Surya Ashtottara Shata Nama Stotram

ॐ

ସୂର୍ଯ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

Tara Ashtottara Sata Namavali Oriya

ଅରୁଣାଯ ଶରଣ୍ଯାଯ କରୁଣାରସସିନ୍ଧଵେ ।

ଅସମାନବଲାଯାଽଽର୍ତରକ୍ଷକାଯ ନମୋ ନମଃ ॥ 1 ॥

ଆଦିତ୍ଯାଯାଽଽଦିଭୂତାଯ ଅଖିଲାଗମଵେଦିନେ ।

ଅଚ୍ଯୁତାଯାଽଖିଲଜ୍ଞାଯ ଅନନ୍ତାଯ ନମୋ ନମଃ ॥ 2 ॥

ଇନାଯ ଵିଶ୍ଵରୂପାଯ ଇଜ୍ଯାଯୈନ୍ଦ୍ରାଯ ଭାନଵେ ।

ଇନ୍ଦିରାମନ୍ଦିରାପ୍ତାଯ ଵନ୍ଦନୀଯାଯ ତେ ନମଃ ॥ 3 ॥

ଈଶାଯ ସୁପ୍ରସନ୍ନାଯ ସୁଶୀଲାଯ ସୁଵର୍ଚସେ ।

ଵସୁପ୍ରଦାଯ ଵସଵେ ଵାସୁଦେଵାଯ ତେ ନମଃ ॥ 4 ॥

ଉଜ୍ଜ୍ଵଲାଯୋଗ୍ରରୂପାଯ ଊର୍ଧ୍ଵଗାଯ ଵିଵସ୍ଵତେ ।

ଉଦ୍ଯତ୍କିରଣଜାଲାଯ ହୃଷୀକେଶାଯ ତେ ନମଃ ॥ 5 ॥

ଊର୍ଜସ୍ଵଲାଯ ଵୀରାଯ ନିର୍ଜରାଯ ଜଯାଯ ଚ ।

ଊରୁଦ୍ଵଯାଭାଵରୂପଯୁକ୍ତସାରଥଯେ ନମଃ ॥ 6 ॥

ଋଷିଵନ୍ଦ୍ଯାଯ ରୁଗ୍ଘନ୍ତ୍ରେ ଋକ୍ଷଚକ୍ରଚରାଯ ଚ ।

ଋଜୁସ୍ଵଭାଵଚିତ୍ତାଯ ନିତ୍ଯସ୍ତୁତ୍ଯାଯ ତେ ନମଃ ॥ 7 ॥

ୠକାରମାତୃକାଵର୍ଣରୂପାଯୋଜ୍ଜ୍ଵଲତେଜସେ ।

ୠକ୍ଷାଧିନାଥମିତ୍ରାଯ ପୁଷ୍କରାକ୍ଷାଯ ତେ ନମଃ ॥ 8 ॥

ଲୁପ୍ତଦନ୍ତାଯ ଶାନ୍ତାଯ କାନ୍ତିଦାଯ ଘନାଯ ଚ ।

କନତ୍କନକଭୂଷାଯ ଖଦ୍ଯୋତାଯ ନମୋ ନମଃ ॥ 9 ॥

ଲୂନିତାଖିଲଦୈତ୍ଯାଯ ସତ୍ଯାନନ୍ଦସ୍ଵରୂପିଣେ ।

ଅପଵର୍ଗପ୍ରଦାଯାଽଽର୍ତଶରଣ୍ଯାଯ ନମୋ ନମଃ ॥ 10 ॥

ଏକାକିନେ ଭଗଵତେ ସୃଷ୍ଟିସ୍ଥିତ୍ଯନ୍ତକାରିଣେ ।

ଗୁଣାତ୍ମନେ ଘୃଣିଭୃତେ ବୃହତେ ବ୍ରହ୍ମଣେ ନମଃ ॥ 11 ॥

ଐଶ୍ଵର୍ଯଦାଯ ଶର୍ଵାଯ ହରିଦଶ୍ଵାଯ ଶୌରଯେ ।

ଦଶଦିକ୍ସମ୍ପ୍ରକାଶାଯ ଭକ୍ତଵଶ୍ଯାଯ ତେ ନମଃ ॥ 12 ॥

ଓଜସ୍କରାଯ ଜଯିନେ ଜଗଦାନନ୍ଦହେତଵେ ।

ଜନ୍ମମୃତ୍ଯୁଜରାଵ୍ଯାଧିଵର୍ଜିତାଯ ନମୋ ନମଃ ॥ 13 ॥

ଔନ୍ନତ୍ଯପଦସଞ୍ଚାରରଥସ୍ଥାଯାତ୍ମରୂପିଣେ ।

କମନୀଯକରାଯାଽବ୍ଜଵଲ୍ଲଭାଯ ନମୋ ନମଃ ॥ 14 ॥

ଅନ୍ତର୍ବହିଃପ୍ରକାଶାଯ ଅଚିନ୍ତ୍ଯାଯାଽଽତ୍ମରୂପିଣେ ।

ଅଚ୍ଯୁତାଯ ସୁରେଶାଯ ପରସ୍ମୈ ଜ୍ଯୋତିଷେ ନମଃ ॥ 15 ॥

ଅହସ୍କରାଯ ରଵଯେ ହରଯେ ପରମାତ୍ମନେ ।

ତରୁଣାଯ ଵରେଣ୍ଯାଯ ଗ୍ରହାଣାଂ ପତଯେ ନମଃ ॥ 16 ॥

ଓଁ ନମୋ ଭାସ୍କରାଯାଽଽଦିମଧ୍ଯାନ୍ତରହିତାଯ ଚ ।

ସୌଖ୍ଯପ୍ରଦାଯ ସକଲଜଗତାଂ ପତଯେ ନମଃ ॥ 17 ॥

ନମଃ ସୂର୍ଯାଯ କଵଯେ ନମୋ ନାରାଯଣାଯ ଚ ।

ନମୋ ନମଃ ପରେଶାଯ ତେଜୋରୂପାଯ ତେ ନମଃ ॥ 18 ॥

ଓଁ ଶ୍ରୀଂ ହିରଣ୍ଯଗର୍ଭାଯ ଓଁ ହ୍ରୀଂ ସମ୍ପତ୍କରାଯ ଚ ।

ଓଁ ଐଂ ଇଷ୍ଟାର୍ଥଦାଯାଽନୁପ୍ରସନ୍ନାଯ ନମୋ ନମଃ ॥ 19 ॥

ଶ୍ରୀମତେ ଶ୍ରେଯସେ ଭକ୍ତକୋଟିସୌଖ୍ଯପ୍ରଦାଯିନେ ।

ନିଖିଲାଗମଵେଦ୍ଯାଯ ନିତ୍ଯାନନ୍ଦାଯ ତେ ନମଃ ॥ 20 ॥

ଇତି ଶ୍ରୀ ସୂର୍ଯ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।

Roman (IAST) Transliteration

aruṇāya śaraṇyāya karuṇārasasindhave |

