Varahi Sahasra Nama Stotram

ॐ

ଵାରାହୀ ସହସ୍ର ନାମ ସ୍ତୋତ୍ରମ୍

Stotram Oriya

ଦେଵ୍ଯୁଵାଚ ।

ଶ୍ରୀକଣ୍ଠ କରୁଣାସିନ୍ଧୋ ଦୀନବନ୍ଧୋ ଜଗତ୍ପତେ ।

ଭୂତିଭୂଷିତସର୍ଵାଙ୍ଗ ପରାତ୍ପରତର ପ୍ରଭୋ ॥ 1 ॥

କୃତାଞ୍ଜଲିପୁଟା ଭୂତ୍ଵା ପୃଚ୍ଛାମ୍ଯେକଂ ଦଯାନିଧେ ।

ଆଦ୍ଯା ଯା ଚିତ୍ସ୍ଵରୂପା ଯା ନିର୍ଵିକାରା ନିରଞ୍ଜନା ॥ 2 ॥

ବୋଧାତୀତା ଜ୍ଞାନଗମ୍ଯା କୂଟସ୍ଥାନନ୍ଦଵିଗ୍ରହା ।

ଅଗ୍ରାହ୍ଯାତୀନ୍ଦ୍ରିଯା ଶୁଦ୍ଧା ନିରୀହା ସ୍ଵାଵଭାସିକା ॥ 3 ॥

ଗୁଣାତୀତା ନିଷ୍ପ୍ରପଞ୍ଚା ହ୍ଯଵାଙ୍ମନସଗୋଚରା ।

ପ୍ରକୃତିର୍ଜଗଦୁତ୍ପତ୍ତିସ୍ଥିତିସଂହାରକାରିଣୀ ॥ 4 ॥

ରକ୍ଷାର୍ଥଂ ଜଗତୋ ଦେଵକାର୍ଯାର୍ଥଂ ଵା ସୁରଦ୍ଵିଷାମ୍ ।

ନାଶାଯ ଧତ୍ତେ ସା ଦେହଂ ତତ୍ତତ୍କାର୍ଯୈକସାଧକମ୍ ॥ 5 ॥

ତତ୍ର ଭୂଧରଣାର୍ଥାଯ ଯଜ୍ଞଵିସ୍ତାରହେତଵେ ।

ଵିଦ୍ଯୁତ୍କେଶହିରଣ୍ଯାକ୍ଷବାଲାକାଦିଵଧାଯ ଚ ॥ 6 ॥

ଆଵିର୍ବଭୂଵ ଯା ଶକ୍ତିର୍ଘୋରା ଭୂଦାରରୂପିଣୀ ।

ଵାରାହୀ ଵିକଟାକାରା ଦାନଵାସୁରନାଶିନୀ ॥ 7 ॥

ସଦ୍ଯଃ ସିଦ୍ଧିକରୀ ଦେଵୀ ଘୋରାଦ୍ଘୋରତରା ଶିଵା ।

ତସ୍ଯାଃ ସହସ୍ରନାମାଖ୍ଯଂ ସ୍ତୋତ୍ରଂ ମେ ସମୁଦୀରଯ ॥ 8 ॥

କୃପାଲେଶୋଽସ୍ତି ମଯି ଚେଦ୍ଭାଗ୍ଯଂ ମେ ଯଦି ଵା ଭଵେତ୍ ।

ଅନୁଗ୍ରାହ୍ଯା ଯଦ୍ଯହଂ ସ୍ଯାଂ ତଦା ଵଦ ଦଯାନିଧେ ॥ 9 ॥

ଈଶ୍ଵର ଉଵାଚ ।

ସାଧୁ ସାଧୁ ଵରାରୋହେ ଧନ୍ଯା ବହୁମତାସି ମେ ।

ଶୁଶ୍ରୂଷଯା ସମୁତ୍ପନ୍ନା ଭକ୍ତିଃ ଶ୍ରଦ୍ଧାନ୍ଵିତା ତଵ ॥ 10 ॥

ସହସ୍ରନାମ ଵାରାହ୍ଯାଃ ସର୍ଵସିଦ୍ଧିଵିଧାଯି ଚ ।

ତଵ ଚେନ୍ନ ପ୍ରଵକ୍ଷ୍ଯାମି ପ୍ରିଯେ କସ୍ଯ ଵଦାମ୍ଯହମ୍ ॥ 11 ॥

କିନ୍ତୁ ଗୋପ୍ଯଂ ପ୍ରଯତ୍ନେନ ସଂରକ୍ଷ୍ଯଂ ପ୍ରାଣତୋଽପି ଚ ।

ଵିଶେଷତଃ କଲିଯୁଗେ ନ ଦେଯଂ ଯସ୍ଯ କସ୍ଯଚିତ୍ ।

ସର୍ଵେଽନ୍ଯଥା ସିଦ୍ଧିଭାଜୋ ଭଵିଷ୍ଯନ୍ତି ଵରାନନେ ॥ 12 ॥

ଓଁ ଅସ୍ଯ ଶ୍ରୀଵାରାହୀସହସ୍ରନାମସ୍ତୋତ୍ରସ୍ଯ ମହାଦେଵ ଋଷିଃ । ଅନୁଷ୍ଟୁପ୍ ଛନ୍ଦଃ । ଵାରାହୀ ଦେଵତା । ଐଂ ବୀଜମ୍ । କ୍ରୋଂ ଶକ୍ତିଃ । ହୁଂ କୀଲକମ୍ । ମମ ସର୍ଵାର୍ଥସିଦ୍ଧ୍ଯର୍ଥେ ଜପେ ଵିନିଯୋଗଃ ।

