📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਗੀਤਗੋਵਿਨ੍ਦਂ ਪਞ੍ਚਮਃ ਸਰ੍ਗਃ - ਸਾਕਾਙ੍ਕ੍ष ਪੁਣ੍ਡਰੀਕਾਕ੍षਃ
Gitagovindam Panchamah Sargah - Sakanksha Pundarikakshah
Vishnu Gita Jayadeva Gurmukhi
॥ ਪਞ੍ਚਮਃ ਸਰ੍ਗਃ ॥
॥ ਸਾਕਾਙ੍ਕ੍षਪੁਣ੍ਡਰੀਕਾਕ੍षਃ ॥
ਅਹਮਿਹ ਨਿਵਸਾਮਿ ਯਾਹਿ ਰਾਧਾਂ ਅਨੁਨਯ ਮਦ੍ਵਚਨੇਨ ਚਾਨਯੇਥਾਃ ।
ਇਤਿ ਮਧੁਰਿਪੁਣਾ ਸਖੀ ਨਿਯੁਕ੍ਤਾ ਸ੍ਵਯਮਿਦਮੇਤ੍ਯ ਪੁਨਰ੍ਜਗਾਦ ਰਾਧਾਮ੍ ॥ 31 ॥
॥ ਗੀਤਂ 10 ॥
ਵਹਤਿ ਮਲਯਸਮੀਰੇ ਮਦਨਮੁਪਨਿਧਾਯ ।
ਸ੍ਫੁਟਤਿ ਕੁਸੁਮਨਿਕਰੇ ਵਿਰਹਿਹृਦਯਦਲਨਾਯ ॥
ਤਵ ਵਿਰਹੇ ਵਨਮਾਲੀ ਸਖਿ ਸੀਦਤਿ ॥ 1 ॥
ਦਹਤਿ ਸ਼ਿਸ਼ਿਰਮਯੂਖੇ ਮਰਣਮਨੁਕਰੋਤਿ ।
ਪਤਤਿ ਮਦਨਵਿਸ਼ਿਖੇ ਵਿਲਪਤਿ ਵਿਕਲਤਰੋऽਤਿ ॥ 2 ॥
ਧ੍ਵਨਤਿ ਮਧੁਪਸਮੂਹੇ ਸ਼੍ਰਵਣਮਪਿਦਧਾਤਿ ।
ਮਨਸਿ ਚਲਿਤਵਿਰਹੇ ਨਿਸ਼ਿ ਨਿਸ਼ਿ ਰੁਜਮੁਪਯਾਤਿ ॥ 3 ॥
ਵਸਤਿ ਵਿਪਿਨਵਿਤਾਨੇ ਤ੍ਯਜਤਿ ਲਲਿਤਧਾਮ ।
ਲੁਠਤਿ ਧਰਣਿਸ਼ਯਨੇ ਬਹੁ ਵਿਲਪਤਿ ਤਵ ਨਾਮ ॥ 4 ॥
ਰਣਤਿ ਪਿਕਸਮਵਾਯੇ ਪ੍ਰਤਿਦਿਸ਼ਮਨੁਯਾਤਿ ।
ਹਸਤਿ ਮਨੁਜਨਿਚਯੇ ਵਿਰਹਮਪਲਪਤਿ ਨੇਤਿ ॥ 5 ॥
ਸ੍ਫੁਰਤਿ ਕਲਰਵਰਾਵੇ ਸ੍ਮਰਤਿ ਮਣਿਤਮੇਵ।
ਤਵਰਤਿਸੁਖਵਿਭਵੇ ਗਣਯਤਿ ਸੁਗੁਣਮਤੀਵ ॥ 6 ॥
ਤ੍ਵਦਭਿਧਸ਼ੁਭਦਮਾਸਂ ਵਦਤਿ ਨਰਿ ਸ਼ृਣੋਤਿ ।
ਤਮਪਿ ਜਪਤਿ ਸਰਸਂ ਯੁਵਤਿषੁ ਨ ਰਤਿਮੁਪੈਤਿ ॥ 7 ॥
ਭਣਤਿ ਕਵਿਜਯਦੇਵੇ ਵਿਰਹਵਿਲਸਿਤੇਨ ।
ਮਨਸਿ ਰਭਸਵਿਭਵੇ ਹਰਿਰੁਦਯਤੁ ਸੁਕृਤੇਨ ॥ 8 ॥
ਪੂਰ੍ਵਂ ਯਤ੍ਰ ਸਮਂ ਤ੍ਵਯਾ ਰਤਿਪਤੇਰਾਸਾਦਿਤਃ ਸਿਦ੍ਧਯ-ਸ੍ਤਸ੍ਮਿਨ੍ਨੇਵ ਨਿਕੁਞ੍ਜਮਨ੍ਮਥਮਹਾਤੀਰ੍ਥੇ ਪੁਨਰ੍ਮਾਧਵਃ ।
ਧ੍ਯਾਯਂਸ੍ਤ੍ਵਾਮਨਿਸ਼ਂ ਜਪਨ੍ਨਪਿ ਤਵੈਵਾਲਾਪਮਨ੍ਤ੍ਰਾਵਲੀਂ ਭੂਯਸ੍ਤ੍ਵਤ੍ਕੁਚਕੁਮ੍ਭਨਿਰ੍ਭਰਪਰੀਰਮ੍ਭਾਮृਤਂ ਵਾਞ੍ਛਤਿ ॥ 32 ॥
॥ ਗੀਤਂ 11 ॥
ਰਤਿਸੁਖਸਾਰੇ ਗਤਮਭਿਸਾਰੇ ਮਦਨਮਨੋਹਰਵੇਸ਼ਮ੍ ।
ਨ ਕੁਰੁ ਨਿਤਮ੍ਬਿਨਿ ਗਮਨਵਿਲਮ੍ਬਨਮਨੁਸਰ ਤਂ ਹृਦਯੇਸ਼ਮ੍ ॥
