Saundarya Lahari — InfoLyter.in

ॐ

ਸੌਨ੍ਦਰ੍ਯ ਲਹਰੀ

Saundarya Lahari

Lahari Adi Shankaracharya Gurmukhi

ਪ੍ਰਥਮ ਭਾਗਃ - ਆਨਨ੍ਦ ਲਹਰਿ

ਭੁਮੌਸ੍ਖਲਿਤ ਪਾਦਾਨਾਂ ਭੂਮਿਰੇਵਾ ਵਲਮ੍ਬਨਮ੍ ।

ਤ੍ਵਯੀ ਜਾਤਾ ਪਰਾਧਾਨਾਂ ਤ੍ਵਮੇਵ ਸ਼ਰਣਂ ਸ਼ਿਵੇ ॥

ਸ਼ਿਵਃ ਸ਼ਕ੍ਤ੍ਯਾ ਯੁਕ੍ਤੋ ਯਦਿ ਭਵਤਿ ਸ਼ਕ੍ਤਃ ਪ੍ਰਭਵਿਤੁਂ

ਨ ਚੇਦੇਵਂ ਦੇਵੋ ਨ ਖਲੁ ਕੁਸ਼ਲਃ ਸ੍ਪਨ੍ਦਿਤੁਮਪਿ ।

ਅਤਸ੍ਤ੍ਵਾਮਾਰਾਧ੍ਯਾਂ ਹਰਿਹਰਵਿਰਿਞ੍ਚਾਦਿਭਿਰਪਿ

ਪ੍ਰਣਨ੍ਤੁਂ ਸ੍ਤੋਤੁਂ ਵਾ ਕਥਮਕृਤਪੁਣ੍ਯਃ ਪ੍ਰਭਵਤਿ ॥ 1 ॥

ਤਨੀਯਾਂਸਂ ਪਾਂਸੁਂ ਤਵ ਚਰਣਪਙ੍ਕੇਰੁਹਭਵਂ

ਵਿਰਿਞ੍ਚਿਸ੍ਸਞ੍ਚਿਨ੍ਵਨ੍ ਵਿਰਚਯਤਿ ਲੋਕਾਨਵਿਕਲਮ੍ ।

ਵਹਤ੍ਯੇਨਂ ਸ਼ੌਰਿਃ ਕਥਮਪਿ ਸਹਸ੍ਰੇਣ ਸ਼ਿਰਸਾਂ

ਹਰਸ੍ਸਙ੍ਕ੍षੁਦ੍ਯੈਨਂ ਭਜਤਿ ਭਸਿਤੋਦ੍ਧੂਲਨਵਿਧਿਮ੍ ॥ 2 ॥

ਅਵਿਦ੍ਯਾਨਾਮਨ੍ਤ-ਸ੍ਤਿਮਿਰ-ਮਿਹਿਰਦ੍ਵੀਪਨਗਰੀ

ਜਡਾਨਾਂ ਚੈਤਨ੍ਯ-ਸ੍ਤਬਕ-ਮਕਰਨ੍ਦ-ਸ੍ਰੁਤਿਝਰੀ ।

ਦਰਿਦ੍ਰਾਣਾਂ ਚਿਨ੍ਤਾਮਣਿਗੁਣਨਿਕਾ ਜਨ੍ਮਜਲਧੌ

ਨਿਮਗ੍ਨਾਨਾਂ ਦਂष੍ਟ੍ਰਾ ਮੁਰਰਿਪੁ-ਵਰਾਹਸ੍ਯ ਭਵਤਿ ॥ 3 ॥

ਤ੍ਵਦਨ੍ਯਃ ਪਾਣਿਭ੍ਯਾਮਭਯਵਰਦੋ ਦੈਵਤਗਣਃ

ਤ੍ਵਮੇਕਾ ਨੈਵਾਸਿ ਪ੍ਰਕਟਿਤਵਰਾਭੀਤ੍ਯਭਿਨਯਾ ।

ਭਯਾਤ੍ ਤ੍ਰਾਤੁਂ ਦਾਤੁਂ ਫਲਮਪਿ ਚ ਵਾਞ੍ਛਾਸਮਧਿਕਂ

ਸ਼ਰਣ੍ਯੇ ਲੋਕਾਨਾਂ ਤਵ ਹਿ ਚਰਣਾਵੇਵ ਨਿਪੁਣੌ ॥ 4 ॥

ਹਰਿਸ੍ਤ੍ਵਾਮਾਰਾਧ੍ਯ ਪ੍ਰਣਤਜਨਸੌਭਾਗ੍ਯਜਨਨੀਂ

ਪੁਰਾ ਨਾਰੀ ਭੂਤ੍ਵਾ ਪੁਰਰਿਪੁਮਪਿ ਕ੍षੋਭਮਨਯਤ੍ ।

ਸ੍ਮਰੋऽਪਿ ਤ੍ਵਾਂ ਨਤ੍ਵਾ ਰਤਿਨਯਨਲੇਹ੍ਯੇਨ ਵਪੁषਾ

ਮੁਨੀਨਾਮਪ੍ਯਨ੍ਤਃ ਪ੍ਰਭਵਤਿ ਹਿ ਮੋਹਾਯ ਮਹਤਾਮ੍ ॥ 5 ॥

ਧਨੁਃ ਪੌष੍ਪਂ ਮੌਰ੍ਵੀ ਮਧੁਕਰਮਯੀ ਪਞ੍ਚ ਵਿਸ਼ਿਖਾਃ

ਵਸਨ੍ਤਃ ਸਾਮਨ੍ਤੋ ਮਲਯਮਰੁਦਾਯੋਧਨਰਥਃ ।

ਤਥਾਪ੍ਯੇਕਃ ਸਰ੍ਵਂ ਹਿਮਗਿਰਿਸੁਤੇ ਕਾਮਪਿ ਕृਪਾਮ੍

ਅਪਾਙ੍ਗਾਤ੍ਤੇ ਲਬ੍ਧ੍ਵਾ ਜਗਦਿਦ-ਮਨਙ੍ਗੋ ਵਿਜਯਤੇ ॥ 6 ॥

ਕ੍ਵਣਤ੍ਕਾਞ੍ਚੀਦਾਮਾ ਕਰਿਕਲਭਕੁਮ੍ਭਸ੍ਤਨਨਤਾ

ਪਰਿਕ੍षੀਣਾ ਮਧ੍ਯੇ ਪਰਿਣਤਸ਼ਰਚ੍ਚਨ੍ਦ੍ਰਵਦਨਾ ।

ਧਨੁਰ੍ਬਾਣਾਨ੍ ਪਾਸ਼ਂ ਸृਣਿਮਪਿ ਦਧਾਨਾ ਕਰਤਲੈਃ

ਪੁਰਸ੍ਤਾਦਾਸ੍ਤਾਂ ਨਃ ਪੁਰਮਥਿਤੁਰਾਹੋਪੁਰੁषਿਕਾ ॥ 7 ॥

ਸੁਧਾਸਿਨ੍ਧੋਰ੍ਮਧ੍ਯੇ ਸੁਰਵਿਟਪਿਵਾਟੀਪਰਿਵृਤੇ

ਮਣਿਦ੍ਵੀਪੇ ਨੀਪੋਪਵਨਵਤਿ ਚਿਨ੍ਤਾਮਣਿਗृਹੇ ।

ਸ਼ਿਵਾਕਾਰੇ ਮਞ੍ਚੇ ਪਰਮਸ਼ਿਵਪਰ੍ਯਙ੍ਕਨਿਲਯਾਂ

ਭਜਨ੍ਤਿ ਤ੍ਵਾਂ ਧਨ੍ਯਾਃ ਕਤਿਚਨ ਚਿਦਾਨਨ੍ਦਲਹਰੀਮ੍ ॥ 8 ॥

ਮਹੀਂ ਮੂਲਾਧਾਰੇ ਕਮਪਿ ਮਣਿਪੂਰੇ ਹੁਤਵਹਂ

ਸ੍ਥਿਤਂ ਸ੍ਵਾਧਿष੍ਠਾਨੇ ਹृਦਿ ਮਰੁਤਮਾਕਾਸ਼ਮੁਪਰਿ ।

ਮਨੋऽਪਿ ਭ੍ਰੂਮਧ੍ਯੇ ਸਕਲਮਪਿ ਭਿਤ੍ਵਾ ਕੁਲਪਥਂ

ਸਹਸ੍ਰਾਰੇ ਪਦ੍ਮੇ ਸਹ ਰਹਸਿ ਪਤ੍ਯਾ ਵਿਹਰਸੇ ॥ 9 ॥

ਸੁਧਾਧਾਰਾਸਾਰੈਸ਼੍ਚਰਣਯੁਗਲਾਨ੍ਤਰ੍ਵਿਗਲਿਤੈਃ

ਪ੍ਰਪਞ੍ਚਂ ਸਿਞ੍ਚਨ੍ਤੀ ਪੁਨਰਪਿ ਰਸਾਮ੍ਨਾਯਮਹਸਃ ।

ਅਵਾਪ੍ਯ ਸ੍ਵਾਂ ਭੂਮਿਂ ਭੁਜਗਨਿਭਮਧ੍ਯੁष੍ਟਵਲਯਂ

ਸ੍ਵਮਾਤ੍ਮਾਨਂ ਕृਤ੍ਵਾ ਸ੍ਵਪਿषਿ ਕੁਲਕੁਣ੍ਡੇ ਕੁਹਰਿਣਿ ॥ 10 ॥

ਚਤੁਰ੍ਭਿਃ ਸ਼੍ਰੀਕਣ੍ਠੈਃ ਸ਼ਿਵਯੁਵਤਿਭਿਃ ਪਞ੍ਚਭਿਰਪਿ

ਪ੍ਰਭਿਨ੍ਨਾਭਿਃ ਸ਼ਮ੍ਭੋਰ੍ਨਵਭਿਰਪਿ ਮੂਲਪ੍ਰਕृਤਿਭਿਃ ।

ਚਤੁਸ਼੍ਚਤ੍ਵਾਰਿਂਸ਼ਦ੍ਵਸੁਦਲਕਲਾਸ਼੍ਰਤ੍ਰਿਵਲਯ- [ਤ੍ਰਯਸ਼੍ਚਤ੍ਵਾਰਿ]

ਤ੍ਰਿਰੇਖਾਭਿਃ ਸਾਰ੍ਧਂ ਤਵ ਸ਼ਰਣਕੋਣਾਃ ਪਰਿਣਤਾਃ ॥ 11 ॥ [ਚਰਣਕੋਣਾਃ, ਭਵਨਕਿਣਾਃ]

ਤ੍ਵਦੀਯਂ ਸੌਨ੍ਦਰ੍ਯਂ ਤੁਹਿਨਗਿਰਿਕਨ੍ਯੇ ਤੁਲਯਿਤੁਂ

ਕਵੀਨ੍ਦ੍ਰਾਃ ਕਲ੍ਪਨ੍ਤੇ ਕਥਮਪਿ ਵਿਰਿਞ੍ਚਿਪ੍ਰਭृਤਯਃ ।

ਯਦਾਲੋਕੌਤ੍ਸੁਕ੍ਯਾਦਮਰਲਲਨਾ ਯਾਨ੍ਤਿ ਮਨਸਾ

ਤਪੋਭਿਰ੍ਦੁष੍ਪ੍ਰਾਪਾਮਪਿ ਗਿਰਿਸ਼ਸਾਯੁਜ੍ਯਪਦਵੀਮ੍ ॥ 12 ॥

ਨਰਂ ਵਰ੍षੀਯਾਂਸਂ ਨਯਨਵਿਰਸਂ ਨਰ੍ਮਸੁ ਜਡਂ

ਤਵਾਪਾਙ੍ਗਾਲੋਕੇ ਪਤਿਤਮਨੁਧਾਵਨ੍ਤਿ ਸ਼ਤਸ਼ਃ ।

ਗਲਦ੍ਵੇਣੀਬਨ੍ਧਾਃ ਕੁਚਕਲਸ਼ਵਿਸ੍ਰਸ੍ਤਸਿਚਯਾ

ਹਠਾਤ੍ ਤ੍ਰੁਟ੍ਯਤ੍ਕਾਞ੍ਚ੍ਯੋ ਵਿਗਲਿਤਦੁਕੂਲਾ ਯੁਵਤਯਃ ॥ 13 ॥

ਕ੍षਿਤੌ षਟ੍ਪਞ੍ਚਾਸ਼ਦ੍ ਦ੍ਵਿਸਮਧਿਕਪਞ੍ਚਾਸ਼ਦੁਦਕੇ

ਹੁਤਾਸ਼ੇ ਦ੍ਵਾषष੍ਟਿਸ਼੍ਚਤੁਰਧਿਕਪਞ੍ਚਾਸ਼ਦਨਿਲੇ ।

ਦਿਵਿ ਦ੍ਵਿष੍षਟ੍ਤ੍ਰਿਂਸ਼ਨ੍ਮਨਸਿ ਚ ਚਤੁष੍षष੍ਟਿਰਿਤਿ ਯੇ

ਮਯੂਖਾਸ੍ਤੇषਾਮਪ੍ਯੁਪਰਿ ਤਵ ਪਾਦਾਮ੍ਬੁਜਯੁਗਮ੍ ॥ 14 ॥

ਸ਼ਰਜ੍ਜ੍ਯੋਤ੍ਸ੍ਨਾਸ਼ੁਦ੍ਧਾਂ ਸ਼ਸ਼ਿਯੁਤਜਟਾਜੂਟਮਕੁਟਾਂ

ਵਰਤ੍ਰਾਸਤ੍ਰਾਣਸ੍ਫਟਿਕਘਟਿਕਾਪੁਸ੍ਤਕਕਰਾਮ੍ ।

ਸਕृਨ੍ਨ ਤ੍ਵਾ ਨਤ੍ਵਾ ਕਥਮਿਵ ਸਤਾਂ ਸਨ੍ਨ੍ਨਿਦਧਤੇ

ਮਧੁਕ੍षੀਰਦ੍ਰਾਕ੍षਾਮਧੁਰਿਮਧੁਰੀਣਾਃ ਭਣਿਤਯਃ ॥ 15॥ [ਫਣਿਤਯਃ]

