Dashavatara Stuti — InfoLyter.in

ॐ

ଦଶାଵତାର ସ୍ତୁତି

Dashavatara Stuti

Tara Oriya

ନାମସ୍ମରଣାଦନ୍ଯୋପାଯଂ ନ ହି ପଶ୍ଯାମୋ ଭଵତରଣେ ।

ରାମ ହରେ କୃଷ୍ଣ ହରେ ତଵ ନାମ ଵଦାମି ସଦା ନୃହରେ ॥

ଵେଦୋଦ୍ଧାରଵିଚାରମତେ ସୋମକଦାନଵସଂହରଣେ ।

ମୀନାକାରଶରୀର ନମୋ ଭକ୍ତଂ ତେ ପରିପାଲଯ ମାମ୍ ॥ 1 ॥

ମନ୍ଥାନାଚଲଧାରଣହେତୋ ଦେଵାସୁର ପରିପାଲ ଵିଭୋ ।

କୂର୍ମାକାରଶରୀର ନମୋ ଭକ୍ତଂ ତେ ପରିପାଲଯ ମାମ୍ ॥ 2 ॥

ଭୂଚୋରକହର ପୁଣ୍ଯମତେ କ୍ରୀଡୋଦ୍ଧୃତଭୂଦେଵହରେ ।

କ୍ରୋଡାକାରଶରୀର ନମୋ ଭକ୍ତଂ ତେ ପରିପାଲଯ ମାମ୍ ॥ 3 ॥

ହିରଣ୍ଯକଶିପୁଚ୍ଛେଦନହେତୋ ପ୍ରହ୍ଲାଦାଽଭଯଧାରଣହେତୋ ।

ନରସିଂହାଚ୍ଯୁତରୂପ ନମୋ ଭକ୍ତଂ ତେ ପରିପାଲଯ ମାମ୍ ॥ 4 ॥

ଭଵବନ୍ଧନହର ଵିତତମତେ ପାଦୋଦକଵିହତାଘତତେ ।

ଵଟୁପଟୁଵେଷମନୋଜ୍ଞ ନମୋ ଭକ୍ତଂ ତେ ପରିପାଲଯ ମାମ୍ ॥ 5 ॥

କ୍ଷିତିପତିଵଂଶକ୍ଷଯକରମୂର୍ତେ କ୍ଷିତିପତିକର୍ତାହରମୂର୍ତେ ।

ଭୃଗୁକୁଲରାମ ପରେଶ ନମୋ ଭକ୍ତଂ ତେ ପରିପାଲଯ ମାମ୍ ॥ 6 ॥

ସୀତାଵଲ୍ଲଭ ଦାଶରଥେ ଦଶରଥନନ୍ଦନ ଲୋକଗୁରୋ ।

ରାଵଣମର୍ଦନ ରାମ ନମୋ ଭକ୍ତଂ ତେ ପରିପାଲଯ ମାମ୍ ॥ 7 ॥

କୃଷ୍ଣାନନ୍ତ କୃପାଜଲଧେ କଂସାରେ କମଲେଶ ହରେ ।

କାଲିଯମର୍ଦନ ଲୋକଗୁରୋ ଭକ୍ତଂ ତେ ପରିପାଲଯ ମାମ୍ ॥ 8 ॥

ଦାନଵସତିମାନାପହର ତ୍ରିପୁରଵିଜଯମର୍ଦନରୂପ ।

ବୁଦ୍ଧଜ୍ଞାଯ ଚ ବୌଦ୍ଧ ନମୋ ଭକ୍ତଂ ତେ ପରିପାଲଯ ମାମ୍ ॥ 9 ॥

ଶିଷ୍ଟଜନାଵନ ଦୁଷ୍ଟହର ଖଗତୁରଗୋତ୍ତମଵାହନ ତେ ।

କଲ୍କିରୂପପରିପାଲ ନମୋ ଭକ୍ତଂ ତେ ପରିପାଲଯ ମାମ୍ ॥ 10 ॥

ନାମସ୍ମରଣାଦନ୍ଯୋପାଯଂ ନ ହି ପଶ୍ଯାମୋ ଭଵତରଣେ ।

ରାମ ହରେ କୃଷ୍ଣ ହରେ ତଵ ନାମ ଵଦାମି ସଦା ନୃହରେ ॥

ଇତି ଦଶାଵତାର ସ୍ତୁତିଃ ।

Roman (IAST) Transliteration

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

vedoddhāravicāramate somakadānavasaṃharaṇe |

mīnākāraśarīra namo bhaktaṃ te paripālaya mām || 1 ||

manthānācaladhāraṇaheto devāsura paripāla vibho |

kūrmākāraśarīra namo bhaktaṃ te paripālaya mām || 2 ||

bhūcorakahara puṇyamate krīḍoddhṛtabhūdevahare |

kroḍākāraśarīra namo bhaktaṃ te paripālaya mām || 3 ||

hiraṇyakaśipucchedanaheto prahlādā'bhayadhāraṇaheto |

narasiṃhācyutarūpa namo bhaktaṃ te paripālaya mām || 4 ||

bhavabandhanahara vitatamate pādodakavihatāghatate |

vaṭupaṭuveṣamanojña namo bhaktaṃ te paripālaya mām || 5 ||

kṣitipativaṃśakṣayakaramūrte kṣitipatikartāharamūrte |

bhṛgukularāma pareśa namo bhaktaṃ te paripālaya mām || 6 ||

sītāvallabha dāśarathe daśarathanandana lokaguro |

rāvaṇamardana rāma namo bhaktaṃ te paripālaya mām || 7 ||

kṛṣṇānanta kṛpājaladhe kaṃsāre kamaleśa hare |

kāliyamardana lokaguro bhaktaṃ te paripālaya mām || 8 ||

dānavasatimānāpahara tripuravijayamardanarūpa |

buddhajñāya ca bauddha namo bhaktaṃ te paripālaya mām || 9 ||

śiṣṭajanāvana duṣṭahara khagaturagottamavāhana te |

kalkirūpaparipāla namo bhaktaṃ te paripālaya mām || 10 ||

nāmasmaraṇādanyopāyaṃ na hi paśyāmo bhavataraṇe |

rāma hare kṛṣṇa hare tava nāma vadāmi sadā nṛhare ||

iti daśāvatāra stutiḥ |