Muka Pancha Shati 1 - Arya Shatakam

ॐ

ਮੂਕ ਪਞ੍ਚ ਸ਼ਤਿ 1 - ਆਰ੍ਯ ਸ਼ਤਕਮ੍

Shatakam Mooka Kavi Gurmukhi

ਕਾਰਣਪਰਚਿਦ੍ਰੂਪਾ ਕਾਞ੍ਚੀਪੁਰਸੀਮ੍ਨਿ ਕਾਮਪੀਠਗਤਾ ।

ਕਾਚਨ ਵਿਹਰਤਿ ਕਰੁਣਾ ਕਾਸ਼੍ਮੀਰਸ੍ਤਬਕਕੋਮਲਾਙ੍ਗਲਤਾ ॥1॥

ਕਞ੍ਚਨ ਕਾਞ੍ਚੀਨਿਲਯਂ ਕਰਧृਤਕੋਦਣ੍ਡਬਾਣਸृਣਿਪਾਸ਼ਮ੍ ।

ਕਠਿਨਸ੍ਤਨਭਰਨਮ੍ਰਂ ਕੈਵਲ੍ਯਾਨਨ੍ਦਕਨ੍ਦਮਵਲਮ੍ਬੇ ॥2॥

ਚਿਨ੍ਤਿਤਫਲਪਰਿਪੋषਣਚਿਨ੍ਤਾਮਣਿਰੇਵ ਕਾਞ੍ਚਿਨਿਲਯਾ ਮੇ ।

ਚਿਰਤਰਸੁਚਰਿਤਸੁਲਭਾ ਚਿਤ੍ਤਂ ਸ਼ਿਸ਼ਿਰਯਤੁ ਚਿਤ੍ਸੁਖਾਧਾਰਾ ॥3॥

ਕੁਟਿਲਕਚਂ ਕਠਿਨਕੁਚਂ ਕੁਨ੍ਦਸ੍ਮਿਤਕਾਨ੍ਤਿ ਕੁਙ੍ਕੁਮਚ੍ਛਾਯਮ੍ ।

ਕੁਰੁਤੇ ਵਿਹृਤਿਂ ਕਾਞ੍ਚ੍ਯਾਂ ਕੁਲਪਰ੍ਵਤਸਾਰ੍ਵਭੌਮਸਰ੍ਵਸ੍ਵਮ੍ ॥4॥

ਪਞ੍ਚਸ਼ਰਸ਼ਾਸ੍ਤ੍ਰਬੋਧਨਪਰਮਾਚਾਰ੍ਯੇਣ ਦृष੍ਟਿਪਾਤੇਨ ।

ਕਾਞ੍ਚੀਸੀਮ੍ਨਿ ਕੁਮਾਰੀ ਕਾਚਨ ਮੋਹਯਤਿ ਕਾਮਜੇਤਾਰਮ੍ ॥5॥

ਪਰਯਾ ਕਾਞ੍ਚੀਪੁਰਯਾ ਪਰ੍ਵਤਪਰ੍ਯਾਯਪੀਨਕੁਚਭਰਯਾ ।

ਪਰਤਨ੍ਤ੍ਰਾ ਵਯਮਨਯਾ ਪਙ੍ਕਜਸਬ੍ਰਹ੍ਮਚਾਰਿਲੋਚਨਯਾ ॥6॥

ਐਸ਼੍ਵਰ੍ਯਮਿਨ੍ਦੁਮੌਲੇਰੈਕਤ੍ਮ੍ਯਪ੍ਰਕृਤਿ ਕਾਞ੍ਚਿਮਧ੍ਯਗਤਮ੍ ।

ਐਨ੍ਦਵਕਿਸ਼ੋਰਸ਼ੇਖਰਮੈਦਮ੍ਪਰ੍ਯਂ ਚਕਾਸ੍ਤਿ ਨਿਗਮਾਨਾਮ੍ ॥7॥

ਸ਼੍ਰਿਤਕਮ੍ਪਸੀਮਾਨਂ ਸ਼ਿਥਿਲਿਤਪਰਮਸ਼ਿਵਧੈਰ੍ਯਮਹਿਮਾਨਮ੍ ।

ਕਲਯੇ ਪਟਲਿਮਾਨਂ ਕਞ੍ਚਨ ਕਞ੍ਚੁਕਿਤਭੁਵਨਭੂਮਾਨਮ੍ ॥8॥

ਆਦृਤਕਾਞ੍ਚੀਨਿਲਯਮਾਦ੍ਯਾਮਾਰੂਢਯੌਵਨਾਟੋਪਾਮ੍ ।

ਆਗਮਵਤਂਸਕਲਿਕਾਮਾਨਨ੍ਦਾਦ੍ਵੈਤਕਨ੍ਦਲੀਂ ਵਨ੍ਦੇ ॥9॥

ਤੁਙ੍ਗਾਭਿਰਾਮਕੁਚਭਰਸ਼ृਙ੍ਗਾਰਿਤਮਾਸ਼੍ਰਯਾਮਿ ਕਾਞ੍ਚਿਗਤਮ੍ ।

ਗਙ੍ਗਾਧਰਪਰਤਨ੍ਤ੍ਰਂ ਸ਼ृਙ੍ਗਾਰਾਦ੍ਵੈਤਤਨ੍ਤ੍ਰਸਿਦ੍ਧਾਨ੍ਤਮ੍ ॥10॥

ਕਾਞ੍ਚੀਰਤ੍ਨਵਿਭੂषਾਂ ਕਾਮਪਿ ਕਨ੍ਦਰ੍ਪਸੂਤਿਕਾਪਾਙ੍ਗੀਮ੍ ।

ਪਰਮਾਂ ਕਲਾਮੁਪਾਸੇ ਪਰਸ਼ਿਵਵਾਮਾਙ੍ਕਪੀਠਿਕਾਸੀਨਾਮ੍ ॥11॥

ਕਮ੍ਪਾਤੀਚਰਾਣਾਂ ਕਰੁਣਾਕੋਰਕਿਤਦृष੍ਟਿਪਾਤਾਨਾਮ੍ ।

ਕੇਲੀਵਨਂ ਮਨੋ ਮੇ ਕੇषਾਞ੍ਚਿਦ੍ਭਵਤੁ ਚਿਦ੍ਵਿਲਾਸਾਨਾਮ੍ ॥12॥

ਆਮ੍ਰਤਰੁਮੂਲਵਸਤੇਰਾਦਿਮਪੁਰੁषਸ੍ਯ ਨਯਨਪੀਯੂषਮ੍ ।

ਆਰਬ੍ਧਯੌਵਨੋਤ੍ਸਵਮਾਮ੍ਨਾਯਰਹਸ੍ਯਮਨ੍ਤਰਵਲਮ੍ਬੇ ॥13॥

ਅਧਿਕਾਞ੍ਚਿ ਪਰਮਯੋਗਿਭਿਰਾਦਿਮਪਰਪੀਠਸੀਮ੍ਨਿ ਦृਸ਼੍ਯੇਨ ।

ਅਨੁਬਦ੍ਧਂ ਮਮ ਮਾਨਸਮਰੁਣਿਮਸਰ੍ਵਸ੍ਵਸਮ੍ਪ੍ਰਦਾਯੇਨ ॥14॥

ਅਙ੍ਕਿਤਸ਼ਙ੍ਕਰਦੇਹਾਮਙ੍ਕੁਰਿਤੋਰੋਜਕਙ੍ਕਣਾਸ਼੍ਲੇषੈਃ ।

ਅਧਿਕਾਞ੍ਚਿ ਨਿਤ੍ਯਤਰੁਣੀਮਦ੍ਰਾਕ੍षਂ ਕਾਞ੍ਚਿਦਦ੍ਭੁਤਾਂ ਬਾਲਾਮ੍ ॥15॥

ਮਧੁਰਧਨੁषਾ ਮਹੀਧਰਜਨੁषਾ ਨਨ੍ਦਾਮਿ ਸੁਰਭਿਬਾਣਜੁषਾ ।

ਚਿਦ੍ਵਪੁषਾ ਕਾਞ੍ਚਿਪੁਰੇ ਕੇਲਿਜੁषਾ ਬਨ੍ਧੁਜੀਵਕਾਨ੍ਤਿਮੁषਾ ॥16॥

ਮਧੁਰਸ੍ਮਿਤੇਨ ਰਮਤੇ ਮਾਂਸਲਕੁਚਭਾਰਮਨ੍ਦਗਮਨੇਨ ।

ਮਧ੍ਯੇਕਾਞ੍ਚਿ ਮਨੋ ਮੇ ਮਨਸਿਜਸਾਮ੍ਰਾਜ੍ਯਗਰ੍ਵਬੀਜੇਨ ॥17॥

ਧਰਣਿਮਯੀਂ ਤਰਣਿਮਯੀਂ ਪਵਨਮਯੀਂ ਗਗਨਦਹਨਹੋਤृਮਯੀਮ੍ ।

ਅਮ੍ਬੁਮਯੀਮਿਨ੍ਦੁਮਯੀਮਮ੍ਬਾਮਨੁਕਮ੍ਪਮਾਦਿਮਾਮੀਕ੍षੇ ॥18॥

ਲੀਨਸ੍ਥਿਤਿ ਮੁਨਿਹृਦਯੇ ਧ੍ਯਾਨਸ੍ਤਿਮਿਤਂ ਤਪਸ੍ਯਦੁਪਕਮ੍ਪਮ੍ ।

ਪੀਨਸ੍ਤਨਭਰਮੀਡੇ ਮੀਨਧ੍ਵਜਤਨ੍ਤ੍ਰਪਰਮਤਾਤ੍ਪਰ੍ਯਮ੍ ॥19॥

ਸ਼੍ਵੇਤਾ ਮਨ੍ਥਰਹਸਿਤੇ ਸ਼ਾਤਾ ਮਧ੍ਯੇ ਚ ਵਾਡ੍ਭਨੋऽਤੀਤਾ ।

ਸ਼ੀਤਾ ਲੋਚਨਪਾਤੇ ਸ੍ਫੀਤਾ ਕੁਚਸੀਮ੍ਨਿ ਸ਼ਾਸ਼੍ਵਤੀ ਮਾਤਾ ॥20॥

ਪੁਰਤਃ ਕਦਾ ਨ ਕਰਵੈ ਪੁਰਵੈਰਿਵਿਮਰ੍ਦਪੁਲਕਿਤਾਙ੍ਗਲਤਾਮ੍ ।

ਪੁਨਤੀਂ ਕਾਞ੍ਚੀਦੇਸ਼ਂ ਪੁष੍ਪਾਯੁਧਵੀਰ੍ਯਸਰਸਪਰਿਪਾਟੀਮ੍ ॥21॥

ਪੁਣ੍ਯਾ ਕਾऽਪਿ ਪੁਰਨ੍ਧ੍ਰੀ ਪੁਙ੍ਖਿਤਕਨ੍ਦਰ੍ਪਸਮ੍ਪਦਾ ਵਪੁषਾ ।

ਪੁਲਿਨਚਰੀ ਕਮ੍ਪਾਯਾਃ ਪੁਰਮਥਨਂ ਪੁਲਕਨਿਚੁਲਿਤਂ ਕੁਰੁਤੇ ॥22॥

ਤਨਿਮਾਦ੍ਵੈਤਵਲਗ੍ਨਂ ਤਰੁਣਾਰੁਣਸਮ੍ਪ੍ਰਦਾਯਤਨੁਲੇਖਮ੍ ।

ਤਟਸੀਮਨਿ ਕਮ੍ਪਾਯਾਸ੍ਤਰੁਣਿਮਸਰ੍ਵਸ੍ਵਮਾਦ੍ਯਮਦ੍ਰਾਕ੍षਮ੍ ॥23॥

ਪੌष੍ਟਿਕਕਰ੍ਮਵਿਪਾਕਂ ਪੌष੍ਪਸ਼ਰਂ ਸਵਿਧਸੀਮ੍ਨਿ ਕਮ੍ਪਾਯਾਃ ।

ਅਦ੍ਰਾਕ੍षਮਾਤ੍ਤਯੌਵਨਮਭ੍ਯੁਦਯਂ ਕਞ੍ਚਿਦਰ੍ਧਸ਼ਸ਼ਿਮੌਲੈਃ ॥24॥

ਸਂਸ਼੍ਰਿਤਕਾਞ੍ਚੀਦੇਸ਼ੇ ਸਰਸਿਜਦੌਰ੍ਭਾਗ੍ਯਜਾਗ੍ਰਦੁਤ੍ਤਂਸੇ ।

ਸਂਵਿਨ੍ਮਯੇ ਵਿਲੀਯੇ ਸਾਰਸ੍ਵਤਪੁਰੁषਕਾਰਸਾਮ੍ਰਾਜ੍ਯੇ ॥25॥

ਮੋਦਿਤਮਧੁਕਰਵਿਸ਼ਿਖਂ ਸ੍ਵਾਦਿਮਸਮੁਦਾਯਸਾਰਕੋਦਣ੍ਡਮ੍ ।

ਆਦृਤਕਾਞ੍ਚੀਖੇਲਨਮਾਦਿਮਮਾਰੁਣ੍ਯਭੇਦਮਾਕਲਯੇ ॥26॥

ਉਰਰੀਕृਤਕਾਞ੍ਚਿਪੁਰੀਮੁਪਨਿषਦਰਵਿਨ੍ਦਕੁਹਰਮਧੁਧਾਰਾਮ੍ ।

ਉਨ੍ਨਮ੍ਰਸ੍ਤਨਕਲਸ਼ੀਮੁਤ੍ਸਵਲਹਰੀਮੁਪਾਸ੍ਮਹੇ ਸ਼ਮ੍ਭੋਃ ॥27॥

