oṃ gopālāya vidmahe gopījana vallabhāya dhīmahi |
tanno gopālaḥ pracodayāt ||
oṃ śrīṃ hrīṃ klīṃ glauṃ devakī suta govinda vāsudeva jagatpate
dehi me tanayaṃ kṛṣṇa tvāmahaṃ śaraṇaṃ gataḥ ||
bhūrbhuvassuvarom | iti digvimokaḥ ||
śrīśaṃ kamalapatrākṣaṃ devakīnandanaṃ harim |
sutasamprāptaye kṛṣṇaṃ namāmi madhusūdanam || 1 ||
namāmyahaṃ vāsudevaṃ sutasamprāptaye harim |
yaśodāṅkagataṃ bālaṃ gopālaṃ nandanandanam || 2 ||
asmākaṃ putralābhāya govindaṃ munivanditam |
namāmyahaṃ vāsudevaṃ devakīnandanaṃ sadā || 3 ||
gopālaṃ ḍimbhakaṃ vande kamalāpatimacyutam |
putrasamprāptaye kṛṣṇaṃ namāmi yadupuṅgavam || 4 ||
putrakāmeṣṭi phaladaṃ kañjākṣaṃ kamalāpatim |
devakīnandanaṃ vande sutasamprāptaye tvaham (mama) || 5 ||
padmāpate padmanetra padmanābha janārdana |
dehi me tanayaṃ śrīśa vāsudeva jagatpate || 6 ||
yaśodāṅkagataṃ bālaṃ govindaṃ munivanditam |
ananta (asmākaṃ) putralābhāya namāmi śrīśamacyutam || 7 ||
bhūtakṛt-bhūtabhṛdbhāvo bhutātmā bhūtabhāvanaḥ (śrīpate devadeveśa dīnārtirharaṇācyuta) |
govinda me sutaṃ dehi namāmi tvāṃ janārdana || 8 ||
bhaktakāmada govinda bhaktarakṣa śubhaprada |
dehi me tanayaṃ kṛṣṇa rukmiṇīvallabha prabho || 9 ||
rukmiṇīnātha sarveśa dehi me tanayaṃ sadā |
bhaktamandāra padmākṣa tvāmahaṃ śaraṇaṃ gataḥ || 10 ||
devakīsuta govinda vāsudeva jagatpate |
dehi me tanayaṃ kṛṣṇa tvāmahaṃ śaraṇaṃ gataḥ || 11 ||
vāsudeva jagadvandya śrīpate puruṣottama |
dehi me tanayaṃ kṛṣṇa tvāmahaṃ śaraṇaṃ gataḥ || 12 ||
kañjākṣa kamalānātha parakāruṇikottama |
dehi me tanayaṃ kṛṣṇa tvāmahaṃ śaraṇaṃ gataḥ || 13 ||
lakṣmīpate padmanābha mukunda munivandita |
dehi me tanayaṃ kṛṣṇa tvāmahaṃ śaraṇaṃ gataḥ || 14 ||
kāryakāraṇarūpāya vāsudevāya te sadā |
namāmi putralābhārthaṃ sukhadāya budhāya te || 15 ||
rājīvanetra śrīrāma rāvaṇāre hare kave |
tubhyaṃ namāmi deveśa tanayaṃ dehi me hare || 16 ||
ananta (asmākaṃ) putralābhāya bhajāmi tvāṃ jagatpate |
dehi me tanayaṃ kṛṣṇa vāsudeva ramāpate || 17 ||
śrīmāninī mānahāri (śrīmāninī mānacora) gopīvastrāpahāraka |
dehi me tanayaṃ kṛṣṇa vāsudeva jagatpate || 18 ||
asmākaṃ putrasamprāptiṃ kuruṣva yadunandana |
ramāpate vāsudeva mukunda munivandita || 19 ||
vāsudeva sutaṃ dehi tanayaṃ dehi mādhava |
putraṃ me dehi śrīkṛṣṇa vatsaṃ dehi mahāprabho || 20 ||
ḍimbhakaṃ dehi śrīkṛṣṇa ātmajaṃ dehi rāghava |
bhaktamandāra me dehi tanayaṃ nandanandana || 21 ||
nandanaṃ dehi me kṛṣṇa vāsudeva jagatpate |
kamalānātha govinda mukunda munivandita || 22 ||
anyathā śaraṇaṃ nāsti tvameva śaraṇaṃ mama |
sutaṃ dehi śriyaṃ dehi śriyaṃ putraṃ pradehi me || 23 ||
yaśodāstanyapānajñaṃ pibantaṃ yadunandanam |
vande'haṃ putralābhārthaṃ kapilākṣaṃ hariṃ sadā || 24 ||
nandanandana deveśa nandanaṃ dehi me prabho |