ਧੀਰਸਮੀਰੇ ਯਮੁਨਾਤੀਰੇ ਵਸਤਿ ਵਨੇ ਵਨਮਾਲੀ ॥ 1 ॥
ਨਾਮ ਸਮੇਤਂ ਕृਤਸਙ੍ਕੇਤਂ ਵਾਦਯਤੇ ਮृਦੁਵੇਣੁਮ੍ ।
ਬਹੁ ਮਨੁਤੇ ਨਨੁ ਤੇ ਤਨੁਸਙ੍ਗਤਪਵਨਚਲਿਤਮਪਿ ਰੇਣੁਮ੍ ॥ 2 ॥
ਪਤਤਿ ਪਤਤ੍ਰੇ ਵਿਚਲਤਿ ਪਤ੍ਰੇ ਸ਼ਙ੍ਕਿਤਭਵਦੁਪਯਾਨਮ੍ ।
ਰਚਯਤਿ ਸ਼ਯਨਂ ਸਚਕਿਤਨਯਨਂ ਪਸ਼੍ਯਤਿ ਤਵ ਪਨ੍ਥਾਨਮ੍ ॥ 3 ॥
ਮੁਖਰਮਧੀਰਂ ਤ੍ਯਜ ਮਞ੍ਜੀਰਂ ਰਿਪੁਮਿਵ ਕੇਲਿषੁਲੋਲਮ੍ ।
ਚਲ ਸਖਿ ਕੁਞ੍ਜਂ ਸਤਿਮਿਰਪੁਞ੍ਜਂ ਸ਼ੀਲਯ ਨੀਲਨਿਚੋਲਮ੍ ॥ 4 ॥
ਉਰਸਿ ਮੁਰਾਰੇਰੁਪਹਿਤਹਾਰੇ ਘਨ ਇਵ ਤਰਲਬਲਾਕੇ ।
ਤਟਿਦਿਵ ਪੀਤੇ ਰਤਿਵਿਪਰੀਤੇ ਰਾਜਸਿ ਸੁਕृਤਵਿਪਾਕੇ ॥ 5 ॥
ਵਿਗਲਿਤਵਸਨਂ ਪਰਿਹृਤਰਸਨਂ ਘਟਯ ਜਘਨਮਪਿਧਾਨਮ੍ ।
ਕਿਸਲਯਸ਼ਯਨੇ ਪਙ੍ਕਜਨਯਨੇ ਨਿਧਿਮਿਵ ਹਰ੍षਨਿਦਾਨਮ੍ ॥ 6 ॥
ਹਰਿਰਭਿਮਾਨੀ ਰਜਨਿਰਿਦਾਨੀਮਿਯਮਪਿ ਯਾਤਿ ਵਿਰਾਮਮ੍ ।
ਕੁਰੁ ਮਮ ਵਚਨਂ ਸਤ੍ਵਰਰਚਨਂ ਪੂਰਯ ਮਧੁਰਿਪੁਕਾਮਮ੍ ॥ 7 ॥
ਸ਼੍ਰੀਜਯਦੇਵੇ ਕृਤਹਰਿਸੇਵੇ ਭਣਤਿ ਪਰਮਰਮਣੀਯਮ੍ ।
ਪ੍ਰਮੁਦਿਤਹृਦਯਂ ਹਰਿਮਤਿਸਦਯਂ ਨਮਤ ਸੁਕृਤਕਮਨੀਯਮ੍ ॥ 8 ॥
ਵਿਕਿਰਤਿ ਮੁਹੁਃ ਸ਼੍ਵਾਸਾਨ੍ਦਿਸ਼ਃ ਪੁਰੋ ਮੁਹੁਰੀਕ੍षਤੇ ਪ੍ਰਵਿਸ਼ਤਿ ਮੁਹੁਃ ਕੁਞ੍ਜਂ ਗੁਞ੍ਜਨ੍ਮੁਹੁਰ੍ਬਹੁ ਤਾਮ੍ਯਤਿ ।
ਰਚਯਤਿ ਮੁਹੁਃ ਸ਼ਯ੍ਯਾਂ ਪਰ੍ਯਾਕੁਲਂ ਮੁਹੁਰੀਕ੍षਤੇ ਮਦਨਕਦਨਕ੍ਲਾਨ੍ਤਃ ਕਾਨ੍ਤੇ ਪ੍ਰਿਯਸ੍ਤਵ ਵਰ੍ਤਤੇ ॥ 33 ॥
ਤ੍ਵਦ੍ਵਾਮ੍ਯੇਨ ਸਮਂ ਸਮਗ੍ਰਮਧੁਨਾ ਤਿਗ੍ਮਾਂਸ਼ੁਰਸ੍ਤਂ ਗਤੋ ਗੋਵਿਨ੍ਦਸ੍ਯ ਮਨੋਰਥੇਨ ਚ ਸਮਂ ਪ੍ਰਾਪ੍ਤਂ ਤਮਃ ਸਾਨ੍ਦ੍ਰਤਾਮ੍ ।
ਕੋਕਾਨਾਂ ਕਰੁਣਸ੍ਵਨੇਨ ਸਦृਸ਼ੀ ਦੀਰ੍ਘਾ ਮਦਭ੍ਯਰ੍ਥਨਾ ਤਨ੍ਮੁਗ੍ਧੇ ਵਿਫਲਂ ਵਿਲਮ੍ਬਨਮਸੌ ਰਮ੍ਯੋऽਭਿਸਾਰਕ੍षਣਃ ॥ 34 ॥
ਆਸ਼੍ਲੇषਾਦਨੁ ਚੁਮ੍ਬਨਾਦਨੁ ਨਖੋਲ੍ਲੇਖਾਦਨੁ ਸ੍ਵਾਨ੍ਤਜ-ਪ੍ਰੋਦ੍ਬੋਧਾਦਨੁ ਸਮ੍ਭ੍ਰਮਾਦਨੁ ਰਤਾਰਮ੍ਭਾਦਨੁ ਪ੍ਰੀਤਯੋਃ ।
ਅਨ੍ਯਾਰ੍ਥਂ ਗਤਯੋਰ੍ਭ੍ਰਮਾਨ੍ਮਿਲਿਤਯੋਃ ਸਮ੍ਭਾषਣੈਰ੍ਜਾਨਤੋ-ਰ੍ਦਮ੍ਪਤ੍ਯੋਰਿਹ ਕੋ ਨ ਕੋ ਨ ਤਮਸਿ ਵ੍ਰੀਡਾਵਿਮਿਸ਼੍ਰੋ ਰਸਃ ॥ 35 ॥
