Rahu Ashtottara Shata Nama Stotram

ॐ

ରାହୁ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

Tara Ashtottara Sata Namavali Oriya

ଶୃଣୁ ନାମାନି ରାହୋଶ୍ଚ ସୈଂହିକେଯୋ ଵିଧୁନ୍ତୁଦଃ ।

ସୁରଶତ୍ରୁସ୍ତମଶ୍ଚୈଵ ଫଣୀ ଗାର୍ଗ୍ଯାଯଣସ୍ତଥା ॥ 1 ॥

ସୁରାଗୁର୍ନୀଲଜୀମୂତସଙ୍କାଶଶ୍ଚ ଚତୁର୍ଭୁଜଃ ।

ଖଡ୍ଗଖେଟକଧାରୀ ଚ ଵରଦାଯକହସ୍ତକଃ ॥ 2 ॥

ଶୂଲାଯୁଧୋ ମେଘଵର୍ଣଃ କୃଷ୍ଣଧ୍ଵଜପତାକଵାନ୍ ।

ଦକ୍ଷିଣାଶାମୁଖରତଃ ତୀକ୍ଷ୍ଣଦଂଷ୍ଟ୍ରଧରାଯ ଚ ॥ 3 ॥

ଶୂର୍ପାକାରାସନସ୍ଥଶ୍ଚ ଗୋମେଦାଭରଣପ୍ରିଯଃ ।

ମାଷପ୍ରିଯଃ କଶ୍ଯପର୍ଷିନନ୍ଦନୋ ଭୁଜଗେଶ୍ଵରଃ ॥ 4 ॥

ଉଲ୍କାପାତଜନିଃ ଶୂଲୀ ନିଧିପଃ କୃଷ୍ଣସର୍ପରାଟ୍ ।

ଵିଷଜ୍ଵଲାଵୃତାସ୍ଯୋଽର୍ଧଶରୀରୋ ଜାଦ୍ଯସମ୍ପ୍ରଦଃ ॥ 5 ॥

ରଵୀନ୍ଦୁଭୀକରଶ୍ଛାଯାସ୍ଵରୂପୀ କଠିନାଙ୍ଗକଃ ।

ଦ୍ଵିଷଚ୍ଚକ୍ରଚ୍ଛେଦକୋଽଥ କରାଲାସ୍ଯୋ ଭଯଙ୍କରଃ ॥ 6 ॥

କ୍ରୂରକର୍ମା ତମୋରୂପଃ ଶ୍ଯାମାତ୍ମା ନୀଲଲୋହିତଃ ।

କିରୀଟୀ ନୀଲଵସନଃ ଶନିସାମନ୍ତଵର୍ତ୍ମଗଃ ॥ 7 ॥

ଚାଣ୍ଡାଲଵର୍ଣୋଽଥାଶ୍ଵ୍ଯର୍କ୍ଷଭଵୋ ମେଷଭଵସ୍ତଥା ।

ଶନିଵତ୍ଫଲଦଃ ଶୂରୋଽପସଵ୍ଯଗତିରେଵ ଚ ॥ 8 ॥

ଉପରାଗକରଃ ସୂର୍ଯହିମାଂଶୁଚ୍ଛଵିହାରକଃ ।

ନୀଲପୁଷ୍ପଵିହାରଶ୍ଚ ଗ୍ରହଶ୍ରେଷ୍ଠୋଽଷ୍ଟମଗ୍ରହଃ ॥ 9 ॥

କବନ୍ଧମାତ୍ରଦେହଶ୍ଚ ଯାତୁଧାନକୁଲୋଦ୍ଭଵଃ ।

ଗୋଵିନ୍ଦଵରପାତ୍ରଂ ଚ ଦେଵଜାତିପ୍ରଵିଷ୍ଟକଃ ॥ 10 ॥

