📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਗੀਤਗੋਵਿਨ੍ਦਂ ਦ੍ਵਿਤੀਯਃ ਸਰ੍ਗਃ - ਅਕ੍ਲੇਸ਼ ਕੇਸ਼ਵਃ
Gitagovindam Dvitiyah Sargah - Aklesha Keshavah
Vishnu Gita Jayadeva Gurmukhi
॥ ਦ੍ਵਿਤੀਯਃ ਸਰ੍ਗਃ ॥
॥ ਅਕ੍ਲੇਸ਼ਕੇਸ਼ਵਃ ॥
ਵਿਹਰਤਿ ਵਨੇ ਰਾਧਾ ਸਾਧਾਰਣਪ੍ਰਣਯੇ ਹਰੌ ਵਿਗਲਿਤਨਿਜੋਤ੍ਕਰ੍षਾਦੀਰ੍ष੍ਯਾਵਸ਼ੇਨ ਗਤਾਨ੍ਯਤਃ ।
ਕ੍ਵਚਿਦਪਿ ਲਤਾਕੁਞ੍ਜੇ ਗੁਞ੍ਜਨ੍ਮਧੁਵ੍ਰਤਮਣ੍ਡਲੀ-ਮੁਖਰਸ਼ਿਖਰੇ ਲੀਨਾ ਦੀਨਾਪ੍ਯੁਵਾਚ ਰਹਃ ਸਖੀਮ੍ ॥ 14 ॥
॥ ਗੀਤਂ 5 ॥
ਸਞ੍ਚਰਦਧਰਸੁਧਾਮਧੁਰਧ੍ਵਨਿਮੁਖਰਿਤਮੋਹਨਵਂਸ਼ਮ੍ ।
ਚਲਿਤਦृਗਞ੍ਚਲਚਞ੍ਚਲਮੌਲਿਕਪੋਲਵਿਲੋਲਵਤਂਸਮ੍ ॥
ਰਾਸੇ ਹਰਿਮਿਹ ਵਿਹਿਤਵਿਲਾਸਂ ਸ੍ਮਰਤਿ ਮਨੋ ਮਮ ਕृਤਪਰਿਹਾਸਮ੍ ॥ 1 ॥
ਚਨ੍ਦ੍ਰਕਚਾਰੁਮਯੂਰਸ਼ਿਖਣ੍ਡਕਮਣ੍ਡਲਵਲਯਿਤਕੇਸ਼ਮ੍ ।
ਪ੍ਰਚੁਰਪੁਰਨ੍ਦਰਧਨੁਰਨੁਰਞ੍ਜਿਤਮੇਦੁਰਮੁਦਿਰਸੁਵੇਸ਼ਮ੍ ॥ 2 ॥
ਗੋਪਕਦਮ੍ਬਨਿਤਮ੍ਬਵਤੀਮੁਖਚੁਮ੍ਬਨਲਮ੍ਭਿਤਲੋਭਮ੍ ।
ਬਨ੍ਧੁਜੀਵਮਧੁਰਾਧਰਪਲ੍ਲਵਮੁਲ੍ਲਸਿਤਸ੍ਮਿਤਸ਼ੋਭਮ੍ ॥ 3 ॥
ਵਿਪੁਲਪੁਲਕਭੁਜਪਲ੍ਲਵਵਲਯਿਤਵਲ੍ਲਵਯੁਵਤਿਸਹਸ੍ਰਮ੍ ।
ਕਰਚਰਣੋਰਸਿ ਮਣਿਗਣਭੂषਣਕਿਰਣਵਿਭਿਨ੍ਨਤਮਿਸ੍ਰਮ੍ ॥ 4 ॥
ਜਲਦਪਟਲਵਲਦਿਨ੍ਦੁਵਿਨਨ੍ਦਕਚਨ੍ਦਨਤਿਲਕਲਲਾਟਮ੍ ।
ਪੀਨਪਯੋਧਰਪਰਿਸਰਮਰ੍ਦਨਨਿਰ੍ਦਯਹृਦਯਕਵਾਟਮ੍ ॥ 5 ॥
ਮਣਿਮਯਮਕਰਮਨੋਹਰਕੁਣ੍ਡਲਮਣ੍ਡਿਤਗਣ੍ਡਮੁਦਾਰਮ੍ ।
ਪੀਤਵਸਨਮਨੁਗਤਮੁਨਿਮਨੁਜਸੁਰਾਸੁਰਵਰਪਰਿਵਾਰਮ੍ ॥ 6 ॥
ਵਿਸ਼ਦਕਦਮ੍ਬਤਲੇ ਮਿਲਿਤਂ ਕਲਿਕਲੁषਭਯਂ ਸ਼ਮਯਨ੍ਤਮ੍ ।
ਮਾਮਪਿ ਕਿਮਪਿ ਤਰਙ੍ਗਦਨਙ੍ਗਦृਸ਼ਾ ਮਨਸਾ ਰਮਯਨ੍ਤਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਤਿਸੁਨ੍ਦਰਮੋਹਨਮਧੁਰਿਪੁਰੂਪਮ੍ ।
ਹਰਿਚਰਣਸ੍ਮਰਣਂ ਪ੍ਰਤਿ ਸਮ੍ਪ੍ਰਤਿ ਪੁਣ੍ਯਵਤਾਮਨੁਰੂਪਮ੍ ॥ 8 ॥
ਗਣਯਤਿ ਗੁਣਗ੍ਰਾਮਂ ਭਾਮਂ ਭ੍ਰਮਾਦਪਿ ਨੇਹਤੇ ਵਹਤਿ ਚ ਪਰਿਤੋषਂ ਦੋषਂ ਵਿਮੁਞ੍ਚਤਿ ਦੂਰਤਃ ।
ਯੁਵਤਿषੁ ਵਲਸ੍ਤृष੍ਣੇ ਕृष੍ਣੇ ਵਿਹਾਰਿਣਿ ਮਾਂ ਵਿਨਾ ਪੁਨਰਪਿ ਮਨੋ ਵਾਮਂ ਕਾਮਂ ਕਰੋਤਿ ਕਰੋਮਿ ਕਿਮ੍ ॥ 15 ॥
॥ ਗੀਤਂ 6 ॥
ਨਿਭृਤਨਿਕੁਞ੍ਜਗृਹਂ ਗਤਯਾ ਨਿਸ਼ਿ ਰਹਸਿ ਨਿਲੀਯ ਵਸਨ੍ਤਮ੍ ।
