📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਗੀਤਗੋਵਿਨ੍ਦਂ ਏਕਾਦਸ਼ਃ ਸਰ੍ਗਃ - ਸਾਨਨ੍ਦ ਦਾਮੋਦਰਃ
Gitagovindam Ekadashah Sargah - Sananda Damodarah
Vishnu Gita Jayadeva Gurmukhi
॥ ਏਕਾਦਸ਼ਃ ਸਰ੍ਗਃ ॥
॥ ਸਾਨਨ੍ਦਦਾਮੋਦਰਃ ॥
ਸੁਚਿਰਮਨੁਨਯਨੇ ਪ੍ਰੀਣਯਿਤ੍ਵਾ ਮृਗਾਕ੍षੀਂ ਗਤਵਤਿ ਕृਤਵੇਸ਼ੇ ਕੇਸ਼ਵੇ ਕੁਞ੍ਜਸ਼ਯ੍ਯਾਮ੍ ।
ਰਚਿਤਰੁਚਿਰਭੂषਾਂ ਦृष੍ਟਿਮੋषੇ ਪ੍ਰਦੋषੇ ਸ੍ਫੁਰਤਿ ਨਿਰਵਸਾਦਾਂ ਕਾਪਿ ਰਾਧਾਂ ਜਗਾਦ ॥ 59 ॥
॥ ਗੀਤਂ 20 ॥
ਵਿਰਚਿਤਚਾਟੁਵਚਨਰਚਨਂ ਚਰਣੇ ਰਚਿਤਪ੍ਰਣਿਪਾਤਮ੍ ।
ਸਮ੍ਪ੍ਰਤਿ ਮਞ੍ਜੁਲਵਞ੍ਜੁਲਸੀਮਨਿ ਕੇਲਿਸ਼ਯਨਮਨੁਯਾਤਮ੍ ॥
ਮੁਗ੍ਧੇ ਮਧੁਮਥਨਮਨੁਗਤਮਨੁਸਰ ਰਾਧਿਕੇ ॥ 1 ॥
ਘਨਜਘਨਸ੍ਤਨਭਾਰਭਰੇ ਦਰਮਨ੍ਥਰਚਰਣਵਿਹਾਰਮ੍ ।
ਮੁਖਰਿਤਮਣੀਮਞ੍ਜੀਰਮੁਪੈਹਿ ਵਿਧੇਹਿ ਮਰਾਲਵਿਕਾਰਮ੍ ॥ 2 ॥
ਸ਼ृਣੁ ਰਮਣੀਯਤਰਂ ਤਰੁਣੀਜਨਮੋਹਨਮਧੁਪਵਿਰਾਵਮ੍ ।
ਕੁਸੁਮਸ਼ਰਾਸਨਸ਼ਾਸਨਬਨ੍ਦਿਨਿ ਪਿਕਨਿਕਰੇ ਭਜ ਭਾਵਮ੍ ॥ 3 ॥
ਅਨਿਲਤਰਲਕਿਸਲਯਨਿਕਰੇਣ ਕਰੇਣ ਲਤਾਨਿਕੁਰਮ੍ਬਮ੍ ।
ਪ੍ਰੇਰਣਮਿਵ ਕਰਭੋਰੁ ਕਰੋਤਿ ਗਤਿਂ ਪ੍ਰਤਿਮੁਞ੍ਚ ਵਿਲਮ੍ਬਮ੍ ॥ 4 ॥
ਸ੍ਫੁਰਿਤਮਨਙ੍ਗਤਰਙ੍ਗਵਸ਼ਾਦਿਵ ਸੂਚਿਤਹਰਿਪਰਿਰਮ੍ਭਮ੍ ।
ਪृਚ੍ਛ ਮਨੋਹਰਹਾਰਵਿਮਲਜਲਧਾਰਮਮੁਂ ਕੁਚਕੁਮ੍ਭਮ੍ ॥ 5 ॥
ਅਧਿਗਤਮਖਿਲਸਖੀਭਿਰਿਦਂ ਤਵ ਵਪੁਰਪਿ ਰਤਿਰਣਸਜ੍ਜਮ੍ ।
ਚਣ੍ਡਿ ਰਸਿਤਰਸ਼ਨਾਰਵਡਿਣ੍ਡਿਮਮਭਿਸਰ ਸਰਸਮਲਜ੍ਜਮ੍ ॥ 6 ॥
ਸ੍ਮਰਸ਼ਰਸੁਭਗਨਖੇਨ ਕਰੇਣ ਸਖੀਮਵਲਮ੍ਬ੍ਯ ਸਲੀਲਮ੍ ।
ਚਲ ਵਲਯਕ੍ਵਣੀਤੈਰਵਬੋਧਯ ਹਰਮਪਿ ਨਿਜਗਤਿਸ਼ੀਲਮ੍ ॥ 7 ॥
ਸ਼੍ਰੀਜਯਦੇਵਭਣਿਤਮਧਰੀਕृਤਹਾਰਮੁਦਾਸਿਤਵਾਮਮ੍ ।
ਹਰਿਵਿਨਿਹਿਤਮਨਸਾਮਧਿਤਿष੍ਠਤੁ ਕਣ੍ਠਤਟੀਮਵਿਰਾਮਮ੍ ॥ 8 ॥
ਸਾ ਮਾਂ ਦ੍ਰਕ੍ष੍ਯਤਿ ਵਕ੍ष੍ਯਤਿ ਸ੍ਮਰਕਥਾਂ ਪ੍ਰਤ੍ਯਙ੍ਗਮਾਲਿਙ੍ਗਨੈਃ ਪ੍ਰੀਤਿਂ ਯਾਸ੍ਯਤਿ ਰਮ੍ਯਤੇ ਸਖਿ ਸਮਾਗਤ੍ਯੇਤਿ ਚਿਨ੍ਤਾਕੁਲਃ ।
ਸ ਤ੍ਵਾਂ ਪਸ਼੍ਯਤਿ ਵੇਪਤੇ ਪੁਲਕਯਤ੍ਯਾਨਨ੍ਦਤਿ ਸ੍ਵਿਦ੍ਯਤਿ ਪ੍ਰਤ੍ਯੁਦ੍ਗਚ੍ਛਤਿ ਮੂਰ੍ਚ੍ਛਤਿ ਸ੍ਥਿਰਤਮਃਪੁਞ੍ਜੇ ਨਿਕੁਞ੍ਜੇ ਪ੍ਰਿਯਃ ॥ 60 ॥