ଓଁ ଵାରାହୀ ଵାମନୀ ଵାମା ବଗଲା ଵାସଵୀ ଵସୁଃ ।

ଵୈଦେହୀ ଵୀରସୂର୍ବାଲା ଵରଦା ଵିଷ୍ଣୁଵଲ୍ଲଭା ॥ 13 ॥

ଵନ୍ଦିତା ଵସୁଦା ଵଶ୍ଯା ଵ୍ଯାତ୍ତାସ୍ଯା ଵଞ୍ଚିନୀ ବଲା ।

ଵସୁନ୍ଧରା ଵୀତିହୋତ୍ରା ଵୀତରାଗା ଵିହାଯସୀ ॥ 14 ॥

ସର୍ଵା ଖନିପ୍ରିଯା କାମ୍ଯା କମଲା କାଞ୍ଚନୀ ରମା ।

ଧୂମ୍ରା କପାଲିନୀ ଵାମା କୁରୁକୁଲ୍ଲା କଲାଵତୀ ॥ 15 ॥

ଯାମ୍ଯାଽଽଗ୍ନେଯୀ ଧରା ଧନ୍ଯା ଧର୍ମିଣୀ ଧ୍ଯାନିନୀ ଧ୍ରୁଵା ।

ଧୃତିର୍ଲକ୍ଷ୍ମୀର୍ଜଯା ତୁଷ୍ଟିଃ ଶକ୍ତିର୍ମେଧା ତପସ୍ଵିନୀ ॥ 16 ॥

ଵେଧା ଜଯା କୃତିଃ କାନ୍ତିଃ ସ୍ଵାହା ଶାନ୍ତିର୍ଦମା ରତିଃ ।

ଲଜ୍ଜା ମତିଃ ସ୍ମୃତିର୍ନିଦ୍ରା ତନ୍ତ୍ରା ଗୌରୀ ଶିଵା ସ୍ଵଧା ॥ 17 ॥

ଚଣ୍ଡୀ ଦୁର୍ଗାଽଭଯା ଭୀମା ଭାଷା ଭାମା ଭଯାନକା ।

ଭୂଦାରା ଭଯହା ଭୀରୁର୍ଭୈରଵୀ ଭଙ୍ଗରା ଭଟୀ ॥ 18 ॥

ଘୁର୍ଘୁରା ଘୋଷଣା ଘୋରା ଘୋଷିଣୀ ଘୋଣସଂଯୁତା ।

ଘନାଘନା ଘର୍ଘରା ଚ ଘୋଣଯୁକ୍ତାଽଘନାଶିନୀ ॥ 19 ॥

ପୂର୍ଵାଗ୍ନେଯୀ ଯାତୁ ଯାମ୍ଯା ଵାଯଵ୍ଯୁତ୍ତରଵାରୁଣୀ ।

ଐଶାନ୍ଯୂର୍ଧ୍ଵାଧଃସ୍ଥିତା ଚ ପୃଷ୍ଠଦକ୍ଷାଗ୍ରଵାମଗା ॥ 20 ॥

ହୃନ୍ନାଭିବ୍ରହ୍ମରନ୍ଧ୍ରାର୍କସ୍ଵର୍ଗପାତାଲଭୂମିଗା ।

ଐଂ ଶ୍ରୀଃ ହ୍ରୀଃ କ୍ଲୀଂ ତୀର୍ଥଗତିଃ ପ୍ରୀତିର୍ଧୀର୍ଗୀଃ କଲାଽଵ୍ଯଯା ॥ 21 ॥

ଋଗ୍ଯଜୁଃ ସାମରୂପା ଚ ପରା ପୋତ୍ରିଣ୍ଯୁଦୁମ୍ବରା ।

ଗଦାସିଶକ୍ତିଚାପେଷୁଶୂଲଚକ୍ରର୍ଷ୍ଟିଧାରିଣୀ ॥ 22 ॥

ଜରତୀ ଯୁଵତୀ ବାଲା ଚତୁରଙ୍ଗବଲୋତ୍କଟା ।

ସତ୍ଯାକ୍ଷରା ନିଧିର୍ନେତ୍ରୀ ଧାତ୍ରୀ ପୋତ୍ରୀ ପରା ପଟୁଃ ॥ 23 ॥

କ୍ଷେତ୍ରଜ୍ଞା କମ୍ପିନୀ ଜ୍ଯେଷ୍ଠା ଦୁରାଧର୍ଷା ଧୁରନ୍ଧରା ।

ମାଲିନୀ ମାନିନୀ ମାତା ମାନନୀଯା ମନସ୍ଵିନୀ ॥ 24 ॥

ମଦୋତ୍କଟା ମନ୍ଯୁକରୀ ମନୁରୂପା ମନୋଜଵା ।

ମେଦସ୍ଵିନୀ ମଦ୍ଯରତା ମଧୁପା ମଙ୍ଗଲାଽମରା ॥ 25 ॥

ମାଯା ମାତାଽଽମଯହରୀ ମୃଡାନୀ ମହିଲା ମୃତିଃ ।

ମହାଦେଵୀ ମୋହହରୀ ମଞ୍ଜୁର୍ମୃତ୍ଯୁଞ୍ଜଯାଽମଲା ॥ 26 ॥

ମାଂସଲା ମାନଵା ମୂଲା ମହାରାତ୍ରିର୍ମଦାଲସା ।

ମୃଗାଙ୍କା ମେନକା ମାନ୍ଯା ମହିଷଘ୍ନୀ ମଦନ୍ତିକା ॥ 27 ॥

ମୂର୍ଛାମୋହମୃଷାମୋଘାମଦମୃତ୍ଯୁମଲାପହା ।

ସିଂହର୍କ୍ଷମହିଷଵ୍ଯାଘ୍ରମୃଗକ୍ରୋଡାନନା ଧୁନୀ ॥ 28 ॥

ଧରିଣୀ ଧାରିଣୀ ଧେନୁର୍ଧରିତ୍ରୀ ଧାଵନୀ ଧଵା ।

ଧର୍ମଧ୍ଵନା ଧ୍ଯାନପରା ଧନଧାନ୍ଯଧରାପ୍ରଦା ॥ 29 ॥

ପାପଦୋଷରିପୁଵ୍ଯାଧିନାଶିନୀ ସିଦ୍ଧିଦାଯିନୀ ।

କଲାକାଷ୍ଠାକ୍ଷମାପକ୍ଷାହସ୍ତ୍ରୁଟିଶ୍ଵାସରୂପିଣୀ ॥ 30 ॥

ସମୃଦ୍ଧା ସୁଭୁଜା ରୌଦ୍ରୀ ରାଧା ରାଗା ରମାରଣିଃ ।

ରାମା ରତିପ୍ରିଯା ରୁଷ୍ଟା ରକ୍ଷିଣୀ ରଵିମଧ୍ଯଗା ॥ 31 ॥

ରଜନୀ ରମଣୀ ରେଵା ରଙ୍କିନୀ ରଞ୍ଜିନୀ ରମା ।

ରୋଷା ରୋଷଵତୀ ରୂକ୍ଷା କରିରାଜ୍ଯପ୍ରଦା ରତା ॥ 32 ॥

ରୂକ୍ଷା ରୂପଵତୀ ରାସ୍ଯା ରୁଦ୍ରାଣୀ ରଣପଣ୍ଡିତା ।

ଗଙ୍ଗା ଚ ଯମୁନା ଚୈଵ ସରସ୍ଵତିସ୍ଵସୂର୍ମଧୁଃ ॥ 33 ॥

ଗଣ୍ଡକୀ ତୁଙ୍ଗଭଦ୍ରା ଚ କାଵେରୀ କୌଶିକୀ ପଟୁଃ ।

କଟ୍ଵୋରଗଵତୀ ଚାରା ସହସ୍ରାକ୍ଷା ପ୍ରତର୍ଦନା ॥ 34 ॥

ସର୍ଵଜ୍ଞା ଶାଙ୍କରୀ ଶାସ୍ତ୍ରୀ ଜଟାଧାରିଣ୍ଯଯୋରଦା ।

ଯାଵନୀ ସୌରଭୀ କୁବ୍ଜା ଵକ୍ରତୁଣ୍ଡା ଵଧୋଦ୍ଯତା ॥ 35 ॥

ଚନ୍ଦ୍ରାପୀଡା ଵେଦଵେଦ୍ଯା ଶଙ୍ଖିନୀ ନୀଲଲୋହିତା ।

ଧ୍ଯାନାତୀତାଽପରିଚ୍ଛେଦ୍ଯା ମୃତ୍ଯୁରୂପା ତ୍ରିଵର୍ଗଦା ॥ 36 ॥

ଅରୂପା ବହୁରୂପା ଚ ନାନାରୂପା ନତାନନା ।

ଵୃଷାକପିର୍ଵୃଷାରୂଢା ଵୃଷେଶୀ ଵୃଷଵାହନା ॥ 37 ॥

ଵୃଷପ୍ରିଯା ଵୃଷାଵର୍ତା ଵୃଷପର୍ଵା ଵୃଷାକୃତିଃ ।

କୋଦଣ୍ଡିନୀ ନାଗଚୂଡା ଚକ୍ଷୁଷ୍ଯା ପରମାର୍ଥିକା ॥ 38 ॥

ଦୁର୍ଵାସା ଦୁର୍ଗହା ଦେଵୀ ଦୁରାଵାସା ଦୁରାରିହା ।

ଦୁର୍ଗା ରାଧା ଦୁଃଖହନ୍ତ୍ରୀ ଦୁରାରାଧ୍ଯା ଦଵୀଯସୀ ॥ 39 ॥

ଦୁରାଵାସା ଦୁଷ୍ପ୍ରହସ୍ତା ଦୁଷ୍ପ୍ରକମ୍ପା ଦୁରୂହିଣୀ ।

ସୁଵେଣୀ ରମଣୀ ଶ୍ଯାମା ମୃଗଵ୍ଯାଧାର୍ଘତାପିନୀ ॥ 40 ॥

ଉଗ୍ରା ତାର୍କ୍ଷୀ ପାଶୁପତୀ କୌଣପୀ କୁଣପାଶନା । [ଦୁର୍ଗା]

