📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਸ਼੍ਰੀ ਦੁਰ੍ਗਾ ਸ੍ਤੋਤ੍ਰਮ੍ (ਯੁਧਿष੍ਠਿਰ ਕृਤਂ)
Shri Durga Stotram (yudhishthira Kritam)
Durga Stotram Gurmukhi
ਵਿਰਾਟਨਗਰਂ ਰਮ੍ਯਂ ਗਚ੍ਛਮਾਨੋ ਯੁਧਿष੍ਠਿਰਃ ।
ਅਸ੍ਤੁਵਨ੍ਮਨਸਾ ਦੇਵੀਂ ਦੁਰ੍ਗਾਂ ਤ੍ਰਿਭੁਵਨੇਸ਼੍ਵਰੀਮ੍ ॥ 1 ॥
ਯਸ਼ੋਦਾਗਰ੍ਭਸਮ੍ਭੂਤਾਂ ਨਾਰਾਯਣਵਰਪ੍ਰਿਯਾਮ੍ ।
ਨਨ੍ਦਗੋਪਕੁਲੇ ਜਾਤਾਂ ਮਙ੍ਗਲ੍ਯਾਂ ਕੁਲਵਰ੍ਧਿਨੀਮ੍ ॥ 2 ॥
ਕਂਸਵਿਦ੍ਰਾਵਣਕਰੀਮਸੁਰਾਣਾਂ ਕ੍षਯਙ੍ਕਰੀਮ੍ ।
ਸ਼ਿਲਾਤਟਵਿਨਿਕ੍षਿਪ੍ਤਾਮਾਕਾਸ਼ਂ ਪ੍ਰਤਿ ਗਾਮਿਨੀਮ੍ ॥ 3 ॥
ਵਾਸੁਦੇਵਸ੍ਯ ਭਗਿਨੀਂ ਦਿਵ੍ਯਮਾਲ੍ਯਵਿਭੂषਿਤਾਮ੍ ।
ਦਿਵ੍ਯਾਮ੍ਬਰਧਰਾਂ ਦੇਵੀਂ ਖਡ੍ਗਖੇਟਕਧਾਰਿਣੀਮ੍ ॥ 4 ॥
ਭਾਰਾਵਤਰਣੇ ਪੁਣ੍ਯੇ ਯੇ ਸ੍ਮਰਨ੍ਤਿ ਸਦਾਸ਼ਿਵਾਮ੍ ।
ਤਾਨ੍ ਵੈ ਤਾਰਯਤੇ ਪਾਪਾਤ੍ ਪਙ੍ਕੇ ਗਾਮਿਵ ਦੁਰ੍ਬਲਾਮ੍ ॥ 5 ॥
ਸ੍ਤੋਤੁਂ ਪ੍ਰਚਕ੍ਰਮੇ ਭੂਯੋ ਵਿਵਿਧੈਃ ਸ੍ਤੋਤ੍ਰਸਮ੍ਭਵੈਃ ।
ਆਮਨ੍ਤ੍ਰ੍ਯ ਦਰ੍ਸ਼ਨਾਕਾਙ੍ਕ੍षੀ ਰਾਜਾ ਦੇਵੀਂ ਸਹਾਨੁਜਃ ॥ 6 ॥
ਨਮੋऽਸ੍ਤੁ ਵਰਦੇ ਕृष੍ਣੇ ਕੁਮਾਰਿ ਬ੍ਰਹ੍ਮਚਾਰਿਣਿ ।
ਬਾਲਾਰ੍ਕਸਦृਸ਼ਾਕਾਰੇ ਪੂਰ੍ਣਚਨ੍ਦ੍ਰਨਿਭਾਨਨੇ ॥ 7 ॥
ਚਤੁਰ੍ਭੁਜੇ ਚਤੁਰ੍ਵਕ੍ਤ੍ਰੇ ਪੀਨਸ਼੍ਰੋਣਿਪਯੋਧਰੇ ।
ਮਯੂਰਪਿਚ੍ਛਵਲਯੇ ਕੇਯੂਰਾਙ੍ਗਦਧਾਰਿਣਿ ॥ 8 ॥
ਭਾਸਿ ਦੇਵਿ ਯਥਾ ਪਦ੍ਮਾ ਨਾਰਾਯਣਪਰਿਗ੍ਰਹਃ ।
ਸ੍ਵਰੂਪਂ ਬ੍ਰਹ੍ਮਚਰ੍ਯਂ ਚ ਵਿਸ਼ਦਂ ਤਵ ਖੇਚਰਿ ॥ 9 ॥
ਕृष੍ਣਚ੍ਛਵਿਸਮਾ ਕृष੍ਣਾ ਸਙ੍ਕਰ੍षਣਸਮਾਨਨਾ ।
ਬਿਭ੍ਰਤੀ ਵਿਪੁਲੌ ਬਾਹੂ ਸ਼ਕ੍ਰਧ੍ਵਜਸਮੁਚ੍ਛ੍ਰਯੌ ॥ 10 ॥
ਪਾਤ੍ਰੀ ਚ ਪਙ੍ਕਜੀ ਘਣ੍ਟੀ ਸ੍ਤ੍ਰੀਵਿਸ਼ੁਦ੍ਧਾ ਚ ਯਾ ਭੁਵਿ ।
ਪਾਸ਼ਂ ਧਨੁਰ੍ਮਹਾਚਕ੍ਰਂ ਵਿਵਿਧਾਨ੍ਯਾਯੁਧਾਨਿ ਚ ॥ 11 ॥
ਕੁਣ੍ਡਲਾਭ੍ਯਾਂ ਸੁਪੂਰ੍ਣਾਭ੍ਯਾਂ ਕਰ੍ਣਾਭ੍ਯਾਂ ਚ ਵਿਭੂषਿਤਾ ।
ਚਨ੍ਦ੍ਰਵਿਸ੍ਪਰ੍ਧਿਨਾ ਦੇਵਿ ਮੁਖੇਨ ਤ੍ਵਂ ਵਿਰਾਜਸੇ ॥ 12 ॥
ਮੁਕੁਟੇਨ ਵਿਚਿਤ੍ਰੇਣ ਕੇਸ਼ਬਨ੍ਧੇਨ ਸ਼ੋਭਿਨਾ ।
