atha saptamastotram
viśvasthitipralayasargamahāvibhūti vṛttiprakāśaniyamāvṛti bandhamokṣāḥ |
yasyā apāṅgalavamātrata ūrjitā sā śrīḥ yatkaṭākṣabalavatyajitaṃ namāmi || 1||
brahmeśaśakraravidharmaśaśāṅkapūrva gīrvāṇasantatiriyaṃ yadapāṅgaleśam |
āśritya viśvavijayaṃ visṛjatyacintyā śrīḥ yatkaṭākṣabalavatyajitaṃ namāmi || 2||
dharmārthakāmasumatipracayādyaśeṣasanmaṅgalaṃ vidadhate yadapāṅgaleśam |
āśritya tatpraṇatasatpraṇatā apīḍyā śrīḥ yatkaṭākṣabalavati ajitaṃ namāmi || 3||
ṣaḍvarganigrahanirastasamastadoṣā dhyāyanti viṣṇumṛṣayo yadapāṅgaleśam |
āśritya yānapi sametya na yāti duḥkhaṃ śrīḥ yatkaṭākṣabalavati ajitaṃ namāmi || 4||
śeṣāhivairiśivaśakramanupradhāna citrorukarmaracanaṃ yadapāṅgaleśam |
āśritya viśvamakhilaṃ vidadhāti dhātā śrīḥ yatkaṭākṣabalavati ajitaṃ namāmi || 5||
śakrogradīdhitihimākarasūryasūnu pūrvaṃ nihatya nikhilaṃ yadapāṅgaleśam |
āśritya nṛtyati śivaḥ prakaṭoruśaktiḥ śrīḥ yatkaṭākṣa balavati ajitaṃ namāmi || 6||
tatpādapaṅkajamahāsanatāmavāpa śarvādivandyacaraṇo yadapāṅgaleśam |
āśritya nāgapatiḥ anyasurairdurāpāṃ śrīḥ yatkaṭākṣabalavati ajitaṃ namāmi || 7||
nāgārirugrabalapauruṣa āpa viṣṇuvāhatvamuttamajavo yadapāṅgaleśam | var
viṣṇorvāha
āśritya śakramukhadevagaṇaiḥ acintyaṃ śrīḥ yatkaṭākṣa balavati ajitaṃ namāmi || 8||
ānandatīrthamunisanmukhapaṅkajotthaṃ sākṣādramāharimanaḥ priyaṃ uttamārtham |
bhaktyā paṭhati ajitamātmani sannidhāya yaḥ stotrametabhiyāti tayorabhīṣṭam || 9||
iti śrīmadānandatīrthabhagavatpādācārya viracitaṃ
dvādaśastotreṣu saptamastotraṃ sampūrṇam