ਏਣਸ਼ਿਸ਼ੁਦੀਰ੍ਘਲੋਚਨਮੇਨਃਪਰਿਪਨ੍ਥਿ ਸਨ੍ਤਤਂ ਭਜਤਾਮ੍ ।

ਏਕਾਮ੍ਰਨਾਥਜੀਵਿਤਮੇਵਮ੍ਪਦਦੂਰਮੇਕਮਵਲਮ੍ਬੇ ॥28॥

ਸ੍ਮਯਮਾਨਮੁਖਂ ਕਾਞ੍ਚੀਭਯਮਾਨਂ ਕਮਪਿ ਦੇਵਤਾਭੇਦਮ੍ ।

ਦਯਮਾਨਂ ਵੀਕ੍ष੍ਯ ਮੁਹੁਰ੍ਵਯਮਾਨਨ੍ਦਾਮृਤਾਮ੍ਬੁਧੌ ਮਗ੍ਨਾਃ ॥29॥

ਕੁਤੁਕਜੁषਿ ਕਾਞ੍ਚਿਦੇਸ਼ੇ ਕੁਮੁਦਤਪੋਰਾਸ਼ਿਪਾਕਸ਼ੇਖਰਿਤੇ ।

ਕੁਰੁਤੇ ਮਨੋਵਿਹਾਰਂ ਕੁਲਗਿਰਿਪਰਿਬृਢਕੁਲੈਕਮਣਿਦੀਪੇ ॥30॥

ਵੀਕ੍षੇਮਹਿ ਕਾਞ੍ਚਿਪੁਰੇ ਵਿਪੁਲਸ੍ਤਨਕਲਸ਼ਗਰਿਮਪਰਵਸ਼ਿਤਮ੍ ।

ਵਿਦ੍ਰੁਮਸਹਚਰਦੇਹਂ ਵਿਭ੍ਰਮਸਮਵਾਯਸਾਰਸਨ੍ਨਾਹਮ੍ ॥31॥

ਕੁਰੁਵਿਨ੍ਦਗੋਤ੍ਰਗਾਤ੍ਰਂ ਕੂਲਚਰਂ ਕਮਪਿ ਨੌਮਿ ਕਮ੍ਪਾਯਾਃ ।

ਕੂਲਙ੍ਕषਕੁਚਕੁਮ੍ਭਂ ਕੁਸੁਮਾਯੁਧਵੀਰ੍ਯਸਾਰਸਂਰਮ੍ਭਮ੍ ॥32॥

ਕੁਡੂਮਲਿਤਕੁਚਕਿਸ਼ੋਰੈਃ ਕੁਰ੍ਵਾਣੈਃ ਕਾਞ੍ਚਿਦੇਸ਼ਸੌਹਾਰ੍ਦਮ੍ ।

ਕੁਙ੍ਕੁਮਸ਼ੋਣੈਰ੍ਨਿਚਿਤਂ ਕੁਸ਼ਲਪਥਂ ਸ਼ਮ੍ਭੁਸੁਕृਤਸਮ੍ਭਾਰੈਃ ॥33॥

ਅਙ੍ਕਿਤਕਚੇਨ ਕੇਨਚਿਦਨ੍ਧਙ੍ਕਰਣੌषਧੇਨ ਕਮਲਾਨਾਮ੍ ।

ਅਨ੍ਤਃਪੁਰੇਣ ਸ਼ਮ੍ਭੋਰਲਙ੍ਕ੍ਰਿਯਾ ਕਾऽਪਿ ਕਲ੍ਪ੍ਯਤੇ ਕਾਞ੍ਚ੍ਯਾਮ੍ ॥34॥

ਊਰੀਕਰੋਮਿ ਸਨ੍ਤਤਮੂष੍ਮਲਫਾਲੇਨ ਲਲਿਤਂ ਪੁਂਸਾ ।

ਉਪਕਮ੍ਪਮੁਚਿਤਖੇਲਨਮੁਰ੍ਵੀਧਰਵਂਸ਼ਸਮ੍ਪਦੁਨ੍ਮੇषਮ੍ ॥35॥

ਅਙ੍ਕੁਰਿਤਸ੍ਤਨਕੋਰਕਮਙ੍ਕਾਲਙ੍ਕਾਰਮੇਕਚੂਤਪਤੇਃ ।

ਆਲੋਕੇਮਹਿ ਕੋਮਲਮਾਗਮਸਂਲਾਪਸਾਰਯਾਥਾਰ੍ਥ੍ਯਮ੍ ॥36॥

ਪੁਞ੍ਜਿਤਕਰੁਣਮੁਦਞ੍ਚਿਤਸ਼ਿਞ੍ਜਿਤਮਣਿਕਾਞ੍ਚਿ ਕਿਮਪਿ ਕਾਞ੍ਚਿਪੁਰੇ ।

ਮਞ੍ਜਰਿਤਮृਦੁਲਹਾਸਂ ਪਿਞ੍ਜਰਤਨੁਰੁਚਿ ਪਿਨਾਕਿਮੂਲਧਨਮ੍ ॥37॥

ਲੋਲਹृਦਯੋऽਸ੍ਤਿ ਸ਼ਮ੍ਭੋਰ੍ਲੋਚਨਯੁਗਲੇਨ ਲੇਹ੍ਯਮਾਨਾਯਾਮ੍ ।

ਲਲਿਤਪਰਮਸ਼ਿਵਾਯਾਂ ਲਾਵਣ੍ਯਾਮृਤਤਰਙ੍ਗਮਾਲਾਯਾਮ੍ ॥38॥

ਮਧੁਕਰਸਹਚਰਚਿਕੁਰੈਰ੍ਮਦਨਾਗਮਸਮਯਦੀਕ੍षਿਤਕਟਾਕ੍षੈਃ ।

ਮਣ੍ਡਿਤਕਮ੍ਪਾਤੀਰੈਰ੍ਮਙ੍ਗਲਕਨ੍ਦੈਰ੍ਮਮਾਸ੍ਤੁ ਸਾਰੂਪ੍ਯਮ੍ ॥39॥

ਵਦਨਾਰਵਿਨ੍ਦਵਕ੍षੋਵਾਮਾਙ੍ਕਤਟੀਵਸ਼ਂਵਦੀਭੂਤਾ ।

ਪੂਰੁषਤ੍ਰਿਤਯੇ ਤ੍ਰੇਧਾ ਪੁਰਨ੍ਧ੍ਰਿਰੂਪਾ ਤ੍ਵਮੇਵ ਕਾਮਾਕ੍षਿ ॥40॥

ਬਾਧਾਕਰੀਂ ਭਵਾਬ੍ਧੇਰਾਧਾਰਾਦ੍ਯਮ੍ਬੁਜੇषੁ ਵਿਚਰਨ੍ਤੀਮ੍ ।

ਆਧਾਰੀਕृਤਕਾਞ੍ਚੀ ਬੋਧਾਮृਤਵੀਚਿਮੇਵ ਵਿਮृਸ਼ਾਮਃ ॥41॥

ਕਲਯਾਮ੍ਯਨ੍ਤਃ ਸ਼ਸ਼ਧਰਕਲਯਾऽਙ੍ਕਿਤਮੌਲਿਮਮਲਚਿਦ੍ਵਲਯਾਮ੍ ।

ਅਲਯਾਮਾਗਮਪੀਠੀਨਿਲਯਾਂ ਵਲਯਾਙ੍ਕਸੁਨ੍ਦਰੀਮਮ੍ਬਾਮ੍ ॥42॥

ਸ਼ਰ੍ਵਾਦਿਪਰਮਸਾਧਕਗੁਰ੍ਵਾਨੀਤਾਯ ਕਾਮਪੀਠਜੁषੇ ।

ਸਰ੍ਵਾਕृਤਯੇ ਸ਼ੋਣਿਮਗਰ੍ਵਾਯਾਸ੍ਮੈ ਸਮਰ੍ਪ੍ਯਤੇ ਹृਦਯਮ੍ ॥43॥

ਸਮਯਾ ਸਾਨ੍ਧ੍ਯਮਯੂਖੈਃ ਸਮਯਾ ਬੁਦ੍ਧਯਾ ਸਦੈਵ ਸ਼ੀਲਿਤਯਾ ।

ਉਮਯਾ ਕਾਞ੍ਚੀਰਤਯਾ ਨ ਮਯਾ ਲਭ੍ਯਤੇ ਕਿਂ ਨੁ ਤਾਦਾਤ੍ਮ੍ਯਮ੍ ॥44॥

ਜਨ੍ਤੋਸ੍ਤਵ ਪਦਪੂਜਨਸਨ੍ਤੋषਤਰਙ੍ਗਿਤਸ੍ਯ ਕਾਮਾਕ੍षਿ ।

ਵਨ੍ਧੋ ਯਦਿ ਭਵਤਿ ਪੁਨਃ ਸਿਨ੍ਧੋਰਮ੍ਭਸ੍ਸੁ ਬਮ੍ਭ੍ਰਮੀਤਿ ਸ਼ਿਲਾ ॥45॥

ਕੁਣ੍ਡਲਿ ਕੁਮਾਰਿ ਕੁਟਿਲੇ ਚਣ੍ਡਿ ਚਰਾਚਰਸਵਿਤ੍ਰਿ ਚਾਮੁਣ੍ਡੇ ।

ਗੁਣਿਨਿ ਗੁਹਾਰਿਣਿ ਗੁਹ੍ਯੇ ਗੁਰੁਮੂਰ੍ਤੇ ਤ੍ਵਾਂ ਨਮਾਮਿ ਕਾਮਾਕ੍षਿ ॥46॥

ਅਭਿਦਾਕृਤਿਰ੍ਭਿਦਾਕृਤਿਰਚਿਦਾਕृਤਿਰਪਿ ਚਿਦਾਕृਤਿਰ੍ਮਾਤਃ ।

ਅਨਹਨ੍ਤਾ ਤ੍ਵਮਹਨ੍ਤਾ ਭ੍ਰਮਯਸਿ ਕਾਮਾਕ੍षਿ ਸ਼ਾਸ਼੍ਵਤੀ ਵਿਸ਼੍ਵਮ੍ ॥47॥

ਸ਼ਿਵ ਸ਼ਿਵ ਪਸ਼੍ਯਨ੍ਤਿ ਸਮਂ ਸ਼੍ਰੀਕਾਮਾਕ੍षੀਕਟਾਕ੍षਿਤਾਃ ਪੁਰੁषਾਃ ।

ਵਿਪਿਨਂ ਭਵਨਮਮਿਤ੍ਰਂ ਮਿਤ੍ਰਂ ਲੋष੍ਟਂ ਚ ਯੁਵਤਿਬਿਮ੍ਬੋष੍ਠਮ੍ ॥48॥

ਕਾਮਪਰਿਪਨ੍ਥਿਕਾਮਿਨਿ ਕਾਮੇਸ਼੍ਵਰਿ ਕਾਮਪੀਠਮਧ੍ਯਗਤੇ ।

ਕਾਮਦੁਘਾ ਭਵ ਕਮਲੇ ਕਾਮਕਲੇ ਕਾਮਕੋਟਿ ਕਾਮਾਕ੍षਿ ॥49॥

ਮਧ੍ਯੇਹृਦਯਂ ਮਧ੍ਯੇਨਿਟਿਲਂ ਮਧ੍ਯੇਸ਼ਿਰੋऽਪਿ ਵਾਸ੍ਤਵ੍ਯਾਮ੍ ।

ਚਣ੍ਡਕਰਸ਼ਕ੍ਰਕਾਰ੍ਮੁਕਚਨ੍ਦ੍ਰਸਮਾਭਾਂ ਨਮਾਮਿ ਕਾਮਾਕ੍षੀਮ੍ ॥50॥

ਅਧਿਕਾਞ੍ਚਿ ਕੇਲਿਲੋਲੈਰਖਿਲਾਗਮਯਨ੍ਤ੍ਰਤਨ੍ਤ੍ਰਮਯੈਃ ।

ਅਤਿਸ਼ੀਤਂ ਮਮ ਮਾਨਸਮਸਮਸ਼ਰਦ੍ਰੋਹਿਜੀਵਨੋਪਾਯੈਃ ॥51॥

ਨਨ੍ਦਤਿ ਮਮ ਹृਦਿ ਕਾਚਨ ਮਨ੍ਦਿਰਯਨ੍ਤੀ ਨਿਰਨ੍ਤਰਂ ਕਾਞ੍ਚੀਮ੍ ।

ਇਨ੍ਦੁਰਵਿਮਣ੍ਡਲਕੁਚਾ ਬਿਨ੍ਦੁਵਿਯਨ੍ਨਾਦਪਰਿਣਤਾ ਤਰੁਣੀ ॥52॥

ਸ਼ਮ੍ਪਾਲਤਾਸਵਰ੍ਣਂ ਸਮ੍ਪਾਦਯਿਤੁਂ ਭਵਜ੍ਵਰਚਿਕਿਤ੍ਸਾਮ੍ ।

ਲਿਮ੍ਪਾਮਿ ਮਨਸਿ ਕਿਞ੍ਚਨ ਕਮ੍ਪਾਤਟਰੋਹਿ ਸਿਦ੍ਧਭੈषਜ੍ਯਮ੍ ॥53॥

ਅਨੁਮਿਤਕੁਚਕਾਠਿਨ੍ਯਾਮਧਿਵਕ੍षਃਪੀਠਮਙ੍ਗਜਨ੍ਮਰਿਪੋਃ ।

ਆਨਨ੍ਦਦਾਂ ਭਜੇ ਤਾਮਾਨਙ੍ਗਬ੍ਰਹ੍ਮਤਤ੍ਵਬੋਧਸਿਰਾਮ੍ ॥54॥

