📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਗੀਤਗੋਵਿਨ੍ਦਂ ਦ੍ਵਾਦਸ਼ਃ ਸਰ੍ਗਃ - ਸੁਪ੍ਰੀਤ ਪੀਤਾਮ੍ਬਰਃ
Gitagovindam Dvadashah Sargah - Suprita Pitambarah
Vishnu Gita Jayadeva Gurmukhi
॥ ਦ੍ਵਾਦਸ਼ਃ ਸਰ੍ਗਃ ॥
॥ ਸੁਪ੍ਰੀਤਪੀਤਾਮ੍ਬਰਃ ॥
ਗਤਵਤਿ ਸਖੀਵृਨ੍ਦੇऽਮਨ੍ਦਤ੍ਰਪਾਭਰਨਿਰ੍ਭਰ-ਸ੍ਮਰਪਰਵਸ਼ਾਕੂਤਸ੍ਫੀਤਸ੍ਮਿਤਸ੍ਨਪਿਤਾਧਰਮ੍ ।
ਸਰਸਮਨਸਂ ਦृष੍ਟ੍ਵਾ ਰਾਧਾਂ ਮੁਹੁਰ੍ਨਵਪਲ੍ਲਵ-ਪ੍ਰਸਵਸ਼ਯਨੇ ਨਿਕ੍षਿਪ੍ਤਾਕ੍षੀਮੁਵਾਚ ਹਰਃ ॥ 68 ॥
॥ ਗੀਤਂ 23 ॥
ਕਿਸਲਯਸ਼ਯਨਤਲੇ ਕੁਰੁ ਕਾਮਿਨਿ ਚਰਣਨਲਿਨਵਿਨਿਵੇਸ਼ਮ੍ ।
ਤਵ ਪਦਪਲ੍ਲਵਵੈਰਿਪਰਾਭਵਮਿਦਮਨੁਭਵਤੁ ਸੁਵੇਸ਼ਮ੍ ॥
ਕ੍षਣਮਧੁਨਾ ਨਾਰਾਯਣਮਨੁਗਤਮਨੁਸਰ ਰਾਧਿਕੇ ॥ 1 ॥
ਕਰਕਮਲੇਨ ਕਰੋਮਿ ਚਰਣਮਹਮਾਗਮਿਤਾਸਿ ਵਿਦੂਰਮ੍ ।
ਕ੍षਣਮੁਪਕੁਰੁ ਸ਼ਯਨੋਪਰਿ ਮਾਮਿਵ ਨੂਪੁਰਮਨੁਗਤਿਸ਼ੂਰਮ੍ ॥ 2 ॥
ਵਦਨਸੁਧਾਨਿਧਿਗਲਿਤਮਮृਤਮਿਵ ਰਚਯ ਵਚਨਮਨੁਕੂਲਮ੍ ।
ਵਿਰਹਮਿਵਾਪਨਯਾਮਿ ਪਯੋਧਰਰੋਧਕਮੁਰਸਿ ਦੁਕੂਲਮ੍ ॥ 3 ॥
ਪ੍ਰਿਯਪਰਿਰਮ੍ਭਣਰਭਸਵਲਿਤਮਿਵ ਪੁਲਕਿਤਮਤਿਦੁਰਵਾਪਮ੍ ।
ਮਦੁਰਸਿ ਕੁਚਕਲਸ਼ਂ ਵਿਨਿਵੇਸ਼ਯ ਸ਼ੋषਯ ਮਨਸਿਜਤਾਪਮ੍ ॥ 4 ॥
ਅਧਰਸੁਧਾਰਸਮੁਪਨਯ ਭਾਵਿਨਿ ਜੀਵਯ ਮृਤਮਿਵ ਦਾਸਮ੍ ।
ਤ੍ਵਯਿ ਵਿਨਿਹਿਤਮਨਸਂ ਵਿਰਹਾਨਲਦਗ੍ਧਵਪੁषਮਵਿਲਾਸਮ੍ ॥ 5 ॥
ਸ਼ਸ਼ਿਮੁਖਿ ਮੁਖਰਯ ਮਣਿਰਸ਼ਨਾਗੁਣਮਨੁਗੁਣਕਣ੍ਠਨਿਦਾਨਮ੍ ।
ਸ਼੍ਰੁਤਿਯੁਗਲੇ ਪਿਕਰੁਤਵਿਕਲੇ ਮਮ ਸ਼ਮਯ ਚਿਰਾਦਵਸਾਦਮ੍ ॥ 6 ॥
ਮਾਮਤਿਵਿਫਲਰੁषਾ ਵਿਕਲੀਕृਤਮਵਲੋਕਿਤਮਧੁਨੇਦਮ੍ ।
ਮੀਲਿਤਲਜ੍ਜਿਤਮਿਵ ਨਯਨਂ ਤਵ ਵਿਰਮ ਵਿਸृਜ ਰਤਿਖੇਦਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਿਦਮਨੁਪਦਨਿਗਦਿਤਮਧੁਰਿਪੁਮੋਦਮ੍ ।
ਜਨਯਤੁ ਰਸਿਕਜਨੇषੁ ਮਨੋਰਮਤਿਰਸਭਾਵਵਿਨੋਦਮ੍ ॥ 8 ॥
ਮਾਰਙ੍ਕੇ ਰਤਿਕੇਲਿਸਙ੍ਕੁਲਰਣਾਰਮ੍ਭੇ ਤਯਾ ਸਾਹਸ-ਪ੍ਰਾਯਂ ਕਾਨ੍ਤਜਯਾਯ ਕਿਞ੍ਚਿਦੁਪਰਿ ਪ੍ਰਾਰਮ੍ਭਿ ਯਤ੍ਸਮ੍ਭ੍ਰਮਾਤ੍ ।
ਨਿष੍ਪਨ੍ਦਾ ਜਘਨਸ੍ਥਲੀ ਸ਼ਿਥਿਲਤਾ ਦੋਰ੍ਵਲ੍ਲਿਰੁਤ੍ਕਮ੍ਪਿਤਂ ਵਕ੍षੋ ਮੀਲਿਤਮਕ੍षਿ ਪੌਰੁषਰਸਃ ਸ੍ਤ੍ਰੀਣਾਂ ਕੁਤਃ ਸਿਧ੍ਯਤਿ ॥ 69 ॥
ਅਥ ਕਾਨ੍ਤਂ ਰਤਿਕ੍ਲਾਨ੍ਤਮਪਿ ਮਣ੍ਡਨਵਾਞ੍ਛਯਾ ।
ਨਿਜਗਾਦ ਨਿਰਾਬਾਧਾ ਰਾਧਾ ਸ੍ਵਾਧੀਨਭਰ੍ਤृਕਾ ॥ 70 ॥
॥ ਗੀਤਂ 24 ॥
ਕੁਰੁ ਯਦੁਨਨ੍ਦਨ ਚਨ੍ਦਨਸ਼ਿਸ਼ਿਰਤਰੇਣ ਕਰੇਣ ਪਯੋਧਰੇ ।
