Krishna Stutih (brahma Krita Bhagavata Purana)

ॐ

ਕृष੍ਣ ਸ੍ਤੁਤਿਃ (ਬ੍ਰਹ੍ਮ ਕृਤਾ ਭਾਗਵਤ ਪੁਰਾਣ)

Krishna Vyasa Gurmukhi

ਬ੍ਰਹ੍ਮੋਵਾਚ ।

ਨੌਮੀਡ੍ਯ ਤੇऽਭ੍ਰਵਪੁषੇ ਤਡਿਦਮ੍ਬਰਾਯ

ਗੁਞ੍ਜਾਵਤਂਸਪਰਿਪਿਚ੍ਛਲਸਨ੍ਮੁਖਾਯ ।

ਵਨ੍ਯਸ੍ਰਜੇ ਕਵਲਵੇਤ੍ਰਵਿषਾਣਵੇਣੁ-

ਲਕ੍ष੍ਮਸ਼੍ਰਿਯੇ ਮृਦੁਪਦੇ ਪਸ਼ੁਪਾਙ੍ਗਜਾਯ ॥ 1 ॥

ਅਸ੍ਯਾਪਿ ਦੇਵ ਵਪੁषੋ ਮਦਨੁਗ੍ਰਹਸ੍ਯ

ਸ੍ਵੇਚ੍ਛਾਮਯਸ੍ਯ ਨ ਤੁ ਭੂਤਮਯਸ੍ਯ ਕੋऽਪਿ ।

ਨੇਸ਼ੇਮਹਿ ਤ੍ਵਵਸਿਤੁਂ ਮਨਸਾਨ੍ਤਰੇਣ

ਸਾਕ੍षਾਤ੍ਤਵੈਵ ਕਿਮੁਤਾਤ੍ਮਸੁਖਾਨੁਭੂਤੇਃ ॥ 2 ॥

ਜ੍ਞਾਨੇ ਪ੍ਰਯਾਸਮੁਦਪਾਸ੍ਯ ਨਮਨ੍ਤ ਏਵ

ਜੀਵਨ੍ਤਿ ਸਨ੍ਮੁਖਰਿਤਾਂ ਭਵਦੀਯਵਾਰ੍ਤਾਮ੍ ।

ਸ੍ਥਾਨੇ ਸ੍ਥਿਤਾਃ ਸ਼੍ਰੁਤਿਗਤਾਂ ਤਨੁਵਾਮ੍ਮਨੋਭਿਃ

ਯੇ ਪ੍ਰਾਯਸ਼ੋऽਜਿਤ ਜਿਤੋऽਪ੍ਯਸਿ ਤੈਸ੍ਤ੍ਰਿਲੋਕ੍ਯਾਮ੍ ॥ 3 ॥

ਸ਼੍ਰੇਯਃਸ੍ਰੁਤਿਂ ਭਕ੍ਤਿਮੁਦਸ੍ਯ ਤੇ ਵਿਭੋ ਕ੍ਲਿਸ਼੍ਯਨ੍ਤਿ ਯੇ ਕੇਵਲਬੋਧਲਬ੍ਧਯੇ ।

ਤੇषਾਮਸੌ ਕ੍ਲੇਸ਼ਲ ਏਵ ਸ਼ਿष੍ਯਤੇ ਨਾਨ੍ਯਦ੍ਯਥਾ ਸ੍ਥੂਲਤੁषਾਵਘਾਤਿਨਾਮ੍ ॥ 4 ॥

ਪੁਰੇਹ ਭੂਮਨ੍ ਬਹਵੋऽਪਿ ਯੋਗਿਨਸ੍ਤ੍ਵਦਰ੍ਪਿਤੇਹਾ ਨਿਜਕਰ੍ਮਲਬ੍ਧਯਾ ।

ਵਿਬੁਧ੍ਯ ਭਕ੍ਤ੍ਯੈਵ ਕਥੋਪਨੀਤਯਾ ਪ੍ਰਪੇਦਿਰੇऽਞ੍ਜੋऽਚ੍ਯੁਤ ਤੇ ਗਤਿਂ ਪਰਾਮ੍ ॥ 5 ॥

ਤਥਾਪਿ ਭੂਮਨ੍ ਮਹਿਮਾऽਗੁਣਸ੍ਯ ਤੇ ਵਿਬੋਦ੍ਧੁਮਰ੍ਹਤ੍ਯਮਲਾਨ੍ਤਰਾਤ੍ਮਭਿਃ ।

ਅਵਿਕ੍ਰਿਯਾਤ੍ਸ੍ਵਾਨੁਭਵਾਦਰੂਪਤੋ ਹ੍ਯਨਨ੍ਯਬੋਧ੍ਯਾਤ੍ਮਤਯਾ ਨ ਚਾਨ੍ਯਥਾ ॥ 6 ॥

ਗੁਣਾਤ੍ਮਨਸ੍ਤੇऽਪਿ ਗੁਣਾਨ੍ ਵਿਮਾਤੁਂ ਹਿਤਾਵਤੀਰ੍ਣਸ੍ਯ ਕ ਈਸ਼ਿਰੇऽਸ੍ਯ ।

ਕਾਲੇਨ ਯੈਰ੍ਵਾ ਵਿਮਿਤਾਃ ਸੁਕਲ੍ਪੈਰ੍ਭੂਪਾਂਸਵਃ ਖੇ ਮਿਹਿਕਾ ਦ੍ਯੁਭਾਸਃ ॥ 7 ॥

ਤਤ੍ਤੇऽਨੁਕਮ੍ਪਾਂ ਸੁਸਮੀਕ੍षਮਾਣੋ ਭੁਞ੍ਜਾਨ ਏਵਾਤ੍ਮਕृਤਂ ਵਿਪਾਕਮ੍ ।

ਹृਦ੍ਵਾਗ੍ਵਪੁਰ੍ਭਿਰ੍ਵਿਦਧਨ੍ਨਮਸ੍ਤੇ ਜੀਵੇਤ ਯੋ ਮੁਕ੍ਤਿਪਦੇ ਸ ਦਾਯਭਾਕ੍ ॥ 8 ॥

ਪਸ਼੍ਯੇਸ਼ ਮੇऽਨਾਰ੍ਯਮਨਨ੍ਤ ਆਦ੍ਯੇ ਪਰਾਤ੍ਮਨਿ ਤ੍ਵਯ੍ਯਪਿ ਮਾਯਿਮਾਯਿਨਿ ।

ਮਾਯਾਂ ਵਿਤਤ੍ਯੇਕ੍षਿਤੁਮਾਤ੍ਮਵੈਭਵਂ ਹ੍ਯਹਂ ਕਿਯਾਨੈਚ੍ਛਮਿਵਾਰ੍ਚਿਰਗ੍ਨੌ ॥ 9 ॥

ਅਤਃ ਕ੍षਮਸ੍ਵਾਚ੍ਯੁਤ ਮੇ ਰਜੋਭੁਵੋ ਹ੍ਯਜਾਨਤਸ੍ਤ੍ਵਤ੍ਪृਥਗੀਸ਼ਮਾਨਿਨਃ ।