ਐਕ੍षਿषਿ ਪਾਸ਼ਾਙ੍ਕੁਸ਼ਧਰਹਸ੍ਤਾਨ੍ਤਂ ਵਿਸ੍ਮਯਾਰ੍ਹਵृਤ੍ਤਾਨ੍ਤਮ੍ ।

ਅਧਿਕਾਞ੍ਚਿ ਨਿਗਮਵਾਚਾਂ ਸਿਦ੍ਧਾਨ੍ਤਂ ਸ਼ੂਲਪਾਣਿਸ਼ੁਦ੍ਧਾਨ੍ਤਮ੍ ॥55॥

ਆਹਿਤਵਿਲਾਸਭਙ੍ਗੀਮਾਬ੍ਰਹ੍ਮਸ੍ਤਮ੍ਬਸ਼ਿਲ੍ਪਕਲ੍ਪਨਯਾ ।

ਆਸ਼੍ਰਿਤਕਾਞ੍ਚੀਮਤੁਲਾਮਾਦ੍ਯਾਂ ਵਿਸ੍ਫੂਰ੍ਤਿਮਾਦ੍ਰਿਯੇ ਵਿਦ੍ਯਾਮ੍ ॥56॥

ਮੂਕੋऽਪਿ ਜਟਿਲਦੁਰ੍ਗਤਿਸ਼ੋਕੋऽਪਿ ਸ੍ਮਰਤਿ ਯਃ ਕ੍षਣਂ ਭਵਤੀਮ੍ ।

ਏਕੋ ਭਵਤਿ ਸ ਜਨ੍ਤੁਰ੍ਲੋਕੋਤ੍ਤਰਕੀਰ੍ਤਿਰੇਵ ਕਾਮਾਕ੍षਿ ॥57॥

ਪਞ੍ਚਦਸ਼ਵਰ੍ਣਰੂਪਂ ਕਞ੍ਚਨ ਕਾਞ੍ਚੀਵਿਹਾਰਧੌਰੇਯਮ੍ ।

ਪਞ੍ਚਸ਼ਰੀਯਂ ਸ਼ਮ੍ਭੋਰ੍ਵਞ੍ਚਨਵੈਦਗ੍ਧ੍ਯਮੂਲਮਵਲਮ੍ਬੇ ॥58॥

ਪਰਿਣਤਿਮਤੀਂ ਚਤੁਰ੍ਧਾ ਪਦਵੀਂ ਸੁਧਿਯਾਂ ਸਮੇਤ੍ਯ ਸੌषੁਮ੍ਨੀਮ੍ ।

ਪਞ੍ਚਾਸ਼ਦਰ੍ਣਕਲ੍ਪਿਤਮਦਸ਼ਿਲ੍ਪਾਂ ਤ੍ਵਾਂ ਨਮਾਮਿ ਕਾਮਾਕ੍षਿ ॥59॥

ਆਦਿਕ੍षਨ੍ਮਮ ਗੁਰੁਰਾਡਾਦਿਕ੍षਾਨ੍ਤਾਕ੍षਰਾਤ੍ਮਿਕਾਂ ਵਿਦ੍ਯਾਮ੍ ।

ਸ੍ਵਾਦਿष੍ਠਚਾਪਦਣ੍ਡਾਂ ਨੇਦਿष੍ਠਾਮੇਵ ਕਾਮਪੀਠਗਤਾਮ੍ ॥60॥

ਤੁष੍ਯਾਮਿ ਹਰ੍षਿਤਸ੍ਮਰਸ਼ਾਸਨਯਾ ਕਾਞ੍ਚਿਪੁਰਕृਤਾਸਨਯਾ ।

ਸ੍ਵਾਸਨਯਾ ਸਕਲਜਗਦ੍ਭਾਸਨਯਾ ਕਲਿਤਸ਼ਮ੍ਬਰਾਸਨਯਾ ॥61॥

ਪ੍ਰੇਮਵਤੀ ਕਮ੍ਪਾਯਾਂ ਸ੍ਥੇਮਵਤੀ ਯਤਿਮਨਸ੍ਸੁ ਭੂਮਵਤੀ ।

ਸਾਮਵਤੀ ਨਿਤ੍ਯਗਿਰਾ ਸੋਮਵਤੀ ਸ਼ਿਰਸਿ ਭਾਤਿ ਹੈਮਵਤੀ ॥62॥

ਕੌਤੁਕਿਨਾ ਕਮ੍ਪਾਯਾਂ ਕੌਸੁਮਚਾਪੇਨ ਕੀਲਿਤੇਨਾਨ੍ਤਃ ।

ਕੁਲਦੈਵਤੇਨ ਮਹਤਾ ਕੁਡ੍ਮਲਮੁਦ੍ਰਾਂ ਧੁਨੋਤੁ ਨਃਪ੍ਰਤਿਭਾ ॥63॥

ਯੂਨਾ ਕੇਨਾਪਿ ਮਿਲਦ੍ਦੇਹਾ ਸ੍ਵਾਹਾਸਹਾਯਤਿਲਕੇਨ ।

ਸਹਕਾਰਮੂਲਦੇਸ਼ੇ ਸਂਵਿਦ੍ਰੂਪਾ ਕੁਟੁਮ੍ਬਿਨੀ ਰਮਤੇ ॥64॥

ਕੁਸੁਮਸ਼ਰਗਰ੍ਵਸਮ੍ਪਤ੍ਕੋਸ਼ਗृਹਂ ਭਾਤਿ ਕਾਞ੍ਚਿਦੇਸ਼ਗਤਮ੍ ।

ਸ੍ਥਾਪਿਤਮਸ੍ਮਿਨ੍ਕਥਮਪਿ ਗੋਪਿਤਮਨ੍ਤਰ੍ਮਯਾ ਮਨੋਰਤ੍ਨਮ੍ ॥65॥

ਦਗ੍ਧषਡਧ੍ਵਾਰਣ੍ਯਂ ਦਰਦਲਿਤਕੁਸੁਮ੍ਭਸਮ੍ਭृਤਾਰੁਣ੍ਯਮ੍ ।

ਕਲਯੇ ਨਵਤਾਰੁਣ੍ਯਂ ਕਮ੍ਪਾਤਟਸੀਮ੍ਨਿ ਕਿਮਪਿ ਕਾਰੁਣ੍ਯਮ੍ ॥66॥

ਅਧਿਕਾਞ੍ਚਿ ਵਰ੍ਧਮਾਨਾਮਤੁਲਾਂ ਕਰਵਾਣਿ ਪਾਰਣਾਮਕ੍ष੍ਣੋਃ ।

ਆਨਨ੍ਦਪਾਕਭੇਦਾਮਰੁਣਿਮਪਰਿਣਾਮਗਰ੍ਵਪਲ੍ਲਵਿਤਾਮ੍ ॥67॥

ਬਾਣਸृਣਿਪਾਸ਼ਕਾਰ੍ਮੁਕਪਾਣਿਮਮੁਂ ਕਮਪਿ ਕਾਮਪੀਠਗਤਮ੍ ।

ਏਣਧਰਕੋਣਚੂਡਂ ਸ਼ੋਣਿਮਪਰਿਪਾਕਭੇਦਮਾਕਲਯੇ ॥68॥

ਕਿਂ ਵਾ ਫਲਤਿ ਮਮਾਨ੍ਯੌਰ੍ਬਿਮ੍ਬਾਧਰਚੁਮ੍ਬਿਮਨ੍ਦਹਾਸਮੁਖੀ ।

ਸਮ੍ਬਾਧਕਰੀ ਤਮਸਾਮਮ੍ਬਾ ਜਾਗਰ੍ਤਿ ਮਨਸਿ ਕਾਮਾਕ੍षੀ ॥69॥

ਮਞ੍ਚੇ ਸਦਾਸ਼ਿਵਮਯੇ ਪਰਿਸ਼ਿਵਮਯਲਲਿਤਪੌष੍ਪਪਰ੍ਯਙ੍ਕੇ ।

ਅਧਿਚਕ੍ਰਮਧ੍ਯਮਾਸ੍ਤੇ ਕਾਮਾਕ੍षੀ ਨਾਮ ਕਿਮਪਿ ਮਮ ਭਾਗ੍ਯਮ੍ ॥70॥

ਰਕ੍ष੍ਯੋऽਸ੍ਮਿ ਕਾਮਪੀਠੀਲਾਸਿਕਯਾ ਘਨਕृਪਾਮ੍ਬੁਰਾਸ਼ਿਕਯਾ ।

ਸ਼੍ਰੁਤਿਯੁਵਤਿਕੁਨ੍ਤਲੀਮਣਿਮਾਲਿਕਯਾ ਤੁਹਿਨਸ਼ੈਲਬਾਲਿਕਯਾ ॥71॥

ਲੀਯੇ ਪੁਰਹਰਜਾਯੇ ਮਾਯੇ ਤਵ ਤਰੁਣਪਲ੍ਲਵਚ੍ਛਾਯੇ ।

ਚਰਣੇ ਚਨ੍ਦ੍ਰਾਭਰਣੇ ਕਾਞ੍ਚੀਸ਼ਰਣੇ ਨਤਾਰ੍ਤਿਸਂਹਰਣੇ ॥72॥

ਮੂਰ੍ਤਿਮਤਿ ਮੁਕ੍ਤਿਬੀਜੇ ਮੂਰ੍ਧ੍ਨਿ ਸ੍ਤਬਕਿਤਚਕੋਰਸਾਮ੍ਰਾਜ੍ਯੇ ।

ਮੋਦਿਤਕਮ੍ਪਾਕੂਲੇ ਮੁਹੁਰ੍ਮੁਹੁਰ੍ਮਨਸਿ ਮੁਮੁਦਿषਾऽਸ੍ਮਾਕਮ੍ ॥73॥

ਵੇਦਮਯੀਂ ਨਾਦਮਯੀਂ ਬਿਨ੍ਦੁਮਯੀਂ ਪਰਪਦੋਦ੍ਯਦਿਨ੍ਦੁਮਯੀਮ੍ ।

ਮਨ੍ਤ੍ਰਮਯੀਂ ਤਨ੍ਤ੍ਰਮਯੀਂ ਪ੍ਰਕृਤਿਮਯੀਂ ਨੌਮਿ ਵਿਸ਼੍ਵਵਿਕृਤਿਮਯੀਮ੍ ॥74॥

ਪੁਰਮਥਨਪੁਣ੍ਯਕੋਟੀ ਪੁਞ੍ਜਿਤਕਵਿਲੋਕਸੂਕ੍ਤਿਰਸਧਾਟੀ ।

ਮਨਸਿ ਮਮ ਕਾਮਕੋਟੀ ਵਿਹਰਤੁ ਕਰੁਣਾਵਿਪਾਕਪਰਿਪਾਟੀ ॥75॥

ਕੁਟਿਲਂ ਚਟੁਲਂ ਪृਥੁਲਂ ਮृਦੁਲਂ ਕਚਨਯਨਜਘਨਚਰਣੇषੁ ।

ਅਵਲੋਕਿਤਮਵਲਮ੍ਬਿਤਮਧਿਕਮ੍ਪਾਤਟਮਮੇਯਮਸ੍ਮਾਭਿਃ ॥76॥

ਪ੍ਰਤ੍ਯਙ੍ਮੁਖ੍ਯਾ ਦृष੍ਟਯਾ ਪ੍ਰਸਾਦਦੀਪਾਙ੍ਕੁਰੇਣ ਕਾਮਾਕ੍ष੍ਯਾਃ ।

ਪਸ਼੍ਯਾਮਿ ਨਿਸ੍ਤੁਲਮਹੋ ਪਚੇਲਿਮਂ ਕਮਪਿ ਪਰਸ਼ਿਵੋਲ੍ਲਾਸਮ੍ ॥77॥

ਵਿਦ੍ਯੇ ਵਿਧਾਤृਵਿषਯੇ ਕਾਤ੍ਯਾਯਨਿ ਕਾਲਿ ਕਾਮਕੋਟਿਕਲੇ ।

ਭਾਰਤਿ ਭੈਰਵਿ ਭਦ੍ਰੇ ਸ਼ਾਕਿਨਿ ਸ਼ਾਮ੍ਭਵਿ ਸ਼ਿਵੇ ਸ੍ਤੁਵੇ ਭਵਤੀਮ੍ ॥78॥

ਮਾਲਿਨਿ ਮਹੇਸ਼ਚਾਲਿਨਿ ਕਾਞ੍ਚੀਖੇਲਿਨਿ ਵਿਪਕ੍षਕਾਲਿਨਿ ਤੇ ।

ਸ਼ੂਲਿਨਿ ਵਿਦ੍ਰੁਮਸ਼ਾਲਿਨਿ ਸੁਰਜਨਪਾਲਿਨਿ ਕਪਾਲਿਨਿ ਨਮੋऽਸ੍ਤੁ ॥79॥

ਦੇਸ਼ਿਕ ਇਤਿ ਕਿਂ ਸ਼ਙ੍ਕੇ ਤਤ੍ਤਾਦृਕ੍ਤਵ ਨੁ ਤਰੁਣਿਮੋਨ੍ਮੇषਃ ।

ਕਾਮਾਕ੍षਿ ਸ਼ੂਲਪਾਣੇਃ ਕਾਮਾਗਮਸਮਯਦੀਕ੍षਾਯਾਮ੍ ॥80॥

ਵੇਤਣ੍ਡਕੁਮ੍ਭਡਮ੍ਬਰਵੈਤਣ੍ਡਿਕਕੁਚਭਰਾਰ੍ਤਮਧ੍ਯਾਯ ।

ਕੁਙ੍ਕੁਮਰੁਚੇ ਨਮਸ੍ਯਾਂ ਸ਼ਙ੍ਕਰਨਯਨਾਮृਤਾਯ ਰਚਯਾਮਃ ॥81॥