ਕਵੀਨ੍ਦ੍ਰਾਣਾਂ ਚੇਤਃਕਮਲਵਨਬਾਲਾਤਪਰੁਚਿਂ

ਭਜਨ੍ਤੇ ਯੇ ਸਨ੍ਤਃ ਕਤਿਚਿਦਰੁਣਾਮੇਵ ਭਵਤੀਮ੍ ।

ਵਿਰਿਞ੍ਚਿਪ੍ਰੇਯਸ੍ਯਾਸ੍ਤਰੁਣਤਰਸ਼ृਙ੍ਗਾਰਲਹਰੀ-

ਗਭੀਰਾਭਿਰ੍ਵਾਗ੍ਭਿਰ੍ਵਿਦਧਤਿ ਸਤਾਂ ਰਞ੍ਜਨਮਮੀ ॥ 16 ॥

ਸਵਿਤ੍ਰੀਭਿਰ੍ਵਾਚਾਂ ਸ਼ਸ਼ਿਮਣਿਸ਼ਿਲਾਭਙ੍ਗਰੁਚਿਭਿਃ

ਵਸ਼ਿਨ੍ਯਾਦ੍ਯਾਭਿਸ੍ਤ੍ਵਾਂ ਸਹ ਜਨਨਿ ਸਞ੍ਚਿਨ੍ਤਯਤਿ ਯਃ ।

ਸ ਕਰ੍ਤਾ ਕਾਵ੍ਯਾਨਾਂ ਭਵਤਿ ਮਹਤਾਂ ਭਙ੍ਗਿਰੁਚਿਭਿਃ

ਵਚੋਭਿਰ੍ਵਾਗ੍ਦੇਵੀਵਦਨਕਮਲਾਮੋਦਮਧੁਰੈਃ ॥ 17 ॥

ਤਨੁਚ੍ਛਾਯਾਭਿਸ੍ਤੇ ਤਰੁਣਤਰਣਿਸ਼੍ਰੀਸਰਣਿਭਿਃ

ਦਿਵਂ ਸਰ੍ਵਾਮੁਰ੍ਵੀਮਰੁਣਿਮਨਿ ਮਗ੍ਨਾਂ ਸ੍ਮਰਤਿ ਯਃ ।

ਭਵਨ੍ਤ੍ਯਸ੍ਯ ਤ੍ਰਸ੍ਯਦ੍ਵਨਹਰਿਣਸ਼ਾਲੀਨਨਯਨਾਃ

ਸਹੋਰ੍ਵਸ਼੍ਯਾ ਵਸ਼੍ਯਾਃ ਕਤਿ ਕਤਿ ਨ ਗੀਰ੍ਵਾਣਗਣਿਕਾਃ ॥ 18 ॥

ਮੁਖਂ ਬਿਨ੍ਦੁਂ ਕृਤ੍ਵਾ ਕੁਚਯੁਗਮਧਸ੍ਤਸ੍ਯ ਤਦਧੋ

ਹਰਾਰ੍ਧਂ ਧ੍ਯਾਯੇਦ੍ਯੋ ਹਰਮਹਿषਿ ਤੇ ਮਨ੍ਮਥਕਲਾਮ੍ ।

ਸ ਸਦ੍ਯਃ ਸਙ੍ਕ੍षੋਭਂ ਨਯਤਿ ਵਨਿਤਾ ਇਤ੍ਯਤਿਲਘੁ

ਤ੍ਰਿਲੋਕੀਮਪ੍ਯਾਸ਼ੁ ਭ੍ਰਮਯਤਿ ਰਵੀਨ੍ਦੁਸ੍ਤਨਯੁਗਾਮ੍ ॥ 19 ॥

ਕਿਰਨ੍ਤੀਮਙ੍ਗੇਭ੍ਯਃ ਕਿਰਣਨਿਕੁਰਮ੍ਬਾਮृਤਰਸਂ

ਹृਦਿ ਤ੍ਵਾਮਾਧਤ੍ਤੇ ਹਿਮਕਰਸ਼ਿਲਾਮੂਰ੍ਤਿਮਿਵ ਯਃ ।

ਸ ਸਰ੍ਪਾਣਾਂ ਦਰ੍ਪਂ ਸ਼ਮਯਤਿ ਸ਼ਕੁਨ੍ਤਾਧਿਪ ਇਵ

ਜ੍ਵਰਪ੍ਲੁष੍ਟਾਨ੍ ਦृष੍ਟ੍ਯਾ ਸੁਖਯਤਿ ਸੁਧਾਧਾਰਸਿਰਯਾ ॥ 20 ॥

ਤਟਿਲ੍ਲੇਖਾਤਨ੍ਵੀਂ ਤਪਨਸ਼ਸ਼ਿਵੈਸ਼੍ਵਾਨਰਮਯੀਂ

ਨਿषਣ੍ਣਾਂ षਣ੍ਣਾਮਪ੍ਯੁਪਰਿ ਕਮਲਾਨਾਂ ਤਵ ਕਲਾਮ੍ ।

ਮਹਾਪਦ੍ਮਾਟਵ੍ਯਾਂ ਮृਦਿਤਮਲਮਾਯੇਨ ਮਨਸਾ

ਮਹਾਨ੍ਤਃ ਪਸ਼੍ਯਨ੍ਤੋ ਦਧਤਿ ਪਰਮਾਹ੍ਲਾਦਲਹਰੀਮ੍ ॥ 21 ॥

ਭਵਾਨਿ ਤ੍ਵਂ ਦਾਸੇ ਮਯਿ ਵਿਤਰ ਦृष੍ਟਿਂ ਸਕਰੁਣਾ-

ਮਿਤਿ ਸ੍ਤੋਤੁਂ ਵਾਞ੍ਛਨ੍ ਕਥਯਤਿ ਭਵਾਨਿ ਤ੍ਵਮਿਤਿ ਯਃ ।

ਤਦੈਵ ਤ੍ਵਂ ਤਸ੍ਮੈ ਦਿਸ਼ਸਿ ਨਿਜਸਾਯੁਜ੍ਯਪਦਵੀਂ

ਮੁਕੁਨ੍ਦਬ੍ਰਹ੍ਮੇਨ੍ਦ੍ਰਸ੍ਫੁਟਮਕੁਟਨੀਰਾਜਿਤਪਦਾਮ੍ ॥ 22 ॥

ਤ੍ਵਯਾ ਹृਤ੍ਵਾ ਵਾਮਂ ਵਪੁਰਪਰਿ-ਤृਪ੍ਤੇਨ ਮਨਸਾ

ਸ਼ਰੀਰਾਰ੍ਧਂ ਸ਼ਮ੍ਭੋਰਪਰਮਪਿ ਸ਼ਙ੍ਕੇ ਹृਤਮਭੂਤ੍ ।

ਯਦੇਤਤ੍ਤ੍ਵਦ੍ਰੂਪਂ ਸਕਲਮਰੁਣਾਭਂ ਤ੍ਰਿਨਯਨਂ

ਕੁਚਾਭ੍ਯਾਮਾਨਮ੍ਰਂ ਕੁਟਿਲਸ਼ਸ਼ਿਚੂਡਾਲਮਕੁਟਮ੍ ॥ 23 ॥

ਜਗਤ੍ਸੂਤੇ ਧਾਤਾ ਹਰਿਰਵਤਿ ਰੁਦ੍ਰਃ ਕ੍षਪਯਤੇ

ਤਿਰਸ੍ਕੁਰ੍ਵਨ੍ਨੇਤਤ੍ਸ੍ਵਮਪਿ ਵਪੁਰੀਸ਼ਸ੍ਤਿਰਯਤਿ ।

ਸਦਾਪੂਰ੍ਵਃ ਸਰ੍ਵਂ ਤਦਿਦਮਨੁਗृਹ੍ਣਾਤਿ ਚ ਸ਼ਿਵ-

ਸ੍ਤਵਾਜ੍ਞਾਮਾਲਮ੍ਬ੍ਯ ਕ੍षਣਚਲਿਤਯੋਰ੍ਭ੍ਰੂਲਤਿਕਯੋਃ ॥ 24 ॥

ਤ੍ਰਯਾਣਾਂ ਦੇਵਾਨਾਂ ਤ੍ਰਿਗੁਣਜਨਿਤਾਨਾਂ ਤਵ ਸ਼ਿਵੇ

ਭਵੇਤ੍ ਪੂਜਾ ਪੂਜਾ ਤਵ ਚਰਣਯੋਰ੍ਯਾ ਵਿਰਚਿਤਾ ।

ਤਥਾ ਹਿ ਤ੍ਵਤ੍ਪਾਦੋਦ੍ਵਹਨਮਣਿਪੀਠਸ੍ਯ ਨਿਕਟੇ

ਸ੍ਥਿਤਾ ਹ੍ਯੇਤੇ ਸ਼ਸ਼੍ਵਨ੍ਮੁਕੁਲਿਤਕਰੋਤ੍ਤਂਸਮਕੁਟਾਃ ॥ 25 ॥

ਵਿਰਿਞ੍ਚਿਃ ਪਞ੍ਚਤ੍ਵਂ ਵ੍ਰਜਤਿ ਹਰਿਰਾਪ੍ਨੋਤਿ ਵਿਰਤਿਂ

ਵਿਨਾਸ਼ਂ ਕੀਨਾਸ਼ੋ ਭਜਤਿ ਧਨਦੋ ਯਾਤਿ ਨਿਧਨਮ੍ ।

ਵਿਤਨ੍ਦ੍ਰੀ ਮਾਹੇਨ੍ਦ੍ਰੀ ਵਿਤਤਿਰਪਿ ਸਮ੍ਮੀਲਿਤਦृਸ਼ਾ

ਮਹਾਸਂਹਾਰੇऽਸ੍ਮਿਨ੍ ਵਿਹਰਤਿ ਸਤਿ ਤ੍ਵਤ੍ਪਤਿਰਸੌ ॥ 26 ॥

ਜਪੋ ਜਲ੍ਪਃ ਸ਼ਿਲ੍ਪਂ ਸਕਲਮਪਿ ਮੁਦ੍ਰਾਵਿਰਚਨਾ

ਗਤਿਃ ਪ੍ਰਾਦਕ੍षਿਣ੍ਯਕ੍ਰਮਣਮਸ਼ਨਾਦ੍ਯਾਹੁਤਿਵਿਧਿਃ ।

ਪ੍ਰਣਾਮਸ੍ਸਂਵੇਸ਼ਸ੍ਸੁਖਮਖਿਲਮਾਤ੍ਮਾਰ੍ਪਣਦृਸ਼ਾ

ਸਪਰ੍ਯਾਪਰ੍ਯਾਯਸ੍ਤਵ ਭਵਤੁ ਯਨ੍ਮੇ ਵਿਲਸਿਤਮ੍ ॥ 27 ॥

ਸੁਧਾਮਪ੍ਯਾਸ੍ਵਾਦ੍ਯ ਪ੍ਰਤਿਭਯਜਰਾਮृਤ੍ਯੁਹਰਿਣੀਂ

ਵਿਪਦ੍ਯਨ੍ਤੇ ਵਿਸ਼੍ਵੇ ਵਿਧਿਸ਼ਤਮਖਾਦ੍ਯਾ ਦਿਵਿषਦਃ ।

ਕਰਾਲਂ ਯਤ੍ਕ੍ष੍ਵੇਲਂ ਕਬਲਿਤਵਤਃ ਕਾਲਕਲਨਾ

ਨ ਸ਼ਮ੍ਭੋਸ੍ਤਨ੍ਮੂਲਂ ਤਵ ਜਨਨਿ ਤਾਟਙ੍ਕਮਹਿਮਾ ॥ 28 ॥

ਕਿਰੀਟਂ ਵੈਰਿਞ੍ਚਂ ਪਰਿਹਰ ਪੁਰਃ ਕੈਟਭਭਿਦਃ

ਕਠੋਰੇ ਕੋਟੀਰੇ ਸ੍ਖਲਸਿ ਜਹਿ ਜਮ੍ਭਾਰਿਮੁਕੁਟਮ੍ ।

ਪ੍ਰਣਮ੍ਰੇष੍ਵੇਤੇषੁ ਪ੍ਰਸਭਮੁਪਯਾਤਸ੍ਯ ਭਵਨਂ

ਭਵਸ੍ਯਾਭ੍ਯੁਤ੍ਥਾਨੇ ਤਵ ਪਰਿਜਨੋਕ੍ਤਿਰ੍ਵਿਜਯਤੇ ॥ 29 ॥

ਸ੍ਵਦੇਹੋਦ੍ਭੂਤਾਭਿਰ੍ਘृਣਿਭਿਰਣਿਮਾਦ੍ਯਾਭਿਰਭਿਤੋ

ਨਿषੇਵ੍ਯੇ ਨਿਤ੍ਯੇ ਤ੍ਵਾਮਹਮਿਤਿ ਸਦਾ ਭਾਵਯਤਿ ਯਃ ।

ਕਿਮਾਸ਼੍ਚਰ੍ਯਂ ਤਸ੍ਯ ਤ੍ਰਿਨਯਨਸਮृਦ੍ਧਿਂ ਤृਣਯਤੋ

ਮਹਾਸਂਵਰ੍ਤਾਗ੍ਨਿਰ੍ਵਿਰਚਯਤਿ ਨਿਰਾਜਨਵਿਧਿਮ੍ ॥ 30 ॥

ਚਤੁष੍षष੍ਟ੍ਯਾ ਤਨ੍ਤ੍ਰੈਃ ਸਕਲਮਤਿਸਨ੍ਧਾਯ ਭੁਵਨਂ

ਸ੍ਥਿਤਸ੍ਤਤ੍ਤਤ੍ਸਿਦ੍ਧਿਪ੍ਰਸਵਪਰਤਨ੍ਤ੍ਰੈਃ ਪਸ਼ੁਪਤਿਃ ।

ਪੁਨਸ੍ਤ੍ਵਨ੍ਨਿਰ੍ਬਨ੍ਧਾਦਖਿਲਪੁਰੁषਾਰ੍ਥੈਕਘਟਨਾ-

ਸ੍ਵਤਨ੍ਤ੍ਰਂ ਤੇ ਤਨ੍ਤ੍ਰਂ ਕ੍षਿਤਿਤਲਮਵਾਤੀਤਰਦਿਦਮ੍ ॥ 31 ॥

ਸ਼ਿਵਃ ਸ਼ਕ੍ਤਿਃ ਕਾਮਃ ਕ੍षਿਤਿਰਥ ਰਵਿਃ ਸ਼ੀਤਕਿਰਣਃ

ਸ੍ਮਰੋ ਹਂਸਃ ਸ਼ਕ੍ਰਸ੍ਤਦਨੁ ਚ ਪਰਾਮਾਰਹਰਯਃ ।

ਅਮੀ ਹृਲ੍ਲੇਖਾਭਿਸ੍ਤਿਸृਭਿਰਵਸਾਨੇषੁ ਘਟਿਤਾ

ਭਜਨ੍ਤੇ ਵਰ੍ਣਾਸ੍ਤੇ ਤਵ ਜਨਨਿ ਨਾਮਾਵਯਵਤਾਮ੍ ॥ 32 ॥

ਸ੍ਮਰਂ ਯੋਨਿਂ ਲਕ੍ष੍ਮੀਂ ਤ੍ਰਿਤਯਮਿਦਮਾਦੌ ਤਵ ਮਨੋ-

ਰ੍ਨਿਧਾਯੈਕੇ ਨਿਤ੍ਯੇ ਨਿਰਵਧਿਮਹਾਭੋਗਰਸਿਕਾਃ ।

ਭਜਨ੍ਤਿ ਤ੍ਵਾਂ ਚਿਨ੍ਤਾਮਣਿਗੁਨਨਿਬਦ੍ਧਾਕ੍षਵਲਯਾਃ