ਚਕਿਤਵਿਲੋਕਿਤਸਕਲਦਿਸ਼ਾ ਰਤਿਰਭਸਰਸੇਨ ਹਸਨ੍ਤਮ੍ ॥
ਸਖਿ ਹੇ ਕੇਸ਼ਿਮਥਨਮੁਦਾਰਂ ਰਮਯ ਮਯਾ ਸਹ ਮਦਨਮਨੋਰਥਭਾਵਿਤਯਾ ਸਵਿਕਾਰਮ੍ ॥ 1 ॥
ਪ੍ਰਥਮਸਮਾਗਮਲਜ੍ਜਿਤਯਾ ਪਟੁਚਾਟੁਸ਼ਤੈਰਨੁਕੂਲਮ੍ ।
ਮृਦੁਮਧੁਰਸ੍ਮਿਤਭਾषਿਤਯਾ ਸ਼ਿਥਿਲੀਕृਤਜਘਨਦੁਕੂਲਮ੍ ॥ 2 ॥
ਕਿਸਲਯਸ਼ਯਨਨਿਵੇਸ਼ਿਤਯਾ ਚਿਰਮੁਰਸਿ ਮਮੈਵ ਸ਼ਯਾਨਮ੍ ।
ਕृਤਪਰਿਰਮ੍ਭਣਚੁਮ੍ਬਨਯਾ ਪਰਿਰਭ੍ਯ ਕृਤਾਧਰਪਾਨਮ੍ ॥ 3 ॥
ਅਲਸਨਿਮੀਲਿਤਲੋਚਨਯਾ ਪੁਲਕਾਵਲਿਲਲਿਤਕਪੋਲਮ੍ ।
ਸ਼੍ਰਮਜਲਸਕਲਕਲੇਵਰਯਾ ਵਰਮਦਨਮਦਾਦਤਿਲੋਲਮ੍ ॥ 4 ॥
ਕੋਕਿਲਕਲਰਵਕੂਜਿਤਯਾ ਜਿਤਮਨਸਿਜਤਨ੍ਤ੍ਰਵਿਚਾਰਮ੍ ।
ਸ਼੍ਲਥਕੁਸੁਮਾਕੁਲਕੁਨ੍ਤਲਯਾ ਨਖਲਿਖਿਤਘਨਸ੍ਤਨਭਾਰਮ੍ ॥ 5 ॥
ਚਰਣਰਣਿਤਮਨਿਨੂਪੁਰਯਾ ਪਰਿਪੂਰਿਤਸੁਰਤਵਿਤਾਨਮ੍ ।
ਮੁਖਰਵਿਸ਼ृਙ੍ਖਲਮੇਖਲਯਾ ਸਕਚਗ੍ਰਹਚੁਮ੍ਬਨਦਾਨਮ੍ ॥ 6 ॥
ਰਤਿਸੁਖਸਮਯਰਸਾਲਸਯਾ ਦਰਮੁਕੁਲਿਤਨਯਨਸਰੋਜਮ੍ ।
ਨਿਃਸਹਨਿਪਤਿਤਤਨੁਲਤਯਾ ਮਧੁਸੂਦਨਮੁਦਿਤਮਨੋਜਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਦਮਤਿਸ਼ਯਮਧੁਰਿਪੁਨਿਧੁਵਨਸ਼ੀਲਮ੍ ।
ਸੁਖਮੁਤ੍ਕਣ੍ਠਿਤਗੋਪਵਧੂਕਥਿਤਂ ਵਿਤਨੋਤੁ ਸਲੀਲਮ੍ ॥ 8 ॥
ਹਸ੍ਤਸ੍ਰਸ੍ਤਵਿਲਾਸਵਂਸ਼ਮਨृਜੁਭ੍ਰੂਵਲ੍ਲਿਮਦ੍ਬਲ੍ਲਵੀ-ਵृਨ੍ਦੋਤ੍ਸਾਰਿਦृਗਨ੍ਤਵੀਕ੍षਿਤਮਤਿਸ੍ਵੇਦਾਰ੍ਦ੍ਰਗਣ੍ਡਸ੍ਥਲਮ੍ ।
ਮਾਮੁਦ੍ਵੀਕ੍ष੍ਯ ਵਿਲਕ੍षਿਤਂ ਸ੍ਮਿਤਸੁਧਾਮੁਗ੍ਧਾਨਨਂ ਕਾਨਨੇ ਗੋਵਿਨ੍ਦਂ ਵ੍ਰਜਸੁਨ੍ਦਰੀਗਣਵृਤਂ ਪਸ਼੍ਯਾਮਿ ਹृष੍ਯਾਮਿ ਚ ॥ 16 ॥
ਦੁਰਾਲੋਕਸ੍ਤੋਕਸ੍ਤਬਕਨਵਕਾਸ਼ੋਕਲਤਿਕਾ-ਵਿਕਾਸਃ ਕਾਸਾਰੋਪਵਨਪਵਨੋऽਪਿ ਵ੍ਯਥਯਤਿ ।
ਅਪਿ ਭ੍ਰਾਮ੍ਯਦ੍ਭृਙ੍ਗੀਰਣਿਤਰਮਣੀਯਾ ਨ ਮੁਕੁਲ-ਪ੍ਰਸੂਤਿਸ਼੍ਚੂਤਾਨਾਂ ਸਖਿ ਸ਼ਿਖਰਿਣੀਯਂ ਸੁਖਯਤਿ ॥ 17 ॥
॥ ਇਤਿ ਗੀਤਗੋਵਿਨ੍ਦੇ ਅਕ੍ਲੇਸ਼ਕੇਸ਼ਵੋ ਨਾਮ ਦ੍ਵਿਤੀਯਃ ਸਰ੍ਗਃ ॥
Roman (IAST) Transliteration
|| dvitīyaḥ sargaḥ ||
|| akleśakeśavaḥ ||
viharati vane rādhā sādhāraṇapraṇaye harau vigalitanijotkarṣādīrṣyāvaśena gatānyataḥ |