ਅਧਿਕਾਞ੍ਚਿਤਮਣਿਕਾਞ੍ਚਨਕਾਞ੍ਚੀਮਧਿਕਾਞ੍ਚਿ ਕਾਞ੍ਚਿਦਦ੍ਰਾਕ੍षਮ੍ ।

ਅਵਨਤਜਨਾਨੁਕਮ੍ਪਾਮਨੁਕਮ੍ਪਾਕੂਲਮਸ੍ਮਦਨੁਕੂਲਾਮ੍ ॥82॥

ਪਰਿਚਿਤਕਮ੍ਪਾਤੀਰਂ ਪਰ੍ਵਤਰਾਜਨ੍ਯਸੁਕृਤਸਨ੍ਨਾਹਮ੍ ।

ਪਰਗੁਰੁਕृਪਯਾ ਵੀਕ੍षੇ ਪਰਮਸ਼ਿਵੋਤ੍ਸਙ੍ਗਮਙ੍ਗਲਾਭਰਣਮ੍ ॥83॥

ਦਗ੍ਧਮਦਨਸ੍ਯ ਸ਼ਮ੍ਭੋਃ ਪ੍ਰਥੀਯਸੀਂ ਬ੍ਰਹ੍ਮਚਰ੍ਯਵੈਦਗ੍ਧੀਮ੍ ।

ਤਵ ਦੇਵਿ ਤਰੁਣਿਮਸ਼੍ਰੀਚਤੁਰਿਮਪਾਕੋ ਨ ਚਕ੍षਮੇ ਮਾਤਃ ॥84॥

ਮਦਜਲਤਮਾਲਪਤ੍ਰਾ ਵਸਨਿਤਪਤ੍ਰਾ ਕਰਾਦृਤਖਾਨਿਤ੍ਰਾ ।

ਵਿਹਰਤਿ ਪੁਲਿਨ੍ਦਯੋषਾ ਗੁਞ੍ਜਾਭੂषਾ ਫਣੀਨ੍ਦ੍ਰਕृਤਵੇषਾ ॥85॥

ਅਙ੍ਕੇ ਸ਼ੁਕਿਨੀ ਗੀਤੇ ਕੌਤੁਕਿਨੀ ਪਰਿਸਰੇ ਚ ਗਾਯਕਿਨੀ ।

ਜਯਸਿ ਸਵਿਧੇऽਮ੍ਬ ਭੈਰਵਮਣ੍ਡਲਿਨੀ ਸ਼੍ਰਵਸਿ ਸ਼ਙ੍ਖਕੁਨ੍ਡਲਿਨੀ ॥86॥

ਪ੍ਰਣਤਜਨਤਾਪਵਰ੍ਗਾ ਕृਤਬਹੁਸਰ੍ਗਾ ਸਸਿਂਹਸਂਸਰ੍ਗਾ ।

ਕਾਮਾਕ੍षਿ ਮੁਦਿਤਭਰ੍ਗਾ ਹਤਰਿਪੁਵਰ੍ਗਾ ਤ੍ਵਮੇਵ ਸਾ ਦੁਰ੍ਗਾ ॥87॥

ਸ਼੍ਰਵਣਚਲਦ੍ਵੇਤਣ੍ਡਾ ਸਮਰੋਦ੍ਦਣ੍ਡਾ ਧੁਤਾਸੁਰਸ਼ਿਖਣ੍ਡਾ ।

ਦੇਵਿ ਕਲਿਤਾਨ੍ਤ੍ਰषਣ੍ਡਾ ਧृਤਨਰਮੁਣ੍ਡਾ ਤ੍ਵਮੇਵ ਚਾਮੁਣ੍ਡਾ ॥88॥

ਉਰ੍ਵੀਧਰੇਨ੍ਦ੍ਰਕਨ੍ਯੇ ਦਰ੍ਵੀਭਰਿਤੇਨ ਭਕ੍ਤਪੂਰੇਣ ।

ਗੁਰ੍ਵੀਮਕਿਞ੍ਚਨਾਰ੍ਤਿ ਖਰ੍ਵੀਕੁਰੁषੇ ਤ੍ਵਮੇਵ ਕਾਮਾਕ੍षਿ ॥89॥

ਤਾਡਿਤਰਿਪੁਪਰਿਪੀਡਨਭਯਹਰਣ ਨਿਪੁਣਹਲਮੁਸਲਾ ।

ਕ੍ਰੋਡਪਤਿਭੀषਣਮੁਖੀ ਕ੍ਰੀਡਸਿ ਜਗਤਿ ਤ੍ਵਮੇਵ ਕਾਮਾਕ੍षਿ ॥90॥

ਸ੍ਮਰਮਥਨਵਰਣਲੋਲਾ ਮਨ੍ਮਥਹੇਲਾਵਿਲਾਸਮਣਿਸ਼ਾਲਾ ।

ਕਨਕਰੁਚਿਚੌਰ੍ਯਸ਼ੀਲਾ ਤ੍ਵਮਮ੍ਬ ਬਾਲਾ ਕਰਾਬ੍ਜਧृਤਮਾਲਾ ॥91॥

ਵਿਮਲਪਟੀ ਕਮਲਕੁਟੀ ਪੁਸ੍ਤਕਰੁਦ੍ਰਾਕ੍षਸ਼ਸ੍ਤਹਸ੍ਤਪੁਟੀ ।

ਕਾਮਾਕ੍षਿ ਪਕ੍ष੍ਮਲਾਕ੍षੀ ਕਲਿਤਵਿਪਞ੍ਚੀ ਵਿਭਾਸਿ ਵੈਰਿਞ੍ਚੀ ॥92॥

ਕੁਙ੍ਕੁਮਰੁਚਿਪਿਙ੍ਗਮਸृਕ੍ਪਙ੍ਕਿਲਮੁਣ੍ਡਾਲਿਮਣ੍ਡਿਤਂ ਮਾਤਃ ।

ਸ਼੍ਰੀਕਾਮਾਕ੍षਿ ਤਦੀਯਸਙ੍ਗਮਕਲਾਮਨ੍ਦੀਭਵਤ੍ਕੌਤੁਕਃ

ਜਯਤਿ ਤਵ ਰੂਪਧੇਯਂ ਜਪਪਟਪੁਸ੍ਤਕਵਰਾਭਯਕਰਾਬ੍ਜਮ੍ ॥93॥

ਕਨਕਮਣਿਕਲਿਤਭੂषਾਂ ਕਾਲਾਯਸਕਲਹਸ਼ੀਲਕਾਨ੍ਤਿਕਲਾਮ੍ ।

ਕਾਮਾਕ੍षਿ ਸ਼ੀਲਯੇ ਤ੍ਵਾਂ ਕਪਾਲਸ਼ੂਲਾਭਿਰਾਮਕਰਕਮਲਾਮ੍ ॥94॥

ਲੋਹਿਤਿਮਪੁਞ੍ਜਮਧ੍ਯੇ ਮੋਹਿਤਭੁਵਨੇ ਮੁਦਾ ਨਿਰੀਕ੍षਨ੍ਤੇ ।

ਵਦਨਂ ਤਵ ਕੁਵਯੁਗਲਂ ਕਾਞ੍ਚੀਸੀਮਾਂ ਚ ਕੇऽਪਿ ਕਾਮਾਕ੍षਿ ॥95॥

ਜਲਧਿਦ੍ਵਿਗੁਣਿਤਹੁਤਬਹਦਿਸ਼ਾਦਿਨੇਸ਼੍ਵਰਕਲਾਸ਼੍ਵਿਨੇਯਦਲੈਃ ।

ਨਲਿਨੈਰ੍ਮਹੇਸ਼ਿ ਗਚ੍ਛਸਿ ਸਰ੍ਵੋਤ੍ਤਰਕਰਕਮਲਦਲਮਮਲਮ੍ ॥96॥

ਸਤ੍ਕृਤਦੇਸ਼ਿਕਚਰਣਾਃ ਸਬੀਜਨਿਰ੍ਬੀਜਯੋਗਨਿਸ਼੍ਰੇਣ੍ਯਾ ।

ਅਪਵਰ੍ਗਸੌਧਵਲਭੀਮਾਰੋਹਨ੍ਤ੍ਯਮ੍ਬ ਕੇऽਪਿ ਤਵ ਕृਪਯਾ ॥97॥

ਅਨ੍ਤਰਪਿ ਬਹਿਰਪਿ ਤ੍ਵਂ ਜਨ੍ਤੁਤਤੇਰਨ੍ਤਕਾਨ੍ਤਕृਦਹਨ੍ਤੇ ।

ਚਿਨ੍ਤਿਤਸਨ੍ਤਾਨਵਤਾਂ ਸਨ੍ਤਤਮਪਿ ਤਨ੍ਤਨੀषਿ ਮਹਿਮਾਨਮ੍ ॥98॥

ਕਲਮਞ੍ਜੁਲਵਾਗਨੁਮਿਤਗਲਪਞ੍ਜਰਗਤਸ਼ੁਕਗ੍ਰਹੌਤ੍ਕਣ੍ਠ੍ਯਾਤ੍ ।

ਅਮ੍ਬ ਰਦਨਾਮ੍ਬਰਂ ਤੇ ਬਿਮ੍ਬਫਲਂ ਸ਼ਮ੍ਬਰਾਰਿਣਾ ਨ੍ਯਸ੍ਤਮ੍ ॥99॥

ਜਯ ਜਯ ਜਗਦਮ੍ਬ ਸ਼ਿਵੇ ਜਯ ਜਯ ਕਾਮਾਕ੍षਿ ਜਯ ਜਯਾਦ੍ਰਿਸੁਤੇ ।

ਜਯ ਜਯ ਮਹੇਸ਼ਦਯਿਤੇ ਜਯ ਜਯ ਚਿਦ੍ਗਗਨਕੌਮੁਦੀਧਾਰੇ ॥100॥

ਆਰ੍ਯਾਸ਼ਤਕਂ ਭਕ੍ਤ੍ਯਾ ਪਠਤਾਮਾਰ੍ਯਾਕਟਾਕ੍षੇਣ ।

ਨਿਸ੍ਸਰਤਿ ਵਦਨਕਮਲਾਦ੍ਵਾਣੀ ਪੀਯੂषਧੋਰਣੀ ਦਿਵ੍ਯਾ ॥101॥

॥ ਇਤਿ ਆਰ੍ਯਾਸ਼ਤਕਂ ਸਮ੍ਪੂਰ੍ਣਮ੍ ॥

Roman (IAST) Transliteration

kāraṇaparacidrūpā kāñcīpurasīmni kāmapīṭhagatā |

kācana viharati karuṇā kāśmīrastabakakomalāṅgalatā ||1||

kañcana kāñcīnilayaṃ karadhṛtakodaṇḍabāṇasṛṇipāśam |

kaṭhinastanabharanamraṃ kaivalyānandakandamavalambe ||2||

cintitaphalaparipoṣaṇacintāmaṇireva kāñcinilayā me |

ciratarasucaritasulabhā cittaṃ śiśirayatu citsukhādhārā ||3||

kuṭilakacaṃ kaṭhinakucaṃ kundasmitakānti kuṅkumacchāyam |

kurute vihṛtiṃ kāñcyāṃ kulaparvatasārvabhaumasarvasvam ||4||

pañcaśaraśāstrabodhanaparamācāryeṇa dṛṣṭipātena |

kāñcīsīmni kumārī kācana mohayati kāmajetāram ||5||

parayā kāñcīpurayā parvataparyāyapīnakucabharayā |

paratantrā vayamanayā paṅkajasabrahmacārilocanayā ||6||