ਸ਼ਿਵਾਗ੍ਨੌ ਜੁਹ੍ਵਨ੍ਤਃ ਸੁਰਭਿਘृਤਧਾਰਾਹੁਤਿਸ਼ਤੈਃ ॥ 33 ॥

ਸ਼ਰੀਰਂ ਤ੍ਵਂ ਸ਼ਮ੍ਭੋਃ ਸ਼ਸ਼ਿਮਿਹਿਰਵਕ੍षੋਰੁਹਯੁਗਂ

ਤਵਾਤ੍ਮਾਨਂ ਮਨ੍ਯੇ ਭਗਵਤਿ ਨਵਾਤ੍ਮਾਨਮਨਘਮ੍ ।

ਅਤਸ਼੍ਸ਼ੇषਸ਼੍ਸ਼ੇषੀਤ੍ਯਯਮੁਭਯਸਾਧਾਰਣਤਯਾ

ਸ੍ਥਿਤਃ ਸਮ੍ਬਨ੍ਧੋ ਵਾਂ ਸਮਰਸਪਰਾਨਨ੍ਦਪਰਯੋਃ ॥ 34 ॥

ਮਨਸ੍ਤ੍ਵਂ ਵ੍ਯੋਮ ਤ੍ਵਂ ਮਰੁਦਸਿ ਮਰੁਤ੍ਸਾਰਥਿਰਸਿ

ਤ੍ਵਮਾਪਸ੍ਤ੍ਵਂ ਭੂਮਿਸ੍ਤ੍ਵਯਿ ਪਰਿਣਤਾਯਾਂ ਨ ਹਿ ਪਰਮ੍ ।

ਤ੍ਵਮੇਵ ਸ੍ਵਾਤ੍ਮਾਨਂ ਪਰਿਣਮਯਿਤੁਂ ਵਿਸ਼੍ਵਵਪੁषਾ

ਚਿਦਾਨਨ੍ਦਾਕਾਰਂ ਸ਼ਿਵਯੁਵਤਿ ਭਾਵੇਨ ਬਿਭृषੇ ॥ 35 ॥

ਤਵਾਜ੍ਞਾਚਕ੍ਰਸ੍ਥਂ ਤਪਨਸ਼ਸ਼ਿਕੋਟਿਦ੍ਯੁਤਿਧਰਂ

ਪਰਂ ਸ਼ਮ੍ਭੁਂ ਵਨ੍ਦੇ ਪਰਿਮਿਲਿਤਪਾਰ੍ਸ਼੍ਵਂ ਪਰਚਿਤਾ ।

ਯਮਾਰਾਧ੍ਯਨ੍ ਭਕ੍ਤ੍ਯਾ ਰਵਿਸ਼ਸ਼ਿਸ਼ੁਚੀਨਾਮਵਿषਯੇ

ਨਿਰਾਲੋਕੇऽਲੋਕੇ ਨਿਵਸਤਿ ਹਿ ਭਾਲੋਕਭੁਵਨੇ ॥ 36 ॥

ਵਿਸ਼ੁਦ੍ਧੌ ਤੇ ਸ਼ੁਦ੍ਧਸ੍ਫਟਿਕਵਿਸ਼ਦਂ ਵ੍ਯੋਮਜਨਕਂ

ਸ਼ਿਵਂ ਸੇਵੇ ਦੇਵੀਮਪਿ ਸ਼ਿਵਸਮਾਨਵ੍ਯਵਸਿਤਾਮ੍ ।

ਯਯੋਃ ਕਾਨ੍ਤ੍ਯਾ ਯਾਨ੍ਤ੍ਯਾਃ ਸ਼ਸ਼ਿਕਿਰਣਸਾਰੂਪ੍ਯਸਰਣੇ-

ਵਿਧੂਤਾਨ੍ਤਰ੍ਧ੍ਵਾਨ੍ਤਾ ਵਿਲਸਤਿ ਚਕੋਰੀਵ ਜਗਤੀ ॥ 37 ॥

ਸਮੁਨ੍ਮੀਲਤ੍ ਸਂਵਿਤ੍ ਕਮਲਮਕਰਨ੍ਦੈਕਰਸਿਕਂ

ਭਜੇ ਹਂਸਦ੍ਵਨ੍ਦ੍ਵਂ ਕਿਮਪਿ ਮਹਤਾਂ ਮਾਨਸਚਰਮ੍ ।

ਯਦਾਲਾਪਾਦष੍ਟਾਦਸ਼ਗੁਣਿਤਵਿਦ੍ਯਾਪਰਿਣਤਿ-

ਰ੍ਯਦਾਦਤ੍ਤੇ ਦੋषਾਦ੍ ਗੁਣਮਖਿਲਮਦ੍ਭ੍ਯਃ ਪਯ ਇਵ ॥ 38 ॥

ਤਵ ਸ੍ਵਾਧਿष੍ਠਾਨੇ ਹੁਤਵਹਮਧਿष੍ਠਾਯ ਨਿਰਤਂ

ਤਮੀਡੇ ਸਂਵਰ੍ਤਂ ਜਨਨਿ ਮਹਤੀਂ ਤਾਂ ਚ ਸਮਯਾਮ੍ ।

ਯਦਾਲੋਕੇ ਲੋਕਾਨ੍ ਦਹਤਿ ਮਹਤਿ ਕ੍ਰੋਧਕਲਿਤੇ

ਦਯਾਰ੍ਦ੍ਰਾ ਯਾ ਦृष੍ਟਿਃ ਸ਼ਿਸ਼ਿਰਮੁਪਚਾਰਂ ਰਚਯਤਿ ॥ 39 ॥

ਤਟਿਤ੍ਤ੍ਵਨ੍ਤਂ ਸ਼ਕ੍ਤ੍ਯਾ ਤਿਮਿਰਪਰਿਪਨ੍ਥਿਸ੍ਫੁਰਣਯਾ

ਸ੍ਫੁਰਨ੍ਨਾਨਾਰਤ੍ਨਾਭਰਣਪਰਿਣਦ੍ਧੇਨ੍ਦ੍ਰਧਨੁषਮ੍ ।

ਤਵ ਸ਼੍ਯਾਮਂ ਮੇਘਂ ਕਮਪਿ ਮਣਿਪੂਰੈਕਸ਼ਰਣਂ

ਨਿषੇਵੇ ਵਰ੍षਨ੍ਤਂ ਹਰਮਿਹਿਰਤਪ੍ਤਂ ਤ੍ਰਿਭੁਵਨਮ੍ ॥ 40 ॥

ਤਵਾਧਾਰੇ ਮੂਲੇ ਸਹ ਸਮਯਯਾ ਲਾਸ੍ਯਪਰਯਾ

ਨਵਾਤ੍ਮਾਨਂ ਮਨ੍ਯੇ ਨਵਰਸਮਹਾਤਾਣ੍ਡਵਨਟਮ੍ ।

ਉਭਾਭ੍ਯਾਮੇਤਾਭ੍ਯਾਮੁਦਯਵਿਧਿਮੁਦ੍ਦਿਸ਼੍ਯ ਦਯਯਾ

ਸਨਾਥਾਭ੍ਯਾਂ ਜਜ੍ਞੇ ਜਨਕਜਨਨੀਮਜ੍ਜਗਦਿਦਮ੍ ॥ 41 ॥

ਦ੍ਵਿਤੀਯ ਭਾਗਃ - ਸੌਨ੍ਦਰ੍ਯ ਲਹਰੀ

ਗਤੈਰ੍ਮਾਣਿਕ੍ਯਤ੍ਵਂ ਗਗਨਮਣਿਭਿਃ ਸਾਨ੍ਦ੍ਰਘਟਿਤਂ

ਕਿਰੀਟਂ ਤੇ ਹੈਮਂ ਹਿਮਗਿਰਿਸੁਤੇ ਕੀਰ੍ਤਯਤਿ ਯਃ ।

ਸ ਨੀਡੇਯਚ੍ਛਾਯਾਚ੍ਛੁਰਣਸ਼ਬਲਂ ਚਨ੍ਦ੍ਰਸ਼ਕਲਂ

ਧਨੁਃ ਸ਼ੌਨਾਸੀਰਂ ਕਿਮਿਤਿ ਨ ਨਿਬਧ੍ਨਾਤਿ ਧਿषਣਾਮ੍ ॥ 42 ॥

ਧੁਨੋਤੁ ਧ੍ਵਾਨ੍ਤਂ ਨਸ੍ਤੁਲਿਤਦਲਿਤੇਨ੍ਦੀਵਰਵਨਂ

ਘਨਸ੍ਨਿਗ੍ਧਸ਼੍ਲਕ੍ष੍ਣਂ ਚਿਕੁਰਨਿਕੁਰੁਮ੍ਬਂ ਤਵ ਸ਼ਿਵੇ ।

ਯਦੀਯਂ ਸੌਰਭ੍ਯਂ ਸਹਜਮੁਪਲਬ੍ਧੁਂ ਸੁਮਨਸੋ

ਵਸਨ੍ਤ੍ਯਸ੍ਮਿਨ੍ ਮਨ੍ਯੇ ਵਲਮਥਨਵਾਟੀਵਿਟਪਿਨਾਮ੍ ॥ 43 ॥

ਤਨੋਤੁ ਕ੍षੇਮਂ ਨਸ੍ਤਵ ਵਦਨਸੌਨ੍ਦਰ੍ਯਲਹਰੀ-

ਪਰੀਵਾਹਸ੍ਰੋਤਃਸਰਣਿਰਿਵ ਸੀਮਨ੍ਤਸਰਣਿਃ ।

ਵਹਨ੍ਤੀ ਸਿਨ੍ਦੂਰਂ ਪ੍ਰਬਲਕਬਰੀਭਾਰਤਿਮਿਰ-

ਦ੍ਵਿषਾਂ ਬृਨ੍ਦੈਰ੍ਬਨ੍ਦੀਕृਤਮਿਵ ਨਵੀਨਾਰ੍ਕਕਿਰਣਮ੍ ॥ 44 ॥

ਅਰਾਲੈਃ ਸ੍ਵਾਭਾਵ੍ਯਾਦਲਿਕਲਭਸਸ਼੍ਰੀਭਿਰਲਕੈਃ

ਪਰੀਤਂ ਤੇ ਵਕ੍ਤ੍ਰਂ ਪਰਿਹਸਤਿ ਪਙ੍ਕੇਰੁਹਰੁਚਿਮ੍ ।

ਦਰਸ੍ਮੇਰੇ ਯਸ੍ਮਿਨ੍ ਦਸ਼ਨਰੁਚਿਕਿਞ੍ਜਲ੍ਕਰੁਚਿਰੇ

ਸੁਗਨ੍ਧੌ ਮਾਦ੍ਯਨ੍ਤਿ ਸ੍ਮਰਦਹਨਚਕ੍षੁਰ੍ਮਧੁਲਿਹਃ ॥ 45 ॥

ਲਲਾਟਂ ਲਾਵਣ੍ਯਦ੍ਯੁਤਿਵਿਮਲਮਾਭਾਤਿ ਤਵ ਯ-

ਦ੍ਦ੍ਵਿਤੀਯਂ ਤਨ੍ਮਨ੍ਯੇ ਮਕੁਟਘਟਿਤਂ ਚਨ੍ਦ੍ਰਸ਼ਕਲਮ੍ ।

ਵਿਪਰ੍ਯਾਸਨ੍ਯਾਸਾਦੁਭਯਮਪਿ ਸਮ੍ਭੂਯ ਚ ਮਿਥਃ

ਸੁਧਾਲੇਪਸ੍ਯੂਤਿਃ ਪਰਿਣਮਤਿ ਰਾਕਾਹਿਮਕਰਃ ॥ 46 ॥

ਭ੍ਰੁਵੌ ਭੁਗ੍ਨੇ ਕਿਞ੍ਚਿਦ੍ਭੁਵਨਭਯਭਙ੍ਗਵ੍ਯਸਨਿਨਿ

ਤ੍ਵਦੀਯੇ ਨੇਤ੍ਰਾਭ੍ਯਾਂ ਮਧੁਕਰਰੁਚਿਭ੍ਯਾਂ ਧृਤਗੁਣਮ੍ ।

ਧਨੁਰ੍ਮਨ੍ਯੇ ਸਵ੍ਯੇਤਰਕਰਗृਹੀਤਂ ਰਤਿਪਤੇਃ

ਪ੍ਰਕੋष੍ਠੇ ਮੁष੍ਟੌ ਚ ਸ੍ਥਗਯਤਿ ਨਿਗੂਢਾਨ੍ਤਰਮੁਮੇ ॥ 47 ॥

ਅਹਃ ਸੂਤੇ ਸਵ੍ਯਂ ਤਵ ਨਯਨਮਰ੍ਕਾਤ੍ਮਕਤਯਾ

ਤ੍ਰਿਯਾਮਾਂ ਵਾਮਂ ਤੇ ਸृਜਤਿ ਰਜਨੀਨਾਯਕਤਯਾ ।

ਤृਤੀਯਾ ਤੇ ਦृष੍ਟਿਰ੍ਦਰਦਲਿਤਹੇਮਾਮ੍ਬੁਜਰੁਚਿਃ

ਸਮਾਧਤ੍ਤੇ ਸਨ੍ਧ੍ਯਾਂ ਦਿਵਸਨਿਸ਼ਯੋਰਨ੍ਤਰਚਰੀਮ੍ ॥ 48 ॥

ਵਿਸ਼ਾਲਾ ਕਲ੍ਯਾਣੀ ਸ੍ਫੁਟਰੁਚਿਰਯੋਧ੍ਯਾ ਕੁਵਲਯੈਃ

ਕृਪਾਧਾਰਾਧਾਰਾ ਕਿਮਪਿ ਮਧੁਰਾਭੋਗਵਤਿਕਾ ।

ਅਵਨ੍ਤੀ ਦृष੍ਟਿਸ੍ਤੇ ਬਹੁਨਗਰਵਿਸ੍ਤਾਰਵਿਜਯਾ

ਧ੍ਰੁਵਂ ਤਤ੍ਤਨ੍ਨਾਮਵ੍ਯਵਹਰਣਯੋਗ੍ਯਾ ਵਿਜਯਤੇ ॥ 49 ॥

ਕਵੀਨਾਂ ਸਨ੍ਦਰ੍ਭਸ੍ਤਬਕਮਕਰਨ੍ਦੈਕਰਸਿਕਂ

ਕਟਾਕ੍षਵ੍ਯਾਕ੍षੇਪਭ੍ਰਮਰਕਲਭੌ ਕਰ੍ਣਯੁਗਲਮ੍ ।

ਅਮੁਞ੍ਚਨ੍ਤੌ ਦृष੍ਟ੍ਵਾ ਤਵ ਨਵਰਸਾਸ੍ਵਾਦਤਰਲਾ-

ਵਸੂਯਾਸਂਸਰ੍ਗਾਦਲਿਕਨਯਨਂ ਕਿਞ੍ਚਿਦਰੁਣਮ੍ ॥ 50 ॥

ਸ਼ਿਵੇ ਸ਼ृਙ੍ਗਾਰਾਰ੍ਦ੍ਰਾ ਤਦਿਤਰਜਨੇ ਕੁਤ੍ਸਨਪਰਾ

ਸਰੋषਾ ਗਙ੍ਗਾਯਾਂ ਗਿਰਿਸ਼ਚਰਿਤੇ ਵਿਸ੍ਮਯਵਤੀ ।

ਹਰਾਹਿਭ੍ਯੋ ਭੀਤਾ ਸਰਸਿਰੁਹਸੌਭਾਗ੍ਯਜਨਨੀ (ਜਯਿਨੀ)

