📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਗੀਤਗੋਵਿਨ੍ਦਂ ਚਤੁਰ੍ਥਃ ਸਰ੍ਗਃ - ਸ੍ਨਿਗ੍ਧ ਮਧੁਸੂਦਨਃ
Gitagovindam Chaturthah Sargah - Snigdha Madhusudanah
Vishnu Gita Jayadeva Gurmukhi
॥ ਚਤੁਰ੍ਥਃ ਸਰ੍ਗਃ ॥
॥ ਸ੍ਨਿਗ੍ਧਮਧੁਸੂਦਨਃ ॥
ਯਮੁਨਾਤੀਰਵਾਨੀਰਨਿਕੁਞ੍ਜੇ ਮਨ੍ਦਮਾਸ੍ਥਿਤਮ੍ ।
ਪ੍ਰਾਹ ਪ੍ਰੇਮਭਰੋਦ੍ਭ੍ਰਾਨ੍ਤਂ ਮਾਧਵਂ ਰਾਧਿਕਾਸਖੀ ॥ 25 ॥
॥ ਗੀਤਂ 8 ॥
ਨਿਨ੍ਦਤਿ ਚਨ੍ਦਨਮਿਨ੍ਦੁਕਿਰਣਮਨੁ ਵਿਨ੍ਦਤਿ ਖੇਦਮਧੀਰਮ੍ ।
ਵ੍ਯਾਲਨਿਲਯਮਿਲਨੇਨ ਗਰਲਮਿਵ ਕਲਯਤਿ ਮਲਯਸਮੀਰਮ੍ ॥
ਸਾ ਵਿਰਹੇ ਤਵ ਦੀਨਾ ਮਾਧਵ ਮਨਸਿਜਵਿਸ਼ਿਖਭਯਾਦਿਵ ਭਾਵਨਯਾ ਤ੍ਵਯਿ ਲੀਨਾ ॥ 1 ॥
ਅਵਿਰਲਨਿਪਤਿਤਮਦਨਸ਼ਰਾਦਿਵ ਭਵਦਵਨਾਯ ਵਿਸ਼ਾਲਮ੍ ।
ਸ੍ਵਹृਦਯਰ੍ਮਣੀ ਵਰ੍ਮ ਕਰੋਤਿ ਸਜਲਨਲਿਨੀਦਲਜਾਲਮ੍ ॥ 2 ॥
ਕੁਸੁਮਵਿਸ਼ਿਖਸ਼ਰਤਲ੍ਪਮਨਲ੍ਪਵਿਲਾਸਕਲਾਕਮਨੀਯਮ੍ ।
ਵ੍ਰਤਮਿਵ ਤਵ ਪਰਿਰਮ੍ਭਸੁਖਾਯ ਕਰੋਤਿ ਕੁਸੁਮਸ਼ਯਨੀਯਮ੍ ॥ 3 ॥
ਵਹਤਿ ਚ ਗਲਿਤਵਿਲੋਚਨਜਲਭਰਮਾਨਨਕਮਲਮੁਦਾਰਮ੍ ।
ਵਿਧੁਮਿਵ ਵਿਕਟਵਿਧੁਨ੍ਤੁਦਦਨ੍ਤਦਲਨਗਲਿਤਾਮृਤਧਾਰਮ੍ ॥ 4 ॥
ਵਿਲਿਖਤਿ ਰਹਸਿ ਕੁਰਙ੍ਗਮਦੇਨ ਭਵਨ੍ਤਮਸਮਸ਼ਰਭੂਤਮ੍ ।
ਪ੍ਰਣਮਤਿ ਮਕਰਮਧੋ ਵਿਨਿਧਾਯ ਕਰੇ ਚ ਸ਼ਰਂ ਨਵਚੂਤਮ੍ ॥ 5 ॥
ਪ੍ਰਤਿਪਦਮਿਦਮਪਿ ਨਿਗਤਤਿ ਮਾਧਵ ਤਵ ਚਰਣੇ ਪਤਿਤਾਹਮ੍ ।
ਤ੍ਵਯਿ ਵਿਮੁਖੇ ਮਯਿ ਸਪਦਿ ਸੁਧਾਨਿਧਿਰਪਿ ਤਨੁਤੇ ਤਨੁਦਾਹਮ੍ ॥ 6 ॥
ਧ੍ਯਾਨਲਯੇਨ ਪੁਰਃ ਪਰਿਕਲ੍ਪ੍ਯ ਭਵਨ੍ਤਮਤੀਵ ਦੁਰਾਪਮ੍ ।
ਵਿਲਪਤਿ ਹਸਤਿ ਵਿषੀਦਤਿ ਰੋਦਿਤਿ ਚਞ੍ਚਤਿ ਮੁਞ੍ਚਤਿ ਤਾਪਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਦਮਧਿਕਂ ਯਦਿ ਮਨਸਾ ਨਟਨੀਯਮ੍ ।
ਹਰਿਵਿਰਹਾਕੁਲਬਲ੍ਲਵਯੁਵਤਿਸਖੀਵਚਨਂ ਪਠਨੀਯਮ੍ ॥ 8 ॥
ਆਵਾਸੋ ਵਿਪਿਨਾਯਤੇ ਪ੍ਰਿਯਸਖੀਮਾਲਾਪਿ ਜਾਲਾਯਤੇ ਤਾਪੋऽਪਿ ਸ਼੍ਵਸਿਤੇਨ ਦਾਵਦਹਨਜ੍ਵਾਲਾਕਲਾਪਾਯਤੇ ।
ਸਾਪਿ ਤ੍ਵਦ੍ਵਿਰਹੇਣ ਹਨ੍ਤ ਹਰਿਣੀਰੂਪਾਯਤੇ ਹਾ ਕਥਂ ਕਨ੍ਦਰ੍ਪੋऽਪਿ ਯਮਾਯਤੇ ਵਿਰਚਯਞ੍ਸ਼ਾਰ੍ਦੂਲਵਿਕ੍ਰੀਡਿਤਮ੍ ॥ 26 ॥
॥ ਗੀਤਂ 9 ॥
ਸ੍ਤਨਵਿਨਿਹਿਤਮਪਿ ਹਾਰਮੁਦਾਰਮ੍ ।