ramāpate vāsudeva śriyaṃ putraṃ jagatpate || 25 ||
putraṃ śriyaṃ śriyaṃ putraṃ putraṃ me dehi mādhava |
asmākaṃ dīnavākyaṃ ca (dīnavākyasya) avadhāraya śrīpate || 26 ||
gopāla ḍimbha govinda vāsudeva ramāpate |
asmākaṃ ḍimbhakaṃ dehi śriyaṃ dehi jagatpate || 27 ||
madvāñchitaphalaṃ dehi devakīnandanācyuta |
mānda (mama) putrārthitaṃ dhanyaṃ kuruṣva yadunandana || 28 ||
yāce'haṃ tvāṃ śriyaṃ putraṃ dehi me putrasampadam |
bhaktacintāmaṇe rāma kalpavṛkṣa mahāprabho || 29 ||
ātmajaṃ nandanaṃ putraṃ kumāraṃ ḍimbhakaṃ sutam |
arbhakaṃ tanayaṃ dehi sadā me raghunandana || 30 ||
vande santānagopālaṃ mādhavaṃ bhaktakāmadam |
asmākaṃ putrasamprāptyai sadā govindamacyutam || 31 ||
oṅkārayuktaṃ gopālaṃ śrīyuktaṃ yadunandanam |
klīṃyuktaṃ devakīputraṃ namāmi yadunāyakam || 32 ||
vāsudeva mukundeśa govinda mādhavācyuta |
dehi me tanayaṃ kṛṣṇa ramānātha mahāprabho || 33 ||
rājīvanetra govinda kapilākṣa hare prabho |
samasta kāmyavarada dehi me tanayaṃ sadā || 34 ||
padmanābha śyāmapadma bṛndarūpa jagadpate (abjapadmanibha padmavṛndarūpa jagatpate) |
satputraṃ (varasatputraṃ) dehi me deva ramānāyaka (rūpanāyaka) mādhava || 35 ||
nandapāla dharāpāla govinda yadunandana |
dehi me tanayaṃ kṛṣṇa rukmiṇīvallabha prabho || 36 ||
dāsamandāra govinda mukunda mādhavācyuta |
gopāla puṇḍarīkākṣa dehi me tanayaṃ śriyam || 37 ||
yadunāyaka padmeśa nandagopavadhūsuta |
dehi me tanayaṃ kṛṣṇa śrīrādha (śrīdhara) prāṇanāyaka || 38 ||
asmākaṃ vāñchitaṃ dehi dehi putraṃ ramāpate |
stuvadām (bhagavan) kṛṣṇa sarveśa vāsudeva jagatpate || 39 ||
ramāhṛdayasambhāra satyabhāmāmanaḥpriya |
dehi me tanayaṃ kṛṣṇa rukmiṇīvallabha prabho || 40 ||
candrasūryākṣa govinda puṇḍarīkākṣa mādhava |
asmākaṃ bhāgyasatputraṃ dehi deva jagatpate || 41 ||
kāruṇyarūpa padmākṣa padmanābha-samarcita |
dehi me tanayaṃ kṛṣṇa devakīnandanandana || 42 ||
devakīsuta śrīnātha vāsudeva jagatpate |
samastakāmaphalada dehi me tanayaṃ sadā || 43 ||
bhaktamandāra gambhīra śaṅkarācyuta mādhava |
dehi me tanayaṃ gopa-bālavatsala ramāpate (śrīpate) || 44 ||
śrīpate vāsudeveśa devakīpriyanandana |
bhaktamandāra me dehi tanayaṃ jagatāṃ prabho || 45 ||
jagannātha ramānātha bhūminātha dayānidhe |
vāsudeveśa sarveśa dehi me tanayaṃ prabho || 46 ||
śrīnātha kamalapatrākṣa vāsudeva jagatpate |
dehi me tanayaṃ kṛṣṇa tvāmahaṃ śaraṇaṃ gataḥ || 47 ||
dāsamandāra govinda bhaktacintāmaṇe prabho |
dehi me tanayaṃ kṛṣṇa tvāmahaṃ śaraṇaṃ gataḥ || 48 ||
govinda puṇḍarīkākṣa ramānātha mahāprabho |
dehi me tanayaṃ kṛṣṇa tvāmahaṃ śaraṇaṃ gataḥ || 49 ||
śrīnātha kamalapatrākṣa govinda madhusūdana |
satputraphala (matputraphala)-siddhyarthaṃ bhajāmi tvāṃ janārdana || 50 ||
