Narayaniyam Dashaka 53 - Dhenukasuravadham

ॐ

ਨਾਰਾਯਣੀਯਂ ਦਸ਼ਕ 53 - ਧੇਨੁਕਾਸੁਰਵਧਮ੍

Vishnu Gurmukhi

ਅਤੀਤ੍ਯ ਬਾਲ੍ਯਂ ਜਗਤਾਂ ਪਤੇ ਤ੍ਵਮੁਪੇਤ੍ਯ ਪੌਗਣ੍ਡਵਯੋ ਮਨੋਜ੍ਞਮ੍ ।

ਉਪੇਕ੍ष੍ਯ ਵਤ੍ਸਾਵਨਮੁਤ੍ਸਵੇਨ ਪ੍ਰਾਵਰ੍ਤਥਾ ਗੋਗਣਪਾਲਨਾਯਾਮ੍ ॥1॥

ਉਪਕ੍ਰਮਸ੍ਯਾਨੁਗੁਣੈਵ ਸੇਯਂ ਮਰੁਤ੍ਪੁਰਾਧੀਸ਼ ਤਵ ਪ੍ਰਵृਤ੍ਤਿਃ ।

ਗੋਤ੍ਰਾਪਰਿਤ੍ਰਾਣਕृਤੇऽਵਤੀਰ੍ਣਸ੍ਤਦੇਵ ਦੇਵਾऽऽਰਭਥਾਸ੍ਤਦਾ ਯਤ੍ ॥2॥

ਕਦਾਪਿ ਰਾਮੇਣ ਸਮਂ ਵਨਾਨ੍ਤੇ ਵਨਸ਼੍ਰਿਯਂ ਵੀਕ੍ष੍ਯ ਚਰਨ੍ ਸੁਖੇਨ ।

ਸ਼੍ਰੀਦਾਮਨਾਮ੍ਨਃ ਸ੍ਵਸਖਸ੍ਯ ਵਾਚਾ ਮੋਦਾਦਗਾ ਧੇਨੁਕਕਾਨਨਂ ਤ੍ਵਮ੍ ॥3॥

ਉਤ੍ਤਾਲਤਾਲੀਨਿਵਹੇ ਤ੍ਵਦੁਕ੍ਤ੍ਯਾ ਬਲੇਨ ਧੂਤੇऽਥ ਬਲੇਨ ਦੋਰ੍ਭ੍ਯਾਮ੍ ।

ਮृਦੁਃ ਖਰਸ਼੍ਚਾਭ੍ਯਪਤਤ੍ਪੁਰਸ੍ਤਾਤ੍ ਫਲੋਤ੍ਕਰੋ ਧੇਨੁਕਦਾਨਵੋऽਪਿ ॥4॥

ਸਮੁਦ੍ਯਤੋ ਧੈਨੁਕਪਾਲਨੇऽਹਂ ਕਥਂ ਵਧਂ ਧੈਨੁਕਮਦ੍ਯ ਕੁਰ੍ਵੇ ।

ਇਤੀਵ ਮਤ੍ਵਾ ਧ੍ਰੁਵਮਗ੍ਰਜੇਨ ਸੁਰੌਘਯੋਦ੍ਧਾਰਮਜੀਘਨਸ੍ਤ੍ਵਮ੍ ॥5॥

ਤਦੀਯਭृਤ੍ਯਾਨਪਿ ਜਮ੍ਬੁਕਤ੍ਵੇਨੋਪਾਗਤਾਨਗ੍ਰਜਸਂਯੁਤਸ੍ਤ੍ਵਮ੍ ।

ਜਮ੍ਬੂਫਲਾਨੀਵ ਤਦਾ ਨਿਰਾਸ੍ਥਸ੍ਤਾਲੇषੁ ਖੇਲਨ੍ ਭਗਵਨ੍ ਨਿਰਾਸ੍ਥਃ ॥6॥

ਵਿਨਿਘ੍ਨਤਿ ਤ੍ਵਯ੍ਯਥ ਜਮ੍ਬੁਕੌਘਂ ਸਨਾਮਕਤ੍ਵਾਦ੍ਵਰੁਣਸ੍ਤਦਾਨੀਮ੍ ।

ਭਯਾਕੁਲੋ ਜਮ੍ਬੁਕਨਾਮਧੇਯਂ ਸ਼੍ਰੁਤਿਪ੍ਰਸਿਦ੍ਧਂ ਵ੍ਯਧਿਤੇਤਿ ਮਨ੍ਯੇ ॥7॥

ਤਵਾਵਤਾਰਸ੍ਯ ਫਲਂ ਮੁਰਾਰੇ ਸਞ੍ਜਾਤਮਦ੍ਯੇਤਿ ਸੁਰੈਰ੍ਨੁਤਸ੍ਤ੍ਵਮ੍ ।

ਸਤ੍ਯਂ ਫਲਂ ਜਾਤਮਿਹੇਤਿ ਹਾਸੀ ਬਾਲੈਃ ਸਮਂ ਤਾਲਫਲਾਨ੍ਯਭੁਙ੍ਕ੍ਥਾਃ ॥8॥

ਮਧੁਦ੍ਰਵਸ੍ਰੁਨ੍ਤਿ ਬृਹਨ੍ਤਿ ਤਾਨਿ ਫਲਾਨਿ ਮੇਦੋਭਰਭृਨ੍ਤਿ ਭੁਕ੍ਤ੍ਵਾ ।

ਤृਪ੍ਤੈਸ਼੍ਚ ਦृਪ੍ਤੈਰ੍ਭਵਨਂ ਫਲੌਘਂ ਵਹਦ੍ਭਿਰਾਗਾਃ ਖਲੁ ਬਾਲਕੈਸ੍ਤ੍ਵਮ੍ ॥9॥

ਹਤੋ ਹਤੋ ਧੇਨੁਕ ਇਤ੍ਯੁਪੇਤ੍ਯ ਫਲਾਨ੍ਯਦਦ੍ਭਿਰ੍ਮਧੁਰਾਣਿ ਲੋਕੈਃ ।

ਜਯੇਤਿ ਜੀਵੇਤਿ ਨੁਤੋ ਵਿਭੋ ਤ੍ਵਂ ਮਰੁਤ੍ਪੁਰਾਧੀਸ਼੍ਵਰ ਪਾਹਿ ਰੋਗਾਤ੍ ॥10॥

Roman (IAST) Transliteration

