavān |
ajñānāndhatamaśchettā sarvajñaḥ paramo guruḥ || 291 ||
yasya darśanamātreṇa manasaḥ syāt prasannatā |
svayaṃ bhūyāt dhṛtiśśāntiḥ sa bhavet paramo guruḥ || 292 ||
siddhijālaṃ samālokya yogināṃ mantravādinām |
tucchākāramanovṛttiḥ yasyāsau paramo guruḥ || 293 ||
svaśarīraṃ śavaṃ paśyan tathā svātmānamadvayam |
yaḥ strīkanakamohaghnaḥ sa bhavet paramo guruḥ || 294 ||
maunī vāgmīti tattvajño dvidhā'bhūcchṛṇu pārvati |
na kaścinmaunināṃ lobho loke'sminbhavati priye || 295 ||
vāgmī tūtkaṭasaṃsārasāgarottāraṇakṣamaḥ |
yato'sau saṃśayacchettā śāstrayuktyanubhūtibhiḥ || 296 ||
gurunāmajapāddevi bahujanmārjitānyapi |
pāpāni vilayaṃ yānti nāsti sandehamaṇvapi || 297 ||
śrīgurossadṛśaṃ daivaṃ śrīgurosadṛśaḥ pitā |
gurudhyānasamaṃ karma nāsti nāsti mahītale || 298 ||
kulaṃ dhanaṃ balaṃ śāstraṃ bāndhavāssodarā ime |
maraṇe nopayujyante gurureko hi tārakaḥ || 299 ||
kulameva pavitraṃ syāt satyaṃ svagurusevayā |
tṛptāḥ syussakalā devā brahmādyā gurutarpaṇāt || 300 ||
gurureko hi jānāti svarūpaṃ devamavyayam |
tad​jñānaṃ yatprasādena nānyathā śāstrakoṭibhiḥ || 301 ||
svarūpajñānaśūnyena kṛtamapyakṛtaṃ bhavet |
tapojapādikaṃ devi sakalaṃ bālajalpavat || 302 ||
śivaṃ keciddhariṃ kecidvidhiṃ kecittu kecana |
śaktiṃ daivamiti jñātvā vivadanti vṛthā narāḥ || 303 ||
na jānanti paraṃ tattvaṃ gurudīkṣāparāṅmukhāḥ |
bhrāntāḥ paśusamā hyete svaparijñānavarjitāḥ || 304 ||
tasmātkaivalyasiddhyarthaṃ gurumeva bhajetpriye |
guruṃ vinā na jānanti mūḍhāstatparamaṃ padam || 305 ||
bhidyate hṛdayagranthiśchidyante sarvasaṃśayāḥ |
kṣīyante sarvakarmāṇi guroḥ karuṇayā śive || 306 ||
kṛtāyā gurubhaktestu vedaśāstrānusārataḥ |
mucyate pātakādghorāt gurubhakto viśeṣataḥ || 307 ||
dussaṅgaṃ ca parityajya pāpakarma parityajet |
cittacihnamidaṃ yasya tasya dīkṣā vidhīyate || 308 ||
cittatyāganiyuktaśca krodhagarvavivarjitaḥ |
dvaitabhāvaparityāgī tasya dīkṣā vidhīyate || 309 ||
etallakṣaṇayuktatvaṃ sarvabhūtahite ratam |
nirmalaṃ jīvitaṃ yasya tasya dīkṣā vidhīyate || 310 ||
kriyayā cānvitaṃ pūrvaṃ dīkṣājālaṃ nirūpitam |
mantradīkṣābhidhaṃ sāṅgopāṅgaṃ sarvaṃ śivoditam || 311 ||
kriyayā syādvirahitāṃ gurusāyujyadāyinīm |
gurudīkṣāṃ vinā ko vā gurutvācārapālakaḥ || 312 ||
śakto na cāpi śakto vā daiśikāṅghri samāśrayet |
tasya janmāsti saphalaṃ bhogamokṣaphalapradam || 313 ||
atyantacittapakvasya śraddhābhaktiyutasya ca |
pravaktavyamidaṃ devi mamātmaprītaye sadā || 314 ||
rahasyaṃ sarvaśāstreṣu gītāśāstramidaṃ śive |
samyakparīkṣya vaktavyaṃ sādhakasya mahātmanaḥ || 315 ||
satkarmaparipākācca cittaśuddhiśca dhīmataḥ |
sādhakasyaiva vaktavyā gurugītā prayatnataḥ || 316 ||
nāstikāya kṛtaghnāya dāmbhikāya śaṭhāya ca |
abhaktāya vibhaktāya na vācyeyaṃ kadācana || 317 ||
strīlolupāya mūrkhāya kāmopahatacetase |
nindakāya na vaktavyā gurugītā svabhāvataḥ || 318 ||
sarvapāpapraśamanaṃ sarvopadravavārakam |
janmamṛtyuharaṃ devi gītāśāstramidaṃ śive || 319 ||
śrutisāramidaṃ devi sarvamuktaṃ samāsataḥ |
nānyathā sadgatiḥ puṃsāṃ vinā gurupadaṃ śive || 320 ||
bahujanmakṛtātpāpādayamartho na rocate |
janmabandhanivṛttyarthaṃ gurumeva bhajetsadā || 321 ||
ahameva jagatsarvamahameva paraṃ padam |
etad​jñānaṃ yato bhūyāttaṃ guruṃ praṇamāmyaham || 322 ||
alaṃ vikalpairahameva kevalaṃ
mayi sthitaṃ viśvamidaṃ carācaram |
idaṃ rahasyaṃ mama yena darśitaṃ
sa vandanīyo gurureva kevalam || 323 ||
yasyāntaṃ nādimadhyaṃ na hi karacaraṇaṃ nāmagotraṃ na sūtram |