ਸਖੀषੁ ਸ੍ਮੇਰਾ ਤੇ ਮਯਿ ਜਨਨੀ ਦृष੍ਟਿਃ ਸਕਰੁਣਾ ॥ 51 ॥

ਗਤੇ ਕਰ੍ਣਾਭ੍ਯਰ੍ਣਂ ਗਰੁਤ ਇਵ ਪਕ੍ष੍ਮਾਣਿ ਦਧਤੀ

ਪੁਰਾਂ ਭੇਤ੍ਤੁਸ਼੍ਚਿਤ੍ਤਪ੍ਰਸ਼ਮਰਸਵਿਦ੍ਰਾਵਣਫਲੇ ।

ਇਮੇ ਨੇਤ੍ਰੇ ਗੋਤ੍ਰਾਧਰਪਤਿਕੁਲੋਤ੍ਤਂਸਕਲਿਕੇ

ਤਵਾਕਰ੍ਣਾਕृष੍ਟਸ੍ਮਰਸ਼ਰਵਿਲਾਸਂ ਕਲਯਤਃ ॥ 52 ॥

ਵਿਭਕ੍ਤਤ੍ਰੈਵਰ੍ਣ੍ਯਂ ਵ੍ਯਤਿਕਰਿਤਲੀਲਾਞ੍ਜਨਤਯਾ

ਵਿਭਾਤਿ ਤ੍ਵਨ੍ਨੇਤ੍ਰਤ੍ਰਿਤਯਮਿਦਮੀਸ਼ਾਨਦਯਿਤੇ ।

ਪੁਨਃ ਸ੍ਰष੍ਟੁਂ ਦੇਵਾਨ੍ ਦ੍ਰੁਹਿਣਹਰਿਰੁਦ੍ਰਾਨੁਪਰਤਾਨ੍

ਰਜਃ ਸਤ੍ਤ੍ਵਂ ਬਿਭ੍ਰਤ੍ਤਮ ਇਤਿ ਗੁਣਾਨਾਂ ਤ੍ਰਯਮਿਵ ॥ 53 ॥

ਪਵਿਤ੍ਰੀਕਰ੍ਤੁਂ ਨਃ ਪਸ਼ੁਪਤਿਪਰਾਧੀਨਹृਦਯੇ

ਦਯਾਮਿਤ੍ਰੈਰ੍ਨੇਤ੍ਰੈਰਰੁਣਧਵਲਸ਼੍ਯਾਮਰੁਚਿਭਿਃ ।

ਨਦਃ ਸ਼ੋਣੋ ਗਙ੍ਗਾ ਤਪਨਤਨਯੇਤਿ ਧ੍ਰੁਵਮਮੁਂ

ਤ੍ਰਯਾਣਾਂ ਤੀਰ੍ਥਾਨਾਮੁਪਨਯਸਿ ਸਮ੍ਭੇਦਮਨਘਮ੍ ॥ 54 ॥

ਨਿਮੇषੋਨ੍ਮੇषਾਭ੍ਯਾਂ ਪ੍ਰਲਯਮੁਦਯਂ ਯਾਤਿ ਜਗਤੀ

ਤਵੇਤ੍ਯਾਹੁਃ ਸਨ੍ਤੋ ਧਰਣਿਧਰਰਾਜਨ੍ਯਤਨਯੇ ।

ਤ੍ਵਦੁਨ੍ਮੇषਾਜ੍ਜਾਤਂ ਜਗਦਿਦਮਸ਼ੇषਂ ਪ੍ਰਲਯਤਃ

ਪਰਿਤ੍ਰਾਤੁਂ ਸ਼ਙ੍ਕੇ ਪਰਿਹृਤਨਿਮੇषਾਸ੍ਤਵ ਦृਸ਼ਃ ॥ 55 ॥

ਤਵਾਪਰ੍ਣੇ ਕਰ੍ਣੇਜਪਨਯਨਪੈਸ਼ੁਨ੍ਯਚਕਿਤਾ

ਨਿਲੀਯਨ੍ਤੇ ਤੋਯੇ ਨਿਯਤਮਨਿਮੇषਾਃ ਸ਼ਫਰਿਕਾਃ ।

ਇਯਂ ਚ ਸ਼੍ਰੀਰ੍ਬਦ੍ਧਚ੍ਛਦਪੁਟਕਵਾਟਂ ਕੁਵਲਯਮ੍

ਜਹਾਤਿ ਪ੍ਰਤ੍ਯੂषੇ ਨਿਸ਼ਿ ਚ ਵਿਘਟਯ੍ਯ ਪ੍ਰਵਿਸ਼ਤਿ ॥ 56 ॥

ਦृਸ਼ਾ ਦ੍ਰਾਘੀਯਸ੍ਯਾ ਦਰਦਲਿਤਨੀਲੋਤ੍ਪਲਰੁਚਾ

ਦਵੀਯਾਂਸਂ ਦੀਨਂ ਸ੍ਨਪਯ ਕृਪਯਾ ਮਾਮਪਿ ਸ਼ਿਵੇ ।

ਅਨੇਨਾਯਂ ਧਨ੍ਯੋ ਭਵਤਿ ਨ ਚ ਤੇ ਹਾਨਿਰਿਯਤਾ

ਵਨੇ ਵਾ ਹਰ੍ਮ੍ਯੇ ਵਾ ਸਮਕਰਨਿਪਾਤੋ ਹਿਮਕਰਃ ॥ 57 ॥

ਅਰਾਲਂ ਤੇ ਪਾਲੀਯੁਗਲਮਗਰਾਜਨ੍ਯਤਨਯੇ

ਨ ਕੇषਾਮਾਧਤ੍ਤੇ ਕੁਸੁਮਸ਼ਰਕੋਦਣ੍ਡਕੁਤੁਕਮ੍ ।

ਤਿਰਸ਼੍ਚੀਨੋ ਯਤ੍ਰ ਸ਼੍ਰਵਣਪਥਮੁਲ੍ਲਙ੍ਘ੍ਯ ਵਿਲਸ-

ਨ੍ਨਪਾਙ੍ਗਵ੍ਯਾਸਙ੍ਗੋ ਦਿਸ਼ਤਿ ਸ਼ਰਸਨ੍ਧਾਨਧਿषਣਾਮ੍ ॥ 58 ॥

ਸ੍ਫੁਰਦ੍ਗਣ੍ਡਾਭੋਗਪ੍ਰਤਿਫਲਿਤਤਾਟਙ੍ਕਯੁਗਲਂ

ਚਤੁਸ਼੍ਚਕ੍ਰਂ ਮਨ੍ਯੇ ਤਵ ਮੁਖਮਿਦਂ ਮਨ੍ਮਥਰਥਮ੍ ।

ਯਮਾਰੁਹ੍ਯ ਦ੍ਰੁਹ੍ਯਤ੍ਯਵਨਿਰਥਮਰ੍ਕੇਨ੍ਦੁਚਰਣਂ

ਮਹਾਵੀਰੋ ਮਾਰਃ ਪ੍ਰਮਥਪਤਯੇ ਸਜ੍ਜਿਤਵਤੇ ॥ 59 ॥

ਸਰਸ੍ਵਤ੍ਯਾਃ ਸੂਕ੍ਤੀਰਮृਤਲਹਰੀਕੌਸ਼ਲਹਰੀਃ

ਪਿਬਨ੍ਤ੍ਯਾਃ ਸ਼ਰ੍ਵਾਣਿ ਸ਼੍ਰਵਣਚੁਲੁਕਾਭ੍ਯਾਮਵਿਰਲਮ੍ ।

ਚਮਤ੍ਕਾਰਸ਼੍ਲਾਘਾਚਲਿਤਸ਼ਿਰਸਃ ਕੁਣ੍ਡਲਗਣੋ

ਝਣਤ੍ਕਾਰੈਸ੍ਤਾਰੈਃ ਪ੍ਰਤਿਵਚਨਮਾਚष੍ਟ ਇਵ ਤੇ ॥ 60 ॥

ਅਸੌ ਨਾਸਾਵਂਸ਼ਸ੍ਤੁਹਿਨਗਿਰਿਵਂਸ਼ਧ੍ਵਜਪਟਿ

ਤ੍ਵਦੀਯੋ ਨੇਦੀਯਃ ਫਲਤੁ ਫਲਮਸ੍ਮਾਕਮੁਚਿਤਮ੍ ।

ਵਹਨ੍ਨਨ੍ਤਰ੍ਮੁਕ੍ਤਾਃ ਸ਼ਿਸ਼ਿਰਤਰਨਿਸ਼੍ਵਾਸਗਲਿਤਂ

ਸਮृਦ੍ਧ੍ਯਾ ਯਤ੍ਤਾਸਾਂ ਬਹਿਰਪਿ ਚ ਮੁਕ੍ਤਾਮਣਿਧਰਃ ॥ 61 ॥

ਪ੍ਰਕृਤ੍ਯਾ ਰਕ੍ਤਾਯਾਸ੍ਤਵ ਸੁਦਤਿ ਦਨ੍ਤਚ੍ਛਦਰੁਚੇਃ

ਪ੍ਰਵਕ੍ष੍ਯੇ ਸਾਦृਸ਼੍ਯਂ ਜਨਯਤੁ ਫਲਂ ਵਿਦ੍ਰੁਮਲਤਾ ।

ਨ ਬਿਮ੍ਬਂ ਤਦ੍ਬਿਮ੍ਬਪ੍ਰਤਿਫਲਨਰਾਗਾਦਰੁਣਿਤਂ

ਤੁਲਾਮਧ੍ਯਾਰੋਢੁਂ ਕਥਮਿਵ ਵਿਲਜ੍ਜੇਤ ਕਲਯਾ ॥ 62 ॥

ਸ੍ਮਿਤਜ੍ਯੋਤ੍ਸ੍ਨਾਜਾਲਂ ਤਵ ਵਦਨਚਨ੍ਦ੍ਰਸ੍ਯ ਪਿਬਤਾਂ

ਚਕੋਰਾਣਾਮਾਸੀਦਤਿਰਸਤਯਾ ਚਞ੍ਚੁਜਡਿਮਾ ।

ਅਤਸ੍ਤੇ ਸ਼ੀਤਾਂਸ਼ੋਰਮृਤਲਹਰੀਮਮ੍ਲਰੁਚਯਃ

ਪਿਬਨ੍ਤਿ ਸ੍ਵਚ੍ਛਨ੍ਦਂ ਨਿਸ਼ਿ ਨਿਸ਼ਿ ਭृਸ਼ਂ ਕਾਞ੍ਜਿਕਧਿਯਾ ॥ 63 ॥

ਅਵਿਸ਼੍ਰਾਨ੍ਤਂ ਪਤ੍ਯੁਰ੍ਗੁਣਗਣਕਥਾਮ੍ਰੇਡਨਜਪਾ

ਜਪਾਪੁष੍ਪਚ੍ਛਾਯਾ ਤਵ ਜਨਨਿ ਜਿਹ੍ਵਾ ਜਯਤਿ ਸਾ ।

ਯਦਗ੍ਰਾਸੀਨਾਯਾਃ ਸ੍ਫਟਿਕਦृषਦਚ੍ਛਚ੍ਛਵਿਮਯੀ

ਸਰਸ੍ਵਤ੍ਯਾ ਮੂਰ੍ਤਿਃ ਪਰਿਣਮਤਿ ਮਾਣਿਕ੍ਯਵਪੁषਾ ॥ 64 ॥

ਰਣੇ ਜਿਤ੍ਵਾ ਦੈਤ੍ਯਾਨਪਹृਤਸ਼ਿਰਸ੍ਤ੍ਰੈਃ ਕਵਚਿਭਿਰ੍-

ਨਿਵृਤ੍ਤੈਸ਼੍ਚਣ੍ਡਾਂਸ਼ਤ੍ਰਿਪੁਰਹਰਨਿਰ੍ਮਾਲ੍ਯਵਿਮੁਖੈਃ ।

ਵਿਸ਼ਾਖੇਨ੍ਦ੍ਰੋਪੇਨ੍ਦ੍ਰੈਃ ਸ਼ਸ਼ਿਵਿਸ਼ਦਕਰ੍ਪੂਰਸ਼ਕਲਾ

ਵਿਲੀਯਨ੍ਤੇ ਮਾਤਸ੍ਤਵ ਵਦਨਤਾਮ੍ਬੂਲਕਬਲਾਃ ॥ 65 ॥

ਵਿਪਞ੍ਚ੍ਯਾ ਗਾਯਨ੍ਤੀ ਵਿਵਿਧਮਪਦਾਨਂ ਪਸ਼ੁਪਤੇਃ

ਤ੍ਵਯਾਰਬ੍ਧੇ ਵਕ੍ਤੁਂ ਚਲਿਤਸ਼ਿਰਸਾ ਸਾਧੁਵਚਨੇ ।

ਤਦੀਯੈਰ੍ਮਾਧੁਰ੍ਯੈਰਪਲਪਿਤਤਨ੍ਤ੍ਰੀਕਲਰਵਾਂ

ਨਿਜਾਂ ਵੀਣਾਂ ਵਾਣੀ ਨਿਚੁਲਯਤਿ ਚੋਲੇਨ ਨਿਭृਤਮ੍ ॥ 66 ॥

ਕਰਾਗ੍ਰੇਣ ਸ੍ਪृष੍ਟਂ ਤੁਹਿਨਗਿਰਿਣਾ ਵਤ੍ਸਲਤਯਾ

ਗਿਰੀਸ਼ੇਨੋਦਸ੍ਤਂ ਮੁਹੁਰਧਰਪਾਨਾਕੁਲਤਯਾ ।

ਕਰਗ੍ਰਾਹ੍ਯਂ ਸ਼ਮ੍ਭੋਰ੍ਮੁਖਮੁਕੁਰਵृਨ੍ਤਂ ਗਿਰਿਸੁਤੇ

ਕਥਙ੍ਕਾਰਂ ਬ੍ਰੂਮਸ੍ਤਵ ਚਿਬੁਕਮੌਪਮ੍ਯਰਹਿਤਮ੍ ॥ 67 ॥

ਭੁਜਾਸ਼੍ਲੇषਾਨ੍ ਨਿਤ੍ਯਂ ਪੁਰਦਮਯਿਤੁਃ ਕਣ੍ਟਕਵਤੀ

ਤਵ ਗ੍ਰੀਵਾ ਧਤ੍ਤੇ ਮੁਖਕਮਲਨਾਲਸ਼੍ਰਿਯਮਿਯਮ੍ ।

ਸ੍ਵਤਃ ਸ਼੍ਵੇਤਾ ਕਾਲਾਗੁਰੁਬਹੁਲਜਮ੍ਬਾਲਮਲਿਨਾ

ਮृਣਾਲੀਲਾਲਿਤ੍ਯਂ ਵਹਤਿ ਯਦਧੋ ਹਾਰਲਤਿਕਾ ॥ 68 ॥

ਗਲੇ ਰੇਖਾਸ੍ਤਿਸ੍ਰੋ ਗਤਿਗਮਕਗੀਤੈਕਨਿਪੁਣੇ

ਵਿਵਾਹਵ੍ਯਾਨਦ੍ਧਪ੍ਰਗੁਣਗੁਣਸਙ੍ਖ੍ਯਾਪ੍ਰਤਿਭੁਵਃ ।

ਵਿਰਾਜਨ੍ਤੇ ਨਾਨਾਵਿਧਮਧੁਰਰਾਗਾਕਰਭੁਵਾਂ

ਤ੍ਰਯਾਣਾਂ ਗ੍ਰਾਮਾਣਾਂ ਸ੍ਥਿਤਿਨਿਯਮਸੀਮਾਨ ਇਵ ਤੇ ॥ 69 ॥

ਮृਣਾਲੀਮृਦ੍ਵੀਨਾਂ ਤਵ ਭੁਜਲਤਾਨਾਂ ਚਤਸृਣਾਂ

ਚਤੁਰ੍ਭਿਃ ਸੌਨ੍ਦਰ੍ਯਂ ਸਰਸਿਜਭਵਃ ਸ੍ਤੌਤਿ ਵਦਨੈਃ ।

ਨਖੇਭ੍ਯਃ ਸਨ੍ਤ੍ਰਸ੍ਯਨ੍ ਪ੍ਰਥਮਮਥਨਾਦਨ੍ਧਕਰਿਪੋ-

ਸ਼੍ਚਤੁਰ੍ਣਾਂ ਸ਼ੀਰ੍षਾਣਾਂ ਸਮਮਭਯਹਸ੍ਤਾਰ੍ਪਣਧਿਯਾ ॥ 70 ॥

ਨਖਾਨਾਮੁਦ੍ਦ੍ਯੋਤੈਰ੍ਨਵਨਲਿਨਰਾਗਂ ਵਿਹਸਤਾਂ

ਕਰਾਣਾਂ ਤੇ ਕਾਨ੍ਤਿਂ ਕਥਯ ਕਥਯਾਮਃ ਕਥਮੁਮੇ ।

ਕਯਾਚਿਦ੍ਵਾ ਸਾਮ੍ਯਂ ਭਜਤੁ ਕਲਯਾ ਹਨ੍ਤ ਕਮਲਂ

ਯਦਿ ਕ੍ਰੀਡਲ੍ਲਕ੍ष੍ਮੀਚਰਣਤਲਲਾਕ੍षਾਰਸਛਣਮ੍ ॥ 71 ॥

ਸਮਂ ਦੇਵਿ ਸ੍ਕਨ੍ਦਦ੍ਵਿਪਵਦਨਪੀਤਂ ਸ੍ਤਨਯੁਗਂ

ਤਵੇਦਂ ਨਃ ਖੇਦਂ ਹਰਤੁ ਸਤਤਂ ਪ੍ਰਸ੍ਨੁਤਮੁਖਮ੍ ।

ਯਦਾਲੋਕ੍ਯਾਸ਼ਙ੍ਕਾਕੁਲਿਤਹृਦਯੋ ਹਾਸਜਨਕਃ

ਸ੍ਵਕੁਮ੍ਭੌ ਹੇਰਮ੍ਬਃ ਪਰਿਮृਸ਼ਤਿ ਹਸ੍ਤੇਨ ਝਡਿਤਿ ॥ 72 ॥

ਅਮੂ ਤੇ ਵਕ੍षੋਜਾਵਮृਤਰਸਮਾਣਿਕ੍ਯਕੁਤੁਪੌ

ਨ ਸਨ੍ਦੇਹਸ੍ਪਨ੍ਦੋ ਨਗਪਤਿਪਤਾਕੇ ਮਨਸਿ ਨਃ ।

ਪਿਬਨ੍ਤੌ ਤੌ ਯਸ੍ਮਾਦਵਿਦਿਤਵਧੂਸਙ੍ਗਰਸਿਕੌ

ਕੁਮਾਰਾਵਦ੍ਯਾਪਿ ਦ੍ਵਿਰਦਵਦਨਕ੍ਰੌਞ੍ਚਦਲਨੌ ॥ 73 ॥

ਵਹਤ੍ਯਮ੍ਬ ਸ੍ਤਮ੍ਬੇਰਮਦਨੁਜਕੁਮ੍ਭਪ੍ਰਕृਤਿਭਿਃ

ਸਮਾਰਬ੍ਧਾਂ ਮੁਕ੍ਤਾਮਣਿਭਿਰਮਲਾਂ ਹਾਰਲਤਿਕਾਮ੍ ।

