Maha Ganapati Mantravigraha Kavacham

ॐ

ମହା ଗଣପତି ମନ୍ତ୍ରଵିଗ୍ରହ କଵଚମ୍

Ganesha Kavacham Oriya

ଓଁ ଅସ୍ଯ ଶ୍ରୀମହାଗଣପତି ମନ୍ତ୍ରଵିଗ୍ରହ କଵଚସ୍ଯ । ଶ୍ରୀଶିଵ ଋଷିଃ । ଦେଵୀଗାଯତ୍ରୀ ଛନ୍ଦଃ । ଶ୍ରୀ ମହାଗଣପତିର୍ଦେଵତା । ଓଁ ଶ୍ରୀଂ ହ୍ରୀଂ କ୍ଲୀଂ ଗ୍ଲୌଂ ଗଂ ବୀଜାନି । ଗଣପତଯେ ଵରଵରଦେତି ଶକ୍ତିଃ । ସର୍ଵଜନଂ ମେ ଵଶମାନଯ ସ୍ଵାହା କୀଲକମ୍ । ଶ୍ରୀ ମହାଗଣପତିପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।

କରନ୍ଯାସଃ ।

ଓଁ ଶ୍ରୀଂ ହ୍ରୀଂ କ୍ଲୀଂ – ଅଙ୍ଗୁଷ୍ଠାଭ୍ଯାଂ ନମଃ ।

ଗ୍ଲୌଂ ଗଂ ଗଣପତଯେ – ତର୍ଜନୀଭ୍ଯାଂ ନମଃ ।

ଵରଵରଦ – ମଧ୍ଯମାଭ୍ଯାଂ ନମଃ ।

ସର୍ଵଜନଂ ମେ – ଅନାମିକାଭ୍ଯାଂ ନମଃ ।

ଵଶମାନଯ – କନିଷ୍ଠିକାଭ୍ଯାଂ ନମଃ ।

ସ୍ଵାହା – କରତଲ କରପୃଷ୍ଠାଭ୍ଯାଂ ନମଃ ।

ନ୍ଯାସଃ ।

ଓଁ ଶ୍ରୀଂ ହ୍ରୀଂ କ୍ଲୀଂ – ହୃଦଯାଯ ନମଃ ।

ଗ୍ଲୌଂ ଗଂ ଗଣପତଯେ – ଶିରସେ ସ୍ଵାହା ।

ଵରଵରଦ – ଶିଖାଯୈ ଵଷଟ୍ ।

ସର୍ଵଜନଂ ମେ – କଵଚାଯ ହୁମ୍ ।

ଵଶମାନଯ – ନେତ୍ରତ୍ରଯାଯ ଵୌଷଟ୍ ।

ସ୍ଵାହା – ଅସ୍ତ୍ରାଯ ଫଟ୍ ।

ଧ୍ଯାନମ୍ –

ବୀଜାପୂରଗଦେକ୍ଷୁକାର୍ମୁକ ଋଜା ଚକ୍ରାବ୍ଜପାଶୋତ୍ପଲ

ଵ୍ରୀହ୍ଯଗ୍ରସ୍ଵଵିଷାଣରତ୍ନକଲଶପ୍ରୋଦ୍ଯତ୍କରାମ୍ଭୋରୁହଃ ।

ଧ୍ଯେଯୋ ଵଲ୍ଲଭଯା ସପଦ୍ମକରଯା ଶ୍ଲିଷ୍ଟୋଜ୍ଵଲଦ୍ଭୂଷଯା

ଵିଶ୍ଵୋତ୍ପତ୍ତିଵିପତ୍ତିସଂସ୍ଥିତିକରୋ ଵିଘ୍ନେଶ ଇଷ୍ଟାର୍ଥଦଃ ।

ଇତି ଧ୍ଯାତ୍ଵା । ଲଂ ଇତ୍ଯାଦି ମାନସୋପଚାରୈଃ ସମ୍ପୂଜ୍ଯ କଵଚଂ ପଠେତ୍ ।

ଓଙ୍କାରୋ ମେ ଶିରଃ ପାତୁ ଶ୍ରୀଙ୍କାରଃ ପାତୁ ଫାଲକମ୍ ।

ହ୍ରୀଂ ବୀଜଂ ମେ ଲଲାଟେଽଵ୍ଯାତ୍ କ୍ଲୀଂ ବୀଜଂ ଭ୍ରୂଯୁଗଂ ମମ ॥ 1 ॥

ଗ୍ଲୌଂ ବୀଜଂ ନେତ୍ରଯୋଃ ପାତୁ ଗଂ ବୀଜଂ ପାତୁ ନାସିକାମ୍ ।

ଗଂ ବୀଜଂ ମୁଖପଦ୍ମେଽଵ୍ଯାଦ୍ମହାସିଦ୍ଧିଫଲପ୍ରଦମ୍ ॥ 2 ॥

ଣକାରୋ ଦନ୍ତଯୋଃ ପାତୁ ପକାରୋ ଲମ୍ବିକାଂ ମମ ।

ତକାରଃ ପାତୁ ମେ ତାଲ୍ଵୋର୍ଯେକାର ଓଷ୍ଠଯୋର୍ମମ ॥ 3 ॥

