Narayaniyam Dashaka 40 - Putanamoksham

ॐ

ਨਾਰਾਯਣੀਯਂ ਦਸ਼ਕ 40 - ਪੂਤਨਾਮੋਕ੍षਮ੍

Vishnu Gurmukhi

ਤਦਨੁ ਨਨ੍ਦਮਮਨ੍ਦਸ਼ੁਭਾਸ੍ਪਦਂ ਨृਪਪੁਰੀਂ ਕਰਦਾਨਕृਤੇ ਗਤਮ੍।

ਸਮਵਲੋਕ੍ਯ ਜਗਾਦ ਭਵਤ੍ਪਿਤਾ ਵਿਦਿਤਕਂਸਸਹਾਯਜਨੋਦ੍ਯਮਃ ॥1॥

ਅਯਿ ਸਖੇ ਤਵ ਬਾਲਕਜਨ੍ਮ ਮਾਂ ਸੁਖਯਤੇऽਦ੍ਯ ਨਿਜਾਤ੍ਮਜਜਨ੍ਮਵਤ੍ ।

ਇਤਿ ਭਵਤ੍ਪਿਤृਤਾਂ ਵ੍ਰਜਨਾਯਕੇ ਸਮਧਿਰੋਪ੍ਯ ਸ਼ਸ਼ਂਸ ਤਮਾਦਰਾਤ੍ ॥2॥

ਇਹ ਚ ਸਨ੍ਤ੍ਯਨਿਮਿਤ੍ਤਸ਼ਤਾਨਿ ਤੇ ਕਟਕਸੀਮ੍ਨਿ ਤਤੋ ਲਘੁ ਗਮ੍ਯਤਾਮ੍ ।

ਇਤਿ ਚ ਤਦ੍ਵਚਸਾ ਵ੍ਰਜਨਾਯਕੋ ਭਵਦਪਾਯਭਿਯਾ ਦ੍ਰੁਤਮਾਯਯੌ ॥3॥

ਅਵਸਰੇ ਖਲੁ ਤਤ੍ਰ ਚ ਕਾਚਨ ਵ੍ਰਜਪਦੇ ਮਧੁਰਾਕृਤਿਰਙ੍ਗਨਾ ।

ਤਰਲषਟ੍ਪਦਲਾਲਿਤਕੁਨ੍ਤਲਾ ਕਪਟਪੋਤਕ ਤੇ ਨਿਕਟਂ ਗਤਾ ॥4॥

ਸਪਦਿ ਸਾ ਹृਤਬਾਲਕਚੇਤਨਾ ਨਿਸ਼ਿਚਰਾਨ੍ਵਯਜਾ ਕਿਲ ਪੂਤਨਾ ।

ਵ੍ਰਜਵਧੂष੍ਵਿਹ ਕੇਯਮਿਤਿ ਕ੍षਣਂ ਵਿਮृਸ਼ਤੀषੁ ਭਵਨ੍ਤਮੁਪਾਦਦੇ ॥5॥

ਲਲਿਤਭਾਵਵਿਲਾਸਹृਤਾਤ੍ਮਭਿਰ੍ਯੁਵਤਿਭਿਃ ਪ੍ਰਤਿਰੋਦ੍ਧੁਮਪਾਰਿਤਾ ।

ਸ੍ਤਨਮਸੌ ਭਵਨਾਨ੍ਤਨਿषੇਦੁषੀ ਪ੍ਰਦਦੁषੀ ਭਵਤੇ ਕਪਟਾਤ੍ਮਨੇ ॥5॥

ਸਮਧਿਰੁਹ੍ਯ ਤਦਙ੍ਕਮਸ਼ਙ੍ਕਿਤਸ੍ਤ੍ਵਮਥ ਬਾਲਕਲੋਪਨਰੋषਿਤਃ ।

ਮਹਦਿਵਾਮ੍ਰਫਲਂ ਕੁਚਮਣ੍ਡਲਂ ਪ੍ਰਤਿਚੁਚੂषਿਥ ਦੁਰ੍ਵਿषਦੂषਿਤਮ੍ ॥7॥

ਅਸੁਭਿਰੇਵ ਸਮਂ ਧਯਤਿ ਤ੍ਵਯਿ ਸ੍ਤਨਮਸੌ ਸ੍ਤਨਿਤੋਪਮਨਿਸ੍ਵਨਾ ।

ਨਿਰਪਤਦ੍ਭਯਦਾਯਿ ਨਿਜਂ ਵਪੁਃ ਪ੍ਰਤਿਗਤਾ ਪ੍ਰਵਿਸਾਰ੍ਯ ਭੁਜਾਵੁਭੌ ॥8॥

ਭਯਦਘੋषਣਭੀषਣਵਿਗ੍ਰਹਸ਼੍ਰਵਣਦਰ੍ਸ਼ਨਮੋਹਿਤਵਲ੍ਲਵੇ ।

ਵ੍ਰਜਪਦੇ ਤਦੁਰਃਸ੍ਥਲਖੇਲਨਂ ਨਨੁ ਭਵਨ੍ਤਮਗृਹ੍ਣਤ ਗੋਪਿਕਾਃ ॥9॥

ਭੁਵਨਮਙ੍ਗਲਨਾਮਭਿਰੇਵ ਤੇ ਯੁਵਤਿਭਿਰ੍ਬਹੁਧਾ ਕृਤਰਕ੍षਣਃ ।

ਤ੍ਵਮਯਿ ਵਾਤਨਿਕੇਤਨਨਾਥ ਮਾਮਗਦਯਨ੍ ਕੁਰੁ ਤਾਵਕਸੇਵਕਮ੍ ॥10॥

Roman (IAST) Transliteration

tadanu nandamamandaśubhāspadaṃ nṛpapurīṃ karadānakṛte gatam|