ਸਾ ਮਨੁਤੇ ਕृਸ਼ਤਨੁਰਤਿਭਾਰਮ੍ ॥
ਰਾਧਿਕਾ ਵਿਰਹੇ ਤਵ ਕੇਸ਼ਵ ॥ 1 ॥
ਸਰਸਮਸृਣਮਪਿ ਮਲਯਜਪਙ੍ਕਮ੍ ।
ਪਸ਼੍ਯਤਿ ਵਿषਮਿਵ ਵਪੁषਿ ਸਸ਼ਙ੍ਕਮ੍ ॥ 2 ॥
ਸ਼੍ਵਸਿਤਪਵਨਮਨੁਪਮਪਰਿਣਾਹਮ੍ ।
ਮਦਨਦਹਨਮਿਵ ਵਹਤਿ ਸਦਾਹਮ੍ ॥ 3 ॥
ਦਿਸ਼ਿ ਦਿਸ਼ਿ ਕਿਰਤਿ ਸਜਲਕਣਜਾਲਮ੍ ।
ਨਯਨਨਲਿਨਮਿਵ ਵਿਗਲਿਤਨਾਲਮ੍ ॥ 4 ॥
ਨਯਨਵਿषਯਮਪਿ ਕਿਸਲਯਤਲ੍ਪਮ੍ ।
ਕਲਯਤਿ ਵਿਹਿਤਹੁਤਾਸ਼ਵਿਕਲ੍ਪਮ੍ ॥ 5 ॥
ਤ੍ਯਜਤਿ ਨ ਪਾਣਿਤਲੇਨ ਕਪੋਲਮ੍ ।
ਬਾਲਸ਼ਸ਼ਿਨਮਿਵ ਸਾਯਮਲੋਲਮ੍ ॥ 6 ॥
ਹਰਿਰਿਤਿ ਹਰਿਰਿਤਿ ਜਪਤਿ ਸਕਾਮਮ੍ ।
ਵਿਰਹਵਿਹਿਤਮਰਣੇਨ ਨਿਕਾਮਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਤਿ ਗੀਤਮ੍ ।
ਸੁਖਯਤੁ ਕੇਸ਼ਵਪਦਮੁਪੁਨੀਤਮ੍ ॥ 8 ॥
ਸਾ ਰੋਮਾਞ੍ਚਤਿ ਸੀਤ੍ਕਰੋਤਿ ਵਿਲਪਤ੍ਯੁਤ੍ਕ੍ਮ੍ਪਤੇ ਤਾਮ੍ਯਤਿ ਧ੍ਯਾਯਤ੍ਯੁਦ੍ਭ੍ਰਮਤਿ ਪ੍ਰਮੀਲਤਿ ਪਤਤ੍ਯੁਦ੍ਯਾਤਿ ਮੂਰ੍ਚ੍ਛਤ੍ਯਪਿ ।
ਏਤਾਵਤ੍ਯਤਨੁਜ੍ਵਰੇ ਵਰਤਨੁਰ੍ਜੀਵੇਨ੍ਨ ਕਿਂ ਤੇ ਰਸਾਤ੍ ਸ੍ਵਰ੍ਵੈਦ੍ਯਪ੍ਰਤਿਮ ਪ੍ਰਸੀਦਸਿ ਯਦਿ ਤ੍ਯਕ੍ਤੋऽਨ੍ਯਥਾ ਨਾਨ੍ਤਕਃ ॥ 27 ॥
ਸ੍ਮਰਾਤੁਰਾਂ ਦੈਵਤਵੈਦ੍ਯਹृਦ੍ਯ ਤ੍ਵਦਙ੍ਗਸਙ੍ਗਾਮृਤਮਾਤ੍ਰਸਾਧ੍ਯਾਮ੍ ।
ਵਿਮੁਕ੍ਤਬਾਧਾਂ ਕੁਰੁषੇ ਨ ਰਾਧਾ-ਮੁਪੇਨ੍ਦ੍ਰ ਵਜ੍ਰਾਦਪਿ ਦਾਰੁਣੋऽਸਿ ॥ 28 ॥
ਕਨ੍ਦਰ੍ਪਜ੍ਵਰਸਞ੍ਜ੍ਵਰਸ੍ਤੁਰਤਨੋਰਾਸ਼੍ਚਰ੍ਯਮਸ੍ਯਾਸ਼੍ਚਿਰਂ ਚੇਤਸ਼੍ਚਨ੍ਦਨਚਨ੍ਦ੍ਰਮਃਕਮਲਿਨੀਚਿਨ੍ਤਾਸੁ ਸਨ੍ਤਾਮ੍ਯਤਿ ।
ਕਿਨ੍ਤੁ ਕ੍ਲਾਨ੍ਤਿਵਸ਼ੇਨ ਸ਼ੀਤਲਤਨੁਂ ਤ੍ਵਾਮੇਕਮੇਵ ਪ੍ਰਿਯਂ ਧ੍ਯਾਯਨ੍ਤੀ ਰਹਸਿ ਸ੍ਥਿਤਾ ਕਥਮਪਿ ਕ੍षੀਣਾ ਕ੍षਣਂ ਪ੍ਰਾਣਿਤਿ ॥ 29 ॥
ਕ੍षਣਮਪਿ ਵਿਰਹਃ ਪੁਰਾ ਨ ਸੇਹੇ ਨਯਨਨਿਮੀਲਨਖਿਨ੍ਨਯਾ ਯਯਾ ਤੇ ।
ਸ਼੍ਵਸਿਤਿ ਕਥਮਸੌ ਰਸਾਲਸ਼ਾਖਾਂ ਚਿਰਵਿਰਹੇਣ ਵਿਲੋਕ੍ਯ ਪੁष੍ਪਿਤਾਗ੍ਰਾਮ੍ ॥ 30 ॥
॥ ਇਤਿ ਗੀਤਗੋਵਿਨ੍ਦੇ ਸ੍ਨਿਗ੍ਧਮਾਧਵੋ ਨਾਮ ਚਤੁਰ੍ਥਃ ਸਰ੍ਗਃ ॥
Roman (IAST) Transliteration
|| caturthaḥ sargaḥ ||
|| snigdhamadhusūdanaḥ ||
yamunātīravānīranikuñje mandamāsthitam |
prāha premabharodbhrāntaṃ mādhavaṃ rādhikāsakhī || 25 ||