ਕੁਚਾਭੋਗੋ ਬਿਮ੍ਬਾਧਰਰੁਚਿਭਿਰਨ੍ਤਃ ਸ਼ਬਲਿਤਾਂ

ਪ੍ਰਤਾਪਵ੍ਯਾਮਿਸ਼੍ਰਾਂ ਪੁਰਦਮਯਿਤੁਃ ਕੀਰ੍ਤਿਮਿਵ ਤੇ ॥ 74 ॥

ਤਵ ਸ੍ਤਨ੍ਯਂ ਮਨ੍ਯੇ ਧਰਣਿਧਰਕਨ੍ਯੇ ਹृਦਯਤਃ

ਪਯਃਪਾਰਾਵਾਰਃ ਪਰਿਵਹਤਿ ਸਾਰਸ੍ਵਤਮਿਵ ।

ਦਯਾਵਤ੍ਯਾ ਦਤ੍ਤਂ ਦ੍ਰਵਿਡਸ਼ਿਸ਼ੁਰਾਸ੍ਵਾਦ੍ਯ ਤਵ ਯਤ੍

ਕਵੀਨਾਂ ਪ੍ਰੌਢਾਨਾਮਜਨਿ ਕਮਨੀਯਃ ਕਵਯਿਤਾ ॥ 75 ॥

ਹਰਕ੍ਰੋਧਜ੍ਵਾਲਾਵਲਿਭਿਰਵਲੀਢੇਨ ਵਪੁषਾ

ਗਭੀਰੇ ਤੇ ਨਾਭੀਸਰਸਿ ਕृਤਸਙ੍ਗੋ ਮਨਸਿਜਃ ।

ਸਮੁਤ੍ਤਸ੍ਥੌ ਤਸ੍ਮਾਦਚਲਤਨਯੇ ਧੂਮਲਤਿਕਾ

ਜਨਸ੍ਤਾਂ ਜਾਨੀਤੇ ਤਵ ਜਨਨਿ ਰੋਮਾਵਲਿਰਿਤਿ ॥ 76 ॥

ਯਦੇਤਤ੍ ਕਾਲਿਨ੍ਦੀਤਨੁਤਰਤਰਙ੍ਗਾਕृਤਿ ਸ਼ਿਵੇ

ਕृਸ਼ੇ ਮਧ੍ਯੇ ਕਿਞ੍ਚਿਜ੍ਜਨਨਿ ਤਵ ਯਦ੍ਭਾਤਿ ਸੁਧਿਯਾਮ੍ ।

ਵਿਮਰ੍ਦਾਦਨ੍ਯੋऽਨ੍ਯਂ ਕੁਚਕਲਸ਼ਯੋਰਨ੍ਤਰਗਤਂ

ਤਨੂਭੂਤਂ ਵ੍ਯੋਮ ਪ੍ਰਵਿਸ਼ਦਿਵ ਨਾਭਿਂ ਕੁਹਰਿਣੀਮ੍ ॥ 77 ॥

ਸ੍ਥਿਰੋ ਗਙ੍ਗਾਵਰ੍ਤਃ ਸ੍ਤਨਮੁਕੁਲਰੋਮਾਵਲਿਲਤਾ-

ਕਲਾਵਾਲਂ ਕੁਣ੍ਡਂ ਕੁਸੁਮਸ਼ਰਤੇਜੋਹੁਤਭੁਜਃ ।

ਰਤੇਰ੍ਲੀਲਾਗਾਰਂ ਕਿਮਪਿ ਤਵ ਨਾਭਿਰ੍ਗਿਰਿਸੁਤੇ

ਬਿਲਦ੍ਵਾਰਂ ਸਿਦ੍ਧੇਰ੍ਗਿਰਿਸ਼ਨਯਨਾਨਾਂ ਵਿਜਯਤੇ ॥ 78 ॥

ਨਿਸਰ੍ਗਕ੍षੀਣਸ੍ਯ ਸ੍ਤਨਤਟਭਰੇਣ ਕ੍ਲਮਜੁषੋ

ਨਮਨ੍ਮੂਰ੍ਤੇਰ੍ਨਾਰੀਤਿਲਕ ਸ਼ਨਕੈਸ੍ਤ੍ਰੁਟ੍ਯਤ ਇਵ ।

ਚਿਰਂ ਤੇ ਮਧ੍ਯਸ੍ਯ ਤ੍ਰੁਟਿਤਤਟਿਨੀਤੀਰਤਰੁਣਾ

ਸਮਾਵਸ੍ਥਾਸ੍ਥੇਮ੍ਨੋ ਭਵਤੁ ਕੁਸ਼ਲਂ ਸ਼ੈਲਤਨਯੇ ॥ 79 ॥

ਕੁਚੌ ਸਦ੍ਯਃਸ੍ਵਿਦ੍ਯਤ੍ਤਟਘਟਿਤਕੂਰ੍ਪਾਸਭਿਦੁਰੌ

ਕषਨ੍ਤੌ ਦੋਰ੍ਮੂਲੇ ਕਨਕਕਲਸ਼ਾਭੌ ਕਲਯਤਾ ।

ਤਵ ਤ੍ਰਾਤੁਂ ਭਙ੍ਗਾਦਲਮਿਤਿ ਵਲਗ੍ਨਂ ਤਨੁਭੁਵਾ

ਤ੍ਰਿਧਾ ਨਦ੍ਧਂ ਦੇਵਿ ਤ੍ਰਿਵਲਿ ਲਵਲੀਵਲ੍ਲਿਭਿਰਿਵ ॥ 80 ॥

ਗੁਰੁਤ੍ਵਂ ਵਿਸ੍ਤਾਰਂ ਕ੍षਿਤਿਧਰਪਤਿਃ ਪਾਰ੍ਵਤਿ ਨਿਜਾ-

ਨ੍ਨਿਤਮ੍ਬਾਦਾਚ੍ਛਿਦ੍ਯ ਤ੍ਵਯਿ ਹਰਣਰੂਪੇਣ ਨਿਦਧੇ ।

ਅਤਸ੍ਤੇ ਵਿਸ੍ਤੀਰ੍ਣੋ ਗੁਰੁਰਯਮਸ਼ੇषਾਂ ਵਸੁਮਤੀਂ

ਨਿਤਮ੍ਬਪ੍ਰਾਗ੍ਭਾਰਃ ਸ੍ਥਗਯਤਿ ਲਘੁਤ੍ਵਂ ਨਯਤਿ ਚ ॥ 81 ॥

ਕਰੀਨ੍ਦ੍ਰਾਣਾਂ ਸ਼ੁਣ੍ਡਾਨ੍ ਕਨਕਕਦਲੀਕਾਣ੍ਡਪਟਲੀ-

ਮੁਭਾਭ੍ਯਾਮੂਰੁਭ੍ਯਾਮੁਭਯਮਪਿ ਨਿਰ੍ਜਿਤ੍ਯ ਭਵਤੀ ।

ਸੁਵृਤ੍ਤਾਭ੍ਯਾਂ ਪਤ੍ਯੁਃ ਪ੍ਰਣਤਿਕਠਿਨਾਭ੍ਯਾਂ ਗਿਰਿਸੁਤੇ

ਵਿਧਿਜ੍ਞੇ ਜਾਨੁਭ੍ਯਾਂ ਵਿਬੁਧਕਰਿਕੁਮ੍ਭਦ੍ਵਯਮਸਿ ॥ 82 ॥

ਪਰਾਜੇਤੁਂ ਰੁਦ੍ਰਂ ਦ੍ਵਿਗੁਣਸ਼ਰਗਰ੍ਭੌ ਗਿਰਿਸੁਤੇ

ਨਿषਙ੍ਗੌ ਜਙ੍ਘੇ ਤੇ ਵਿषਮਵਿਸ਼ਿਖੋ ਬਾਢਮਕृਤ ।

ਯਦਗ੍ਰੇ ਦृਸ਼੍ਯਨ੍ਤੇ ਦਸ਼ਸ਼ਰਫਲਾਃ ਪਾਦਯੁਗਲੀ-

ਨਖਾਗ੍ਰਚ੍ਛਦ੍ਮਾਨਃ ਸੁਰਮਕੁਟਸ਼ਾਣੈਕਨਿਸ਼ਿਤਾਃ ॥ 83 ॥

ਸ਼੍ਰੁਤੀਨਾਂ ਮੂਰ੍ਧਾਨੋ ਦਧਤਿ ਤਵ ਯੌ ਸ਼ੇਖਰਤਯਾ

ਮਮਾਪ੍ਯੇਤੌ ਮਾਤਃ ਸ਼ਿਰਸਿ ਦਯਯਾ ਧੇਹਿ ਚਰਣੌ ।

ਯਯੋਃ ਪਾਦ੍ਯਂ ਪਾਥਃ ਪਸ਼ੁਪਤਿਜਟਾਜੂਟਤਟਿਨੀ

ਯਯੋਰ੍ਲਾਕ੍षਾਲਕ੍ष੍ਮੀਰਰੁਣਹਰਿਚੂਡਾਮਣਿਰੁਚਿਃ ॥ 84 ॥

ਨਮੋਵਾਕਂ ਬ੍ਰੂਮੋ ਨਯਨਰਮਣੀਯਾਯ ਪਦਯੋ-

ਸ੍ਤਵਾਸ੍ਮੈ ਦ੍ਵਨ੍ਦ੍ਵਾਯ ਸ੍ਫੁਟਰੁਚਿਰਸਾਲਕ੍ਤਕਵਤੇ ।

ਅਸੂਯਤ੍ਯਤ੍ਯਨ੍ਤਂ ਯਦਭਿਹਨਨਾਯ ਸ੍ਪृਹਯਤੇ

ਪਸ਼ੂਨਾਮੀਸ਼ਾਨਃ ਪ੍ਰਮਦਵਨਕਙ੍ਕੇਲਿਤਰਵੇ ॥ 85 ॥

ਮृषਾ ਕृਤ੍ਵਾ ਗੋਤ੍ਰਸ੍ਖਲਨਮਥ ਵੈਲਕ੍ष੍ਯਨਮਿਤਂ

ਲਲਾਟੇ ਭਰ੍ਤਾਰਂ ਚਰਣਕਮਲੇ ਤਾਡਯਤਿ ਤੇ ।

ਚਿਰਾਦਨ੍ਤਃਸ਼ਲ੍ਯਂ ਦਹਨਕृਤਮੁਨ੍ਮੂਲਿਤਵਤਾ

ਤੁਲਾਕੋਟਿਕ੍ਵਾਣੈਃ ਕਿਲਿਕਿਲਿਤਮੀਸ਼ਾਨਰਿਪੁਣਾ ॥ 86 ॥

ਹਿਮਾਨੀਹਨ੍ਤਵ੍ਯਂ ਹਿਮਗਿਰਿਨਿਵਾਸੈਕਚਤੁਰੌ

ਨਿਸ਼ਾਯਾਂ ਨਿਦ੍ਰਾਣਂ ਨਿਸ਼ਿ ਚਰਮਭਾਗੇ ਚ ਵਿਸ਼ਦੌ ।

ਵਰਂ ਲਕ੍ष੍ਮੀਪਾਤ੍ਰਂ ਸ਼੍ਰਿਯਮਤਿਸृਜਨ੍ਤੌ ਸਮਯਿਨਾਂ

ਸਰੋਜਂ ਤ੍ਵਤ੍ਪਾਦੌ ਜਨਨਿ ਜਯਤਸ਼੍ਚਿਤ੍ਰਮਿਹ ਕਿਮ੍ ॥ 87 ॥

ਪਦਂ ਤੇ ਕੀਰ੍ਤੀਨਾਂ ਪ੍ਰਪਦਮਪਦਂ ਦੇਵਿ ਵਿਪਦਾਂ

ਕਥਂ ਨੀਤਂ ਸਦ੍ਭਿਃ ਕਠਿਨਕਮਠੀਕਰ੍ਪਰਤੁਲਾਮ੍ ।

ਕਥਂ ਵਾ ਬਾਹੁਭ੍ਯਾਮੁਪਯਮਨਕਾਲੇ ਪੁਰਭਿਦਾ

ਯਦਾਦਾਯ ਨ੍ਯਸ੍ਤਂ ਦृषਦਿ ਦਯਮਾਨੇਨ ਮਨਸਾ ॥ 88 ॥

ਨਖੈਰ੍ਨਾਕਸ੍ਤ੍ਰੀਣਾਂ ਕਰਕਮਲਸਙ੍ਕੋਚਸ਼ਸ਼ਿਭਿ-

ਸ੍ਤਰੂਣਾਂ ਦਿਵ੍ਯਾਨਾਂ ਹਸਤ ਇਵ ਤੇ ਚਣ੍ਡਿ ਚਰਣੌ ।

ਫਲਾਨਿ ਸ੍ਵਃਸ੍ਥੇਭ੍ਯਃ ਕਿਸਲਯਕਰਾਗ੍ਰੇਣ ਦਦਤਾਂ

ਦਰਿਦ੍ਰੇਭ੍ਯੋ ਭਦ੍ਰਾਂ ਸ਼੍ਰਿਯਮਨਿਸ਼ਮਹ੍ਨਾਯ ਦਦਤੌ ॥ 89 ॥

ਦਦਾਨੇ ਦੀਨੇਭ੍ਯਃ ਸ਼੍ਰਿਯਮਨਿਸ਼ਮਾਸ਼ਾਨੁਸਦृਸ਼ੀ-

ਮਮਨ੍ਦਂ ਸੌਨ੍ਦਰ੍ਯਪ੍ਰਕਰਮਕਰਨ੍ਦਂ ਵਿਕਿਰਤਿ ।

ਤਵਾਸ੍ਮਿਨ੍ ਮਨ੍ਦਾਰਸ੍ਤਬਕਸੁਭਗੇ ਯਾਤੁ ਚਰਣੇ

ਨਿਮਜ੍ਜਨ੍ਮਜ੍ਜੀਵਃ ਕਰਣਚਰਣਃ षਟ੍ਚਰਣਤਾਮ੍ ॥ 90 ॥

ਪਦਨ੍ਯਾਸਕ੍ਰੀਡਾਪਰਿਚਯਮਿਵਾਰਬ੍ਧੁਮਨਸਃ

ਸ੍ਖਲਨ੍ਤਸ੍ਤੇ ਖੇਲਂ ਭਵਨਕਲਹਂਸਾ ਨ ਜਹਤਿ ।

ਅਤਸ੍ਤੇषਾਂ ਸ਼ਿਕ੍षਾਂ ਸੁਭਗਮਣਿਮਞ੍ਜੀਰਰਣਿਤ-

ਚ੍ਛਲਾਦਾਚਕ੍षਾਣਂ ਚਰਣਕਮਲਂ ਚਾਰੁਚਰਿਤੇ ॥ 91 ॥

ਗਤਾਸ੍ਤੇ ਮਞ੍ਚਤ੍ਵਂ ਦ੍ਰੁਹਿਣਹਰਿਰੁਦ੍ਰੇਸ਼੍ਵਰਭृਤਃ

ਸ਼ਿਵਃ ਸ੍ਵਚ੍ਛਚ੍ਛਾਯਾਘਟਿਤਕਪਟਪ੍ਰਚ੍ਛਦਪਟਃ ।

ਤ੍ਵਦੀਯਾਨਾਂ ਭਾਸਾਂ ਪ੍ਰਤਿਫਲਨਰਾਗਾਰੁਣਤਯਾ

ਸ਼ਰੀਰੀ ਸ਼ृਙ੍ਗਾਰੋ ਰਸ ਇਵ ਦृਸ਼ਾਂ ਦੋਗ੍ਧਿ ਕੁਤੁਕਮ੍ ॥ 92 ॥

ਅਰਾਲਾ ਕੇਸ਼ੇषੁ ਪ੍ਰਕृਤਿਸਰਲਾ ਮਨ੍ਦਹਸਿਤੇ

ਸ਼ਿਰੀषਾਭਾ ਚਿਤ੍ਤੇ ਦृषਦੁਪਲਸ਼ੋਭਾ ਕੁਚਤਟੇ ।

ਭृਸ਼ਂ ਤਨ੍ਵੀ ਮਧ੍ਯੇ ਪृਥੁਰੁਰਸਿਜਾਰੋਹਵਿषਯੇ

ਜਗਤ੍ਤ੍ਰਾਤੁਂ ਸ਼ਮ੍ਭੋਰ੍ਜਯਤਿ ਕਰੁਣਾ ਕਾਚਿਦਰੁਣਾ ॥ 93 ॥

ਕਲਙ੍ਕਃ ਕਸ੍ਤੂਰੀ ਰਜਨਿਕਰਬਿਮ੍ਬਂ ਜਲਮਯਂ

ਕਲਾਭਿਃ ਕਰ੍ਪੂਰੈਰ੍ਮਰਕਤਕਰਣ੍ਡਂ ਨਿਬਿਡਿਤਮ੍ ।

ਅਤਸ੍ਤ੍ਵਦ੍ਭੋਗੇਨ ਪ੍ਰਤਿਦਿਨਮਿਦਂ ਰਿਕ੍ਤਕੁਹਰਂ

ਵਿਧਿਰ੍ਭੂਯੋ ਭੂਯੋ ਨਿਬਿਡਯਤਿ ਨੂਨਂ ਤਵ ਕृਤੇ ॥ 94 ॥

ਪੁਰਾਰਾਤੇਰਨ੍ਤਃਪੁਰਮਸਿ ਤਤਸ੍ਤ੍ਵਚ੍ਚਰਣਯੋਃ

ਸਪਰ੍ਯਾਮਰ੍ਯਾਦਾ ਤਰਲਕਰਣਾਨਾਮਸੁਲਭਾ ।

ਤਥਾ ਹ੍ਯੇਤੇ ਨੀਤਾਃ ਸ਼ਤਮਖਮੁਖਾਃ ਸਿਦ੍ਧਿਮਤੁਲਾਂ

ਤਵ ਦ੍ਵਾਰੋਪਾਨ੍ਤਸ੍ਥਿਤਿਭਿਰਣਿਮਾਦ੍ਯਾਭਿਰਮਰਾਃ ॥ 95 ॥

ਕਲਤ੍ਰਂ ਵੈਧਾਤ੍ਰਂ ਕਤਿਕਤਿ ਭਜਨ੍ਤੇ ਨ ਕਵਯਃ

ਸ਼੍ਰਿਯੋ ਦੇਵ੍ਯਾਃ ਕੋ ਵਾ ਨ ਭਵਤਿ ਪਤਿਃ ਕੈਰਪਿ ਧਨੈਃ ।

ਮਹਾਦੇਵਂ ਹਿਤ੍ਵਾ ਤਵ ਸਤਿ ਸਤੀਨਾਮਚਰਮੇ

ਕੁਚਾਭ੍ਯਾਮਾਸਙ੍ਗਃ ਕੁਰਵਕਤਰੋਰਪ੍ਯਸੁਲਭਃ ॥ 96 ॥

ਗਿਰਾਮਾਹੁਰ੍ਦੇਵੀਂ ਦ੍ਰੁਹਿਣਗृਹਿਣੀਮਾਗਮਵਿਦੋ