aiśvaryamindumauleraikatmyaprakṛti kāñcimadhyagatam |

aindavakiśoraśekharamaidamparyaṃ cakāsti nigamānām ||7||

śritakampasīmānaṃ śithilitaparamaśivadhairyamahimānam |

kalaye paṭalimānaṃ kañcana kañcukitabhuvanabhūmānam ||8||

ādṛtakāñcīnilayamādyāmārūḍhayauvanāṭopām |

āgamavataṃsakalikāmānandādvaitakandalīṃ vande ||9||

tuṅgābhirāmakucabharaśṛṅgāritamāśrayāmi kāñcigatam |

gaṅgādharaparatantraṃ śṛṅgārādvaitatantrasiddhāntam ||10||

kāñcīratnavibhūṣāṃ kāmapi kandarpasūtikāpāṅgīm |

paramāṃ kalāmupāse paraśivavāmāṅkapīṭhikāsīnām ||11||

kampātīcarāṇāṃ karuṇākorakitadṛṣṭipātānām |

kelīvanaṃ mano me keṣāñcidbhavatu cidvilāsānām ||12||

āmratarumūlavasaterādimapuruṣasya nayanapīyūṣam |

ārabdhayauvanotsavamāmnāyarahasyamantaravalambe ||13||

adhikāñci paramayogibhirādimaparapīṭhasīmni dṛśyena |

anubaddhaṃ mama mānasamaruṇimasarvasvasampradāyena ||14||

aṅkitaśaṅkaradehāmaṅkuritorojakaṅkaṇāśleṣaiḥ |

adhikāñci nityataruṇīmadrākṣaṃ kāñcidadbhutāṃ bālām ||15||

madhuradhanuṣā mahīdharajanuṣā nandāmi surabhibāṇajuṣā |

cidvapuṣā kāñcipure kelijuṣā bandhujīvakāntimuṣā ||16||

madhurasmitena ramate māṃsalakucabhāramandagamanena |

madhyekāñci mano me manasijasāmrājyagarvabījena ||17||

dharaṇimayīṃ taraṇimayīṃ pavanamayīṃ gaganadahanahotṛmayīm |

ambumayīmindumayīmambāmanukampamādimāmīkṣe ||18||

līnasthiti munihṛdaye dhyānastimitaṃ tapasyadupakampam |

pīnastanabharamīḍe mīnadhvajatantraparamatātparyam ||19||

śvetā mantharahasite śātā madhye ca vāḍbhano'tītā |

śītā locanapāte sphītā kucasīmni śāśvatī mātā ||20||

purataḥ kadā na karavai puravairivimardapulakitāṅgalatām |

punatīṃ kāñcīdeśaṃ puṣpāyudhavīryasarasaparipāṭīm ||21||

puṇyā kā'pi purandhrī puṅkhitakandarpasampadā vapuṣā |

pulinacarī kampāyāḥ puramathanaṃ pulakaniculitaṃ kurute ||22||

tanimādvaitavalagnaṃ taruṇāruṇasampradāyatanulekham |

taṭasīmani kampāyāstaruṇimasarvasvamādyamadrākṣam ||23||

pauṣṭikakarmavipākaṃ pauṣpaśaraṃ savidhasīmni kampāyāḥ |

adrākṣamāttayauvanamabhyudayaṃ kañcidardhaśaśimaulaiḥ ||24||

saṃśritakāñcīdeśe sarasijadaurbhāgyajāgraduttaṃse |

saṃvinmaye vilīye sārasvatapuruṣakārasāmrājye ||25||

moditamadhukaraviśikhaṃ svādimasamudāyasārakodaṇḍam |

ādṛtakāñcīkhelanamādimamāruṇyabhedamākalaye ||26||

urarīkṛtakāñcipurīmupaniṣadaravindakuharamadhudhārām |

unnamrastanakalaśīmutsavalaharīmupāsmahe śambhoḥ ||27||

eṇaśiśudīrghalocanamenaḥparipanthi santataṃ bhajatām |

ekāmranāthajīvitamevampadadūramekamavalambe ||28||

smayamānamukhaṃ kāñcībhayamānaṃ kamapi devatābhedam |

dayamānaṃ vīkṣya muhurvayamānandāmṛtāmbudhau magnāḥ ||29||

kutukajuṣi kāñcideśe kumudataporāśipākaśekharite |

kurute manovihāraṃ kulagiriparibṛḍhakulaikamaṇidīpe ||30||