ਅਕ੍ष੍ਣੋਰ੍ਨਿਕ੍षਿਪਦਞ੍ਜਨਂ ਸ਼੍ਰਵਣਯੋਸ੍ਤਾਪਿਚ੍ਛਗੁਚ੍ਛਾਵਲੀਂ ਮੂਰ੍ਧ੍ਨਿ ਸ਼੍ਯਾਮਸਰੋਜਦਾਮ ਕੁਚਯੋਃ ਕਸ੍ਤੂਰਿਕਾਪਾਤ੍ਰਕਮ੍ ।
ਧੂਰ੍ਤਾਨਾਮਭਿਸਾਰਸਤ੍ਵਰਹृਦਾਂ ਵਿष੍ਵਙ੍ਨਿਕੁਞ੍ਜੇ ਸਖਿ ਧ੍ਵਾਨ੍ਤਂ ਨੀਲਨਿਚੋਲਚਾਰੁ ਸਦृਸ਼ਾਂ ਪ੍ਰਤ੍ਯਙ੍ਗਮਾਲਿਙ੍ਗਤਿ ॥ 61 ॥
ਕਾਸ਼੍ਮੀਰਗੌਰਵਪੁषਾਮਭਿਸਾਰਿਕਾਣਾਂ ਆਬਦ੍ਧਰੇਖਮਭਿਤੋ ਰੁਚਿਮਞ੍ਜਰੀਭਿਃ ।
ਏਤਤ੍ਤਮਾਲਦਲਨੀਲਤਮਂ ਤਮਿਸ਼੍ਰਂ ਤਤ੍ਪ੍ਰੇਮਹੇਮਨਿਕषੋਪਲਤਾਂ ਤਨੋਤਿ ॥ 62 ॥
ਹਾਰਾਵਲੀਤਰਲਕਾਞ੍ਚਨਕਾਞ੍ਚਿਦਾਮ-ਕੇਯੂਰਕਙ੍ਕਣਮਣਿਦ੍ਯੁਤਿਦੀਪਿਤਸ੍ਯ ।
ਦ੍ਵਾਰੇ ਨਿਕੁਞ੍ਜਨਿਲਯਸ੍ਯਹਰਿਂ ਨਿਰੀਕ੍ष੍ਯ ਵ੍ਰੀਡਾਵਤੀਮਥ ਸਖੀ ਨਿਜਗਾਹ ਰਾਧਾਮ੍ ॥ 63 ॥
॥ ਗੀਤਂ 21 ॥
ਮਞ੍ਜੁਤਰਕੁਞ੍ਜਤਲਕੇਲਿਸਦਨੇ ।
ਵਿਲਸ ਰਤਿਰਭਸਹਸਿਤਵਦਨੇ ॥
ਪ੍ਰਵਿਸ਼ ਰਾਧੇ ਮਾਧਵਸਮੀਪਮਿਹ ॥ 1 ॥
ਨਵਭਵਦਸ਼ੋਕਦਲਸ਼ਯਨਸਾਰੇ ।
ਵਿਲਸ ਕੁਚਕਲਸ਼ਤਰਲਹਾਰੇ ॥ 2 ॥
ਕੁਸੁਮਚਯਰਚਿਤਸ਼ੁਚਿਵਾਸਗੇਹੇ ।
ਵਿਲਸ ਕੁਸੁਮਸੁਕੁਮਾਰਦੇਹੇ ॥ 3 ॥
ਚਲਮਲਯਵਨਪਵਨਸੁਰਭਿਸ਼ੀਤੇ ।
ਵਿਲਸ ਰਸਵਲਿਤਲਲਿਤਗੀਤੇ ॥ 4 ॥
ਮਧੁਮੁਦਿਤਮਧੁਪਕੁਲਕਲਿਤਰਾਵੇ ।
ਵਿਲਸ ਮਦਨਰਸਸਰਸਭਾਵੇ ॥ 5 ॥
ਮਧੁਤਰਲਪਿਕਨਿਕਰਨਿਨਦਮੁਖਰੇ ।
ਵਿਲਸ ਦਸ਼ਨਰੁਚਿਰੁਚਿਰਸ਼ਿਖਰੇ ॥ 6 ॥
ਵਿਤਤ ਬਹੁਵਲ੍ਲਿਨਵਪਲ੍ਲਵਘਨੇ ।
ਵਿਲਸ ਚਿਰਮਲਸਪੀਨਜਘਨੇ ॥ 7 ॥
ਵਿਹਿਤਪਦ੍ਮਾਵਤੀਸੁਖਸਮਾਜੇ ।
ਭਣਤਿ ਜਯਦੇਵਕਵਿਰਾਜੇ ॥ 8 ॥
ਤ੍ਵਾਂ ਚਿਤ੍ਤੇਨ ਚਿਰਂ ਵਹਨ੍ਨਯਮਤਿਸ਼੍ਰਾਨ੍ਤੋ ਭृਸ਼ਂ ਤਾਪਿਤਃ ਕਨ੍ਦਰ੍ਪੇਣ ਤੁ ਪਾਤੁਮਿਚ੍ਛਤਿ ਸੁਧਾਸਮ੍ਬਾਧਬਿਮ੍ਬਾਧਰਮ੍ ।
ਅਸ੍ਯਾਙ੍ਗਂ ਤਦਲਙ੍ਕੁਰੁ ਕ੍षਣਮਿਹ ਭ੍ਰੂਕ੍षੇਪਲਕ੍ष੍ਮੀਲਵ-ਕ੍ਰੀਤੇ ਦਾਸ ਇਵੋਪਸੇਵਿਤਪਦਾਮ੍ਭੋਜੇ ਕੁਤਃ ਸਮ੍ਭ੍ਰਮਃ ॥ 64 ॥
ਸਾ ਸਸਾਧ੍ਵਸਸਾਨਨ੍ਦਂ ਗੋਵਿਨ੍ਦੇ ਲੋਲਲੋਚਨਾ ।
ਸਿਞ੍ਜਾਨਮਞ੍ਜੁਮਞ੍ਜੀਰਂ ਪ੍ਰਵਿਵੇਸ਼ ਨਿਵੇਸ਼ਨਮ੍ ॥ 65 ॥
॥ ਗੀਤਂ 22 ॥
ਰਾਧਾਵਦਨਵਿਲੋਕਨਵਿਕਸਿਤਵਿਵਿਧਵਿਕਾਰਵਿਭਙ੍ਗਮ੍ ।
ਜਲਨਿਧਿਮਿਵ ਵਿਧੁਮਣ੍ਡਲਦਰ੍ਸ਼ਨਤਰਲਿਤਤੁਙ੍ਗਤਰਙ੍ਗਮ੍ ॥
ਹਰਿਮੇਕਰਸਂ ਚਿਰਮਭਿਲषਿਤਵਿਲਾਸਂ ਸਾ ਦਦਾਰ੍ਸ਼ ਗੁਰੁਹਰ੍षਵਸ਼ਂਵਦਵਦਨਮਨਙ੍ਗਨਿਵਾਸਮ੍ ॥ 1 ॥