atītya bālyaṃ jagatāṃ pate tvamupetya paugaṇḍavayo manojñam |

upekṣya vatsāvanamutsavena prāvartathā gogaṇapālanāyām ||1||

upakramasyānuguṇaiva seyaṃ marutpurādhīśa tava pravṛttiḥ |

gotrāparitrāṇakṛte'vatīrṇastadeva devā''rabhathāstadā yat ||2||

kadāpi rāmeṇa samaṃ vanānte vanaśriyaṃ vīkṣya caran sukhena |

śrīdāmanāmnaḥ svasakhasya vācā modādagā dhenukakānanaṃ tvam ||3||

uttālatālīnivahe tvaduktyā balena dhūte'tha balena dorbhyām |

mṛduḥ kharaścābhyapatatpurastāt phalotkaro dhenukadānavo'pi ||4||

samudyato dhainukapālane'haṃ kathaṃ vadhaṃ dhainukamadya kurve |

itīva matvā dhruvamagrajena suraughayoddhāramajīghanastvam ||5||

tadīyabhṛtyānapi jambukatvenopāgatānagrajasaṃyutastvam |

jambūphalānīva tadā nirāsthastāleṣu khelan bhagavan nirāsthaḥ ||6||

vinighnati tvayyatha jambukaughaṃ sanāmakatvādvaruṇastadānīm |

bhayākulo jambukanāmadheyaṃ śrutiprasiddhaṃ vyadhiteti manye ||7||

tavāvatārasya phalaṃ murāre sañjātamadyeti surairnutastvam |

satyaṃ phalaṃ jātamiheti hāsī bālaiḥ samaṃ tālaphalānyabhuṅkthāḥ ||8||

madhudravasrunti bṛhanti tāni phalāni medobharabhṛnti bhuktvā |

tṛptaiśca dṛptairbhavanaṃ phalaughaṃ vahadbhirāgāḥ khalu bālakaistvam ||9||

hato hato dhenuka ityupetya phalānyadadbhirmadhurāṇi lokaiḥ |

jayeti jīveti nuto vibho tvaṃ marutpurādhīśvara pāhi rogāt ||10||