yo brahmā brahmaṇa ṷjjahā॒ra prā॒ṇai-śśi॒raḥ kṛttivāsāḥ᳚ pinā॒kī |
īśāno deva-ssa na āyṷrdadhā॒tu॒ tasmai juhomi haviṣā̭ ghṛte॒na || 1 ||
vibhrājamāna-ssarira̭sya ma॒dhyā॒-dro॒ca॒mā॒no gharmaruci̭rya ā॒gāt |
sa mṛtyupāśānapanṷdya gho॒rā॒ni॒hā॒yu॒ṣe॒ṇo ghṛtama̭ttu de॒vaḥ || 2 ||
brahmajyoti-rbrahma-patnī̭ṣu ga॒rbhaṃ॒-ya~॒mā॒da॒dhā-tpururūpa̭-ñjaya॒ntam |
suvarṇarambhagraha-ma̭rkama॒rcya॒-nta॒mā॒yu॒ṣe vardhayāmo̭ ghṛte॒na || 3 ||
śriyaṃ-la~kṣmī-maubalā-mambikā॒-ṅgāṃ॒ ṣa॒ṣṭhī-ñca yā॒mindrasene᳚tyudā॒huḥ |
tāṃ-vi~dyā-mbrahmayonigṃ̭ sarū॒pā॒mi॒hā॒yu॒ṣe tarpayāmo̭ ghṛte॒na || 4 ||
dākṣāyaṇya-ssarvayonyaḥ̭ sa yo॒nya॒-ssa॒ha॒sra॒śo viśvarūpā̭ virū॒pāḥ |
sasūnava-ssapatayaḥ̭ sayū॒thyā॒ ā॒yu॒ṣe॒ṇo ghṛtamida̭-ñjuṣa॒ntām || 5 ||
divyā gaṇā bahurūpāḥ᳚ purā॒ṇā॒ āyuśchido naḥ pramathna̭ntu vī॒rān |
tebhyo juhomi bahudhā̭ ghṛte॒na॒ mā॒ naḥ॒ pra॒jāgṃ rīriṣo mo̭ta vī॒rān || 6 ||
e॒kaḥ॒ pu॒ra॒stāt ya ida̭-mbabhū॒va॒ yato babhūva bhuvana̭sya go॒pāḥ |
yamapyeti bhuvanagṃ sā᳚mparā॒ye॒ sa no havirghṛta-mihāyuṣe᳚ttu de॒vaḥ || 7 ||
va॒sū॒-nrudrā̭-nādi॒tyā-nmaruto̭-'tha sā॒dhyā॒n ṛ̭bhūn ya॒kṣā॒-ngandharvāgśca pitṝgśca vi॒śvān |
bhṛgūn sarpāgścāṅgiraso̭-'tha sa॒rvā॒-nghṛ॒ta॒gṃ hu॒tvā svāyuṣyā mahayā̭ma śa॒śvat || 8 ||
viṣṇo॒ tva-nno॒ anta̭ma॒śśarma̭yaccha sahantya |
prate॒dhārā̭ madhu॒ścuta॒ uthsa̭-nduhrate॒ akṣi̭tam ||
|| oṃ śānti॒-śśānti॒-śśāntiḥ̭ ||