ਹਾਰਮਮਲਤਰਤਾਰਮੁਰਸਿ ਦਧਤਂ ਪਰਿਰਭ੍ਯ ਵਿਦੂਰਮ੍ ।
ਸ੍ਫੁਟਤਰਫੇਨਕਦਮ੍ਬਕਰਮ੍ਬਿਤਮਿਵ ਯਮੁਨਾਜਲਪੂਰਮ੍ ॥ 2 ॥
ਸ਼੍ਯਾਮਲਮृਦੁਲਕਲੇਵਰਮਣ੍ਡਲਮਧਿਗਤਗੌਰਦੁਕੂਲਮ੍ ।
ਨੀਲਨਲਿਨਮਿਵ ਪੀਤਪਰਾਗਪਤਲਭਰਵਲਯਿਤਮੂਲਮ੍ ॥ 3 ॥
ਤਰਲਦृਗਞ੍ਚਲਚਲਨਮਨੋਹਰਵਦਨਜਨਿਤਰਤਿਰਾਗਮ੍ ।
ਸ੍ਫੁਟਕਮਲੋਦਰਖੇਲਿਤਖਞ੍ਜਨਯੁਗਮਿਵ ਸ਼ਰਦਿ ਤਡਾਗਮ੍ ॥ 4 ॥
ਵਦਨਕਮਲਪਰਿਸ਼ੀਲਨਮਿਲਿਤਮਿਹਿਰਸਮਕੁਣ੍ਡਲਸ਼ੋਭਮ੍ ।
ਸ੍ਮਿਤਰੁਚਿਰੁਚਿਰਸਮੁਲ੍ਲਸਿਤਾਧਰਪਲ੍ਲਵਕृਤਰਤਿਲੋਭਮ੍ ॥ 5 ॥
ਸ਼ਸ਼ਿਕਿਰਣਚ੍ਛੁਰਿਤੋਦਰਜਲਧਰਸੁਨ੍ਦਰਸਕੁਸੁਮਕੇਸ਼ਮ੍ ।
ਤਿਮਿਰੋਦਿਤਵਿਧੁਮਣ੍ਦਲਨਿਰ੍ਮਲਮਲਯਜਤਿਲਕਨਿਵੇਸ਼ਮ੍ ॥ 6 ॥
ਵਿਪੁਲਪੁਲਕਭਰਦਨ੍ਤੁਰਿਤਂ ਰਤਿਕੇਲਿਕਲਾਭਿਰਧੀਰਮ੍ ।
ਮਣਿਗਣਕਿਰਣਸਮੂਹਸਮੁਜ੍ਜ੍ਵਲਭੂषਣਸੁਭਗਸ਼ਰੀਰਮ੍ ॥ 7 ॥
ਸ਼੍ਰੀਜਯਦੇਵਭਣਿਤਵਿਭਵਦ੍ਵਿਗੁਣੀਕृਤਭੂषਣਭਾਰਮ੍ ।
ਪ੍ਰਣਮਤ ਹृਦਿ ਸੁਚਿਰਂ ਵਿਨਿਧਾਯ ਹਰਿਂ ਸੁਕृਤੋਦਯਸਾਰਮ੍ ॥ 8 ॥
ਅਤਿਕ੍ਰਮ੍ਯਾਪਾਙ੍ਗਂ ਸ਼੍ਰਵਣਪਥਪਰ੍ਯਨ੍ਤਗਮਨ-ਪ੍ਰਯਾਸੇਨੇਵਾਕ੍ष੍ਣੋਸ੍ਤਰਲਤਰਤਾਰਂ ਪਤਿਤਯੋਃ ।
ਇਦਾਨੀਂ ਰਾਧਾਯਾਃ ਪ੍ਰਿਯਤਮਸਮਾਲੋਕਸਮਯੇ ਪਪਾਤ ਸ੍ਵੇਦਾਮ੍ਬੁਪ੍ਰਸਰ ਇਵ ਹਰ੍षਾਸ਼੍ਰੁਨਿਕਰਃ ॥ 66 ॥
ਭਵਨ੍ਤ੍ਯਾਸ੍ਤਲ੍ਪਾਨ੍ਤਂ ਕृਤਕਪਟਕਣ੍ਡੂਤਿਪਿਹਿਤ-ਸ੍ਮਿਤਂ ਯਾਤੇ ਗੇਹਾਦ੍ਬਹਿਰਵਹਿਤਾਲੀਪਰਿਜਨੇ ।
ਪ੍ਰਿਯਾਸ੍ਯਂ ਪਸ਼੍ਯਨ੍ਤ੍ਯਾਃ ਸ੍ਮਰਸ਼ਰਸਮਾਕੂਲਸੁਭਗਂ ਸਲਜ੍ਜਾ ਲਜ੍ਜਾਪਿ ਵ੍ਯਗਮਦਿਵ ਦੂਰਂ ਮृਗਦृਸ਼ਃ ॥ 67 ॥
॥ ਇਤਿ ਸ਼੍ਰੀਗੀਤਗੋਵਿਨ੍ਦੇ ਰਾਧਿਕਾਮਿਲਨੇ ਸਾਨਨ੍ਦਦਾਮੋਦਰੋ ਨਾਮੈਕਾਦਸ਼ਃ ਸਰ੍ਗਃ ॥
Roman (IAST) Transliteration
|| ekādaśaḥ sargaḥ ||
|| sānandadāmodaraḥ ||
suciramanunayane prīṇayitvā mṛgākṣīṃ gatavati kṛtaveśe keśave kuñjaśayyām |
racitarucirabhūṣāṃ dṛṣṭimoṣe pradoṣe sphurati niravasādāṃ kāpi rādhāṃ jagāda || 59 ||
|| gītaṃ 20 ||
viracitacāṭuvacanaracanaṃ caraṇe racitapraṇipātam |
samprati mañjulavañjulasīmani keliśayanamanuyātam ||
