Ganesha Kavacham — InfoLyter.in

ॐ

गणेश कवचम्

Ganesha Kavacham

Ganesha Kavacham Devanagari

एषोति चपलो दैत्यान् बाल्येपि नाशयत्यहो ।

अग्रे किं कर्म कर्तेति न जाने मुनिसत्तम ॥ 1 ॥

दैत्या नानाविधा दुष्टास्साधु देवद्रुमः खलाः ।

अतोस्य कण्ठे किञ्चित्त्यं रक्षां सम्बद्धुमर्हसि ॥ 2 ॥

ध्यायेत् सिंहगतं विनायकममुं दिग्बाहु माद्ये युगे

त्रेतायां तु मयूर वाहनममुं षड्बाहुकं सिद्धिदम् । ई

द्वापरेतु गजाननं युगभुजं रक्ताङ्गरागं विभुं तुर्ये

तु द्विभुजं सिताङ्गरुचिरं सर्वार्थदं सर्वदा ॥ 3 ॥

विनायक श्शिखाम्पातु परमात्मा परात्परः ।

अतिसुन्दर कायस्तु मस्तकं सुमहोत्कटः ॥ 4 ॥

ललाटं कश्यपः पातु भ्रूयुगं तु महोदरः ।

नयने बालचन्द्रस्तु गजास्यस्त्योष्ठ पल्लवौ ॥ 5 ॥

जिह्वां पातु गजक्रीडश्चुबुकं गिरिजासुतः ।

वाचं विनायकः पातु दन्तान् रक्षतु दुर्मुखः ॥ 6 ॥

श्रवणौ पाशपाणिस्तु नासिकां चिन्तितार्थदः ।

गणेशस्तु मुखं पातु कण्ठं पातु गणाधिपः ॥ 7 ॥

स्कन्धौ पातु गजस्कन्धः स्तने विघ्नविनाशनः ।

हृदयं गणनाथस्तु हेरम्बो जठरं महान् ॥ 8 ॥

धराधरः पातु पार्श्वौ पृष्ठं विघ्नहरश्शुभः ।

लिङ्गं गुह्यं सदा पातु वक्रतुण्डो महाबलः ॥ 9 ॥

गजक्रीडो जानु जङ्घो ऊरू मङ्गलकीर्तिमान् ।

एकदन्तो महाबुद्धिः पादौ गुल्फौ सदावतु ॥ 10 ॥

क्षिप्र प्रसादनो बाहु पाणी आशाप्रपूरकः ।

अङ्गुलीश्च नखान् पातु पद्महस्तो रिनाशनः ॥ 11 ॥

सर्वाङ्गानि मयूरेशो विश्वव्यापी सदावतु ।

अनुक्तमपि यत् स्थानं धूमकेतुः सदावतु ॥ 12 ॥

आमोदस्त्वग्रतः पातु प्रमोदः पृष्ठतोवतु ।

प्राच्यां रक्षतु बुद्धीश आग्नेय्यां सिद्धिदायकः ॥ 13 ॥

दक्षिणस्यामुमापुत्रो नैऋत्यां तु गणेश्वरः ।

प्रतीच्यां विघ्नहर्ता व्याद्वायव्यां गजकर्णकः ॥ 14 ॥

कौबेर्यां निधिपः पायादीशान्याविशनन्दनः ।

दिवाव्यादेकदन्त स्तु रात्रौ सन्ध्यासु यःविघ्नहृत् ॥ 15 ॥

राक्षसासुर बेताल ग्रह भूत पिशाचतः ।

पाशाङ्कुशधरः पातु रजस्सत्त्वतमस्स्मृतीः ॥ 16 ॥

ज्ञानं धर्मं च लक्ष्मी च लज्जां कीर्तिं तथा कुलम् । ई

वपुर्धनं च धान्यं च गृहं दारास्सुतान्सखीन् ॥ 17 ॥

सर्वायुध धरः पौत्रान् मयूरेशो वतात् सदा ।

कपिलो जानुकं पातु गजाश्वान् विकटोवतु ॥ 18 ॥

भूर्जपत्रे लिखित्वेदं यः कण्ठे धारयेत् सुधीः ।

न भयं जायते तस्य यक्ष रक्षः पिशाचतः ॥ 19 ॥

त्रिसन्ध्यं जपते यस्तु वज्रसार तनुर्भवेत् ।

यात्राकाले पठेद्यस्तु निर्विघ्नेन फलं लभेत् ॥ 20 ॥

युद्धकाले पठेद्यस्तु विजयं चाप्नुयाद्ध्रुवम् ।

मारणोच्चाटनाकर्ष स्तम्भ मोहन कर्मणि ॥ 21 ॥

सप्तवारं जपेदेतद्दनानामेकविंशतिः ।

तत्तत्फलमवाप्नोति साधको नात्र संशयः ॥ 22 ॥

एकविंशतिवारं च पठेत्तावद्दिनानि यः ।

कारागृहगतं सद्यो राज्ञावध्यं च मोचयोत् ॥ 23 ॥

राजदर्शन वेलायां पठेदेतत् त्रिवारतः ।

स राजानं वशं नीत्वा प्रकृतीश्च सभां जयेत् ॥ 24 ॥

इदं गणेशकवचं कश्यपेन सविरितम् ।

मुद्गलाय च ते नाथ माण्डव्याय महर्षये ॥ 25 ॥

मह्यं स प्राह कृपया कवचं सर्व सिद्धिदम् ।

न देयं भक्तिहीनाय देयं श्रद्धावते शुभम् ॥ 26 ॥

अनेनास्य कृता रक्षा न बाधास्य भवेत् व्याचित् ।

राक्षसासुर बेताल दैत्य दानव सम्भवाः ॥ 27 ॥

॥ इति श्री गणेशपुराणे श्री गणेश कवचं सम्पूर्णम् ॥

Roman (IAST) Transliteration

eṣoti capalo daityān bālyepi nāśayatyaho |

agre kiṃ karma karteti na jāne munisattama || 1 ||