ଵକାରଃ କଣ୍ଠଦେଶେଽଵ୍ଯାଦ୍ରକାରଶ୍ଚୋପକଣ୍ଠକେ ।

ଦ୍ଵିତୀଯସ୍ତୁ ଵକାରୋ ମେ ହୃଦଯଂ ପାତୁ ସର୍ଵଦା ॥ 4 ॥

ରକାରସ୍ତୁ ଦ୍ଵିତୀଯୋ ଵୈ ଉଭୌ ପାର୍ଶ୍ଵୌ ସଦା ମମ ।

ଦକାର ଉଦରେ ପାତୁ ସକାରୋ ନାଭିମଣ୍ଡଲେ ॥ 5 ॥

ର୍ଵକାରଃ ପାତୁ ମେ ଲିଙ୍ଗଂ ଜକାରଃ ପାତୁ ଗୁହ୍ଯକେ ।

ନକାରଃ ପାତୁ ମେ ଜଙ୍ଘେ ମେକାରୋ ଜାନୁନୋର୍ଦ୍ଵଯୋଃ ॥ 6 ॥

ଵକାରଃ ପାତୁ ମେ ଗୁଲ୍ଫୌ ଶକାରଃ ପାଦଯୋର୍ଦ୍ଵଯୋଃ ।

ମାକାରସ୍ତୁ ସଦା ପାତୁ ଦକ୍ଷପାଦାଙ୍ଗୁଲୀଷୁ ଚ ॥ 7 ॥

ନକାରସ୍ତୁ ସଦା ପାତୁ ଵାମପାଦାଙ୍ଗୁଲୀଷୁ ଚ ।

ଯକାରୋ ମେ ସଦା ପାତୁ ଦକ୍ଷପାଦତଲେ ତଥା ॥ 8 ॥

ସ୍ଵାକାରୋ ବ୍ରହ୍ମରୂପାଖ୍ଯୋ ଵାମପାଦତଲେ ତଥା ।

ହାକାରଃ ସର୍ଵଦା ପାତୁ ସର୍ଵାଙ୍ଗେ ଗଣପଃ ପ୍ରଭୁଃ ॥ 9 ॥

ପୂର୍ଵେ ମାଂ ପାତୁ ଶ୍ରୀରୁଦ୍ରଃ ଶ୍ରୀଂ ହ୍ରୀଂ କ୍ଲୀଂ ଫଟ୍ କଲାଧରଃ ।

ଆଗ୍ନେଯ୍ଯାଂ ମେ ସଦା ପାତୁ ହ୍ରୀଂ ଶ୍ରୀଂ କ୍ଲୀଂ ଲୋକମୋହନଃ ॥ 10 ॥

ଦକ୍ଷିଣେ ଶ୍ରୀଯମଃ ପାତୁ କ୍ରୀଂ ହ୍ରଂ ଐଂ ହ୍ରୀଂ ହ୍ସ୍ରୌଂ ନମଃ ।

ନୈରୃତ୍ଯେ ନିରୃତିଃ ପାତୁ ଆଂ ହ୍ରୀଂ କ୍ରୋଂ କ୍ରୋଂ ନମୋ ନମଃ ॥ 11 ॥

ପଶ୍ଚିମେ ଵରୁଣଃ ପାତୁ ଶ୍ରୀଂ ହ୍ରୀଂ କ୍ଲୀଂ ଫଟ୍ ହ୍ସ୍ରୌଂ ନମଃ ।

ଵାଯୁର୍ମେ ପାତୁ ଵାଯଵ୍ଯେ ହ୍ରୂଂ ହ୍ରୀଂ ଶ୍ରୀଂ ହ୍ସ୍ଫ୍ରେଂ ନମୋ ନମଃ ॥ 12 ॥

ଉତ୍ତରେ ଧନଦଃ ପାତୁ ଶ୍ରୀଂ ହ୍ରୀଂ ଶ୍ରୀଂ ହ୍ରୀଂ ଧନେଶ୍ଵରଃ ।

ଈଶାନ୍ଯେ ପାତୁ ମାଂ ଦେଵୋ ହ୍ରୌଂ ହ୍ରୀଂ ଜୂଂ ସଃ ସଦାଶିଵଃ ॥ 13 ॥

ପ୍ରପନ୍ନପାରିଜାତାଯ ସ୍ଵାହା ମାଂ ପାତୁ ଈଶ୍ଵରଃ ।

ଊର୍ଧ୍ଵଂ ମେ ସର୍ଵଦା ପାତୁ ଗଂ ଗ୍ଲୌଂ କ୍ଲୀଂ ହ୍ସ୍ରୌଂ ନମୋ ନମଃ ॥ 14 ॥

ଅନନ୍ତାଯ ନମଃ ସ୍ଵାହା ଅଧସ୍ତାଦ୍ଦିଶି ରକ୍ଷତୁ ।

ପୂର୍ଵେ ମାଂ ଗଣପଃ ପାତୁ ଦକ୍ଷିଣେ କ୍ଷେତ୍ରପାଲକଃ ॥ 15 ॥

ପଶ୍ଚିମେ ପାତୁ ମାଂ ଦୁର୍ଗା ଐଂ ହ୍ରୀଂ କ୍ଲୀଂ ଚଣ୍ଡିକା ଶିଵା ।

ଉତ୍ତରେ ଵଟୁକଃ ପାତୁ ହ୍ରୀଂ ଵଂ ଵଂ ଵଟୁକଃ ଶିଵଃ ॥ 16 ॥

ସ୍ଵାହା ସର୍ଵାର୍ଥସିଦ୍ଧେଶ୍ଚ ଦାଯକୋ ଵିଶ୍ଵନାଯକଃ ।

