📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
ପ୍ରାତଃସ୍ମରଣ ସ୍ତୋତ୍ରଂ
Pratahsmarana Stotram
Stotram Adi Shankaracharya Oriya
ପ୍ରାତଃ ସ୍ମରାମି ହୃଦି ସଂସ୍ଫୁରଦାତ୍ମତତ୍ତ୍ଵଂ
ସଚ୍ଚିତ୍ସୁଖଂ ପରମହଂସଗତିଂ ତୁରୀଯମ୍ ।
ଯତ୍ସ୍ଵପ୍ନଜାଗରସୁଷୁପ୍ତମଵୈତି ନିତ୍ଯଂ
ତଦ୍ବ୍ରହ୍ମ ନିଷ୍କଲମହଂ ନ ଚ ଭୂତସଙ୍ଘଃ ॥ 1 ॥
ପ୍ରାତର୍ଭଜାମି ମନସାଂ ଵଚସାମଗମ୍ଯଂ
ଵାଚୋ ଵିଭାନ୍ତି ନିଖିଲା ଯଦନୁଗ୍ରହେଣ ।
ଯନ୍ନେତିନେତି ଵଚନୈର୍ନିଗମା ଅଵୋଚୁଃ
ତଂ ଦେଵଦେଵମଜମଚ୍ଯୁତମାହୁରଗ୍ର୍ଯମ୍ ॥ 2 ॥
ପ୍ରାତର୍ନମାମି ତମସଃ ପରମର୍କଵର୍ଣଂ
ପୂର୍ଣଂ ସନାତନପଦଂ ପୁରୁଷୋତ୍ତମାଖ୍ଯମ୍ ।
ଯସ୍ମିନ୍ନିଦଂ ଜଗଦଶେଷମଶେଷମୂର୍ତୌ
ରଜ୍ଜ୍ଵାଂ ଭୁଜଙ୍ଗମ ଇଵ ପ୍ରତିଭାସିତଂ ଵୈ ॥ 3 ॥
ଶ୍ଲୋକତ୍ରଯମିଦଂ ପୁଣ୍ଯଂ ଲୋକତ୍ରଯଵିଭୂଷଣମ୍
ପ୍ରାତଃ କାଲେ ପଠେଦ୍ଯସ୍ତୁ ସ ଗଚ୍ଛେତ୍ପରମଂ ପଦମ୍ ॥
Roman (IAST) Transliteration
prātaḥ smarāmi hṛdi saṃsphuradātmatattvaṃ
saccitsukhaṃ paramahaṃsagatiṃ turīyam |
yatsvapnajāgarasuṣuptamavaiti nityaṃ
tadbrahma niṣkalamahaṃ na ca bhūtasaṅghaḥ || 1 ||
prātarbhajāmi manasāṃ vacasāmagamyaṃ
vāco vibhānti nikhilā yadanugraheṇa |
yannetineti vacanairnigamā avocuḥ
taṃ devadevamajamacyutamāhuragryam || 2 ||
prātarnamāmi tamasaḥ paramarkavarṇaṃ
pūrṇaṃ sanātanapadaṃ puruṣottamākhyam |
yasminnidaṃ jagadaśeṣamaśeṣamūrtau
rajjvāṃ bhujaṅgama iva pratibhāsitaṃ vai || 3 ||
ślokatrayamidaṃ puṇyaṃ lokatrayavibhūṣaṇam
prātaḥ kāle paṭhedyastu sa gacchetparamaṃ padam ||
InfoLyter.in — Sacred Vedic Knowledge Portal · Free forever