ਭੁਜਙ੍ਗਾਭੋਗਵਾਸੇਨ ਸ਼੍ਰੋਣਿਸੂਤ੍ਰੇਣ ਰਾਜਤਾ ॥ 13 ॥
ਵਿਭ੍ਰਾਜਸੇ ਚਾਬਦ੍ਧੇਨ ਭੋਗੇਨੇਵੇਹ ਮਨ੍ਦਰਃ ।
ਧ੍ਵਜੇਨ ਸ਼ਿਖਿਪਿਚ੍ਛਾਨਾਮੁਚ੍ਛ੍ਰਿਤੇਨ ਵਿਰਾਜਸੇ ॥ 14 ॥
ਕੌਮਾਰਂ ਵ੍ਰਤਮਾਸ੍ਥਾਯ ਤ੍ਰਿਦਿਵਂ ਪਾਵਿਤਂ ਤ੍ਵਯਾ ।
ਤੇਨ ਤ੍ਵਂ ਸ੍ਤੂਯਸੇ ਦੇਵਿ ਤ੍ਰਿਦਸ਼ੈਃ ਪੂਜ੍ਯਸੇऽਪਿ ਚ ॥ 15 ॥
ਤ੍ਰੈਲੋਕ੍ਯਰਕ੍षਣਾਰ੍ਥਾਯ ਮਹਿषਾਸੁਰਨਾਸ਼ਿਨਿ ।
ਪ੍ਰਸਨ੍ਨਾ ਮੇ ਸੁਰਸ਼੍ਰੇष੍ਠੇ ਦਯਾਂ ਕੁਰੁ ਸ਼ਿਵਾ ਭਵ ॥ 16 ॥
ਜਯਾ ਤ੍ਵਂ ਵਿਜਯਾ ਚੈਵ ਸਙ੍ਗ੍ਰਾਮੇ ਚ ਜਯਪ੍ਰਦਾ ।
ਮਮਾਪਿ ਵਿਜਯਂ ਦੇਹਿ ਵਰਦਾ ਤ੍ਵਂ ਚ ਸਾਮ੍ਪ੍ਰਤਮ੍ ॥ 17 ॥
ਵਿਨ੍ਧ੍ਯੇ ਚੈਵ ਨਗਸ਼੍ਰੇष੍ਠੇ ਤਵ ਸ੍ਥਾਨਂ ਹਿ ਸ਼ਾਸ਼੍ਵਤਮ੍ ।
ਕਾਲਿ ਕਾਲਿ ਮਹਾਕਾਲਿ ਸ਼ੀਧੁਮਾਂਸਪਸ਼ੁਪ੍ਰਿਯੇ ॥ 18 ॥
ਕृਤਾਨੁਯਾਤ੍ਰਾ ਭੂਤੈਸ੍ਤ੍ਵਂ ਵਰਦਾ ਕਾਮਚਾਰਿਣੀ ।
ਭਾਰਾਵਤਾਰੇ ਯੇ ਚ ਤ੍ਵਾਂ ਸਂਸ੍ਮਰਿष੍ਯਨ੍ਤਿ ਮਾਨਵਾਃ ॥ 19 ॥
ਪ੍ਰਣਮਨ੍ਤਿ ਚ ਯੇ ਤ੍ਵਾਂ ਹਿ ਪ੍ਰਭਾਤੇ ਤੁ ਨਰਾ ਭੁਵਿ ।
ਨ ਤੇषਾਂ ਦੁਰ੍ਲਭਂ ਕਿਞ੍ਚਿਤ੍ ਪੁਤ੍ਰਤੋ ਧਨਤੋऽਪਿ ਵਾ ॥ 20 ॥
ਦੁਰ੍ਗਾਤ੍ ਤਾਰਯਸੇ ਦੁਰ੍ਗੇ ਤਤ੍ ਤ੍ਵਂ ਦੁਰ੍ਗਾ ਸ੍ਮृਤਾ ਜਨੈਃ ।
ਕਾਨ੍ਤਾਰੇष੍ਵਵਸਨ੍ਨਾਨਾਂ ਮਗ੍ਨਾਨਾਂ ਚ ਮਹਾਰ੍ਣਵੇ ।
ਦਸ੍ਯੁਭਿਰ੍ਵਾ ਨਿਰੁਦ੍ਧਾਨਾਂ ਤ੍ਵਂ ਗਤਿਃ ਪਰਮਾ ਨृਣਾਮ੍ ॥ 21 ॥
ਜਲਪ੍ਰਤਰਣੇ ਚੈਵ ਕਾਨ੍ਤਾਰੇष੍ਵਟਵੀषੁ ਚ ।
ਯੇ ਸ੍ਮਰਨ੍ਤਿ ਮਹਾਦੇਵਿ ਨ ਚ ਸੀਦਨ੍ਤਿ ਤੇ ਨਰਾਃ ॥ 22 ॥
ਤ੍ਵਂ ਕੀਰ੍ਤਿਃ ਸ਼੍ਰੀਰ੍ਧृਤਿਃ ਸਿਦ੍ਧਿਰ੍ਹ੍ਰੀਰ੍ਵਿਦ੍ਯਾ ਸਨ੍ਤਤਿਰ੍ਮਤਿਃ ।
ਸਨ੍ਧ੍ਯਾ ਰਾਤ੍ਰਿਃ ਪ੍ਰਭਾ ਨਿਦ੍ਰਾ ਜ੍ਯੋਤ੍ਸ੍ਨਾ ਕਾਨ੍ਤਿਃ ਕ੍षਮਾ ਦਯਾ ॥ 23 ॥
ਨृਣਾਂ ਚ ਬਨ੍ਧਨਂ ਮੋਹਂ ਪੁਤ੍ਰਨਾਸ਼ਂ ਧਨਕ੍षਯਮ੍ ।
ਵ੍ਯਾਧਿਂ ਮृਤ੍ਯੁਂ ਭਯਂ ਚੈਵ ਪੂਜਿਤਾ ਨਾਸ਼ਯਿष੍ਯਸਿ ॥ 24 ॥
ਸੋऽਹਂ ਰਾਜ੍ਯਾਤ੍ਪਰਿਭ੍ਰष੍ਟਃ ਸ਼ਰਣਂ ਤ੍ਵਾਂ ਪ੍ਰਪਨ੍ਨਵਾਨ੍ ।
ਪ੍ਰਣਤਸ਼੍ਚ ਯਥਾ ਮੂਰ੍ਧ੍ਨਾ ਤਵ ਦੇਵਿ ਸੁਰੇਸ਼੍ਵਰਿ ॥ 25 ॥