କପର୍ଦିନୀ କାମକାମା କମନୀଯା କଲୋଜ୍ଜ୍ଵଲା ॥ 41 ॥

କାସାଵହୃତ୍କାରକାନୀ କମ୍ବୁକଣ୍ଠୀ କୃତାଗମା ।

କର୍କଶା କାରଣା କାନ୍ତା କଲ୍ପାଽକଲ୍ପା କଟଙ୍କଟା ॥ 42 ॥

ଶ୍ମଶାନନିଲଯା ଭିନ୍ନା ଗଜାରୁଢା ଗଜାପହା ।

ତତ୍ପ୍ରିଯା ତତ୍ପରା ରାଯା ସ୍ଵର୍ଭାନୁଃ କାଲଵଞ୍ଚିନୀ ॥ 43 ॥

ଶାଖା ଵିଶାଖା ଗୋଶାଖା ସୁଶାଖା ଶେଷଶାଖିନୀ ।

ଵ୍ଯଙ୍ଗା ଶୁଭାଙ୍ଗା ଵାମାଙ୍ଗା ନୀଲାଙ୍ଗାଽନଙ୍ଗରୂପିଣୀ ॥ 44 ॥

ସାଙ୍ଗୋପାଙ୍ଗା ଚ ସାରଙ୍ଗା ସୁଭାଙ୍ଗା ରଙ୍ଗରୂପିଣୀ ।

ଭଦ୍ରା ସୁଭଦ୍ରା ଭଦ୍ରାକ୍ଷୀ ସିଂହିକା ଵିନତାଽଦିତିଃ ॥ 45 ॥

ହୃଦ୍ଯାଽଵଦ୍ଯା ସୁପଦ୍ଯା ଚ ଗଦ୍ଯପଦ୍ଯପ୍ରିଯା ପ୍ରସୂଃ ।

ଚର୍ଚିକା ଭୋଗଵତ୍ଯମ୍ବା ସାରସୀ ଶବରୀ ନଟୀ ॥ 46 ॥

ଯୋଗିନୀ ପୁଷ୍କଲାଽନନ୍ତା ପରା ସାଙ୍ଖ୍ଯା ଶଚୀ ସତୀ ।

ନିମ୍ନଗା ନିମ୍ନନାଭିଶ୍ଚ ସହିଷ୍ଣୁର୍ଜାଗୃତୀ ଲିପିଃ ॥ 47 ॥

ଦମଯନ୍ତୀ ଦମୀ ଦଣ୍ଡୋଦ୍ଦଣ୍ଡିନୀ ଦାରଦାଯିକା ।

ଦୀପିନୀ ଦାଵିନୀ ଧାତ୍ରୀ ଦକ୍ଷକନ୍ଯା ଦମ୍ଯା ଦରତ୍ ॥ 48 ॥

ଦାହିନୀ ଦ୍ରଵିଣୀ ଦର୍ଵୀ ଦଣ୍ଡିନୀ ଦଣ୍ଡନାଯିକା ।

ଦାନପ୍ରିଯା ଦୋଷହନ୍ତ୍ରୀ ଦୁଃଖଦାରିଦ୍ର୍ଯନାଶିନୀ ॥ 49 ॥

ଦୋଷଦା ଦୋଷକୃଦ୍ଦୋଗ୍ଧ୍ରୀ ଦୋହତୀ ଦେଵିକାଽଧନା ।

ଦର୍ଵୀକରୀ ଦୁର୍ଵଲିତା ଦୁର୍ଯୁଗାଽଦ୍ଵଯଵାଦିନୀ ॥ 50 ॥

ଚରାଚରାଽନନ୍ତଵୃଷ୍ଟିରୁନ୍ମତ୍ତା କମଲାଽଲସା ।

ତାରିଣୀ ତାରକାନ୍ତାରା ପରମାତ୍ମାବ୍ଜଲୋଚନା ॥ 51 ॥

ଇନ୍ଦୁର୍ହିରଣ୍ଯକଵଚା ଵ୍ଯଵସ୍ଥା ଵ୍ଯଵସାଯିକା ।

ଈଶନନ୍ଦା ନଦୀ ନାଗୀ ଯକ୍ଷିଣୀ ସର୍ପିଣୀ ଵରୀ ॥ 52 ॥

ସୁଧା ସୁରା ଵିଶ୍ଵସହା ସୁଵର୍ଣାଙ୍ଗଦଧାରିଣୀ ।

ଜନନୀ ପ୍ରୀତିଭାଗେଶୀ ସାମ୍ରାଜ୍ଞୀ ସଂଵିଦୁତ୍ତମା ॥ 53 ॥

ଅମେଯାଽରିଷ୍ଟଦମନୀ ପିଙ୍ଗଲା ଲିଙ୍ଗଧାରିଣୀ ।

ଚାମୁଣ୍ଡା ପ୍ଲାଵିନୀ ହାଲା ବୃହଜ୍ଜ୍ଯୋତିରୁରୁକ୍ରମା ॥ 54 ॥

ସୁପ୍ରତୀକା ଚ ସୁଗ୍ରୀଵା ହଵ୍ଯଵାହା ପ୍ରଲାପିନୀ ।

ନଭସ୍ଯା ମାଧଵୀ ଜ୍ଯେଷ୍ଠା ଶିଶିରା ଜ୍ଵାଲିନୀ ରୁଚିଃ ॥ 55 ॥

ଶୁକ୍ଲା ଶୁକ୍ରା ଶୁଚା ଶୋକା ଶୁକୀ ଭେକୀ ପିକୀ ବକୀ ।

ପୃଷଦଶ୍ଵା ନଭୋଯୋନିଃ ସୁପ୍ରତୀକା ଵିଭାଵରୀ ॥ 56 ॥

ଗର୍ଵିତା ଗୁର୍ଵିଣୀ ଗଣ୍ଯା ଗୁରୁର୍ଗୁରୁଧରୀ ଗଯା ।

ଗନ୍ଧର୍ଵୀ ଗଣିକା ଗୁନ୍ଦ୍ରା ଗାରୁଡୀ ଗୋପିକାଽଗ୍ରଗା ॥ 57 ॥

ଗଣେଶୀ ଗାମିନୀ ଗନ୍ତା ଗୋପତିର୍ଗନ୍ଧିନୀ ଗଵୀ ।

ଗର୍ଜିତା ଗାନନୀ ଗୋନା ଗୋରକ୍ଷା ଗୋଵିଦାଂ ଗତିଃ ॥ 58 ॥

ଗ୍ରାଥିକୀ ଗ୍ରଥିକୃଦ୍ଗୋଷ୍ଠୀ ଗର୍ଭରୂପା ଗୁଣୈଷିଣୀ ।

ପାରସ୍କରୀ ପାଞ୍ଚନଦା ବହୁରୂପା ଵିରୂପିକା ॥ 59 ॥

ଊହା ଵ୍ଯୂହା ଦୁରୂହା ଚ ସମ୍ମୋହା ମୋହହାରିଣୀ ।

ଯଜ୍ଞଵିଗ୍ରହିଣୀ ଯଜ୍ଞା ଯାଯଜୂକା ଯଶସ୍ଵିନୀ ॥ 60 ॥

ଅଗ୍ନିଷ୍ଟୋମାଽତ୍ଯଗ୍ନିଷ୍ଟୋମା ଵାଜପେଯଶ୍ଚ ଷୋଡଶୀ ।

ପୁଣ୍ଡରୀକାଽଶ୍ଵମେଧଶ୍ଚ ରାଜସୂଯଶ୍ଚ ନାଭସଃ ॥ 61 ॥

ସ୍ଵିଷ୍ଟକୃଦ୍ବହୁସୌଵର୍ଣୋ ଗୋସଵଶ୍ଚ ମହାଵ୍ରତଃ ।

ଵିଶ୍ଵଜିଦ୍ବ୍ରହ୍ମଯଜ୍ଞଶ୍ଚ ପ୍ରାଜାପତ୍ଯଃ ଶିଲାଯଵଃ ॥ 62 ॥

ଅଶ୍ଵକ୍ରାନ୍ତା ରଥକ୍ରାନ୍ତା ଵିଷ୍ଣୁକ୍ରାନ୍ତା ଵିଭାଵସୁଃ ।

ସୂର୍ଯକ୍ରାନ୍ତା ଗଜକ୍ରାନ୍ତା ବଲିଭିନ୍ନାଗଯଜ୍ଞକଃ ॥ 63 ॥

ସାଵିତ୍ରୀ ଚାର୍ଧସାଵିତ୍ରୀ ସର୍ଵତୋଭଦ୍ରଵାରୁଣା ।

ଆଦିତ୍ଯାମଯ ଗୋଦୋହ ଗଵାମଯ ମୃଗାମଯା ॥ 64 ॥

ସର୍ପମଯଃ କାଲପିଞ୍ଜଃ କୌଣ୍ଡିନ୍ଯୋପନାଗାହଲଃ ।