|| gītaṃ 8 ||
nindati candanamindukiraṇamanu vindati khedamadhīram |
vyālanilayamilanena garalamiva kalayati malayasamīram ||
sā virahe tava dīnā mādhava manasijaviśikhabhayādiva bhāvanayā tvayi līnā || 1 ||
aviralanipatitamadanaśarādiva bhavadavanāya viśālam |
svahṛdayarmaṇī varma karoti sajalanalinīdalajālam || 2 ||
kusumaviśikhaśaratalpamanalpavilāsakalākamanīyam |
vratamiva tava parirambhasukhāya karoti kusumaśayanīyam || 3 ||
vahati ca galitavilocanajalabharamānanakamalamudāram |
vidhumiva vikaṭavidhuntudadantadalanagalitāmṛtadhāram || 4 ||
vilikhati rahasi kuraṅgamadena bhavantamasamaśarabhūtam |
praṇamati makaramadho vinidhāya kare ca śaraṃ navacūtam || 5 ||
pratipadamidamapi nigatati mādhava tava caraṇe patitāham |
tvayi vimukhe mayi sapadi sudhānidhirapi tanute tanudāham || 6 ||
dhyānalayena puraḥ parikalpya bhavantamatīva durāpam |
vilapati hasati viṣīdati roditi cañcati muñcati tāpam || 7 ||
śrījayadevabhaṇitamidamadhikaṃ yadi manasā naṭanīyam |
harivirahākulaballavayuvatisakhīvacanaṃ paṭhanīyam || 8 ||
āvāso vipināyate priyasakhīmālāpi jālāyate tāpo'pi śvasitena dāvadahanajvālākalāpāyate |
sāpi tvadviraheṇa hanta hariṇīrūpāyate hā kathaṃ kandarpo'pi yamāyate viracayañśārdūlavikrīḍitam || 26 ||
|| gītaṃ 9 ||
stanavinihitamapi hāramudāram |
sā manute kṛśatanuratibhāram ||
