Ketu Ashtottara Shata Nama Stotram

ॐ

କେତୁ ଅଷ୍ଟୋତ୍ତର ଶତ ନାମ ସ୍ତୋତ୍ରମ୍

Tara Ashtottara Sata Namavali Oriya

ଶୃଣୁ ନାମାନି ଜପ୍ଯାନି କେତୋ ରଥ ମହାମତେ ।

କେତୁଃ ସ୍ଥୂଲଶିରାଶ୍ଚୈଵ ଶିରୋମାତ୍ରୋ ଧ୍ଵଜାକୃତିଃ ॥ 1 ॥

ନଵଗ୍ରହଯୁତଃ ସିଂହିକାସୁରୀଗର୍ଭସମ୍ଭଵଃ ।

ମହାଭୀତିକରଶ୍ଚିତ୍ରଵର୍ଣୋ ଵୈ ପିଙ୍ଗଲାକ୍ଷକଃ ॥ 2 ॥

ସ ଫଲୋଧୂମ୍ରସଙ୍କାଶଃ ତୀକ୍ଷ୍ଣଦଂଷ୍ଟ୍ରୋ ମହୋରଗଃ ।

ରକ୍ତନେତ୍ରଶ୍ଚିତ୍ରକାରୀ ତୀଵ୍ରକୋପୋ ମହାସୁରଃ ॥ 3 ॥

କ୍ରୂରକଣ୍ଠଃ କ୍ରୋଧନିଧିଶ୍ଛାଯାଗ୍ରହଵିଶେଷକଃ ।

ଅନ୍ତ୍ଯଗ୍ରହୋ ମହାଶୀର୍ଷୋ ସୂର୍ଯାରିଃ ପୁଷ୍ପଵଦ୍ଗ୍ରହୀ ॥ 4 ॥

ଵରହସ୍ତୋ ଗଦାପାଣିଶ୍ଚିତ୍ରଵସ୍ତ୍ରଧରସ୍ତଥା ।

ଚିତ୍ରଧ୍ଵଜପତାକଶ୍ଚ ଘୋରଶ୍ଚିତ୍ରରଥଃ ଶିଖୀ ॥ 5 ॥

କୁଲୁତ୍ଥଭକ୍ଷକଶ୍ଚୈଵ ଵୈଡୂର୍ଯାଭରଣସ୍ତଥା ।

ଉତ୍ପାତଜନକଃ ଶୁକ୍ରମିତ୍ରଂ ମନ୍ଦସଖସ୍ତଥା ॥ 6 ॥

ଗଦାଧରଃ ନାକପତିଃ ଅନ୍ତର୍ଵେଦୀଶ୍ଵରସ୍ତଥା ।

ଜୈମିନୀଗୋତ୍ରଜଶ୍ଚିତ୍ରଗୁପ୍ତାତ୍ମା ଦକ୍ଷିଣାମୁଖଃ ॥ 7 ॥

ମୁକୁନ୍ଦଵରପାତ୍ରଂ ଚ ମହାସୁରକୁଲୋଦ୍ଭଵଃ ।

ଘନଵର୍ଣୋ ଲମ୍ବଦେହୋ ମୃତ୍ଯୁପୁତ୍ରସ୍ତଥୈଵ ଚ ॥ 8 ॥

ଉତ୍ପାତରୂପଧାରୀ ଚାଽଦୃଶ୍ଯଃ କାଲାଗ୍ନିସନ୍ନିଭଃ ।

ନୃପୀଡୋ ଗ୍ରହକାରୀ ଚ ସର୍ଵୋପଦ୍ରଵକାରକଃ ॥ 9 ॥

ଚିତ୍ରପ୍ରସୂତୋ ହ୍ଯନଲଃ ସର୍ଵଵ୍ଯାଧିଵିନାଶକଃ ।

ଅପସଵ୍ଯପ୍ରଚାରୀ ଚ ନଵମେ ପାପଦାଯକଃ ॥ 10 ॥

ପଞ୍ଚମେ ଶୋକଦଶ୍ଚୋପରାଗଖେଚର ଏଵ ଚ ।

ଅତିପୁରୁଷକର୍ମା ଚ ତୁରୀଯେ (ତୁ) ସୁଖପ୍ରଦଃ ॥ 11 ॥

ତୃତୀଯେ ଵୈରଦଃ ପାପଗ୍ରହଶ୍ଚ ସ୍ଫୋଟକାରକଃ ।

ପ୍ରାଣନାଥଃ ପଞ୍ଚମେ ତୁ ଶ୍ରମକାରକ ଏଵ ଚ ॥ 12 ॥

ଦ୍ଵିତୀଯେଽସ୍ଫୁଟଵାଗ୍ଦାତା ଵିଷାକୁଲିତଵକ୍ତ୍ରକଃ ।

କାମରୂପୀ ସିଂହଦନ୍ତଃ ସତ୍ଯେପ୍ଯନୃତଵାନପି ॥ 13 ॥

ଚତୁର୍ଥେ ମାତୃନାଶଶ୍ଚ ନଵମେ ପିତୃନାଶକଃ ।

ଅନ୍ତ୍ଯେ ଵୈରପ୍ରଦଶ୍ଚୈଵ ସୁତାନନ୍ଦନବନ୍ଧକଃ ॥ 14 ॥

ସର୍ପାକ୍ଷିଜାତୋଽନଙ୍ଗଶ୍ଚ କର୍ମରାଶ୍ଯୁଦ୍ଭଵସ୍ତଥା ।

ଉପାନ୍ତେ କୀର୍ତିଦଶ୍ଚୈଵ ସପ୍ତମେ କଲହପ୍ରଦଃ ॥ 15 ॥

