📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ਦੇਵੀ ਮਾਹਾਤ੍ਮ੍ਯਂ ਦੇਵਿ ਕਵਚਮ੍
Devi Mahatmyam Devi Kavacham
Devi Kavacham Gurmukhi
ੴ ਨਮਸ਼੍ਚਣ੍ਡਿਕਾਯੈ
ਨ੍ਯਾਸਃ
ਅਸ੍ਯ ਸ਼੍ਰੀ ਚਣ੍ਡੀ ਕਵਚਸ੍ਯ । ਬ੍ਰਹ੍ਮਾ ऋषਿਃ । ਅਨੁष੍ਟੁਪ੍ ਛਨ੍ਦਃ ।
ਚਾਮੁਣ੍ਡਾ ਦੇਵਤਾ । ਅਙ੍ਗਨ੍ਯਾਸੋਕ੍ਤ ਮਾਤਰੋ ਬੀਜਮ੍ । ਨਵਾਵਰਣੋ ਮਨ੍ਤ੍ਰਸ਼ਕ੍ਤਿਃ । ਦਿਗ੍ਬਨ੍ਧ ਦੇਵਤਾਃ ਤਤ੍ਵਮ੍ । ਸ਼੍ਰੀ ਜਗਦਮ੍ਬਾ ਪ੍ਰੀਤ੍ਯਰ੍ਥੇ ਸਪ੍ਤਸ਼ਤੀ ਪਾਠਾਙ੍ਗਤ੍ਵੇਨ ਜਪੇ ਵਿਨਿਯੋਗਃ ॥
ੴ ਨਮਸ਼੍ਚਣ੍ਡਿਕਾਯੈ
ਮਾਰ੍ਕਣ੍ਡੇਯ ਉਵਾਚ ।
ੴ ਯਦ੍ਗੁਹ੍ਯਂ ਪਰਮਂ ਲੋਕੇ ਸਰ੍ਵਰਕ੍षਾਕਰਂ ਨृਣਾਮ੍ ।
ਯਨ੍ਨ ਕਸ੍ਯਚਿਦਾਖ੍ਯਾਤਂ ਤਨ੍ਮੇ ਬ੍ਰੂਹਿ ਪਿਤਾਮਹ ॥ 1 ॥
ਬ੍ਰਹ੍ਮੋਵਾਚ ।
ਅਸ੍ਤਿ ਗੁਹ੍ਯਤਮਂ ਵਿਪ੍ਰ ਸਰ੍ਵਭੂਤੋਪਕਾਰਕਮ੍ ।
ਦੇਵ੍ਯਾਸ੍ਤੁ ਕਵਚਂ ਪੁਣ੍ਯਂ ਤਚ੍ਛृਣੁष੍ਵ ਮਹਾਮੁਨੇ ॥ 2 ॥
ਪ੍ਰਥਮਂ ਸ਼ੈਲਪੁਤ੍ਰੀ ਚ ਦ੍ਵਿਤੀਯਂ ਬ੍ਰਹ੍ਮਚਾਰਿਣੀ ।
ਤृਤੀਯਂ ਚਨ੍ਦ੍ਰਘਣ੍ਟੇਤਿ ਕੂष੍ਮਾਣ੍ਡੇਤਿ ਚਤੁਰ੍ਥਕਮ੍ ॥ 3 ॥
ਪਞ੍ਚਮਂ ਸ੍ਕਨ੍ਦਮਾਤੇਤਿ षष੍ਠਂ ਕਾਤ੍ਯਾਯਨੀਤਿ ਚ ।
ਸਪ੍ਤਮਂ ਕਾਲਰਾਤ੍ਰੀਤਿ ਮਹਾਗੌਰੀਤਿ ਚਾष੍ਟਮਮ੍ ॥ 4 ॥
ਨਵਮਂ ਸਿਦ੍ਧਿਦਾਤ੍ਰੀ ਚ ਨਵਦੁਰ੍ਗਾਃ ਪ੍ਰਕੀਰ੍ਤਿਤਾਃ ।
ਉਕ੍ਤਾਨ੍ਯੇਤਾਨਿ ਨਾਮਾਨਿ ਬ੍ਰਹ੍ਮਣੈਵ ਮਹਾਤ੍ਮਨਾ ॥ 5 ॥
ਅਗ੍ਨਿਨਾ ਦਹ੍ਯਮਾਨਸ੍ਤੁ ਸ਼ਤ੍ਰੁਮਧ੍ਯੇ ਗਤੋ ਰਣੇ ।
ਵਿषਮੇ ਦੁਰ੍ਗਮੇ ਚੈਵ ਭਯਾਰ੍ਤਾਃ ਸ਼ਰਣਂ ਗਤਾਃ ॥ 6 ॥
ਨ ਤੇषਾਂ ਜਾਯਤੇ ਕਿਞ੍ਚਿਦਸ਼ੁਭਂ ਰਣਸਙ੍ਕਟੇ ।
ਨਾਪਦਂ ਤਸ੍ਯ ਪਸ਼੍ਯਾਮਿ ਸ਼ੋਕਦੁਃਖਭਯਂ ਨ ਹਿ ॥ 7 ॥
ਯੈਸ੍ਤੁ ਭਕ੍ਤ੍ਯਾ ਸ੍ਮृਤਾ ਨੂਨਂ ਤੇषਾਂ ਵृਦ੍ਧਿਃ ਪ੍ਰਜਾਯਤੇ ।
ਯੇ ਤ੍ਵਾਂ ਸ੍ਮਰਨ੍ਤਿ ਦੇਵੇਸ਼ਿ ਰਕ੍षਸੇ ਤਾਨ੍ਨਸਂਸ਼ਯਃ ॥ 8 ॥
ਪ੍ਰੇਤਸਂਸ੍ਥਾ ਤੁ ਚਾਮੁਣ੍ਡਾ ਵਾਰਾਹੀ ਮਹਿषਾਸਨਾ ।
ਐਨ੍ਦ੍ਰੀ ਗਜਸਮਾਰੂਢਾ ਵੈष੍ਣਵੀ ਗਰੁਡਾਸਨਾ ॥ 9 ॥
ਮਾਹੇਸ਼੍ਵਰੀ ਵृषਾਰੂਢਾ ਕੌਮਾਰੀ ਸ਼ਿਖਿਵਾਹਨਾ ।
ਲਕ੍ष੍ਮੀਃ ਪਦ੍ਮਾਸਨਾ ਦੇਵੀ ਪਦ੍ਮਹਸ੍ਤਾ ਹਰਿਪ੍ਰਿਯਾ ॥ 10 ॥
ਸ਼੍ਵੇਤਰੂਪਧਰਾ ਦੇਵੀ ਈਸ਼੍ਵਰੀ ਵृषਵਾਹਨਾ ।
ਬ੍ਰਾਹ੍ਮੀ ਹਂਸਸਮਾਰੂਢਾ ਸਰ੍ਵਾਭਰਣਭੂषਿਤਾ ॥ 11 ॥
ਇਤ੍ਯੇਤਾ ਮਾਤਰਃ ਸਰ੍ਵਾਃ ਸਰ੍ਵਯੋਗਸਮਨ੍ਵਿਤਾਃ ।