କ୍ରୂରୋ ଘୋରଃ ଶନେର୍ମିତ୍ରଂ ଶୁକ୍ରମିତ୍ରମଗୋଚରଃ ।

ମାନେଗଙ୍ଗାସ୍ନାନଦାତା ସ୍ଵଗୃହେପ୍ରବଲାଢ୍ଯକଃ ॥ 11 ॥

ସଦ୍ଗୃହେଽନ୍ଯବଲଧୃଚ୍ଚତୁର୍ଥେ ମାତୃନାଶକଃ ।

ଚନ୍ଦ୍ରଯୁକ୍ତେ ତୁ ଚଣ୍ଡାଲଜନ୍ମସୂଚକ ଏଵ ତୁ ॥ 12 ॥

ଜନ୍ମସିଂହେ ରାଜ୍ଯଦାତା ମହାକାଯସ୍ତଥୈଵ ଚ ।

ଜନ୍ମକର୍ତା ଵିଧୁରିପୁ ମତ୍ତକୋ ଜ୍ଞାନଦଶ୍ଚ ସଃ ॥ 13 ॥

ଜନ୍ମକନ୍ଯାରାଜ୍ଯଦାତା ଜନ୍ମହାନିଦ ଏଵ ଚ ।

ନଵମେ ପିତୃହନ୍ତା ଚ ପଞ୍ଚମେ ଶୋକଦାଯକଃ ॥ 14 ॥

ଦ୍ଯୂନେ କଲତ୍ରହନ୍ତା ଚ ସପ୍ତମେ କଲହପ୍ରଦଃ ।

ଷଷ୍ଠେ ତୁ ଵିତ୍ତଦାତା ଚ ଚତୁର୍ଥେ ଵୈରଦାଯକଃ ॥ 15 ॥

ନଵମେ ପାପଦାତା ଚ ଦଶମେ ଶୋକଦାଯକଃ ।

ଆଦୌ ଯଶଃ ପ୍ରଦାତା ଚ ଅନ୍ତେ ଵୈରପ୍ରଦାଯକଃ ॥ 16 ॥

କାଲାତ୍ମା ଗୋଚରାଚାରୋ ଧନେ ଚାସ୍ଯ କକୁତ୍ପ୍ରଦଃ ।

ପଞ୍ଚମେ ଧିଷଣାଶୃଙ୍ଗଦଃ ସ୍ଵର୍ଭାନୁର୍ବଲୀ ତଥା ॥ 17 ॥

ମହାସୌଖ୍ଯପ୍ରଦାଯୀ ଚ ଚନ୍ଦ୍ରଵୈରୀ ଚ ଶାଶ୍ଵତଃ ।

ସୁରଶତ୍ରୁଃ ପାପଗ୍ରହଃ ଶାମ୍ଭଵଃ ପୂଜ୍ଯକସ୍ତଥା ॥ 18 ॥

ପାଟୀରପୂରଣଶ୍ଚାଥ ପୈଠୀନସକୁଲୋଦ୍ଭଵଃ ।

ଦୀର୍ଘକୃଷ୍ଣୋଽତନୁର୍ଵିଷ୍ଣୁନେତ୍ରାରିର୍ଦେଵଦାନଵୌ ॥ 19 ॥

ଭକ୍ତରକ୍ଷୋ ରାହୁମୂର୍ତିଃ ସର୍ଵାଭୀଷ୍ଟଫଲପ୍ରଦଃ ।

ଏତଦ୍ରାହୁଗ୍ରହସ୍ଯୋକ୍ତଂ ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ଶ୍ରଦ୍ଧଯା ଯୋ ଜପେନ୍ନିତ୍ଯଂ ମୁଚ୍ଯତେ ସର୍ଵସଙ୍କଟାତ୍ ।