ਅਜਾਵਲੇਪਾਨ੍ਧਤਮੋऽਨ੍ਧਚਕ੍षੁष ਏषੋऽਨੁਕਮ੍ਪ੍ਯੋ ਮਯਿ ਨਾਥਵਾਨਿਤਿ ॥ 10 ॥

ਕ੍ਵਾਹਂ ਤਮੋਮਹਦਹਙ੍ਖਚਰਾਗ੍ਨਿਵਾਰ੍ਭੂਸਂਵੇष੍ਟਿਤਾਣ੍ਡਘਟਸਪ੍ਤਵਿਤਸ੍ਤਕਾਯਃ ।

ਕ੍ਵੇਦृਗ੍ਵਿਧਾਵਿਗਣਿਤਾਣ੍ਡਪਰਾਣੁਚਰ੍ਯਾਵਾਤਾਧ੍ਵਰੋਮਵਿਵਰਸ੍ਯ ਚ ਤੇ ਮਹਿਤ੍ਵਮ੍ ॥ 11 ॥

ਉਤ੍ਕ੍षੇਪਣਂ ਗਰ੍ਭਗਤਸ੍ਯ ਪਾਦਯੋਃ ਕਿਂ ਕਲ੍ਪਤੇ ਮਾਤੁਰਧੋऽਕ੍षਜਾਗਸੇ ।

ਕਿਮਸ੍ਤਿ ਨਾਸ੍ਤਿਵ੍ਯਪਦੇਸ਼ਭੂषਿਤਂ ਤਵਾਸ੍ਤਿ ਕੁਕ੍षੇਃ ਕਿਯਦਪ੍ਯਨਨ੍ਤਃ ॥ 12 ॥

ਜਗਤ੍ਤ੍ਰਯਾਨ੍ਤੋਦਧਿਸਮ੍ਪ੍ਲਵੋਦੇ ਨਾਰਾਯਣਸ੍ਯੋਦਰਨਾਭਿਨਾਲਾਤ੍ ।

ਵਿਨਿਰ੍ਗਤੋऽਜਸ੍ਤ੍ਵਿਤਿ ਵਾਨ੍ਨ ਵੈ ਮृषਾ ਕਿਂ ਤ੍ਵੀਸ਼੍ਵਰਤ੍ਵਾਨ੍ਨ ਵਿਨਿਰ੍ਗਤੋऽਸ੍ਮਿ . ।

ਨਾਰਾਯਣਸ੍ਤ੍ਵਂ ਨ ਹਿ ਸਰ੍ਵਦੇਹਿਨਾਮਾਤ੍ਮਾਸ੍ਯਧੀਸ਼ਾਖਿਲਲੋਕਸਾਕ੍षੀ ।

ਨਾਰਾਯਣੋऽਙ੍ਗਂ ਨਰਭੂਜਲਾਯਨਾਤ੍ਤਚ੍ਚਾਪਿ ਸਤ੍ਯਂ ਨ ਤਵੈਵ ਮਾਯਾ ॥ 14 ॥

ਤਚ੍ਚੇਜ੍ਜਲਸ੍ਥਂ ਤਵ ਸਜ੍ਜਗਦ੍ਵਪੁਃ ਕਿਂ ਮੇ ਨ ਦृष੍ਟਂ ਭਗਵਂਸ੍ਤਦੈਵ ।

ਕਿਂ ਵਾ ਸੁਦृष੍ਟਂ ਹृਦਿ ਮੇ ਤਦੈਵ ਕਿਂ ਨੋ ਸਪਦ੍ਯੇਵ ਪੁਨਰ੍ਵ੍ਯਦਰ੍ਸ਼ਿ ॥ 15 ॥

ਅਤ੍ਰੈਵ ਮਾਯਾਦਮਨਾਵਤਾਰੇ ਹ੍ਯਸ੍ਯ ਪ੍ਰਪਞ੍ਚਸ੍ਯ ਬਹਿਃ ਸ੍ਫੁਟਸ੍ਯ ।

ਕृਤ੍ਸ੍ਨਸ੍ਯ ਚਾਨ੍ਤਰ੍ਜਠਰੇ ਜਨਨ੍ਯਾ ਮਾਯਾਤ੍ਵਮੇਵ ਪ੍ਰਕਟੀਕृਤਂ ਤੇ ॥ 16 ॥

ਯਸ੍ਯ ਕੁਕ੍षਾਵਿਦਂ ਸਰ੍ਵਂ ਸਾਤ੍ਮਂ ਭਾਤਿ ਯਥਾ ਤਥਾ ।

ਤਤ੍ਤ੍ਵਯ੍ਯਪੀਹ ਤਤ੍ਸਰ੍ਵਂ ਕਿਮਿਦਂ ਮਾਯਯਾ ਵਿਨਾ ॥ 17 ॥

ਅਦ੍ਯੈਵ ਤ੍ਵਦृਤੇऽਸ੍ਯ ਕਿਂ ਮਮ ਨ ਤੇ ਮਾਯਾਤ੍ਵਮਾਦਰ੍ਸ਼ਿਤਂ

ਏਕੋऽਸਿ ਪ੍ਰਥਮਂ ਤਤੋ ਵ੍ਰਜਸੁਹृਦ੍ਵਤ੍ਸਾਃ ਸਮਸ੍ਤਾ ਅਪਿ ।

ਤਾਵਨ੍ਤੋऽਸਿ ਚਤੁਰ੍ਭੁਜਾਸ੍ਤਦਖਿਲੈਃ ਸਾਕਂ ਮਯੋਪਾਸਿਤਾ-

ਸ੍ਤਾਵਨ੍ਤ੍ਯੇਵ ਜਗਨ੍ਤ੍ਯਭੂਸ੍ਤਦਮਿਤਂ ਬ੍ਰਹ੍ਮਾਦ੍ਵਯਂ ਸ਼ਿष੍ਯਤੇ ॥ 18 ॥

ਅਜਾਨਤਾਂ ਤ੍ਵਤ੍ਪਦਵੀਮਨਾਤ੍ਮਨ੍ਯਾਤ੍ਮਾऽਤ੍ਮਨਾ ਭਾਸਿ ਵਿਤਤ੍ਯ ਮਾਯਾਮ੍ ।

ਸृष੍ਟਾਵਿਵਾਹਂ ਜਗਤੋ ਵਿਧਾਨ ਇਵ ਤ੍ਵਮੇषੋऽਨ੍ਤ ਇਵ ਤ੍ਰਿਨੇਤ੍ਰਃ ॥ 19 ॥

ਸੁਰੇष੍ਵृषਿष੍ਵੀਸ਼ ਤਥੈਵ ਨृष੍ਵਪਿ ਤਿਰ੍ਯਕ੍षੁ ਯਾਦਃਸ੍ਵਪਿ ਤੇऽਜਨਸ੍ਯ ।

ਜਨ੍ਮਾਸਤਾਂ ਦੁਰ੍ਮਦਨਿਗ੍ਰਹਾਯ ਪ੍ਰਭੋ ਵਿਧਾਤਃ ਸਦਨੁਗ੍ਰਹਾਯ ਚ ॥ 20 ॥

ਕੋ ਵੇਤ੍ਤਿ ਭੂਮਨ੍ ਭਗਵਨ੍ ਪਰਾਤ੍ਮਨ੍ ਯੋਗੇਸ਼੍ਵਰੋਤੀਰ੍ਭਵਤਸ੍ਤ੍ਰਿਲੋਕ੍ਯਾਮ੍ ।