ଅଗ୍ନିଵିଦ୍ଦ୍ଵାଦଶାହସ୍ଵୋପାଂଶୁଃ ସୋମ ଵିଧୋ ହନଃ ॥ 65 ॥

ଅଶ୍ଵପ୍ରତିଗ୍ରହୋ ବର୍ହିରଥୋଽଭ୍ଯୁଦଯ ଋଦ୍ଧିରାଟ୍ ।

ସର୍ଵସ୍ଵଦକ୍ଷିଣୋ ଦୀକ୍ଷା ସୋମାଖ୍ଯା ସମିଦାହ୍ଵଯଃ ॥ 66 ॥

କଠାଯନଶ୍ଚ ଗୋଦୋହଃ ସ୍ଵାହାକାରସ୍ତନୂନପାତ୍ ।

ଦଣ୍ଡା ପୁରୁଷ ମେଧଶ୍ଚ ଶ୍ଯେନୋ ଵଜ୍ର ଇଷୁର୍ଯମଃ ॥ 67 ॥

ଅଙ୍ଗିରାଃ କଙ୍କଭେରୁଣ୍ଡା ଚାନ୍ଦ୍ରାଯଣପରାଯଣା ।

ଜ୍ଯୋତିଷ୍ଟୋମଃ ଗୁଦୋ ଦର୍ଶୋ ନନ୍ଦ୍ଯାଖ୍ଯଃ ପୌର୍ଣମାସିକଃ ॥ 68 ॥

ଗଜପ୍ରତିଗ୍ରହୋ ରାତ୍ରିଃ ସୌରଭଃ ଶାଙ୍କଲାଯନଃ ।

ସୌଭାଗ୍ଯକୃଚ୍ଚ କାରୀଷୋ ବୈଦଲାଯନରାମଠୌ ॥ 69 ॥

ଶୋଚିଷ୍କାରୀ ନାଚିକେତଃ ଶାନ୍ତିକୃତ୍ପୁଷ୍ଟିକୃତ୍ତଥା ।

ଵୈନତେଯୋଚ୍ଚାଟନୌ ଚ ଵଶୀକରଣ ମାରଣେ ॥ 70 ॥

ତ୍ରୈଲୋକ୍ଯମୋହନୋ ଵୀରଃ କନ୍ଦର୍ପବଲଶାତନଃ ।

ଶଙ୍ଖଚୂଡୋ ଗଜଚ୍ଛାଯୋ ରୌଦ୍ରାଖ୍ଯୋ ଵିଷ୍ଣୁଵିକ୍ରମଃ ॥ 71 ॥

ଭୈରଵଃ କଵହାଖ୍ଯଶ୍ଚାଵଭୃଥୋଽଷ୍ଟକପାଲକଃ ।

ଶ୍ରୌଷଟ୍ ଵୌଷଟ୍ ଵଷଟ୍କାରଃ ପାକସଂସ୍ଥା ପରିଶ୍ରୁତୀ ॥ 72 ॥

ଚଯନୋ ନରମେଧଶ୍ଚ କାରୀରୀ ରତ୍ନଦାନିକା ।

ସୌତ୍ରାମଣୀ ଚ ଭାରୁନ୍ଦା ବାର୍ହସ୍ପତ୍ଯୋ ବଲଙ୍ଗମଃ ॥ 73 ॥

ପ୍ରଚେତାଃ ସର୍ଵସତ୍ରଶ୍ଚ ଗଜମେଧଃ କରମ୍ଭକଃ ।

ହଵିଃସଂସ୍ଥା ସୋମସଂସ୍ଥା ପାକସଂସ୍ଥା ଗରୁତ୍ମତୀ ॥ 74 ॥

ସତ୍ଯସୂର୍ଯଶ୍ଚମସଃ ସ୍ରୁକ୍ ସ୍ରୁଵୋଲୂଖଲ ମେକ୍ଷଣୀ ।

ଚପଲୋ ମନ୍ଥନୀ ମେଢୀ ଯୂପଃ ପ୍ରାଗ୍ଵଂଶକୁଞ୍ଚିକା ॥ 75 ॥

ରଶ୍ମିରଂଶୁଶ୍ଚ ଦୋଭ୍ଯଶ୍ଚ ଵାରୁଣୋଦଃ ପଵିଃ କୁଥା ।

ଆପ୍ତୋର୍ଯାମୋ ଦ୍ରୋଣକଲଶୋ ମୈତ୍ରାଵରୁଣ ଆଶ୍ଵିନଃ ॥ 76 ॥

ପାତ୍ନୀଵତଶ୍ଚ ମନ୍ଥୀ ଚ ହାରିଯୋଜନ ଏଵ ଚ ।

ପ୍ରତିପ୍ରସ୍ଥାନଶୁକ୍ରୌ ଚ ସାମିଧେନୀ ସମିତ୍ସମା ॥ 77 ॥

ହୋତାଽଧ୍ଵର୍ଯୁସ୍ତଥୋଦ୍ଗାତା ନେତା ତ୍ଵଷ୍ଟା ଚ ଯୋତ୍ରିକା ।

ଆଗ୍ନୀଧ୍ରୋଽଚ୍ଛାଵକାଷ୍ଟାଵଗ୍ଗ୍ରାଵସ୍ତୁତ୍ପ୍ରତର୍ଦକଃ ॥ 78 ॥

ସୁବ୍ରହ୍ମଣ୍ଯୋ ବ୍ରାହ୍ମଣଶ୍ଚ ମୈତ୍ରାଵରୁଣଵାରୁଣୌ ।

ପ୍ରସ୍ତୋତା ପ୍ରତିପ୍ରସ୍ଥାତା ଯଜମାନୋ ଧ୍ରୁଵନ୍ତ୍ରିକା ॥ 79 ॥

ଆମିକ୍ଷା ପୃଷଦାଜ୍ଯଂ ଚ ହଵ୍ଯଂ କଵ୍ଯଂ ଚରୁଃ ପଯଃ ।

ଜୁହୁଦ୍ଘ୍ରାଵୋପଭୃଦ୍ବ୍ରହ୍ମା ତ୍ରଯୀ ତ୍ରେତା ତରସ୍ଵିନୀ ॥ 80 ॥

ପୁରୋଡାଶଃ ପଶୂକର୍ଷଃ ପ୍ରୋକ୍ଷଣୀ ବ୍ରହ୍ମଯଜ୍ଞିନୀ ।

ଅଗ୍ନିଜିହ୍ଵା ଦର୍ଭରୋମା ବ୍ରହ୍ମଶୀର୍ଷା ମହୋଦରୀ ॥ 81 ॥

ଅମୃତପ୍ରାଶିକା ନାରାଯଣୀ ନଗ୍ନା ଦିଗମ୍ବରା ।

ଓଙ୍କାରିଣୀ ଚତୁର୍ଵେଦରୂପା ଶ୍ରୁତିରନୁଲ୍ବଣା ॥ 82 ॥

ଅଷ୍ଟାଦଶଭୁଜା ରମ୍ଭା ସତ୍ଯା ଗଗନଚାରିଣୀ ।

ଭୀମଵକ୍ତ୍ରା ମହାଵକ୍ତ୍ରା କୀର୍ତିରାକୃଷ୍ଣପିଙ୍ଗଲା ॥ 83 ॥

କୃଷ୍ଣମୂର୍ଧା ମହାମୂର୍ଧା ଘୋରମୂର୍ଧା ଭଯାନନା ।

ଘୋରାନନା ଘୋରଜିହ୍ଵା ଘୋରରାଵା ମହାଵ୍ରତା ॥ 84 ॥

ଦୀପ୍ତାସ୍ଯା ଦୀପ୍ତନେତ୍ରା ଚ ଚଣ୍ଡପ୍ରହରଣା ଜଟୀ ।

ସୁରଭୀ ସୌଲଭୀ ଵୀଚୀ ଛାଯା ସନ୍ଧ୍ଯା ଚ ମାଂସଲା ॥ 85 ॥

କୃଷ୍ଣା କୃଷ୍ଣାମ୍ବରା କୃଷ୍ଣଶାର୍ଙ୍ଗିଣୀ କୃଷ୍ଣଵଲ୍ଲଭା ।

ତ୍ରାସିନୀ ମୋହିନୀ ଦ୍ଵେଷ୍ଯା ମୃତ୍ଯୁରୂପା ଭଯାପହା ॥ 86 ॥

ଭୀଷଣା ଦାନଵେନ୍ଦ୍ରଘ୍ନୀ କଲ୍ପକର୍ତା କ୍ଷଯଙ୍କରୀ ।

ଅଭଯା ପୃଥିଵୀ ସାଧ୍ଵୀ କେଶିନୀ ଵ୍ଯାଧିଜନ୍ମହା ॥ 87 ॥

ଅକ୍ଷୋଭ୍ଯାଽଽହ୍ଲାଦିନୀ କନ୍ଯା ପଵିତ୍ରା ରୋପିଣୀ ଶୁଭା ।

କନ୍ଯାଦେଵୀ ସୁରାଦେଵୀ ଭୀମାଦେଵୀ ମଦନ୍ତିକା ॥ 88 ॥