stanyaṃ pibantaṃ jananīmukhāmbujaṃ
vilokya mandasmitamujjvalāṅgam |
spṛśantamanyastanamaṅgulībhiḥ
vande yaśodāṅkagataṃ mukundam || 51 ||
yāce'haṃ putrasantānaṃ bhavantaṃ padmalocana |
dehi me tanayaṃ kṛṣṇa tvāmahaṃ śaraṇaṃ gataḥ || 52 ||
asmākaṃ putrasampatte-ścintayāmi jagatpate |
śīghraṃ me dehi dātavyaṃ bhavatā munivandita || 53 ||
vāsudeva jagannātha śrīpate puruṣottama |
kuru māṃ putradattaṃ ca kṛṣṇa devendrapūjitaḥ || 54 ||
kuru māṃ putradattaṃ ca yaśodāpriyanandana |
mahyaṃ ca putrasantānaṃ dātavyaṃ bhavatā hare || 55 ||
vāsudeva jagannātha govinda devakīsuta |
dehi me tanayaṃ rāma kausalyāpriyanandana || 56 ||
padmapatrākṣa govinda viṣṇo vāmana mādhava |
dehi me tanayaṃ sītā-prāṇanāyaka rāghava || 57 ||
kañjākṣa kṛṣṇa devendra-maṇḍita munivandita |
lakṣmaṇāgraja śrīrāma dehi me tanayaṃ sadā || 58 ||
dehi me tanayaṃ rāma daśarathapriyanandana |
sītānāyaka kañjākṣa mucukundavaraprada || 59 ||
vibhīṣaṇāya yā laṅkā bhavatā valīyatā prabho (vibhīṣaṇasyayā laṅkā pradattā bhavatā purā) |
asmākaṃ tatprakāreṇa tanayaṃ dehi mādhava || 60 ||
bhavadīyapadāmbhoje cintayāmi nirantaram |
dehi me tanayaṃ sītā-prāṇavallabha rāghava || 61 ||
rāma matkāmyavarada putrotpattiphalaprada |
dehi me tanayaṃ śrīśa kamalāsanavandita || 62 ||
rāma rāghava sīteśa lakṣmaṇānuja dehi me |
bhāgyavatputrasantānaṃ daśarathātmaja śrīpate || 63 ||
devakīgarbhasañjāta yaśodāpriyanandana |
dehi me tanayaṃ rāma kṛṣṇa gopāla mādhava || 64 ||
kṛṣṇa mādhava govinda vāmanācyuta śaṅkara |
dehi me tanayaṃ śrīśa gopabālakanāyaka || 65 ||
gopabāla mahādhanya govindācyuta mādhava |
dehi me tanayaṃ kṛṣṇa vāsudeva jagatpate || 66 ||
diśatu diśatu putraṃ devakīnandano'yaṃ
diśatu diśatu śīghraṃ bhāgyavatputralābham |
diśatu diśatu śrīśo rāghavo rāmacandro
diśatu diśatu putraṃ vaṃśavistārahetoḥ || 67 ||
dadātu māṃ vāsudevohī (dīyatāṃ vāsudevena) tanayomatpriyaḥ sutam (sutaḥ) |
kumāro nandanaḥ sītā-nāyakò-viśadā mama (nāyakena sadā mama) || 68 ||
rāma rāghava govinda devakīsuta mādhava |
dehi me tanayaṃ śrīśa gopabālakanāyaka || 69 ||
vaṃśavistārakaṃ putraṃ dehi me madhusūdana |
sutaṃ dehi sutaṃ dehi tvāmahaṃ śaraṇaṃ gataḥ || 70 ||
mamābhīṣṭasutaṃ dehi kaṃsāre mādhavācyuta |
sutaṃ dehi sutaṃ dehi tvāmahaṃ śaraṇaṃ gataḥ || 71 ||
candrārka-kalpaparyantaṃ tanayaṃ dehi mādhava |
sutaṃ dehi sutaṃ dehi tvāmahaṃ śaraṇaṃ gataḥ || 72 ||
vidyāvantaṃ buddhimantaṃ śrīmantaṃ tanayaṃ sadā |
dehi me tanayaṃ kṛṣṇa devakīnandanaṃ sadā (devakīnandana prabho) || 73 ||
namāmi tvāṃ padmanetra sutalābhāya kāmadam |
mukundaṃ puṇḍarīkākṣaṃ govindaṃ madhusūdanam || 74 ||
bhagavan kṛṣṇa govinda sarvakāmaphalaprada |
dehi me tanayaṃ svāmin tvāmahaṃ śaraṇaṃ gataḥ || 75 ||