ਸਭਯਚਕਿਤਂ ਵਿਨ੍ਯਸ੍ਯਨ੍ਤੀਂ ਦृਸ਼ੌ ਤਿਮਿਰੇ ਪਥਿ ਪ੍ਰਤਿਤਰੁ ਮੁਹੁਃ ਸ੍ਥਿਤ੍ਵਾ ਮਨ੍ਦਂ ਪਦਾਨਿ ਵਿਤਨ੍ਵਤੀਮ੍ ।
ਕਥਮਪਿ ਰਹਃ ਪ੍ਰਾਪ੍ਤਾਮਙ੍ਗੈਰਨਙ੍ਗਤਰਙ੍ਗਿਭਿਃ ਸੁਮੁਖਿ ਸੁਭਗਃ ਪਸ਼੍ਯਨ੍ਸ ਤ੍ਵਾਮੁਪੈਤੁ ਕृਤਾਰ੍ਥਤਾਮ੍ ॥ 36 ॥
ਰਾਧਾਮੁਗ੍ਧਮੁਖਾਰਵਿਨ੍ਦਮਧੁਪਸ੍ਤ੍ਰੈਲੋਕ੍ਯਮੌਲਿਸ੍ਥਲੀ ਨੇਪਥ੍ਯੋਚਿਤਨੀਲਰਤ੍ਨਮਵਨੀਭਾਰਾਵਤਾਰਾਨ੍ਤਕਃ।
ਸ੍ਵਚ੍ਛਨ੍ਦਂ ਵ੍ਰਜਸੁਬ੍ਦਰੀਜਨਮਨਸ੍ਤੋषਪ੍ਰਦੋषੋਦਯਃ ਕਂਸਧ੍ਵਂਸਨਧੂਮਕੇਤੁਰਵਤੁ ਤ੍ਵਾਂ ਦੇਵਕੀਨਨ੍ਦਨਃ॥ 36 + 1 ॥
॥ ਇਤਿ ਸ਼੍ਰੀਗੀਤਗੋਵਿਨ੍ਦੇऽਭਿਸਾਰਿਕਵਰ੍ਣਨੇ ਸਾਕਾਙ੍ਕ੍षਪੁਣ੍ਡਰੀਕਾਕ੍षੋ ਨਾਮ ਪਞ੍ਚਮਃ ਸਰ੍ਗਃ ॥
Roman (IAST) Transliteration
|| pañcamaḥ sargaḥ ||
|| sākāṅkṣapuṇḍarīkākṣaḥ ||
ahamiha nivasāmi yāhi rādhāṃ anunaya madvacanena cānayethāḥ |
iti madhuripuṇā sakhī niyuktā svayamidametya punarjagāda rādhām || 31 ||
|| gītaṃ 10 ||
vahati malayasamīre madanamupanidhāya |
sphuṭati kusumanikare virahihṛdayadalanāya ||
tava virahe vanamālī sakhi sīdati || 1 ||
dahati śiśiramayūkhe maraṇamanukaroti |
patati madanaviśikhe vilapati vikalataro'ti || 2 ||
dhvanati madhupasamūhe śravaṇamapidadhāti |
manasi calitavirahe niśi niśi rujamupayāti || 3 ||
vasati vipinavitāne tyajati lalitadhāma |
luṭhati dharaṇiśayane bahu vilapati tava nāma || 4 ||
raṇati pikasamavāye pratidiśamanuyāti |
hasati manujanicaye virahamapalapati neti || 5 ||
sphurati kalaravarāve smarati maṇitameva|
tavaratisukhavibhave gaṇayati suguṇamatīva || 6 ||
tvadabhidhaśubhadamāsaṃ vadati nari śṛṇoti |