ਕ੍ਵ ਵਾ ਕਥਂ ਵਾ ਕਤਿ ਵਾ ਕਦੇਤਿ ਵਿਸ੍ਤਾਰਯਨ੍ ਕ੍ਰੀਡਸਿ ਯੋਗਮਾਯਾਮ੍ ॥ 21 ॥

ਤਸ੍ਮਾਦਿਦਂ ਜਗਦਸ਼ੇषਮਸਤ੍ਸ੍ਵਰੂਪਂ ਸ੍ਵਪ੍ਨਾਭਮਸ੍ਤਧਿषਣਂ ਪੁਰੁਦੁਃਖਦੁਃਖਮ੍ ।

ਤ੍ਵਯ੍ਯੇਵ ਨਿਤ੍ਯਸੁਖਬੋਧਤਨਾਵਨਨ੍ਤੇ ਮਾਯਾਤ ਉਦ੍ਯਦਪਿ ਯਤ੍ਸਦਿਵਾਵਭਾਤਿ ॥ 22 ॥

ਏਕਸ੍ਤ੍ਵਮਾਤ੍ਮਾ ਪੁਰੁषਃ ਪੁਰਾਣਃ ਸਤ੍ਯਃ ਸ੍ਵਯਞ੍ਜ੍ਯੋਤਿਰਨਨ੍ਤ ਆਦ੍ਯਃ ।

ਨਿਤ੍ਯੋऽਕ੍षਰੋऽਜਸ੍ਰਸੁਖੋ ਨਿਰਞ੍ਜਨਃ ਪੂਰ੍ਣੋऽਦ੍ਵਯੋ ਮੁਕ੍ਤ ਉਪਾਧਿਤੋऽਮृਤਃ ॥ 23 ॥

ਏਵਂਵਿਧਂ ਤ੍ਵਾਂ ਸਕਲਾਤ੍ਮਨਾਮਪਿ ਸ੍ਵਾਤ੍ਮਾਨਮਾਤ੍ਮਾऽਤ੍ਮਤਯਾ ਵਿਚਕ੍षਤੇ ।

ਗੁਰ੍ਵਰ੍ਕਲਬ੍ਧੋਪਨਿषਤ੍ਸੁਚਕ੍षੁषਾ ਯੇ ਤੇ ਤਰਨ੍ਤੀਵ ਭਵਾਨृਤਾਮ੍ਬੁਧਿਮ੍ ॥ 24 ॥

ਆਤ੍ਮਾਨਮੇਵਾਤ੍ਮਤਯਾऽਵਿਜਾਨਤਾਂ ਤੇਨੈਵ ਜਾਤਂ ਨਿਖਿਲਂ ਪ੍ਰਪਞ੍ਚਿਤਮ੍ ।

ਜ੍ਞਾਨੇਨ ਭੂਯੋऽਪਿ ਚ ਤਤ੍ਪ੍ਰਲੀਯਤੇ ਰਜ੍ਜ੍ਵਾਮਹੇਰ੍ਭੋਗਭਵਾਭਵੌ ਯਥਾ ॥ 25 ॥

ਅਜ੍ਞਾਨਸਞ੍ਜ੍ਞੌ ਭਵਬਨ੍ਧਮੋਕ੍षੌ ਦ੍ਵੌ ਨਾਮ ਨਾਨ੍ਯੌ ਸ੍ਤ ऋਤਜ੍ਞਭਾਵਾਤ੍ ।

ਅਜਸ੍ਰਚਿਤ੍ਯਾऽਤ੍ਮਨਿ ਕੇਵਲੇ ਪਰੇ ਵਿਚਾਰ੍ਯਮਾਣੇ ਤਰਣਾਵਿਵਾਹਨੀ ॥ 26 ॥

ਤ੍ਵਾਮਾਤ੍ਮਾਨਂ ਪਰਂ ਮਤ੍ਵਾ ਪਰਮਾਤ੍ਮਾਨਮੇਵ ਚ ।

ਆਤ੍ਮਾ ਪੁਨਰ੍ਬਹਿਰ੍ਮृਗ੍ਯ ਅਹੋऽਜ੍ਞਜਨਤਾऽਜ੍ਞਤਾ ॥ 27 ॥

ਅਨ੍ਤਰ੍ਭਵੇऽਨਨ੍ਤ ਭਵਨ੍ਤਮੇਵ ਹ੍ਯਤਤ੍ਤ੍ਯਜਨ੍ਤੋ ਮृਗਯਨ੍ਤਿ ਸਨ੍ਤਃ ।

ਅਸਨ੍ਤਮਪ੍ਯਨ੍ਤ੍ਯਹਿਮਨ੍ਤਰੇਣ ਸਨ੍ਤਂ ਗੁਣਂ ਤਂ ਕਿਮੁ ਯਨ੍ਤਿ ਸਨ੍ਤਃ ॥ 28 ॥

ਅਥਾਪਿ ਤੇ ਦੇਵ ਪਦਾਮ੍ਬੁਜਦ੍ਵਯਪ੍ਰਸਾਦਲੇਸ਼ਾਨੁਗृਹੀਤ ਏਵ ਹਿ ।

ਜਾਨਾਤਿ ਤਤ੍ਤ੍ਵਂ ਭਗਵਨ੍ ਮਹਿਮ੍ਨੋ ਨ ਚਾਨ੍ਯ ਏਕੋऽਪਿ ਚਿਰਂ ਵਿਚਿਨ੍ਵਨ੍ ॥ 29 ॥

ਤਦਸ੍ਤੁ ਮੇ ਨਾਥ ਸ ਭੂਰਿਭਾਗੋ ਭਵੇऽਤ੍ਰ ਵਾਨ੍ਯਤ੍ਰ ਤੁ ਵਾ ਤਿਰਸ਼੍ਚਾਮ੍ ।

ਯੇਨਾਹਮੇਕੋऽਪਿ ਭਵਜ੍ਜਨਾਨਾਂ ਭੂਤ੍ਵਾ ਨਿषੇਵੇ ਤਵ ਪਾਦਪਲ੍ਲਵਮ੍ ॥ 30 ॥

ਅਹੋऽਤਿਧਨ੍ਯਾ ਵ੍ਰਜਗੋਰਮਣ੍ਯਃ ਸ੍ਤਨ੍ਯਾਮृਤਂ ਪੀਤਮਤੀਵ ਤੇ ਮੁਦਾ ।

ਯਾਸਾਂ ਵਿਭੋ ਵਤ੍ਸਤਰਾਤ੍ਮਜਾਤ੍ਮਨਾ ਯਤ੍ਤृਪ੍ਤਯੇऽਦ੍ਯਾਪਿ ਨ ਚਾਲਮਧ੍ਵਰਾਃ ॥ 31 ॥

ਅਹੋ ਭਾਗ੍ਯਮਹੋ ਭਾਗ੍ਯਂ ਨਨ੍ਦਗੋਪਵ੍ਰਜੌਕਸਾਮ੍ ।

ਯਨ੍ਮਿਤ੍ਰਂ ਪਰਮਾਨਨ੍ਦਂ ਪੂਰ੍ਣਂ ਬ੍ਰਹ੍ਮ ਸਨਾਤਨਮ੍ ॥ 32 ॥