ਮृਗਮਦਪਤ੍ਰਕਮਤ੍ਰ ਮਨੋਭਵਮਙ੍ਗਲਕਲਸ਼ਸਹੋਦਰੇ ।
ਨਿਜਗਾਦ ਸਾ ਯਦੁਨਨ੍ਦਨੇ ਕ੍ਰੀਡਤਿ ਹृਦਯਾਨਨ੍ਦਨੇ ॥ 1 ॥
ਅਲਿਕੁਲਗਞ੍ਜਨਮਞ੍ਜਨਕਂ ਰਤਿਨਾਯਕਸਾਯਕਮੋਚਨੇ ।
ਤ੍ਵਦਧਰਚੁਮ੍ਬਨਲਮ੍ਬਿਤਕਜ੍ਜਲਮੁਜ੍ਜ੍ਵਲਯ ਪ੍ਰਿਯ ਲੋਚਨੇ ॥ 2 ॥
ਨਯਨਕੁਰਙ੍ਗਤਰਙ੍ਗਵਿਕਾਸਨਿਰਾਸਕਰੇ ਸ਼੍ਰੁਤਿਮਣ੍ਡਲੇ ।
ਮਨਸਿਜਪਾਸ਼ਵਿਲਾਸਧਰੇ ਸ਼ੁਭਵੇਸ਼ ਨਿਵੇਸ਼ਯ ਕੁਣ੍ਡਲੇ ॥ 3 ॥
ਭ੍ਰਮਰਚਯਂ ਰਚਹਯਨ੍ਤਮੁਪਰਿ ਰੁਚਿਰਂ ਸੁਚਿਰਂ ਮਮ ਸਮ੍ਮੁਖੇ ।
ਜਿਤਕਮਲੇ ਵਿਮਲੇ ਪਰਿਕਰ੍ਮਯ ਨਰ੍ਮਜਨਕਮਲਕਂ ਮੁਖੇ ॥ 4 ॥
ਮृਗਮਦਰਸਵਲਿਤਂ ਲਲਿਤਂ ਕੁਰੁ ਤਿਲਕਮਲਿਕਰਜਨੀਕਰੇ ।
ਵਿਹਿਤਕਲਙ੍ਕਕਲਂ ਕਮਲਾਨਨ ਵਿਸ਼੍ਰਮਿਤਸ਼੍ਰਮਸ਼ੀਕਰੇ ॥ 5 ॥
ਮਮ ਰੁਚਿਰੇ ਚਿਕੁਰੇ ਕੁਰੁ ਮਾਨਦ ਮਾਨਸਜਧ੍ਵਜਚਾਮਰੇ ।
ਰਤਿਗਲਿਤੇ ਲਲਿਤੇ ਕੁਸੁਮਾਨਿ ਸ਼ਿਖਣ੍ਡਿਸ਼ਿਖਣ੍ਡਕਡਾਮਰੇ ॥ 6 ॥
ਸਰਸਘਨੇ ਜਘਨੇ ਮਮ ਸ਼ਮ੍ਬਰਦਾਰਣਵਾਰਣਕਨ੍ਦਰੇ ।
ਮਣਿਰਸ਼ਨਾਵਸਨਾਭਰਣਾਨਿ ਸ਼ੁਭਾਸ਼ਯ ਵਾਸਯ ਸੁਨ੍ਦਰੇ ॥ 7 ॥
ਸ਼੍ਰੀਜਯਦੇਵਵਚਸਿ ਰੁਚਿਰੇ ਹृਦਯਂ ਸਦਯਂ ਕੁਰੁ ਮਣ੍ਡਨੇ ।
ਹਰਿਚਰਣਸ੍ਮਰਣਾਮृਤਕृਤਕਲਿਕਲੁषਭਵਜ੍ਵਰਖਣ੍ਡਨੇ ॥ 8 ॥
ਰਚਯ ਕੁਚਯੋਃ ਪਤ੍ਰਂ ਚਿਤ੍ਰਂ ਕੁਰੁष੍ਵ ਕਪੋਲਯੋ-ਰ੍ਘਟਯ ਜਘਨੇ ਕਾਞ੍ਚੀਮਞ੍ਚ ਸ੍ਰਜਾ ਕਬਰੀਭਰਮ੍ ।
ਕਲਯ ਵਲਯਸ਼੍ਰੇਣੀਂ ਪਾਣੌ ਪਦੇ ਕੁਰੁ ਨੂਪੁਰਾ-ਵਿਤਿ ਨਿਗਤਿਤਃ ਪ੍ਰੀਤਃ ਪੀਤਾਮ੍ਬਰੋऽਪਿ ਤਥਾਕਰੋਤ੍ ॥ 71 ॥
ਯਦ੍ਗਾਨ੍ਧ੍ਗਰ੍ਵਕਲਾਸੁ ਕੌਸ਼ਲਮਨੁਧ੍ਯਾਨਂ ਚ ਯਦ੍ਵੈष੍ਣਵਂ ਯਚ੍ਛृਙ੍ਗਾਰਵਿਵੇਕਤਤ੍ਵਮਪਿ ਯਤ੍ਕਾਵ੍ਯੇषੁ ਲੀਲਾਯਿਤਮ੍ ।
ਤਤ੍ਸਰ੍ਵਂ ਜਯਦੇਵਪਣ੍ਡਿਤਕਵੇਃ ਕृष੍ਣੈਕਤਾਨਾਤ੍ਮਨਃ ਸਾਨਨ੍ਦਾਃ ਪਰਿਸ਼ੋਧਯਨ੍ਤੁ ਸੁਧਿਯਃ ਸ਼੍ਰੀਗੀਤਗੋਵਿਨ੍ਦਤਃ ॥ 72 ॥
ਸ਼੍ਰੀਭੋਜਦੇਵਪ੍ਰਭਵਸ੍ਯ ਰਾਮਾਦੇਵੀਸੁਤਸ਼੍ਰੀਜਯਦੇਵਕਸ੍ਯ ।
ਪਰਾਸ਼ਰਾਦਿਪ੍ਰਿਯਵਰ੍ਗਕਣ੍ਠੇ ਸ਼੍ਰੀਗੀਤਗੋਵਿਨ੍ਦਕਵਿਤ੍ਵਮਸ੍ਤੁ ॥ 73 ॥
॥ ਇਤਿ ਸ਼੍ਰੀਜਯਦੇਵਕृਤੌ ਗੀਤਗੋਵਿਨ੍ਦੇ ਸੁਪ੍ਰੀਤਪੀਤਾਮ੍ਬਰੋ ਨਾਮ ਦ੍ਵਾਦਸ਼ਃ ਸਰ੍ਗਃ ॥
॥ ਇਤਿ ਗੀਤਗੋਵਿਨ੍ਦਂ ਸਮਾਪ੍ਤਮ੍ ॥
Roman (IAST) Transliteration
|| dvādaśaḥ sargaḥ ||
|| suprītapītāmbaraḥ ||
gatavati sakhīvṛnde'mandatrapābharanirbhara-smaraparavaśākūtasphītasmitasnapitādharam |
sarasamanasaṃ dṛṣṭvā rādhāṃ muhurnavapallava-prasavaśayane nikṣiptākṣīmuvāca haraḥ || 68 ||