ਹਰੇਃ ਪਤ੍ਨੀਂ ਪਦ੍ਮਾਂ ਹਰਸਹਚਰੀਮਦ੍ਰਿਤਨਯਾਮ੍ ।

ਤੁਰੀਯਾ ਕਾਪਿ ਤ੍ਵਂ ਦੁਰਧਿਗਮਨਿਃਸੀਮਮਹਿਮਾ

ਮਹਾਮਾਯਾ ਵਿਸ਼੍ਵਂ ਭ੍ਰਮਯਸਿ ਪਰਬ੍ਰਹ੍ਮਮਹਿषਿ ॥ 97 ॥

ਕਦਾ ਕਾਲੇ ਮਾਤਃ ਕਥਯ ਕਲਿਤਾਲਕ੍ਤਕਰਸਂ

ਪਿਬੇਯਂ ਵਿਦ੍ਯਾਰ੍ਥੀ ਤਵ ਚਰਣਨਿਰ੍ਣੇਜਨਜਲਮ੍ ।

ਪ੍ਰਕृਤ੍ਯਾ ਮੂਕਾਨਾਮਪਿ ਚ ਕਵਿਤਾਕਾਰਣਤਯਾ

ਕਦਾ ਧਤ੍ਤੇ ਵਾਣੀਮੁਖਕਮਲਤਾਮ੍ਬੂਲਰਸਤਾਮ੍ ॥ 98 ॥

ਸਰਸ੍ਵਤ੍ਯਾ ਲਕ੍ष੍ਮ੍ਯਾ ਵਿਧਿਹਰਿਸਪਤ੍ਨੋ ਵਿਹਰਤੇ

ਰਤੇਃ ਪਾਤਿਵ੍ਰਤ੍ਯਂ ਸ਼ਿਥਿਲਯਤਿ ਰਮ੍ਯੇਣ ਵਪੁषਾ ।

ਚਿਰਂ ਜੀਵਨ੍ਨੇਵ ਕ੍षਪਿਤਪਸ਼ੁਪਾਸ਼ਵ੍ਯਤਿਕਰਃ

ਪਰਾਨਨ੍ਦਾਭਿਖ੍ਯਂ ਰਸਯਤਿ ਰਸਂ ਤ੍ਵਦ੍ਭਜਨਵਾਨ੍ ॥ 99 ॥

ਪ੍ਰਦੀਪਜ੍ਵਾਲਾਭਿਰ੍ਦਿਵਸਕਰਨੀਰਾਜਨਵਿਧਿਃ

ਸੁਧਾਸੂਤੇਸ਼੍ਚਨ੍ਦ੍ਰੋਪਲਜਲਲਵੈਰਰ੍ਘ੍ਯਰਚਨਾ ।

ਸ੍ਵਕੀਯੈਰਮ੍ਭੋਭਿਃ ਸਲਿਲਨਿਧਿਸੌਹਿਤ੍ਯਕਰਣਂ

ਤ੍ਵਦੀਯਾਭਿਰ੍ਵਾਗ੍ਭਿਸ੍ਤਵ ਜਨਨਿ ਵਾਚਾਂ ਸ੍ਤੁਤਿਰਿਯਮ੍ ॥ 100 ॥

ਸੌਨ੍ਦਰ੍ਯਲਹਰਿ ਮੁਖ੍ਯਸ੍ਤੋਤ੍ਰਂ ਸਂਵਾਰ੍ਤਦਾਯਕਮ੍ ।

ਭਗਵਦ੍ਪਾਦ ਸਨ੍ਕ੍ਲੁਪ੍ਤਂ ਪਠੇਨ੍ ਮੁਕ੍ਤੌ ਭਵੇਨ੍ਨਰਃ ॥

॥ ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ

ਸ਼੍ਰੀਗੋਵਿਨ੍ਦਭਗਵਤ੍ਪੂਜ੍ਯਪਾਦਸ਼ਿष੍ਯਸ੍ਯ

ਸ਼੍ਰੀਮਚ੍ਛਙ੍ਕਰਭਗਵਤਃ ਕृਤੌ ਸੌਨ੍ਦਰ੍ਯਲਹਰੀ ਸਮ੍ਪੂਰ੍ਣਾ ॥

॥ ੴ ਤਤ੍ਸਤ੍ ॥

(ਅਨੁਬਨ੍ਧਃ)

ਸਮਾਨੀਤਃ ਪਦ੍ਭ੍ਯਾਂ ਮਣਿਮੁਕੁਰਤਾਮਮ੍ਬਰਮਣਿ-

ਰ੍ਭਯਾਦਾਸ੍ਯਾਦਨ੍ਤਃਸ੍ਤਿਮਿਤਕਿਰਣਸ਼੍ਰੇਣਿਮਸृਣਃ ।

(ਪਾਠਭੇਦਃ - ਭਯਾਦਾਸ੍ਯ ਸ੍ਨਿਗ੍ਧਸ੍ਤ੍ਮਿਤ, ਭਯਾਦਾਸ੍ਯਸ੍ਯਾਨ੍ਤਃਸ੍ਤ੍ਮਿਤ)

ਦਧਾਤਿ ਤ੍ਵਦ੍ਵਕ੍ਤ੍ਰਮ੍ਪ੍ਰਤਿਫਲਨਮਸ਼੍ਰਾਨ੍ਤਵਿਕਚਂ

ਨਿਰਾਤਙ੍ਕਂ ਚਨ੍ਦ੍ਰਾਨ੍ਨਿਜਹृਦਯਪਙ੍ਕੇਰੁਹਮਿਵ ॥ 101 ॥

ਸਮੁਦ੍ਭੂਤਸ੍ਥੂਲਸ੍ਤਨਭਰਮੁਰਸ਼੍ਚਾਰੁ ਹਸਿਤਂ

ਕਟਾਕ੍षੇ ਕਨ੍ਦਰ੍ਪਃ ਕਤਿਚਨ ਕਦਮ੍ਬਦ੍ਯੁਤਿ ਵਪੁਃ ।

ਹਰਸ੍ਯ ਤ੍ਵਦ੍ਭ੍ਰਾਨ੍ਤਿਂ ਮਨਸਿ ਜਨਯਨ੍ਤਿ ਸ੍ਮ ਵਿਮਲਾਃ

ਪਾਠਭੇਦਃ - ਜਨਯਾਮਾਸ ਮਦਨੋ, ਜਨਯਨ੍ਤਃ ਸਮਤੁਲਾਂ, ਜਨਯਨ੍ਤਾ ਸੁਵਦਨੇ

ਭਵਤ੍ਯਾ ਯੇ ਭਕ੍ਤਾਃ ਪਰਿਣਤਿਰਮੀषਾਮਿਯਮੁਮੇ ॥ 102 ॥

ਨਿਧੇ ਨਿਤ੍ਯਸ੍ਮੇਰੇ ਨਿਰਵਧਿਗੁਣੇ ਨੀਤਿਨਿਪੁਣੇ

ਨਿਰਾਘਾਤਜ੍ਞਾਨੇ ਨਿਯਮਪਰਚਿਤ੍ਤੈਕਨਿਲਯੇ ।

ਨਿਯਤ੍ਯਾ ਨਿਰ੍ਮੁਕ੍ਤੇ ਨਿਖਿਲਨਿਗਮਾਨ੍ਤਸ੍ਤੁਤਿਪਦੇ

ਨਿਰਾਤਙ੍ਕੇ ਨਿਤ੍ਯੇ ਨਿਗਮਯ ਮਮਾਪਿ ਸ੍ਤੁਤਿਮਿਮਾਮ੍ ॥ 103 ॥

Roman (IAST) Transliteration

prathama bhāgaḥ - ānanda lahari

bhumauskhalita pādānāṃ bhūmirevā valambanam |

tvayī jātā parādhānāṃ tvameva śaraṇaṃ śive ||

śivaḥ śaktyā yukto yadi bhavati śaktaḥ prabhavituṃ

na cedevaṃ devo na khalu kuśalaḥ spanditumapi |

atastvāmārādhyāṃ hariharaviriñcādibhirapi

praṇantuṃ stotuṃ vā kathamakṛtapuṇyaḥ prabhavati || 1 ||

tanīyāṃsaṃ pāṃsuṃ tava caraṇapaṅkeruhabhavaṃ

viriñcissañcinvan viracayati lokānavikalam |

vahatyenaṃ śauriḥ kathamapi sahasreṇa śirasāṃ

harassaṅkṣudyainaṃ bhajati bhasitoddhūlanavidhim || 2 ||

avidyānāmanta-stimira-mihiradvīpanagarī

jaḍānāṃ caitanya-stabaka-makaranda-srutijharī |

daridrāṇāṃ cintāmaṇiguṇanikā janmajaladhau

nimagnānāṃ daṃṣṭrā muraripu-varāhasya bhavati || 3 ||

tvadanyaḥ pāṇibhyāmabhayavarado daivatagaṇaḥ

tvamekā naivāsi prakaṭitavarābhītyabhinayā |

bhayāt trātuṃ dātuṃ phalamapi ca vāñchāsamadhikaṃ

śaraṇye lokānāṃ tava hi caraṇāveva nipuṇau || 4 ||

haristvāmārādhya praṇatajanasaubhāgyajananīṃ

purā nārī bhūtvā puraripumapi kṣobhamanayat |

smaro'pi tvāṃ natvā ratinayanalehyena vapuṣā

munīnāmapyantaḥ prabhavati hi mohāya mahatām || 5 ||

dhanuḥ pauṣpaṃ maurvī madhukaramayī pañca viśikhāḥ

vasantaḥ sāmanto malayamarudāyodhanarathaḥ |

tathāpyekaḥ sarvaṃ himagirisute kāmapi kṛpām

apāṅgātte labdhvā jagadida-manaṅgo vijayate || 6 ||

kvaṇatkāñcīdāmā karikalabhakumbhastananatā

parikṣīṇā madhye pariṇataśaraccandravadanā |

dhanurbāṇān pāśaṃ sṛṇimapi dadhānā karatalaiḥ

purastādāstāṃ naḥ puramathiturāhopuruṣikā || 7 ||

sudhāsindhormadhye suraviṭapivāṭīparivṛte

maṇidvīpe nīpopavanavati cintāmaṇigṛhe |

śivākāre mañce paramaśivaparyaṅkanilayāṃ

bhajanti tvāṃ dhanyāḥ katicana cidānandalaharīm || 8 ||

mahīṃ mūlādhāre kamapi maṇipūre hutavahaṃ

sthitaṃ svādhiṣṭhāne hṛdi marutamākāśamupari |

mano'pi bhrūmadhye sakalamapi bhitvā kulapathaṃ

sahasrāre padme saha rahasi patyā viharase || 9 ||

sudhādhārāsāraiścaraṇayugalāntarvigalitaiḥ

prapañcaṃ siñcantī punarapi rasāmnāyamahasaḥ |

avāpya svāṃ bhūmiṃ bhujaganibhamadhyuṣṭavalayaṃ

svamātmānaṃ kṛtvā svapiṣi kulakuṇḍe kuhariṇi || 10 ||

caturbhiḥ śrīkaṇṭhaiḥ śivayuvatibhiḥ pañcabhirapi

prabhinnābhiḥ śambhornavabhirapi mūlaprakṛtibhiḥ |

catuścatvāriṃśadvasudalakalāśratrivalaya- [trayaścatvāri]