ਏषਾਂ ਤੁ ਭਾਗ੍ਯਮਹਿਮਾऽਚ੍ਯੁਤ ਤਾਵਦਾਸ੍ਤਾ-

ਮੇਕਾਦਸ਼ੈਵ ਹਿ ਵਯਂ ਬਤ ਭੂਰਿਭਾਗਾਃ ।

ਏਤਦ੍ਧृषੀਕਚषਕੈਰਸਕृਤ੍ਪਿਬਾਮਃ

ਸ਼ਰ੍ਵਾਦਯੋऽਙ੍ਘ੍ਰ੍ਯੁਦਜਮਧ੍ਵਮृਤਾਸਵਂ ਤੇ ॥ 33 ॥

ਤਦ੍ਭੂਰਿਭਾਗ੍ਯਮਿਹ ਜਨ੍ਮ ਕਿਮਪ੍ਯਟਵ੍ਯਾਂ

ਯਦ੍ਗੋਕੁਲੇऽਪਿ ਕਤਮਾਙ੍ਘ੍ਰਿਰਜੋऽਭਿषੇਕਮ੍ ।

ਯਜ੍ਜੀਵਿਤਂ ਤੁ ਨਿਖਿਲਂ ਭਗਵਾਨ੍ ਮੁਕੁਨ੍ਦ-

ਸ੍ਤ੍ਵਦ੍ਯਾਪਿ ਯਤ੍ਪਦਰਜਃ ਸ਼੍ਰੁਤਿਮृਗ੍ਯਮੇਵ ॥ 34 ॥

ਏषਾਂ ਘੋषਨਿਵਾਸਿਨਾਮੁਤ ਭਵਾਨ੍ ਕਿਂ ਦੇਵ ਰਾਤੇਤਿ ਨਃ

ਚੇਤੋ ਵਿਸ਼੍ਵਫਲਾਤ੍ਫਲਂ ਤ੍ਵਦਪਰਂ ਕੁਤ੍ਰਾਪ੍ਯਯਨ੍ ਮੁਹ੍ਯਤਿ ।

ਸਦ੍ਵੇषਾਦਿਵ ਪੂਤਨਾऽਪਿ ਸਕੁਲਾ ਤ੍ਵਾਮੇਵ ਦੇਵਾਪਿਤਾ

ਯਦ੍ਧਾਮਾਰ੍ਥਸੁਹृਤ੍ਪ੍ਰਿਯਾਤ੍ਮਤਨਯਪ੍ਰਾਣਾਸ਼ਯਾਸ੍ਤ੍ਵਤ੍ਕृਤੇ ॥ 35 ॥

ਤਾਵਦ੍ਰਾਗਾਦਯਃ ਸ੍ਤੇਨਾਸ੍ਤਾਵਤ੍ਕਾਰਾਗृਹਂ ਗृਹਮ੍ ।

ਤਾਵਨ੍ਮੋਹੋऽਙ੍ਘ੍ਰਿਨਿਗਡੋ ਯਾਵਤ੍ਕृष੍ਣ ਨ ਤੇ ਜਨਾਃ ॥ 36 ॥

ਪ੍ਰਪਞ੍ਚਂ ਨਿष੍ਪ੍ਰਪਞ੍ਚੋऽਪਿ ਵਿਡਮ੍ਬਯਸਿ ਭੂਤਲੇ ।

ਪ੍ਰਪਨ੍ਨਜਨਤਾਨਨ੍ਦਸਨ੍ਦੋਹਂ ਪ੍ਰਥਿਤੁਂ ਪ੍ਰਭੋ ॥ 37 ॥

ਜਾਨਨ੍ਤ ਏਵ ਜਾਨਨ੍ਤੁ ਕਿਂ ਬਹੂਕ੍ਤ੍ਯਾ ਨ ਮੇ ਪ੍ਰਭੋ ।

ਮਨਸੋ ਵਪੁषੋ ਵਾਚੋ ਵੈਭਵਂ ਤਵ ਗੋਚਰਃ ॥ 38 ॥

ਅਨੁਜਾਨੀਹਿ ਮਾਂ ਕृष੍ਣ ਸਰ੍ਵਂ ਤ੍ਵਂ ਵੇਤ੍ਸਿ ਸਰ੍ਵਦृਕ੍ ।

ਤ੍ਵਮੇਵ ਜਗਤਾਂ ਨਾਥੋ ਜਗਦੇਤਤ੍ਤਵਾਰ੍ਪਿਤਮ੍ ॥ 39 ॥

ਸ਼੍ਰੀਕृष੍ਣ ਵृष੍ਣਿਕੁਲਪੁष੍ਕਰਜੋषਦਾਯਿਨ੍

ਕ੍ष੍ਮਾਨਿਰ੍ਜਰਦ੍ਵਿਜਪਸ਼ੂਦਧਿਵृਦ੍ਧਿਕਾਰਿਨ੍ ।

ਉਦ੍ਧਰ੍ਮਸ਼ਾਰ੍ਵਰਹਰ ਕ੍षਿਤਿਰਾਕ੍षਸਧ੍ਰੁਗ੍

ਆਕਲ੍ਪਮਾਰ੍ਕਮਰ੍ਹਨ੍ ਭਗਵਨ੍ ਨਮਸ੍ਤੇ ॥ 40 ॥

ਇਤਿ ਸ਼੍ਰੀਮਦ੍ਭਾਗਵਤਮਹਾਪੁਰਾਣੇ ਦਸ਼ਮਸ੍ਕਨ੍ਧੇ ਪੂਰ੍ਵਾਰ੍ਧੇ

ਚਤੁਰ੍ਦਸ਼ਾਧ੍ਯਾਯਾਨ੍ਤਰ੍ਗਤਂ ਬ੍ਰਹ੍ਮਕृਤਂ ਸ਼੍ਰੀਕृष੍ਣਸ੍ਤੁਤਿਃ ਸਮਾਪ੍ਤਾ ।

ਭਾਗਵਤਪੁਰਾਣ . ਅਧ੍ਯਾਯ 10/14/1-40 . ।

Roman (IAST) Transliteration

brahmovāca |

naumīḍya te'bhravapuṣe taḍidambarāya

guñjāvataṃsaparipicchalasanmukhāya |

vanyasraje kavalavetraviṣāṇaveṇu-

lakṣmaśriye mṛdupade paśupāṅgajāya || 1 ||

asyāpi deva vapuṣo madanugrahasya