vīkṣemahi kāñcipure vipulastanakalaśagarimaparavaśitam |

vidrumasahacaradehaṃ vibhramasamavāyasārasannāham ||31||

kuruvindagotragātraṃ kūlacaraṃ kamapi naumi kampāyāḥ |

kūlaṅkaṣakucakumbhaṃ kusumāyudhavīryasārasaṃrambham ||32||

kuḍūmalitakucakiśoraiḥ kurvāṇaiḥ kāñcideśasauhārdam |

kuṅkumaśoṇairnicitaṃ kuśalapathaṃ śambhusukṛtasambhāraiḥ ||33||

aṅkitakacena kenacidandhaṅkaraṇauṣadhena kamalānām |

antaḥpureṇa śambhoralaṅkriyā kā'pi kalpyate kāñcyām ||34||

ūrīkaromi santatamūṣmalaphālena lalitaṃ puṃsā |

upakampamucitakhelanamurvīdharavaṃśasampadunmeṣam ||35||

aṅkuritastanakorakamaṅkālaṅkāramekacūtapateḥ |

ālokemahi komalamāgamasaṃlāpasārayāthārthyam ||36||

puñjitakaruṇamudañcitaśiñjitamaṇikāñci kimapi kāñcipure |

mañjaritamṛdulahāsaṃ piñjaratanuruci pinākimūladhanam ||37||

lolahṛdayo'sti śambhorlocanayugalena lehyamānāyām |

lalitaparamaśivāyāṃ lāvaṇyāmṛtataraṅgamālāyām ||38||

madhukarasahacaracikurairmadanāgamasamayadīkṣitakaṭākṣaiḥ |

maṇḍitakampātīrairmaṅgalakandairmamāstu sārūpyam ||39||

vadanāravindavakṣovāmāṅkataṭīvaśaṃvadībhūtā |

pūruṣatritaye tredhā purandhrirūpā tvameva kāmākṣi ||40||

bādhākarīṃ bhavābdherādhārādyambujeṣu vicarantīm |

ādhārīkṛtakāñcī bodhāmṛtavīcimeva vimṛśāmaḥ ||41||

kalayāmyantaḥ śaśadharakalayā'ṅkitamaulimamalacidvalayām |

alayāmāgamapīṭhīnilayāṃ valayāṅkasundarīmambām ||42||

śarvādiparamasādhakagurvānītāya kāmapīṭhajuṣe |

sarvākṛtaye śoṇimagarvāyāsmai samarpyate hṛdayam ||43||

samayā sāndhyamayūkhaiḥ samayā buddhayā sadaiva śīlitayā |

umayā kāñcīratayā na mayā labhyate kiṃ nu tādātmyam ||44||

jantostava padapūjanasantoṣataraṅgitasya kāmākṣi |

vandho yadi bhavati punaḥ sindhorambhassu bambhramīti śilā ||45||

kuṇḍali kumāri kuṭile caṇḍi carācarasavitri cāmuṇḍe |

guṇini guhāriṇi guhye gurumūrte tvāṃ namāmi kāmākṣi ||46||

abhidākṛtirbhidākṛtiracidākṛtirapi cidākṛtirmātaḥ |

anahantā tvamahantā bhramayasi kāmākṣi śāśvatī viśvam ||47||

śiva śiva paśyanti samaṃ śrīkāmākṣīkaṭākṣitāḥ puruṣāḥ |

vipinaṃ bhavanamamitraṃ mitraṃ loṣṭaṃ ca yuvatibimboṣṭham ||48||

kāmaparipanthikāmini kāmeśvari kāmapīṭhamadhyagate |

kāmadughā bhava kamale kāmakale kāmakoṭi kāmākṣi ||49||

madhyehṛdayaṃ madhyeniṭilaṃ madhyeśiro'pi vāstavyām |

caṇḍakaraśakrakārmukacandrasamābhāṃ namāmi kāmākṣīm ||50||

adhikāñci kelilolairakhilāgamayantratantramayaiḥ |

atiśītaṃ mama mānasamasamaśaradrohijīvanopāyaiḥ ||51||

nandati mama hṛdi kācana mandirayantī nirantaraṃ kāñcīm |

induravimaṇḍalakucā binduviyannādapariṇatā taruṇī ||52||

śampālatāsavarṇaṃ sampādayituṃ bhavajvaracikitsām |

limpāmi manasi kiñcana kampātaṭarohi siddhabhaiṣajyam ||53||

anumitakucakāṭhinyāmadhivakṣaḥpīṭhamaṅgajanmaripoḥ |

ānandadāṃ bhaje tāmānaṅgabrahmatatvabodhasirām ||54||