trirekhābhiḥ sārdhaṃ tava śaraṇakoṇāḥ pariṇatāḥ || 11 || [caraṇakoṇāḥ, bhavanakiṇāḥ]

tvadīyaṃ saundaryaṃ tuhinagirikanye tulayituṃ

kavīndrāḥ kalpante kathamapi viriñciprabhṛtayaḥ |

yadālokautsukyādamaralalanā yānti manasā

tapobhirduṣprāpāmapi giriśasāyujyapadavīm || 12 ||

naraṃ varṣīyāṃsaṃ nayanavirasaṃ narmasu jaḍaṃ

tavāpāṅgāloke patitamanudhāvanti śataśaḥ |

galadveṇībandhāḥ kucakalaśavisrastasicayā

haṭhāt truṭyatkāñcyo vigalitadukūlā yuvatayaḥ || 13 ||

kṣitau ṣaṭpañcāśad dvisamadhikapañcāśadudake

hutāśe dvāṣaṣṭiścaturadhikapañcāśadanile |

divi dviṣṣaṭtriṃśanmanasi ca catuṣṣaṣṭiriti ye

mayūkhāsteṣāmapyupari tava pādāmbujayugam || 14 ||

śarajjyotsnāśuddhāṃ śaśiyutajaṭājūṭamakuṭāṃ

varatrāsatrāṇasphaṭikaghaṭikāpustakakarām |

sakṛnna tvā natvā kathamiva satāṃ sannnidadhate

madhukṣīradrākṣāmadhurimadhurīṇāḥ bhaṇitayaḥ || 15|| [phaṇitayaḥ]

kavīndrāṇāṃ cetaḥkamalavanabālātaparuciṃ

bhajante ye santaḥ katicidaruṇāmeva bhavatīm |

viriñcipreyasyāstaruṇataraśṛṅgāralaharī-

gabhīrābhirvāgbhirvidadhati satāṃ rañjanamamī || 16 ||

savitrībhirvācāṃ śaśimaṇiśilābhaṅgarucibhiḥ

vaśinyādyābhistvāṃ saha janani sañcintayati yaḥ |

sa kartā kāvyānāṃ bhavati mahatāṃ bhaṅgirucibhiḥ

vacobhirvāgdevīvadanakamalāmodamadhuraiḥ || 17 ||

tanucchāyābhiste taruṇataraṇiśrīsaraṇibhiḥ

divaṃ sarvāmurvīmaruṇimani magnāṃ smarati yaḥ |

bhavantyasya trasyadvanahariṇaśālīnanayanāḥ

sahorvaśyā vaśyāḥ kati kati na gīrvāṇagaṇikāḥ || 18 ||

mukhaṃ binduṃ kṛtvā kucayugamadhastasya tadadho

harārdhaṃ dhyāyedyo haramahiṣi te manmathakalām |

sa sadyaḥ saṅkṣobhaṃ nayati vanitā ityatilaghu

trilokīmapyāśu bhramayati ravīndustanayugām || 19 ||

kirantīmaṅgebhyaḥ kiraṇanikurambāmṛtarasaṃ

hṛdi tvāmādhatte himakaraśilāmūrtimiva yaḥ |

sa sarpāṇāṃ darpaṃ śamayati śakuntādhipa iva

jvarapluṣṭān dṛṣṭyā sukhayati sudhādhārasirayā || 20 ||

taṭillekhātanvīṃ tapanaśaśivaiśvānaramayīṃ

niṣaṇṇāṃ ṣaṇṇāmapyupari kamalānāṃ tava kalām |

mahāpadmāṭavyāṃ mṛditamalamāyena manasā

mahāntaḥ paśyanto dadhati paramāhlādalaharīm || 21 ||

bhavāni tvaṃ dāse mayi vitara dṛṣṭiṃ sakaruṇā-

miti stotuṃ vāñchan kathayati bhavāni tvamiti yaḥ |

tadaiva tvaṃ tasmai diśasi nijasāyujyapadavīṃ

mukundabrahmendrasphuṭamakuṭanīrājitapadām || 22 ||

tvayā hṛtvā vāmaṃ vapurapari-tṛptena manasā

śarīrārdhaṃ śambhoraparamapi śaṅke hṛtamabhūt |

yadetattvadrūpaṃ sakalamaruṇābhaṃ trinayanaṃ

kucābhyāmānamraṃ kuṭilaśaśicūḍālamakuṭam || 23 ||

jagatsūte dhātā hariravati rudraḥ kṣapayate

tiraskurvannetatsvamapi vapurīśastirayati |

sadāpūrvaḥ sarvaṃ tadidamanugṛhṇāti ca śiva-

stavājñāmālambya kṣaṇacalitayorbhrūlatikayoḥ || 24 ||

trayāṇāṃ devānāṃ triguṇajanitānāṃ tava śive

bhavet pūjā pūjā tava caraṇayoryā viracitā |

tathā hi tvatpādodvahanamaṇipīṭhasya nikaṭe

sthitā hyete śaśvanmukulitakarottaṃsamakuṭāḥ || 25 ||

viriñciḥ pañcatvaṃ vrajati harirāpnoti viratiṃ

vināśaṃ kīnāśo bhajati dhanado yāti nidhanam |

vitandrī māhendrī vitatirapi sammīlitadṛśā

mahāsaṃhāre'smin viharati sati tvatpatirasau || 26 ||

japo jalpaḥ śilpaṃ sakalamapi mudrāviracanā

gatiḥ prādakṣiṇyakramaṇamaśanādyāhutividhiḥ |

praṇāmassaṃveśassukhamakhilamātmārpaṇadṛśā

saparyāparyāyastava bhavatu yanme vilasitam || 27 ||

sudhāmapyāsvādya pratibhayajarāmṛtyuhariṇīṃ

vipadyante viśve vidhiśatamakhādyā diviṣadaḥ |

karālaṃ yatkṣvelaṃ kabalitavataḥ kālakalanā

na śambhostanmūlaṃ tava janani tāṭaṅkamahimā || 28 ||

kirīṭaṃ vairiñcaṃ parihara puraḥ kaiṭabhabhidaḥ

kaṭhore koṭīre skhalasi jahi jambhārimukuṭam |

praṇamreṣveteṣu prasabhamupayātasya bhavanaṃ

bhavasyābhyutthāne tava parijanoktirvijayate || 29 ||

svadehodbhūtābhirghṛṇibhiraṇimādyābhirabhito

niṣevye nitye tvāmahamiti sadā bhāvayati yaḥ |

kimāścaryaṃ tasya trinayanasamṛddhiṃ tṛṇayato

mahāsaṃvartāgnirviracayati nirājanavidhim || 30 ||

catuṣṣaṣṭyā tantraiḥ sakalamatisandhāya bhuvanaṃ

sthitastattatsiddhiprasavaparatantraiḥ paśupatiḥ |

punastvannirbandhādakhilapuruṣārthaikaghaṭanā-

svatantraṃ te tantraṃ kṣititalamavātītaradidam || 31 ||

śivaḥ śaktiḥ kāmaḥ kṣitiratha raviḥ śītakiraṇaḥ

smaro haṃsaḥ śakrastadanu ca parāmāraharayaḥ |

amī hṛllekhābhistisṛbhiravasāneṣu ghaṭitā

bhajante varṇāste tava janani nāmāvayavatām || 32 ||

smaraṃ yoniṃ lakṣmīṃ tritayamidamādau tava mano-

rnidhāyaike nitye niravadhimahābhogarasikāḥ |

bhajanti tvāṃ cintāmaṇigunanibaddhākṣavalayāḥ

śivāgnau juhvantaḥ surabhighṛtadhārāhutiśataiḥ || 33 ||

śarīraṃ tvaṃ śambhoḥ śaśimihiravakṣoruhayugaṃ

tavātmānaṃ manye bhagavati navātmānamanagham |

ataśśeṣaśśeṣītyayamubhayasādhāraṇatayā

sthitaḥ sambandho vāṃ samarasaparānandaparayoḥ || 34 ||

manastvaṃ vyoma tvaṃ marudasi marutsārathirasi

tvamāpastvaṃ bhūmistvayi pariṇatāyāṃ na hi param |

tvameva svātmānaṃ pariṇamayituṃ viśvavapuṣā

cidānandākāraṃ śivayuvati bhāvena bibhṛṣe || 35 ||

tavājñācakrasthaṃ tapanaśaśikoṭidyutidharaṃ

paraṃ śambhuṃ vande parimilitapārśvaṃ paracitā |

yamārādhyan bhaktyā raviśaśiśucīnāmaviṣaye

nirāloke'loke nivasati hi bhālokabhuvane || 36 ||

viśuddhau te śuddhasphaṭikaviśadaṃ vyomajanakaṃ

śivaṃ seve devīmapi śivasamānavyavasitām |

yayoḥ kāntyā yāntyāḥ śaśikiraṇasārūpyasaraṇe-

vidhūtāntardhvāntā vilasati cakorīva jagatī || 37 ||

samunmīlat saṃvit kamalamakarandaikarasikaṃ

bhaje haṃsadvandvaṃ kimapi mahatāṃ mānasacaram |

yadālāpādaṣṭādaśaguṇitavidyāpariṇati-

ryadādatte doṣād guṇamakhilamadbhyaḥ paya iva || 38 ||

tava svādhiṣṭhāne hutavahamadhiṣṭhāya nirataṃ

tamīḍe saṃvartaṃ janani mahatīṃ tāṃ ca samayām |

yadāloke lokān dahati mahati krodhakalite

dayārdrā yā dṛṣṭiḥ śiśiramupacāraṃ racayati || 39 ||

taṭittvantaṃ śaktyā timiraparipanthisphuraṇayā

sphurannānāratnābharaṇapariṇaddhendradhanuṣam |

tava śyāmaṃ meghaṃ kamapi maṇipūraikaśaraṇaṃ

niṣeve varṣantaṃ haramihirataptaṃ tribhuvanam || 40 ||

tavādhāre mūle saha samayayā lāsyaparayā

navātmānaṃ manye navarasamahātāṇḍavanaṭam |

ubhābhyāmetābhyāmudayavidhimuddiśya dayayā

sanāthābhyāṃ jajñe janakajananīmajjagadidam || 41 ||

dvitīya bhāgaḥ - saundarya laharī

gatairmāṇikyatvaṃ gaganamaṇibhiḥ sāndraghaṭitaṃ

kirīṭaṃ te haimaṃ himagirisute kīrtayati yaḥ |

sa nīḍeyacchāyācchuraṇaśabalaṃ candraśakalaṃ

dhanuḥ śaunāsīraṃ kimiti na nibadhnāti dhiṣaṇām || 42 ||

dhunotu dhvāntaṃ nastulitadalitendīvaravanaṃ

ghanasnigdhaślakṣṇaṃ cikuranikurumbaṃ tava śive |

yadīyaṃ saurabhyaṃ sahajamupalabdhuṃ sumanaso

vasantyasmin manye valamathanavāṭīviṭapinām || 43 ||

tanotu kṣemaṃ nastava vadanasaundaryalaharī-

parīvāhasrotaḥsaraṇiriva sīmantasaraṇiḥ |

vahantī sindūraṃ prabalakabarībhāratimira-

dviṣāṃ bṛndairbandīkṛtamiva navīnārkakiraṇam || 44 ||

arālaiḥ svābhāvyādalikalabhasaśrībhiralakaiḥ

parītaṃ te vaktraṃ parihasati paṅkeruharucim |

darasmere yasmin daśanarucikiñjalkarucire

sugandhau mādyanti smaradahanacakṣurmadhulihaḥ || 45 ||

lalāṭaṃ lāvaṇyadyutivimalamābhāti tava ya-

ddvitīyaṃ tanmanye makuṭaghaṭitaṃ candraśakalam |

viparyāsanyāsādubhayamapi sambhūya ca mithaḥ

sudhālepasyūtiḥ pariṇamati rākāhimakaraḥ || 46 ||

bhruvau bhugne kiñcidbhuvanabhayabhaṅgavyasanini

tvadīye netrābhyāṃ madhukararucibhyāṃ dhṛtaguṇam |

dhanurmanye savyetarakaragṛhītaṃ ratipateḥ

prakoṣṭhe muṣṭau ca sthagayati nigūḍhāntaramume || 47 ||

ahaḥ sūte savyaṃ tava nayanamarkātmakatayā

triyāmāṃ vāmaṃ te sṛjati rajanīnāyakatayā |

tṛtīyā te dṛṣṭirdaradalitahemāmbujaruciḥ

samādhatte sandhyāṃ divasaniśayorantaracarīm || 48 ||

viśālā kalyāṇī sphuṭarucirayodhyā kuvalayaiḥ

kṛpādhārādhārā kimapi madhurābhogavatikā |

avantī dṛṣṭiste bahunagaravistāravijayā

dhruvaṃ tattannāmavyavaharaṇayogyā vijayate || 49 ||

kavīnāṃ sandarbhastabakamakarandaikarasikaṃ

kaṭākṣavyākṣepabhramarakalabhau karṇayugalam |

amuñcantau dṛṣṭvā tava navarasāsvādataralā-

vasūyāsaṃsargādalikanayanaṃ kiñcidaruṇam || 50 ||

śive śṛṅgārārdrā taditarajane kutsanaparā

saroṣā gaṅgāyāṃ giriśacarite vismayavatī |

harāhibhyo bhītā sarasiruhasaubhāgyajananī (jayinī)