svecchāmayasya na tu bhūtamayasya ko'pi |

neśemahi tvavasituṃ manasāntareṇa

sākṣāttavaiva kimutātmasukhānubhūteḥ || 2 ||

jñāne prayāsamudapāsya namanta eva

jīvanti sanmukharitāṃ bhavadīyavārtām |

sthāne sthitāḥ śrutigatāṃ tanuvāmmanobhiḥ

ye prāyaśo'jita jito'pyasi taistrilokyām || 3 ||

śreyaḥsrutiṃ bhaktimudasya te vibho kliśyanti ye kevalabodhalabdhaye |

teṣāmasau kleśala eva śiṣyate nānyadyathā sthūlatuṣāvaghātinām || 4 ||

pureha bhūman bahavo'pi yoginastvadarpitehā nijakarmalabdhayā |

vibudhya bhaktyaiva kathopanītayā prapedire'ñjo'cyuta te gatiṃ parām || 5 ||

tathāpi bhūman mahimā'guṇasya te viboddhumarhatyamalāntarātmabhiḥ |

avikriyātsvānubhavādarūpato hyananyabodhyātmatayā na cānyathā || 6 ||

guṇātmanaste'pi guṇān vimātuṃ hitāvatīrṇasya ka īśire'sya |

kālena yairvā vimitāḥ sukalpairbhūpāṃsavaḥ khe mihikā dyubhāsaḥ || 7 ||

tatte'nukampāṃ susamīkṣamāṇo bhuñjāna evātmakṛtaṃ vipākam |

hṛdvāgvapurbhirvidadhannamaste jīveta yo muktipade sa dāyabhāk || 8 ||

paśyeśa me'nāryamananta ādye parātmani tvayyapi māyimāyini |

māyāṃ vitatyekṣitumātmavaibhavaṃ hyahaṃ kiyānaicchamivārciragnau || 9 ||

ataḥ kṣamasvācyuta me rajobhuvo hyajānatastvatpṛthagīśamāninaḥ |

ajāvalepāndhatamo'ndhacakṣuṣa eṣo'nukampyo mayi nāthavāniti || 10 ||

kvāhaṃ tamomahadahaṅkhacarāgnivārbhūsaṃveṣṭitāṇḍaghaṭasaptavitastakāyaḥ |

kvedṛgvidhāvigaṇitāṇḍaparāṇucaryāvātādhvaromavivarasya ca te mahitvam || 11 ||