mugdhe madhumathanamanugatamanusara rādhike || 1 ||
ghanajaghanastanabhārabhare daramantharacaraṇavihāram |
mukharitamaṇīmañjīramupaihi vidhehi marālavikāram || 2 ||
śṛṇu ramaṇīyataraṃ taruṇījanamohanamadhupavirāvam |
kusumaśarāsanaśāsanabandini pikanikare bhaja bhāvam || 3 ||
anilataralakisalayanikareṇa kareṇa latānikurambam |
preraṇamiva karabhoru karoti gatiṃ pratimuñca vilambam || 4 ||
sphuritamanaṅgataraṅgavaśādiva sūcitahariparirambham |
pṛccha manoharahāravimalajaladhāramamuṃ kucakumbham || 5 ||
adhigatamakhilasakhībhiridaṃ tava vapurapi ratiraṇasajjam |
caṇḍi rasitaraśanāravaḍiṇḍimamabhisara sarasamalajjam || 6 ||
smaraśarasubhaganakhena kareṇa sakhīmavalambya salīlam |
cala valayakvaṇītairavabodhaya haramapi nijagatiśīlam || 7 ||
śrījayadevabhaṇitamadharīkṛtahāramudāsitavāmam |
harivinihitamanasāmadhitiṣṭhatu kaṇṭhataṭīmavirāmam || 8 ||
sā māṃ drakṣyati vakṣyati smarakathāṃ pratyaṅgamāliṅganaiḥ prītiṃ yāsyati ramyate sakhi samāgatyeti cintākulaḥ |
sa tvāṃ paśyati vepate pulakayatyānandati svidyati pratyudgacchati mūrcchati sthiratamaḥpuñje nikuñje priyaḥ || 60 ||
akṣṇornikṣipadañjanaṃ śravaṇayostāpicchagucchāvalīṃ mūrdhni śyāmasarojadāma kucayoḥ kastūrikāpātrakam |
dhūrtānāmabhisārasatvarahṛdāṃ viṣvaṅnikuñje sakhi dhvāntaṃ nīlanicolacāru sadṛśāṃ pratyaṅgamāliṅgati || 61 ||
kāśmīragauravapuṣāmabhisārikāṇāṃ ābaddharekhamabhito rucimañjarībhiḥ |