ସର୍ଵସମ୍ପତ୍କରସ୍ତସ୍ଯ ରାହୁରିଷ୍ଟପ୍ରଦାଯକଃ ॥ 21 ॥

ଇତି ଶ୍ରୀ ରାହୁ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।

Roman (IAST) Transliteration

śṛṇu nāmāni rāhośca saiṃhikeyo vidhuntudaḥ |

suraśatrustamaścaiva phaṇī gārgyāyaṇastathā || 1 ||

surāgurnīlajīmūtasaṅkāśaśca caturbhujaḥ |

khaḍgakheṭakadhārī ca varadāyakahastakaḥ || 2 ||

śūlāyudho meghavarṇaḥ kṛṣṇadhvajapatākavān |

dakṣiṇāśāmukharataḥ tīkṣṇadaṃṣṭradharāya ca || 3 ||

śūrpākārāsanasthaśca gomedābharaṇapriyaḥ |

māṣapriyaḥ kaśyaparṣinandano bhujageśvaraḥ || 4 ||

ulkāpātajaniḥ śūlī nidhipaḥ kṛṣṇasarparāṭ |

viṣajvalāvṛtāsyo'rdhaśarīro jādyasampradaḥ || 5 ||

ravīndubhīkaraśchāyāsvarūpī kaṭhināṅgakaḥ |

dviṣaccakracchedako'tha karālāsyo bhayaṅkaraḥ || 6 ||

krūrakarmā tamorūpaḥ śyāmātmā nīlalohitaḥ |

kirīṭī nīlavasanaḥ śanisāmantavartmagaḥ || 7 ||

cāṇḍālavarṇo'thāśvyarkṣabhavo meṣabhavastathā |

śanivatphaladaḥ śūro'pasavyagatireva ca || 8 ||

uparāgakaraḥ sūryahimāṃśucchavihārakaḥ |

nīlapuṣpavihāraśca grahaśreṣṭho'ṣṭamagrahaḥ || 9 ||

kabandhamātradehaśca yātudhānakulodbhavaḥ |

govindavarapātraṃ ca devajātipraviṣṭakaḥ || 10 ||

krūro ghoraḥ śanermitraṃ śukramitramagocaraḥ |

mānegaṅgāsnānadātā svagṛheprabalāḍhyakaḥ || 11 ||

sadgṛhe'nyabaladhṛccaturthe mātṛnāśakaḥ |

candrayukte tu caṇḍālajanmasūcaka eva tu || 12 ||

janmasiṃhe rājyadātā mahākāyastathaiva ca |

janmakartā vidhuripu mattako jñānadaśca saḥ || 13 ||

janmakanyārājyadātā janmahānida eva ca |

navame pitṛhantā ca pañcame śokadāyakaḥ || 14 ||

dyūne kalatrahantā ca saptame kalahapradaḥ |

ṣaṣṭhe tu vittadātā ca caturthe vairadāyakaḥ || 15 ||

navame pāpadātā ca daśame śokadāyakaḥ |

ādau yaśaḥ pradātā ca ante vairapradāyakaḥ || 16 ||

kālātmā gocarācāro dhane cāsya kakutpradaḥ |

pañcame dhiṣaṇāśṛṅgadaḥ svarbhānurbalī tathā || 17 ||

mahāsaukhyapradāyī ca candravairī ca śāśvataḥ |

suraśatruḥ pāpagrahaḥ śāmbhavaḥ pūjyakastathā || 18 ||

pāṭīrapūraṇaścātha paiṭhīnasakulodbhavaḥ |

dīrghakṛṣṇo'tanurviṣṇunetrārirdevadānavau || 19 ||

bhaktarakṣo rāhumūrtiḥ sarvābhīṣṭaphalapradaḥ |

etadrāhugrahasyoktaṃ nāmnāmaṣṭottaraṃ śatam || 20 ||

śraddhayā yo japennityaṃ mucyate sarvasaṅkaṭāt |

sarvasampatkarastasya rāhuriṣṭapradāyakaḥ || 21 ||

iti śrī rāhu aṣṭottaraśatanāma stotram |