aikṣiṣi pāśāṅkuśadharahastāntaṃ vismayārhavṛttāntam |

adhikāñci nigamavācāṃ siddhāntaṃ śūlapāṇiśuddhāntam ||55||

āhitavilāsabhaṅgīmābrahmastambaśilpakalpanayā |

āśritakāñcīmatulāmādyāṃ visphūrtimādriye vidyām ||56||

mūko'pi jaṭiladurgatiśoko'pi smarati yaḥ kṣaṇaṃ bhavatīm |

eko bhavati sa janturlokottarakīrtireva kāmākṣi ||57||

pañcadaśavarṇarūpaṃ kañcana kāñcīvihāradhaureyam |

pañcaśarīyaṃ śambhorvañcanavaidagdhyamūlamavalambe ||58||

pariṇatimatīṃ caturdhā padavīṃ sudhiyāṃ sametya sauṣumnīm |

pañcāśadarṇakalpitamadaśilpāṃ tvāṃ namāmi kāmākṣi ||59||

ādikṣanmama gururāḍādikṣāntākṣarātmikāṃ vidyām |

svādiṣṭhacāpadaṇḍāṃ nediṣṭhāmeva kāmapīṭhagatām ||60||

tuṣyāmi harṣitasmaraśāsanayā kāñcipurakṛtāsanayā |

svāsanayā sakalajagadbhāsanayā kalitaśambarāsanayā ||61||

premavatī kampāyāṃ sthemavatī yatimanassu bhūmavatī |

sāmavatī nityagirā somavatī śirasi bhāti haimavatī ||62||

kautukinā kampāyāṃ kausumacāpena kīlitenāntaḥ |

kuladaivatena mahatā kuḍmalamudrāṃ dhunotu naḥpratibhā ||63||

yūnā kenāpi miladdehā svāhāsahāyatilakena |

sahakāramūladeśe saṃvidrūpā kuṭumbinī ramate ||64||

kusumaśaragarvasampatkośagṛhaṃ bhāti kāñcideśagatam |

sthāpitamasminkathamapi gopitamantarmayā manoratnam ||65||

dagdhaṣaḍadhvāraṇyaṃ daradalitakusumbhasambhṛtāruṇyam |

kalaye navatāruṇyaṃ kampātaṭasīmni kimapi kāruṇyam ||66||

adhikāñci vardhamānāmatulāṃ karavāṇi pāraṇāmakṣṇoḥ |

ānandapākabhedāmaruṇimapariṇāmagarvapallavitām ||67||

bāṇasṛṇipāśakārmukapāṇimamuṃ kamapi kāmapīṭhagatam |

eṇadharakoṇacūḍaṃ śoṇimaparipākabhedamākalaye ||68||

kiṃ vā phalati mamānyaurbimbādharacumbimandahāsamukhī |

sambādhakarī tamasāmambā jāgarti manasi kāmākṣī ||69||

mañce sadāśivamaye pariśivamayalalitapauṣpaparyaṅke |

adhicakramadhyamāste kāmākṣī nāma kimapi mama bhāgyam ||70||

rakṣyo'smi kāmapīṭhīlāsikayā ghanakṛpāmburāśikayā |

śrutiyuvatikuntalīmaṇimālikayā tuhinaśailabālikayā ||71||

līye puraharajāye māye tava taruṇapallavacchāye |

caraṇe candrābharaṇe kāñcīśaraṇe natārtisaṃharaṇe ||72||

mūrtimati muktibīje mūrdhni stabakitacakorasāmrājye |

moditakampākūle muhurmuhurmanasi mumudiṣā'smākam ||73||

vedamayīṃ nādamayīṃ bindumayīṃ parapadodyadindumayīm |

mantramayīṃ tantramayīṃ prakṛtimayīṃ naumi viśvavikṛtimayīm ||74||

puramathanapuṇyakoṭī puñjitakavilokasūktirasadhāṭī |

manasi mama kāmakoṭī viharatu karuṇāvipākaparipāṭī ||75||

kuṭilaṃ caṭulaṃ pṛthulaṃ mṛdulaṃ kacanayanajaghanacaraṇeṣu |

avalokitamavalambitamadhikampātaṭamameyamasmābhiḥ ||76||

pratyaṅmukhyā dṛṣṭayā prasādadīpāṅkureṇa kāmākṣyāḥ |

paśyāmi nistulamaho pacelimaṃ kamapi paraśivollāsam ||77||

vidye vidhātṛviṣaye kātyāyani kāli kāmakoṭikale |

bhārati bhairavi bhadre śākini śāmbhavi śive stuve bhavatīm ||78||