ਨਾਨਾਭਰਣਾਸ਼ੋਭਾਢ੍ਯਾ ਨਾਨਾਰਤ੍ਨੋਪਸ਼ੋਭਿਤਾਃ ॥ 12 ॥
ਦृਸ਼੍ਯਨ੍ਤੇ ਰਥਮਾਰੂਢਾ ਦੇਵ੍ਯਃ ਕ੍ਰੋਧਸਮਾਕੁਲਾਃ ।
ਸ਼ਙ੍ਖਂ ਚਕ੍ਰਂ ਗਦਾਂ ਸ਼ਕ੍ਤਿਂ ਹਲਂ ਚ ਮੁਸਲਾਯੁਧਮ੍ ॥ 13 ॥
ਖੇਟਕਂ ਤੋਮਰਂ ਚੈਵ ਪਰਸ਼ੁਂ ਪਾਸ਼ਮੇਵ ਚ ।
ਕੁਨ੍ਤਾਯੁਧਂ ਤ੍ਰਿਸ਼ੂਲਂ ਚ ਸ਼ਾਰ੍ਙ੍ਗਮਾਯੁਧਮੁਤ੍ਤਮਮ੍ ॥ 14 ॥
ਦੈਤ੍ਯਾਨਾਂ ਦੇਹਨਾਸ਼ਾਯ ਭਕ੍ਤਾਨਾਮਭਯਾਯ ਚ ।
ਧਾਰਯਨ੍ਤ੍ਯਾਯੁਧਾਨੀਤ੍ਥਂ ਦੇਵਾਨਾਂ ਚ ਹਿਤਾਯ ਵੈ ॥ 15 ॥
ਨਮਸ੍ਤੇऽਸ੍ਤੁ ਮਹਾਰੌਦ੍ਰੇ ਮਹਾਘੋਰਪਰਾਕ੍ਰਮੇ ।
ਮਹਾਬਲੇ ਮਹੋਤ੍ਸਾਹੇ ਮਹਾਭਯਵਿਨਾਸ਼ਿਨਿ ॥ 16 ॥
ਤ੍ਰਾਹਿ ਮਾਂ ਦੇਵਿ ਦੁष੍ਪ੍ਰੇਕ੍ष੍ਯੇ ਸ਼ਤ੍ਰੂਣਾਂ ਭਯਵਰ੍ਧਿਨਿ ।
ਪ੍ਰਾਚ੍ਯਾਂ ਰਕ੍षਤੁ ਮਾਮੈਨ੍ਦ੍ਰੀ ਆਗ੍ਨੇਯ੍ਯਾਮਗ੍ਨਿਦੇਵਤਾ ॥ 17 ॥
ਦਕ੍षਿਣੇऽਵਤੁ ਵਾਰਾਹੀ ਨੈਰृਤ੍ਯਾਂ ਖਡ੍ਗਧਾਰਿਣੀ ।
ਪ੍ਰਤੀਚ੍ਯਾਂ ਵਾਰੁਣੀ ਰਕ੍षੇਦ੍ਵਾਯਵ੍ਯਾਂ ਮृਗਵਾਹਿਨੀ ॥ 18 ॥
ਉਦੀਚ੍ਯਾਂ ਪਾਤੁ ਕੌਮਾਰੀ ਐਸ਼ਾਨ੍ਯਾਂ ਸ਼ੂਲਧਾਰਿਣੀ ।
ਊਰ੍ਧ੍ਵਂ ਬ੍ਰਹ੍ਮਾਣੀ ਮੇ ਰਕ੍षੇਦਧਸ੍ਤਾਦ੍ਵੈष੍ਣਵੀ ਤਥਾ ॥ 19 ॥
ਏਵਂ ਦਸ਼ ਦਿਸ਼ੋ ਰਕ੍षੇਚ੍ਚਾਮੁਣ੍ਡਾ ਸ਼ਵਵਾਹਨਾ ।
ਜਯਾ ਮੇ ਚਾਗ੍ਰਤਃ ਪਾਤੁ ਵਿਜਯਾ ਪਾਤੁ ਪृष੍ਠਤਃ ॥ 20 ॥
ਅਜਿਤਾ ਵਾਮਪਾਰ੍ਸ਼੍ਵੇ ਤੁ ਦਕ੍षਿਣੇ ਚਾਪਰਾਜਿਤਾ ।
ਸ਼ਿਖਾਮੁਦ੍ਯੋਤਿਨੀ ਰਕ੍षੇਦੁਮਾ ਮੂਰ੍ਧ੍ਨਿ ਵ੍ਯਵਸ੍ਥਿਤਾ ॥ 21 ॥
ਮਾਲਾਧਰੀ ਲਲਾਟੇ ਚ ਭ੍ਰੁਵੌ ਰਕ੍षੇਦ੍ਯਸ਼ਸ੍ਵਿਨੀ ।
ਤ੍ਰਿਨੇਤ੍ਰਾ ਚ ਭ੍ਰੁਵੋਰ੍ਮਧ੍ਯੇ ਯਮਘਣ੍ਟਾ ਚ ਨਾਸਿਕੇ ॥ 22 ॥
ਸ਼ਙ੍ਖਿਨੀ ਚਕ੍षੁषੋਰ੍ਮਧ੍ਯੇ ਸ਼੍ਰੋਤ੍ਰਯੋਰ੍ਦ੍ਵਾਰਵਾਸਿਨੀ ।
ਕਪੋਲੌ ਕਾਲਿਕਾ ਰਕ੍षੇਤ੍ਕਰ੍ਣਮੂਲੇ ਤੁ ਸ਼ਾਙ੍ਕਰੀ ॥ 23 ॥
ਨਾਸਿਕਾਯਾਂ ਸੁਗਨ੍ਧਾ ਚ ਉਤ੍ਤਰੋष੍ਠੇ ਚ ਚਰ੍ਚਿਕਾ ।
ਅਧਰੇ ਚਾਮृਤਕਲਾ ਜਿਹ੍ਵਾਯਾਂ ਚ ਸਰਸ੍ਵਤੀ ॥ 24 ॥
ਦਨ੍ਤਾਨ੍ ਰਕ੍षਤੁ ਕੌਮਾਰੀ ਕਣ੍ਠਦੇਸ਼ੇ ਤੁ ਚਣ੍ਡਿਕਾ ।
ਘਣ੍ਟਿਕਾਂ ਚਿਤ੍ਰਘਣ੍ਟਾ ਚ ਮਹਾਮਾਯਾ ਚ ਤਾਲੁਕੇ ॥ 25 ॥
ਕਾਮਾਕ੍षੀ ਚਿਬੁਕਂ ਰਕ੍षੇਦ੍ਵਾਚਂ ਮੇ ਸਰ੍ਵਮਙ੍ਗਲਾ ।
ਗ੍ਰੀਵਾਯਾਂ ਭਦ੍ਰਕਾਲੀ ਚ ਪृष੍ਠਵਂਸ਼ੇ ਧਨੁਰ੍ਧਰੀ ॥ 26 ॥
ਨੀਲਗ੍ਰੀਵਾ ਬਹਿਃ ਕਣ੍ਠੇ ਨਲਿਕਾਂ ਨਲਕੂਬਰੀ ।
ਸ੍ਕਨ੍ਧਯੋਃ ਖਡ੍ਗਿਨੀ ਰਕ੍षੇਦ੍ਬਾਹੂ ਮੇ ਵਜ੍ਰਧਾਰਿਣੀ ॥ 27 ॥
ਹਸ੍ਤਯੋਰ੍ਦਣ੍ਡਿਨੀ ਰਕ੍षੇਦਮ੍ਬਿਕਾ ਚਾਙ੍ਗੁਲੀषੁ ਚ ।