ପୁନଃ ପୂର୍ଵେ ଚ ମାଂ ପାତୁ ଶ୍ରୀମାନସିତଭୈରଵଃ ॥ 17 ॥

ଆଗ୍ନେଯ୍ଯାଂ ପାତୁ ନୋ ହ୍ରୀଂ ହ୍ରୀଂ ହ୍ରୁଂ କ୍ରୋଂ କ୍ରୋଂ ରୁରୁଭୈରଵଃ ।

ଦକ୍ଷିଣେ ପାତୁ ମାଂ କ୍ରୌଂ କ୍ରୋଂ ହ୍ରୈଂ ହ୍ରୈଂ ମେ ଚଣ୍ଡଭୈରଵଃ ॥ 18 ॥

ନୈରୃତ୍ଯେ ପାତୁ ମାଂ ହ୍ରୀଂ ହ୍ରୂଂ ହ୍ରୌଂ ହ୍ରୌଂ ହ୍ରୀଂ ହ୍ସ୍ରୈଂ ନମୋ ନମଃ ।

ସ୍ଵାହା ମେ ସର୍ଵଭୂତାତ୍ମା ପାତୁ ମାଂ କ୍ରୋଧଭୈରଵଃ ॥ 19 ॥

ପଶ୍ଚିମେ ଈଶ୍ଵରଃ ପାତୁ କ୍ରୀଂ କ୍ଲୀଂ ଉନ୍ମତ୍ତଭୈରଵଃ ।

ଵାଯଵ୍ଯେ ପାତୁ ମାଂ ହ୍ରୀଂ କ୍ଲୀଂ କପାଲୀ କମଲେକ୍ଷଣଃ ॥ 20 ॥

ଉତ୍ତରେ ପାତୁ ମାଂ ଦେଵୋ ହ୍ରୀଂ ହ୍ରୀଂ ଭୀଷଣଭୈରଵଃ ।

ଈଶାନ୍ଯେ ପାତୁ ମାଂ ଦେଵଃ କ୍ଲୀଂ ହ୍ରୀଂ ସଂହାରଭୈରଵଃ ॥ 21 ॥

ଊର୍ଧ୍ଵଂ ମେ ପାତୁ ଦେଵେଶଃ ଶ୍ରୀସମ୍ମୋହନଭୈରଵଃ ।

ଅଧସ୍ତାଦ୍ଵଟୁକଃ ପାତୁ ସର୍ଵତଃ କାଲଭୈରଵଃ ॥ 22 ॥

ଇତୀଦଂ କଵଚଂ ଦିଵ୍ଯଂ ବ୍ରହ୍ମଵିଦ୍ଯାକଲେଵରମ୍ ।

ଗୋପନୀଯଂ ପ୍ରଯତ୍ନେନ ଯଦୀଚ୍ଛେଦାତ୍ମନଃ ସୁଖମ୍ ॥ 23 ॥

ଜନନୀଜାରଵଦ୍ଗୋପ୍ଯା ଵିଦ୍ଯୈଷେତ୍ଯାଗମା ଜଗୁଃ ।

ଅଷ୍ଟମ୍ଯାଂ ଚ ଚତୁର୍ଦଶ୍ଯାଂ ସଙ୍କ୍ରାନ୍ତୌ ଗ୍ରହଣେଷ୍ଵପି ॥ 24 ॥

ଭୌମେଽଵଶ୍ଯଂ ପଠେଦ୍ଧୀରୋ ମୋହଯତ୍ଯଖିଲଂ ଜଗତ୍ ।

ଏକାଵୃତ୍ଯା ଭଵେଦ୍ଵିଦ୍ଯା ଦ୍ଵିରାଵୃତ୍ଯା ଧନଂ ଲଭେତ୍ ॥ 25 ॥

ତ୍ରିରାଵୃତ୍ଯା ରାଜଵଶ୍ଯଂ ତୁର୍ଯାଵୃତ୍ଯାଽଖିଲାଃ ପ୍ରଜାଃ ।

ପଞ୍ଚାଵୃତ୍ଯା ଗ୍ରାମଵଶ୍ଯଂ ଷଡାଵୃତ୍ଯା ଚ ମନ୍ତ୍ରିଣଃ ॥ 26 ॥

ସପ୍ତାଵୃତ୍ଯା ସଭାଵଶ୍ଯା ଅଷ୍ଟାଵୃତ୍ଯା ଭୁଵଃ ଶ୍ରିଯମ୍ ।

ନଵାଵୃତ୍ଯା ଚ ନାରୀଣାଂ ସର୍ଵାକର୍ଷଣକାରକମ୍ ॥ 27 ॥

ଦଶାଵୃତ୍ତୀଃ ପଠେନ୍ନିତ୍ଯଂ ଷଣ୍ମାସାଭ୍ଯାସଯୋଗତଃ ।

ଦେଵତା ଵଶମାଯାତି କିଂ ପୁନର୍ମାନଵା ଭୁଵି ॥ 28 ॥

କଵଚସ୍ଯ ଚ ଦିଵ୍ଯସ୍ଯ ସହସ୍ରାଵର୍ତନାନ୍ନରଃ ।

ଦେଵତାଦର୍ଶନଂ ସଦ୍ଯୋ ନାତ୍ରକାର୍ଯା ଵିଚାରଣା ॥ 29 ॥

ଅର୍ଧରାତ୍ରେ ସମୁତ୍ଥାଯ ଚତୁର୍ଥ୍ଯାଂ ଭୃଗୁଵାସରେ ।

ରକ୍ତମାଲାମ୍ବରଧରୋ ରକ୍ତଗନ୍ଧାନୁଲେପନଃ ॥ 30 ॥