ଅଷ୍ଟମେ ଵ୍ଯାଧିକର୍ତା ଚ ଧନେ ବହୁସୁଖପ୍ରଦଃ ।

ଜନନେ ରୋଗଦଶ୍ଚୋର୍ଧ୍ଵମୂର୍ଧଜୋ ଗ୍ରହନାଯକଃ ॥ 16 ॥

ପାପଦୃଷ୍ଟିଃ ଖେଚରଶ୍ଚ ଶାମ୍ଭଵୋଽଶେଷପୂଜିତଃ ।

ଶାଶ୍ଵତଶ୍ଚ ନଟଶ୍ଚୈଵ ଶୁଭାଽଶୁଭଫଲପ୍ରଦଃ ॥ 17 ॥

ଧୂମ୍ରଶ୍ଚୈଵ ସୁଧାପାଯୀ ହ୍ଯଜିତୋ ଭକ୍ତଵତ୍ସଲଃ ।

ସିଂହାସନଃ କେତୁମୂର୍ତୀ ରଵୀନ୍ଦୁଦ୍ଯୁତିନାଶକଃ ॥ 18 ॥

ଅମରଃ ପୀଡକୋଽମର୍ତ୍ଯୋ ଵିଷ୍ଣୁଦୃଷ୍ଟୋଽସୁରେଶ୍ଵରଃ ।

ଭକ୍ତରକ୍ଷୋଽଥ ଵୈଚିତ୍ର୍ଯକପଟସ୍ଯନ୍ଦନସ୍ତଥା ॥ 19 ॥

ଵିଚିତ୍ରଫଲଦାଯୀ ଚ ଭକ୍ତାଭୀଷ୍ଟଫଲପ୍ରଦଃ ।

ଏତତ୍କେତୁଗ୍ରହସ୍ଯୋକ୍ତଂ ନାମ୍ନାମଷ୍ଟୋତ୍ତରଂ ଶତମ୍ ॥ 20 ॥

ଯୋ ଭକ୍ତ୍ଯେଦଂ ଜପେତ୍କେତୁର୍ନାମ୍ନାମଷ୍ଟୋତ୍ତରଂ ଶତମ୍ ।

ସ ତୁ କେତୋଃ ପ୍ରସାଦେନ ସର୍ଵାଭୀଷ୍ଟଂ ସମାପ୍ନୁଯାତ୍ ॥ 21 ॥

ଇତି ଶ୍ରୀ କେତୁ ଅଷ୍ଟୋତ୍ତରଶତନାମ ସ୍ତୋତ୍ରମ୍ ।

Roman (IAST) Transliteration

śṛṇu nāmāni japyāni keto ratha mahāmate |

ketuḥ sthūlaśirāścaiva śiromātro dhvajākṛtiḥ || 1 ||

navagrahayutaḥ siṃhikāsurīgarbhasambhavaḥ |

mahābhītikaraścitravarṇo vai piṅgalākṣakaḥ || 2 ||

sa phalodhūmrasaṅkāśaḥ tīkṣṇadaṃṣṭro mahoragaḥ |

raktanetraścitrakārī tīvrakopo mahāsuraḥ || 3 ||

krūrakaṇṭhaḥ krodhanidhiśchāyāgrahaviśeṣakaḥ |

antyagraho mahāśīrṣo sūryāriḥ puṣpavadgrahī || 4 ||

varahasto gadāpāṇiścitravastradharastathā |

citradhvajapatākaśca ghoraścitrarathaḥ śikhī || 5 ||

kulutthabhakṣakaścaiva vaiḍūryābharaṇastathā |

utpātajanakaḥ śukramitraṃ mandasakhastathā || 6 ||

gadādharaḥ nākapatiḥ antarvedīśvarastathā |

jaiminīgotrajaścitraguptātmā dakṣiṇāmukhaḥ || 7 ||

mukundavarapātraṃ ca mahāsurakulodbhavaḥ |