ਨਖਾਞ੍ਛੂਲੇਸ਼੍ਵਰੀ ਰਕ੍षੇਤ੍ਕੁਕ੍षੌ ਰਕ੍षੇਤ੍ਕੁਲੇਸ਼੍ਵਰੀ ॥ 28 ॥
ਸ੍ਤਨੌ ਰਕ੍षੇਨ੍ਮਹਾਦੇਵੀ ਮਨਃਸ਼ੋਕਵਿਨਾਸ਼ਿਨੀ ।
ਹृਦਯੇ ਲਲਿਤਾ ਦੇਵੀ ਉਦਰੇ ਸ਼ੂਲਧਾਰਿਣੀ ॥ 29 ॥
ਨਾਭੌ ਚ ਕਾਮਿਨੀ ਰਕ੍षੇਦ੍ਗੁਹ੍ਯਂ ਗੁਹ੍ਯੇਸ਼੍ਵਰੀ ਤਥਾ ।
ਪੂਤਨਾ ਕਾਮਿਕਾ ਮੇਢ੍ਰਂ ਗੁਦੇ ਮਹਿषਵਾਹਿਨੀ ॥ 30 ॥
ਕਟ੍ਯਾਂ ਭਗਵਤੀ ਰਕ੍षੇਜ੍ਜਾਨੁਨੀ ਵਿਨ੍ਧ੍ਯਵਾਸਿਨੀ ।
ਜਙ੍ਘੇ ਮਹਾਬਲਾ ਰਕ੍षੇਤ੍ਸਰ੍ਵਕਾਮਪ੍ਰਦਾਯਿਨੀ ॥ 31 ॥
ਗੁਲ੍ਫਯੋਰ੍ਨਾਰਸਿਂਹੀ ਚ ਪਾਦਪृष੍ਠੇ ਤੁ ਤੈਜਸੀ ।
ਪਾਦਾਙ੍ਗੁਲੀषੁ ਸ਼੍ਰੀ ਰਕ੍षੇਤ੍ਪਾਦਾਧਸ੍ਤਲਵਾਸਿਨੀ ॥ 32 ॥
ਨਖਾਨ੍ ਦਂष੍ਟ੍ਰਕਰਾਲੀ ਚ ਕੇਸ਼ਾਂਸ਼੍ਚੈਵੋਰ੍ਧ੍ਵਕੇਸ਼ਿਨੀ ।
ਰੋਮਕੂਪੇषੁ ਕੌਮਾਰੀ ਤ੍ਵਚਂ ਵਾਗੀਸ਼੍ਵਰੀ ਤਥਾ ॥ 33 ॥
ਰਕ੍ਤਮਜ੍ਜਾਵਸਾਮਾਂਸਾਨ੍ਯਸ੍ਥਿਮੇਦਾਂਸਿ ਪਾਰ੍ਵਤੀ ।
ਅਨ੍ਤ੍ਰਾਣਿ ਕਾਲਰਾਤ੍ਰਿਸ਼੍ਚ ਪਿਤ੍ਤਂ ਚ ਮੁਕੁਟੇਸ਼੍ਵਰੀ ॥ 34 ॥
ਪਦ੍ਮਾਵਤੀ ਪਦ੍ਮਕੋਸ਼ੇ ਕਫੇ ਚੂਡਾਮਣਿਸ੍ਤਥਾ ।
ਜ੍ਵਾਲਾਮੁਖੀ ਨਖਜ੍ਵਾਲਾਮਭੇਦ੍ਯਾ ਸਰ੍ਵਸਨ੍ਧਿषੁ ॥ 35 ॥
ਸ਼ੁਕ੍ਰਂ ਬ੍ਰਹ੍ਮਾਣਿ! ਮੇ ਰਕ੍षੇਚ੍ਛਾਯਾਂ ਛਤ੍ਰੇਸ਼੍ਵਰੀ ਤਥਾ ।
ਅਹਙ੍ਕਾਰਂ ਮਨੋ ਬੁਦ੍ਧਿਂ ਰਕ੍षੇਨ੍ਮੇ ਧਰ੍ਮਧਾਰਿਣੀ ॥ 36 ॥
ਪ੍ਰਾਣਾਪਾਨੌ ਤਥਾ ਵ੍ਯਾਨਮੁਦਾਨਂ ਚ ਸਮਾਨਕਮ੍ ।
ਵਜ੍ਰਹਸ੍ਤਾ ਚ ਮੇ ਰਕ੍षੇਤ੍ਪ੍ਰਾਣਂ ਕਲ੍ਯਾਣਸ਼ੋਭਨਾ ॥ 37 ॥
ਰਸੇ ਰੂਪੇ ਚ ਗਨ੍ਧੇ ਚ ਸ਼ਬ੍ਦੇ ਸ੍ਪਰ੍ਸ਼ੇ ਚ ਯੋਗਿਨੀ ।
ਸਤ੍ਤ੍ਵਂ ਰਜਸ੍ਤਮਸ਼੍ਚੈਵ ਰਕ੍षੇਨ੍ਨਾਰਾਯਣੀ ਸਦਾ ॥ 38 ॥
ਆਯੂ ਰਕ੍षਤੁ ਵਾਰਾਹੀ ਧਰ੍ਮਂ ਰਕ੍षਤੁ ਵੈष੍ਣਵੀ ।
ਯਸ਼ਃ ਕੀਰ੍ਤਿਂ ਚ ਲਕ੍ष੍ਮੀਂ ਚ ਧਨਂ ਵਿਦ੍ਯਾਂ ਚ ਚਕ੍ਰਿਣੀ ॥ 39 ॥
ਗੋਤ੍ਰਮਿਨ੍ਦ੍ਰਾਣਿ! ਮੇ ਰਕ੍षੇਤ੍ਪਸ਼ੂਨ੍ਮੇ ਰਕ੍ष ਚਣ੍ਡਿਕੇ ।
ਪੁਤ੍ਰਾਨ੍ ਰਕ੍षੇਨ੍ਮਹਾਲਕ੍ष੍ਮੀਰ੍ਭਾਰ੍ਯਾਂ ਰਕ੍षਤੁ ਭੈਰਵੀ ॥ 40 ॥
ਪਨ੍ਥਾਨਂ ਸੁਪਥਾ ਰਕ੍षੇਨ੍ਮਾਰ੍ਗਂ ਕ੍षੇਮਕਰੀ ਤਥਾ ।
ਰਾਜਦ੍ਵਾਰੇ ਮਹਾਲਕ੍ष੍ਮੀਰ੍ਵਿਜਯਾ ਸਰ੍ਵਤਃ ਸ੍ਥਿਤਾ ॥ 41 ॥
ਰਕ੍षਾਹੀਨਂ ਤੁ ਯਤ੍-ਸ੍ਥਾਨਂ ਵਰ੍ਜਿਤਂ ਕਵਚੇਨ ਤੁ ।
ਤਤ੍ਸਰ੍ਵਂ ਰਕ੍ष ਮੇ ਦੇਵਿ! ਜਯਨ੍ਤੀ ਪਾਪਨਾਸ਼ਿਨੀ ॥ 42 ॥
ਪਦਮੇਕਂ ਨ ਗਚ੍ਛੇਤ੍ਤੁ ਯਦੀਚ੍ਛੇਚ੍ਛੁਭਮਾਤ੍ਮਨਃ ।
ਕਵਚੇਨਾਵृਤੋ ਨਿਤ੍ਯਂ ਯਤ੍ਰ ਯਤ੍ਰੈਵ ਗਚ੍ਛਤਿ ॥ 43 ॥