utkṣepaṇaṃ garbhagatasya pādayoḥ kiṃ kalpate māturadho'kṣajāgase |

kimasti nāstivyapadeśabhūṣitaṃ tavāsti kukṣeḥ kiyadapyanantaḥ || 12 ||

jagattrayāntodadhisamplavode nārāyaṇasyodaranābhinālāt |

vinirgato'jastviti vānna vai mṛṣā kiṃ tvīśvaratvānna vinirgato'smi . |

nārāyaṇastvaṃ na hi sarvadehināmātmāsyadhīśākhilalokasākṣī |

nārāyaṇo'ṅgaṃ narabhūjalāyanāttaccāpi satyaṃ na tavaiva māyā || 14 ||

taccejjalasthaṃ tava sajjagadvapuḥ kiṃ me na dṛṣṭaṃ bhagavaṃstadaiva |

kiṃ vā sudṛṣṭaṃ hṛdi me tadaiva kiṃ no sapadyeva punarvyadarśi || 15 ||

atraiva māyādamanāvatāre hyasya prapañcasya bahiḥ sphuṭasya |

kṛtsnasya cāntarjaṭhare jananyā māyātvameva prakaṭīkṛtaṃ te || 16 ||

yasya kukṣāvidaṃ sarvaṃ sātmaṃ bhāti yathā tathā |

tattvayyapīha tatsarvaṃ kimidaṃ māyayā vinā || 17 ||

adyaiva tvadṛte'sya kiṃ mama na te māyātvamādarśitaṃ

eko'si prathamaṃ tato vrajasuhṛdvatsāḥ samastā api |

tāvanto'si caturbhujāstadakhilaiḥ sākaṃ mayopāsitā-

stāvantyeva jagantyabhūstadamitaṃ brahmādvayaṃ śiṣyate || 18 ||

ajānatāṃ tvatpadavīmanātmanyātmā'tmanā bhāsi vitatya māyām |

sṛṣṭāvivāhaṃ jagato vidhāna iva tvameṣo'nta iva trinetraḥ || 19 ||

sureṣvṛṣiṣvīśa tathaiva nṛṣvapi tiryakṣu yādaḥsvapi te'janasya |

janmāsatāṃ durmadanigrahāya prabho vidhātaḥ sadanugrahāya ca || 20 ||

ko vetti bhūman bhagavan parātman yogeśvarotīrbhavatastrilokyām |