|| gītaṃ 23 ||
kisalayaśayanatale kuru kāmini caraṇanalinaviniveśam |
tava padapallavavairiparābhavamidamanubhavatu suveśam ||
kṣaṇamadhunā nārāyaṇamanugatamanusara rādhike || 1 ||
karakamalena karomi caraṇamahamāgamitāsi vidūram |
kṣaṇamupakuru śayanopari māmiva nūpuramanugatiśūram || 2 ||
vadanasudhānidhigalitamamṛtamiva racaya vacanamanukūlam |
virahamivāpanayāmi payodhararodhakamurasi dukūlam || 3 ||
priyaparirambhaṇarabhasavalitamiva pulakitamatiduravāpam |
madurasi kucakalaśaṃ viniveśaya śoṣaya manasijatāpam || 4 ||
adharasudhārasamupanaya bhāvini jīvaya mṛtamiva dāsam |
tvayi vinihitamanasaṃ virahānaladagdhavapuṣamavilāsam || 5 ||
śaśimukhi mukharaya maṇiraśanāguṇamanuguṇakaṇṭhanidānam |
śrutiyugale pikarutavikale mama śamaya cirādavasādam || 6 ||
māmativiphalaruṣā vikalīkṛtamavalokitamadhunedam |
mīlitalajjitamiva nayanaṃ tava virama visṛja ratikhedam || 7 ||
śrījayadevabhaṇitamidamanupadanigaditamadhuripumodam |
janayatu rasikajaneṣu manoramatirasabhāvavinodam || 8 ||
māraṅke ratikelisaṅkularaṇārambhe tayā sāhasa-prāyaṃ kāntajayāya kiñcidupari prārambhi yatsambhramāt |
niṣpandā jaghanasthalī śithilatā dorvallirutkampitaṃ vakṣo mīlitamakṣi pauruṣarasaḥ strīṇāṃ kutaḥ sidhyati || 69 ||
atha kāntaṃ ratiklāntamapi maṇḍanavāñchayā |
nijagāda nirābādhā rādhā svādhīnabhartṛkā || 70 ||
|| gītaṃ 24 ||
kuru yadunandana candanaśiśiratareṇa kareṇa payodhare |
mṛgamadapatrakamatra manobhavamaṅgalakalaśasahodare |
nijagāda sā yadunandane krīḍati hṛdayānandane || 1 ||