asamānabalāyā''rtarakṣakāya namo namaḥ || 1 ||

ādityāyā''dibhūtāya akhilāgamavedine |

acyutāyā'khilajñāya anantāya namo namaḥ || 2 ||

ināya viśvarūpāya ijyāyaindrāya bhānave |

indirāmandirāptāya vandanīyāya te namaḥ || 3 ||

īśāya suprasannāya suśīlāya suvarcase |

vasupradāya vasave vāsudevāya te namaḥ || 4 ||

ujjvalāyograrūpāya ūrdhvagāya vivasvate |

udyatkiraṇajālāya hṛṣīkeśāya te namaḥ || 5 ||

ūrjasvalāya vīrāya nirjarāya jayāya ca |

ūrudvayābhāvarūpayuktasārathaye namaḥ || 6 ||

ṛṣivandyāya rugghantre ṛkṣacakracarāya ca |

ṛjusvabhāvacittāya nityastutyāya te namaḥ || 7 ||

ṝkāramātṛkāvarṇarūpāyojjvalatejase |

ṝkṣādhināthamitrāya puṣkarākṣāya te namaḥ || 8 ||

luptadantāya śāntāya kāntidāya ghanāya ca |

kanatkanakabhūṣāya khadyotāya namo namaḥ || 9 ||

lūnitākhiladaityāya satyānandasvarūpiṇe |

apavargapradāyā''rtaśaraṇyāya namo namaḥ || 10 ||

ekākine bhagavate sṛṣṭisthityantakāriṇe |

guṇātmane ghṛṇibhṛte bṛhate brahmaṇe namaḥ || 11 ||

aiśvaryadāya śarvāya haridaśvāya śauraye |

daśadiksamprakāśāya bhaktavaśyāya te namaḥ || 12 ||

ojaskarāya jayine jagadānandahetave |

janmamṛtyujarāvyādhivarjitāya namo namaḥ || 13 ||

aunnatyapadasañcārarathasthāyātmarūpiṇe |

kamanīyakarāyā'bjavallabhāya namo namaḥ || 14 ||

antarbahiḥprakāśāya acintyāyā''tmarūpiṇe |

acyutāya sureśāya parasmai jyotiṣe namaḥ || 15 ||

ahaskarāya ravaye haraye paramātmane |

taruṇāya vareṇyāya grahāṇāṃ pataye namaḥ || 16 ||

oṃ namo bhāskarāyā''dimadhyāntarahitāya ca |

saukhyapradāya sakalajagatāṃ pataye namaḥ || 17 ||

namaḥ sūryāya kavaye namo nārāyaṇāya ca |

namo namaḥ pareśāya tejorūpāya te namaḥ || 18 ||

oṃ śrīṃ hiraṇyagarbhāya oṃ hrīṃ sampatkarāya ca |

oṃ aiṃ iṣṭārthadāyā'nuprasannāya namo namaḥ || 19 ||

śrīmate śreyase bhaktakoṭisaukhyapradāyine |

nikhilāgamavedyāya nityānandāya te namaḥ || 20 ||

iti śrī sūrya aṣṭottaraśatanāma stotram |