no jātirnaiva varṇo na bhavati puruṣo no napuṃso na ca strī || 324 ||
nākāraṃ no vikāraṃ na hi janimaraṇaṃ nāsti puṇyaṃ na pāpam |
no'tattvaṃ tattvamekaṃ sahajasamarasaṃ sadguruṃ taṃ namāmi || 325 ||
nityāya satyāya cidātmakāya
navyāya bhavyāya parātparāya |
śuddhāya buddhāya nirañjanāya
namo'stu nityaṃ guruśekharāya || 326 ||
saccidānandarūpāya vyāpine paramātmane |
namaḥ śrīgurunāthāya prakāśānandamūrtaye || 327 ||
satyānandasvarūpāya bodhaikasukhakāriṇe |
namo vedāntavedyāya gurave buddhisākṣiṇe || 328 ||
namaste nātha bhagavan śivāya gururūpiṇe |
vidyāvatārasaṃsiddhyai svīkṛtānekavigraha || 329 ||
navāya navarūpāya paramārthaikarūpiṇe |
sarvājñānatamobhedabhānave cidghanāya te || 330 ||
svatantrāya dayākluptavigrahāya śivātmane |
paratantrāya bhaktānāṃ bhavyānāṃ bhavyarūpiṇe || 331 ||
vivekināṃ vivekāya vimarśāya vimarśinām |
prakāśināṃ prakāśāya jñānināṃ jñānarūpiṇe || 332 ||
purastātpārśvayoḥ pṛṣṭhe namaskuryāduparyadhaḥ |
sadā maccittarūpeṇa vidhehi bhavadāsanam || 333 ||
śrīguruṃ paramānandaṃ vande hyānandavigraham |
yasya sannidhimātreṇa cidānandāya te manaḥ || 334 ||
namo'stu gurave tubhyaṃ sahajānandarūpiṇe |
yasya vāgamṛtaṃ hanti viṣaṃ saṃsārasañjñakam || 335 ||
nānāyuktopadeśena tāritā śiṣyasantatiḥ |
tatkṛpāsāravedena gurucitpadamacyutam || 336 ||
[pāṭhabhedaḥ -
acyutāya namastubhyaṃ gurave paramātmane |
svārāmoktapadecchūnāṃ dattaṃ yenācyutaṃ padam ||
]
acyutāya namastubhyaṃ gurave paramātmane |
sarvatantrasvatantrāya cidghanānandamūrtaye || 337 ||
namo'cyutāya gurave'jñānadhvāntaikabhānave |
śiṣyasanmārgapaṭave kṛpāpīyūṣasindhave || 338 ||
omacyutāya gurave śiṣyasaṃsārasetave |
bhaktakāryaikasiṃhāya namaste citsukhātmane || 339 ||
gurunāmasamaṃ daivaṃ na pitā na ca bāndhavāḥ |
gurunāmasamaḥ svāmī nedṛśaṃ paramaṃ padam || 340 ||
ekākṣarapradātāraṃ yo guruṃ naiva manyate |
śvānayoniśataṃ gatvā cāṇḍāleṣvapi jāyate || 341 ||
gurutyāgādbhavenmṛtyuḥ mantratyāgāddaridratā |
gurumantraparityāgī rauravaṃ narakaṃ vrajet || 342 ||
śivakrodhādgurustrātā gurukrodhācchivo na hi |
tasmātsarvaprayatnena gurorājñāṃ na laṅghayet || 343 ||
saṃsārasāgarasamuddharaṇaikamantraṃ
brahmādidevamunipūjitasiddhamantram |
dāridryaduḥkhabhavarogavināśamantraṃ
vande mahābhayaharaṃ gururājamantram || 344 ||
saptakoṭimahāmantrāścittavibhramakārakāḥ |
eka eva mahāmantro gururityakṣaradvayam || 345 ||
evamuktvā mahādevaḥ pārvatīṃ punarabravīt |
idameva paraṃ tattvaṃ śṛṇu devi sukhāvaham || 346 ||
gurutattvamidaṃ devi sarvamuktaṃ samāsataḥ |
rahasyamidamavyaktaṃ na vadedyasya kasyacit || 347 ||
na mṛṣā syādiyaṃ devi maduktiḥ satyarūpiṇī |
gurugītāsamaṃ stotraṃ nāsti nāsti mahītale || 348 ||
gurugītāmimāṃ devi bhavaduḥkhavināśinīm |
gurudīkṣāvihīnasya purato na paṭhet kvacit || 349 ||
rahasyamatyantarahasyametanna pāpinā labhyamidaṃ maheśvari |
anekajanmārjitapuṇyapākādgurostu tattvaṃ labhate manuṣyaḥ || 350 ||
yasya prasādādahameva sarvaṃ
mayyeva sarvaṃ parikalpitaṃ ca |
itthaṃ vijānāmi sadātmarūpaṃ
tasyāṅghripadmaṃ praṇato'smi nityam || 351 ||
ajñānatimirāndhasya viṣayākrāntacetasaḥ |
jñānaprabhāpradānena prasādaṃ kuru me prabho || 352 ||
iti śrīskandapurāṇe uttarakhaṇḍe umāmaheśvara saṃvāde śrī gurugītā samāpta ||
maṅgalaṃ
maṅgalaṃ gurudevāya mahanīyaguṇātmane |
sarvalokaśaraṇyāya sādhurūpāya maṅgalam ||
InfoLyter.in — Sacred Vedic Knowledge Portal · Free forever