ਤ੍ਰਾਹਿ ਮਾਂ ਪਦ੍ਮਪਤ੍ਰਾਕ੍षਿ ਸਤ੍ਯੇ ਸਤ੍ਯਾ ਭਵਸ੍ਵ ਨਃ ।
ਸ਼ਰਣਂ ਭਵ ਮੇ ਦੁਰ੍ਗੇ ਸ਼ਰਣ੍ਯੇ ਭਕ੍ਤਵਤ੍ਸਲੇ ॥ 26 ॥
ਏਵਂ ਸ੍ਤੁਤਾ ਹਿ ਸਾ ਦੇਵੀ ਦਰ੍ਸ਼ਯਾਮਾਸ ਪਾਣ੍ਡਵਮ੍ ।
ਉਪਗਮ੍ਯ ਤੁ ਰਾਜਾਨਾਮਿਦਂ ਵਚਨਮਬ੍ਰਵੀਤ੍ ॥ 27 ॥
ਦੇਵ੍ਯੁਵਾਚ ।
ਸ਼ृਣੁ ਰਾਜਨ੍ ਮਹਾਬਾਹੋ ਮਦੀਯਂ ਵਚਨਂ ਪ੍ਰਭੋ ।
ਭਵਿष੍ਯਤ੍ਯਚਿਰਾਦੇਵ ਸਙ੍ਗ੍ਰਾਮੇ ਵਿਜਯਸ੍ਤਵ ॥ 28 ॥
ਮਮ ਪ੍ਰਸਾਦਾਨ੍ਨਿਰ੍ਜਿਤ੍ਯ ਹਤ੍ਵਾ ਕੌਰਵਵਾਹਿਨੀਮ੍ ।
ਰਾਜ੍ਯਂ ਨਿष੍ਕਣ੍ਟਕਂ ਕृਤ੍ਵਾ ਭੋਕ੍ष੍ਯਸੇ ਮੇਦਿਨੀਂ ਪੁਨਃ ॥ 29 ॥
ਭਾਤ੍ਰृਭਿਃ ਸਹਿਤੋ ਰਾਜਨ੍ ਪ੍ਰੀਤਿਂ ਪ੍ਰਾਪ੍ਸ੍ਯਸਿ ਪੁष੍ਕਲਾਮ੍ ।
ਮਤ੍ਪ੍ਰਸਾਦਾਚ੍ਚ ਤੇ ਸੌਖ੍ਯਮਾਰੋਗ੍ਯਂ ਚ ਭਵਿष੍ਯਤਿ ॥ 30 ॥
ਯੇ ਚ ਸਙ੍ਕੀਰ੍ਤਯਿष੍ਯਨ੍ਤਿ ਲੋਕੇ ਵਿਗਤਕਲ੍ਮषਾਃ ।
ਤੇषਾਂ ਤੁष੍ਟਾ ਪ੍ਰਦਾਸ੍ਯਾਮਿ ਰਾਜ੍ਯਮਾਯੁਰ੍ਵਪੁਃ ਸੁਤਮ੍ ॥ 31 ॥
ਪ੍ਰਵਾਸੇ ਨਗਰੇ ਚਾਪਿ ਸਙ੍ਗ੍ਰਾਮੇ ਸ਼ਤ੍ਰੁਸਙ੍ਕਟੇ ।
ਅਟਵ੍ਯਾਂ ਦੁਰ੍ਗਕਾਨ੍ਤਾਰੇ ਸਾਗਰੇ ਗਹਨੇ ਗਿਰੌ ॥ 32 ॥
ਯੇ ਸ੍ਮਰਿष੍ਯਨ੍ਤਿ ਮਾਂ ਰਾਜਨ੍ ਯਥਾऽਹਂ ਭਵਤਾ ਸ੍ਮृਤਾ ।
ਨ ਤੇषਾਂ ਦੁਰ੍ਲਭਂ ਕਿਞ੍ਚਿਦਸ੍ਮਿਲ੍ਲੋਕੇ ਭਵਿष੍ਯਤਿ ॥ 33 ॥
ਇਦਂ ਸ੍ਤੋਤ੍ਰਵਰਂ ਭਕ੍ਤ੍ਯਾ ਸ਼ृਣੁਯਾਦ੍ਵਾ ਪਠੇਤ ਵਾ ।
ਤਸ੍ਯ ਸਰ੍ਵਾਣਿ ਕਾਰ੍ਯਾਣਿ ਸਿਦ੍ਧਿਂ ਯਾਸ੍ਯਨ੍ਤਿ ਪਾਣ੍ਡਵਾਃ ॥ 34 ॥
ਮਤ੍ਪ੍ਰਸਾਦਾਚ੍ਚ ਵਃ ਸਰ੍ਵਾਨ੍ਵਿਰਾਟਨਗਰੇ ਸ੍ਥਿਤਾਨ੍ ।
ਨ ਪ੍ਰਜ੍ਞਾਸ੍ਯਨ੍ਤਿ ਕੁਰਵੋ ਨਰਾ ਵਾ ਤਨ੍ਨਿਵਾਸਿਨਃ ॥ 35 ॥
ਇਤ੍ਯੁਕ੍ਤ੍ਵਾ ਵਰਦਾ ਦੇਵੀ ਯੁਧਿष੍ਠਿਰਮਰਿਨ੍ਦਮਮ੍ ।
ਰਕ੍षਾਂ ਕृਤ੍ਵਾ ਚ ਪਾਣ੍ਡੂਨਾਂ ਤਤ੍ਰੈਵਾਨ੍ਤਰਧੀਯਤ ॥ 36 ॥
ਇਤਿ ਸ਼੍ਰੀਮਨ੍ਮਹਾਭਾਰਤੇ ਵਿਰਾਟਪਰ੍ਵਣਿ ਅष੍ਟਮੋऽਧ੍ਯਾਯੇ ਯੁਧਿष੍ਠਿਰ ਕृਤ ਸ਼੍ਰੀ ਦੁਰ੍ਗਾ ਸ੍ਤੋਤ੍ਰਮ੍ ।
Roman (IAST) Transliteration
virāṭanagaraṃ ramyaṃ gacchamāno yudhiṣṭhiraḥ |
astuvanmanasā devīṃ durgāṃ tribhuvaneśvarīm || 1 ||