samavalokya jagāda bhavatpitā viditakaṃsasahāyajanodyamaḥ ||1||

ayi sakhe tava bālakajanma māṃ sukhayate'dya nijātmajajanmavat |

iti bhavatpitṛtāṃ vrajanāyake samadhiropya śaśaṃsa tamādarāt ||2||

iha ca santyanimittaśatāni te kaṭakasīmni tato laghu gamyatām |

iti ca tadvacasā vrajanāyako bhavadapāyabhiyā drutamāyayau ||3||

avasare khalu tatra ca kācana vrajapade madhurākṛtiraṅganā |

taralaṣaṭpadalālitakuntalā kapaṭapotaka te nikaṭaṃ gatā ||4||

sapadi sā hṛtabālakacetanā niśicarānvayajā kila pūtanā |

vrajavadhūṣviha keyamiti kṣaṇaṃ vimṛśatīṣu bhavantamupādade ||5||

lalitabhāvavilāsahṛtātmabhiryuvatibhiḥ pratiroddhumapāritā |

stanamasau bhavanāntaniṣeduṣī pradaduṣī bhavate kapaṭātmane ||5||

samadhiruhya tadaṅkamaśaṅkitastvamatha bālakalopanaroṣitaḥ |

mahadivāmraphalaṃ kucamaṇḍalaṃ praticucūṣitha durviṣadūṣitam ||7||

asubhireva samaṃ dhayati tvayi stanamasau stanitopamanisvanā |

nirapatadbhayadāyi nijaṃ vapuḥ pratigatā pravisārya bhujāvubhau ||8||

bhayadaghoṣaṇabhīṣaṇavigrahaśravaṇadarśanamohitavallave |

vrajapade taduraḥsthalakhelanaṃ nanu bhavantamagṛhṇata gopikāḥ ||9||

bhuvanamaṅgalanāmabhireva te yuvatibhirbahudhā kṛtarakṣaṇaḥ |

tvamayi vātaniketananātha māmagadayan kuru tāvakasevakam ||10||