sakhīṣu smerā te mayi jananī dṛṣṭiḥ sakaruṇā || 51 ||

gate karṇābhyarṇaṃ garuta iva pakṣmāṇi dadhatī

purāṃ bhettuścittapraśamarasavidrāvaṇaphale |

ime netre gotrādharapatikulottaṃsakalike

tavākarṇākṛṣṭasmaraśaravilāsaṃ kalayataḥ || 52 ||

vibhaktatraivarṇyaṃ vyatikaritalīlāñjanatayā

vibhāti tvannetratritayamidamīśānadayite |

punaḥ sraṣṭuṃ devān druhiṇaharirudrānuparatān

rajaḥ sattvaṃ bibhrattama iti guṇānāṃ trayamiva || 53 ||

pavitrīkartuṃ naḥ paśupatiparādhīnahṛdaye

dayāmitrairnetrairaruṇadhavalaśyāmarucibhiḥ |

nadaḥ śoṇo gaṅgā tapanatanayeti dhruvamamuṃ

trayāṇāṃ tīrthānāmupanayasi sambhedamanagham || 54 ||

nimeṣonmeṣābhyāṃ pralayamudayaṃ yāti jagatī

tavetyāhuḥ santo dharaṇidhararājanyatanaye |

tvadunmeṣājjātaṃ jagadidamaśeṣaṃ pralayataḥ

paritrātuṃ śaṅke parihṛtanimeṣāstava dṛśaḥ || 55 ||

tavāparṇe karṇejapanayanapaiśunyacakitā

nilīyante toye niyatamanimeṣāḥ śapharikāḥ |

iyaṃ ca śrīrbaddhacchadapuṭakavāṭaṃ kuvalayam

jahāti pratyūṣe niśi ca vighaṭayya praviśati || 56 ||

dṛśā drāghīyasyā daradalitanīlotpalarucā

davīyāṃsaṃ dīnaṃ snapaya kṛpayā māmapi śive |

anenāyaṃ dhanyo bhavati na ca te hāniriyatā

vane vā harmye vā samakaranipāto himakaraḥ || 57 ||

arālaṃ te pālīyugalamagarājanyatanaye

na keṣāmādhatte kusumaśarakodaṇḍakutukam |

tiraścīno yatra śravaṇapathamullaṅghya vilasa-

nnapāṅgavyāsaṅgo diśati śarasandhānadhiṣaṇām || 58 ||

sphuradgaṇḍābhogapratiphalitatāṭaṅkayugalaṃ

catuścakraṃ manye tava mukhamidaṃ manmatharatham |

yamāruhya druhyatyavanirathamarkenducaraṇaṃ

mahāvīro māraḥ pramathapataye sajjitavate || 59 ||

sarasvatyāḥ sūktīramṛtalaharīkauśalaharīḥ

pibantyāḥ śarvāṇi śravaṇaculukābhyāmaviralam |

camatkāraślāghācalitaśirasaḥ kuṇḍalagaṇo

jhaṇatkāraistāraiḥ prativacanamācaṣṭa iva te || 60 ||

asau nāsāvaṃśastuhinagirivaṃśadhvajapaṭi

tvadīyo nedīyaḥ phalatu phalamasmākamucitam |

vahannantarmuktāḥ śiśirataraniśvāsagalitaṃ

samṛddhyā yattāsāṃ bahirapi ca muktāmaṇidharaḥ || 61 ||

prakṛtyā raktāyāstava sudati dantacchadaruceḥ

pravakṣye sādṛśyaṃ janayatu phalaṃ vidrumalatā |

na bimbaṃ tadbimbapratiphalanarāgādaruṇitaṃ

tulāmadhyāroḍhuṃ kathamiva vilajjeta kalayā || 62 ||

smitajyotsnājālaṃ tava vadanacandrasya pibatāṃ

cakorāṇāmāsīdatirasatayā cañcujaḍimā |

ataste śītāṃśoramṛtalaharīmamlarucayaḥ

pibanti svacchandaṃ niśi niśi bhṛśaṃ kāñjikadhiyā || 63 ||

aviśrāntaṃ patyurguṇagaṇakathāmreḍanajapā

japāpuṣpacchāyā tava janani jihvā jayati sā |

yadagrāsīnāyāḥ sphaṭikadṛṣadacchacchavimayī

sarasvatyā mūrtiḥ pariṇamati māṇikyavapuṣā || 64 ||

raṇe jitvā daityānapahṛtaśirastraiḥ kavacibhir-

nivṛttaiścaṇḍāṃśatripuraharanirmālyavimukhaiḥ |

viśākhendropendraiḥ śaśiviśadakarpūraśakalā

vilīyante mātastava vadanatāmbūlakabalāḥ || 65 ||

vipañcyā gāyantī vividhamapadānaṃ paśupateḥ

tvayārabdhe vaktuṃ calitaśirasā sādhuvacane |

tadīyairmādhuryairapalapitatantrīkalaravāṃ

nijāṃ vīṇāṃ vāṇī niculayati colena nibhṛtam || 66 ||

karāgreṇa spṛṣṭaṃ tuhinagiriṇā vatsalatayā

girīśenodastaṃ muhuradharapānākulatayā |

karagrāhyaṃ śambhormukhamukuravṛntaṃ girisute

kathaṅkāraṃ brūmastava cibukamaupamyarahitam || 67 ||

bhujāśleṣān nityaṃ puradamayituḥ kaṇṭakavatī

tava grīvā dhatte mukhakamalanālaśriyamiyam |

svataḥ śvetā kālāgurubahulajambālamalinā

mṛṇālīlālityaṃ vahati yadadho hāralatikā || 68 ||

gale rekhāstisro gatigamakagītaikanipuṇe

vivāhavyānaddhapraguṇaguṇasaṅkhyāpratibhuvaḥ |

virājante nānāvidhamadhurarāgākarabhuvāṃ

trayāṇāṃ grāmāṇāṃ sthitiniyamasīmāna iva te || 69 ||

mṛṇālīmṛdvīnāṃ tava bhujalatānāṃ catasṛṇāṃ

caturbhiḥ saundaryaṃ sarasijabhavaḥ stauti vadanaiḥ |

nakhebhyaḥ santrasyan prathamamathanādandhakaripo-

ścaturṇāṃ śīrṣāṇāṃ samamabhayahastārpaṇadhiyā || 70 ||

nakhānāmuddyotairnavanalinarāgaṃ vihasatāṃ

karāṇāṃ te kāntiṃ kathaya kathayāmaḥ kathamume |

kayācidvā sāmyaṃ bhajatu kalayā hanta kamalaṃ

yadi krīḍallakṣmīcaraṇatalalākṣārasachaṇam || 71 ||

samaṃ devi skandadvipavadanapītaṃ stanayugaṃ

tavedaṃ naḥ khedaṃ haratu satataṃ prasnutamukham |

yadālokyāśaṅkākulitahṛdayo hāsajanakaḥ

svakumbhau herambaḥ parimṛśati hastena jhaḍiti || 72 ||

amū te vakṣojāvamṛtarasamāṇikyakutupau

na sandehaspando nagapatipatāke manasi naḥ |

pibantau tau yasmādaviditavadhūsaṅgarasikau

kumārāvadyāpi dviradavadanakrauñcadalanau || 73 ||

vahatyamba stamberamadanujakumbhaprakṛtibhiḥ

samārabdhāṃ muktāmaṇibhiramalāṃ hāralatikām |

kucābhogo bimbādhararucibhirantaḥ śabalitāṃ

pratāpavyāmiśrāṃ puradamayituḥ kīrtimiva te || 74 ||

tava stanyaṃ manye dharaṇidharakanye hṛdayataḥ

payaḥpārāvāraḥ parivahati sārasvatamiva |

dayāvatyā dattaṃ draviḍaśiśurāsvādya tava yat

kavīnāṃ prauḍhānāmajani kamanīyaḥ kavayitā || 75 ||

harakrodhajvālāvalibhiravalīḍhena vapuṣā

gabhīre te nābhīsarasi kṛtasaṅgo manasijaḥ |

samuttasthau tasmādacalatanaye dhūmalatikā

janastāṃ jānīte tava janani romāvaliriti || 76 ||

yadetat kālindītanutarataraṅgākṛti śive

kṛśe madhye kiñcijjanani tava yadbhāti sudhiyām |

vimardādanyo'nyaṃ kucakalaśayorantaragataṃ

tanūbhūtaṃ vyoma praviśadiva nābhiṃ kuhariṇīm || 77 ||

sthiro gaṅgāvartaḥ stanamukularomāvalilatā-

kalāvālaṃ kuṇḍaṃ kusumaśaratejohutabhujaḥ |

raterlīlāgāraṃ kimapi tava nābhirgirisute

biladvāraṃ siddhergiriśanayanānāṃ vijayate || 78 ||

nisargakṣīṇasya stanataṭabhareṇa klamajuṣo

namanmūrternārītilaka śanakaistruṭyata iva |

ciraṃ te madhyasya truṭitataṭinītīrataruṇā

samāvasthāsthemno bhavatu kuśalaṃ śailatanaye || 79 ||

kucau sadyaḥsvidyattaṭaghaṭitakūrpāsabhidurau

kaṣantau dormūle kanakakalaśābhau kalayatā |

tava trātuṃ bhaṅgādalamiti valagnaṃ tanubhuvā

tridhā naddhaṃ devi trivali lavalīvallibhiriva || 80 ||

gurutvaṃ vistāraṃ kṣitidharapatiḥ pārvati nijā-

nnitambādācchidya tvayi haraṇarūpeṇa nidadhe |

ataste vistīrṇo gururayamaśeṣāṃ vasumatīṃ

nitambaprāgbhāraḥ sthagayati laghutvaṃ nayati ca || 81 ||

karīndrāṇāṃ śuṇḍān kanakakadalīkāṇḍapaṭalī-

mubhābhyāmūrubhyāmubhayamapi nirjitya bhavatī |

suvṛttābhyāṃ patyuḥ praṇatikaṭhinābhyāṃ girisute

vidhijñe jānubhyāṃ vibudhakarikumbhadvayamasi || 82 ||

parājetuṃ rudraṃ dviguṇaśaragarbhau girisute

niṣaṅgau jaṅghe te viṣamaviśikho bāḍhamakṛta |

yadagre dṛśyante daśaśaraphalāḥ pādayugalī-

nakhāgracchadmānaḥ suramakuṭaśāṇaikaniśitāḥ || 83 ||

śrutīnāṃ mūrdhāno dadhati tava yau śekharatayā

mamāpyetau mātaḥ śirasi dayayā dhehi caraṇau |

yayoḥ pādyaṃ pāthaḥ paśupatijaṭājūṭataṭinī

yayorlākṣālakṣmīraruṇaharicūḍāmaṇiruciḥ || 84 ||

namovākaṃ brūmo nayanaramaṇīyāya padayo-

stavāsmai dvandvāya sphuṭarucirasālaktakavate |

asūyatyatyantaṃ yadabhihananāya spṛhayate

paśūnāmīśānaḥ pramadavanakaṅkelitarave || 85 ||

mṛṣā kṛtvā gotraskhalanamatha vailakṣyanamitaṃ

lalāṭe bhartāraṃ caraṇakamale tāḍayati te |

cirādantaḥśalyaṃ dahanakṛtamunmūlitavatā

tulākoṭikvāṇaiḥ kilikilitamīśānaripuṇā || 86 ||

himānīhantavyaṃ himagirinivāsaikacaturau

niśāyāṃ nidrāṇaṃ niśi caramabhāge ca viśadau |

varaṃ lakṣmīpātraṃ śriyamatisṛjantau samayināṃ

sarojaṃ tvatpādau janani jayataścitramiha kim || 87 ||

padaṃ te kīrtīnāṃ prapadamapadaṃ devi vipadāṃ

kathaṃ nītaṃ sadbhiḥ kaṭhinakamaṭhīkarparatulām |

kathaṃ vā bāhubhyāmupayamanakāle purabhidā

yadādāya nyastaṃ dṛṣadi dayamānena manasā || 88 ||

nakhairnākastrīṇāṃ karakamalasaṅkocaśaśibhi-

starūṇāṃ divyānāṃ hasata iva te caṇḍi caraṇau |

phalāni svaḥsthebhyaḥ kisalayakarāgreṇa dadatāṃ

daridrebhyo bhadrāṃ śriyamaniśamahnāya dadatau || 89 ||

dadāne dīnebhyaḥ śriyamaniśamāśānusadṛśī-

mamandaṃ saundaryaprakaramakarandaṃ vikirati |

tavāsmin mandārastabakasubhage yātu caraṇe

nimajjanmajjīvaḥ karaṇacaraṇaḥ ṣaṭcaraṇatām || 90 ||

padanyāsakrīḍāparicayamivārabdhumanasaḥ

skhalantaste khelaṃ bhavanakalahaṃsā na jahati |

atasteṣāṃ śikṣāṃ subhagamaṇimañjīraraṇita-

cchalādācakṣāṇaṃ caraṇakamalaṃ cārucarite || 91 ||

gatāste mañcatvaṃ druhiṇaharirudreśvarabhṛtaḥ

śivaḥ svacchacchāyāghaṭitakapaṭapracchadapaṭaḥ |

tvadīyānāṃ bhāsāṃ pratiphalanarāgāruṇatayā

śarīrī śṛṅgāro rasa iva dṛśāṃ dogdhi kutukam || 92 ||

arālā keśeṣu prakṛtisaralā mandahasite

śirīṣābhā citte dṛṣadupalaśobhā kucataṭe |

bhṛśaṃ tanvī madhye pṛthururasijārohaviṣaye

jagattrātuṃ śambhorjayati karuṇā kācidaruṇā || 93 ||

kalaṅkaḥ kastūrī rajanikarabimbaṃ jalamayaṃ

kalābhiḥ karpūrairmarakatakaraṇḍaṃ nibiḍitam |

atastvadbhogena pratidinamidaṃ riktakuharaṃ

vidhirbhūyo bhūyo nibiḍayati nūnaṃ tava kṛte || 94 ||

purārāterantaḥpuramasi tatastvaccaraṇayoḥ

saparyāmaryādā taralakaraṇānāmasulabhā |

tathā hyete nītāḥ śatamakhamukhāḥ siddhimatulāṃ

tava dvāropāntasthitibhiraṇimādyābhiramarāḥ || 95 ||

kalatraṃ vaidhātraṃ katikati bhajante na kavayaḥ

śriyo devyāḥ ko vā na bhavati patiḥ kairapi dhanaiḥ |

mahādevaṃ hitvā tava sati satīnāmacarame

kucābhyāmāsaṅgaḥ kuravakatarorapyasulabhaḥ || 96 ||

girāmāhurdevīṃ druhiṇagṛhiṇīmāgamavido

hareḥ patnīṃ padmāṃ harasahacarīmadritanayām |

turīyā kāpi tvaṃ duradhigamaniḥsīmamahimā

mahāmāyā viśvaṃ bhramayasi parabrahmamahiṣi || 97 ||

kadā kāle mātaḥ kathaya kalitālaktakarasaṃ

pibeyaṃ vidyārthī tava caraṇanirṇejanajalam |

prakṛtyā mūkānāmapi ca kavitākāraṇatayā

kadā dhatte vāṇīmukhakamalatāmbūlarasatām || 98 ||

sarasvatyā lakṣmyā vidhiharisapatno viharate

rateḥ pātivratyaṃ śithilayati ramyeṇa vapuṣā |

ciraṃ jīvanneva kṣapitapaśupāśavyatikaraḥ

parānandābhikhyaṃ rasayati rasaṃ tvadbhajanavān || 99 ||

pradīpajvālābhirdivasakaranīrājanavidhiḥ

sudhāsūteścandropalajalalavairarghyaracanā |

svakīyairambhobhiḥ salilanidhisauhityakaraṇaṃ

tvadīyābhirvāgbhistava janani vācāṃ stutiriyam || 100 ||

saundaryalahari mukhyastotraṃ saṃvārtadāyakam |

bhagavadpāda sankluptaṃ paṭhen muktau bhavennaraḥ ||

|| iti śrīmatparamahaṃsaparivrājakācāryasya

śrīgovindabhagavatpūjyapādaśiṣyasya

śrīmacchaṅkarabhagavataḥ kṛtau saundaryalaharī sampūrṇā ||

|| oṃ tatsat ||

(anubandhaḥ)

samānītaḥ padbhyāṃ maṇimukuratāmambaramaṇi-

rbhayādāsyādantaḥstimitakiraṇaśreṇimasṛṇaḥ |

(pāṭhabhedaḥ - bhayādāsya snigdhastmita, bhayādāsyasyāntaḥstmita)

dadhāti tvadvaktrampratiphalanamaśrāntavikacaṃ

nirātaṅkaṃ candrānnijahṛdayapaṅkeruhamiva || 101 ||

samudbhūtasthūlastanabharamuraścāru hasitaṃ

kaṭākṣe kandarpaḥ katicana kadambadyuti vapuḥ |

harasya tvadbhrāntiṃ manasi janayanti sma vimalāḥ

pāṭhabhedaḥ - janayāmāsa madano, janayantaḥ samatulāṃ, janayantā suvadane

bhavatyā ye bhaktāḥ pariṇatiramīṣāmiyamume || 102 ||

nidhe nityasmere niravadhiguṇe nītinipuṇe

nirāghātajñāne niyamaparacittaikanilaye |

niyatyā nirmukte nikhilanigamāntastutipade

nirātaṅke nitye nigamaya mamāpi stutimimām || 103 ||