ସାଵଧାନେନ ମନସା ପଠେଦେକୋତ୍ତରଂ ଶତମ୍ ।

ସ୍ଵପ୍ନେ ମୂର୍ତିମଯଂ ଦେଵଂ ପଶ୍ଯତ୍ଯେଵ ନ ସଂଶଯଃ ॥ 31 ॥

ଇଦଂ କଵଚମଜ୍ଞାତ୍ଵା ଗଣେଶଂ ଭଜତେ ନରଃ ।

କୋଟିଲକ୍ଷଂ ପ୍ରଜପ୍ତ୍ଵାପି ନ ମନ୍ତ୍ରଂ ସିଦ୍ଧିଦୋ ଭଵେତ୍ ॥ 32 ॥

ପୁଷ୍ପାଞ୍ଜଲ୍ଯଷ୍ଟକଂ ଦତ୍ଵା ମୂଲେନୈଵ ସକୃତ୍ ପଠେତ୍ ।

ଅପିଵର୍ଷସହସ୍ରାଣାଂ ପୂଜାଯାଃ ଫଲମାପ୍ନୁଯାତ୍ ॥ 33 ॥

ଭୂର୍ଜେ ଲିଖିତ୍ଵା ସ୍ଵର୍ଣସ୍ତାଂ ଗୁଟିକାଂ ଧାରଯେଦ୍ଯଦି ।

କଣ୍ଠେ ଵା ଦକ୍ଷିଣେ ବାହୌ ସକୁର୍ଯାଦ୍ଦାସଵଜ୍ଜଗତ୍ ॥ 34 ॥

ନ ଦେଯଂ ପରଶିଷ୍ଯେଭ୍ଯୋ ଦେଯଂ ଶିଷ୍ଯେଭ୍ଯ ଏଵ ଚ ।

ଅଭକ୍ତେଭ୍ଯୋପି ପୁତ୍ରେଭ୍ଯୋ ଦତ୍ଵା ନରକମାପ୍ନୁଯାତ୍ ॥ 35 ॥

ଗଣେଶଭକ୍ତିଯୁକ୍ତାଯ ସାଧଵେ ଚ ପ୍ରଯତ୍ନତଃ ।

ଦାତଵ୍ଯଂ ତେନ ଵିଘ୍ନେଶଃ ସୁପ୍ରସନ୍ନୋ ଭଵିଷ୍ଯତି ॥ 36 ॥

ଇତି ଶ୍ରୀଦେଵୀରହସ୍ଯେ ଶ୍ରୀମହାଗଣପତି ମନ୍ତ୍ରଵିଗ୍ରହକଵଚଂ ସମ୍ପୂର୍ଣମ୍ ।

Roman (IAST) Transliteration

karanyāsaḥ |

oṃ śrīṃ hrīṃ klīṃ – aṅguṣṭhābhyāṃ namaḥ |

glauṃ gaṃ gaṇapataye – tarjanībhyāṃ namaḥ |

varavarada – madhyamābhyāṃ namaḥ |

sarvajanaṃ me – anāmikābhyāṃ namaḥ |

vaśamānaya – kaniṣṭhikābhyāṃ namaḥ |

svāhā – karatala karapṛṣṭhābhyāṃ namaḥ |

nyāsaḥ |

oṃ śrīṃ hrīṃ klīṃ – hṛdayāya namaḥ |

glauṃ gaṃ gaṇapataye – śirase svāhā |

varavarada – śikhāyai vaṣaṭ |

sarvajanaṃ me – kavacāya hum |

vaśamānaya – netratrayāya vauṣaṭ |

svāhā – astrāya phaṭ |

dhyānam –

bījāpūragadekṣukārmuka ṛjā cakrābjapāśotpala

vrīhyagrasvaviṣāṇaratnakalaśaprodyatkarāmbhoruhaḥ |

dhyeyo vallabhayā sapadmakarayā śliṣṭojvaladbhūṣayā

viśvotpattivipattisaṃsthitikaro vighneśa iṣṭārthadaḥ |