yaśodāgarbhasambhūtāṃ nārāyaṇavarapriyām |
nandagopakule jātāṃ maṅgalyāṃ kulavardhinīm || 2 ||
kaṃsavidrāvaṇakarīmasurāṇāṃ kṣayaṅkarīm |
śilātaṭavinikṣiptāmākāśaṃ prati gāminīm || 3 ||
vāsudevasya bhaginīṃ divyamālyavibhūṣitām |
divyāmbaradharāṃ devīṃ khaḍgakheṭakadhāriṇīm || 4 ||
bhārāvataraṇe puṇye ye smaranti sadāśivām |
tān vai tārayate pāpāt paṅke gāmiva durbalām || 5 ||
stotuṃ pracakrame bhūyo vividhaiḥ stotrasambhavaiḥ |
āmantrya darśanākāṅkṣī rājā devīṃ sahānujaḥ || 6 ||
namo'stu varade kṛṣṇe kumāri brahmacāriṇi |
bālārkasadṛśākāre pūrṇacandranibhānane || 7 ||
caturbhuje caturvaktre pīnaśroṇipayodhare |
mayūrapicchavalaye keyūrāṅgadadhāriṇi || 8 ||
bhāsi devi yathā padmā nārāyaṇaparigrahaḥ |
svarūpaṃ brahmacaryaṃ ca viśadaṃ tava khecari || 9 ||
kṛṣṇacchavisamā kṛṣṇā saṅkarṣaṇasamānanā |
bibhratī vipulau bāhū śakradhvajasamucchrayau || 10 ||
pātrī ca paṅkajī ghaṇṭī strīviśuddhā ca yā bhuvi |
pāśaṃ dhanurmahācakraṃ vividhānyāyudhāni ca || 11 ||
kuṇḍalābhyāṃ supūrṇābhyāṃ karṇābhyāṃ ca vibhūṣitā |
candravispardhinā devi mukhena tvaṃ virājase || 12 ||
mukuṭena vicitreṇa keśabandhena śobhinā |
bhujaṅgābhogavāsena śroṇisūtreṇa rājatā || 13 ||
vibhrājase cābaddhena bhogeneveha mandaraḥ |