etattamāladalanīlatamaṃ tamiśraṃ tatpremahemanikaṣopalatāṃ tanoti || 62 ||
hārāvalītaralakāñcanakāñcidāma-keyūrakaṅkaṇamaṇidyutidīpitasya |
dvāre nikuñjanilayasyahariṃ nirīkṣya vrīḍāvatīmatha sakhī nijagāha rādhām || 63 ||
|| gītaṃ 21 ||
mañjutarakuñjatalakelisadane |
vilasa ratirabhasahasitavadane ||
praviśa rādhe mādhavasamīpamiha || 1 ||
navabhavadaśokadalaśayanasāre |
vilasa kucakalaśataralahāre || 2 ||
kusumacayaracitaśucivāsagehe |
vilasa kusumasukumāradehe || 3 ||
calamalayavanapavanasurabhiśīte |
vilasa rasavalitalalitagīte || 4 ||
madhumuditamadhupakulakalitarāve |
vilasa madanarasasarasabhāve || 5 ||
madhutaralapikanikaraninadamukhare |
vilasa daśanaruciruciraśikhare || 6 ||
vitata bahuvallinavapallavaghane |
vilasa ciramalasapīnajaghane || 7 ||
vihitapadmāvatīsukhasamāje |
bhaṇati jayadevakavirāje || 8 ||
tvāṃ cittena ciraṃ vahannayamatiśrānto bhṛśaṃ tāpitaḥ kandarpeṇa tu pātumicchati sudhāsambādhabimbādharam |
asyāṅgaṃ tadalaṅkuru kṣaṇamiha bhrūkṣepalakṣmīlava-krīte dāsa ivopasevitapadāmbhoje kutaḥ sambhramaḥ || 64 ||
sā sasādhvasasānandaṃ govinde lolalocanā |
siñjānamañjumañjīraṃ praviveśa niveśanam || 65 ||
|| gītaṃ 22 ||
rādhāvadanavilokanavikasitavividhavikāravibhaṅgam |
jalanidhimiva vidhumaṇḍaladarśanataralitatuṅgataraṅgam ||
harimekarasaṃ ciramabhilaṣitavilāsaṃ sā dadārśa guruharṣavaśaṃvadavadanamanaṅganivāsam || 1 ||