alikulagañjanamañjanakaṃ ratināyakasāyakamocane |
tvadadharacumbanalambitakajjalamujjvalaya priya locane || 2 ||
nayanakuraṅgataraṅgavikāsanirāsakare śrutimaṇḍale |
manasijapāśavilāsadhare śubhaveśa niveśaya kuṇḍale || 3 ||
bhramaracayaṃ racahayantamupari ruciraṃ suciraṃ mama sammukhe |
jitakamale vimale parikarmaya narmajanakamalakaṃ mukhe || 4 ||
mṛgamadarasavalitaṃ lalitaṃ kuru tilakamalikarajanīkare |
vihitakalaṅkakalaṃ kamalānana viśramitaśramaśīkare || 5 ||
mama rucire cikure kuru mānada mānasajadhvajacāmare |
ratigalite lalite kusumāni śikhaṇḍiśikhaṇḍakaḍāmare || 6 ||
sarasaghane jaghane mama śambaradāraṇavāraṇakandare |
maṇiraśanāvasanābharaṇāni śubhāśaya vāsaya sundare || 7 ||
śrījayadevavacasi rucire hṛdayaṃ sadayaṃ kuru maṇḍane |
haricaraṇasmaraṇāmṛtakṛtakalikaluṣabhavajvarakhaṇḍane || 8 ||
racaya kucayoḥ patraṃ citraṃ kuruṣva kapolayo-rghaṭaya jaghane kāñcīmañca srajā kabarībharam |
kalaya valayaśreṇīṃ pāṇau pade kuru nūpurā-viti nigatitaḥ prītaḥ pītāmbaro'pi tathākarot || 71 ||
yadgāndhgarvakalāsu kauśalamanudhyānaṃ ca yadvaiṣṇavaṃ yacchṛṅgāravivekatatvamapi yatkāvyeṣu līlāyitam |
tatsarvaṃ jayadevapaṇḍitakaveḥ kṛṣṇaikatānātmanaḥ sānandāḥ pariśodhayantu sudhiyaḥ śrīgītagovindataḥ || 72 ||
śrībhojadevaprabhavasya rāmādevīsutaśrījayadevakasya |
parāśarādipriyavargakaṇṭhe śrīgītagovindakavitvamastu || 73 ||
|| iti śrījayadevakṛtau gītagovinde suprītapītāmbaro nāma dvādaśaḥ sargaḥ ||
|| iti gītagovindaṃ samāptam ||
InfoLyter.in — Sacred Vedic Knowledge Portal · Free forever