iti dhyātvā | laṃ ityādi mānasopacāraiḥ sampūjya kavacaṃ paṭhet |

oṅkāro me śiraḥ pātu śrīṅkāraḥ pātu phālakam |

hrīṃ bījaṃ me lalāṭe'vyāt klīṃ bījaṃ bhrūyugaṃ mama || 1 ||

glauṃ bījaṃ netrayoḥ pātu gaṃ bījaṃ pātu nāsikām |

gaṃ bījaṃ mukhapadme'vyādmahāsiddhiphalapradam || 2 ||

ṇakāro dantayoḥ pātu pakāro lambikāṃ mama |

takāraḥ pātu me tālvoryekāra oṣṭhayormama || 3 ||

vakāraḥ kaṇṭhadeśe'vyādrakāraścopakaṇṭhake |

dvitīyastu vakāro me hṛdayaṃ pātu sarvadā || 4 ||

rakārastu dvitīyo vai ubhau pārśvau sadā mama |

dakāra udare pātu sakāro nābhimaṇḍale || 5 ||

rvakāraḥ pātu me liṅgaṃ jakāraḥ pātu guhyake |

nakāraḥ pātu me jaṅghe mekāro jānunordvayoḥ || 6 ||

vakāraḥ pātu me gulphau śakāraḥ pādayordvayoḥ |

mākārastu sadā pātu dakṣapādāṅgulīṣu ca || 7 ||

nakārastu sadā pātu vāmapādāṅgulīṣu ca |

yakāro me sadā pātu dakṣapādatale tathā || 8 ||

svākāro brahmarūpākhyo vāmapādatale tathā |

hākāraḥ sarvadā pātu sarvāṅge gaṇapaḥ prabhuḥ || 9 ||

pūrve māṃ pātu śrīrudraḥ śrīṃ hrīṃ klīṃ phaṭ kalādharaḥ |

āgneyyāṃ me sadā pātu hrīṃ śrīṃ klīṃ lokamohanaḥ || 10 ||

dakṣiṇe śrīyamaḥ pātu krīṃ hraṃ aiṃ hrīṃ hsrauṃ namaḥ |

nairṛtye nirṛtiḥ pātu āṃ hrīṃ kroṃ kroṃ namo namaḥ || 11 ||

paścime varuṇaḥ pātu śrīṃ hrīṃ klīṃ phaṭ hsrauṃ namaḥ |

vāyurme pātu vāyavye hrūṃ hrīṃ śrīṃ hsphreṃ namo namaḥ || 12 ||

