📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ଋଣ ଵିମୋଚନ ଗଣପତି ସ୍ତୋତ୍ରମ୍
Rina Vimochana Ganapati Stotram
Ganesha Stotram Oriya
ସ୍ମରାମି ଦେଵଦେଵେଶଂ ଵକ୍ରତୁଣ୍ଡଂ ମହାବଲମ୍ ।
ଷଡକ୍ଷରଂ କୃପାସିନ୍ଧୁଂ ନମାମି ଋଣମୁକ୍ତଯେ ॥ 1 ॥
ଏକାକ୍ଷରଂ ହ୍ଯେକଦନ୍ତଂ ଏକଂ ବ୍ରହ୍ମ ସନାତନମ୍ ।
ଏକମେଵାଦ୍ଵିତୀଯଂ ଚ ନମାମି ଋଣମୁକ୍ତଯେ ॥ 2 ॥
ମହାଗଣପତିଂ ଦେଵଂ ମହାସତ୍ତ୍ଵଂ ମହାବଲମ୍ ।
ମହାଵିଘ୍ନହରଂ ଶମ୍ଭୋଃ ନମାମି ଋଣମୁକ୍ତଯେ ॥ 3 ॥
କୃଷ୍ଣାମ୍ବରଂ କୃଷ୍ଣଵର୍ଣଂ କୃଷ୍ଣଗନ୍ଧାନୁଲେପନମ୍ ।
କୃଷ୍ଣସର୍ପୋପଵୀତଂ ଚ ନମାମି ଋଣମୁକ୍ତଯେ ॥ 4 ॥
ରକ୍ତାମ୍ବରଂ ରକ୍ତଵର୍ଣଂ ରକ୍ତଗନ୍ଧାନୁଲେପନମ୍ ।
ରକ୍ତପୁଷ୍ପପ୍ରିଯଂ ଦେଵଂ ନମାମି ଋଣମୁକ୍ତଯେ ॥ 5 ॥
ପୀତାମ୍ବରଂ ପୀତଵର୍ଣଂ ପୀତଗନ୍ଧାନୁଲେପନମ୍ ।
ପୀତପୁଷ୍ପପ୍ରିଯଂ ଦେଵଂ ନମାମି ଋଣମୁକ୍ତଯେ ॥ 6 ॥
ଧୂମ୍ରାମ୍ବରଂ ଧୂମ୍ରଵର୍ଣଂ ଧୂମ୍ରଗନ୍ଧାନୁଲେପନମ୍ ।
ହୋମଧୂମପ୍ରିଯଂ ଦେଵଂ ନମାମି ଋଣମୁକ୍ତଯେ ॥ 7 ॥
ଫାଲନେତ୍ରଂ ଫାଲଚନ୍ଦ୍ରଂ ପାଶାଙ୍କୁଶଧରଂ ଵିଭୁମ୍ ।
ଚାମରାଲଙ୍କୃତଂ ଦେଵଂ ନମାମି ଋଣମୁକ୍ତଯେ ॥ 8 ॥
ଇଦଂ ତ୍ଵୃଣହରଂ ସ୍ତୋତ୍ରଂ ସନ୍ଧ୍ଯାଯାଂ ଯଃ ପଠେନ୍ନରଃ ।
ଷଣ୍ମାସାଭ୍ଯନ୍ତରେଣୈଵ ଋଣମୁକ୍ତୋ ଭଵିଷ୍ଯତି ॥ 9 ॥
ଇତି ଋଣଵିମୋଚନ ମହାଗଣପତି ସ୍ତୋତ୍ରମ୍ ।
Roman (IAST) Transliteration
smarāmi devadeveśaṃ vakratuṇḍaṃ mahābalam |
ṣaḍakṣaraṃ kṛpāsindhuṃ namāmi ṛṇamuktaye || 1 ||
ekākṣaraṃ hyekadantaṃ ekaṃ brahma sanātanam |
ekamevādvitīyaṃ ca namāmi ṛṇamuktaye || 2 ||
mahāgaṇapatiṃ devaṃ mahāsattvaṃ mahābalam |
mahāvighnaharaṃ śambhoḥ namāmi ṛṇamuktaye || 3 ||
kṛṣṇāmbaraṃ kṛṣṇavarṇaṃ kṛṣṇagandhānulepanam |
kṛṣṇasarpopavītaṃ ca namāmi ṛṇamuktaye || 4 ||
raktāmbaraṃ raktavarṇaṃ raktagandhānulepanam |
raktapuṣpapriyaṃ devaṃ namāmi ṛṇamuktaye || 5 ||
pītāmbaraṃ pītavarṇaṃ pītagandhānulepanam |
pītapuṣpapriyaṃ devaṃ namāmi ṛṇamuktaye || 6 ||
dhūmrāmbaraṃ dhūmravarṇaṃ dhūmragandhānulepanam |
homadhūmapriyaṃ devaṃ namāmi ṛṇamuktaye || 7 ||
phālanetraṃ phālacandraṃ pāśāṅkuśadharaṃ vibhum |
cāmarālaṅkṛtaṃ devaṃ namāmi ṛṇamuktaye || 8 ||
idaṃ tvṛṇaharaṃ stotraṃ sandhyāyāṃ yaḥ paṭhennaraḥ |
ṣaṇmāsābhyantareṇaiva ṛṇamukto bhaviṣyati || 9 ||
iti ṛṇavimocana mahāgaṇapati stotram |
InfoLyter.in — Sacred Vedic Knowledge Portal · Free forever