svāmin tvaṃ bhagavan rāma kṛṣṇa mādhava kāmada |
dehi me tanayaṃ nityaṃ tvāmahaṃ śaraṇaṃ gataḥ || 76 ||
tanayaṃ dehi govinda kañjākṣa kamalāpate |
sutaṃ dehi sutaṃ dehi tvāmahaṃ śaraṇaṃ gataḥ || 77 ||
padmāpate padmanetra padmajanaka mādhava (pradyumnajanaka prabho) |
sutaṃ dehi sutaṃ dehi tvāmahaṃ śaraṇaṃ gataḥ || 78 ||
śaṅkhacakragadākhaḍga śārṅgapāṇe ramāpate |
dehi me tanayaṃ kṛṣṇa tvāmahaṃ śaraṇaṃ gataḥ || 79 ||
nārāyaṇa ramānātha rājīvapatralocana |
sutaṃ me dehi deveśa padmapadmānuvandita || 80 ||
rāma mādhava govinda devakīvaranandana |
rukmiṇīnātha sarveśa nāradādisurārcita || 81 ||
devakīsuta govinda vāsudeva jagatpate |
dehi me tanayaṃ śrīśa gopabālakanāyaka || 82 ||
munivandita govinda rukmiṇīvallabha prabho |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 83 ||
gopikā lūnapuṣpaṇāṃ makaranda rathapriya (gopikārjitapaṅkejamarandāsaktamānasa)|
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ )|| 84 ||
rramā hṛdaya rājīva lolamādhava kāmada | (ramāhṛdaya paṅkejalola mādhava kāmada)
mamābhīṣṭasutaṃ dehi tvāmahaṃ śaraṇaṃ gataḥ || 85 ||
vāsudeva ramānātha dāsānāṃ maṅgalaprada |
dehi me tanayaṃ kṛṣṇa tvāmahaṃ śaraṇaṃ gataḥ || 86 ||
kalyāṇaprada govinda murāre munivandita |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 87 ||
putraprada mukundeśa rukmiṇīvallabha prabho |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 88 ||
puṇḍarīkākṣa govinda vāsudeva jagatpate |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 89 ||
dayānidhe vāsudeva mukunda munivandita |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 90 ||
putrasampatpradātāraṃ govindaṃ devapūjitam |
vandāmahe sadā kṛṣṇaṃ putralābhapradāyinam || 91 ||
kāruṇyanidhaye gopīvallabhāya murāraye |
namaste putralābhārthaṃ dehi me tanayaṃ vibho || 92 ||
namastasmai rameśāya rukmiṇīvallabhāya te |
dehi me tanayaṃ śrīśa gopabālakanāyaka || 93 ||
namaste vāsudevāya nityaśrīkāmukāya ca |
putradāya ca sarpendra....śāyine raṅgaśāyine || 94 ||
raṅgaśāyin ramānātha maṅgalaprada mādhava |
dehi me tanayaṃ śrīśa gopabālakanāyaka || 95 ||
dāsasya me sutaṃ dehi dīnamandāra rāghava |
sutaṃ dehi sutaṃ dehi putraṃ dehi ramāpate || 96 ||
yaśodātanayābhīṣṭa putradānarataḥ sadā |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 97 ||
madiṣṭadeva govinda vāsudeva janārdana |
dehi me tanayaṃ śrīśa (kṛṣṇa) gopabālakanāyaka (tvāmahaṃ śaraṇaṃ gataḥ) || 98 ||
nītimān dhanavān putro vidyāvāṃśca prajāpate |
bhagavaṃstvatkṛpāyāśca vāsudevendrapūjita || 99 ||
yaḥ paṭhet putraśatakaṃ so'pi satputravān bhavet |
śrīvāsudevakathitaṃ stotraratnaṃ sukhāya ca || 100 ||
japakāle paṭhennityaṃ putralābhaṃ dhanaṃ śriyam |
aiśvaryaṃ rājasammānaṃ sadyo yāti na saṃśayaḥ || 101 ||