kva vā kathaṃ vā kati vā kadeti vistārayan krīḍasi yogamāyām || 21 ||

tasmādidaṃ jagadaśeṣamasatsvarūpaṃ svapnābhamastadhiṣaṇaṃ puruduḥkhaduḥkham |

tvayyeva nityasukhabodhatanāvanante māyāta udyadapi yatsadivāvabhāti || 22 ||

ekastvamātmā puruṣaḥ purāṇaḥ satyaḥ svayañjyotirananta ādyaḥ |

nityo'kṣaro'jasrasukho nirañjanaḥ pūrṇo'dvayo mukta upādhito'mṛtaḥ || 23 ||

evaṃvidhaṃ tvāṃ sakalātmanāmapi svātmānamātmā'tmatayā vicakṣate |

gurvarkalabdhopaniṣatsucakṣuṣā ye te tarantīva bhavānṛtāmbudhim || 24 ||

ātmānamevātmatayā'vijānatāṃ tenaiva jātaṃ nikhilaṃ prapañcitam |

jñānena bhūyo'pi ca tatpralīyate rajjvāmaherbhogabhavābhavau yathā || 25 ||

ajñānasañjñau bhavabandhamokṣau dvau nāma nānyau sta ṛtajñabhāvāt |

ajasracityā'tmani kevale pare vicāryamāṇe taraṇāvivāhanī || 26 ||

tvāmātmānaṃ paraṃ matvā paramātmānameva ca |

ātmā punarbahirmṛgya aho'jñajanatā'jñatā || 27 ||

antarbhave'nanta bhavantameva hyatattyajanto mṛgayanti santaḥ |

asantamapyantyahimantareṇa santaṃ guṇaṃ taṃ kimu yanti santaḥ || 28 ||

athāpi te deva padāmbujadvayaprasādaleśānugṛhīta eva hi |

jānāti tattvaṃ bhagavan mahimno na cānya eko'pi ciraṃ vicinvan || 29 ||

tadastu me nātha sa bhūribhāgo bhave'tra vānyatra tu vā tiraścām |

yenāhameko'pi bhavajjanānāṃ bhūtvā niṣeve tava pādapallavam || 30 ||

aho'tidhanyā vrajagoramaṇyaḥ stanyāmṛtaṃ pītamatīva te mudā |

yāsāṃ vibho vatsatarātmajātmanā yattṛptaye'dyāpi na cālamadhvarāḥ || 31 ||