ଶାକମ୍ଭରୀ ମହାଶ୍ଵେତା ଧୂମ୍ରା ଧୂମ୍ରେଶ୍ଵରୀଶ୍ଵରୀ ।

ଵୀରଭଦ୍ରା ମହାଭଦ୍ରା ମହାଦେଵୀ ମହାସୁରୀ ॥ 89 ॥

ଶ୍ମଶାନଵାସିନୀ ଦୀପ୍ତା ଚିତିସଂସ୍ଥା ଚିତିପ୍ରିଯା ।

କପାଲହସ୍ତା ଖଟ୍ଵାଙ୍ଗୀ ଖଡ୍ଗିନୀ ଶୂଲିନୀ ହଲୀ ॥ 90 ॥

କାନ୍ତାରିଣୀ ମହାଯୋଗୀ ଯୋଗମାର୍ଗା ଯୁଗଗ୍ରହା ।

ଧୂମ୍ରକେତୁର୍ମହାସ୍ଯାଯୁର୍ଯୁଗାନାଂ ପରିଵର୍ତିନୀ ॥ 91 ॥

ଅଙ୍ଗାରିଣ୍ଯଙ୍କୁଶକରା ଘଣ୍ଟାଵର୍ଣା ଚ ଚକ୍ରିଣୀ ।

ଵେତାଲୀ ବ୍ରହ୍ମଵେତାଲୀ ମହାଵେତାଲିକା ତଥା ॥ 92 ॥

ଵିଦ୍ଯାରାଜ୍ଞୀ ମୋହରାଜ୍ଞୀ ମହାରାଜ୍ଞୀ ମହୋଦରୀ ।

ଭୂତଂ ଭଵ୍ଯଂ ଭଵିଷ୍ଯଂ ଚ ସାଙ୍ଖ୍ଯଂ ଯୋଗସ୍ତପୋ ଦମଃ ॥ 93 ॥

ଅଧ୍ଯାତ୍ମଂ ଚାଧିଦୈଵଂ ଚାଧିଭୂତାଂଶ ଏଵ ଚ ।

ଘଣ୍ଟାରଵା ଵିରୂପାକ୍ଷୀ ଶିଖିଵିଚ୍ଛ୍ରୀଚଯପ୍ରିଯା ॥ 94 ॥

ଖଡ୍ଗଶୂଲଗଦାହସ୍ତା ମହିଷାସୁରମର୍ଦିନୀ ।

ମାତଙ୍ଗୀ ମତ୍ତମାତଙ୍ଗୀ କୌଶିକୀ ବ୍ରହ୍ମଵାଦିନୀ ॥ 95 ॥

ଉଗ୍ରତେଜା ସିଦ୍ଧସେନା ଜୃମ୍ଭିଣୀ ମୋହିନୀ ତଥା ।

ଜଯା ଚ ଵିଜଯା ଚୈଵ ଵିନତା କଦ୍ରୁରେଵ ଚ ॥ 96 ॥

ଧାତ୍ରୀ ଵିଧାତ୍ରୀ ଵିକ୍ରାନ୍ତା ଧ୍ଵସ୍ତା ମୂର୍ଛା ଚ ମୂର୍ଛନୀ ।

ଦମନୀ ଧର୍ମିଣୀ ଦମ୍ଯା ଛେଦିନୀ ତାପିନୀ ତପୀ ॥ 97 ॥

ବନ୍ଧିନୀ ବାଧିନୀ ବନ୍ଧା ବୋଧାତୀତା ବୁଧପ୍ରିଯା ।

ହରିଣୀ ହାରିଣୀ ହନ୍ତ୍ରୀ ଧରିଣୀ ଧାରିଣୀ ଧରା ॥ 98 ॥

ଵିସାଧିନୀ ସାଧିନୀ ଚ ସନ୍ଧ୍ଯା ସଙ୍ଗୋପନୀ ପ୍ରିଯା ।

ରେଵତୀ କାଲକର୍ଣୀ ଚ ସିଦ୍ଧିର୍ଲକ୍ଷ୍ମୀରରୁନ୍ଧତୀ ॥ 99 ॥

ଧର୍ମପ୍ରିଯା ଧର୍ମରତିଃ ଧର୍ମିଷ୍ଠା ଧର୍ମଚାରିଣୀ ।

ଵ୍ଯୁଷ୍ଟିଃ ଖ୍ଯାତିଃ ସିନୀଵାଲୀ କୁହୂଃ ଋତୁମତୀ ମୃତିଃ ॥ 100 ॥

ତ୍ଵାଷ୍ଟ୍ରୀ ଵୈରୋଚନୀ ମୈତ୍ରୀ ନୀରଜା କୈଟଭେଶ୍ଵରୀ ।

ଭ୍ରମଣୀ ଭ୍ରାମଣୀ ଭ୍ରାମା ଭ୍ରମରୀ ଭ୍ରାମରୀ ଭ୍ରମା ॥ 101 ॥

ନିଷ୍କଲା କଲହା ନୀତା କୌଲାକାରା କଲେବରା ।

ଵିଦ୍ଯୁଜ୍ଜିହ୍ଵା ଵର୍ଷିଣୀ ଚ ହିରଣ୍ଯାକ୍ଷନିପାତିନୀ ॥ 102 ॥

ଜିତକାମା କାମୃଗଯା କୋଲା କଲ୍ପାଙ୍ଗିନୀ କଲା । [କାମଗମା]

ପ୍ରଧାନା ତାରକା ତାରା ହିତାତ୍ମା ହିତଭେଦିନୀ ॥ 103 ॥

ଦୁରକ୍ଷରା ପରବ୍ରହ୍ମ ମହାଦାନା ମହାହଵା ।

ଵାରୁଣୀ ଵ୍ଯରୁଣୀ ଵାଣୀ ଵୀଣା ଵେଣୀ ଵିହଙ୍ଗମା ॥ 104 ॥

ମୋଦପ୍ରିଯା ମୋଦକିନୀ ପ୍ଲଵନୀ ପ୍ଲାଵିନୀ ପ୍ଲୁତିଃ ।

ଅଜରା ଲୋହିତା ଲାକ୍ଷା ପ୍ରତପ୍ତା ଵିଶ୍ଵଭୋଜିନୀ ॥ 105 ॥

ମନୋ ବୁଦ୍ଧିରହଙ୍କାରଃ କ୍ଷେତ୍ରଜ୍ଞା କ୍ଷେତ୍ରପାଲିକା ।

ଚତୁର୍ଵେଦା ଚତୁର୍ଭାରା ଚତୁରନ୍ତା ଚରୁପ୍ରିଯା ॥ 106 ॥

ଚର୍ଵିଣୀ ଚୋରିଣୀ ଚାରୀ ଶାଙ୍କରୀ ଚର୍ମଭୈରଵୀ ।

ନିର୍ଲେପା ନିଷ୍ପ୍ରପଞ୍ଚା ଚ ପ୍ରଶାନ୍ତା ନିତ୍ଯଵିଗ୍ରହା ॥ 107 ॥

ସ୍ତଵ୍ଯା ସ୍ତଵପ୍ରିଯା ଵ୍ଯାଲା ଗୁରୁରାଶ୍ରିତଵତ୍ସଲା ।

ନିଷ୍କଲଙ୍କା ନିରାଲମ୍ବା ନିର୍ଦ୍ଵନ୍ଦ୍ଵା ନିଷ୍ପରିଗ୍ରହା ॥ 108 ॥

ନିର୍ଗୁଣା ନିର୍ମଲା ନିତ୍ଯା ନିରୀହା ନିରଘା ନଵା ।

ନିରିନ୍ଦ୍ରିଯା ନିରାଭାସା ନିର୍ମୋହା ନୀତିନାଯିକା ॥ 109 ॥

ନିରିନ୍ଧନା ନିଷ୍କଲା ଚ ଲୀଲାକାରା ନିରାମଯା ।

ମୁଣ୍ଡା ଵିରୂପା ଵିକୃତା ପିଙ୍ଗଲାକ୍ଷୀ ଗୁଣୋତ୍ତରା ॥ 110 ॥

ପଦ୍ମଗର୍ଭା ମହାଗର୍ଭା ଵିଶ୍ଵଗର୍ଭା ଵିଲକ୍ଷଣା ।

ପରମାତ୍ମା ପରେଶାନୀ ପରା ପାରା ପରନ୍ତପା ॥ 111 ॥

ସଂସାରସେତୁଃ କ୍ରୂରାକ୍ଷୀ ମୂର୍ଛାମୁକ୍ତା ମନୁପ୍ରିଯା । [ମଗ୍ନା]