dhvajena śikhipicchānāmucchritena virājase || 14 ||
kaumāraṃ vratamāsthāya tridivaṃ pāvitaṃ tvayā |
tena tvaṃ stūyase devi tridaśaiḥ pūjyase'pi ca || 15 ||
trailokyarakṣaṇārthāya mahiṣāsuranāśini |
prasannā me suraśreṣṭhe dayāṃ kuru śivā bhava || 16 ||
jayā tvaṃ vijayā caiva saṅgrāme ca jayapradā |
mamāpi vijayaṃ dehi varadā tvaṃ ca sāmpratam || 17 ||
vindhye caiva nagaśreṣṭhe tava sthānaṃ hi śāśvatam |
kāli kāli mahākāli śīdhumāṃsapaśupriye || 18 ||
kṛtānuyātrā bhūtaistvaṃ varadā kāmacāriṇī |
bhārāvatāre ye ca tvāṃ saṃsmariṣyanti mānavāḥ || 19 ||
praṇamanti ca ye tvāṃ hi prabhāte tu narā bhuvi |
na teṣāṃ durlabhaṃ kiñcit putrato dhanato'pi vā || 20 ||
durgāt tārayase durge tat tvaṃ durgā smṛtā janaiḥ |
kāntāreṣvavasannānāṃ magnānāṃ ca mahārṇave |
dasyubhirvā niruddhānāṃ tvaṃ gatiḥ paramā nṛṇām || 21 ||
jalaprataraṇe caiva kāntāreṣvaṭavīṣu ca |
ye smaranti mahādevi na ca sīdanti te narāḥ || 22 ||
tvaṃ kīrtiḥ śrīrdhṛtiḥ siddhirhrīrvidyā santatirmatiḥ |
sandhyā rātriḥ prabhā nidrā jyotsnā kāntiḥ kṣamā dayā || 23 ||
nṛṇāṃ ca bandhanaṃ mohaṃ putranāśaṃ dhanakṣayam |
vyādhiṃ mṛtyuṃ bhayaṃ caiva pūjitā nāśayiṣyasi || 24 ||
so'haṃ rājyātparibhraṣṭaḥ śaraṇaṃ tvāṃ prapannavān |
praṇataśca yathā mūrdhnā tava devi sureśvari || 25 ||