rādhikā virahe tava keśava || 1 ||
sarasamasṛṇamapi malayajapaṅkam |
paśyati viṣamiva vapuṣi saśaṅkam || 2 ||
śvasitapavanamanupamapariṇāham |
madanadahanamiva vahati sadāham || 3 ||
diśi diśi kirati sajalakaṇajālam |
nayananalinamiva vigalitanālam || 4 ||
nayanaviṣayamapi kisalayatalpam |
kalayati vihitahutāśavikalpam || 5 ||
tyajati na pāṇitalena kapolam |
bālaśaśinamiva sāyamalolam || 6 ||
haririti haririti japati sakāmam |
virahavihitamaraṇena nikāmam || 7 ||
śrījayadevabhaṇitamiti gītam |
sukhayatu keśavapadamupunītam || 8 ||
sā romāñcati sītkaroti vilapatyutkmpate tāmyati dhyāyatyudbhramati pramīlati patatyudyāti mūrcchatyapi |
etāvatyatanujvare varatanurjīvenna kiṃ te rasāt svarvaidyapratima prasīdasi yadi tyakto'nyathā nāntakaḥ || 27 ||
smarāturāṃ daivatavaidyahṛdya tvadaṅgasaṅgāmṛtamātrasādhyām |
vimuktabādhāṃ kuruṣe na rādhā-mupendra vajrādapi dāruṇo'si || 28 ||
kandarpajvarasañjvarasturatanorāścaryamasyāściraṃ cetaścandanacandramaḥkamalinīcintāsu santāmyati |
kintu klāntivaśena śītalatanuṃ tvāmekameva priyaṃ dhyāyantī rahasi sthitā kathamapi kṣīṇā kṣaṇaṃ prāṇiti || 29 ||
kṣaṇamapi virahaḥ purā na sehe nayananimīlanakhinnayā yayā te |
śvasiti kathamasau rasālaśākhāṃ ciraviraheṇa vilokya puṣpitāgrām || 30 ||
|| iti gītagovinde snigdhamādhavo nāma caturthaḥ sargaḥ ||
InfoLyter.in — Sacred Vedic Knowledge Portal · Free forever