ଵିସ୍ମଯା ଦୁର୍ଜଯା ଦକ୍ଷା ଦନୁହନ୍ତ୍ରୀ ଦଯାଲଯା ॥ 112 ॥

ପରବ୍ରହ୍ମାଽଽନନ୍ଦରୂପା ସର୍ଵସିଦ୍ଧିଵିଧାଯିନୀ । ଓମ୍ ।

ଏଵମୁଡ୍ଡାମରାତନ୍ତ୍ରାନ୍ମଯୋଦ୍ଧୃତ୍ଯ ପ୍ରକାଶିତମ୍ ॥ 113 ॥

ଗୋପନୀଯଂ ପ୍ରଯତ୍ନେନ ନାଖ୍ଯେଯଂ ଯସ୍ଯ କସ୍ଯଚିତ୍ ।

ଯଦୀଚ୍ଛସି ଦ୍ରୁତଂ ସିଦ୍ଧିମୈଶ୍ଵର୍ଯଂ ଚିରଜୀଵିତାମ୍ ॥ 114 ॥

ଆରୋଗ୍ଯଂ ନୃପସମ୍ମାନଂ ଦାନାନ୍ଯସ୍ଯ ତୁ କୀର୍ତଯେତ୍ ।

ନାମ୍ନାଂ ସହସ୍ରଂ ଵାରାହ୍ଯାଃ ମଯା ତେ ସମୁଦୀରିତମ୍ ॥ 115 ॥

ଯଃ ପଠେଚ୍ଛୃଣୁଯାଦ୍ଵାପି ସର୍ଵପାପୈଃ ପ୍ରମୁଚ୍ଯତେ ।

ଅଶ୍ଵମେଧସହସ୍ରସ୍ଯ ଵାଜପେଯଶତସ୍ଯ ଚ ॥ 116 ॥

ପୁଣ୍ଡରୀକାଯୁତସ୍ଯାପି ଫଲଂ ପାଠାତ୍ ପ୍ରଜାଯତେ ।

ପଠତଃ ସର୍ଵଭାଵେନ ସର୍ଵା ସ୍ଯୁଃ ସିଦ୍ଧଯଃ କରେ ॥ 117 ॥

ଜାଯତେ ମହଦୈଶ୍ଵର୍ଯଂ ସର୍ଵେଷାଂ ଦଯିତୋ ଭଵେତ୍ ।

ଘନସାରାଯତେ ଵହ୍ନିରଗାଧୋବ୍ଧିଃ କଣାଯତେ ॥ 118 ॥

ସିଦ୍ଧଯଶ୍ଚ ତୃଣାଯନ୍ତେ ଵିଷମପ୍ଯମୃତାଯତେ ।

ହାରାଯନ୍ତେ ମହାସର୍ପାଃ ସିଂହଃ କ୍ରୀଡାମୃଗାଯତେ ॥ 119 ॥

ଦାସାଯନ୍ତେ ମହୀପାଲା ଜଗନ୍ମିତ୍ରାଯତେଽଖିଲମ୍ ।

ତସ୍ମାନ୍ନାମ୍ନାଂ ସହସ୍ରେଣ ସ୍ତୁତା ସା ଜଗଦମ୍ବିକା ।

ପ୍ରଯଚ୍ଛତ୍ଯଖିଲାନ୍ କାମାନ୍ ଦେହାନ୍ତେ ପରମାଂ ଗତିମ୍ ॥ 120 ॥

ଇତି ଉଡ୍ଡାମରତନ୍ତ୍ରେ ଶ୍ରୀ ଆଦିଵାରାହୀ ସହସ୍ରନାମ ସ୍ତୋତ୍ରମ୍ ॥

Roman (IAST) Transliteration

devyuvāca |

śrīkaṇṭha karuṇāsindho dīnabandho jagatpate |

bhūtibhūṣitasarvāṅga parātparatara prabho || 1 ||

kṛtāñjalipuṭā bhūtvā pṛcchāmyekaṃ dayānidhe |

ādyā yā citsvarūpā yā nirvikārā nirañjanā || 2 ||

bodhātītā jñānagamyā kūṭasthānandavigrahā |

agrāhyātīndriyā śuddhā nirīhā svāvabhāsikā || 3 ||

guṇātītā niṣprapañcā hyavāṅmanasagocarā |

prakṛtirjagadutpattisthitisaṃhārakāriṇī || 4 ||

rakṣārthaṃ jagato devakāryārthaṃ vā suradviṣām |

nāśāya dhatte sā dehaṃ tattatkāryaikasādhakam || 5 ||

tatra bhūdharaṇārthāya yajñavistārahetave |

vidyutkeśahiraṇyākṣabālākādivadhāya ca || 6 ||

āvirbabhūva yā śaktirghorā bhūdārarūpiṇī |

vārāhī vikaṭākārā dānavāsuranāśinī || 7 ||

sadyaḥ siddhikarī devī ghorādghoratarā śivā |

tasyāḥ sahasranāmākhyaṃ stotraṃ me samudīraya || 8 ||

kṛpāleśo'sti mayi cedbhāgyaṃ me yadi vā bhavet |

anugrāhyā yadyahaṃ syāṃ tadā vada dayānidhe || 9 ||

īśvara uvāca |

sādhu sādhu varārohe dhanyā bahumatāsi me |

śuśrūṣayā samutpannā bhaktiḥ śraddhānvitā tava || 10 ||

sahasranāma vārāhyāḥ sarvasiddhividhāyi ca |

tava cenna pravakṣyāmi priye kasya vadāmyaham || 11 ||

kintu gopyaṃ prayatnena saṃrakṣyaṃ prāṇato'pi ca |

viśeṣataḥ kaliyuge na deyaṃ yasya kasyacit |

sarve'nyathā siddhibhājo bhaviṣyanti varānane || 12 ||

oṃ vārāhī vāmanī vāmā bagalā vāsavī vasuḥ |

vaidehī vīrasūrbālā varadā viṣṇuvallabhā || 13 ||

vanditā vasudā vaśyā vyāttāsyā vañcinī balā |

vasundharā vītihotrā vītarāgā vihāyasī || 14 ||

sarvā khanipriyā kāmyā kamalā kāñcanī ramā |

dhūmrā kapālinī vāmā kurukullā kalāvatī || 15 ||

yāmyā''gneyī dharā dhanyā dharmiṇī dhyāninī dhruvā |

dhṛtirlakṣmīrjayā tuṣṭiḥ śaktirmedhā tapasvinī || 16 ||

vedhā jayā kṛtiḥ kāntiḥ svāhā śāntirdamā ratiḥ |

lajjā matiḥ smṛtirnidrā tantrā gaurī śivā svadhā || 17 ||

caṇḍī durgā'bhayā bhīmā bhāṣā bhāmā bhayānakā |

bhūdārā bhayahā bhīrurbhairavī bhaṅgarā bhaṭī || 18 ||

ghurghurā ghoṣaṇā ghorā ghoṣiṇī ghoṇasaṃyutā |

ghanāghanā ghargharā ca ghoṇayuktā'ghanāśinī || 19 ||

pūrvāgneyī yātu yāmyā vāyavyuttaravāruṇī |

aiśānyūrdhvādhaḥsthitā ca pṛṣṭhadakṣāgravāmagā || 20 ||

hṛnnābhibrahmarandhrārkasvargapātālabhūmigā |

aiṃ śrīḥ hrīḥ klīṃ tīrthagatiḥ prītirdhīrgīḥ kalā'vyayā || 21 ||

ṛgyajuḥ sāmarūpā ca parā potriṇyudumbarā |

gadāsiśakticāpeṣuśūlacakrarṣṭidhāriṇī || 22 ||

jaratī yuvatī bālā caturaṅgabalotkaṭā |

satyākṣarā nidhirnetrī dhātrī potrī parā paṭuḥ || 23 ||

kṣetrajñā kampinī jyeṣṭhā durādharṣā dhurandharā |

mālinī māninī mātā mānanīyā manasvinī || 24 ||

madotkaṭā manyukarī manurūpā manojavā |

medasvinī madyaratā madhupā maṅgalā'marā || 25 ||

māyā mātā''mayaharī mṛḍānī mahilā mṛtiḥ |

mahādevī mohaharī mañjurmṛtyuñjayā'malā || 26 ||

māṃsalā mānavā mūlā mahārātrirmadālasā |

mṛgāṅkā menakā mānyā mahiṣaghnī madantikā || 27 ||

mūrchāmohamṛṣāmoghāmadamṛtyumalāpahā |

siṃharkṣamahiṣavyāghramṛgakroḍānanā dhunī || 28 ||

dhariṇī dhāriṇī dhenurdharitrī dhāvanī dhavā |

dharmadhvanā dhyānaparā dhanadhānyadharāpradā || 29 ||

pāpadoṣaripuvyādhināśinī siddhidāyinī |

kalākāṣṭhākṣamāpakṣāhastruṭiśvāsarūpiṇī || 30 ||

samṛddhā subhujā raudrī rādhā rāgā ramāraṇiḥ |

rāmā ratipriyā ruṣṭā rakṣiṇī ravimadhyagā || 31 ||

rajanī ramaṇī revā raṅkinī rañjinī ramā |

roṣā roṣavatī rūkṣā karirājyapradā ratā || 32 ||

rūkṣā rūpavatī rāsyā rudrāṇī raṇapaṇḍitā |

gaṅgā ca yamunā caiva sarasvatisvasūrmadhuḥ || 33 ||

gaṇḍakī tuṅgabhadrā ca kāverī kauśikī paṭuḥ |

kaṭvoragavatī cārā sahasrākṣā pratardanā || 34 ||

sarvajñā śāṅkarī śāstrī jaṭādhāriṇyayoradā |

yāvanī saurabhī kubjā vakratuṇḍā vadhodyatā || 35 ||

candrāpīḍā vedavedyā śaṅkhinī nīlalohitā |

dhyānātītā'paricchedyā mṛtyurūpā trivargadā || 36 ||

arūpā bahurūpā ca nānārūpā natānanā |

vṛṣākapirvṛṣārūḍhā vṛṣeśī vṛṣavāhanā || 37 ||

vṛṣapriyā vṛṣāvartā vṛṣaparvā vṛṣākṛtiḥ |

kodaṇḍinī nāgacūḍā cakṣuṣyā paramārthikā || 38 ||

durvāsā durgahā devī durāvāsā durārihā |

durgā rādhā duḥkhahantrī durārādhyā davīyasī || 39 ||

durāvāsā duṣprahastā duṣprakampā durūhiṇī |

suveṇī ramaṇī śyāmā mṛgavyādhārghatāpinī || 40 ||

ugrā tārkṣī pāśupatī kauṇapī kuṇapāśanā | [durgā]