uttare dhanadaḥ pātu śrīṃ hrīṃ śrīṃ hrīṃ dhaneśvaraḥ |

īśānye pātu māṃ devo hrauṃ hrīṃ jūṃ saḥ sadāśivaḥ || 13 ||

prapannapārijātāya svāhā māṃ pātu īśvaraḥ |

ūrdhvaṃ me sarvadā pātu gaṃ glauṃ klīṃ hsrauṃ namo namaḥ || 14 ||

anantāya namaḥ svāhā adhastāddiśi rakṣatu |

pūrve māṃ gaṇapaḥ pātu dakṣiṇe kṣetrapālakaḥ || 15 ||

paścime pātu māṃ durgā aiṃ hrīṃ klīṃ caṇḍikā śivā |

uttare vaṭukaḥ pātu hrīṃ vaṃ vaṃ vaṭukaḥ śivaḥ || 16 ||

svāhā sarvārthasiddheśca dāyako viśvanāyakaḥ |

punaḥ pūrve ca māṃ pātu śrīmānasitabhairavaḥ || 17 ||

āgneyyāṃ pātu no hrīṃ hrīṃ hruṃ kroṃ kroṃ rurubhairavaḥ |

dakṣiṇe pātu māṃ krauṃ kroṃ hraiṃ hraiṃ me caṇḍabhairavaḥ || 18 ||

nairṛtye pātu māṃ hrīṃ hrūṃ hrauṃ hrauṃ hrīṃ hsraiṃ namo namaḥ |

svāhā me sarvabhūtātmā pātu māṃ krodhabhairavaḥ || 19 ||

paścime īśvaraḥ pātu krīṃ klīṃ unmattabhairavaḥ |

vāyavye pātu māṃ hrīṃ klīṃ kapālī kamalekṣaṇaḥ || 20 ||

uttare pātu māṃ devo hrīṃ hrīṃ bhīṣaṇabhairavaḥ |

īśānye pātu māṃ devaḥ klīṃ hrīṃ saṃhārabhairavaḥ || 21 ||

ūrdhvaṃ me pātu deveśaḥ śrīsammohanabhairavaḥ |

adhastādvaṭukaḥ pātu sarvataḥ kālabhairavaḥ || 22 ||

itīdaṃ kavacaṃ divyaṃ brahmavidyākalevaram |

gopanīyaṃ prayatnena yadīcchedātmanaḥ sukham || 23 ||

jananījāravadgopyā vidyaiṣetyāgamā jaguḥ |

aṣṭamyāṃ ca caturdaśyāṃ saṅkrāntau grahaṇeṣvapi || 24 ||