ਤਤ੍ਰ ਤਤ੍ਰਾਰ੍ਥਲਾਭਸ਼੍ਚ ਵਿਜਯਃ ਸਾਰ੍ਵਕਾਮਿਕਃ ।
ਯਂ ਯਂ ਚਿਨ੍ਤਯਤੇ ਕਾਮਂ ਤਂ ਤਂ ਪ੍ਰਾਪ੍ਨੋਤਿ ਨਿਸ਼੍ਚਿਤਮ੍ ॥ 44 ॥
ਪਰਮੈਸ਼੍ਵਰ੍ਯਮਤੁਲਂ ਪ੍ਰਾਪ੍ਸ੍ਯਤੇ ਭੂਤਲੇ ਪੁਮਾਨ੍ ।
ਨਿਰ੍ਭਯੋ ਜਾਯਤੇ ਮਰ੍ਤ੍ਯਃ ਸਙ੍ਗ੍ਰਾਮੇष੍ਵਪਰਾਜਿਤਃ ॥ 45 ॥
ਤ੍ਰੈਲੋਕ੍ਯੇ ਤੁ ਭਵੇਤ੍ਪੂਜ੍ਯਃ ਕਵਚੇਨਾਵृਤਃ ਪੁਮਾਨ੍ ।
ਇਦਂ ਤੁ ਦੇਵ੍ਯਾਃ ਕਵਚਂ ਦੇਵਾਨਾਮਪਿ ਦੁਰ੍ਲਭਮ੍ ॥ 46 ॥
ਯਃ ਪਠੇਤ੍ਪ੍ਰਯਤੋ ਨਿਤ੍ਯਂ ਤ੍ਰਿਸਨ੍ਧ੍ਯਂ ਸ਼੍ਰਦ੍ਧਯਾਨ੍ਵਿਤਃ ।
ਦੈਵੀਕਲਾ ਭਵੇਤ੍ਤਸ੍ਯ ਤ੍ਰੈਲੋਕ੍ਯੇष੍ਵਪਰਾਜਿਤਃ । 47 ॥
ਜੀਵੇਦ੍ਵਰ੍षਸ਼ਤਂ ਸਾਗ੍ਰਮਪਮृਤ੍ਯੁਵਿਵਰ੍ਜਿਤਃ ।
ਨਸ਼੍ਯਨ੍ਤਿ ਵ੍ਯਾਧਯਃ ਸਰ੍ਵੇ ਲੂਤਾਵਿਸ੍ਫੋਟਕਾਦਯਃ ॥ 48 ॥
ਸ੍ਥਾਵਰਂ ਜਙ੍ਗਮਂ ਚੈਵ ਕृਤ੍ਰਿਮਂ ਚੈਵ ਯਦ੍ਵਿषਮ੍ ।
ਅਭਿਚਾਰਾਣਿ ਸਰ੍ਵਾਣਿ ਮਨ੍ਤ੍ਰਯਨ੍ਤ੍ਰਾਣਿ ਭੂਤਲੇ ॥ 49 ॥
ਭੂਚਰਾਃ ਖੇਚਰਾਸ਼੍ਚੈਵ ਜੁਲਜਾਸ਼੍ਚੋਪਦੇਸ਼ਿਕਾਃ ।
ਸਹਜਾ ਕੁਲਜਾ ਮਾਲਾ ਡਾਕਿਨੀ ਸ਼ਾਕਿਨੀ ਤਥਾ ॥ 50 ॥
ਅਨ੍ਤਰਿਕ੍षਚਰਾ ਘੋਰਾ ਡਾਕਿਨ੍ਯਸ਼੍ਚ ਮਹਾਬਲਾਃ ।
ਗ੍ਰਹਭੂਤਪਿਸ਼ਾਚਾਸ਼੍ਚ ਯਕ੍षਗਨ੍ਧਰ੍ਵਰਾਕ੍षਸਾਃ ॥ 51 ॥
ਬ੍ਰਹ੍ਮਰਾਕ੍षਸਵੇਤਾਲਾਃ ਕੂष੍ਮਾਣ੍ਡਾ ਭੈਰਵਾਦਯਃ ।
ਨਸ਼੍ਯਨ੍ਤਿ ਦਰ੍ਸ਼ਨਾਤ੍ਤਸ੍ਯ ਕਵਚੇ ਹृਦਿ ਸਂਸ੍ਥਿਤੇ ॥ 52 ॥
ਮਾਨੋਨ੍ਨਤਿਰ੍ਭਵੇਦ੍ਰਾਜ੍ਞਸ੍ਤੇਜੋਵृਦ੍ਧਿਕਰਂ ਪਰਮ੍ ।
ਯਸ਼ਸਾ ਵਰ੍ਧਤੇ ਸੋऽਪਿ ਕੀਰ੍ਤਿਮਣ੍ਡਿਤਭੂਤਲੇ ॥ 53 ॥
ਜਪੇਤ੍ਸਪ੍ਤਸ਼ਤੀਂ ਚਣ੍ਡੀਂ ਕृਤ੍ਵਾ ਤੁ ਕਵਚਂ ਪੁਰਾ ।
ਯਾਵਦ੍ਭੂਮਣ੍ਡਲਂ ਧਤ੍ਤੇ ਸਸ਼ੈਲਵਨਕਾਨਨਮ੍ ॥ 54 ॥
ਤਾਵਤ੍ਤਿष੍ਠਤਿ ਮੇਦਿਨ੍ਯਾਂ ਸਨ੍ਤਤਿਃ ਪੁਤ੍ਰਪੌਤ੍ਰਿਕੀ ।
ਦੇਹਾਨ੍ਤੇ ਪਰਮਂ ਸ੍ਥਾਨਂ ਯਤ੍ਸੁਰੈਰਪਿ ਦੁਰ੍ਲਭਮ੍ ॥ 55 ॥
ਪ੍ਰਾਪ੍ਨੋਤਿ ਪੁਰੁषੋ ਨਿਤ੍ਯਂ ਮਹਾਮਾਯਾਪ੍ਰਸਾਦਤਃ ।
ਲਭਤੇ ਪਰਮਂ ਰੂਪਂ ਸ਼ਿਵੇਨ ਸਹ ਮੋਦਤੇ ॥ 56 ॥
॥ ਇਤਿ ਵਾਰਾਹਪੁਰਾਣੇ ਹਰਿਹਰਬ੍ਰਹ੍ਮ ਵਿਰਚਿਤਂ ਦੇਵ੍ਯਾਃ ਕਵਚਂ ਸਮ੍ਪੂਰ੍ਣਮ੍ ॥
Roman (IAST) Transliteration
oṃ namaścaṇḍikāyai
nyāsaḥ
asya śrī caṇḍī kavacasya | brahmā ṛṣiḥ | anuṣṭup chandaḥ |
cāmuṇḍā devatā | aṅganyāsokta mātaro bījam | navāvaraṇo mantraśaktiḥ | digbandha devatāḥ tatvam | śrī jagadambā prītyarthe saptaśatī pāṭhāṅgatvena jape viniyogaḥ ||