kapardinī kāmakāmā kamanīyā kalojjvalā || 41 ||

kāsāvahṛtkārakānī kambukaṇṭhī kṛtāgamā |

karkaśā kāraṇā kāntā kalpā'kalpā kaṭaṅkaṭā || 42 ||

śmaśānanilayā bhinnā gajāruḍhā gajāpahā |

tatpriyā tatparā rāyā svarbhānuḥ kālavañcinī || 43 ||

śākhā viśākhā gośākhā suśākhā śeṣaśākhinī |

vyaṅgā śubhāṅgā vāmāṅgā nīlāṅgā'naṅgarūpiṇī || 44 ||

sāṅgopāṅgā ca sāraṅgā subhāṅgā raṅgarūpiṇī |

bhadrā subhadrā bhadrākṣī siṃhikā vinatā'ditiḥ || 45 ||

hṛdyā'vadyā supadyā ca gadyapadyapriyā prasūḥ |

carcikā bhogavatyambā sārasī śabarī naṭī || 46 ||

yoginī puṣkalā'nantā parā sāṅkhyā śacī satī |

nimnagā nimnanābhiśca sahiṣṇurjāgṛtī lipiḥ || 47 ||

damayantī damī daṇḍoddaṇḍinī dāradāyikā |

dīpinī dāvinī dhātrī dakṣakanyā damyā darat || 48 ||

dāhinī draviṇī darvī daṇḍinī daṇḍanāyikā |

dānapriyā doṣahantrī duḥkhadāridryanāśinī || 49 ||

doṣadā doṣakṛddogdhrī dohatī devikā'dhanā |

darvīkarī durvalitā duryugā'dvayavādinī || 50 ||

carācarā'nantavṛṣṭirunmattā kamalā'lasā |

tāriṇī tārakāntārā paramātmābjalocanā || 51 ||

indurhiraṇyakavacā vyavasthā vyavasāyikā |

īśanandā nadī nāgī yakṣiṇī sarpiṇī varī || 52 ||

sudhā surā viśvasahā suvarṇāṅgadadhāriṇī |

jananī prītibhāgeśī sāmrājñī saṃviduttamā || 53 ||

ameyā'riṣṭadamanī piṅgalā liṅgadhāriṇī |

cāmuṇḍā plāvinī hālā bṛhajjyotirurukramā || 54 ||

supratīkā ca sugrīvā havyavāhā pralāpinī |

nabhasyā mādhavī jyeṣṭhā śiśirā jvālinī ruciḥ || 55 ||

śuklā śukrā śucā śokā śukī bhekī pikī bakī |

pṛṣadaśvā nabhoyoniḥ supratīkā vibhāvarī || 56 ||

garvitā gurviṇī gaṇyā gururgurudharī gayā |

gandharvī gaṇikā gundrā gāruḍī gopikā'gragā || 57 ||

gaṇeśī gāminī gantā gopatirgandhinī gavī |

garjitā gānanī gonā gorakṣā govidāṃ gatiḥ || 58 ||

grāthikī grathikṛdgoṣṭhī garbharūpā guṇaiṣiṇī |

pāraskarī pāñcanadā bahurūpā virūpikā || 59 ||

ūhā vyūhā durūhā ca sammohā mohahāriṇī |

yajñavigrahiṇī yajñā yāyajūkā yaśasvinī || 60 ||

agniṣṭomā'tyagniṣṭomā vājapeyaśca ṣoḍaśī |

puṇḍarīkā'śvamedhaśca rājasūyaśca nābhasaḥ || 61 ||

sviṣṭakṛdbahusauvarṇo gosavaśca mahāvrataḥ |

viśvajidbrahmayajñaśca prājāpatyaḥ śilāyavaḥ || 62 ||

aśvakrāntā rathakrāntā viṣṇukrāntā vibhāvasuḥ |

sūryakrāntā gajakrāntā balibhinnāgayajñakaḥ || 63 ||

sāvitrī cārdhasāvitrī sarvatobhadravāruṇā |

ādityāmaya godoha gavāmaya mṛgāmayā || 64 ||

sarpamayaḥ kālapiñjaḥ kauṇḍinyopanāgāhalaḥ |

agnividdvādaśāhasvopāṃśuḥ soma vidho hanaḥ || 65 ||

aśvapratigraho barhiratho'bhyudaya ṛddhirāṭ |

sarvasvadakṣiṇo dīkṣā somākhyā samidāhvayaḥ || 66 ||

kaṭhāyanaśca godohaḥ svāhākārastanūnapāt |

daṇḍā puruṣa medhaśca śyeno vajra iṣuryamaḥ || 67 ||

aṅgirāḥ kaṅkabheruṇḍā cāndrāyaṇaparāyaṇā |

jyotiṣṭomaḥ gudo darśo nandyākhyaḥ paurṇamāsikaḥ || 68 ||

gajapratigraho rātriḥ saurabhaḥ śāṅkalāyanaḥ |

saubhāgyakṛcca kārīṣo baidalāyanarāmaṭhau || 69 ||

śociṣkārī nāciketaḥ śāntikṛtpuṣṭikṛttathā |

vainateyoccāṭanau ca vaśīkaraṇa māraṇe || 70 ||

trailokyamohano vīraḥ kandarpabalaśātanaḥ |

śaṅkhacūḍo gajacchāyo raudrākhyo viṣṇuvikramaḥ || 71 ||

bhairavaḥ kavahākhyaścāvabhṛtho'ṣṭakapālakaḥ |

śrauṣaṭ vauṣaṭ vaṣaṭkāraḥ pākasaṃsthā pariśrutī || 72 ||

cayano naramedhaśca kārīrī ratnadānikā |

sautrāmaṇī ca bhārundā bārhaspatyo balaṅgamaḥ || 73 ||

pracetāḥ sarvasatraśca gajamedhaḥ karambhakaḥ |

haviḥsaṃsthā somasaṃsthā pākasaṃsthā garutmatī || 74 ||

satyasūryaścamasaḥ sruk sruvolūkhala mekṣaṇī |

capalo manthanī meḍhī yūpaḥ prāgvaṃśakuñcikā || 75 ||

raśmiraṃśuśca dobhyaśca vāruṇodaḥ paviḥ kuthā |

āptoryāmo droṇakalaśo maitrāvaruṇa āśvinaḥ || 76 ||

pātnīvataśca manthī ca hāriyojana eva ca |

pratiprasthānaśukrau ca sāmidhenī samitsamā || 77 ||

hotā'dhvaryustathodgātā netā tvaṣṭā ca yotrikā |

āgnīdhro'cchāvakāṣṭāvaggrāvastutpratardakaḥ || 78 ||

subrahmaṇyo brāhmaṇaśca maitrāvaruṇavāruṇau |

prastotā pratiprasthātā yajamāno dhruvantrikā || 79 ||

āmikṣā pṛṣadājyaṃ ca havyaṃ kavyaṃ caruḥ payaḥ |

juhudghrāvopabhṛdbrahmā trayī tretā tarasvinī || 80 ||

puroḍāśaḥ paśūkarṣaḥ prokṣaṇī brahmayajñinī |

agnijihvā darbharomā brahmaśīrṣā mahodarī || 81 ||