kvacidapi latākuñje guñjanmadhuvratamaṇḍalī-mukharaśikhare līnā dīnāpyuvāca rahaḥ sakhīm || 14 ||
|| gītaṃ 5 ||
sañcaradadharasudhāmadhuradhvanimukharitamohanavaṃśam |
calitadṛgañcalacañcalamaulikapolavilolavataṃsam ||
rāse harimiha vihitavilāsaṃ smarati mano mama kṛtaparihāsam || 1 ||
candrakacārumayūraśikhaṇḍakamaṇḍalavalayitakeśam |
pracurapurandaradhanuranurañjitameduramudirasuveśam || 2 ||
gopakadambanitambavatīmukhacumbanalambhitalobham |
bandhujīvamadhurādharapallavamullasitasmitaśobham || 3 ||
vipulapulakabhujapallavavalayitavallavayuvatisahasram |
karacaraṇorasi maṇigaṇabhūṣaṇakiraṇavibhinnatamisram || 4 ||
jaladapaṭalavaladinduvinandakacandanatilakalalāṭam |
pīnapayodharaparisaramardananirdayahṛdayakavāṭam || 5 ||
maṇimayamakaramanoharakuṇḍalamaṇḍitagaṇḍamudāram |
pītavasanamanugatamunimanujasurāsuravaraparivāram || 6 ||
viśadakadambatale militaṃ kalikaluṣabhayaṃ śamayantam |
māmapi kimapi taraṅgadanaṅgadṛśā manasā ramayantam || 7 ||
śrījayadevabhaṇitamatisundaramohanamadhuripurūpam |
haricaraṇasmaraṇaṃ prati samprati puṇyavatāmanurūpam || 8 ||
gaṇayati guṇagrāmaṃ bhāmaṃ bhramādapi nehate vahati ca paritoṣaṃ doṣaṃ vimuñcati dūrataḥ |
yuvatiṣu valastṛṣṇe kṛṣṇe vihāriṇi māṃ vinā punarapi mano vāmaṃ kāmaṃ karoti karomi kim || 15 ||
|| gītaṃ 6 ||
nibhṛtanikuñjagṛhaṃ gatayā niśi rahasi nilīya vasantam |
cakitavilokitasakaladiśā ratirabhasarasena hasantam ||