aho bhāgyamaho bhāgyaṃ nandagopavrajaukasām |

yanmitraṃ paramānandaṃ pūrṇaṃ brahma sanātanam || 32 ||

eṣāṃ tu bhāgyamahimā'cyuta tāvadāstā-

mekādaśaiva hi vayaṃ bata bhūribhāgāḥ |

etaddhṛṣīkacaṣakairasakṛtpibāmaḥ

śarvādayo'ṅghryudajamadhvamṛtāsavaṃ te || 33 ||

tadbhūribhāgyamiha janma kimapyaṭavyāṃ

yadgokule'pi katamāṅghrirajo'bhiṣekam |

yajjīvitaṃ tu nikhilaṃ bhagavān mukunda-

stvadyāpi yatpadarajaḥ śrutimṛgyameva || 34 ||

eṣāṃ ghoṣanivāsināmuta bhavān kiṃ deva rāteti naḥ

ceto viśvaphalātphalaṃ tvadaparaṃ kutrāpyayan muhyati |

sadveṣādiva pūtanā'pi sakulā tvāmeva devāpitā

yaddhāmārthasuhṛtpriyātmatanayaprāṇāśayāstvatkṛte || 35 ||

tāvadrāgādayaḥ stenāstāvatkārāgṛhaṃ gṛham |

tāvanmoho'ṅghrinigaḍo yāvatkṛṣṇa na te janāḥ || 36 ||

prapañcaṃ niṣprapañco'pi viḍambayasi bhūtale |

prapannajanatānandasandohaṃ prathituṃ prabho || 37 ||

jānanta eva jānantu kiṃ bahūktyā na me prabho |

manaso vapuṣo vāco vaibhavaṃ tava gocaraḥ || 38 ||

anujānīhi māṃ kṛṣṇa sarvaṃ tvaṃ vetsi sarvadṛk |

tvameva jagatāṃ nātho jagadetattavārpitam || 39 ||

śrīkṛṣṇa vṛṣṇikulapuṣkarajoṣadāyin

kṣmānirjaradvijapaśūdadhivṛddhikārin |

uddharmaśārvarahara kṣitirākṣasadhrug

ākalpamārkamarhan bhagavan namaste || 40 ||

iti śrīmadbhāgavatamahāpurāṇe daśamaskandhe pūrvārdhe

caturdaśādhyāyāntargataṃ brahmakṛtaṃ śrīkṛṣṇastutiḥ samāptā |

bhāgavatapurāṇa . adhyāya 10/14/1-40 . |