hāramamalataratāramurasi dadhataṃ parirabhya vidūram |
sphuṭataraphenakadambakarambitamiva yamunājalapūram || 2 ||
śyāmalamṛdulakalevaramaṇḍalamadhigatagauradukūlam |
nīlanalinamiva pītaparāgapatalabharavalayitamūlam || 3 ||
taraladṛgañcalacalanamanoharavadanajanitaratirāgam |
sphuṭakamalodarakhelitakhañjanayugamiva śaradi taḍāgam || 4 ||
vadanakamalapariśīlanamilitamihirasamakuṇḍalaśobham |
smitarucirucirasamullasitādharapallavakṛtaratilobham || 5 ||
śaśikiraṇacchuritodarajaladharasundarasakusumakeśam |
timiroditavidhumaṇdalanirmalamalayajatilakaniveśam || 6 ||
vipulapulakabharadanturitaṃ ratikelikalābhiradhīram |
maṇigaṇakiraṇasamūhasamujjvalabhūṣaṇasubhagaśarīram || 7 ||
śrījayadevabhaṇitavibhavadviguṇīkṛtabhūṣaṇabhāram |
praṇamata hṛdi suciraṃ vinidhāya hariṃ sukṛtodayasāram || 8 ||
atikramyāpāṅgaṃ śravaṇapathaparyantagamana-prayāsenevākṣṇostaralataratāraṃ patitayoḥ |
idānīṃ rādhāyāḥ priyatamasamālokasamaye papāta svedāmbuprasara iva harṣāśrunikaraḥ || 66 ||
bhavantyāstalpāntaṃ kṛtakapaṭakaṇḍūtipihita-smitaṃ yāte gehādbahiravahitālīparijane |
priyāsyaṃ paśyantyāḥ smaraśarasamākūlasubhagaṃ salajjā lajjāpi vyagamadiva dūraṃ mṛgadṛśaḥ || 67 ||
|| iti śrīgītagovinde rādhikāmilane sānandadāmodaro nāmaikādaśaḥ sargaḥ ||
InfoLyter.in — Sacred Vedic Knowledge Portal · Free forever