mālini maheśacālini kāñcīkhelini vipakṣakālini te |

śūlini vidrumaśālini surajanapālini kapālini namo'stu ||79||

deśika iti kiṃ śaṅke tattādṛktava nu taruṇimonmeṣaḥ |

kāmākṣi śūlapāṇeḥ kāmāgamasamayadīkṣāyām ||80||

vetaṇḍakumbhaḍambaravaitaṇḍikakucabharārtamadhyāya |

kuṅkumaruce namasyāṃ śaṅkaranayanāmṛtāya racayāmaḥ ||81||

adhikāñcitamaṇikāñcanakāñcīmadhikāñci kāñcidadrākṣam |

avanatajanānukampāmanukampākūlamasmadanukūlām ||82||

paricitakampātīraṃ parvatarājanyasukṛtasannāham |

paragurukṛpayā vīkṣe paramaśivotsaṅgamaṅgalābharaṇam ||83||

dagdhamadanasya śambhoḥ prathīyasīṃ brahmacaryavaidagdhīm |

tava devi taruṇimaśrīcaturimapāko na cakṣame mātaḥ ||84||

madajalatamālapatrā vasanitapatrā karādṛtakhānitrā |

viharati pulindayoṣā guñjābhūṣā phaṇīndrakṛtaveṣā ||85||

aṅke śukinī gīte kautukinī parisare ca gāyakinī |

jayasi savidhe'mba bhairavamaṇḍalinī śravasi śaṅkhakunḍalinī ||86||

praṇatajanatāpavargā kṛtabahusargā sasiṃhasaṃsargā |

kāmākṣi muditabhargā hataripuvargā tvameva sā durgā ||87||

śravaṇacaladvetaṇḍā samaroddaṇḍā dhutāsuraśikhaṇḍā |

devi kalitāntraṣaṇḍā dhṛtanaramuṇḍā tvameva cāmuṇḍā ||88||

urvīdharendrakanye darvībharitena bhaktapūreṇa |

gurvīmakiñcanārti kharvīkuruṣe tvameva kāmākṣi ||89||

tāḍitaripuparipīḍanabhayaharaṇa nipuṇahalamusalā |

kroḍapatibhīṣaṇamukhī krīḍasi jagati tvameva kāmākṣi ||90||

smaramathanavaraṇalolā manmathahelāvilāsamaṇiśālā |

kanakarucicauryaśīlā tvamamba bālā karābjadhṛtamālā ||91||

vimalapaṭī kamalakuṭī pustakarudrākṣaśastahastapuṭī |

kāmākṣi pakṣmalākṣī kalitavipañcī vibhāsi vairiñcī ||92||

kuṅkumarucipiṅgamasṛkpaṅkilamuṇḍālimaṇḍitaṃ mātaḥ |

śrīkāmākṣi tadīyasaṅgamakalāmandībhavatkautukaḥ

jayati tava rūpadheyaṃ japapaṭapustakavarābhayakarābjam ||93||

kanakamaṇikalitabhūṣāṃ kālāyasakalahaśīlakāntikalām |

kāmākṣi śīlaye tvāṃ kapālaśūlābhirāmakarakamalām ||94||

lohitimapuñjamadhye mohitabhuvane mudā nirīkṣante |

vadanaṃ tava kuvayugalaṃ kāñcīsīmāṃ ca ke'pi kāmākṣi ||95||

jaladhidviguṇitahutabahadiśādineśvarakalāśvineyadalaiḥ |

nalinairmaheśi gacchasi sarvottarakarakamaladalamamalam ||96||

satkṛtadeśikacaraṇāḥ sabījanirbījayoganiśreṇyā |

apavargasaudhavalabhīmārohantyamba ke'pi tava kṛpayā ||97||

antarapi bahirapi tvaṃ jantutaterantakāntakṛdahante |

cintitasantānavatāṃ santatamapi tantanīṣi mahimānam ||98||

kalamañjulavāganumitagalapañjaragataśukagrahautkaṇṭhyāt |

amba radanāmbaraṃ te bimbaphalaṃ śambarāriṇā nyastam ||99||

jaya jaya jagadamba śive jaya jaya kāmākṣi jaya jayādrisute |

jaya jaya maheśadayite jaya jaya cidgaganakaumudīdhāre ||100||

āryāśatakaṃ bhaktyā paṭhatāmāryākaṭākṣeṇa |

nissarati vadanakamalādvāṇī pīyūṣadhoraṇī divyā ||101||

|| iti āryāśatakaṃ sampūrṇam ||