oṃ namaścaṇḍikāyai
mārkaṇḍeya uvāca |
oṃ yadguhyaṃ paramaṃ loke sarvarakṣākaraṃ nṛṇām |
yanna kasyacidākhyātaṃ tanme brūhi pitāmaha || 1 ||
brahmovāca |
asti guhyatamaṃ vipra sarvabhūtopakārakam |
devyāstu kavacaṃ puṇyaṃ tacchṛṇuṣva mahāmune || 2 ||
prathamaṃ śailaputrī ca dvitīyaṃ brahmacāriṇī |
tṛtīyaṃ candraghaṇṭeti kūṣmāṇḍeti caturthakam || 3 ||
pañcamaṃ skandamāteti ṣaṣṭhaṃ kātyāyanīti ca |
saptamaṃ kālarātrīti mahāgaurīti cāṣṭamam || 4 ||
navamaṃ siddhidātrī ca navadurgāḥ prakīrtitāḥ |
uktānyetāni nāmāni brahmaṇaiva mahātmanā || 5 ||
agninā dahyamānastu śatrumadhye gato raṇe |
viṣame durgame caiva bhayārtāḥ śaraṇaṃ gatāḥ || 6 ||
na teṣāṃ jāyate kiñcidaśubhaṃ raṇasaṅkaṭe |
nāpadaṃ tasya paśyāmi śokaduḥkhabhayaṃ na hi || 7 ||
yaistu bhaktyā smṛtā nūnaṃ teṣāṃ vṛddhiḥ prajāyate |
ye tvāṃ smaranti deveśi rakṣase tānnasaṃśayaḥ || 8 ||
pretasaṃsthā tu cāmuṇḍā vārāhī mahiṣāsanā |
aindrī gajasamārūḍhā vaiṣṇavī garuḍāsanā || 9 ||
māheśvarī vṛṣārūḍhā kaumārī śikhivāhanā |
lakṣmīḥ padmāsanā devī padmahastā haripriyā || 10 ||
śvetarūpadharā devī īśvarī vṛṣavāhanā |
brāhmī haṃsasamārūḍhā sarvābharaṇabhūṣitā || 11 ||
ityetā mātaraḥ sarvāḥ sarvayogasamanvitāḥ |
nānābharaṇāśobhāḍhyā nānāratnopaśobhitāḥ || 12 ||
dṛśyante rathamārūḍhā devyaḥ krodhasamākulāḥ |
śaṅkhaṃ cakraṃ gadāṃ śaktiṃ halaṃ ca musalāyudham || 13 ||
kheṭakaṃ tomaraṃ caiva paraśuṃ pāśameva ca |