trāhi māṃ padmapatrākṣi satye satyā bhavasva naḥ |
śaraṇaṃ bhava me durge śaraṇye bhaktavatsale || 26 ||
evaṃ stutā hi sā devī darśayāmāsa pāṇḍavam |
upagamya tu rājānāmidaṃ vacanamabravīt || 27 ||
devyuvāca |
śṛṇu rājan mahābāho madīyaṃ vacanaṃ prabho |
bhaviṣyatyacirādeva saṅgrāme vijayastava || 28 ||
mama prasādānnirjitya hatvā kauravavāhinīm |
rājyaṃ niṣkaṇṭakaṃ kṛtvā bhokṣyase medinīṃ punaḥ || 29 ||
bhātrṛbhiḥ sahito rājan prītiṃ prāpsyasi puṣkalām |
matprasādācca te saukhyamārogyaṃ ca bhaviṣyati || 30 ||
ye ca saṅkīrtayiṣyanti loke vigatakalmaṣāḥ |
teṣāṃ tuṣṭā pradāsyāmi rājyamāyurvapuḥ sutam || 31 ||
pravāse nagare cāpi saṅgrāme śatrusaṅkaṭe |
aṭavyāṃ durgakāntāre sāgare gahane girau || 32 ||
ye smariṣyanti māṃ rājan yathā'haṃ bhavatā smṛtā |
na teṣāṃ durlabhaṃ kiñcidasmilloke bhaviṣyati || 33 ||
idaṃ stotravaraṃ bhaktyā śṛṇuyādvā paṭheta vā |
tasya sarvāṇi kāryāṇi siddhiṃ yāsyanti pāṇḍavāḥ || 34 ||
matprasādācca vaḥ sarvānvirāṭanagare sthitān |
na prajñāsyanti kuravo narā vā tannivāsinaḥ || 35 ||
ityuktvā varadā devī yudhiṣṭhiramarindamam |
rakṣāṃ kṛtvā ca pāṇḍūnāṃ tatraivāntaradhīyata || 36 ||
iti śrīmanmahābhārate virāṭaparvaṇi aṣṭamo'dhyāye yudhiṣṭhira kṛta śrī durgā stotram |
InfoLyter.in — Sacred Vedic Knowledge Portal · Free forever