amṛtaprāśikā nārāyaṇī nagnā digambarā |

oṅkāriṇī caturvedarūpā śrutiranulbaṇā || 82 ||

aṣṭādaśabhujā rambhā satyā gaganacāriṇī |

bhīmavaktrā mahāvaktrā kīrtirākṛṣṇapiṅgalā || 83 ||

kṛṣṇamūrdhā mahāmūrdhā ghoramūrdhā bhayānanā |

ghorānanā ghorajihvā ghorarāvā mahāvratā || 84 ||

dīptāsyā dīptanetrā ca caṇḍapraharaṇā jaṭī |

surabhī saulabhī vīcī chāyā sandhyā ca māṃsalā || 85 ||

kṛṣṇā kṛṣṇāmbarā kṛṣṇaśārṅgiṇī kṛṣṇavallabhā |

trāsinī mohinī dveṣyā mṛtyurūpā bhayāpahā || 86 ||

bhīṣaṇā dānavendraghnī kalpakartā kṣayaṅkarī |

abhayā pṛthivī sādhvī keśinī vyādhijanmahā || 87 ||

akṣobhyā''hlādinī kanyā pavitrā ropiṇī śubhā |

kanyādevī surādevī bhīmādevī madantikā || 88 ||

śākambharī mahāśvetā dhūmrā dhūmreśvarīśvarī |

vīrabhadrā mahābhadrā mahādevī mahāsurī || 89 ||

śmaśānavāsinī dīptā citisaṃsthā citipriyā |

kapālahastā khaṭvāṅgī khaḍginī śūlinī halī || 90 ||

kāntāriṇī mahāyogī yogamārgā yugagrahā |

dhūmraketurmahāsyāyuryugānāṃ parivartinī || 91 ||

aṅgāriṇyaṅkuśakarā ghaṇṭāvarṇā ca cakriṇī |

vetālī brahmavetālī mahāvetālikā tathā || 92 ||

vidyārājñī moharājñī mahārājñī mahodarī |

bhūtaṃ bhavyaṃ bhaviṣyaṃ ca sāṅkhyaṃ yogastapo damaḥ || 93 ||

adhyātmaṃ cādhidaivaṃ cādhibhūtāṃśa eva ca |

ghaṇṭāravā virūpākṣī śikhivicchrīcayapriyā || 94 ||

khaḍgaśūlagadāhastā mahiṣāsuramardinī |

mātaṅgī mattamātaṅgī kauśikī brahmavādinī || 95 ||

ugratejā siddhasenā jṛmbhiṇī mohinī tathā |

jayā ca vijayā caiva vinatā kadrureva ca || 96 ||

dhātrī vidhātrī vikrāntā dhvastā mūrchā ca mūrchanī |

damanī dharmiṇī damyā chedinī tāpinī tapī || 97 ||

bandhinī bādhinī bandhā bodhātītā budhapriyā |

hariṇī hāriṇī hantrī dhariṇī dhāriṇī dharā || 98 ||

visādhinī sādhinī ca sandhyā saṅgopanī priyā |

revatī kālakarṇī ca siddhirlakṣmīrarundhatī || 99 ||

dharmapriyā dharmaratiḥ dharmiṣṭhā dharmacāriṇī |

vyuṣṭiḥ khyātiḥ sinīvālī kuhūḥ ṛtumatī mṛtiḥ || 100 ||

tvāṣṭrī vairocanī maitrī nīrajā kaiṭabheśvarī |

bhramaṇī bhrāmaṇī bhrāmā bhramarī bhrāmarī bhramā || 101 ||

niṣkalā kalahā nītā kaulākārā kalebarā |

vidyujjihvā varṣiṇī ca hiraṇyākṣanipātinī || 102 ||

jitakāmā kāmṛgayā kolā kalpāṅginī kalā | [kāmagamā]

pradhānā tārakā tārā hitātmā hitabhedinī || 103 ||

durakṣarā parabrahma mahādānā mahāhavā |

vāruṇī vyaruṇī vāṇī vīṇā veṇī vihaṅgamā || 104 ||

modapriyā modakinī plavanī plāvinī plutiḥ |

ajarā lohitā lākṣā prataptā viśvabhojinī || 105 ||

mano buddhirahaṅkāraḥ kṣetrajñā kṣetrapālikā |

caturvedā caturbhārā caturantā carupriyā || 106 ||

carviṇī coriṇī cārī śāṅkarī carmabhairavī |

nirlepā niṣprapañcā ca praśāntā nityavigrahā || 107 ||

stavyā stavapriyā vyālā gururāśritavatsalā |

niṣkalaṅkā nirālambā nirdvandvā niṣparigrahā || 108 ||

nirguṇā nirmalā nityā nirīhā niraghā navā |

nirindriyā nirābhāsā nirmohā nītināyikā || 109 ||

nirindhanā niṣkalā ca līlākārā nirāmayā |

muṇḍā virūpā vikṛtā piṅgalākṣī guṇottarā || 110 ||

padmagarbhā mahāgarbhā viśvagarbhā vilakṣaṇā |

paramātmā pareśānī parā pārā parantapā || 111 ||

saṃsārasetuḥ krūrākṣī mūrchāmuktā manupriyā | [magnā]

vismayā durjayā dakṣā danuhantrī dayālayā || 112 ||

parabrahmā''nandarūpā sarvasiddhividhāyinī | om |

evamuḍḍāmarātantrānmayoddhṛtya prakāśitam || 113 ||

gopanīyaṃ prayatnena nākhyeyaṃ yasya kasyacit |

yadīcchasi drutaṃ siddhimaiśvaryaṃ cirajīvitām || 114 ||

ārogyaṃ nṛpasammānaṃ dānānyasya tu kīrtayet |

nāmnāṃ sahasraṃ vārāhyāḥ mayā te samudīritam || 115 ||

yaḥ paṭhecchṛṇuyādvāpi sarvapāpaiḥ pramucyate |

aśvamedhasahasrasya vājapeyaśatasya ca || 116 ||

puṇḍarīkāyutasyāpi phalaṃ pāṭhāt prajāyate |

paṭhataḥ sarvabhāvena sarvā syuḥ siddhayaḥ kare || 117 ||

jāyate mahadaiśvaryaṃ sarveṣāṃ dayito bhavet |

ghanasārāyate vahniragādhobdhiḥ kaṇāyate || 118 ||

siddhayaśca tṛṇāyante viṣamapyamṛtāyate |

hārāyante mahāsarpāḥ siṃhaḥ krīḍāmṛgāyate || 119 ||

dāsāyante mahīpālā jaganmitrāyate'khilam |

tasmānnāmnāṃ sahasreṇa stutā sā jagadambikā |

prayacchatyakhilān kāmān dehānte paramāṃ gatim || 120 ||

iti uḍḍāmaratantre śrī ādivārāhī sahasranāma stotram ||