kuntāyudhaṃ triśūlaṃ ca śārṅgamāyudhamuttamam || 14 ||
daityānāṃ dehanāśāya bhaktānāmabhayāya ca |
dhārayantyāyudhānītthaṃ devānāṃ ca hitāya vai || 15 ||
namaste'stu mahāraudre mahāghoraparākrame |
mahābale mahotsāhe mahābhayavināśini || 16 ||
trāhi māṃ devi duṣprekṣye śatrūṇāṃ bhayavardhini |
prācyāṃ rakṣatu māmaindrī āgneyyāmagnidevatā || 17 ||
dakṣiṇe'vatu vārāhī nairṛtyāṃ khaḍgadhāriṇī |
pratīcyāṃ vāruṇī rakṣedvāyavyāṃ mṛgavāhinī || 18 ||
udīcyāṃ pātu kaumārī aiśānyāṃ śūladhāriṇī |
ūrdhvaṃ brahmāṇī me rakṣedadhastādvaiṣṇavī tathā || 19 ||
evaṃ daśa diśo rakṣeccāmuṇḍā śavavāhanā |
jayā me cāgrataḥ pātu vijayā pātu pṛṣṭhataḥ || 20 ||
ajitā vāmapārśve tu dakṣiṇe cāparājitā |
śikhāmudyotinī rakṣedumā mūrdhni vyavasthitā || 21 ||
mālādharī lalāṭe ca bhruvau rakṣedyaśasvinī |
trinetrā ca bhruvormadhye yamaghaṇṭā ca nāsike || 22 ||
śaṅkhinī cakṣuṣormadhye śrotrayordvāravāsinī |
kapolau kālikā rakṣetkarṇamūle tu śāṅkarī || 23 ||
nāsikāyāṃ sugandhā ca uttaroṣṭhe ca carcikā |
adhare cāmṛtakalā jihvāyāṃ ca sarasvatī || 24 ||
dantān rakṣatu kaumārī kaṇṭhadeśe tu caṇḍikā |
ghaṇṭikāṃ citraghaṇṭā ca mahāmāyā ca tāluke || 25 ||
kāmākṣī cibukaṃ rakṣedvācaṃ me sarvamaṅgalā |
grīvāyāṃ bhadrakālī ca pṛṣṭhavaṃśe dhanurdharī || 26 ||
nīlagrīvā bahiḥ kaṇṭhe nalikāṃ nalakūbarī |
skandhayoḥ khaḍginī rakṣedbāhū me vajradhāriṇī || 27 ||
hastayordaṇḍinī rakṣedambikā cāṅgulīṣu ca |
nakhāñchūleśvarī rakṣetkukṣau rakṣetkuleśvarī || 28 ||
stanau rakṣenmahādevī manaḥśokavināśinī |