daityā nānāvidhā duṣṭāssādhu devadrumaḥ khalāḥ |

atosya kaṇṭhe kiñcittyaṃ rakṣāṃ sambaddhumarhasi || 2 ||

dhyāyet siṃhagataṃ vināyakamamuṃ digbāhu mādye yuge

tretāyāṃ tu mayūra vāhanamamuṃ ṣaḍbāhukaṃ siddhidam | ī

dvāparetu gajānanaṃ yugabhujaṃ raktāṅgarāgaṃ vibhuṃ turye

tu dvibhujaṃ sitāṅgaruciraṃ sarvārthadaṃ sarvadā || 3 ||

vināyaka śśikhāmpātu paramātmā parātparaḥ |

atisundara kāyastu mastakaṃ sumahotkaṭaḥ || 4 ||

lalāṭaṃ kaśyapaḥ pātu bhrūyugaṃ tu mahodaraḥ |

nayane bālacandrastu gajāsyastyoṣṭha pallavau || 5 ||

jihvāṃ pātu gajakrīḍaścubukaṃ girijāsutaḥ |

vācaṃ vināyakaḥ pātu dantān rakṣatu durmukhaḥ || 6 ||

śravaṇau pāśapāṇistu nāsikāṃ cintitārthadaḥ |

gaṇeśastu mukhaṃ pātu kaṇṭhaṃ pātu gaṇādhipaḥ || 7 ||

skandhau pātu gajaskandhaḥ stane vighnavināśanaḥ |

hṛdayaṃ gaṇanāthastu herambo jaṭharaṃ mahān || 8 ||

dharādharaḥ pātu pārśvau pṛṣṭhaṃ vighnaharaśśubhaḥ |

liṅgaṃ guhyaṃ sadā pātu vakratuṇḍo mahābalaḥ || 9 ||

gajakrīḍo jānu jaṅgho ūrū maṅgalakīrtimān |

ekadanto mahābuddhiḥ pādau gulphau sadāvatu || 10 ||

kṣipra prasādano bāhu pāṇī āśāprapūrakaḥ |

aṅgulīśca nakhān pātu padmahasto rināśanaḥ || 11 ||

sarvāṅgāni mayūreśo viśvavyāpī sadāvatu |

anuktamapi yat sthānaṃ dhūmaketuḥ sadāvatu || 12 ||

āmodastvagrataḥ pātu pramodaḥ pṛṣṭhatovatu |

prācyāṃ rakṣatu buddhīśa āgneyyāṃ siddhidāyakaḥ || 13 ||

dakṣiṇasyāmumāputro naiṛtyāṃ tu gaṇeśvaraḥ |

pratīcyāṃ vighnahartā vyādvāyavyāṃ gajakarṇakaḥ || 14 ||

kauberyāṃ nidhipaḥ pāyādīśānyāviśanandanaḥ |

divāvyādekadanta stu rātrau sandhyāsu yaḥvighnahṛt || 15 ||

rākṣasāsura betāla graha bhūta piśācataḥ |

pāśāṅkuśadharaḥ pātu rajassattvatamassmṛtīḥ || 16 ||

jñānaṃ dharmaṃ ca lakṣmī ca lajjāṃ kīrtiṃ tathā kulam | ī

vapurdhanaṃ ca dhānyaṃ ca gṛhaṃ dārāssutānsakhīn || 17 ||

sarvāyudha dharaḥ pautrān mayūreśo vatāt sadā |

kapilo jānukaṃ pātu gajāśvān vikaṭovatu || 18 ||

bhūrjapatre likhitvedaṃ yaḥ kaṇṭhe dhārayet sudhīḥ |

na bhayaṃ jāyate tasya yakṣa rakṣaḥ piśācataḥ || 19 ||

trisandhyaṃ japate yastu vajrasāra tanurbhavet |

yātrākāle paṭhedyastu nirvighnena phalaṃ labhet || 20 ||

yuddhakāle paṭhedyastu vijayaṃ cāpnuyāddhruvam |

māraṇoccāṭanākarṣa stambha mohana karmaṇi || 21 ||

saptavāraṃ japedetaddanānāmekaviṃśatiḥ |

tattatphalamavāpnoti sādhako nātra saṃśayaḥ || 22 ||

ekaviṃśativāraṃ ca paṭhettāvaddināni yaḥ |

kārāgṛhagataṃ sadyo rājñāvadhyaṃ ca mocayot || 23 ||

rājadarśana velāyāṃ paṭhedetat trivārataḥ |

sa rājānaṃ vaśaṃ nītvā prakṛtīśca sabhāṃ jayet || 24 ||

idaṃ gaṇeśakavacaṃ kaśyapena saviritam |

mudgalāya ca te nātha māṇḍavyāya maharṣaye || 25 ||

mahyaṃ sa prāha kṛpayā kavacaṃ sarva siddhidam |

na deyaṃ bhaktihīnāya deyaṃ śraddhāvate śubham || 26 ||

anenāsya kṛtā rakṣā na bādhāsya bhavet vyācit |

rākṣasāsura betāla daitya dānava sambhavāḥ || 27 ||

|| iti śrī gaṇeśapurāṇe śrī gaṇeśa kavacaṃ sampūrṇam ||