ghanavarṇo lambadeho mṛtyuputrastathaiva ca || 8 ||

utpātarūpadhārī cā'dṛśyaḥ kālāgnisannibhaḥ |

nṛpīḍo grahakārī ca sarvopadravakārakaḥ || 9 ||

citraprasūto hyanalaḥ sarvavyādhivināśakaḥ |

apasavyapracārī ca navame pāpadāyakaḥ || 10 ||

pañcame śokadaścoparāgakhecara eva ca |

atipuruṣakarmā ca turīye (tu) sukhapradaḥ || 11 ||

tṛtīye vairadaḥ pāpagrahaśca sphoṭakārakaḥ |

prāṇanāthaḥ pañcame tu śramakāraka eva ca || 12 ||

dvitīye'sphuṭavāgdātā viṣākulitavaktrakaḥ |

kāmarūpī siṃhadantaḥ satyepyanṛtavānapi || 13 ||

caturthe mātṛnāśaśca navame pitṛnāśakaḥ |

antye vairapradaścaiva sutānandanabandhakaḥ || 14 ||

sarpākṣijāto'naṅgaśca karmarāśyudbhavastathā |

upānte kīrtidaścaiva saptame kalahapradaḥ || 15 ||

aṣṭame vyādhikartā ca dhane bahusukhapradaḥ |

janane rogadaścordhvamūrdhajo grahanāyakaḥ || 16 ||

pāpadṛṣṭiḥ khecaraśca śāmbhavo'śeṣapūjitaḥ |

śāśvataśca naṭaścaiva śubhā'śubhaphalapradaḥ || 17 ||

dhūmraścaiva sudhāpāyī hyajito bhaktavatsalaḥ |

siṃhāsanaḥ ketumūrtī ravīndudyutināśakaḥ || 18 ||

amaraḥ pīḍako'martyo viṣṇudṛṣṭo'sureśvaraḥ |

bhaktarakṣo'tha vaicitryakapaṭasyandanastathā || 19 ||

vicitraphaladāyī ca bhaktābhīṣṭaphalapradaḥ |

etatketugrahasyoktaṃ nāmnāmaṣṭottaraṃ śatam || 20 ||

yo bhaktyedaṃ japetketurnāmnāmaṣṭottaraṃ śatam |

sa tu ketoḥ prasādena sarvābhīṣṭaṃ samāpnuyāt || 21 ||

iti śrī ketu aṣṭottaraśatanāma stotram |