hṛdaye lalitā devī udare śūladhāriṇī || 29 ||
nābhau ca kāminī rakṣedguhyaṃ guhyeśvarī tathā |
pūtanā kāmikā meḍhraṃ gude mahiṣavāhinī || 30 ||
kaṭyāṃ bhagavatī rakṣejjānunī vindhyavāsinī |
jaṅghe mahābalā rakṣetsarvakāmapradāyinī || 31 ||
gulphayornārasiṃhī ca pādapṛṣṭhe tu taijasī |
pādāṅgulīṣu śrī rakṣetpādādhastalavāsinī || 32 ||
nakhān daṃṣṭrakarālī ca keśāṃścaivordhvakeśinī |
romakūpeṣu kaumārī tvacaṃ vāgīśvarī tathā || 33 ||
raktamajjāvasāmāṃsānyasthimedāṃsi pārvatī |
antrāṇi kālarātriśca pittaṃ ca mukuṭeśvarī || 34 ||
padmāvatī padmakośe kaphe cūḍāmaṇistathā |
jvālāmukhī nakhajvālāmabhedyā sarvasandhiṣu || 35 ||
śukraṃ brahmāṇi! me rakṣecchāyāṃ chatreśvarī tathā |
ahaṅkāraṃ mano buddhiṃ rakṣenme dharmadhāriṇī || 36 ||
prāṇāpānau tathā vyānamudānaṃ ca samānakam |
vajrahastā ca me rakṣetprāṇaṃ kalyāṇaśobhanā || 37 ||
rase rūpe ca gandhe ca śabde sparśe ca yoginī |
sattvaṃ rajastamaścaiva rakṣennārāyaṇī sadā || 38 ||
āyū rakṣatu vārāhī dharmaṃ rakṣatu vaiṣṇavī |
yaśaḥ kīrtiṃ ca lakṣmīṃ ca dhanaṃ vidyāṃ ca cakriṇī || 39 ||
gotramindrāṇi! me rakṣetpaśūnme rakṣa caṇḍike |
putrān rakṣenmahālakṣmīrbhāryāṃ rakṣatu bhairavī || 40 ||
panthānaṃ supathā rakṣenmārgaṃ kṣemakarī tathā |
rājadvāre mahālakṣmīrvijayā sarvataḥ sthitā || 41 ||
rakṣāhīnaṃ tu yat-sthānaṃ varjitaṃ kavacena tu |
tatsarvaṃ rakṣa me devi! jayantī pāpanāśinī || 42 ||
padamekaṃ na gacchettu yadīcchecchubhamātmanaḥ |
kavacenāvṛto nityaṃ yatra yatraiva gacchati || 43 ||