bhaume'vaśyaṃ paṭheddhīro mohayatyakhilaṃ jagat |

ekāvṛtyā bhavedvidyā dvirāvṛtyā dhanaṃ labhet || 25 ||

trirāvṛtyā rājavaśyaṃ turyāvṛtyā'khilāḥ prajāḥ |

pañcāvṛtyā grāmavaśyaṃ ṣaḍāvṛtyā ca mantriṇaḥ || 26 ||

saptāvṛtyā sabhāvaśyā aṣṭāvṛtyā bhuvaḥ śriyam |

navāvṛtyā ca nārīṇāṃ sarvākarṣaṇakārakam || 27 ||

daśāvṛttīḥ paṭhennityaṃ ṣaṇmāsābhyāsayogataḥ |

devatā vaśamāyāti kiṃ punarmānavā bhuvi || 28 ||

kavacasya ca divyasya sahasrāvartanānnaraḥ |

devatādarśanaṃ sadyo nātrakāryā vicāraṇā || 29 ||

ardharātre samutthāya caturthyāṃ bhṛguvāsare |

raktamālāmbaradharo raktagandhānulepanaḥ || 30 ||

sāvadhānena manasā paṭhedekottaraṃ śatam |

svapne mūrtimayaṃ devaṃ paśyatyeva na saṃśayaḥ || 31 ||

idaṃ kavacamajñātvā gaṇeśaṃ bhajate naraḥ |

koṭilakṣaṃ prajaptvāpi na mantraṃ siddhido bhavet || 32 ||

puṣpāñjalyaṣṭakaṃ datvā mūlenaiva sakṛt paṭhet |

apivarṣasahasrāṇāṃ pūjāyāḥ phalamāpnuyāt || 33 ||

bhūrje likhitvā svarṇastāṃ guṭikāṃ dhārayedyadi |

kaṇṭhe vā dakṣiṇe bāhau sakuryāddāsavajjagat || 34 ||

na deyaṃ paraśiṣyebhyo deyaṃ śiṣyebhya eva ca |

abhaktebhyopi putrebhyo datvā narakamāpnuyāt || 35 ||

gaṇeśabhaktiyuktāya sādhave ca prayatnataḥ |

dātavyaṃ tena vighneśaḥ suprasanno bhaviṣyati || 36 ||

iti śrīdevīrahasye śrīmahāgaṇapati mantravigrahakavacaṃ sampūrṇam |