sakhi he keśimathanamudāraṃ ramaya mayā saha madanamanorathabhāvitayā savikāram || 1 ||
prathamasamāgamalajjitayā paṭucāṭuśatairanukūlam |
mṛdumadhurasmitabhāṣitayā śithilīkṛtajaghanadukūlam || 2 ||
kisalayaśayananiveśitayā ciramurasi mamaiva śayānam |
kṛtaparirambhaṇacumbanayā parirabhya kṛtādharapānam || 3 ||
alasanimīlitalocanayā pulakāvalilalitakapolam |
śramajalasakalakalevarayā varamadanamadādatilolam || 4 ||
kokilakalaravakūjitayā jitamanasijatantravicāram |
ślathakusumākulakuntalayā nakhalikhitaghanastanabhāram || 5 ||
caraṇaraṇitamaninūpurayā paripūritasuratavitānam |
mukharaviśṛṅkhalamekhalayā sakacagrahacumbanadānam || 6 ||
ratisukhasamayarasālasayā daramukulitanayanasarojam |
niḥsahanipatitatanulatayā madhusūdanamuditamanojam || 7 ||
śrījayadevabhaṇitamidamatiśayamadhuripunidhuvanaśīlam |
sukhamutkaṇṭhitagopavadhūkathitaṃ vitanotu salīlam || 8 ||
hastasrastavilāsavaṃśamanṛjubhrūvallimadballavī-vṛndotsāridṛgantavīkṣitamatisvedārdragaṇḍasthalam |
māmudvīkṣya vilakṣitaṃ smitasudhāmugdhānanaṃ kānane govindaṃ vrajasundarīgaṇavṛtaṃ paśyāmi hṛṣyāmi ca || 16 ||
durālokastokastabakanavakāśokalatikā-vikāsaḥ kāsāropavanapavano'pi vyathayati |
api bhrāmyadbhṛṅgīraṇitaramaṇīyā na mukula-prasūtiścūtānāṃ sakhi śikhariṇīyaṃ sukhayati || 17 ||
|| iti gītagovinde akleśakeśavo nāma dvitīyaḥ sargaḥ ||
InfoLyter.in — Sacred Vedic Knowledge Portal · Free forever