tatra tatrārthalābhaśca vijayaḥ sārvakāmikaḥ |
yaṃ yaṃ cintayate kāmaṃ taṃ taṃ prāpnoti niścitam || 44 ||
paramaiśvaryamatulaṃ prāpsyate bhūtale pumān |
nirbhayo jāyate martyaḥ saṅgrāmeṣvaparājitaḥ || 45 ||
trailokye tu bhavetpūjyaḥ kavacenāvṛtaḥ pumān |
idaṃ tu devyāḥ kavacaṃ devānāmapi durlabham || 46 ||
yaḥ paṭhetprayato nityaṃ trisandhyaṃ śraddhayānvitaḥ |
daivīkalā bhavettasya trailokyeṣvaparājitaḥ | 47 ||
jīvedvarṣaśataṃ sāgramapamṛtyuvivarjitaḥ |
naśyanti vyādhayaḥ sarve lūtāvisphoṭakādayaḥ || 48 ||
sthāvaraṃ jaṅgamaṃ caiva kṛtrimaṃ caiva yadviṣam |
abhicārāṇi sarvāṇi mantrayantrāṇi bhūtale || 49 ||
bhūcarāḥ khecarāścaiva julajāścopadeśikāḥ |
sahajā kulajā mālā ḍākinī śākinī tathā || 50 ||
antarikṣacarā ghorā ḍākinyaśca mahābalāḥ |
grahabhūtapiśācāśca yakṣagandharvarākṣasāḥ || 51 ||
brahmarākṣasavetālāḥ kūṣmāṇḍā bhairavādayaḥ |
naśyanti darśanāttasya kavace hṛdi saṃsthite || 52 ||
mānonnatirbhavedrājñastejovṛddhikaraṃ param |
yaśasā vardhate so'pi kīrtimaṇḍitabhūtale || 53 ||
japetsaptaśatīṃ caṇḍīṃ kṛtvā tu kavacaṃ purā |
yāvadbhūmaṇḍalaṃ dhatte saśailavanakānanam || 54 ||
tāvattiṣṭhati medinyāṃ santatiḥ putrapautrikī |
dehānte paramaṃ sthānaṃ yatsurairapi durlabham || 55 ||
prāpnoti puruṣo nityaṃ mahāmāyāprasādataḥ |
labhate paramaṃ rūpaṃ śivena saha modate || 56 ||
|| iti vārāhapurāṇe hariharabrahma viracitaṃ devyāḥ kavacaṃ sampūrṇam ||
InfoLyter.in — Sacred Vedic Knowledge Portal · Free forever