tamapi japati sarasaṃ yuvatiṣu na ratimupaiti || 7 ||
bhaṇati kavijayadeve virahavilasitena |
manasi rabhasavibhave harirudayatu sukṛtena || 8 ||
pūrvaṃ yatra samaṃ tvayā ratipaterāsāditaḥ siddhaya-stasminneva nikuñjamanmathamahātīrthe punarmādhavaḥ |
dhyāyaṃstvāmaniśaṃ japannapi tavaivālāpamantrāvalīṃ bhūyastvatkucakumbhanirbharaparīrambhāmṛtaṃ vāñchati || 32 ||
|| gītaṃ 11 ||
ratisukhasāre gatamabhisāre madanamanoharaveśam |
na kuru nitambini gamanavilambanamanusara taṃ hṛdayeśam ||
dhīrasamīre yamunātīre vasati vane vanamālī || 1 ||
nāma sametaṃ kṛtasaṅketaṃ vādayate mṛduveṇum |
bahu manute nanu te tanusaṅgatapavanacalitamapi reṇum || 2 ||
patati patatre vicalati patre śaṅkitabhavadupayānam |
racayati śayanaṃ sacakitanayanaṃ paśyati tava panthānam || 3 ||
mukharamadhīraṃ tyaja mañjīraṃ ripumiva keliṣulolam |
cala sakhi kuñjaṃ satimirapuñjaṃ śīlaya nīlanicolam || 4 ||
urasi murārerupahitahāre ghana iva taralabalāke |
taṭidiva pīte rativiparīte rājasi sukṛtavipāke || 5 ||
vigalitavasanaṃ parihṛtarasanaṃ ghaṭaya jaghanamapidhānam |
kisalayaśayane paṅkajanayane nidhimiva harṣanidānam || 6 ||
harirabhimānī rajaniridānīmiyamapi yāti virāmam |
kuru mama vacanaṃ satvararacanaṃ pūraya madhuripukāmam || 7 ||
śrījayadeve kṛtahariseve bhaṇati paramaramaṇīyam |
pramuditahṛdayaṃ harimatisadayaṃ namata sukṛtakamanīyam || 8 ||
vikirati muhuḥ śvāsāndiśaḥ puro muhurīkṣate praviśati muhuḥ kuñjaṃ guñjanmuhurbahu tāmyati |
racayati muhuḥ śayyāṃ paryākulaṃ muhurīkṣate madanakadanaklāntaḥ kānte priyastava vartate || 33 ||
tvadvāmyena samaṃ samagramadhunā tigmāṃśurastaṃ gato govindasya manorathena ca samaṃ prāptaṃ tamaḥ sāndratām |
kokānāṃ karuṇasvanena sadṛśī dīrghā madabhyarthanā tanmugdhe viphalaṃ vilambanamasau ramyo'bhisārakṣaṇaḥ || 34 ||
āśleṣādanu cumbanādanu nakhollekhādanu svāntaja-prodbodhādanu sambhramādanu ratārambhādanu prītayoḥ |
anyārthaṃ gatayorbhramānmilitayoḥ sambhāṣaṇairjānato-rdampatyoriha ko na ko na tamasi vrīḍāvimiśro rasaḥ || 35 ||
sabhayacakitaṃ vinyasyantīṃ dṛśau timire pathi pratitaru muhuḥ sthitvā mandaṃ padāni vitanvatīm |
kathamapi rahaḥ prāptāmaṅgairanaṅgataraṅgibhiḥ sumukhi subhagaḥ paśyansa tvāmupaitu kṛtārthatām || 36 ||
rādhāmugdhamukhāravindamadhupastrailokyamaulisthalī nepathyocitanīlaratnamavanībhārāvatārāntakaḥ|
svacchandaṃ vrajasubdarījanamanastoṣapradoṣodayaḥ kaṃsadhvaṃsanadhūmaketuravatu tvāṃ devakīnandanaḥ|| 36 + 1 ||
|| iti śrīgītagovinde'bhisārikavarṇane sākāṅkṣapuṇḍarīkākṣo nāma pañcamaḥ sargaḥ ||
InfoLyter.in — Sacred Vedic Knowledge Portal · Free forever